Category: Uncategorized

InyaRwanda yahawe amakuru yizewe, yemeza ko uyu mugabo azamara iminsi ibiri i Kigali mu rugendo ‘rugamije guhura na ba DJ n’abahanzi agamije kumenyekanisha Album ye nshya aherutse gushyira ku isoko’. 

Wizkid yaherukaga i Kigali mu 2016, ubwo yaririmbaga mu bitaramo binyuranye yari yatumiwemo birimo ‘Mutziig Beer Fest’ 

Ni umwe mu bahanzi bigazeho muri Afuka, ndetse ku rubuga rwe rwa Instagram akurikirwa n’abantu barenga Miliyoni 18.

Yagiye akorera ibitaramo binyuranye byo muri Afuka. Ndetse, benshi bamuzi binyuze mu ndirimbo ze zirimo nka ‘Socco’, ‘Fever’, ‘Starboy’, ‘Brown Skin Girl’ n’izindi.

Mu rugendo rwe i Kigali, azahura kandi agirane  ibiganiro n’abari mu muziki ‘ariko nta gitaramo azaririmbamo’.

Wizkid amaze gukorana n’abahanzi bakomeye ku Isi barimo nka Drake, Beyonce, Chris Brown n’abandi.

Kandi amaze gukorera ibitaramo mu bihugu birimo nka Australia, Portugal, U Bufaransa, U Bwongereza, mu bihugu by’u Burayi n’ahandi.

Wizkid ari mu bahanzi bakomeye muri Nigeria, ndetse baciye uduhigo muri Afurika.

Ashyize imbere gukora umuziki wubakiye ku njyana ya Afrobeat, Afropop, R&B, Reggae, Dancehall ndetse na Pop.

Inyandiko ziri kuri internet, zivuga ko yatangiye urugendo rw’umuziki afite imyaka 11, ndetse afatanyije na Korali yaririmbaga babashije gusohora Album y’abo.

Mu 2009 yasinye kontaro ye ya mbere muri Label ya E.M.E, amenyekana cyane nyuma yo gushyira hanze indirimbo nka ‘Holla at Your Boy’, akomereza kuri Album zirimo ‘Superstar’ yo mu 2011, yongeraho indirimbo nka ‘Tease Me’, ‘Bad Guys’, ‘Don’t Dull’ n’izindi.

Wizkid agiye kuza i Kigali agenzwa no kumenyekanisha Album ye ya Gatandatu yise ‘Morayo” yasohoye, ku wa 22 Ugushyingo 2024. Ubwo yashyiraga hanze iyi Album, yavuze ko yayituye umubyeyi we Juliana Morayo Balogun, witabye Imana muri Nzeri 2023.

Wizkid azagera i Kigali, Ku wa 23 Ukuboza 2024, asubire iwabo tariki 25 Ukuboza 2024, ni mu rugendo rugamije kumenyekanisha ibihangano bye

Wizkid yaherukaga i Kigali muri Kanama 2016- Imyaka umunani yari ishize

Amakuru dukesha Village Urugwiro avuga ko Perezida Kagame yageze i Nouakchott kuri uyu wa Mbere. Yakiriwe na mugenzi we, Perezida Mohamed Ould Ghazouani usanzwe ari n'Umuyobozi w'Umuryango wa Afurika Yunze Ubumwe (AU).

Iyi nama Perezida Kagame yitabiriye yateguwe na AU ku bufatanye n'Ishami ry'Umuryango w'Abibumye ryita ku bana UNICEF.

Yabigarutseho ku wa Gatandatu tariki 7 Ukuboza 2024, ubwo yabwirizaga Abakristu bo mu Mujyi wa Brisbane mu gihugu cya Australia, mu ivugabutumwa ryibanze cyane ku kumvikanisha ko Isi n’ibiyituyemo byose ari iby’Imana; kandi ko kurangamira ingoma y'Ijuru biharanirwa. 

Ni mu ruherekane rw’ibiterane amazemo iminsi hirya no hino ku Isi, ndetse yari ageze ku munsi wa kabiri w’ibi biterane muri Australia.

Nk’ibisanzwe, yabwirizaga mu rurimi rw’Ikinyarwanda, hari usobanura ibyo avuga akabishyira mu rurimi rw’Icyongereza; ariko nawe yanyuzagamo agakoresha ururimi rw’Icyongereza.

Apôtre Gitwaza yavuze ko urusengero/ikanisa rukwiye kubakirwa ku ijambo ry’Imana no ku ndangagaciro z’ababyeyi, kandi bikumvikana kuri buri wese.

Yumvikanishije ko imibereho n’indangagaciro by'abanyafurika bitandukanye cyane n’imibereho y’abo mu burengerazuba bw’Isi. Ari na yo mpamvu nta mwana w’imfura wagatoboye amatwi ‘cyeretse aba bazungu’.       

