Category: Uncategorized

Yahagurutse ku kibuga cy'indege Mpuzamahanga cya Kigali i Kanombe kuri iki Cyumweru tariki 24 Ugushyingo 2024. Yari aherekejwe n'abo mu muryango we, inshuti n'abandi.

Uyu mukobwa mu 2023 yahigitse bagenzi be yegukana irushanwa rya Rwanda's Global Top Model byamuhesheje amahirwe yo guserukira igihugu kuri iyi nshuro.

Iri rushanwa yitabiriye ryatangiye kuri iki Cyumweru tariki 24 Ugushyingo 2024, ni mu gihe biteganyijwe ko rizasozwa tariki 1 Ukuboza 2024.

Umuyobozi wa Rwanda's Global Top Model, Ndekwe Paulette yabwiye InyaRwanda ko ari ku nshuro ya karindwi bafashije umukobwa guserukira u Rwanda, kandi bizera ko Laura Sarah azatahukana intsinzi.

Ati 'Icyizere cyo gutsinda kirahari ariko birasaba gukora cyane. Igihe duherukira muri Miss Africa Golden ni mu 2022, kandi twabashije kugera muri batanu ba mbere. Ubu rero kuri iyi nshuro turahirimbanira kujya imbere y'aho.'

Yavuze ko bahisemo kwitabira iri rushanwa, kubera ko riha agaciro umwana w'umukobwa kandi rikamushyigikira mu bikorwa byose.

Akomeza ati 'Ni ku nshuro ya Karindwi dufashije umukobwa kugenda. Twahisemo Miss Africa Golden kubera impinduka bazanye zo gufasha utsinze kumuzamura mu bikorwa mpuzamahanga. Kandi ni irushanwa twibonamo kuko riga agaciro abirabura.'

Ni ku nshuro ya Kabiri Embrace Africa yohereje umukobwa muri Miss Africa Golden International, ariko ni ku nshuro ya karindwi bohereje umukobwa mu bikorwa mpuzamahanga.

Miss Africa Golden ni irushanwa mpuzamahanga ry’abirabura bose bo ku migabane yose y'Isi, abadakomoka muri Afurika bo baba babita ko bafite 'Afro Roots' mu gihe birabura. Nk'ubushize, igisonga cyabaye umukobwa wo mu Buhinde.

Kuri iyi nshuro uzatsinda bazamufasha gukomeza kwitabira ibikorwa mpuzamahanga. Mu ntego zabo, bagaragaza ko badashaka gukora nk'andi marushanwa akomoka muri Afurika, aho umukobwa atsinda bikaba birarangiye akicarana ikamba.

Bo, bagaragaza ko uzatsinda urugendo rwe ruzaba rutangiye mu bikorwa mpuzamahanga.

Banavuze ko umukobwa uzatsinda bazamufasha guserukira igihugu cye mu irushanwa World Next Top Model 2025 rizabera mu Mujyi wa Beirut muri Lebanon muri Gicurasi 2025. 

Bati 'Ubuyobozi bwa Miss Africa Golden International tuzishyura buri kimwe gisabwa nk'amatike y'indege, aho kurra n'ibindi.

Umukobwa utsinda muri iri rushanwa kandi afashwa kwitabira amarushanwa mpuzamahanga nka Miss Universe, Miss World, Miss International, Miss Supranational, Miss Earth, Miss Grand International, Miss Supraglobal, Universal Woman, Miss Aura International, World Next Top Modeli n'andi akomeye ku Isi.

Iri rushanwa ryatangiye kubera muri Nigeria kuva kuri iki Cyumweru tariki 24 Ugushyingo 2024, rizasozwa ku wa 1 Ukuboza 2024, ni mu gihe abakobwa bazasubira mu bihugu byabo ku wa 3 Ukuboza 2024. 

Laura Sarah yaserukiye u Rwanda mu irushanwa Miss Africa Global International 2024

Mu 2023, uyu mukobwa yahigitse abandi atwara ikamba ra Rwanda’s Global Top Model 

Iri rushanwa Sarah yitabiriye ryatangiye kuri iki Cyumweru, rizasozwa ku wa 1 Ukuboza 2024

Ndekwe Paulette [Uri iburyo] yavuze ko bizeye ikamba muri Miss Africa Global International 2024

Ni ku nshuro ya Karindwi, Embrace Africa ifashishije umukobwa guserukira u Rwanda

Yakiriwe ku rubyiniro na Deeejay Kerb uri mu bagezweho muri kiriya gihugu, maze yinjira ku rubyiniro afite ibendera ry'u Rwanda, mu gitaramo gikomeye yahakoreye mu ijoro ryo kuri iki Cyumweru tariki 24 Ugushyingo 2024. 

