Category: Uncategorized

Twagirayezu Thaddée yabitangaje ubwo yaganiraga na Radio & TV 10 mu kiganiro cy’imikino ‘Urukiko rw’Ubujurire’. Yavuze ko batanze ibiganiro na Munyakazi Sadate bijyanye nuko asanzwe ari n’umuyobozi muri Rayon Sports ahubwo ko bamubwiye ko bataganira ku bijyanye n’amasezerano avuga ko atubahirijwe ndetse n’amadeni avuga afitiwe n’iyi kipe bitewe nuko basuzumye bagasanga nta bimenyetso bihari.

Yagize ati “Ntabwo twanze ibiganiro nawe kuko Sadate ni umunyamuryango wa Rayon Sports ndetse ari no mu Rwego rw’ikirenga, ubwose urumva tutaganira gute ahubwo icyo namwandikiye namubwiye ngo maze gusuzuma ibaruwa wanditse n’amasezerano ni byo twagiye tubona birimo amahererekanyabubasha dusanga nta mpamvu yo kuganira kuri ibyo bintu kuko nta kintu kirimo”.

Yakomeje agira ati: “Rero turamubwira ngo dukurikije ibyo waduhaye kugira ngo tuganireho nta mpamvu yo gutakaza umwanya kuko nta kintu kirimo gituma tuganira. Nta mpamvu yo kuganira ku mwenda, nta mpamvu yo kuganira kuri ayo masezerano kubera ko nta kimenyetso na kimwe kigaragaza ko hari amasezerano yagiranye na Rayon Sports nta n’ikimenyetso kigaragaza ko tumufitiye umwenda”.

Thaddée yavuze ko ubwo Sadate yari akiri Perezida wa Rayon Sports nawe ayo masezerano avuga yagiranye n’iyi kipe yambara Ubururu n’Umweru atigeze ayashyira mu bikorwa. Yagize ati “Sadate ni we wagombaga kubona inyungu kuri ibyo bintu (Amasezerano) ari nawe muyobozi wa Rayon Sports? Ntabwo ari umuyobozi yigeze atwereka uburyo ayo masezerano yayashyize mu bikorwa nawe.”

Munyakazi Sadate yandikiye Rayon Sports ayibwira ko akeneye ibiganiro ku masezerano kompanyi ahagarariye zifitanye n'Umuryango wa Rayon Sports hamwe n'umwenda uyu muryango umufitiye.

Yagaragaje ko ku wa 17 Mutarama 2018, kompanyi ye ya MK Sky Vision Ltd yagiranye n'Umuryango wa Rayon Sports amasezerano yo gushakira Ikipe ya Rayon Sports abafatanyabikorwa mu by'ubucuruzi.

Ni mu gihe tariki ya 16 Werurwe 2019, indi kompanyi ye yitwa Three Brothers Marketing Group Ltd yagiranye n'Umuryango wa Rayon Sports amasezerano yo gucuruza ibintu byose biriho ibirango by'Umuryango wa Rayon Sports ndetse ibyo byatangiye kubahirizwa ubwo iyi kipe yatwaraga Shampiyona ya 2018/19.

Munyakazi Sadate kandi yagaragaje ko mu bihe binyuranye yagurije Umuryango wa Rayon Sports amafaranga yo kuyifasha mu bikorwa byayo bya buri munsi agera kuri Miliyoni 85 [85.389.000 Frw] hatabariwemo ayo bahaye Umuryango nk'umusogongero w'ibyo bari bagiye gukorana ndetse n'amafaranga batanze mbere ya Nyakanga 2019.

Yavuze ko Umuryango wa Rayon Sports warenze kuri ayo masezerano uha abandi bantu gukora ibyo basezeranye kandi byari bibujijwe none umwenda bamufitiye bakaba bataramwishyura kugeza ubu, akaba ari yo mpamvu yabandikiye iyi baruwa abasaba ko bahura bakaganira kuri ibyo bibazo byose ngo babishakire ibisubizo mu bwumvikane.

Perezida wa Rayon Sports yavuze ko batakwirirwa batakaza umwanya bajya mu biganiro na Sadate bitewe nuko amasezerano avuga yagiranye n’ikipe n’amafaranga avuga aberewemo nta bimenyetso bifite

Munyakazi Sadate avuga ko Rayon Sports imufitiye umwenda w’amafaranga arenga Miliyoni 85 

Perezida wa Rayon Sports yakuriye Munyakazi Sadate inzira ku murima

Munyakazi Sadate ushaka ibiganiro na Rayon Sports ari mu buyobozi bwayo 

Mu gihe habura iminsi mbarwa ngo Abanyarwanda bizihize iminsi mikuru ya Noheli n'Ubunane, Umuvugizi wa Polisi y'u Rwanda, ACP Rutikanga Boniface yamaze impungenge Abanyarwanda, ashimangira ko iminsi mikuru izagenda neza nk’ibisanzwe.

Ati: 'Twiteguye neza kandi turizera ko iminsi mikuru izagenda neza nk'uko bisanzwe.'

