Category: Uncategorized

Iki gikorwa cyari kigamije gushimira abakinnyi, abatunganya filime, abafatanyabikorwa, n'inshuti zose bagize uruhare mu bikorwa byabo, ndetse baboneraho no guteguza imishinga mishya izashyirwa mu bikorwa mu mwaka wa 2025.

Ni ibirori byitabiriwe n'abakinnyi bakomeye mu Rwanda, abatunganya filime, n'abandi banyamwuga batandukanye mu ruganda rwa Sinema Nyarwanda.

Mu ijambo ry’Umuyobozi Mukuru wa ZACU Entertainment, Misago Wilson yashimiye uruhare rw'abafatanyabikorwa mu kugera ku ntego zabo, anagaruka ku byagezweho kuva ZACU TV yatangizwa mu mwaka wa 2022.

Yagaragaje ko kuva yatangizwa, ZACU TV yabaye shene ya mbere ikurikirwa mu Rwanda kuri dekoderi za CANAL+. Uyu munsi, ZACU TV ikoresha ibikoresho byo ku rwego mpuzamahanga, byanayifashije gukora filime z'amasaha arenga 150 ku mwaka, ugereranyije n'amasaha 40 batunganyaga muri 2017 ubwo iki kigo cyafunguraga.

Mu bindi byagezweho byishimirwa, ni uko filime za ZACU zikomeje kugera ku rwego mpuzamahanga, aho nk'urugero, seri yitwa The Bishop's Family yaguzwe na shene ya A+, igashyirwa mu gifaransa.

Mu myaka ibiri ishize, ZACU Entertainment yatanze imirimo ku bantu barenga 300 kandi itanga imisoro irenga miliyoni 120 z'amafaranga y'u Rwanda mu kigega cy'imisoro (RRA).

Ku birebana n'imishinga mishya, Misago yatangaje ko seri Kaliza wa Kaliza, ikinwe mu buryo buvuguruye hashingiwe kuri seri yakozwe na Zee Entertainment, ari imwe mu mishinga izafasha gukomeza kuzamura urwego rwa sinema nyarwanda.

Ni mu gihe mu rwego rw'ubufatanye, ZACU TV irimo gukorana n'abatunganya filime barenga 10 kandi ibiganiro byo kongera umubare w'abafatanyabikorwa birakomeje.

Sophie Tchatchoua, Umuyobozi Mukuru wa CANAL+ Rwanda, na we yatanze ijambo ry'ishimwe no guha agaciro uruhare rwa ZACU mu ruganda rwa sinema nyarwanda, ndetse asobanura byimbitse imbaraga CANAL+ ishyira mu ruganda rwa sinema.

Yagize ati: “CANAL+ n'ikigo cya mbere mu gutunganya ibikorwa byo kwidagadura mu bihugu bikoresha Igifaransa muri Afurika. Ifite ibikorwa mu bihugu birenga 25 ku mugabane wa Afurika, birimo n'u Rwanda. Ifite inzu zitunganya filime muri Afurika, harimo Ivory Coast, Nigeria, n'u Rwanda.

CANAL+ itunganya amasaha arenga 3,500 y'ibikorwa bya televiziyo muri Afurika buri mwaka, harimo n'amaseri ya televiziyo 2,500 hamwe n'amafilime 250.”

Iki gikorwa cyasoje umwaka wa 2024 gituma abareba ZACU TV biteze byinshi mu mwaka wa 2025, by'umwihariko ku mishinga mishya itegurwa mu rwego rwo kwagura ibikorwa bya Sinema Nyarwanda.

Mu mafoto, ihere ijisho uko ibirori byagenze:

Niyitegeka Gracien wamamaye nka Papa Sava ni umwe mu barambye muri Sinema Nyarwanda witabiriye ibirori byo kwishimira ibyo uru ruganda rwagezweho mu 2024

Uwamahoro Antoinette wamamaye nka Siperansiya na Intare y’Ingore ni umwe mu byamamare byitabiriye ibi birori

Ubu buryo butuma umugenzi akoza ikarita ku mashini igakuraho amafaranga acyinjira, yagera aho aviramo akongera gukozaho ubundi agacibwa amafaranga y'urugendo yagenze.
Ku ikubitiro iyi gahunda yatangirijwe ku mihanda Nyabugogo — Kabuga na Downtown — Kabuga.

Itangazo ryashyizwe hanze na RURA kuri iki Cyumweru, rigaragaza ko ubu buryo bwagejejwe no mu zindi modoka zitwara abantu mu buryo bwa rusange mu byerekezo 24.

Ibyo byerekezo bishya ni Remera-Ndera, Downtown-Kanombe-Kibaya, Downtown-Kabeza-Rubirizi, Kimironko-Downtown, Nyanza-Downtown (unyuze mu Gatenga), Kimironko-Nyabugogo, Nyanza-Nyabugogo (unyuze mu Gatenga), Nyabugogo-Kanombe-Kibaya, Downtown-Kacyiru, Downtown-Saint Joseph, Nyabugogo-Saint Joseph.