Ndetse ngo nta mwana w’imfura wakagiye ku ruhimbi kuririmba cyangwa se kuramya yambaye ipantalo ya ‘deshire’. Ati “Ntibibaho, kandi namwe aba Pasiteri murabibona mukabyihorera.”

Yabwiye abashumba n’abakristu ko “Nta mudamu, umukobwa uzaza aha kubayobora (ku ruhimbi) yambaye ipantalo, Oya! Nta muririmbyi w’umukobwa ugomba kuririmba yambaye ipantalo, Oya! Ntibibaho. Oya, Oya! Mujye mwubaha aha hantu.”

Uyu mushumba yavuze ko ibyo avuga ari nako bimeze mu itorero ashumbye. Ati “Muri Zion Temple ntushobora. Umukobwa akaza yambaye ipantalo zimufashe….agaragara, ari kuramya Imana? cyangwa arimo guteza umwuka urusengero.”

Yavuze ko abakobwa bakwiye kwambara amajipo meza. Akomeza ati “Bashumba muri aha namwe bakristu munyumva, amakorali yanyu yose ntihazagire umukobwa wongera kuririmba yambaye ipantalo cyangwa gukora ‘Protocol’ yambaye ipantalo. Ntabwo mubuze amakanzu, hano ni ay’ubuntu…”

Gitwaza yakomeje agira ati: “Nta mwana w’umuhungu ugomba kuza gucuranga afite amaherena mu matwi, Oya! Iherena rivuze iki? Barishyiragaho umuntu wanze gucyurwa ngo abe imbata itahe iwabo, nyuma y’imyaka irindwi n’imyaka 50, basubizaga imbata zose iwabo;

Ariko uwanze akavuga ati njye ndashaka gukomeza kuba kwa Databuja bafataga uruhindu bagatobora ugutwi, bagashyiramo iherena… Iherena (Kwambara iherena) ni ukuvuga ngo ndi imbata iteka ryose. Kuki abana bacu mwemera ko baba imbata.”

Uyu mukozi w'Imana, yavuze ko muri rusange nta mwana w’umuhungu wemerewe kwambara amaherena. Yanavuze ko nta mwana w’umuhungu wemerewe kujya ku ruhimbi kuririmba afite ku mutwe imisatsi y’amarasita (Dread).

Ati “Oya! Ariya marasita ni idini ryitwa rasitafara, rasitafara ni idini rya Satani, rero abana barabyambara batazi ibyo ari byo.”

Gitwaza yanavuze ko nta musore cyangwa umukobwa ushaka kujya ku ruhimbi, ukwiye kuba afite imisatsi ikaraze, ati “gira imisatsi mizima.” Yabwiye urubyiruko rwari muri aya materaniro n’abandi, gutahana icyemezo cyo guhindura imisatsi yabo kuko ‘ni nako Bibiliya idusaba’.

Yavuze ko ibyo avuga azi neza impamvu yabyo n’ingaruka zabyo ashingiye mu kuba ‘umwuka w’urumogi n’ubutinganyi bihera mu musatsi’. Ati “Ni Imana iyo igiye gukoresha abantu ihera mu musatsi.”

Yatanze urugero, avuga ko Bibiliya igaragaza ko Imana yabwiye Ezekiel ati ‘Amfata umusatsi’. Ati “Mbese umusatsi, ni ihuriro ryawe ni Imana, ariko ushobora kuwutereka ikaba ihuriro ryawe na Satani.”

Yavuze ko na Samson yapfiriye mu musatsi kandi ari wo yari yarakiriyemo. Ati “Yagiraga umusatsi mwinshi, ariko umunsi yawugize amarasita ni igihe yabwiye Derilla ngo wubohemo uwugire ibirundo birindwi, uriya musatsi w’amarasita iyo uwutangiye uba ugiye kurangira.”

Gitwaza yabwiye ababyeyi kongera igitsure ku bana kugirango babashe kugira imibereho iboneye, kandi acyebura abana. Ati “Turi ababyeyi, kandi mwa bana mwe murimo muratubabaza muri ibi bihugu, dufite umubabaro kubera mwe, mufite impano, muri imbaraga zacu, ariko muri kuteza umubabaro.'

'Uyu munsi mushobora kutabyumva, ariko ejo muzabyumva ubwo muzaba mufite abana. Turabigisha gukurikira ijambo ry’Imana, aho gukurikira iby’Isi.”