Yagaragaje ko uko imyaka itambuka ari ko bagenda biga amasomo y’uko bafasha abantu kurushaho kwizihiza iminsi mikuru batekanye, agaruka kuri gahunda nshya yashyizweho yo korohereza abashaka kujya gusangira Noheli n’Ubunane n’imiryango yabo ituye mu Ntara zinyuranye z’Igihugu.

Ati: “Uburyo biteguye uyu munsi bitandukanye n’umwaka ushize. Uribuka ko umwaka ushize twibeshye tukagira abantu benshi muri gare, bigatezamo ikibazo cy’umuvundo. Uyu mwaka rero twiteguye neza kandi burya iyo habayeho kwitegura kwiza, no gushyira mu bikorwa ibyateganyijwe bigenda neza.”

ACP Rutikanga yumvikanishije ko nka Polisi y’u Rwanda biteguye gufasha abantu kuryoherwa n’impera z’umwaka, harimo no gufasha abazitabira ibitaramo bitandukanye, mu materaniro atandukanye, ndetse n’ibindi birori biteganijwe muri Kigali ndetse no hanze yayo.

Yakomeje agira ati: “Ubungubu ngira ngo mwatangiye kubona Abapolisi hirya no hino mutari mukunze kujya mubona, ni mu rwego rwo kwitegura kuko ‘mood’ y’iminsi mikuru yaratangiye.”

Ibi Umuvugizi wa Polisi y’u Rwanda abitangaje nyuma y’uko Urwego rw'Igihugu rushinzwe kugenzura imikorere y'inzego zimwe z'imirimo ifitiye Igihugu akamaro (RURA) rushyizeho uburyo bushya buzafasha abagenzi kubona imodoka no kugabanya umuvundo muri Gare ya Nyabugogo, mu bihe by'iminsi mikuru isoza umwaka.

RURA yatangaje ko ku wa 23-24 Ukuboza 2024 no kuva ku wa 30-31 Ukuboza 2024, abagenzi bazajya bategera imodoka mu bice bitandukanye byateganyijwe byiyongera kuri gare ya Nyabugogo.

Nk'abakoresha umuhora w'Amajyepfo mu turere twa Kamonyi, Muhanga, Ruhango, Nyanza, Huye, Nyamasheke, Karongi, Ngororero, Gisagara, Rusizi, Rutsiro na Nyaruguru, bazategera imodoka i Nyamirambo kuri Pele Stadium.

Abakoresha umuhora w'Iburasirazuba bajya i Rwamagana, Kayonza, Gatsibo, Nyagatare, Ngoma na Kirehe bazategera imodoka muri Gare ya Kabuga.

Ni mu gihe abakoresha umuhora w'Amajyaruguru, mu turere twa Gicumbi, abajya i Nyagatare banyuze Gicumbi, Rulindo, Musanze, Rubavu, Burera, Gakenke na Nyabihu bazategera imodoka muri Gare ya Nyabugogo.

Mu itangazo RURA yashyize hanze yakomeje igira iti 'Abagenzi bajya i Bugesera, bazategera muri Gare ya Nyanza ya Kicukiro. Abateganya gukora ingendo baragirwa inama yo gutegura ingendo zabo bagura amatike hakiri kare, mu rwego rwo kwirinda umuvundo.'

Uru rwego rwakomeje ruvuga ko abakozi barwo ab'Umujyi wa Kigali, n'izindi nzego bireba bazaba bahari mu rwego rwo gufasha abagenzi gukora ingendo zabo.

Ni nyuma y'uko Leta y'u Rwanda yemereye hoteli, utubari, restaurants n'utubyiniro gukora kugeza Saa Munani zo mu rukerera, kuva ku wa Mbere kugeza ku wa Kane, na ho kuva ku wa Gatanu kugera ku Cyumweru, bikaba byakora bigakesha.

Mu itangazo RDB yashyize hanze, yavuze ko iki cyemezo gitangira gukurikizwa kuva ku wa 10 Ukuboza 2024, kugeza tariki 5 Mutarama 2025. Yavuze ko kiri mu murongo wo gufasha abaturarwanda kwizihiza iminsi mikuru isoza umwaka.

Umuvugizi wa Polisi y’u Rwanda, ACP Rutikanga Boniface yijeje Abanyarwanda umutekano usesuye mu minsi mikuru 

Senderi yikomanga ku gatuza ashingiye ku kuba muri uyu mwaka atarigeze ahamwema kugaragara mu bikorwa bikomeye byabaye, birangajwe imbere no kuba yari mu bahanzi baririmbye mu bikorwa byo kwiyamamaza kwa Perezida Paul Kagame byabereye mu Ntara zitandukanye z'Igihugu. 

Ikirenze kuri ibyo, uyu muririmbyi yaririmbye mu irahira ry'Umukuru w'Igihugu, ryabereye muri Sitade Amahoro, ku wa 20 Kanama 2024 ryitabiriwe n'Abakuru b'Igihuhu na za Guverinoma, barenga 20. 

Wari umunsi udasanzwe kuri uyu muhanzi; kandi biri mu byanyuze umutima we, kuko 2024 awufata nk'umwaka wahinduye ubuzima.

