Blog

Joe Biden yabitangaje mu butumwa bwo kwifuriza Repubulika Iharanira Demokarasi ya Congo isabukuru y’imyaka 62 y’ubwigenge.

Muri ubu butumwa yageneye mugenzi we Félix Tshisekedi n’abanye-Congo kuri uyu wa 30 Kamena 2022, yavuze ko Igihugu cye kiteguye gukomeza gukorana na Repubulika Iharanira Demokarasi ya Congo.

Yagize ati 'Mboneyeho umwanya wo gushimangira imikoranire hagati ya Leta Zunze Ubumwe za America na Repubulika Iharanira Demokarasi ya Congo mu bijyanye n’amahoro, ubukungu no mu kubungabunga urusobe rw’ibidukikije, bigaragaza indangagaciro duhuriyeho ndetse n’inyungu dusangiye mu kuzamura imibereho y’abaturage bacu.'

Perezida Joe Biden yavuze ko ubutegetsi bwe buzakomeza gufasha Repubulika Iharanira Demokarasi ya Congo mu bikorwa byose bigamije 'guteza imbere amahoro, umutekano, ubusugire n’uburenganzira bwa muntu.'

Uyu Mukuru wa Leta Zunze Ubumwe za America atangaje ibi mu gihe muri Repubulika Iharanira Demokarasi ya Congo hakomeje kugaragara ibikorwa by’umutekano mucye kubera imirwano imaze iminsi ihanganishije FARDC na M23.

Tariki 01 Kamena 2022, Perezida Félix Tshisekedi yohereje intumwa muri Leta Zunze Ubumwe za America zirimo Minisitiri w’Ububanyi n’Amahanga, Christophe Lutundula ndetse n’intumwa yihariye y’umukuru w’Igihugu, Serge Tshibangu.

Icyo gihe izi ntumwa zakiriwe n’Umunyamabanga wa Leta wa USA, Anthony Blinken i Washington, baganiriye bibazo by’umutekano mucye bikomeje kugaragara mu burasirazuba bwa DRC ndetse ngo n’ububafasha buturuka mu Bihugu by’abaturanyi.

Yagize ati 'Rero dufite byinshi dusanzwe dukora kandi tuzakomeza kubikora. Nanone Anthony Blinken yizeje Repubulika Iharanira Demokarasi ya Congo ko USA izakomeza kubafasha mu bijyanye n’amahoro n’umutekano ndetse n’ituze mu Burasirazuba bwa DRC.

Biravugwa ko abamwishe babanje kumusambanya.

Uwishwe ni umugore w’imyaka 30 y’amavuko witwa Clementine Mushimiyimana wari ugiye mu kazi ko guhonda amabuye kugira ngo avanwemo andi bita konkase akoreshwa mu gutsindagira umuhanda cyangwa gukora sima ya Beto.

Amakuru y’urupfu rw’uriya mugore yamenyekanye ahagana saa kumi n’ebyiri za mu gitondo ubwo abantu batangiraga kugenda umwe akaza kubona uriya murambo agatabaza.

Mushimiyimana yiciwe mu gishanga nk’uko ifoto ibyerekana kandi uko bigaragara ni ahantu hegeranye n’ivomo kuko hari umuntu ku ruhande camera yafashe agiye kuvoma.

Ni igishanga kigabanya Umudugudu wa Gakunyu n’uwa Ntende muri Ndatemwa mu Murenge wa Kiziguro.

Umunyamabanga nshingwabikorwa w’Akagari ka Ndatemwa witwa Elvin Rwakanyatsi yatangaje ko ibyabaye byabatunguye kandi bibabaje.

Ati : ' Nyakwigendera yari umuturage utunzwe no gushakisha imibereho. Yiciwe mu gahanda kari mu gishanga aho yaciye agana ku kazi asanzwe akora ko guhonda amabuye ngo avemo konkase.'

Rwakanyatsi asaba abaturage kwirinda guca ahantu hashobora kubashyira mu kaga kuko ngo uriya mugore yahisemo guca hariya bikamuviramo biriya byago.

Ngo hari undi muhanda wa nyabagendwa kurushaho ugomba gukoreshwa aho kugira ngo umuntu ace iy’ibusamo kandi ishobora kumukoraho.

Biravugwa ko hari inama yahise ihuza ‘inzego z’ubuyobozi bw’ibanze n’iz’umutekano igamije guhumuriza abaturage no kubasaba gutanga amakuru yazafasha inzego mu ifatwa ry’abakekwaho uruhare mu kwica uriya mugore.

Nyakwigendera yari atuye mu Mudugudu wa Ntende mu Murenge wa Rugarama akaba yahonderaga amabuye mu Mudugudu wa Gakunyu mu Kagari ka Ndatemwa mu Murenge wa Kiziguro.