Umuyobozi Mukuru wa Authentic World Minsitries akaba n’Umushumba mukuru w’amatorero ya Zion Temple Celebration Center ku Isi, Apôtre Dr. Paul Gitwaza, yatangaje ko nta mukobwa ukwiye guhabwa ikaze ku ruhimbi, yambaye ipantalo imufashe 

Apôtre Dr. Paul Gitwaza yavuze ko nta musore ukwiye kwemererwa kujya ruhimbi afite 'Dread' yaratoboye n'amatwi 

KANDA HANO: UHEREYE KU MUNOTA WA 12 KUGEZA KU WA 38' GITWAZA YABWIYE ABASHUMBA KUTEMERERA INKUMI N'ABASORE KUJYA KU RUHIMBI

v 

Iki gikorwa cyateguwe n'Umuryango w’Urubyiruko Ukorana n’Urubyiruko (We Got Your Back NGO) ufatanyije na Generation Gender ndetse n'ubuyobozi bw’Akarere ka Kamonyi, cyatangirijwe mu ishuri rya Santa Maria kikaba cyaranzwe n’ibiganiro bitandukanye byahawe abanyeshuri ndetse n’ibiganiro mpaka (Debates) bibiri byakozwe n´abanyeshuri.

Ibi biganiro byari bifite insanganyamatsiko igira iti: “Mu Rwanda hari imirimo yahariwe abagabo itari iy’abagore”, indi ikagira iti: “Mu Rwanda abahungu n’abakobwa nta bwo bafite amahirwe angana mu buzima bw’imyigire”.

Akamaro k’ibi biganiro mpaka ni ukugira ngo abanyeshuri bo ubwabo bumve neza ihame ry’uburinganire himakazwa kurwanya ihohoterwa rishingiye ku gitsina, barushaho kurebera hamwe aho u Rwanda rugeze mu kwimakaza uburezi kuri bose ntawe ruheje kubera ko ari umuhungu cyangwa umukobwa ndetse n’uko mu Rwanda abagore n’abagabo bafite amahirwe angana yo kuba bakora umurimo runaka.

Umuyobozi w’ishuri rya Santa Maria, Jean Yumvuhore, yashimye cyane iki gikorwa cy’ubukangurambaga bwiswe “INKOMEZI” anashimangira uruhare rwacyo mu gufasha ibigo by'amashuri mu kwimakaza ihame ry'uburinganire n'ubwuzuzanye. 

Yavuze ko bizafasha ikigo kugera ku ntego gisanzwe cyarihaye yo guteza imbere uburinganire mu bikorwa byose abanyeshuri bakora ku ishuri, ndetse no guteza imbere indangagaciro na kirazira by'umuco Nyarwanda bijyanye no kwimakaza uburinganire mu bakiri bato.

Umuyobozi w'Umuryango We Got Your Back, Anastase Ndagijimana, ubwo yatangizaga ubukangurambaga yagarutse ku ntego yabwo ndetse asaba abanyeshuri kuzakoresha inyigisho bazahabwa mu gufasha bagenzi babo ndetse no kubabera urugero rwiza mu kurwanya ihohotera rishingiye ku gitsina.

Yibukije abanyeshuri ko ejo hazaza habo hari mu biganza byabo kandi haba heza bijyanye n'amahitamo meza bakora, bityo abasaba gushishoza muri byose cyane cyane igihe bahuye n'igisa n'ibishuko. Uyu muyobozi kandi yibukije abanyeshuri ko na bo bagomba kugira uruhare runini mu kurwanya ihohotera rishingiye ku gitsina rikorerwa mu miryango bakomokamo.

Umuyobozi muri Minisiteri y'Uburinganire n’iterambere ry’umuryango, Umuhoza Alexia yabwiye abitabiriye ko mu mezi atatu ashize Akarere ka Kamonyi kakiriye ibirego 255 bivuga ku ihohoterwa rishingiye ku gitsina, muri byo 63 bikaba ari ibirego by’ihohotera ryakorewe urubyiruko.

Yagarutse ku ruhare rw’urubyiruko mu kurwanya ihohoterwa rishingiye ku gitsina, arushishikariza gufata iya mbere mu kurirwanya himakazwa ihame ry’uburinganire kugira ngo haba mu bigo by'amashuri bigamo cyangwa mu miryango batahamo, he kugira ihohoterwa riharangwa.

Abitabiriye iki gikorwa. ni abanyeshuri bagera kuri 789, aho abagera kuri 360 ari abakobwa naho 429 bakaba ari abahungu, abandi 5 bakaba ari abarezi babo babana na bo mu buzima bw’ishuri bwa buri munsi.