Mu kiganiro na InyaRwanda, Senderi Hit ashimangira ko ari we muhanzi wa mbere waririmbiye abaturage benshi muri uyu mwaka, kuko yagaragaye mu bikorwa byinshi cyane byahuje cyane abaturage, kurusha abandi.

Yavuze ati 'Uyu mwaka wa 2024 wabaye uwo kwaguka no gukomeza kugera ku baturage nk'uko nabyiyemeje. Ni umwaka waranzwe no guhatana cyane, ariko nanjye nari mu b'imbere. Nahamya ntashidikanya ko ari njye muhanzi wa mbere wataramiye abaturage benshi mu Rwanda, kandi mfite n'ibimenyetso bibyemeza.”  

Senderi Hit ashingira kuki avuga ko 2024 ariwe muhanzi wa mbere wataramiye abaturage benshi?

Senderi ari ku rutonde rw'abahanzi baririmbye mu bitaramo byaherekeje isiganwa rya Tour du Rwanda, ryabaye tariki 18 kugeza ku ya 25 Gashyantare 2024. Ni ku nshuro ya 16, iri rushanwa ryari ribaye kuva ryaba mpuzamahanga.

Ati 'Aha hose twahanyuze dutaramira abaturage! Byari ibihe bidasanzwe kuri njye na bagenzi banjye. Ariko, kandi nagendaga nisanga, kuko uturere twinshi nari nsanzwe mbazi, nziranyi n'abaturage.'

Muri Mata 2024, uyu muhanzi yifatanyije n'Abanyarwanda hirya no hino mu gihugu, aririmba mu bikorwa byo Kwibuka ku nshuro ya 30 Jenoside yakorewe Abatutsi.

Ati 'Hamwe n'indirimbo nahimbye zo Kwibuka, nagiye ndirimbira hirya no hino mu gihugu, nifatanya n'abanyarwanda kwibuka.' 

Hagati ya Nyakanga na Kanama 2024, Senderi avuga ko umutima we wanyuzwe nyuma y'uko ashyizwe mu bahanzi baririmbye mu bikorwa byo kwamamaza umukandida w'umuryango FPR-Inkotanyi, Perezida Paul Kagame.

Ibi bikorwa byageze hirya no hino mu gihugu, ndetse byahaye akazi abahanzi banyuranye barimo na Senderi Hit.

Imibare ya hafi igaragaza ko Akarere ka Kicukiro ho mu Mujyi wa Kigali kabaye aka mbere mu kugira umubare munini w'abantu bitabiriye ibikorwa byo kwiyamamaza ku mukandida w'umuryango FPR-Inkotanyi, Chairman Paul Kagame, aho abitabiriye barengaga ibihumbi Magana ane (400,000).

Ibikorwa byo kwiyamamaza  kuri Perezida Kagame byamaze ibyumweru bitatu, byasojwe ku wa Gatandatu tariki 13 Nyakanga 2024 kuri Site ya Gahanga mu Karere ka Kicukiro.

Ni ibikorwa byatangiye ku wa 22 Kamena 2024, bigera kuri Site 18 hirya no niho mu gihugu, aho ibihumbi by'abanyamuryango bari bacyereye kumwakira.

Umuryango FPR-Inkotanyi wagiye utangaza imibare y'abanyamuryango babaga bitabiriye kuri buri Site Perezida  Kagame yiyamamarijeho. Urugero, Musanze bavuze ko abari bahateraniye barenga ibihumbi 350, ari nayo mpamvu mu gukora igiteranyo cy'abitabiriye, habayeho kugaragaza ko uwo mubare urenga.

Ibikorwa byo kwiyamamaza  kuri  Perezida Kagame byatambukaga imbonankubone ku muyoboro wa Youtube wa FPR-Inkotanyi. Byatangiye iyi shene ifite abantu barenga ibihumbi icyenda (9,000) bayikurikira (Subscribers), ariko basoje bageze ku bantu barenga ibihumbi 56.

Senderi Hit kandi yaririmbye mu birori byo kwizihiza Umusni w'Intwari byabereye muri Kigali Conference and Exhibition Village ahazwi nka Camp Kigali. Muri Kanama 2024, Senderi Hit yaririmbye mu birori by'umuganura, byabereye mu Karere ka Kayonza.

Ni ibirori byitabiriwe n'abayobozi mu nzego Nkuru z'Igihugu, barimo Minisitiri w'Ubumwe bw'Abanyarwanda n'Ishingano Mboneragihugu wari umushyitsi Mukuru.

Umuganura wabaye inkingi ikomeye mu mibereho y'Abanyarwanda kuva mu myaka ya kera cyane kugeza ubu. Akamaro n'agaciro byawo byatumye abasokuruza bagenda bawuhererekanya, u Rwanda rukaba rukiwubahiriza na n’ubu.

Ibirori byo kuwizihiza ku rwego rw’Igihugu byabereye muri Kayonza, ariko wanizihijwe ku rwego rwa buri Karere, umudugudu no mu miryango.

Inteko y'Umuco ivuga ko 'Umuganura w'Abanyarwanda si ugusangira umutsima gusa, ni umwanya wo kuzirikana umutima w'Abanyarwanda urangwa no gukunda Igihugu, guharanira ubumwe no kwigira.'

