Category: Uncategorized

Ibi, byagarutsweho ubwo uyu muryango BRAC wagiranaga ibiganiro n'abaturage ndetse n'abayobozi b'inzego z'ibanze bo mu Karere ka Huye, Umurenge wa Rusatira, ku ngingo z'iterambere harwanwa ihohotera mu miryango, no kurushaho kumenyekanisha uburenganzira bwa muntu no kumenya kurwanya ihohoterwa ryamukorerwa.

Ubusanzwe, BRAC, ni umuryango washinzwe mu 1972 muri Bangladesh, ugamije guteza imbere abari mu bibazo, aho washinzwe n'Umunya-Bangladesh, Fazle Hasan Abed, ukaba warageze mu Rwanda mu 2019.

Ni umuryango ufite igice cy'ikigo cy'imari iciriritse mu Rwanda gifite amashami 34 mu gihugu hose (BRAC Rwanda Microfinance Company PCL), ndetse n'ikindi cy'umuryango utegamiye kuri Leta (NGO), cyatangiye ibikorwa mu 2023, ari nacyo kigaragara kenshi mu bikorwa byo kurengera umugore, kumuzamurira ubushobozi n'imibereho.

Bamwe mu bagore n'abakobwa bo mu turere two mu Ntara y'Amajyepfo bamaze gusogongera ku byiza bya BRAC, bavuze ko inyigisho bahawe zibafasha kwigobotora ihohoterwa, bagatwaza bagana aheza.

Umwe mu bakobwa babyariye iwabo utashatse ko amazina ye ajya ahabona, yabwiye IGIHE ingorane yahuye nazo nyuma yo kubyarira kabiri iwabo n'uburyo yagiye abaho ubuzima bubi kubera abo bana yabyaye.

Ati'' Hari n'igihe najyaga gukora ikiraka nshaka amafaranga yo kugura amavuta yo kwisiga, nayageza mu rugo bakayanyaka ngo ninyazane bayarye kuko n'ubundi abana banjye ari bo barya cyane, ugasanga nyine binsubije inyuma.''

Yakomeje avuga uburyo nyuma yo kumenya uburenganzira bwe abikesha inyigisho za BRAC, ubu yatangiye kwisobanukirwa, aho yongeye kwiremamo icyizere ndetse afite intego zo kwagura ubucuruzi kugira ngo akomeze yisumbure mu mibereho.

Umukozi w'Umuryango BRAC ushinzwe guteza imbere uburinganire no kurwanya ihezwa mu muryango, Uwambayingabire Delphine, yavuze ko nka BRAC bateguye iki gikorwa cyo kuganiriza abakobwa babyariye iwabo, bagira ngo batange umusanzu wabo mu kurwanya ihohotera binajyanye n'ubukangurambaga bw'iminsi 16 buri mu gihugu bugamije kurwanya ihohotera mu miryango.

Yagize ati “Twashatse kuganiriza aba bakobwa babyariye iwabo, ngo tubereke uruhare rwabo mu kwirinda ihohoterwa ribakorerwa no kubamenyesha ko bafite uburenganzira bwo kuba barenganurwa.”

Yakomeje agira ati 'Twashatse kandi no kubamenyesha icyo ihohotera ari cyo, kuko hari bamwe bumva ihohotera nko gukoreshwa imibonano mpuzabitsina ku gahato gusa kandi birenze ibyo.''

Yifashishije insanganyamatsiko y'uyu mwaka ivuga kukurandura ihohotera mu miryango, yavuze ko ababyariye iwabo, baba bari mu miryango kandi ari nayo ibahohotera, bamwe bakabyakira bumva ko ari ibihano barimo, ari nayo ntandaro yo kudindira mu iterambere, haba mu mitekerereze no mu bukungu.

Umuyobozi wungirije w'Inama Njyanama y'Umurenge wa Rusatira, Murangira Jean Damascene, yavuze ko kuganiriza abaturage ku ihohoterwa mu buryo bwagutse, ari inkunga ikomeye cyane kuko byubaka umuryango uhamye.

Ati “Igihugu cyacu cyifuza umuturage uteye imbere kandi utekanye, kandi ibyo binyura mu kubana neza mu muryango uzira ihohotera. Iyo tugize amahirwe tukabona umufatanyabikorwa nk'uyu ubigarukaho, biba ari iby'agaciro kuko bitwunganira mu kugeza ubutumwa kuri benshi hagamijwe kurandura ihohotera.''

