Category: Uncategorized

Iki gikorwa cyatewe inkunga na Maltona, ikinyobwa kidasembuye 100% cya SKOL Brewery Ltd, aho cyitabiriwe n'urubyiruko rwinshi. Cyaranzwe n'imyidagaduro irimo ibitaramo, imikino nk'iy'amakarita, n'indi itandukanye nka mini golf.

Umuyobozi ushinzwe gutegura ibikorwa muri SKOL Brewery Ltd, Ishimwe Romeo Jean De Dieu, yavuze ko Sober Night ari igitekerezo cyiza kigaragaza ko kwishima bidasaba kunywa inzoga ndetse kigashyigikira gahunda ya Leta ya Tunyweless.

Yagize ati 'Maltona ni ikinyobwa kidasembuye 100%, gitanga ubundi buryo ku bantu bakiri bato bashaka kunywa ikintu gishya kitari ibindi binyobwa nka fanta kandi kidasembuye.'

Umuyobozi Mukuru wa muri Peace and Love Proclaimers (PLP) ari nayo yateguye iki gikorwa, Mupenzi Nuru Israel, yavuze ko iki gikorwa ari ingirakamaro cyane ku rubyiruko.

Ati 'Turagira ngo dukosore imyumvire iri mu rubyiruko y'uko utakwishima utanyweye inzoga ahubwo tubakangurire ko kwidagadura bitagombera kunywa inzoga gusa ahubwo ko bishoboka ko byabaho utanyweye izo nzoga.'

Yasabye urubyiruko gutekereza ku buzima bwabo mbere yo kunywa inzoga cyangwa gukoresha ibindi biyobyabwenge, cyane ko byangiza ubuzima mu buryo butandukanye.

Yasoje ashimira Skol Maltona ku nkunga yateye iki igikorwa, asaba urubyiruko kurushaho gukoresha ibinyobwa bya SKOL Brewery Ltd bidasembuye.

Umuyobozi Mukuru wungurije muri Peace and Love Proclaimers (PLP) ari nayo yateguye iki gikorwa, Parfine Mizero, yavuze ko kuri iyi nshuro ya kabiri ya Sober Night yitabiriwe n'abantu benshi kurusha ubwo yabaga ku nshuro ya mbere. Yongeyeho ko intego y'ibirori ari uguhindura imyumvire ya bamwe mu rubyiruko, bakeka ko kwidagadura bijyana no kunywa inzoga.

Yagize Ati 'Turashaka kwerekana ko kunywa inzoga cyangwa ibiyobyabwenge atari byo bituma abantu bagira ibihe byiza. Sober Night ntibuza abantu kwishima.'

Urubyiruko rwagize umwanya wo kwishimisha muri rusange

Umuyobozi Mukuru wungurije muri Peace and Love Proclaimers (PLP) ari nayo yateguye iki gikorwa, Parfine Mizero, yavuze ko kuri iki gikorwa cyizigisha urubyiruko kwirinda gukoresha ibiyobyabwenge

Urubyiruko rwabashije kwishima mu birori bya Sober Night

Urubyiruko rwagize umwanya wo kwishimisha ariko rudakoresheje ibisindisha

SKOL Maltona niyo yateye inkunga iki gikorwa

Urubyiruko rwagaragaje impano rufite zirimo nko gushushanya

Byari ibyishimo ku bitabiriye ibirori bya Sober Night

Ni rushanwa rizaba mu ntangiriro z'umwaka wa 2025. Ndetse, umukobwa uzegukana ikamba azahembwa 25,000,000 fbu [11,709,438.50], ndetse n'imodoka ikoresha amashanyarazi, hagamijwe kumufasha cyane cyane mu ngendo ziwe za buri munsi. 

Mu kiganiro n'itangazamakuru kuri uyu wa Mbere tariki 23 Ukuboza 2024, cyabereye mu busitani bwa Kiriri, umuyobozi wa kompanyi ya INGO SA, Bwana Rossa Kamariza yavuze ko kuri iyi nshuro bazatanga ibihembo ku bakobwa batanu bazahiga abandi. 

Yavuze ko bazatanga ikamba kandi bahembe umukobwa uzahiga abandi 'Miss Burundi 2025', bazahemba kandi ibisonga bye bibiri, uzegukana ikamba rya 'Miss Development', ndetse n'umukobwa uzaba wakunzwe cyane mu irushanwa 'Miss Popular'.