Kwizihiza Umuganura, bishimangira urugendo Abanyarwanda barimo rwo kwigira hifashishwa umuco, hashakwa ibisubizo bihamye by'ibibazo bahura na byo, mu bushobozi bafite, bashingiye ku muco w’Abanyarwanda urangwa n'ubuntu, ubufatanye, gutabarana no gusangira.

Kuri iyi umunsi w'umuganura wizihijwe ku nsanganyamatsiko igira iti 'Umuganura, isoko y'ubumwe n'ishingiro ryo kwigira. Tuganure dushyigikira gahunda yo kugaburira abana ku ishuri'.

Muri uyu mwaka kandi, Senderi yaririmbye muri 'Expo' itegurwa n'Intara y'Uburasirazuba; ndetse niwe muhanzi wa mbere wafunguye Sitade Amahoro, ubwo yaririmbaga mu birori byo Kwibohora.

Ati 'Uriya munsi ndirimba muri Sitade Amahoro, natashye ku mazina yanjye nongeyeho 'Rubanzirizahanzi'.

Senderi kandi yanaririmbye mu birori byo kurahira kwa Nyakuhabwa Perezida Paul Kagame, byabaye ku wa 11 Kanama 2024, byitabiriwe na ba Perezida barenga 20.      

Nyuma yo kurahirira manda ya Kane, Perezida w'u Rwanda, Paul Kagame yashimiye Abanyarwanda icyizere bongeye kumugirira, abizeza ko ibyo bifuza byose 'tuzabigeraho'.

Mu muhango waranzwe n'akarasisi gakomeye ka gisirikare, imbere y'Abanyarwanda ibihumbi za mirongo bari buzuye stade Amahoro, n'abakuru b'ibihugu bya Afurika barenga 20, Paul Kagame yavuze ko 'hari igisobanuro kimbitse mu mibare' yagaragaye mu bihe byo kwiyamamaza n'ibyavuye mu matora.

Senderi avuga ko 2024, wanamubereye umwaka mwiza, kuko ari bwo yakoranye indirimbo n'abahanzi barimo Bwiza; kandi ni nabwo yasuye abaturage barenga ibihumbi 8 mu karere ka Ruhango, anabashyikiriza udukingirizo.

Uyu muhanzi anavuga ko uyu mwaka warushijeho kuba mwiza, ahanini binanyuze mu mukino wahuje Rayon Sports na APR FC yaririmbyemo.

Ati 'Uriya mukino ntiwari usanzwe kuri njye. Kuko naririmbiye amakipe yombi nakoreye indirimbo. Wibuke ko iyi Sitade ijyamo abantu barenga ibihumbi 45.'

Mu bikorwa bya hafi kandi bisoza uyu mwaka, Senderi Hit yaririmbye mu birori by'Umunsi Mukuru wa Mwalimu byabereye mu Intare Arena, ku rwego rw’Igihugu.

Akomeza ati '2024 ndashimira Imana. Ndashimira cyane abakunzi banjye. Ntibyari byoroshye nagato. Ubu rero 2025 Imihigo irakomeje nzashyiramo ingufu zidasanzwe. Ndashimira 'aba-Boss' bose bangiriye icyizere, bakampa akazi kandi nkagakora neza.'

Ku rubyiniro, Senderi Hit yari kumwe na Intore Tuyisenge. Ndetse mu butumwa bwe, yashimiye abateguye uyu munsi kuba bamuhaye amahirwe yo gutaramana n’abagize uruhare rwo kumugiro uwo ariwe magingo aya.

Ubwo ku wa 16 Nyakanga 2024, Senderi Hit yari mu birori byo kwishimira Intsinzi ya Perezida Paul Kagame byabereye mu Imbuga y'Intare Conference Arena i Rusororo

Tariki 21 Nyakanga 2024, yabaye itariki idasanzwe mu rugendo rwa Senderi Hit ubwo yaramukanyaga na Perezida Kagame mu musangiro Umukuru w'Igihugu yashimiyemo abantu bose bagize uruhare mu kwiyamamaza kwe

Ubwo ku wa Gatatu tariki 3 Kanama 2024, Senderi Hit yataramiraga abaturage ahizihirijwe ibirori by'Umuganura ku rwego rw’Igihugu. Ni ibirori yahuriyemo n'Itorero ry'Igihugu Urukerereza, bibera muri Kayonza

Ubwo Senderi Hit yaririmbaga mu birori byo kwizihiza Umunsi w'Intwari; aha ku rubyiniro yari kumwe na Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascène

Senderi yataramiye ibihumbi by'abantu mu gikorwa cyo kugeza Telefoni za 'Smartphone' ku baturage  

  

Senderi yazengurutse igihugu aririmba mu bikorwa by'ibitaramo bya Tour du Rwanda

 

Senderi yaciye agahigo ko kuba umuhanzi wa mbere waririmbye mu birori byo kwizihiza Kwibohora

Senderi yataramiye abafana be mu mukino wahuje Rayon Sports na APR FC 

Senderi yataramiye ibihumbi by’abantu hirya no hino mu gihugu mu bikorwa byo kwamamaza Perezida Paul Kagame 

Ubwo Senderi Hit yifatanyaga n’abaturage hirya no hino mu gihugu, mu bikorwa byo kwibuka ku nshuro ya 30

Ubwo Senderi yataramiraga mu Karere ka Ruhango, agatanga udukingirizo ku baturage barenga ibihumbi umunani

KANDA HANO UBASHE KUMVA INDIRIMBO ‘MURI HEHE’ YA SENDERI HIT

“>

Taliki ya 11 Ukuboza 2024 ni bwo Munyakazi Sadate yandikiye Umuyobozi w'Umuryango Rayon Sports amusaba ko baganira ku masezerano kompanyi ahagarariye zifitanye n'Umuryango wa Rayon Sports hamwe n'umwenda uyu muryango umufitiye.