Ni igitaramo cyabereye ahazwi nka Nomad Bar Grill. Uyu musore yari amaze igihe atumirwa muri iki gitaramo bihurirana n'akazi yari ahafite.

Ubwo yari ahamagawe ku rubyiniro, yavuzwe nk'umuhanzi wari ukumbuwe n'abanyarwanda n'abanya-Uganda babarizwa muri kiriya gihugu.

Ari ku rubyiniro, yinjiriye mu ndirimbo 'Fou de Toi' yakoranye na Bruce Melodie na Ross Kana, bigera ubwo ashyira ku ruhande ibendera ry'u Rwanda yari yiteye, asigarana isengeri, ubundi aranzika mu zindi ndirimbo yari yateguye.

Uyu musore yanaririmbye indirimbo ze zirimo nka 'Kashe', 'Milele' aherutse gushyira ku isoko, ashima uko yakiriwe. Yabwiye Abanyarwanda n'Abanya-Uganda babarizwa muri kiriya gihugu ati 'Ndabona abakobwa beza hano. Nari mbakumbuye, nizeye ko namwe ari uko.'

Iki gitaramo cyabereye muri kari kabyiniro, cyahuje amagana y'abantu, kandi bitewe n'uko umubare munini w'abacurangaga ari ba Dj, byatumye Element aririmba mu buryo bwa 'Plack Back'.

Ubwo Deejaykerb yamwakiraga hari aho yagize ati 'Mwiteguye kwakira Element, banyarwanda, namwe banya-Uganda, niba witeguye vuga uti Element turashaka gutama.'

Hari aho Element yagiye asaba Dj kureka gucuranga indirimbo, ubundi akaririmba mu buryo bwa Live afatanyije n'abari bitabiriye iki gitaramo, biganjemo cyane abasore n'inkumi n'abandi b'abanyabirori muri iki gihugu. Muri iki gitaramo kandi uyu muhanzi yanaririmbye indirimbo 'Sikosa' yakoranye na The Ben na Kevin Kade.

Element asobanura ko uretse gutaramira muri iki gihugu, yanajyanwe no gukorera indirimbo abahanzi batandukanye muri iki gihugu. Yaherukaga gutaramira muri iki gihugu muri Nzeri 2023.

  

Abanyarwanda babarizwa muri kiriya basazwe n'ibyishimo babonye Element aserukanye ibendera 

Ni igitaramo cya Kabiri Element akoreye muri Uganda, kandi agaragaza ko yari akumbuye kubataramira 

Hari bamwe mu bafana bitabiriye iki gitaramo bagiye basangiza abandi amashusho agaragaza uko byari bimeze 

Element yitaye cyane ku ndirimbo yagiye akorana n'abandi bahanzi zikunzwe muri iki gihe  

Umunyarwenya Alex Muhangi uri mu bagezweho muri Uganda, yagaragaje ko ari mu bitabiriye igitaramo cya Element

 

Mbere yo kuririmba muri iki gitaramo, Element yabanje gusohora amafoto agaragaza imyambaro ari buserukane

KANDA HANO UREBE AMASHUSHO Y’INDIRIMBO ‘MILELE’ YA ELEMENT

“>

Nyuma yo gusura Urwibutso rwa Jenoside rwa Kigali ruherereye ku Gisozi, Steve Harvey yageneye ubutumwa bwihariye Isi yose muri rusange, ashishikariza amahanga gukangukira kumenya ukuri, ahishura ko nubwo i Hollywood badashishikariye kumenya ukuri we yari afite amatsiko menshi yo gusobanukirwa Jenoside yakorewe Abatutsi mu Rwanda.

Yagize ati: “Ku batuye Isi, ntekereza ko bakeneye kumenya ukuri kwa nyako kandi ntekereza ko ukuri gukwiye gutangazwa. Ndabizi Hollywood ntishishikajwe no kumenya ukuri ariko njye maze igihe nshishikajwe na ko.”