Yakomeje avuga ko BRAC ishimwa ko itibagiwe no kureba ku ngingo y'ubukungu aho ifasha abagore bakiri bato gutekereza imishinga iciriritse y'iterambere ikanayitera inkunga, maze abayikora bagakirigita ifaranga, nk'umusaruro ukomoka muri porogaramu yiswe AIM (Accelerating Impact for Young Wowen) ireba abagore kuva ku myaka 12 kugeza kuri 35.

Kuri ubu, BRAC ikorera mu Ntara y'Amajyepfo mu turere twa Huye, Nyanza na Ruhango, aho imaze kugera ku bafatanyabikorwa ibihumbi bine.

Ifite intego yo kugera ku bihumbi 18 mu mwaka utaha, aho izaba ikorera mu turere dutandatu, hiyongereyeho Muhanga, Nyaruguru na Nyamagabe.

Muri ibi biganiro, byagaragajwe ko abakobwa babyarira iwabo bagihura n’imbogamizi zitandukanye zirimo no gutotezwa n’imiryango yabo

Uwambayingabire Delphine, umukozi w'Umuryango BRAC, yavuze ko bahisemo gutanga umusanzu wabo mu kurwanya ihohoterwa kuko ridindiza iterambere

Mu rwego rwo kubaka umugore ushoboye kandi ubayeho neza, Umuryango BRAC, ugira n’inkunga zitishyurwa ugenera abagore n’abakobwa zibafasha gukora bakiteza imbere

Umuyobozi wungirije w'Inama Njyanama y'Umurenge wa Rusatira, Murangira Jean Damascene, yavuze ko yavuze ko kubona umufatanyabikorwa nka BRAC mu kurwanya ihohotera ari iby’agaciro

Inzego zose za BRAC, zahagurukiye kubakira umugore ubushobozi, zihereye mu kumurinda ihohoterwa

Abaturage b’i Rusatira, barimo n’abakobwa babyariye iwabo, bongeye kwibutswa ko kwimakaza ihohoterwa mu miryango ari nko guha ikaze imungu yangiza amahoro n’iterambere

Abayobozi b’inzego z’ibanze barimo ba Mudugudu, Abajyanama b’ubuzima, inshuti z’umuryango n’abandi, basabwe kurushaho kuba ijisho ry’abashobora guhohoterwa aho batuye bakajya babakorera ubuvugizi

Ubuhamya bwatanzwe n'abakobwa batewe inda imburagihe bo mu Murenge wa Musha uherereye mu Karere ka Rwamagana, bagaragaje inzira z'inzitane banyuzemo bakimara kumenya ko batewe inda.

Umukobwa watewe inda afite imyaka 19 yiga mu mwaka wa gatatu w'amashuri yisumbuye, yavuze ko umusore bari batangiye gukundana bya cyana yamushutse ngo ajye kumureba mu rugo iwabo bikarangira amufashe ku ngufu.

Ati 'Icyo gihe byari mu gifungo arambwira ngo nimunyureho gato ambwire, njya kumureba, ngezeyo birangira amfashe ku ngufu ahita anantera inda, ni ubwa mbere narimbikoze [imibonano mpuzabitsina! Sinari nzi ko nanatwita ariko byarangiye bibaye. Nyuma nakomeje kubura imihango kugeza ubwo nagiye kwa muganga nsanga ndatwite, ubuzima bwakurikiyeho ni uko ababyeyi bancunaguje cyane.'

Uyu mukobwa yavuze ko kuri ubu uwo musore babyaranye atajya amufasha ikintu na kimwe ndetse yananze kwiyandikishaho umwana babyaranye ari na ko gahinda afite kuri ubu.

Yavuze ko yakomeje kubaho mu gahinda kugeza ubwo yafashijwe kwiga umwuga w'ubudozi ari na wo arambirijeho mu kwiteza imbere kuko kuri ubu yatangiye kubona ibiraka byo kudoda.

Undi mukobwa watewe inda yiga mu mashuri abanza mu mwaka wa gatandatu ndetse akaba asanzwe anafite ubwandu bwa virusi itera Sida, we yavuze ko yababajwe n'uburyo yatewe inda atageze ku ntego ze, bikaba byarabaye abanje guhatirizwa cyane.