Hari kuba ubukangurambaga mu mashuri bugamije kwimakaza ihame ry’uburinganire n’ubwuzuzanye no kurwanya ihohoterwa rishingiye ku gitsina

Ni ubukangurambaga buri gukorerwa mu bigo binyuranye by’amashuri abanza n’ayisumbuye

Abanyeshuri bakanguriwe kurwanya igisa n’ihohoterwa cyose

Abanyeshuri bakiranye yombi ubu bukangurambaga

Ubu bukangurambaga buri gukorwa mu rwego rwo kurinda u Rwanda rw’ejo ibibazo by’ihohoterwa n’iheza mu mashuri rishingiye ku gitsinda

Kanda hano urebe amafoto menshi yaranze itangizwa ry’iki gikorwa

AMAFOTO: Serge Ngabo – InyaRwanda

Ibi bitaramo bigiye kuba ku nshuro ya Gatatu. Bitegurwa hagamijwe cyane cyane gufasha abaturage b’aho amagare asoreza gususuruka. Mu 2023, ibitaramo nk’ibi byaririmbyemo abahanzi barimo Mico The Best, Senderi Hit, Kenny Sol, Bwiza, Chris Eazy, Platini, Niyo Bosco na Marina. 

Uhujimfura Claude uhagarariye KIKAC Music yateguye ibi bitaramo ifatanyije n'ubuyobozi bwa FERWACY, yabwiye InyaRwanda ko kuri iyi nshuro Tour du Rwanda izaherekezwa n’ibitaramo bine ‘kandi twatangiye gusaba abakunzi b’igare kudufasha guhitamo imijyi bumva ko ibi bitaramo bizaberamo’. 

Uhijimfura yagize ati: “Twishimira uburyo abantu bakurikirana iri siganwa, kandi bakanareba abahanzi babasusurutsa nyuma y’ibyishimo by’igare.” Arakomeza ati “Mu gihe hamaze gutangazwa inzira z’aho amagare azanyura, ubu twatangiye kureba no guhitamo abahanzi tuzakorana kuri iyi nshuro.”

Tour du Rwanda 2025 izatangira guhera tariki ya 23 Gashyantare 2025, isozwe ku wa 25 Werurwe 2025.

Ubwo yari mu kiganiro n'itangazamakuru, ku wa 29 Ugushyingo 2024, Umuyobozi wa Tour du Rwanda, Freddy Kamuzinzi, yavuze ko Tour du Rwanda ya 2025, ifite umwihariko kuko izaba mu gihe kimwe na Shampiyona y'Isi y'Amagare.

Ati 'Nizere ko mwese mwishimiye ko isiganwa rigiye kongera kuba. Ntabwo Tour du Rwanda itaha izaba yihariye gusa, ahubwo igiye kuba mu mwaka umwe na Shampiyona y'Isi y'Amagare izabera bwa mbere muri Afurika,'

'Ni isiganwa rizerekana uko imyiteguro ihagaze ku isiganwa rizaba rikomeye cyane rizahuza amakipe akomeye ku Isi, ahanganira mu mihanda izatanga akazi.'

Tour du Rwanda igiye kuba ku nshuro ya 17. Tour du Rwanda 2025 igizwe n'ibilometero 812, agace karekare ni aka Kabiri [Rukomo ya Gicumbi- Kayonza] kareshya n'ibilometero 158.

Amakipe yabigize umwuga azitabira ni Israel – Premier Tech (Israel) na TotalEnergies (U Bufaransa).

Amakipe akina amarushanwa yo ku migabane (Continental Teams) azitabira ni: Soudal Quick-step Dev Team (U Bubiligi), Lotto—Dstny (U Bubiligi), Team Amani (Rwanda), Bike Aid (U Budage), Development Team dsm—firmenich PostNL (u Buholandi), Java InovoTec (Rwanda), May Stars (Rwanda) na UAE (United Arab Emirates).

Amakipe y'Ibihugu ni: U Rwanda, Angola, Afurika y'Epfo, Eritrea, Ethiopia, na UCI Centre Mondiale du Cyclisme (igizwe n'amakipe ya Afurika avanze).

Inzira za Tour du Rwanda 2025:

Agace ka Mbere: Ku Cyumweru, tariki ya 23 Gashyantare: Stade Amahoro — Stade Amahoro (Gusiganwa n'ibihe nk'umukinnyi ku giti cye Ibilometero 4).

Agace ka Kabiri: Ku wa Mbere, tariki ya 24 Gashyantare: Rukomo – Kayonza (Ibilometero 158).

Agace ka Gatatu: Ku wa Kabiri, tariki ya 25 Gashyantare: Kigali – Musanze (Ibilometero 121).

Agace ka Kane: Ku wa Gatatu, tariki ya 26 Gashyantare: Musanze – Rubavu (ibilometero 102).

Agace ka Gatanu: Ku wa Kane, tariki ya 27 Gashyantare: Rubavu – Karongi (Ibilometero 97).

Agace ka Gatandatu: Ku wa Gatanu, tariki ya 28 Gashyantare: Rusizi – Huye (Ibilometero 143).