Steve yakomeje avuga ko mbere atumvaga uburemere bw’ibyabaye mu Rwanda, ati: “Abantu miliyoni mu minsi 100. Biteye ubwoba kandi byabaye mu gihe gito. Kandi iyo utababariye, ntushobora gutera imbere. Kubabarira ntabwo akenshi bireba uwakoze icyaha, ahubwo nawe birakureba kugira ngo ubashe gukomeza ubuzima.”

Uyu munyarwenya yavuze ko yishimiye u Rwanda n’abarutuye kandi abantu akaba ariwo mutungo wa mbere w’Igihugu. Yongeyeho ko icyo azashobora gukora cyose azagikora ku bw’u Rwanda.

Uyu munyarwenya uri mu bakomeye i Hollywood, yari aherutse kwerekana ko yanyuzwe no guhura na Perezida Kagame aho yagize ati: ”Twanyuzwe no guhura na Nyiricyubahiro akaba n’umuvandimwe wanjye, Perezida Paul Kagame. Nigiye ku mbaraga ze no kwicisha bugufi kwe.'

Yongeyeho ati: ”Ni ubuhamya bwerekana ubudaherwanwa bw’u Rwanda no kubabarirana”.

Ibi yabivuze nyuma y’uko ku wa Kabiri w’iki Cyumweru, Steve Harvey yasuye Urwibutso rwa Jenoside rwa Kigali ruherereye ku Gisozi, aho yigishijwe amateka ya Jenoside yakorewe Abatutsi mu 1994.

Incamake kuri Steve Harvey uherutse gusura u Rwanda:

Perezida Kagame na Steve Harvey baganiriye ku ngingo zitandukanye zijyanye n'imikoranire n'ishoramari ryashoboka mu ngeri zitandukanye zirimo no gutegura ibikorwa bitandukanye birimo n'iby'imyidagaduro.

Steve Harvey yageze mu Mujyi wa Kigali ku wa 18 Ugushyingo 2024. Muri gahunda ze yasuye Urwibutso rwa Jenoside rwa Kigali ruri ku Gisozi, anunamira inzirakarengane za Jenoside yakorewe Abatutsi mu 1994 ziharuhukiye.

Broderick Steven Harvey wamamaye mu mazina ya Steve Harvey, yabonye izuba ku wa 17 Mutarama 1957. Yavukiye mu Mujyi wa Welch muri Leta ya West Virginia.

Steve Harvey yakuriye mu Mujyi wa Cleveland. Yize muri Kaminuza ya Kent State University ariko ntiyasoza amasomo ye.

Mu kubyiruka kwe, Steve Harvey yagerageje gukora imirimo itandukanye ariko ahirwa cyane n'ijyanye n'ubucuruzi.

Mu 1985 ubwo yakoraga mu bijyanye n'ubwishingizi, yegukanye irushanwa ry'urwenya ry'abatarabigize umwuga, kuva ubwo ahitamo gutangira urugendo nk'umunyarwenya.

Mu gutangira urugendo rwe rwo gusetsa yifashishaga inkuru zerekeye ubuzima bwe ndetse agwiza igikundiro cyatumye yifashishwa cyane mu tubari n'utubyiniro.

Mu 1990, Steve Harvey yarushijeho kwamamara ndetse anagaragara kuri televiziyo mu ruhererekane rw'imikino irimo 1990 Johnnie Walker National Comedy Search na Def Comedy Jam mu 1993.

Ubwamamare bwe bwatumbagiye ahanini bishingiye ku mpano ye yo gusetsa ndetse no gutanga inama zijyanye n'urukundo.

Mu rugendo rwe, Harvey yakomeje gukuza impano ye y'urwenya ndetse asohora album yise 'Steve Harvey Live—Down South Somewhere mu 1997.

Ahagana mu 1990, Harvey yatumiwe mu bitaramo birimo 'Kings of Comedy tour' hamwe na Cedric the Entertainer, D.L. Hughley na Bernie Mac. Ibyo yakinnyemo byifashishijwe muri filime zitandukanye zirimo The Original Kings of Comedy (2000) ndetse na The Fighting Temptations (2003), You Got Served (2004) na Johnson Family Vacation (2004).

Kuva mu 1993 kugera mu 2000, Harvey yatangiye kuyobora ikiganiro cyo kuri televiziyo cyitwa Showtime at the Apollo.