Hari kandi Downtown-Bwerankori, Nyabugogo-Bwerankori, Remera-Busanza (Rubirizi), Remera-Busanza (unyuze Nyarugunga), Remera-Bwerankori, Kimironko-Bwerankori, Kimironko-Musave, Kimironko-Masizi-Birembo, Kimironko-Kinyinya, Kimironko-Batsinda, Nyanza-Gahanga, Nyanza-Kimironko na Remera-Nyanza.

Iyo mihanda ni: Remera-Ndera, Downtown-Kanombe-Kibaya, Downtown-Kabeza-Rubirizi, Kimironko-Downtown, Nyanza-Downtown (Via Gatenga), Kimironko-Nyabugogo, Nyanza-Nyabugogo (Via Gatenga), Nyabugogo-Kanombe-Kibaya, Downtown-Kacyiru, Downtown-Saint Joseph, Nyabugogo-Saint Joseph,

— Rwanda Utilities Regulatory Authority – RURA (@RURA_RWANDA) December 15, 2024

Ni amahugurwa bahawe mu byiciro bitanu hagati ya Ukwakira-Ukuboza 2024.

Yashingiye ahanini ku gushimangira ingingo yo gukorera hamwe buzuzanya mu nzego zabo, kuzamura ubunyamwuga no kurebera hamwe ingamba zafasha muri gahunda ya leta yo kwihutisha iterambere, icyiciro cya kabiri, NST2 n'iz'icyerekezo 2050.

Umushyitsi mukuru mu gusoza amahugurwa yari Umunyarwanda akaba na Visi Perezida ushinzwe porogaramu zitandukanye muri Susan Thompson Buffett Foundation, Prof. Senait Fisseha, umuryango wanagize uruhare runini mu itangwa ry'ayo mahugurwa.

Yagaragarije abahuguwe ko kuva mu 2020 aza mu Rwanda, ari igihugu yakunze bikarangira anagiherewe ubwenegihugu, ko na we kuva ubwo yabaye umukozi wa leta mu buryo bumwe cyangwa ubundi.

Ati 'Kuva natangira uyu mwuga nakoranye n'ibihugu byinshi cyane ariko nta gihugu na kimwe muri Afurika n'Isi muri rusange gihamye ku cyerekezo cy'iterambere cyacyo nk'u Rwanda. Turi abanyamahirwe bakomeye kuba dufite umuyobozi nka Perezida Kagame ureba kure. Nubwo we n'abandi bayobozi bashyiraho imirongo ngenderwaho, iterambere ry'igihugu rishingiye ku bakozi bacyo nka twe, kuko ari twe tuyishyira mu bikorwa.'

Prof. Fisseha yagaragaje ko NIP ari gahunda yifuza ko yazagera ku bakozi bose kugira ngo u Rwanda rugere ku ntego rwihaye rwo kuba igihugu gikize bitarenze 2050.

Yibukije uburyo icyo cyerekezo cyo kugira u Rwanda igihugu gikize, gifite imizi ku babohoye igihugu bagahagarika Jenoside yakorewe Abatutsi, agasaba abasoje amahugurwa kuzirikana aho u Rwanda rwavuye, bagakorera mu ngata ababohoye igihugu.

Ati 'Abababanjirije bakoze umurimo munini mu kugarura amahoro n'umutekano, kubaka ubumwe bw'Abanyarwanda mu bihe byari bikomeye, kwimakaza ubutabera, kubaka ibikorwaremezo n'ibindi. Nubwo twageze kuri byinshi, haracyari byinshi tugomba kwitaho kugira ngo duhe abaturage serivisi zinoze. Ni yo mpamvu gahunda nk'iyi iba ari ingenzi.'

Yagarutse ku bihugu byateye imbere nk'u Buhinde, Singapore n'ibindi, agaragaza ko iryo terambere birikesha gahunda nk'izo, binyuze mu guha akazi abahanga bari mu gihugu, bagahabwa imishahara myiza bigendanye n'ubukungu bwabyo, ndetse bagahabwa amahugurwa abafasha gushyira mu bikorwa inshingano zabo.

Prof. Senait Fisseha yerekanye ko ibyo byose ari byo u Rwanda rwashyizemo ingufu, ariko akagaragaza ko bitagerwaho abakozi barwo batabigizemo uruhare rugaragara.

Ati 'Tugomba gukora cyane tukagera ku nzozi z'abatanze ubuzima bwabo baharanira kubohora igihugu. Twubahe ibitambo batanze dushyira mu ngiro ibitekerezo byabo, ibyo baharaniraga tubigereho mu buryo burambye. Ni umurimo ukomeza ariko tugomba kugeraho uko byagenda kose.'

Mukiza Oreste ukora mu Rwego rw'Igihugu rushinzwe Mine, Peteroli na Gaz (RMB), yavuze ko bize byinshi bishingiye ku guhoza umuturage ku isonga, n'ibindi bizafasha u Rwanda kugera ku ntego z'iterambere.