Agace ka Karindwi: Ku wa Gatandatu, tariki ya 1 Werurwe: Nyanza – Canal Olympia (Ibilometero 114).

Agace ka Munani: Ku Cyumweru, tariki ya 2 Werurwe: KCC-KCC (Ibilometero 73).

Abahanzi bazatoranywa bazasusurutsa abaturage mu bitaramo bine bizaherekeza Tour du Rwanda 2025

Umwongereza Joseph Blackmore ukinira Israel-Premier Tech, ni we wegukanye Tour du Rwanda 2024 nyuma yo gutwara Agace kayo ka Munani kakinwe ku Cyumweru, tariki ya 25 Gashyantare 2024

Niyo Bosco uzwi nk’umuririmbyi n’umwanditsi w’indirimbo ari mu baririmbye mu bitaramo bya Tour du Rwanda 2024
 

Umuhanzikazi Bwiza wo muri Kikac Music Label yaririmbye mu gitaramo cya nyuma cya Tour du Rwanda 2024

Senderi Hit wamenyekanye mu ndirimbo zitsa ku burere-mboneragihugu, ari mu bahanzi bazengurutse Igihugu 

Umuraperi Bushali yataramiye abaturage mu Mijyi itandukanye y’u Rwanda, aho Tour du Rwanda yageze

   

Kenny Sol wo muri 1:55 AM yataramiye ibihumbi by’abantu mu bice bitandukanye, yisunze indirimbo ze zinyuranye 

Ibihumbi by’abafana babaga bakurikiye isiganwa rya Tour du Rwanda, banarebaga ibitaramo by’abahanzi

Umuyobozi Mukuru wa Tesla, Elon Musk atangaza ko Optimus Robot yatangiye gukora mu mwaka 2022, izagira uruhare mu bikorwa binyuranye bya muntu. Optimus ni Robot yihariye ikozwe mu buryo bushobora gukora ibintu binyuranye. 

Ifite amaboko, amaguru n’umubiri wubatswe mu buryo bujyanye n'imikorere y'umuntu, ishobora gufasha mu bikorwa birimo gutunganya ibintu mu rugo, gufasha ababyeyi mu kurera abana ndetse n'akazi ko gutanga ibinyobwa mu kabari.

Ubuyobozi bwa Tesla buvuga ko iyi robot izaba ifite ubushobozi bwo gukora ibikorwa byo mu nzu nko gutegura amafunguro, gukora isuku ndetse n’ibindi binyuranye. Mu mwaka wa 2026 nibwo iyi Robot izagera kuri buri umwe uyishaka. Elom Musk avuga ko izaba igura hagati ya $20,000 na $30,000 [hagati ya Miliyoni 20 – Miliyoni 30 z’amafaranga y’u Rwanda].

Ubushakashatsi ku buryo Optimus ikora, bwerekana ko iyi robot izaba ifite ubushobozi bwo gutanga ubufasha mu ngeri nyinshi. Ikoranabuhanga rya Optimus rizagira uruhare rukomeye mu guhindura uburyo abantu bakora imirimo ya buri munsi.

Dr. Alice Mutoni, umuhanga mu by’ubuvuzi, avuga ko iyi robot ifite uruhare mu kugabanya umubare w’ababyeyi bafite ibibazo byo gutegura ubuzima bw’abana babo ndetse n'aho bagomba gufashwa mu buzima bwa buri munsi. Yongeraho ko izaba ifasha no mu kugabanya impanuka zibaho mu gihe abantu bakora imirimo y’ubuzima bwa buri munsi.

Elon Musk avuga ko Optimus ari imwe mu ngamba zo guteza imbere ikoranabuhanga rigezweho, rikazabasha gukora ibikorwa byafashije abantu kugira ubuzima bworoshye. Akomeza avuga ko Optimus Robot izajya ikora imirimo idasanzwe mu gukora ibikorwa byo mu rugo, ariko kandi ikaba ifite ubushobozi bwo gukora akazi mu nzego zinyuranye.

Nubwo ari ibintu byiza byinshi, Optimus Robot izahura n'ibibazo bikomeye muri tekinoloji. Urugero, uburyo bwo gufata ibyemezo bw’ikoranabuhanga n’ukuntu abantu bazayikoresha ni ibibazo by'ingutu. Kim Kardashian amaze iminsi ashinjwa kugira umugabo iyi robot aho yanditse ku mbuga nkoranyambaga ati “Hura n’inshuti yanjye nshya”.

Dr. Niyonsaba, umuhanga mu by’ikoranabuhanga, avuga ko hakenewe kwita ku buryo bwo kugenzura ikoranabuhanga rya Optimus, mu rwego rwo gukumira ibyago byo gutakaza akazi cyangwa guhungabanya imikorere y'ubuzima bwa buri munsi.