Muri icyo gihe yanatangiye ikiganiro cy'urwenya gica kuri televiziyo yise 'Me and the Boys', aho yakinaga yishushanya nk'umugabo wapfushije umugore we, agasigara arera abana batatu. Iki kiganiro cyarakunzwe cyane ariko nticyarambye kuko cyamaze umwaka umwe gusa (1994—95).

Ikiganiro cya kabiri cya Steve Harvey yacyise 'The Steve Harvey Show' (1996—2002) kigaruriye igikundiro cyane.

Harvey yaje no gutangira kuyobora ikiganiro yise Family Feud na Celebrity Family Feud kuva mu 2010, gikubiyemo umukino wo kubaza abakundana ibibazo.

Iki cyamamare cyanayoboye ibiganiro bitandukanye birimo 'Little Big Shots' [2016-2019] kigamije guhuza abana bafite impano mu gusetsa ndetse n'ibindi nka 'Little Big Shots Forever Young' na 'Steve Harvey's Funderdome'.

Harvey yanakoze kuri radio aho kuva mu 1996 yayoboraga ikiganiro cya mu gitondo kuri WGCI-FM yo mu Mujyi wa Chicago. Yanayoboye ibiganiro na gahunda za radio kuva mu 2000 kugeza atangije The Steve Harvey Morning Show mu 2005.

Mu biganiro bye, Harvey yagiraga inama abahamagara kuri radio zerekeranye n'urukundo n'ubuzima busanzwe ndetse byatumye atangira kwandika ibitabo birimo 'Act like a Lady', 'Think like a Man: What Men Really Think About Love', 'Relationships, Intimacy, and Commitment' cyasohotse mu 2009, kikanagurishwa cyane.

Ibindi bitabo yanditse birimo 'Straight Talk, No Chaser' (2010) na 'Act like a Success, Think like a Success: Discovering Your Gift and the Way to Life's Riches' (2014).

Kuva mu 2010, yatangiye kuyobora Steve & Marjorie Harvey Foundation, umuryango utanga ubufasha bwo kwita ku bakiri bato badafite ababyeyi babo b'abagabo.

Mu 2015, Harvey w'imyaka 67 yanditse amateka yo guhabwa kuyobora Irushanwa ry'Ubwiza, Miss Universe.

Umunyarwenya Steve Harvey yashishikarije amahanga gushishikarira kumenya ukuri kuri Jenoside yakorewe Abatutsi mu Rwanda mu 1994 

 

Amakuru ava mu baturanyi n'abo mu muryango wabo, avuga ko uyu muryango wabanje kubana ariko bakage aho bagatana, ndetse uwo nyakwigendera akajya kwishakira undi mugabo.

Ngo uyu Tuyizere (wari umugabo we) yakomeje kumusanga mu rugo rushya akajya amutoteza maze uwo mugore ahitamo gusohoka mu rugo rushya agaruka mu rugo rwa mbere.

Bidateye kabiri, Tuyizere yongeye guhohotera umugore we, kugeza ubwo kuri uyu wa 24 Ugushyingo uyu mwaka mu masaha ya saa kumi z'umugoroba, Mukandayisenga yumvikanye asohoka mu nzu atabaza abaturanyi be yambaye ubusa ku gice cyo hejuru cy'umubiri, ageze hanze ahita yitura hasi.

Abaje kumureba batabaye basanze ari kuvirirana amaraso menshi, maze ahita apfa. Bivugwa ko umugabo we ukekwa mu rupfu rwe we yahise aburirwa irengero.

Umuvugizi wa Polisi y'u Rwanda, mu Ntara y'Amajyepfo, SP Emmanuel Habiyaremye, yahamirije IGIHE yavuze ko koko umugabo w'imyaka 28 yatangiye gushakishwa akekwaho kwica umugore we agahita atoroka.

Ati 'Ni byo koko, ubu n'iperereza ryatangiye, turi gushakisha ukekwa, igikorwa kirakomeje.''

SP Habiyaremye, yakomeje yibutsa abaturage kujya batanga amakuru ku miryango yaba ibanye mu makimbirane hagakumirwa ubugizi bwa nabi nk'ubu butaraba, anahumuriza abavandimwe ba nyakwigendera ko umugizi wa nabi we agomba kuboneka byanze bikunze, agashyikirizwa ubutabera.