Rossa Kamariza yavuze ko kuri iyi nshuro iri rushanwa ryubakiye ku nsanganyamatsiko ya 'Ingo Tujane' cyangwa 'Tujyanemo'. Ni icyemezo bafashe mu rwego rwo gukoresha urubuga rw'iri rushanwa, bakangurira abantu gusura u Burundi no kugaragaza isura nziza y'iki gihugu.

Iri rushanwa rizahuza abakobwa 50 bo mu Ntara eshanu zo mu Burundi. Umukobwa wiyandikisha asabwa kuba afite Indangamuntu, kuba ari hagati y'imyaka 18 na 24, afite uburebure buri hagati ya 1m59 na 1m75, ndetse adafite ibiro birenga 65Kg, kandi agomba kuba yarize amashuri yisumbuye, cyangwa se yarakomeje Kaminuza.

Nyampinga w'u Burundi (Miss Burundi 2025) azahembwa 25,000,000 fbu [11,709,438.50 Frw] ndetse n'imodoka ikoresha amashanyarazi, azafashwa kandi gukurikirana amasomo ye mu bihugu byo mu mahanga, gukora ku mushinga we n'ibindi.

Igisonga cya Mbere azahembwa 15,000,000 fbu [7,025,663.10]; igisonga cya Kabiri azahembwa 10,000,000 fbu [4,683,775.40 Frw]. Ni mu gihe umukobwa uzegukana ikamba rya 'Miss Development' azahembwa 10,000,000 fbu [4,683,775.40 Frw] n'aho umukobwa uzaba wakunzwe mu irushanwa 'Miss Popular' azahembwa 5,000,000 fbu [2,341,887.70]. Ibi bigaragaza ko ibihembo by'iri rushanwa bingana na 30,444,538 Frw

Umukobwa uzambikwa ikamba azasimbura Ndayizeye Lellie Carelle wabaye Miss Burundi 2023, ahigitse abakobwa 11 bari babashije kugera mu mwiherero.

Uyu mukobwa wari uhagarariye Intara ya Bubanza muri iri rushanwa, yegukanye ikamba asimbura Miss Kelly Ngaruko wari urimaranye umwaka n’ukwezi kumwe.

Umuyobozi wa Kompanyi INGO, Rossa Kamariza yatangaje ko kuri iyi nshuro bahisemo kongeramo ikamba rimwe mu rwego rwo kuryagura 

Livia Iteka wegukanye ikanba rya Miss Rwanda 2021, yitabiriye ikiganiro n’itangazamakuru gitegura irushanwa rya Miss Burundi rizaba mu 2025

 

Abakobwa 27 nibo bazagera mu cyiciro kizabanziriza icya nyuma muri iri rushanwa (Semi-Finals)

 

Abakobwa 15 nibo bazagera kuri ‘Final’ ari nabo bazavamo uzatsindira ikamba

Carelle Ndayizeye wabaye Miss Burundi 2023 n’ibisonga bye bari kwitegura gutanga amakamba

Mu kurushaho gufasha abayigana kuryoherwa n'iminsi mikuru, Century Park Hotel & Residences yateguye ibirori bizatuma abizihiza uyu munsi bazarushaho kuryoherwa.

Iyi hoteli izinjiza abakiliya bayo muri Noheli guhera kuri uyu wa 24 Ukuboza 2024, aho hateguwe ubwoko butandukanye bw'amafunguro muri restaurant yayo.

Zirimo Billy's Bistro ireka indyo mpuzamahanga na Tung Chinese Cuisine imenyerewe ku ndyo z'Abashinwa no muri Aziya muri rusange.

Mu ijoro rya Noheli muri izi restaurant zombi hazategurwa 'buffet' izaba iriho indyo z'ubwoko butandukanye zizafasha abayigana kuryoherwa na Noheli.

Ni 'buffet' abantu bakuru bazishyura ibihumbi 28 Frw naho abana bishyure ibihumbi 18 Frw.

Amafunguro azaherekezwa n'umuziki mwiza uzacurangwa na Cedric Mineur afatanyije na Afrozik Band.

Hazaba hari na chorale izafasha abantu kwinjira muri Noheli mu ndirimbo zinogeye amatwi. Abakunzi b'umuvinyo na bo ntibibagiranye kuko yagabanyijweho 20%.

Ku munsi wa Noheli bizaba ari ibicika kuko kuva ku bana kugeza ku bakuru, bateguriwe ibizatuma bishimira uyu munsi.

Muri restaurant za Century Park Hotel & Residences hazaba hari 'buffet' y'amafunguro y'ubwoko butandukanye, abantu bakuru bazishyura ibihumbi 28 Frw abana ni ibihumbi 14 Frw.