Yagaragaje ko ku wa 17 Mutarama 2018, kompanyi ye ya MK Sky Vision Ltd yagiranye n'Umuryango wa Rayon Sports amasezerano yo gushakira Ikipe ya Rayon Sports abafatanyabikorwa mu by'ubucuruzi.

Ni mu gihe tariki ya 16 Werurwe 2019, indi kompanyi ye yitwa Three Brothers Marketing Group Ltd yagiranye n'Umuryango wa Rayon Sports amasezerano yo gucuruza ibintu byose biriho ibirango by'Umuryango wa Rayon Sports ndetse ibyo byatangiye kubahirizwa ubwo iyi kipe yatwaraga Shampiyona ya 2018/19.

Munyakazi Sadate kandi yagaragaje ko mu bihe binyuranye yagurije Umuryango wa Rayon Sports amafaranga yo kuyifasha mu bikorwa byayo bya buri munsi agera kuri Miliyoni 85 [85.389.000 Frw] hatabariwemo ayo bahaye Umuryango nk'umusogongero w'ibyo bari bagiye gukorana ndetse n'amafaranga batanze mbere ya Nyakanga 2019.'

Yavuze ko Umuryango wa Rayon Sports warenze kuri ayo masezerano uha abandi bantu gukora ibyo basezeranye kandi byari bibujijwe none umwenda bamufitiye bakaba bataramwishyura kugeza ubu, akaba ari yo mpamvu yabandikiye iyi baruwa abasaba ko bahura bakaganira kuri ibyo bibazo byose ngo babishakire ibisubizo mu bwumvikane.

Nubwo Munyakazi Sadate yandikiye ubuyobozi bw’iyi kipe abusaba ibihano ariko bwanze ko byabaho nk’uko yabitangaje abinyujije ku rukuta rwe rwa X.

Munyakazi Sadate yayoboye Rayon Sports hagati ya Nyakanga 2019 kugeza muri Nzeri 2020.

Ibaruwa Munyakazi Sadate yandikiye umuryango wa Rayon Sports 

Iyi Korali igiye gukora iki gitaramo ku nshuro ya 11. Bagikora bagamije gufasha abakunzi babo n'abandi kwinjira neza mu byishimo bya Noheli. Ni kimwe mu bitaramo biba bitegerejwe n'umubare munini, ahanini biturutse mu kuba kiba mu mpera z'umwaka.

Kuva mu mezi ane ashize, iyi Korali yatangiye imyiteguro, ndetse abaririmbyi bayo bagaragaza ko bamaze guhitamo indirimbo bazaririmba n'uburyo bagomba kuzaririmbamo, bamaze kubishyira ku murongo.

Visi Perezida wa Chorale de Kigali, Bigango Valentin yabwiye InyaRwanda ko ashingiye ku gihe bamaze bitegura iki gitaramo, ibyasabwaga byose bamaze kubishyira ku murongo.

Yavuze ko kuba imyaka 58 ishize bari mu ivugabutumwa ahanini bishingira mu kuba hari byinshi banyuzemo, babashije kurenga.

Ati “Buri gihe iyo ikigo kigitangira gihura n’ibibazo bitandukanye byo kujegera kubera gutangira. Uko rero imyaka igenda ishira n’uko umuco ugenda ufata, niko irangi rigenda rikora, niba ariko nabyita, rero iyo myaka 58 ishize uvuze ni umurage dufite ku bashinze iyi Korali, uko bayishinze n’uko bifuzaga ko ibaho.'

Ibyo byose tugenda tubikurikirana mu ntege nke nyine zagiye zibaho, noneho uko dukura tukagenda twigira ku mateka mabi aba yarabaye, tukagenda tuzamuka bucye bucye kugeza ubwo iba Korali ifite umuco.”

Bigango Valentin yavuze ko buri mwaka mu gutegura iki gitaramo bagira umwihariko, ari nayo mpamvu muri uyu mwaka ‘twarushijeho gutegura igitaramo cya banyiracyo kuko igitaramo ntabwo ari icyacu, ni icy’abadukunda, ari nabo turirimbira, n’abandi bose bari kugura amatike’.

Yavuze ko muri uyu mwaka bubakiye cyane ku ntego “y’umuzamukamo w’ibyishimo.” Ati “Igitaramo cyubatse ku buryo tuzajya duhera ku ndirimbo za Noheli zirimo n’iza ‘Classic’ tugende tuzamuka, hanyuma dushyiremo n’abana, abana bazamure, hanyuma noneho dukomereze muri uwo murongo ariko tuzamura umuriri, noneho ibintu bishyuhe.”