Nyakwigendera asize abana babiri. Kuri ubu umurambo we woherejwe ku Bitaro bya Remera Rukoma byo mu Karere ka Kamonyi, ngo ukorerwe isuzumwa.

Ubwo hatahwaga ikiraro cyo ku Mwuzi uhuza, Umurenge wa Shingiro n'uwa Musanze mu Karere ka Musanze, wajyaga wuzura amazi mu gihe cy'imvura ababyeyi bagahagarika imitima kubera ko abana bawambukaga bakagwamo, Akarere ka Musanze kemeje ko muri uyu mwaka w'ingengo y'imari hazubakwa ibiraro icyenda bizatwara miliyoni 625 Frw.

Uwo mwuzi wari uteye ababyeyi n'abanyeshuri impungenge zikomeye kuko wakundaga guteza impanuka nyinshi mu gihe cy'imvura bamwe bakahasiga ubuzima, ndetse no mu kwezi kwa Gicurasi uyu mwaka hari umwana w'umunyeshuri waguyemo yitaba Imana.

Bamwe mu babyeyi baturiye uyu mwuzi bavuga ko babayeho igihe kinini bahangayitse, ngo ku buryo iyo imvura yagwaga bahangayika cyane kubera ko abana babo bajyaga bagwa muri uwo mwuzi ukabatwara.

Muhayimpundu Odette ni umwe muri bo, yagize ati “Iki kiraro kidukijije impanuka nyinshi twahuraga nazo, abana iyo bavaga ku ishuri amazi yabaye menshi bagerageza kuyambuka bakagwamo bamwe bagapfa, iyo watekerezaga ko imvura iguye umwana akiri ku ishuri twahangayikaga cyane ariko ubu turasubijwe.”

Kamikamuntu Agnes nawe ati” Imvura iyo yagwaga ababyeyi twarahangayikaga cyane no kurya bikatunanira, twatatse kenshi ngo bahadushyirire ikiraro none barakiduhaye ubu tugiye kuryama dusinzire abana bajye ku ishuri bagaruke amahoro, kandi n'ubuhahirane bwasaga n'ubwahagaze bugiye gukorwa neza.”

Umuyobozi w'Akarere ka Musanze wungirije ushinzwe imari, ubukungu n'iterambere, Uwanyirigira Clarisse, nawe yemeza ko imiterere y'uyu mwuzi yari ibahangayikishije ariko ko batangiye gahunda yo kubaka ibiraro bizafasha abaturage mu gukomeza ibikorwa byabo n'imihahiranire.

Yagize ati “Nibyo koko iki kiraro hari byinshi kije kudufasha, hari abana benshi bagiraga impungenge zo kujya ku ishuri kubera uko hari hateye, ndetse hari n'umwana uherutse kukigwamo ubwo yavaga ku ishuri birangira yitabye Imana.”

“Ubu noneho izo mpungenge twabwira ababyeyi ko zashira bakajyana abana ku ishuri na bamwe basibaga bakabasubizayo kuko bagiye kwiga batekanye, birongera umutekano n'ireme ry'uburezi kuri bo, ibi kandi bijyane n'ubuhahirane bugiye koroha.”

Iki kiraro cyubatswe ku bufatanye bw'Akarere ka Musanze na Bridges to Prosperity, cyuzuye gitwaye asaga miliyoni 62 Frw.

Biteganyijwe kandi ko muri iyi ngengo y'imari y'uyu mwaka mu Karere ka Musanze hazubakwa ibiraro icyenda mu mirenge itanu, byose hamwe bizatwara ingengo y'imari ingana miliyoni 625 Frw.

Biteganyijwe ko hazubakwa ibiraro icyenda ku migezi ikura amazi mu birunga yari iteje umutekano muke

Abaturage bishimiye ibiraro biri kubakwa kuko byari bibangamiye umutekano wabo

Steve Harvey asura urwo rwibutso yatambagijwe ibice binyuranye byarwo ndetse anasobanurirwa amateka yagejeje kuri Jenoside yakorewe Abatutsi.

Mu butumwa yahatangiye yashishikarije abatuye Isi kumenya ukuri kuri Jenoside yakorewe Abatutsi kuko ari imwe mu zakoranwe ubakana bukomeye.