Ivomo:Taarifa

Imirwano irakomeje muri Teritwari ya Rutshuru aho impande zombi zihanganiye ku dusozi dutandukanye, bamwe bafata umusozi uyu munsi abandi ejo bakawisubiza binyuze mu kibatsi cy’umuriro w’amasasu.

Umuvugizi wa Sokola 2, Lt Col Guillaume Ndjike ku wa Gatanu tariki 1 Nyakanga, 2022 yabwiye itangazamakuru ko ingabo za Leta ya Congo, FARDC zishe muri rusange abarwanyi 27 b’umutwe wa M23, yongeyeho ko mu bishwe harimo'Abasirikare b’u Rwanda.'

Ni mu mirwano ikaze yabaye hagati yo ku wa Kane tariki 30 Kamena n’uwa Gatanu tariki 01 Nyakanga, 2022 ahitwa Ntamugenga.

Yagize ati 'Umwanzi yaratsinzwe. Twishe abantu 27 ku ruhande rwa M23 n’u Rwanda. Twakuye kandi intwaro ku mwanzi, harimo intwaro 5 zo mu bwoko bwa AK-47, ariko kandi n’ibicuruzwa bikoreshwa mu bya farumasi, radiyo ya Motorola, ingofero n’imyenda ya gisirikare 'Made in Rwanda.'

Umuvugizi w’umutwe wa M23 mu gitondo cyo kuri uyu wa Gatandatu tariki 02 Nyakanga, 2022 yabwiye Umuseke ko ibyatangajwe n’ingabo za Leta ya Congo ari ibinyoma .

Abajijwe ibyerekeye iyicwa ry’abarwanyi 27 ba M23 mu minsi ibiri gusa yagize ati 'Mensonge !' barabeshya.

Major Willy Ngoma mu kiganiro cyihariye na UKWEZI yatubwiye ko abavanga u Rwanda mu Ntambara ya M23 ntashingiro bafite anashingamira ko nta nkunga n’imwe rutera uyu mutwe.

Twe nka M23 turashima u Rwanda, ntitwabura kuvuga ukuri ngo dushimishe abantu|| Major Willy Ngoma

Yagaragarije urukiko ko Laurent Bucyibaruta, atabaye Perefe wa Gikongoro ku buryo bw’impanuka, ahubwo ko ari we wagombaga gutegura no gushyira mu bikorwa umugambi wa Jenoside muri iyo Perefegitura.

Mu buhamya burebure yatanze hifashishijwe ikoranabuhanga, ku nzira igoye Abatutsi banyuzemo, kugera kuri Jenoside yabakorewe, Minisitiri Jean Damascene Bizimana, yavuze ko Perefegitura ya Gikongoro yateguriwemo kandi ikageragerezwamo Jenoside, aho mu 1963 hapfuye Abatutsi basaga ibihumbi 20.

Yavuze ko no muri Jenoside yakorewe Abatutsi mu 1994, ari yo Ntara yarokotsemo Abatutsi bake kurusha izindi, bigaragaza ubukana yari ifite.

Yabwiye urikiko kandi ko Laurent Bucyibaruta yavanywe i Kibungo akajyanwa kuba Perefe wa Gikongoro, kugira ngo ashyire mu baturage urwango rwo kwanga Abatutsi rwabibwaga na MRND, kuko uyu mugambi wari waranze kujya mu baturage, bari biganje mu mashyaka ya MDR na PSD. Kuri iyi ngingo, Laurent Bucyibaruta wa MRND, yavuze ko iri shyaka atari ryo ryashyiragaho ba Perefe, kuko byakorwaga mu nama ya Guverinoma igizwe n’amashyaka menshi.

Yagize ati : “Sinari kwanga gukora inshingano, nagiriwe icyizere na Guverinoma. Aho bantumaga ni ho najyaga”.

Minisitiri Bizimana yavuze ko Laurent Bucyibaruta yakoresheje inama muri Cyanika ku itariki 14 Mata, ati : 'Iyo yahamagariraga Abahutu kwica, kwikiza umwanzi, bivuze Umututsi, hagashyirwaho za bariyeri, ari nako bacunga Abatutsi bahungiye kuri Paruwasi, ngo hatagira uhava'.

Minisitiri Bizimana yavuze ko itariki yo kwica Abatutsi yemezwaga ari uko babona ko abo bashaka kwica bahageze, ku buryo iyo baburagamo umwe, bamuhigaga kugeza bamwishe. Bucyibaruta ariko, avuga ko nta nama ishishikariza abantu urwango yigeze akoresha.

Uretse kuvuga ko bahurizaga Abatutsi hamwe kugira ngo babone uko babica bitabagoye, yongeyeho ko Jenoside muri Gikongoro yari yarateguwe.