Valentin Bigango avuga ko bateguye iki gitaramo ku buryo buri wese uzacyitabira azagera ku kigero cy’aho yumva ko yuzuye. Avuga ko bazaririmba cyane indirimbo zamamaye mu Kinyarwanda, izizwi cyane muri Afurika no hirya no hino ku Isi. Ati “Mbese bizaba bishishimije. Ni igitaramo gitangaje.”

Kuki uyu mwana batahaye umwanya abafana wo guhitamo indirimbo?

Mu bihe bitandukanye iyi Korali yagiye itanga umwanya ku bakunzi bayo bagahitamo indirimbo bifuza ko babaririmbira mu gitaramo nk’iki. Ni nako byagenze mu 2023.

Ariko kandi wasanga umubare munini w’abantu bahitamo indirimbo, ziganzamo izo bagiye basaba mu bihe bitandukanye. Harimo nk’indirimbo ya UEFA Champions League itarakundaga kubura cyane mu gitaramo cy’iyi korali.

Bigango Valentin avuga ko muri uyu mwaka bahisemo gufata igihe gihagije cyo guhitamo indirimbo nshya bazaririmba, aho guha umwanya abafana ngo bahitemo indirimbo bashaka.

Ati “Ziriya twaraziririmbye zirabanyura. Icyo gihe cy’indirimbo zabanyuze rero cyararangiye. Turavuga tuti reka tubahe izindi noneho babone aho bazahera bongera gutora ubutaha. Twaravuze tuti reka twongere dukore mu gaseke, tuzane izindi bazikunde, ndabizi nazo bazazisaba n’indi myaka ikurikiraho.”

'Christmas Carols Concert' ni igitaramo cyamaze kuba umuco, kuko buri mwaka bagikora mu rwego rwo gufasha Abakristo kwizihiza Umunsi wa Mukuru wa Noheli no gusoza neza umwaka uba urangiye no kuzatangira umushya mu mahoro no mu munezero.

Buri mwaka Chorale de Kigali ishaka umwihariko igenera abakunzi bayo, ugereranyije n'imyaka yabanje. Bigakorwa mu rwego rwo gukomeza gushimisha abakunzi bayo.

Kuva mu 2013, Chorale de Kigali ikora igitaramo nk'iki. Imibare igaragaza  ko abantu barenga ibihumbi 20 bitabira iki gitaramo. Kandi gitegurwa mu rwego rwo gukundisha Abanyarwanda umuziki uhimbanywe kandi ukaririmbanwa ubuhanga.

Mu bihe bitandukanye igitaramo nk'iki cyabereye ahantu hatandukanye harimo na Kigali Conference and Exhibition Village ahazwi nka Camp Kigali, kandi ibihumbi by'abantu byagiye byitabira, bagataha banyuzwe n'ubuhanga bw'abaririmbyi bagize iyi korali.

Nko mu 2019, iki gitaramo cyabereye muri Camp Kigali, biba ngombwa ko hari abantu basubirayo kubera ko imyanya yari yateguwe yari yuzuye.

Perezida wa Chorale de Kigali, Bwana Hodari Jean Claude, yigeze kuvuga ko imyiteguro y'iki gitaramo ihambaye, kuko bongeraho n'amasengesho. 

Kanda hano ubashe kugura itike yo kwinjira mu gitaramo 'Christmas Carols Concert'

Chorale de Kigali yatangaje ko igeze kure imyiteguro y’igitaramo cyabo mu gihe habura iminsi micye bagatarmaira abakunzi babo

Chorale de Kigali ifite umwihariko wo guha umwanya abanyamahanga bakaririmbana 

Chorale de Kigali irarimbanyije mu myiteguro y’igitaramo cyayo ‘Christmas Carols Concert’

Abavuzi b’ingoma bariteguye mu gihe igitaramo cyabo kibura iminsi mbarwa bagataramira muri BK Arena

 

Iyi Korali iririmbamo abaririmbyi barenga 100 bahuza amajwi mu mashyi no mu mudiho bagataramira abakunzi babo

 

Abacuranzi bagaragaza ko biteguye gutaramira abakunzi b’ibihangano byabo muri BK Arena

  

Mu gihe cy’imyitozo, buri wese akora uko ashoboye akajyanisha n’ibyo aba agomba kuzerekana mu gitaramo    

Abaririmbyi b’iyi korali basobanura ko imyaka ishize bayibarizwamo bayifata nk’umuryango wabo wa kabiri

Igitaramo ‘Christmas Carols Concert’ cya Chorale de Kigali, kizaba ku Cyumweru tariki 22 Ukuboza 2024 muri BK Arena      

KANDA HANO UBASHE KUREBA IKIGANIRO TWAGIRANYE N'ABARIRIMBYI BA CHORALE DE KIGALI

  “>

KANDA HANO UREBE IKIGANIRO TWAGIRANYE N'UMWE MU BARIRIMBYI BA CHORALE DE KIGALI

 “>

Kanda hano urebe amafoto ubwo abaririmbyi ba Chorale de Kigali bari mu myiteguro 

VIDEO: Dox Visual- InyaRwanda.com

Iyi 'Band' yigaragaje cyane ubwo yacurangiraga abahanzi barimo The Ben, Bruce Melodie, Massamba Intore n'abandi baririmbye mu birori bya Rwanda Day byabereye mu Mujyi wa Washington muri Gashyantare 2024.