Ati 'Ku batuye Isi, ndatekereza ko mu by'ukuri bakwiye kumenya ukuri kw'ibyabaye kandi uko kuri gukwiye kuvugwa. Nk'uruganda rwa sinema rwa Hollywood ntirushishikajwe n'uko kuri kandi narubayemo igihe kirekire, ukuri si umwihariko wabo'.

'Sindiyumvisha mu by'ukuri ubukana byakoranywe ku buryo abantu barenga miliyoni bishwe mu minsi 100! Biteye ubwoba'.

Steve yakomeje avuga ko nubwo ayo mateka ashaririye cyane yabayeho, ariko kubabarira ari ingenzi kuko iyo bitabaye nta terambere rishoboka.

Ati 'Kubabarira ntibiba bigenewe buri gihe uwakoze icyaha ahubwo na mwe mwari mubikwiye kugira ngo mubashe gutera intambwe ijya imbere. Nishimiye uburyo abarokotse bakomeye kandi nshimishijwe n'aho iki gihugu cyavuye n'intambwe kiri gutera. Ndatekereza ko gifite amahirwe menshi kuko gifite abantu bakomeye kandi umutungo ukomeye burya ni abantu, iyo ubafite uba ufite uburyo'.

Steve yasoje avuga ko inkunga ishoboka mu bushobozi bwe yiteguye kuyitanga mu rwego rwo gushyigikira intambwe y'iterambere u Rwanda rukomeje gutera.

Broderick Stephen Harvey w'imyaka 67, ni umunyamakuru kuri televiziyo, umunyarwenya, umukinnyi wa filime, umwanditsi na rwiyemezamirimo muri Amerika.

Yamamaye mu biganiro nka The Steve Harvey Morning Show, Family Feud, Celebrity Family n'ibindi. Yagiriye uruzinduko mu Rwanda kuva ku itariki ya 18 Ugushyingo aho yahuye na Perezida Paul Kagame ndetse asura n'ibice bitandukanye mu Mujyi wa Kigali.

Steve Harvey yanyuzwe n’uburyo u Rwanda rutaheranywe n’amateka

Yeretswe uburyo itangazamakuru ryagize uruhare muri Jenoside yakorewe Abatutsi

Steve Harvey yasobanuriwe ibyo Igihugu gikora ngo gikomeze kwiyubaka

Byabereye mu turere dutatu turimo Kamonyi mu Murenge wa Runda, Akagari ka Muganza, Umudugudu wa Nyagacyamo, ahafashwe abantu bane b'igitsina gabo bari hagati y'imyaka 17 na 30.

Uyu mukwabu wanabaye mu Karere ka Nyamagabe, Umurenge wa Gasaka, Akagari ka Nyamugali mu Mudugudu wa Nyabivumu, aho abantu batandatu b'igitsina gabo bari hagati y'imyaka 27 na 47 bafashwe, ndetse no mu Karere ka Nyaruguru mu mirenge ya Ngoma na Ngera, ahafashwe abantu batanu b'igitsina gabo bari hagati y'imyaka 17 na 40.

Umuvugizi wa Polisi mu Ntara y'Amajyepfo, SP Emmanuel Habiyaremye, yemereye IGIHE iby'aya makuru, avuga ko ibi byose biri muri gahunda isanzwe ya Polisi yo gukumira no kurwanya ibyaha muri rusange hashingiwe ku makuru aba yatanzwe n'abaturage ku hari umutekano muke.

Ati 'Birakorwa muri gahunda isanzwe yo gukumira no kurwanya ibyaha, ariko twibanda cyane aho tubona hateye ikibazo. Urumva niba abantu batega abandi bakabambura bakanabakomeretsa, bariya bantu baba ari abanyabyaha buriya.''

'Aho hantu abaturage batwereka tugomba kuhahanga ijisho, ni yo mpamvu ubona tujya mu mabuye y'agaciro tukahashinga agati kubera ingaruka biteza n'ahandi henshi tubona ko ari ingenzi mu gukumira ibyaha.''

SP Habiyaremye yakomeje avuga ko ibi bikorwa bizakomeza hagamijwe guhashya abagizi ba nabi, asaba abaturage gukomeza ubufatanye batanga amakuru, anibutsa ko ntawe ukwiye guhishira cyangwa kwirengagiza gutanga amakuru ku munyacyaha kabone n'ubwo yaba afitanye isano y'amaraso n'uyatanga kuko ubutaha ari we agirira nabi.