Ati 'Tweretswe uko tugomba gutahiriza umugozi umwe nk'ibigo bya leta. Ni gahunda twifuza ko yakwagukira mu bakozi ba leta bose, ndetse ikanakomereza mu bikorera kugira ngo twese dutizanye imbaraga, dutere imbere kuko twese dukorera igihugu.'

Umujyanama w'Umunyamabanga uhoraho muri Minisiteri y'Uburezi, Mugabo David wahuguwe mu cyiciro cya gatatu, na we yagize ati 'Kugira ngo NST2 n'icyerekezo 2050 bigerweho, birasaba ko dukora cyane. Imbaraga byatwaye u Rwanda ngo icyerekezo 2020 kigerweho, dusabwa kuzikuba inshuro zirenga icyenda. Kuza muri aya mahugurwa byatweretse ko tugomba guhindura imikorere tukagendera ku muvuduko wihuta, tunareba ibintu mu buryo bwagutse.'

Minisitiri w'Abakozi ba Leta n'Umurimo, Ambasaderi Christine Nkulikiyinka, yashimiye inzego zose zitanze kugira ngo ayo mahugurwa atangwe mu byiciro byose, agaragaza ko ari gahunda izakomeza mu kwimakaza umurimo unoze ariko unakorwa n'abanyamwuga.

Ati 'Ubufatanye nk'ubu ni ingenzi ndetse buzakomeza no mu myaka iri imbere. Abasoje muri ibi byiciro bitanu bya mbere nizeye ko mwabonye ubumenyi bubafasha gufata inshingano, mugakorera hamwe, bigatuma mugera ku musaruro ushimishije.

Minisitiri Nkulikiyinka yanibukije abahuguwe ko bagomba kuzirikana buri munsi ko gutanga serivisi zinoze ari byo binateza imbere ubuzima bwiza bw'abaturage, ibizafasha igihugu kugera ku ntego cyihaye yo kuba igihugu gikize mu gihe kitarenze imyaka 25 iri imbere.

Ubwo abakozi ba leta bari bamaze igihe bahugurwa ku bijyanye n’akazi ka leta berekezaga aho ibirori byo gusoza ayo mahugurwa byaberaga

Uhereye ibumoso ni Umunyamabanga wa Leta ushinzwe Ubutwererane bw'Akarere muri Minisiteri y'Ububanyi n'Amahanga, Gen (Rtd) James Kabarebe, Minisitiri w’Ingabo, Juvenal Marizamunda n’Umugaba Mukuru w'Ingabo z'u Rwanda, Gen Mubarakh Muganga

Guverineri w’Intara y’Uburasirazuba, Pudence Rubingisa (ibumoso) na we yitabiriye ibirori byo gusoza amahugurwa yahabwaga abakozi ba leta

Uhereye ibumoso ni Minisitiri w’Abakozi ba Leta n’Umurimo, Ambasaderi Christine Nkulikiyinka, hagati ni Prof. Senait Fisseha, hagaheruka Umuyobozi w’Ishuri rya Gisirikare rya Gako, Brig Gen Franco Rutagengwa

Abakozi ba leta bari bamaze iminsi bahugurwa berekezaga aho bagombaga gusoreza amahugurwa, bakagenda hakurikijwe ibyiciro

Abakozi ba leta barenga 950 bahuguwe bose biyemeje gukorana umurava mu kwihutisha gahunda ya leta y’iterambere rirambye

Igihozo Fiacre ukora mu biro bya Minisitiri w’Intebe ni umwe mu bamaze igihe bahabwa amahugurwa

Umugaba Mukuru w'Ingabo z'u Rwanda, Gen Mubarakh Muganga akurikiye umuhango wo gusoza amahugurwa yahawe abakozi ba leta, agatangirwa mu Ishuri rya Gisirikare rya Gako

Minisitiri w’Abakozi ba Leta n’Umurimo, Ambasaderi Christine Nkulikiyinka mu bakurikiye umuhango wo gusoza amahugurwa yahabwaga abakozi ba leta

Umunyamabanga wa Leta ushinzwe Ubutwererane bw'Akarere muri Minisiteri y'Ububanyi n'Amahanga, Gen (Rtd) James Kabarebe na we yakurikiye umuhango wo gusoza amahugurwa yahabwaga abakozi ba leta, agatangirwa mu Ishuri rya Gisirikare rya Gako

Umuyobozi w’Ishuri rya Gisirikare rya Gako, Brig Gen Franco Rutagengwa yashimiye abakozi ba leta bari bamaze iminsi bahabwa amahugurwa, ubwitange bagaragaje muri icyo gihe

Minisitiri w’Abakozi ba Leta n’Umurimo, Ambasaderi Christine Nkulikiyinka yasabye abakozi ba leta gukoresha ubumenyi bahawe mu kwihutisha gahunda ya leta y’iterambere rirambye

Prof. Senait Fisseha yabwiye abahuguwe ko bagomba kusa ikivi cy'abatanze ubuzima bwabo ngo u Rwanda rubohorwe

Abahuguwe banahawe n’ibyemezo bigaragaza ko bahawe amahugurwa agamije guteza imbere u Rwanda

Abakozi ba leta 957 basoje amahugurwa bahererwaga mu Ishuri rya Gisirikare rya Gako

Amafoto: Niyonzima Moïse

Ni mu mukino wakinwe kuri iki Cyumweru Saa kumi nebyiri n’iminota 30 kuri Etihad Stadium.