Amafunguro azaherekezwa n'umuziki mwiza wa Cedric Mineur na Afrozik band.

Haba muri Tung ndetse na Billy's abana bazaba bateguriwe impano zitandukanye bazahabwa na Père Noël, habazaba kandi hari n'imikino izatuma abana barushaho kuryoherwa.

Mu kurushaho gufasha abakiliya kunezerwa kuri Noheli, muri Chillax Lounge ibinyobwa byose bwagabanyirijwe ibiciro.

Champagne n'imivinyo byagabanyijweho 20%, uzagura inzoga zo mu bwoko bwa byeri (beer) esheshatu azajya ahabwa ebyiri z'ubuntu n'ibiryo byose byagabanyijweho 10%.

Ku wa 26 Ukuboza 2024, kuri 'boxing day,' hatekerejweho kuko muri Chillax Lounge hazakorwa igikorwa cyo gushushanya kizwi nka 'Paint& Sip'. Umuntu yishyura ibihumbi 20 Frw agahabwa ibikoresho byo gushushanya n'icyo kunywa.

Ubuyobozi bwa Century Park Hotel & Residences bwavuze ko bwateguye ibi bikorwa byose mu kurushaho kwishimana n'ababagana mu minsi mikuru. Abashaka gufata imyanya mbere bahamagara 0784071792 cyangwa 0782015450.

Uyu ni umwanya mwiza wo kwishimira Noheli hamwe na Century Park Hotel & Residences

Noheli ni igihe cyiza cyo kwishimana n’abawe ubifashishijwemo Century Park Hotel & Residences

Century Park Hotel igiye kwinjiza abakiliya bayo muri Noheli

Abana bateguriwe impano zitandukanye

Abashaka kwishimana kuri Noheli bashyizwe igorora na Century Park Hotel

Hazategurwa buffet z’ibiryo by’ubwoko butandukanye

Hazaba hari ibikinisho bitandukanye by’abana

RIB yamweretse itangazamakuru ku wa 23 Ukwakira 2024. Yafatiwe i Kigali ku wa 19 Ukuboza 2024.

Akurikiranyweho ibyaha bitatu birimo kwiyitirira ikintu cy'undi hakoreshejwe uburiganya, gukoresha inyandiko mpimbano no kwiyitirira urwego rw'umwuga.

Umuvugizi wa RIB, Dr. Murangira B. Thierry yavuze ko ukurikiranywe atari ubwa mbere yari atawe muri yombi ku byaha nk'ibyo kuko yari atararangiza igifungo yari yarakatiwe cy'imyaka itatu aho yari amaze gufunga umwe akiri muri ibiri isubitse.

Yavuze ko uwo wiyitaga Hirwa yabeshyaga abakobwa urukundo agamije kubarya amafaranga.

Ati “Hari uwo yabeshye barakundana akajya amutwara mu modoka yakodesheje ayita iye n'iwabo w'umukobwa baramumenya. Umukobwa yaramwizeye umuhungu agera ubwo amusezeranya kuzamujyana muri Canada ku ikubitiro umukobwa amuha 3,000$ kandi yakomeje kujya amwongera andi.”

Dr. Murangira yavuze kandi ko uwo musore yabeshyaga abantu batandukanye agamije kubacuza utwabo harimo abo yabwiraga ko ari umushoramari ngo bakorane ubucuruzi n'abo yabeshyaga ko ari umunyamasengesho, abo yakoreraga inyandiko mpimbano n'ibindi.

Dr. Murangira ti “Yacuraga impapuro mpimbano zo kwakiraho inguzanyo muri banki cyangwa abo yazicuriye bakazikoresha bagurisha ibibanza n'indi mitungo y'abantu. Hari n'abo yabeshye ko ari umukomisiyoneri w'ibibanza, imodoka, inzu zikodeshwa n'ibindi byinshi agamije kubatwara amafaranga.”

Ibyo kandi byiyongeraho kwiyitirira inzego zitandakanye abwira abantu ko azikoramo abantu bakamuha amafaranga bazi ko abafasha kubona serivisi bakeneye.

Hatanzwe izindi ngero kandi nk'uwo yanyanganyije ibihumbi 400 Frw amwizeza kumugurisha telefone yo mu bwoko bwa iPhone n'uwo yariye miliyoni 9 Frw amubwira ko azamusengera agakira uburwayi.

Hari kandi umucuruzi yabeshye ko acuruza amabuye y'agaciro amurya arenga miliyoni 11 Frw, abo yijeje ko aziranye n'abacuruzi batanga imari kuri make bakamuha amafaranga akayarya, abo yijeje cyangwa yacuriye ibyangombwa bitandukanye n'ibindi.