Yagize ati 'Nigaga mu mwaka wa gatandatu w'amashuri abanza ni uko bisa n'aho yamfashe ku ngufu kuko yarampatirije nshiduka byabaye. Urumva gucikishiriza amashuri utari wanagera mu mashuri yisumbuye birababaza gusa ubu ndashimira REAP yamfashije kwiga umwuga, icyizere kiri kugenda kigaruka gahoro gahoro.'

Undi mukobwa watewe inda yigaga mu mwaka wa kabiri w'amashuri yisumbuye we yavuze ko yinjiye mu nzu y'umusore azi ko agiye kumusura iwabo mu rugo aho yabanaga n'ababyeyi be, birangira yisanze ahantu adashobora no kuvuza induru ngo hagire umwumva. Yavuze ko nyuma ababyeyi be bakomeje kumutoteza no kumucyurira ku buryo ngo kubyakira byagoranye.

Ati “Kwiga kudoda rero byatumye nibura hari ikigabanuka ku gutotezwa kuko nsigaye nkorera amafaranga nanjye nkagira uruhare ntaga mu kwita ku mwana wanjye aho gusaba buri kimwe ababyeyi banjye.'

Abo bakobwa bari mu bafashijwe kwiga umwuga wo kudoda mu gihe cy'amezi icumi n'umushinga wa REAP, wanabahaye imashini zidoda n'ibindi nkenerwa kugira ngo batangire ubuzima bwo kwiteza imbere, bikaba ari na byo byanatumye batangira kubohoka no gukira ibikomere bakaba batanga n'ubuhamya bw'ibyababayeho.

Umukozi wa REAP, Umushinga wita kuri aba bakobwa babyaye imburagihe, Mutatsineza Jean paulin, yavuze ko biyemeje gufasha aba bakobwa kugira ngo babahindurire ubuzima ndetse binabafashe kwitinyuka no gutekereza ku bikorwa bibateza imbere. Yavuze ko uretse kubigisha kudoda banabafasha kugurisha ibyo bakoze bituma binjiza amafaranga menshi.

Umunyamabanga Nshingwabikorwa w'Umurenge wa Musha, Rwagasana Jean Claude, yavuze ko kuri ubu abakobwa 15 batewe inda imburagihe, abagabo barindwi bazibateye bamaze gushyikirizwa ubutabera, yavuze ko iyo hari ufite ibibazo byihariye baganiriza ababyeyi babo bakabereka ko ari abana nk'abandi ngo ku buryo nubwo batewe inda imburagihe baba bagikeneye kwitabwaho.

Uyu muyobozi yavuze ko kandi kuri ubu hari gushakishwa ababateye inda kugira ngo bashyikirizwe ubutabera, abatiyandikishaho abana yavuze ko biterwa no gutinya ko amategeko yahita abakurikirana ku gutera inda aba bangavu.

Rwanda Education Assistance Practice cyangwa se REAP, ni umushinga ufasha abaturage mu kwiteza imbere ukorera mu Karere ka Rwamagana mu Murenge wa Musha aho unafasha umwana w'umukobwa kwiteza imbere babigisha umwuga w'ubudozi, nyuma yo kubigisha unabafasha kugeza ku isoko ibyo baba badoze. Kuri ubu abakobwa 46 nibo bamaze gufashwa aho byanabahinduriye ubuzima.

Iyi gahunda yatangijwe mu Ukuboza 2023, nk'umugoroba w'umuryango uzajya uberamo ibiganiro bizafasha abawugize n'abashakanye gukemura ibibazo bahura nabyo hagendewe ku nama n'ibiganiro bakura ku bandi.

Mu mwaka ushize habaga ibiganiro hafi ya buri kwezi, aho habaga hari insanganyamatsiko zitandukanye zo kuganirwaho.

Zimwe mu zaganiriweho harimo imiterere y'urugo rwiza, uruhare rw'umugabo n'umugore mu kubaka urugo rwiza no mu bihe byo kwibuka Jenoside yakorewe Abatutsi mu Rwanda mu 1994 haganirwa ku ngaruka mbi zayo mu muryango n'uko umuntu yazitsinda.

Hahabaye kandi ibiganiro bihuza abatarashaka baganira ku buryo bwo kubaka umuryango mwiza, guhuza intego y'ubuzima n'umuryango n'ibindi byinshi.

Mu kiganiro cyo muri Nzeri 2024 cyari kirimo abari bavuye mu itsinda rya Dr. Myles Munroe Obe [witabye Imana] wari inzobere n'umwanditsi w'ibitabo ku miyoborere, haganiriwe ku buryo bwo guhuza umuryango, ishoramari no kumenya intego y'ubuzima.