Ikipe ya Manchester United itari ifite Marcus Rashford na Alejandro Garnacho kubera amahitamo y’umutoza ,yatangiye umukino ariyo ihererekanya neza gusa kugera mu rubuga rw’amahina rwa Manchester City bikaba ikibazo. 

Iyi kipe y’amashitani atukura yaje guhura n’ibibazo ku munota wa 14 umukinnyi wayo Mason Mount agira ikibazo cy’imvune ahita asimburwa na Kobbie Maino.

Ku munota wa 20 Manchester City yagerageje uburyo bwa mbere imbere y’izamu ku ishoti riremereye ryari rirekuwe na Phil Foden ariko rinyura impande y’izamu gato cyane.

Manchester United yakomeje gusatira ishaka igitego binashoboka ko yakibona nkaho Amad Diallo yarekuye ishoti gusa rikanyura impande y’izamu gato.

Ku munota wa 36 Manchester yatsinze igitego cya mbere gitsinzwe na Jusko Gvardiol akoresheje umutwe ku mupira waruzamuwe na Kevin De Bruyne.

Mbere yuko igice cya mbere kirangira Manchester City yarase igitego cyabazwe aho Phil Foden yacenze ba myugariro ba Manchester United yinjira mu rubuga rw’amahina arekura ishoti gusa Harry Maguire aratabara ashyira umupira muri koroneri.

Mu gice cya kabiri ikipe ya Manchester United yaje igerageza ishaka uko yakwishyura ariko ba myugariro ba Manchester City bakayibera ibamba.

Ku munota wa 61 Amad Diallo yari atsinze igitego ku mupira waruzamuwe na Bruno Fernandes ashyiraho umutwe gusa Ederson aratabara.

Bruno Fernandes hari aho yarase igitego ku mupira mwiza yarahawe na Rasmus Hojlund asigaranye n’umunyezamu gusa awumurengeje uragenda urarenga.

Ku munota wa 88 Manchester United yabonye penariti ku ikosa Matheus Nunes yari akoreye Amad Diallo yinjizwa na Bruno Fernandes igitego cyo kwishyura kina kirabonetse.

Nyuma y’iminota ibiri gusa ikipe y’amashitani atukura yabonye igitego cya kabiri gitsinzwe na Amad Diallo wari wakoze akazi gakomeye kuva kare ku mupira yarahawe na Lisandro Martinez.

Umukino warangiye Manchester City itsinzwe ibitego 2-1 ijya kumwanya wa 5 n’amanota 27 naho Manchester United yo ijya kumwanya wa 12 n’amanota 22.

Uko Amad Diallo yatsinze igitego cya kabiri 

Hashize iminsi ku mbuga nkoranyambaga hacicikana amagambo arimo n'ibitutsi ku bemera ko ari aba-feministe bavuga ko baharanira uburenganzira bw'abagore mu gihe abarwanya iyo myumvire babibona nko guhangana n'abagabo.

Umuyobozi wa TI Rwanda Ingabire Marie Immaculée yabwiye One Nation Radio ko we aharanira ko umugore adatsikamirwa n'umugabo haba mu mitungo cyangwa ubundi burengenzira bwo mu rugo.

Ati 'Féminisme njyewe sinyemera, njyewe mparanira guteza imbere uburinganire. Ni ukuvuga ngo umukobwa cyangwa umugore wese ntabwo nzamufata nk'inzirakarengane na we ashobora kugira amakosa. Icyo ntazemera ni uko azarengana ntarenganurwe azize ko ari umugore. Icyo sinzacyemera na rimwe.'

'Icyo ntazemera ni uko umugabo bashakanye bahahana ibintu mu rugo azamurusha uburenganzira mu rugo rwe. N'itegeko noneho ryarakosotse rivuga ko umutware w'urugo ni umugabo n'umugore. Ubundi arantwara anjyana he? Njyewe se namutwaye? Wenda nsange ndatwarwa n'umusinzi, umusambanyi n'umujura, uwo ni umutware wantwara? Umwana arabura amafaranga y'ishuri ngo se ni umutware?'

Yahamije ko hari abakobwa babiri bishwe mu bihe byashize bamushengura umutima ariko n'uburyo aba-feministe babyitwayemo byamwongereye agahinda ku mutima.

Ati 'Ndebye uko abo bantu bacu bitwara mu kibazo ndababara cyane kurushaho. Icya mbere wowe mukobwa uciye ubwenge banza ureke kujya guca urubanza mbere y'umucamanza. Ndakwinginze gira ibindi uburana birahari. Turacyafite abagore bakubitwa, reka mbahe ikibazo kidukomereye ntari numva aba-feministe bavugaho n'umunsi n'umwe, nirirwa ndwana na cyo njyenyine.'