Ni robot ikora imirimo inyuranye isanzwe ikorwa n’abantu

Umwanditsi: KUBWIMANA Solange

Iyi gahunda izajya iba buri mwaka. Ku ikubitiro RFC yatanze moto eshatu zikorera imizigo zizwi nka Lifan ndetse ihemba abandi barindwi bacuruza inyongeramusaruro n'abahinzi 10 bahize abandi.

Umuyobozi Mukuru wa RFC, Anass Khanchoufi yashimangiye ko iyi gahunda izafasha abahinzi kugera ku musaruro utubutse no guteza imbere ubuhinzi bw'u Rwanda mu buryo burambye.

Ati 'Ni uburyo bwo gushimira abafatanyabikorwa bacu no gukomeza ubufatanye mu kuzamura ubuhinzi mu Rwanda. Intego yacu ni ukumenya ibyo abahinzi bakeneye no kubibaha ku buryo bufite ireme.'

Barihenda Epimaque, umaze imyaka ibiri acuruza inyongeramusaruro, wahawe moto ya lifani yavuze ko moto yahawe izamufasha kugeza ifumbire ku bahinzi byihuse, agashimira RFC yabibutse ikabatekerezaho nk'abafatanyabikorwa babo.

Undi wahembwe ni Nyiramuhanda Angelique, ucururiza mu Karere ka Nyagatare, washimiye RFC yamufashije kuzamura ubucuruzi, biba akarushyo kugira aho ifumbire acuruza ikorerwa.

Ati 'Twize uko ifumbire ivangwa neza n'uko itangwa ku buryo itanga umusaruro. Ibi bizadufasha kuganiriza neza abahinzi no kubafasha gukoresha ifumbire mu buryo buboneye.'

RFC yashinzwe ku bufatanye n'Ikigo gitunganya ifumbire mvaruganda muri Marroc, OCP Africa na Leta y'u Rwanda binyuze mu bigo bya Agaciro Development Fund na Agro-Processing Trust Corporate.

RFC iherereye mu cyanya cyahariwe inganda mu Karere ka Bugesera, yafunguwe ku mugaragaro mu Ukuboza 2023, ikagira ubushobozi bwo gukora toni ibihumbi 100 ku mwaka.

Abafatanyabikorwa ba Rwanda Fertilizer Company Ltd bakiriwe kuri uru ruganda rukora ifumbire, muri gahunda yo kubashimira

Abakozi ba Rwanda Fertilizer Company Ltd beretse abafatanyabikorwa b’uru ruganda imikorere yarwo

Rwanda Fertilizer Company Ltd ifite ubushobozi bwo gutunganya toni ibihumbi 100 by’ifumbire mvaruganda

Rwanda Fertilizer Company Ltd ifite imashini zihambaye zifashishwa mu gukora ifumbire igezweho

Mu 2024 izi mashini zigezweho zafashije Rwanda Fertilizer Company Ltd gukora ifumbire ingana na toni ibihumbi 12

Rwanda Fertilizer Company Ltd yahembye abafatanyabikorwa bayo ibirimo na telefone

Umuyobozi Mukuru wa RFC, Anass Khanchofi ashyikiriza umwe mu bacuruza ifumbire bakora lifani nk’igihembo

Umuyobozi Mukuru wa RFC, Anass Khanchofi yavuze ko gahunda yo gushimira abafatanyabikorwa babo izahoraho

Amafoto: Fidele Nzayisingiza

Ni ibitaramo avuga ko azageza mu Ntara zitandukanye z'u Rwanda, kuko ku wa 4 Mutarama 2025 azataramira mu Mujyi wa Rubavu, akomereze mu Mujyi wa Musanze ku wa 18 Mutarama 2025, azataramira i Muhanga ku wa 1 Gashyantare 2025, ni mu gihe mu Mujyi wa Kigali azahataramira ku wa 15 Gashyantare 2025. 

Mu kiganiro cyihariye na InyaRwanda, Thomson yavuze ko ibi bitaramo azaba abishyigikiwemo na mugenzi we Fica Magic nawe uzaba amurika Album ye nshya yise 'Umugisha', ndetse bazataramana n'itsinda rya The Same ryamamaye cyane mu Mujyi wa Gisenyi.

Ati 'Ni byo koko ni Album yanjye ya Gatatu ngiye kumurika. Ariko nk'uko bigaragara mu nteguza y'iki gitaramo ntabwo nzayimurika njyenyine, hari undi muhanzi witwa Fica Magic, nawe azamurika Album ya Gatatu, niyo mpamvu kuri 'Affiche' hariho 3 gukaba 2 (3×2), ni ukuvuga ni Album ya Gatatu azaba amurika, nanjye ni album ya Gatatu nzabamurika.'