Umugoroba w'umuryango wa nyuma wiswe 'The Last Dance' wabaye ku wa 29 Ugushyingo 2024, ukaba wari ufite insanganyamatsiko igaruka ku kubaka umuryango uhamye.

Hubert Sugira Hategekimana yavuze ko ibiganiro byagiye biba, hari umusaruro byatanze.

Yagize ati 'Ingaruka nziza twabonye muri ibi biganiro ni uko hari imiryango yaje yaratandukanye igasubirana, ibyo byo ntacyo wabona wabinganya. Twagiye twakira ubutumwa bwinshi cyane butugaragariza umusaruro mwiza w'ibiganiro twateguraga, cyane ko buri kiganiro uko cyarangiraga twahaga abantu urubuga rwo gusangiza ibyo bize.'

Yongeyeho ati 'Umunsi twagize 'Kigali Singles Night' hari umwe watubwiye ngo mu kiganiro byari nko kuganira n'ababyeyi atigeze agira. Ibyo ni ikintu gikomeye. Hari benshi baje muri ibi biganiro kuva byatangira kugeza ubu.'

Hategekimana yakomeje avuga ko 'Hari undi watubwiye ngo buri kwezi habaga ibi biganiro niho we n'umuryango we basohokera. Ibyo ni ibintu byiza bituma umuryango ukomera.'

Yavuze ko hari byinshi biri gutegurwa, ndetse ateguza ko ibi biganiro bizagaruka mu isura nshya, intego ari uku bigera ku bantu benshi kandi mu buryo buboroheye.

Ati 'Uyu munsi twagize ikiganiro cya nyuma kubera ko dushaka guhindura uburyo bwo kuzana iki kiganiro. Twabonye hari ibikibura urebye uko dushaka kwegereza abantu ubumenyi n'ibyo biganiro, turimo turashaka uburyo bwagutse twabikoramo.'

Hari igiciro cyajyaga gishyirwaho ku bashaka kwitabira ibi biganiro byaberaga muri Park Inn Hotel.

Mu mugoroba wa nyuma abatanze ibiganiro barimo Hubert Sugira Hategekimana, Pst Hortense Mazimpaka, Pst Alain Numa washinze umuryango w'abana bavutse ku banyamahanga n'Abanyarwanda, Prof. Alfred Bizoza, ndetse n'umunyamakuru Patience Sindayigaya.

Hubert Sugira Hategekimana, akaba n'uwatangije ibiganiro bya 'Kigali Family Night' yatangaje ko mu mwaka wose ushize bijya mbere, hari bamwe bisanze mu miryango batarabyigeze

Haganiriwe ku buryo bwo kubaka umuryango uhamye

Hubert Sugira Hategekimana, n’umuryango we bashimiye ababanye babo muri uyu mwaka wose

Hacagamo umwanya aba aho bagasusurutswa

Hubert Sugira Hategekimana, yavuze ko ibiganiro byagiye biba, hari umusaruro byatanze

Pst Alain Numa washinze umuryango w'abana bavutse ku banyamahanga n'Abanyarwanda

Pst Hortense Mazimpaka nawe yari yitabiriye ibi biganiro bya nyuma

Prof. Alfred Bizoza yatanze ikiganiro ku mugoroba wa nyuma wa ‘Kigali Family Night’

umunyamakuru Patience Sindayigaya, atanga ikiganiro

Ababaye afatanyabikorwa ba 'Kigali Family Night' bashimiwe

Amafoto: Kwizera Remy Moses

Ubwo yageraga ku kibuga cy'indege, yakiriwe n'Umunyamabanga mu biro bya Perezida wa Zanzibar ushinzwe imirimo, ubukungu n'ishoramari, Shariff Ali Shariff.

Iyi nama iteganyijwe kuri uyu wa 30 Ugushyingo igiye kuba mu gihe EAC yizihiza isabukuru y'imyaka 25 imaze yongeye gutangizwa bundi bushya.

Ifite insanganyamatsiko yo 'guteza imbere ubucuruzi, iterambere rirambye, amahoro n'umutekano hagamijwe guteza imbere imibereho.”