Mu bihe byashize aba bagore batandukanye n'abagabo babo urukiko rugategeka ibyo bagomba kujya bahabwa nk'indezo z'abana, iyo umugabo yangaga kubitanga bahamagaraga Polisi cyangwa RIB akayitanga ku ngufu ariko ubu ntibigishoboka.

Ati 'None se ubu abagabo ko banze gutanga indezo abo bagore bakaba ari bo bahangayikanye n'abo bana bonyine? Ndahamagara abo ba-femiste, nimuze dukore ubwo bukangurambaga turengere abo bagore n'abana na ho kujya guca urubanza rukiri mu rukiko umucamanza ataratangaza icyemezo, uraruca witwaje iki?'

Ingingo ya 345 y'Itegeko Rigenga Abantu n'Umuryango iteganya ko 'Umubyeyi afite inshingano yo kwita ku mwana we no kumurera. Ushinzwe kurera umwana wemewe n'amategeko na we afite nshingano zo kwita kuri uwo mwana.'

Ingabire Marie Immaculée yatangaje ko aba-feministe bakwiye gushyira imbaraga mu kuvuganira abagore batandukanye n’abagabo bakabima indezo z’abana babasigiye

Uyu muhango wo gutanga impamyabumenyi wabaye ku wa 13 Ukuboza 2024. Abazihawe ni abanyeshuri 707 basoje amasomo y'Icyiciro cya Kabiri cya Kaminuza, 248 basoje amasomo y'Icyiciro cya Gatatu cya Kaminuza, na 232 basoje amasomo muri ULK Polytechnic Insitute.

Umuyobozi wa Kaminuza yigenga ya Kigali, Dr. Cyprien Sikubwabo, yavuze ko abanyeshuri 955 biga muri ULK ishami rya Kigali bigishijwe ibirimo ubumenyi kuri mudasobwa (Computer Science), Amategeko, Development Studies, International Studies, Ubukungu, Ibaruramari n'andi.

Mu barangije amasomo y'icyiciro cya kabiri, 588 bangana na 59.6% ni abagore n'abakobwa, mu gihe abandi 397 ari abagabo.

Dr. Sikubwabo yavuze ko “Ibi byerekana ubushake bw'abagore mu burezi bwo ku rwego rwa kaminuza.”

Yongeyeho ko iyi kaminuza iri gukurura abanyamahanga, avuga ko bishingiye ku mahoro n'umutekano biri mu Rwanda ndetse n'iterambere rifatika igihugu kimaze kugeraho.

Ati “Tuzakomeza gutanga uburezi buhambaye buhindura Isi, kugira ngo dutume ULK imenyekana nka kaminuza nziza ku isoko mpuzamahanga.”

Yanavuze ko ibikorwa byo kubaka amacumbi y'abanyeshuri byarangiye mu Ukwakira 2024.

Ati “Ubu amacumbi ashobora kwakira abanyeshuri bagera kuri 1200. Aya macumbi ni intambwe ikomeye mu guteza imbere uburezi bufite ireme muri ULK, kuko atuma abanyeshuri batura ahantu heza, bikabafasha kwisanga muri kaminuza.”

Umuyobozi w'Ishuri Rikuru ry'Imyuga n'Ubumenyingiro rya ULK Polytechnic Institute, Eng. Musabyimana Jean Pierre, yashimiye abanyeshuri basoje amasomo ku mbaraga n'ubwitange bakoresheje.

Ati 'Uyu munsi turishimira intambwe y'ingenzi mu buzima ku banyeshuri basoje amasomo y'umwaka wa 2023/2024. Ibi ni ikimenyetso cy'imbaraga mwashyizemo n'uruhare rw'ababashyigikiye mu rugendo rwanyu.'

Yanashimangiye ko ULK Polytechnic Institute ikomeje kwagura amahirwe y'abanyeshuri binyuze mu gushyiraho porogaramu nshya y'icyiciro cya kabiri cya kaminuza mu by'ikoranabuhanga (Bachelor of Technology) no gushora imari mu bikorwaremezo birimo laboratwari zigezweho.

Prof. Dr Rwigamba Balinda washinze ULK na ULK Polytechnic Institute, yavuze ko iyi kaminuza imaze gushyira ku isoko abarenga 41,145 bize amasomo atandukanye, ashimangira ko ari intambwe nziza imaze guterwa.

Yagiriye inama abarangije amasomo gukomeza gukarishya ubumenyi bwabo binyuze mu gusoma ibitabo n'ibindi.

Ati “Mukomeze mukarishye ubumenyi bwanyu. Ndashaka abarangije mu cyiciro cya kabiri cya kaminuza, kugira ngo nimwifuza gukomereza mu cyiciro cya gatatu cya kaminuza, muzakomereze muri ULK.”

Prof. Dr Rwigamba yavuze ko ari ingenzi kugira indangagaciro nziza kuko iyo ziyongereye ku bumenyi, bituma umuntu yigirira akamaro akanakagirira igihugu.

Ati 'Mujye mwibaza muti ni iki nakora, kugira ngo mfashe abandi? Muzaba icyo muri kwitoza kuba uyu munsi.”