Icyaha uwo musore yafatiwemo ni icy'umugore wari ufite umugabo watawe muri yombi yatse miliyoni 1,1 Frw amubwira ko amufasha dosiye y'umugabo we ntishyikirizwe ubushinjacyaha ngo aburanishwe.

Dr. Murangira yasabye abantu kugira amakenga kuko amayeri abatekamutwe bakoresha uwayatekerezaho kabiri yabavumbura.

Umuvugizi wa RIB kandi yasabye abantu bose bumva uwo wiyita Hirwa yarabahemukiye gutanga ibirego kuko bifasha mu gufata abandi babikora cyangwa bukabaca intege.

Icyaha cyo kwihesha ikintu cy'undi ukoresheje uburiganya gihanishwa igifungo cy'imyaka ibiri ariko itarenze itatu n'ihazabu iri hagati ya miliyoni 3 Frw na miliyoni 5 Frw.

Ni mu gihe icyaha cyo gukoresha inyandiko mpimbano gihanishwa igifungo kiri hagati y'imyaka itanu n'irindwi n'ihazabu iri hagati ya miliyoni eshatu n'eshanu cyangwa kimwe gusa muri ibyo bihano.

Icyaha cyo kwiyitirira urwego rw'umwuga cyo gihanishwa gufungwa hagati y'ukwezi kumwe n'amezi atandatu.

Uyu wiyita Hirwa kandi yafashwe yari akurikiranyweho ibindi byaha bine mu bugenzacyaha no mu bushinjacyaha harimo icy'inyandiko mpimbano yacuze zemerera umuntu kwaka muri banki inguzanyo ya miliyoni 16 Frw.

Umuvugizi wa RIB, Dr. Murangira B. Thierry yasabye abantu kugira amakenga ku batekamutwe kuko kubavumbura byoroshye cyane

Uwatawe muri yombi yakoraga uburiganya mu buryo butandukanye burimo no kubeshya abakobwa ko abakunda akabacucura

Kigali nziza, Indorerwamo y’u Rwanda, Umurwa w’amahoro, imaze iminsi irabagirana kubera imitako, amatara ndetse n’ibindi byashyiriweho kuyirimbisha muri iki gihe Abanyarwanda ndetse n’abatuye Isi muri rusange bizihiza iminsi mikuru ya Noheri n’Ubunani.

Ubwiza n’isuku bisanzwe ari ibyihariye ku Mujyi wa Kigali, byongereweho amatara arabagirana acanwa nimugoroba, ku buryo aho utambuka hose ubona ko iminsi yateguriwe uku kurimba, idasanzwe.

Kuva hagati muri uku  Kuboza, mu mahuriro atandukanye y’Umujyi hatangiye gushyirwa imitako itandukanye ibereye ijisho yiyongera ku bwatsi busukurwa buri gihe, busanzwe bugaragara muri ‘Rond Point’ zo hirya no hino.

Abikorera nabo ntibatanzwe, bafashe ibyapa binini bivuga kuri Serivisi batanga, babishyira mu busitani, banandikaho ubutumwa butandukanye bwo kwifuriza Abanyarwanda Noheri nziza ya 2024 ndetse n’Umwaka muhire wa 2025.

Inzu zitandukanye nk’Ibiro by’Umujyi wa Kigali, Kigali Convention Centre, Amahoteli akomeye n’izindi, zahawe imitako n’amatara yihariye, ku buryo uzitemberera iruhande mu masaha ya nimugoroba yihera ijisho akaryoherwa.

Ni nako kandi ibiro bikuru by’ibigo by’abikorera nk’amabanki, Ibigo by’ubwishingizi n’ibindi bifite inyubako z’imiturirwa byakoze ibishoboka ngo bikeshe kurushaho inyubako zabo, ku buryo bubereye ijisho rya buri umwe.

Mbere y'amasaha macye ngo hizihizwe umunsi mukuru wa Noheli, InyaRwanda yatembereje Camera ifata amashusho ahantu hatandukanye maze ibahitiramo amafoto 150 meza cyane y'ahantu hatandukanye.