Perezida Kagame, William Ruto wa Kenya, Hassan Sheikh Mohamud wa Somalia na Yoweri Museveni wa Uganda ni bo bakuru b'ibihugu byo muri EAC bamaze kugera i Arusha. Bahasanze Samia Suluhu Hassan wa Tanzania.

Perezida Salva Kiir Mayardit uyobora Sudani y'Epfo akaba n'Umuyobozi Mukuru wa EAC arategerejwe, Evariste Ndayishimiye w'u Burundi we ntaboneka kuko yohereje Visi Perezida Prosper Bazombanza kugira ngo amuhagararire kuko “gahunda ze zabaye nyinshi”.

Félix Tshisekedi wa Repubulika Iharanira Demokarasi ya Congo ntibiramenyekana niba yitabira iyi nama. Muri Kamena 2024 yanze kwitabira idasanzwe y'abakuru b'ibihugu ba EAC, mu rwego rwo kwivumburira Perezida Ruto wavuze ko abarwanyi b'umutwe witwaje intwaro wa M23 atari Abanyarwanda.

Mu myaka 25 ishize, EAC yagutse mu buryo bugaragara kuko abanyamuryango bayo (ibihugu) bavuye kuri batatu yatangiranye muri Nyakanga 1999, bagera ku munani. Ifite intego yo kwishyira hamwe mu bya politiki, ariko bigaragara ko iyi ntego ikibangamirwa n'ibibazo bikomeye birimo amakimbirane hagati y'ibihugu biyigize.

Perezida Kagame ubwo yageraga ku kibuga cy’indege cya Arusha, yakiriwe n’Umunyamabanga Mukuru wa EAC, Veronica Nduva na Minisitiri Shariff Ali Shariff

Perezida Kagame yagiye mu nama y’abakuru b’ibihugu byo muri EAC

Umukuru w’Igihugu yakiriwe mu muco gakondo w’Abanya-Tanzania

Amafoto: Village Urugwiro

Ibi byagaragajwe na Ambasaderi w'u Bwongereza mu Rwanda, Alison Thorpe, tariki ya 28 Ugushyingo 2024 nyuma yo kuganira na Minisitiri w'Intebe, Dr Edouard Ngirente.

Ambasaderi Thorpe yavuze ko umubano w'ibi bihugu byombi ukomeye, kandi ko 'Guverinoma y'u Bwongereza n'iy'u Rwanda bishyize imbere iterambere ry'ubukungu. Kugira ngo tubigereho, dukeneye urwego rw'uburezi ruhamye, ubukungu bukomeye, ubucuruzi n'ishoramari binoze. Gukorana ni byo bizaduha imbaraga.'

Nk'uko New Times yabitangaje, Ambasaderi Thorpe yasobanuye ko yaganiriye na Minisitiri w'Intebe ku ntego z'ingenzi zikubiye muri NST2 n'uko Guverinoma y'u Bwongereza yafasha iy'u Rwanda kuzigeraho.

Ati 'Twaganiriye ku ntego z'ingenzi za NST2 n'uko u Bwongereza bwazishyigikira, cyane cyane mu burezi, imibereho y'abaturage, ivugurura ry'inzego za leta n'ubuhinzi.'

Uyu mudipolomate yasobanuye ko Ambasade y'u Bwongereza iteganya gutangiza umushinga wo gufasha abana bafite ibyago byo guta amashuri abanza, by'umwihariko abakobwa n'abafite ubumuga.

Mu gushyira mu bikorwa uyu mushinga, Ambasade y'u Bwongereza izatanga umusanzu mu kuziba icyuho cy'ibikorwaremezo mu mashuri, icy'abarimu, inafashe mu gushakira abanyeshuri ibikoresho.

Minisitiri w’Intebe Dr Ngirente yakiriye Ambasaderi Thorpe, baganira ku bufatanye bw’u Rwanda n’u Bwongereza

Ambasaderi Thorpe yaherekejwe n’abakozi bo muri Ambasade y’u Bwongereza, Minisitiri w’Intebe Dr Edouard Ngirente na we yari kumwe n’abarimo Minisitiri w’Ububanyi n’Amahanga n’Ubutwererane, Olivier Nduhungirehe

Impande zombi zagiranye ibiganiro ku buryo zafatanya kugera ku ntego za NST2

Bemeranyije kongerera imbaraga ubufatanye hagati y’ibihugu byombi

Ni ibicuruzwa byerekaniwe kuri gasutamo ya RRA mu Cyanya cy'Inganda i Masoro mu Mujyi wa Kigali ku wa 29 Ugushyingo 2024.