Umuyobozi Mukuru w'Inama y'Igihugu y'Amashuri Makuru na Kaminuza, Dr Mukankomeje Rose, yashimye ubuyobozi bwa ULK bwabimburiye abandi mu gushinga kaminuza yigenga, ubu bakaba bari ku isonga mu kugira abanyamahanga benshi.

Yasabye abarangije kwiga gukoresha neza ubumenyi n'ubushobozi bungukiye muri ULK, bagatanga umusanzu mu gukemura ibibazo byugarije sosiyete bagiyemo.

Ababyeyi n’abandi bo mu miryango y’abarangije amasomo baje kwifatanya na bo muri ibyo byishimo

Abarangije amasomo bari mu byiciro binyuranye

Abo muri ULK Polytechnic bahawe impamyabushobozi ni abo mu cyiciro cya munani

Prof Rwigamba Balinda washinze ULK yavuze ko imaze gushyira ku isoko abarenga ibihumbi 41, bari gutanga umusanzu mu iterambere ry’igihugu

Basabwe gukoresha ubumenyi bakuye muri iyi kaminuza bakemura ibibazo byugarije umuryango

Dr Mukankomeje Rose yasabye abasoje amasomo gutanga umusanzu mu iterambere ry’igihugu

ULK ni yo kaminuza yigamo abanyamahanga benshi

Iri murikabikorwa ry'iminsi ibiri ryasojwe ku itariki 13 Ukuboza 2024. Ryabereye i Kigali rihuriza hamwe ibigo bimurika ibyo bikora, biganira ku mahirwe ahari mu bijyanye n'ishoramari mu by'ubwubatsi, bisangira inaribonye ndetse n'imbogamizi zigihari.

Mu muhango wo gusoza iryo murikabikorwa, Umuyobozi wungurije wa PSF, Kimenyi Aimable yavuze ko igitekerezo Mr Roof yagize cyo guhuriza hamwe abakora ubucuruzi mu by'ubwubatsi bose kuva ku bashushanya imbata z'inzu kugeza ku isakaro ari ikintu gikomeye cyane.

Yagize ati 'U Rwanda ni Igihugu kiri gutera imbere cyane no mu rwego rw'ubwubatsi ariko usanga abahabwa serivise zabwo hari izo batabona neza kubera kudakorera hamwe. Umuntu ashobora gufungura 'quincaillerie' akabikora ku giti cye ntamenyane n'abakeneye ibyo acuruza ngo bakorane, uwubaka inzu, ushyiramo imitako cyangwa se n'ufite igitekerezo kijyanye n'ubwubatsi ntibahure nk'abari mu mwuga umwe ngo habeho imikoranire'.

Yakomeje avuga ko 'Nka PSF dushyigikiye cyane iki gitekerezo cya 'Under one roof' kuko cyahuje abantu bose bari mu mwuga baraganira bituma uwabaka amenya aho ibikoresho biva, abakeneye inguzanyo bahura n'ibigo by'imari bizitanga mu bwubatsi kandi biborohereza iyo ari benshi n'indi mikoranire inyuranye. N'ibindi bihugu byateye imbere usanga hahabaho gukorana kw'abantu bari mu mwuga umwe bigatuma bakora ibikorwa binini'.

Umuyobozi w'ibikowa by'ubucuruzi mu Kigo gishora Imari mu bijyanye n'Ubwubatsi cya UDL, Rubangura Claudette yavuze ko iryo murikabikorwa baryitezeho umusaruro ufatika mu bijyanye n'ubwubatsi.

Ati 'Ntekereza ko imurikabikorwa nk'iri rizatanga umusaruro ukomeye mu rwego rw'ubwubatsi no ku gihugu muri rusange. Ibyo bizazamura ubukungu binyuze mu guhanga imirimo mishya no guteza imbere ubumenyi kuko by'umwihariko twanaganiriye ku cyuho mu bijyanye n'ubumenyi kigihari. Nashishikariza n'ibindi bigo gutegura imurikabikorwa nk'iri Mr Roof yakoze'.

Umuyobozi Mukuru wa Mr Roof, Fatima Soleman yavuze ko kimwe mu bintu by'ingenzi bikenewe mu bijyanye n'ubwubatsi ari uguhuza imbaraga abantu bakamenyana kandi ko iryo murikabikorwa ryafashije kubigeraho.

Ati 'Twamenye ko abantu benshi bakora mu by'ubwubatsi bari bakeneye uru rubuga kugira ngo bungurane ubumenyi kandi banahure n'abandi bakora muri uyu mwuga bamaze kubaka izina ndetse n'ingaga z'abanyamwuga mu by'ubwubatsi. Twishimiye uburyo abakora muri izo nzego bose bahuriye muri iri murikabikorwa ariko by'umwihariko hari harimo n'abadakora mu by'ubwubatsi ariko batanga serivise abubatsi bakenera'.

Fatima yongeyeho ko urwego rw'ubwubatsi mu Rwanda rurimo amahirwe y'ishoramari yo kubyaza umusaruro kuko rugize 10% by'Umusaruro Mbumbe w'Igihugu kandi rukaba ruri gukura cyane bijyanye n'iterambere ry'Igihugu.