Nyuma y'ibi bitaramo bakomeje gukorana n'abahanzi banyuranye, ndetse kuri iyi nshuro bazataramana na James na Daniella mu gitaramo kizabera muri Leta ya Arizona, ku Cyumweru tariki 22 Ukuboza 2024.

Ariko iri tsinda ariko rigomba kuba ryageze muri uriya Mujyi kuri uyu wa Kane tariki 19 Ukuboza 2024. Ibi bitaramo bibiri bagiye gukora, byateguwe na Sosiyete y'umuziki ya Afro Hub Entertainment, imaze igihe ifasha abahanzi nyarwanda gukorerayo ibitaramo.

Ernesto Ugeziwe yabwiye InyaRwanda, ko muri iki gitaramo James na Daniella bazataramana n'abahanzi barimo Bonke na Kadogo. Akomeza ati 'Ariko bazanakorana na 'Band' yacurangiye abantu bari baje muri Rwanda Day, niyo 'Band' yacurangiye The Ben na Bruce Melodie, nibo nari najyanyeyo.”      

Ernesto yavuze ko ibi bitaramo kandi bizabwirizamo Pasiteri Amani usanzwe ari n'umuhanzi w'indirimbo zo kuramya no guhimbaza Imana.

Yavuze ko nyuma yo ku Cyumweru, bazakomereza urugendo rwabo muri Leta ya Texas, ku wa Mbere tariki 23 Ukuboza 2024, aho James na Daniella bazataramana n'umuhanzi John H. Singleton ndetse na Diane 'Deborah'.

Ernesto yavuze ariko ko mu Mujyi wa Texas, James na Daniella bazacurangirwa na 'Band' isanzwe ifasha Meddy mu bitaramo n'indirimbo.

Ati 'Ni bariya bari mu ndirimbo ye nshya, nibo bakoze iriya ndirimbo ya Meddy na Adrien Misigaro, iriya bise 'Niyo ndirimbo'. Ni 'Band' isanzwe ibarizwamo Producer Yannick, wanakoze iriya ndirimbo mu buryo bw'amajwi. Nibo bazabacurangira, ndetse ni nabo bazabakira.'

Ibi bitaramo James na Daniella bagiye kuririmbamo bizwi nka 'A Night of Worship' bisanzwe biba buri mwaka, bigategurwa na Sosiyete y'umuziki ya AfroHub isanzwe ifasha abahanzi Nyarwanda gutaramira muri Amerika no mu bindi bihugu. Iyi sosiyete isanzwe inategura ibindi bikorwa birimo nk'amaserukiramuco bifasha abahanzi banyuranye

Kugeza ubu amatike yatangiye kugurwa binyuze ku rubuga rwa www.eventbrite.com . Ni ibitaramo byateguwe muri rusange hagamije gufasha Abanyarwanda n'abandi batuye muri ziriya Leta kurangiza neza umwaka wa 2024, no gutangira uwa 2025.

Rugarama James [James] aherutse kubwira InyaRwanda, ko ibi bitaramo batumiwemo muri Amerika bigamije kubafasha kongera ubusabane n'Imana, no kongera guhura n'abakunzi b'ibihangano byabo.

Ati 'Ibi bitaramo tugiye gukorera muri Amerika, tugiye kubikora hagamijwe kuramya mu buryo burambuye mu ndirimbo Imana igenda idushyira ku mutima, no kubonana n'abakunzi b'umusaraba muri rusange.'

Imyaka ine irashize iri tsinda riri mu muziki w'indirimbo ziramya no guhimbaza Imana. Iherekejwe n'indirimbo zomoye imitima ya benshi, binyuze mu bihangano bagiye bakubira kuri album zitandukanye zirimo na 'Ibyiringiro'.

James yigeze kubwira InyaRwanda ko imyaka ine ishize bari mu muziki irimo amasomo menshi. Ati 'Imyaka yo irimo amasomo menshi ku buryo twasaba ko twafata n’undi mwanya umuntu agafata n’ikaramu cyangwa se ingwa akajya ku kibaho akandika ibintu byinshi. Imana yatwigishijemo ibintu byinshi, yatwigishirijemo abantu…

Yungamo ati 'Imbogamizi tugira ni iz’abantu, wa mugani wa wa mugabo, abantu niyo nyamaswa igoye ku Isi. Kwiga ku bantu, kumenya ibibarimo, umuntu wa nyawe, ibyo kubihuza, kubihuza n’imbuto ukagerageza kwerera imbuto ababi n’abeza, ni ikintu kiba kigoye cyane ariko turizera n’abandi bose ari kimwe ku bakristo muri rusange n’abantu basanzwe bose.'

Uyu mugabo avuga ko nubwo bimeza uko, bakomeje gushikama mu murimo w'Imana, kandi kugira ngo byose bigende neza we n'umufasha bahora bafata igihe cyo kwihererana n'Imana, kugira ngo ibashoboze ibyo bo batakwishoboza nk'abantu.