Byafashwe ku itariki 14 Ugushyingo 2024 ku bufatanye bw'izo nzego eshatu bikaba byari iby'umucuruzi wari ubikuye muri Tanzania.

Abo bombi ubu bamaze gutabwa muri yombi aho bacumbikiwe kuri Sitasiyo ya RIB ya Rusororo mu Mujyi wa Kigali. Uwo mucuruzi we yanakozweho iperereza afatanwa ibindi bicuruzwa yari yarahishe mu bubiko bwe byinjiye mu buryo bwa magendu.

RRA yasobanuye ko ibyo bicuruzwa bigizwe n'ibyuma by'imodoka, amavuta y'imodoka, amasabune n'amavuta harimo n'atemewe gucuruzwa mu Rwanda n'inkweto z'abagore.

Ibyo bicuruzwa byose byari bipakiye mu ikamyo hejuru harengejweho amakara kuko ari yo byari bizwi ko yagiye kuvanwa muri Tanzania.

Iyo kamyo ubwo yageraga ku mupaka wa Rusumo, abashinzwe kugenzura ibyinjiye basanze ipima ibiro byinshi bitajyanye n'amakara yari arimo bituma bagira amakenga barabipakurura byose basangamo izo magendu.

Ibyo bicuruzwa byari bigiye kunyereza umusoro urenga miliyoni 77 Frw.

Umuvugizi wa RIB, Dr Murangira B.Thierry, yavuze ko abishora muri ibyo batazihanganirwa, asaba abaturage kongera ubufatanye mu gutanga amakuru.

Ati 'Umuntu unyereza umusoro abangamira iterambere ry'igihugu kuko ibyo twagezeho byose ni ukubera imisoro. Turasaba ubufatanye bw'abaturage mu gutanga amakuru ariko kandi abashaka kubyishoramo nihagira ubikora rimwe ubwa kabiri tuzamufata kuko ubushobozi buhari n'ubufatanye bw'inzego burahari'.

Komiseri Wungirije ushinzwe Serivisi z'abasora n'Itumanaho muri RRA, Uwitonze Jean Paulin, yavuze ko uretse ibyo bicuruzwa byerekanywe hari n'ibindi byinshi bafashe, aboneraho kwihanangiriza ababikora.

Ati 'Magendu yagiye ifatwa ni nyinshi higanjemo ibikoresho by'imodoka, caguwa n'inzoga. Nk'inzoga haba harimo izitujuje ubuziranenge kuko mu bihe bitanduaknye mwagiye mwumva abazinyoye zikabagiraho ingaruka nko guhuma, kurwara umutwe udakira n'abapfuye.'

'Turasaba abacuruzi kwirinda magendu kuko kunguka birashoboka kandi bashobora gukorera mu mucyo bakunguka badashatse inyungu z'umurengera'.

Umuvugizi wa Polisi y'u Rwanda, ACP Rutikanga Boniface, yavuze ko Polisi iri maso ku bakora ubucuruzi bwa magendu.

Ati 'Magendu ihombya abacuruzi b'inyangamugayo biyemeje gutanga imisoro bakabihomberamo kuko hari abaca iy'ibusamo ngo babone inyungu z'umurengera. Abo b'inyangamugayo rero tugomba kubarengera, ni inshingano zacu'.

CP Rutikanga yongeyeho ko Polisi y'u Rwanda ikuriye inzira ku murima abacuruzi bumva ko kuba bafite amafaranga menshi bagomba gukuramo ayo batangamo ruswa ngo bakingirwe ikibaba kandi bakoze ibyaha.

Uhamijwe kwinjiza magendu mu gihugu, ugihamijwe n'urukiko ahanishwa igifungo cy'imyaka itanu cyangwa se agacibwa amande angana na 50% by'agaciro k'ibicuruzwa bya magendu yafatanywe cyangwa agahabwa ibyo bihano byombi.

Mu byafashwe harimo inkweto z’abagore

Harimo n’amasabune n’amavuta atemewe gucuruzwa mu Rwanda

Abakurikiranyweho uruhare mu kwinjiza mu gihugu magendu batawe muri yombi

Muri ibi byinjijwe harimo ibikoresho by’imodoka byinjizwaga mu mifuka y’amakara

Polisi y’Igihugu, RIB na RRA bahagurukiye kurwanya abinjiza mu gihugu magendu