Iryo murikabikorwa mu by'ubwubatsi ryateguwe na Mr Roof ribaye ku nshuro ya mbere ari na ryo rya mbere ribaye muri urwo rwego Rwanda, rikaba rizajya riba buri mwaka.

Abitabiriye iryo murikabikorwa bakora mu ngeri zinyuranye zihura n’ubwubatsi

Umuyobozi wungurije wa PSF, Kimenyi Aimable ashimira Fatima Soleman ku bw’iryo murikabikorwa

Umuyobozi Mukuru wa Mr Roof, Fatima Soleman yavuze ko kimwe mu bintu by'ingenzi bikenewe mu bijyanye n'ubwubatsi ari uguhuza imbaraga

Rubangura Claudette yavuze ko iryo murikabikorwa ryitezweho kuzamura ubwubatsi

Akarere ka Nyanza gafite igice cyitwa Amayaga mu mirenge ya Ntyazo, Muyira, Kibirizi, Kigoma na Busoro; yose izwiho kwera imyumbati nk'uko biri no mu Karere ka Ruhango bihana imbibi.

Iyo utembera muri aka gace, ugenda ubona ubuso bunini buhinzeho imyumbati y'imbuto nshya iherutse gutuburwa igakwirakwizwa mu baturage, ndetse ukabona n'ibitanda binini byanitseho imyumbati yinuwe.

Gusa ariko, bamwe mu bahinzi bayejeje ntibamwenyura nk'uko byakagombye, ahubwo barataka igihombo kuko ngo babuze isoko ry'umusaruro wabo.

Niyomugabo Charles, umuhinzi w'imyumbati ufite hegiitari eshatu wo mu Karere ka Nyanza, Umurenge wa Kigoma, Akagari ka Butara, Umudugudu wa Kigufi, yabwiye IGIHE ko ubu imyumbati iri kubura isoko kandi bo barayihinze bahenzwe.

Yavuze ko ikilo cyayo kitarenza 200Frw, ibyo we na bagenzi be bafata nk'igihombo.

Ati 'Ubu ikilo amenshi ni 200Frw, kandi mu minsi yatambutse umuhinzi yahingaga yishyimye kuko byari 500 Frw no hejuru yayo, wahinga bikagira icyo bikumarira. Ubu twarahombye cyane, kuko tuvuge niba nari mfite nk'aho nakura nka miliyoni 3Frw ubu na miliyoni imwe kuvamo ni ikibazo, kandi twashoye amafaranga menshi.''

Mutabazi Jean Baptiste, wo mu Mudugudu wa Buhaza, Akagari ka Gati, mu Murenge wa Muyira, muri Nyanza, nawe avuga ko imyumbati baheruka guhinga ku bwinshi ubu yabuze isoko.

Ati 'Ubu iragurishwa 200 Frw, ariko iyaba nayo yabonekaga byibura, urayitindikira warabuze n'ukubaza!''

Ni nako biri kandi kuri Sova Eric w'imyaka 20 nawe wo mu Murenge wa Muyira.

Uyu avuga ko yari yarahinze imingoti ine y'imyumbati, yizeye kwiteza imbere nk'urubyiruko, ariko ubu ikaba iri kumuhombera iborera mu murima kuko nta soko yayibonera.

Ati 'Nateganyaga gusarura nkakomeza kwagura ubuhinzi, nkongeramo n'ubworozi bw'inkoko, ariko ubu binsubije inyuma, kandi umuntu aba akishakisha.''

Niyomugabo na bagenzi be, basaba ubuyobozi ko bwabavuganira bukabashakira abashoramari bayigura kuko ngo kugeza ubu uruganda rw'imyumbati rwa Kinazi narwo ruvuga ko rutabasha kugura umusaruro w'abahinzi bose.

Ati 'Iyo ugiye ku ruganda gusaba ko bakugurira, nk'ubu (itariki twavuganiyeho) bakubwira ngo uzagerwaho muri Kamena umwaka utaha, ngo abandi babanje barangiye, kandi ubwo yaba iri gupfa ubusa.''

Niyomugabo yavuze bigoye kwishakira isoko kuko bo bari baramenyereye abacuruzi bazaga kubahahira mu cyaro, ariko ubu bakaba batakiza.

Mugenzi we, Mutabazi nawe ati 'Leta idushishikariza gukora, igashyiraho abafashamyumvire mu buhinzi, igashyiramo abagoronome, ariko byamara kwera, ibyo twashoye bigahomba, ingaruka zikaba ubukene ku muturage wo hasi.''

'Twumva Leta yashyiraho ingamba zo kujya idufatira umusaruro ikawujyana no mu bihugu byo hanze, kuko uruganda rumwe mu Mayaga ntiruhagije ku myumbati ihera, mba numva n'abaruturiye barira ko babuze isoko.''