Thomson yavuze ko kuri Album ye ya Gatatu yakoranyeho indirimbo n'abahanzi barimo nka Fica Magic, Fizzo Menson, Otim, Vicky the Creator ndetse na korali imwe yo ku ishuri asanzwe abereye umuyobozi.

Ati 'Iriya korali twakoranye indirimbo twise 'Amahitamo', ni indirimbo bamfashije kugirango tuyitunganye, isohoke imeze neza. Harimo amajwii yabo, baramfashije cyane.'

Uyu mugabo yavuze ko mu kumurika iyi Album ashyigikiwe n'abahanzi barimo The Same (Abiru), Racine, Bexx RHB, Lil Chance, Fizzo Mason, Kkilamba King, Maki Derex, Apple Gold, Ish Mubaya, Giso G, Sandre; ni mu gihe bazakorana n'aba Dj barimo Dj Jackson ndetse na Selekta Dady.

Kwinjira muri ibi bitaramo ni ukwishyura amafaranga 5,000 Frw mu myanya isanzwe, n'amafaranga ibihumbi 80 Frw ku meza y'abantu batanu.

Thomson yavuze ko Album ye ifite umwihariko, byatumye ahitamo kuyikorera ibitaramo bine mu rwego rwo kuyimenyekanisha.

Iriho indirimbo 10, inyinshi muri zo zitsa cyane ku gushishikariza urubyiruko 'kwirinda inzira iyo ari yo yose ishobora gutuma batakaza umuco'.

Ati 'Zimwe muri zo harimo n'ingaruka imbuga nkoranyambaga ziri kugira ku rubyiruko nkanjye nsanzwe ndi umurezi, mbana nabo umunsi ku munsi, hari byinshi mbona bishobora kubangisha, hari byinshi mbona bishobora gutuma ahazaza habo hataba heza mu gihe ntagikozwe.

Ni yo mpamvu kuri Album yanjye ya Gatatu ngaruka ku buzima tubayemo bwa buri munsi cyane cyane turwanya impamvu yatuma abato cyangwa se ababyiruka batabona umudendezo bagakwiye kuba babona, binyuze mu bibazengurutse mu is ya nanone.'

Thomson yavuze ko guhitamo gukorana n'itsinda The Same muri ibi bitaramo, ahanini byaturutse ku bushuti basanzwe bafitanye, no kuba 'baremeye kuduherekeza muri uru rugendo rwose'.

Album ye iriho indirimbo nka 'Ubuyobe', 'Isezerano', 'Amahitamo', 'Urarura', 'Umunzani', 'Igitambo' n'izindi zinyuranye.

Kandidatire ya Thomson ku mwanya w'Umukuru w'Igihugu ntiyakiriwe kubera ko atari yujuje ibisabwa. Icyo gihe, yasohoye ibaruwa yavuzemo ko kutagaragara ku rutonde rw'abakandida bemerewe guhatanira Umwanya w'Umukuru w'Igihugu byatewe n’inenge zagaragaye mu byangombwa yatanze.

Ati “Kuba ntabashije kuza ku rutonde rw’agateganyo rw’abaahtanira kuba Umukuru w’Igihugu nk’uko byagaragajwe na Komisiyo y’Igihugu y’Amatora (NEC) byaturutse ku nenge zagaragajwe na NEC zishingiye ku kuba ntarabashije kwigira mu turere twose nkanjye ubwanjye, ahubwo hakabaho gutuma abasinyishiriza kubera inshingano z’akazi ka buri munsi nsanganwe.”

Uyu mugabo usanzwe ari Umuyobozi w'Ishuri, Hope Technical Secondary School mu Murenge wa Gisenyi, azwi cyane mu muziki binyuze mu ndirimbo zirimo nka 'Malaika', 'Yaratwimanye' n'izindi.

Muri Nyakanga 2023, uyu mugabo yavuzwe cyane mu itangazamakuru, nyuma y'uko ashyize umukono ku masezerano y'imyaka ibiri n'inzu ifasha abahanzi ya 'P Promoters.'

Iyi 'Label' yari isanzwe ifasha bagenzi be barimo M1 ndetse n'umuraperi Papa Cyangwe. Ni inzu yashinzwe n'umunyamakuru Ndahiro Valens usanzwe ukorera Televiziyo.

Ndahiro Valens aherutse kubwira InyaRwanda, ko 'Thomson akibarizwa muri Label yanjye, kuko twagiranye amasezerano y'imikoranire mu 2023'. Akomeza ati 'Ni umuraperi mwiza, kandi ufite ibihangano yagiye ashyira hanze mu bihe bitandukanye, abantu bamushyigikire.'

Ndahiro avuga ko bahisemo gukorana na Thomson kubera ubutumwa buri mu ndirimbo ze ndetse no 'kuba ari umuhanzi ukorera umuziki hanze ya Kigali'.