Yanasabye abagiteza umutekano muke badashaka kubivamo, kwitegura ingaruka kuko nta gahenge bateze guhabwa na Polisi.

Kuri ubu abatawe muri yombi kuri iyi nshuro bose bufungiye kuri sitasiyo za Polisi za Runda muri Kamonyi, Gasaka muri Nyamagabe na Ngera muri Nyaruguru.

Muri uku kwezi k'Ugushyingo gusa hamaze gufatwa abantu bagera kuri 84 bakekwaho ibikorwa bitandukanye birimo ubujura ndetse no gucukura no kugura amabuye y'agaciro mu buryo butemewe.

Abantu batanu bafatiwe i Nyaruguru mu mirenge ya Ngoma na Ngera, ubu bafungiye kuri sitasiyo ya Polisi ya Ngera

Iyo mpanuka yabereye ku muhanda Gicumbi-Base ubwo imodoka yo mu bwoko bwa coaster yari itwaye abanyamuryango ba FPR Inkotanyi bo muri Gicumbi berekeje mu nana i Musanze yananirwaga gukata ikorosi igata umuhanda.

Umuntu umwe yahise yitaba Imana, mu gihe abandi 28 bakomeretse harimo barindwi bakomeretse bikabije.

Umuyobozi w'Akarere ka Gicumbi, Nzabonimpa Emmanuel yahamirije IGIHE ko uwaburiye ubuzima muri iyo mpanuka ari Nyirandama Chantal.

Ati 'Uwari nyiri Nice Garden Hotel yaguye muri iyo mpanuka. Yari umubyeyi ufite ubushake bwo kwiteza imbere kandi wabonaga bigenda kuko yari yaranafunguye andi mashami. Ni igihombo gikomeye kuko yari n'umunyamuryango wa FPR Inkotanyi utanga icyizere cy'ahazaza'.

Nzabonimpa yakomeje avuga ko kubura Nyirandama ari n'igihombo ku bikorera muri Gicumbi ariko ko bazagerageza gutera ikirenge mu cye.

Ati 'Nyirandama yari n'umuyobozi mu gashami k'abafite amahoteli mu rugaga rw'abikorera muri Gicumbi, urumva ko na byo ari igihombo ariko abikorera bazakora uko bashoboye bazibe icyo cyuho'.

Yongeyeho ko nyakwigendera yari afitiye akamaro umuryango mugari muri rusange kuko hari benshi batangaga ubuhamya yagiye aha akazi muri hoteli ye ariko akabafata nk'abana be, bigatuma babasha kwiyubaka na bo bagatera imbere.

Meya Nzabonimpa yaboneyeho gushima umuryango RPF Inkotanyi wababaye hafi muri ibyo byago bagize kuko inama yawo yari igiye kubera i Musanze yahise isubikwa Ubunyamabanga Bukuru bwawo n'Intara y'Amajyarugura baza kwifatanya n'abagize ibyago muri rusange by'umwihariko banasura umuryango wa nyakwigendera.

Nyakwigendera Nyirandama Chantal yari nyiri hoteli yitwa Nice Garden yatangiye ari restaurant mu 2015, kuri ubu ikaba yari imaze gufungura ishami ryayo ndetse na restaurants ibyiri ziyishamikiyeho.

Iryo shami ryayo na ryo riri mu Karere ka Gicumbi ryafunguwe ku itariki 30 Kanama 2024 ritwaye arenga miliyoni 350 Frw.

Muri ibyo bikorwa bye by'ubucuruzi nyakwigendera yakoreshaga abakozi bagera kuri 40 bahoraho wongeyeho n'abandi bakoraga nyakabyizi bitewe n'akazi gahari.

Mu kiganiro yigeze kugirana na IGIHE nyakwigendera yavuze ko ashimira ubuyobozi bw'Igihugu ku mahirwe bwamuhaye nk'umugore akabasha kwiteza imbere; ibyaje no kumuhesha kujya mu mahugurwa y'amezi ane mu by'ubucuruzi n'amahoteli yabereye muri Amerika mu 2017.

Nyirandama Chantal washinze hoteli Nice Garden yahitanywe n’impanuka y’imodoka

Iyi hoteli ya Nyirandama Chantal yuzuye itwaye miliyoni 350 Frw