Umuyobozi w'Akarere ka Nyanza wungirije Ushinzwe Iterambere ry'Ubukungu, Kajyambere Patrick, yavuze ko ubusanzwe ibiciro byajyaga bihindagurika bitewe n'igihe runaka, ariko ko atari azi iby'iki kibazo kivugwa n'abahinzi, akabizeza ko bagiye kongera kuvugana n'uruganda rwa Kinazi ndetse n'abandi baguzi bo ku ruhande, mu gushaka isoko.

Ati 'Tugiye kubikurikirana, dukorane n'uruganda, ariko tunemera ko twareba n'abandi baturutse ahandi, kugira ngo twuzuzanye dushake isoko.''

Kugeza ubu, mu Karere ka Nyanza, imyumbati ihingwa ku buso busaga hegitari 7000, kikaba ari igihingwa ngandurarugo, ariko kizana n'amafaranga.

Kanyarwanda Jonas wo mu Murenge wa Muyira, muri Nyanza, avuga ko nubwo batareka guhinga imyumbati, ariko ubu inyungu yayo muri iki gihe ari ntayo

Imbuto y’imyumbati iherutse gutangwa mu turere two mu Ntara y’Amajyepfo, yatangiye gutanga umusaruro n’ubwo abayihinga bataka kutabona abaguzi iyo yeze

Henshi uhasanga ibitanda byanitseho imyumbati yinuwe igiye kuma, ariko nta cyizere cy’isoko bene yo bafite

Sova Eric, umusore ukiri muto wari waratangiye kwiyegurira ubuhinzi ubu ababajwe no kuba umusaruro w’imyumbati ye uri guhomba

Ni igihembo cyatanzwe ku wa 13 Ukuboza, ubwo Kaminuza yigenga ya Kigali yashyikirizaga impamyabumenyi abanyeshuri 955 bo mu byiciro bitandukanye.

Guhemba abitwaye neza cyane cyane urubyiruko muri kaminuza zitandukanye ni kimwe mu byo Prime Insurance imaze kugira umuco, kuko muri Werurwe uyu mwaka yahembye umunyeshyuri w'umukobwa wari wahize abandi muri Kaminuza ya Kigali.

Umuyobozi ushinzwe Ubucuruzi muri Prime Insurance, Mike Byusa, yavuze ko ari umuco bimakaje wo gufasha abafatanyabikorwa babo mu bihe bitandukanye by'umwihariko mu mashuri.

Ati 'Dukunze kugira umwihariko wo guhemba abahize abandi, ni umusanzu wacu dutanga rero ku rubyiruko kugira ngo tubafashe kwitegura ejo habo heza.'

Byusa yavuze ko iyi gahunda yo guhemba uwahize abandi ukiri muto, ituma abana biga bashyizeho umwete, ibituma intego u Rwanda rwihaye yo kubaka ubukungu bushingiye ku bumenyi igerwaho.

Yavuze kandi ko nk'ikigo cy'ubwishingizi, kijyana na gahunda z'igihugu zo guteza imbere urubyiruko

Byusa yavuze ko Prime Insurance ikomeje gahunda yo kwegereza abayigana uburyo bw'ikoranabuhanga, aho ushobora kugura ubwishingizi bw'ibinyabiziga no kureba igihe ubwishingizi buzarangirira.

Ikoranabuhanga ryayo kandi rifasha mu kumenya aho ushobora kubona serivisi z'ubuvuzi hakwegereye ndetse vuba, ukaba ushobora no kumenyekanisha impanuka ukoresheje telefone yawe aho uri hose.

Ni gahunda zirimo kugura ubwishingizi waba usanzwe uri umukiliya wa Prime Insurance, cyangwa ari ubwa mbere uyigannye, gufasha abantu kumenya igihe ubwishingizi buzarangirira, ushaka kubwongera agafashwa n'ibindi bitandukanye.

Yavuze ko muri miliyari zirenga 20 Frw binjije mu 2023, arenga miliyari 4 Frw yishyuwe abantu bagize impanuka zitandukanye bafite ubwishingizi muri Prime Insurance cyangwa bangirijwe ibyabo n'abafite ubwishingizi muri Prime Insurance ndetse bigakorwa vuba bitabangamiye imirimo y'abantu.

Ubu Prime Insurance, itanga ubwishingizi 43 butandukanye. Yarangije umwaka wa 2023 ku mwanya wa gatatu mu bigo binini ku isoko ry'ubwishingizi mu Rwanda akaba ari nayo ifite isoko rinini rw'ubwishingizi bw'ibinyabiziga imbere mu gihugu.

Umuyobozi ushinzwe Ubucuruzi muri Prime Insurance, Mike Byusa, ashyikiriza Tuyisenge Marie Jeanne igihembo cye, gikubiyemo amafaranga y’ishuri azamufasha kwiga icyiciro cya gatatu cya kaminuza

Umuyobozi ushinzwe Ubucuruzi muri Prime Insurance, Mike Byusa, yavuze ko ari umuco bimakaje wo gufasha abafatanyabikorwa babo mu bihe bitandukanye by'umwihariko mu mashuri

Perezida wa ULK, ari nawe wayitangije, Prof. Dr. Rwigamba Balinda, yari yitabiriye iki gikorwa

Byari ibyishimo ku banyeshuri basoje amasomo yabo