Ubwo yashyiraga umukono ku masezerano, Thomson yavuze ko hejuru yo kuba ari umurezi mu mashuri yisumbuye mu Karere ka Rubavu, urukundo rw'umuziki rwaganje muri we, bituma yiyemeza kuyoboka inganzo yinjirira mu njyana ya Hip Hop.

Thomson yatangaje ko agiye gushyira ku isoko Album ye Gatatu yise ‘Ubuyobe’

Thomson yavuze ko nyinshi mu ndirimbo ze zigaruka ku buzima bwa buri munsi 

Thomson yatangaje ko muri ibi bitaramo bazakorana cyane n'itsinda The Same 

Thomson yavuze ko ibi bitaramo bizagera mu ntara zitandukanye z'u Rwanda 

Thomson yagarutsweho cyane mu itangazamakuru ubwo yatangaga Kandidatire ku mwanya w'Umukuru w'Igihugu

KANDA HANO UBASHE KUMVA ZIMWE MU NDIRIMBO ZIGIZE ALBUM NSHYA YA THOMSON

“>

Ikipe ya Kiyovu Sports ntabwo izibagirwa itariki 15 Kamena 2027 ubwo yatsindwaga na Rayon Sports ibitego bibiri kuri kimwe. Ibitego bya Rayon Sports byatsinzwe na Kwizera Pierrot na Tidiane Kone, mu gihe icya Kiyovu sports cyatsinzwe na Lomami Andre, ako kanya byanzurwa ko Kiyovu Sports imanutse mu cyiciro cya kabiri imanukana na Pepiniere FC.

Nyuma y'uko Kiypovu Sports yari imaze kumanuka mu cyiciro cya kabiri, yakiriye inkuru nziza ko shampiyona y'u Rwanda ishaka kongera umubare w'amakipe akina icyiciro cya mbere, akava kuri 14 akaba 16.

Icyo gihe, byabaye ngombwa ko mu cyiciro cya kabiri hazamuka amakipe atatu avuye mu cyiciro cya kabiri, ubwo aba 15 kubera ko Kiyovu Sports na Pepiniere FC zari zamanutse mu cyiciro cya kabiri.

Byabaye ngombwa ko Kiyovu Sports nayo yari yabaye iya 13 imanuka mu cyiciro cya kabiri, igarurwa mu cyiciro cya mbere kugira ngo amakipe 16 yo gukina icyiciro cya mbere aboneke.

Kuri iki Cyumweru Kiyovu Sports yongeye kugwa mu maso ya Musanze FC ubwo yatsindwaga igitego kimwe ku busa imbere y'abafana bayo, iguma ku mwanya wa nyuma, ibyago byo kuzamanuka mu cyiciro cya kabiri, biguma kwiyongera.

Nyuma y'uko muri 2017 Kiyovu Sports yamanutse mu cyiciro cya kabiri ariko Imana igakinga ukuboko, kuri iyi nshuro nabwo ibihe biraca amarenga ko n'uyu mwaka ishobora kuzamanuka mu cyiciro cya kabiri kuko iri ku mwanya wa nyuma mu mikino 11 imaze gukina ifite amanota 7.

Mu mikino 11 ikipe ya Kiyovu Sports imaze gukina muri shampiyona y'u Rwanda, “Rwanda Premier League 2024-25”, imaze gutsindwa imikino umunani, itsinda imikino ibiri ya AS Kigali na Etincelles ndetse inganya umukino umwe. Ifite umwenda w'ibitego 11.

Kuri iyi nshuro, hari kwibazwa ikizaramira Kiyovu Sports cyane ko bigaragara ko ishobora kujya mu cyiciro cya kabiri, kandi ntabwo yemerewe kugura abakinnyi kubera ibihano by'imyaka ibiri yahawe na FIFA kubera amakosa yari yarakoze yo kwambura abakinnyi bakayirega muri FIFA.

Kuri uyu wa Gatatu, Kiyovu Sport iragaruka mu kibuga ikina na APR FC mu kirarane cy'umunsi wa kane wa shampiyona, ariko nta cyizere cy'uko iyi kipe yo ku Mumena yabona andi manota atatu ikuzuza amanota 10. Izakina na APR FC nayo ihanganye no kuva mu bihe bibi, kandi ikaba ishaka igikombe cya shampiyona. 

Ikipe ya Kiyovu Sport iri mu mazi abira yo kumanuka mu cyiciro cya kabiri

Kiyovu Sports ikomeje gutsindwa umusubirizo

Muri 2017 Kiyovu Sports yamanuwe mu cyiciro cya kabiri nyuma yo gutsindwa na Rayon Sports, irokorwa no kongera umubare w’abanyamahanga.