Uyu mugabo avuga ko we n’umugore we nabo ari abantu bafite intege nke, ariko ‘bafite ibyiringiro muri Kristo’. Ati 'Turasengana buri munsi, nijoro na mu gitondo, turi mu mudoka, ahantu hatandukanye. 

Turasengana na Madamu wanjye, turakomezanya, turigishanya. Nta bundi [buryo] bwo kugira ngo mutsinde iyi Si, ni ugufatanya hanyuma mukarambiriza muri Kristo Yesu…'

James avuga ko mu rugendo rw'imyaka ine ishize kandi babonyemo abantu babashyigikira barimo n'abagiye babatumira mu bitaramo binyuranye. 

James na Daniella batangiye gukundana hagati ya 2008 na 2009. Bombi mu 2012 bagiye kwiga muri Uganda, aho Umugabo yize ibijyanye n'Ububanyi n'amahanga, ni mu gihe umugore yize ibijyanye n'Ibarura mari. 

Mu 2015 ni bwo biyemeje kubana nk'umugabo n'umugore, kuva icyo gihe bakora umuziki bari kumwe ndetse bamamaye mu ndirimbo zinyuranye. 

James na Daniella bavuga ko ibi bitaramo bigamije kubafasha gusabana n’abakunzi b’abo b’ibihangano 

James na Daniella bazataramira abakunzi babo, mu rwego rwo kubafasha kwinjira mu byishimo bya Noheli

IMC Band isanzwe ikorana na Meddy bya hafi bazacurangira James na Daniella mu gitaramo bazakora ku wa Mbere tariki 23 Ukuboza 2024 

Producer Yannick wakoze indirimbo ‘Niyo Ndirimbo’ ya Meddy na Adrien Misigaro, ari mu babarizwa muri IMC Band

Live Lyve, itsinda ry’abacuranzi ryacurangiye Bruce Melodie mu bitaramo bya Rwanda Day muri Gashyantare 2024

 

KANDA HANO UREBE AMASHUSHO Y’INDIRIMBO ‘NIYO NDIRIMBO’ YA JAMES NA DANIELLA

“>

Ni mu mikino 1/4 cya Carabao Cup yabaye mu ijoro ryo kuri uyu wa Gatatu taliki ya 18 Ukuboza 2024. Saa Tatu n’iminota 30 ikipe ya Arsenal yari yakiriye Crystal Palace kuri Emirates Stadium. 

Uyu mukino watangiye ugora ikipe y’abarashi yari imbere y’abafana bayo dore ko Crystal Palace ariyo yabanje igitego ku munota wa 4 gusa gitsinzwe na Jean Phillipe Mateta ku mupira yahawe na Dean Henderson.

Mu gice cya kabiri Arsenal yakoze impinduka havamo Thomas Partey na Ethan Nwaneri hajyamo William Saliba na Martin Odegaard bituma ihita inishyura igitego ku munota wa 54 gitsinzwe na Gabriel Jesus ahawe umupira na Martin Odegaard.

Bidatinze ku munota wa 73 Gabriel Jesus yatsinze icya 2 ku mupira yahawe na Bukayo Saka no kuwa 81 atsinda ikindi ku mupira yahawe na Martin Odegaard.

Ku munota wa 85 Crystal Palace yabonye igitego cya kabiri gitsinzwe na Eddie Nketia wababazaga ikipe yahozemo ku mupira yahawe na Nathaniel Clyne gusa birangira Arsenal yegukanye itsinzi y’ibitego 3-2 ikatisha itike ya 1/2 cya Carabao Cup.

Saa tatu n’iminota 45 ikipe ya Newcastle United yari yakiriye Brentford kuri St James Park. Ni umukino ikipe ya Newcastle United yatsinze biyoroheye ibitego 3 bya Sandro Tonali ku munota wa 9 n’uwa 43 na Fabian Schar ku munota wa 69 kuri 1 cya Brentford cyatsinzwe na Yoane Wissa ku munota wa 90+1.

Saa yine z’ijoro ikipe ya Southampton yari yakiriye Liverpool kuri St Mary’s Park. Nubwo Liverpool yari yakoze impinduka mu kibuga aho abakinnyi nka Virgir, Mohamed Salah na Ryan Gravenberch batari bari kuri uyu mukino bijyanye nuko umutoza yari yashatse kubaruhutsa ariko ntabwo byayibujije gutsinda mu buryo bworoshye.

Yatsinze ibitego 2 bya Darwin Nunez ku munota wa 24 na Harvey Elliot ku munota wa 32 ku mupira yahawe na Cody Gakpo kuri 1 cya Southampton cyatsinzwe na Archer ku munota wa 59.

Kuri uyu wa Kane harakinwa umukino umwe wa Carabao Cup ari nawo wa nyuma wa 1/4 aho Tottenham Hotspur irakira Manchester United Saa yine z’ijoro.

Abakinnyi ba Liverpool bakomera amashyi abakinnyi nyuma y’umukino 

Gabriel Jesus yafashije Arsenal kubona intsinzi