Atanga urugero ko tariki 7 Mata 1994 indege ya Habyarimana wari umukuru w’Igihugu, iraye iguye Abatutsi batangiye kwicwa, ndetse ngo ibyo byari byaravuzwe, byaranditswe mu binyamakuru bitandukanye birimo ikinyamakuru le Monde, Radiyo Vatican, … bivuga ko mu Rwanda hari gutegurwa Jenoside.

Ni ho ahera avuga ko Jenoside itateguwe mu ijoro indege yaguyemo, ahubwo ko ari ibintu byafashe igihe bitozwa abaturage, ndetse ko Kayibanda Gregoire wabaye Umukuru w’u Rwanda mbere ya Habyarimana ubwe yagiye ku Gikongoro gutangiza ubwicanyi, aha uburenganzira Abahutu kwica Abatutsi, aho uwahohoteraga cyangwa akica Umututsi nta nkurikizi zamubagaho.

Ibyo kandi ngo byanavuzweho kare n’abo yita abahezanguni b’Abahutu mu 1992. Ahera ku ijambo rya Dr Leon Mugesera yavugiye ku Kabaya tariki 22 Ukuboza 1992 ahamagarira Abahutu kwica Abatutsi bakabata muri Nyabarongo bagasubira iwabo muri Ethiopiya.

Yavuze ko Jenoside yakorewe Abatutsi, abayikoze batigeze barobanura cyangwa ngo bagire impuhwe kuko bicaga bose uhereye ku ruhinja, ati : ' Ntimubikore nka 1959 aho abana babarekaga, ahubwo yaba umurwayi, umugore n’umwana bose ni ukubica.'

Minisitiri Bizimana yavuze ko mu mwaka wa 1959 aribwo byashyizwemo imbaraga. Ingabo z’u Rwanda icyo gihe zasohoye inyandiko isinyweho na Col Nsabimana Deogratias wari umwe mu bayobozi bazo ivuga ko umwanzi ari Umututsi, yaba uri imbere cyangwa hanze y’Igihugu.

Ati 'Ibi ni ibyerekana ko kwica Umututsi wese byatangiye mbere ya 1994. Mu 1994 byose byari byarateguwe hasigaye gukusanya Abatutsi aho babasha kubagenzura.'

Minisitiri Bizimana yavuze ko ubwe yabuze abantu mu muryango we bagera kuri 84, bishwe muri Jenoside. Yavuze ko abayobozi bakuru bakwirakwizaga imvugo z’urwango, bakoreshaga amagambo azimije, nk’inyenzi, gukora akazi,.. ariko abo babwira bakamenya icyo bababwiye.

Laurent Bucyibaruta wahoze ari Perefe wa Gikongoro ubu arimo kuburanira mu Bufaransa

Yavuze ko n’ubwo imanza zikurikirana abasize bakoze ibyaha mu Rwanda bagahunga nta wari uzi ko zizagera aho zikaba, imanza nk’izi, zikaba zikenewe kugira ngo Abanyarwanda ndetse n’isi yose bamenye ukuri nyako kuri Jenoside, kandi abakoze ibyaha babihanirwe.

Biteganyijwe ko uru rubanza, ruzasozwa ku itariki 12 Nyakanga 2022.

Minisitiri w’Ubumwe bw’ Abanyarwanda n’Inshingano Mboneragihugu, Dr Jean Damascene Bizimana, yumviswe n’urukiko rwa rubanda rwa Paris, mu rubanza ruregwamo (…)

Kapiteni w’ikipe ya REG BBC, Kaje Elie avuga ko mu Rwanda hari abakinnyi beza benshi ndetse bigoranye kuba yatoranya ikipe nziza kuri we, ariko hari abakinnyi abona bari hejuru y’abandi.

Muri iyi kipe y’abakinnyi 5 bagikina kuri ubu yatoranyije, igizwe n’abakinnyi 4 bakinana muri REG BBC ndetse n’umwe wa Patriots BBC.

1. Nshobozwabyosenumukiza Jean Jacques Wilson

Nshobozwabyosenumukiza ni umukinnyi wa REG BBC ukina nka ‘Point Guard’, ku mwanya we ni we mukinnyi Kaje Elie abona w’umuhanga.

Uretse ibyo anahamya ko bibaye ngombwa ko habonetse amahirwe yahabwa umukinnyi umwe w’umunyarwanda, yemeza ko kuri we yahabwa Nshobozwabyosenumukiza.

2. Niyonkuru Pascal [Kaceka]

Uyu na we ni umukinnyi wa REG BBC ukina nka ‘Shooting Guard’, yakiniye amakipe atandukanye nka Espoir BBC, APR BBC ndetse na REG BBC arimo kuri ubu.

3. Ndizeye Ndayisaba Dieudonne

Ni umukinnyi wa Patriots BBC wavukiye mu karere ka Nyanza, uyu musore ukina nka ‘Small Forward’ ni we mukinnyi utari uwa REG BBC uri kuri uru rutonde.

Ndizeye akaba yanabaye MVP wa shampiyona y’u Rwanda ya 2019.

4. Shyaka Olivier

Shyaka Olivier w’imyaka 26 wanabaye kapiteni w’ikipe y’igihugu, ubu akaba akinira REG BBC ni undi mukinnyi uri kuri uru rutonde. Yakiniye amakipe arimo Kigali City BBC, Espoir BBC na REG BBC.

5.Kaje Elie

Kaje Elie w’imyaka 27 usanzwe ari kapiteni w’ikipe ya REG BBC, ni na we waba ari kapiteni w’iyi kipe. Yanyuze mu makipe atandukanye arimo Patriots BBC ndetse na REG BBC akinira uyu munsi.

Iyi kipe ikaba yaba itozwa n’umutoza wamutoje muri Patriots BBC na REG BBC, Henry Mwinuka.

Uwo muhungu, ni bucura bwa Bazivamo Christophe wabaye Minisitiri mu bihe bitandukanye mu Rwanda. Magingo aya, ni Umunyamabanga Mukuru wungirije w'Umuryango w'Ibihugu bya Afurika y'Iburasirazuba (EAC) ndetse ni na Vice Chairman w'Umuryango wa FPR Inkotanyi.

Amakuru agera kuri IGIHE avuga ko mu ijoro ryo ku wa 28 Kamena, Hirwa yari kumwe n'abandi bagenzi be bari gusangira, umurambo we uza kuboneka bukeye.

Bazivamo yabwiye IGIHE ko bitoroshye kubura umwana mu buryo nk'ubu, kandi nta kibazo kindi yari afite cy'uburwayi. Ati 'Ntabwo yari arwaye, nta kibazo na kimwe yari afite kandi yari kumwe na bagenzi be ijoro ryabanjirije umunsi bamubonyeho yapfuye. Yari kumwe na bagenzi barasangira aho babanaga kugera nijoro saa yine, buri wese ajya kuryama.'

Amakuru y'ibanze umubyeyi we yahawe, ni uko mu ijoro ry'itariki 28 Kamena, Hirwa yari kumwe na bagenzi be baganira, banasangira, bukeye ku itariki 29 Kamena, umurambo we uboneka saa tatu za mu gitondo.

Ati 'Baryamye saa yine bose. Ni yo makuru bagenzi be babanaga batanze. Aho basanze umurambo ntabwo ari kure y'aho batuye, ni nko mu minota itanu, ni hafi y'inyubako z'abanyeshuri bose babamo hafi aho. Polisi yahasanze umurambo, abanyeshuri babanaga aho nabo ntibazi uko byagenze, kuko bagiye kuryamira rimwe.'

Mbere y'uko bajya kuryama, umwe mu basore bari kumwe n'umuhungu wa Bazivamo, ngo bajyanye mu cyumba, asiga azimije amatara aryamye. Mu gitondo bamwe bagiye kwiga, abandi bajya ku kazi, batashye bakirwa na Polisi ibabaza uko byagenze, basobanura ko batazi ibyabaye ko bamuheruka bari kumwe ku mugoroba.

Bazivamo ati 'Polisi icyo ivuga, ni uko iri gushaka za camera kugira ngo bamenye icyabaye ariko babona ko ari umuntu wishwe.

'Ntabwo byoroshye gutakaza umwana mu gihe abantu bagakwiriye kuba bishimye, ukumva umuntu apfuye ari umusore, nta cyaha cye. Kubyakira biragoye kuko hari ibintu biba bikurikira ibindi, abo twatakaje ni benshi kandi umuntu watakaje abantu kongera gutakaza abandi biba bigoye.'

Hirwa yigaga muri Kaminuza ya Arkansas mu bijyanye n'ubumenyi kuri mudasobwa. Yagombaga kurangiza amasomo mu Ukuboza uyu mwaka. Yari afite imyaka 23 y'amavuko.

Uyu musore witabye Imana, ni uw'umugore wa kabiri wa Bazivamo kuko uwa mbere yishwe muri Jenoside yakorewe Abatutsi. Icyo gihe Bazivamo yari mu Budage aho yigaga.

Yigeze kubwira IGIHE ati 'Imfura yanjye Ikirezi, yishwe afite imyaka ibiri n'amezi atatu, yiciwe mu mugongo w'umukobwa wari umuhetse, umudamu wanjye yiciwe hamwe n'umwana yari ahetse wari ufite amezi abiri n'ibyumweru bitatu. Murumuna w'umugore wanjye wari ufite imyaka 12 na we yarishwe, hamwe n'abakozi bo mu rugo.'

Umugore wa Bazivamo muri iki gihe, ni murumuna w'uw'uwishwe muri Jenoside yakorewe Abatutsi.

---