Rond Point yo mu Mujyi yamaze gutakwa ni uku igaragara mu masaha y’ijoro

Four Points By Sheraton Hotel yamaze kurimbishwa 

Mu mihanda ya Kigali ibintu byose byahinduye isura

Ibiro by’Umujyi wa Kigali byarimbishijwe mu buryo budasanzwe

Abantu bari kugenda bifotoreza ku mitako yatatswe hirya no hino mu Mujyi

Sante Famille Hotel yatatswe mu buryo bwihariye

Convention Center irasa neza cyane kurusha uko byari bisanzwe

Banki ya Kigali na yo yarimbishijwe mu rwego rwo kwifuriza abakiliya bayo iminsi mikuru myiza

Ibigo binyuranye byashyize ibyapa n’imirimbo yabyo hirya no hino mu mihanda ya Kigali byifuriza abakiliya babyo ibiruhuko byiza by’iminsi mikuru y’impera z’umwaka

Iminsi mikuru yahumuye mu Mujyi wa Kigali

Kanda hano urebe amafoto menshi agaragaza ubwiza bwa Kigali yarimbishijwe bidasanzwe muri iyi minsi mikuru ya Noheli n’Ubunani

AMAFOTO: Serge Ngabo – InyaRwanda

Kuri iki Cyumweru tariki 22 Ukuboza 2024, hatanzwe ibihembo bya Isango na Muzika Awards [IMA 2024] mu birori byabereye mu Mujyi wa Kigali muri Kigali Convention Centre [KCC]. Ibi bihembo bitanzwe ku nshuro ya gatanu, bikaba bihabwa abahanzi n’abanyamuziki baba baritwaye neza mu mwaka mu rwego rwo gushima akazi gakomeye baba barakoze.

IMA Awards 2024 yatewe inkunga n’ibigo binyuranye birimo Uruganda rwa SKOL rumaze kuba ubukombe mu kwenga ibinyobwa bisembuye n’ibidasembuye. Ibi bihembo byatanzwe mu birori by’agatangaza byaryohejwe cyane n’imyambarire y’abahanzi n’ababiyoboye barimo Tessy wa Isango Star wagaragaye mu ikanzu ndende y’umweru igaragaza ikimero.

Mu byamamare byitabiriye ibi birori bikomeye mu muziki nyarwanda harimo Anita Pendo ukorera Kiss Fm, Niyonshuti Yannick uzwi nka Killaman, Benimana Ramadhan uzwi nka Bamenya, Umutoniwase Nadine ukina muri filime Umturanyi, Bull Dogg, Riderman, Alex Muyoboke, Ruti Joel, Might Popo, Kevin Kade, Jado Castar;

Claude Kabengera wakoze ku Isango Star, Mike Karangwa nawe wakoze ku Isango Star, David Bayingana, umukinnyi wa filime Mugisha Emmanuel uzwi nka Clapton Kibonge, umukinnyi wa filime Nsabimana Eric uzwi nka Dogiteri Nsabii, Umuvugizi w’umujyi wa Kigali, Emma Claudine, Israel Mbonyi, Riderman n’abandi bahanzi bahawe ibihembo.

Ibihembo byamukuru muri IMA Awards biba ari bibiri ari byo umuhanzi w’umwaka ndetse n’umuhanzikazi w’umwaka. Muri IMA 2024, Itahiwacu Bruce wamamaye mu muziki nka Bruce Melodie yatwaye igihembo cy’umuhanzi w’umwaka (Best Male Artist) naho Bwiza Emerance uzwi nka Bwiza ahabwa igikombe cy’umuhanzikazi w’umwaka (Best Female Artist).

Bruce Melodie yatwaye iki gihembo ahigitse The Ben, Bull Dogg na Chriss Eazy bahataniraga iki gihembo. Ni mu gihe Bwiza yagitwaye ahigitse Alyn Sano, Ariel Wayz na France Mpundu. Bwiza atwaye iki gihembo yikurikiranya kuko no mu 2023 yari yabaye umuhanzikazi w’umwaka, icyo gihe Israel Mbonyi akaba ari we wabaye umuhanzi w’umwaka.

Mu cyiciro cy’umuhanzi mushya w’umwaka muri IMA 2024 (Best New Artist), umuraperi Zeo Trap niwe wegukanye igikombe ahigitse Q.D, Chiboo na Kenny Edwin. Iki gihembo cyari gisanganywe Yago Pondat wacyegukanye mu mwaka wa 2023.

Umuhanzi mwiza mu muziki wo kuramya no guhimbaza Imana (Best Gospel Artist) yabayeIsrael Mbonyi umaze kuzuza BK Area inshuro ebyiri yikurikanya, akaba yari ahatanye naChryso Ndasingwa wakoze amateka muri uyu mwaka akuzuza BK Arena mu gitaramo cye cya mbere, Vestine & Dorcus na Ben & Chance.

Muri IMA 2024, Igihembo cya Album y’umwaka (Best Album) cyegukanywe na Album “Icyumba cy’Amategeko” ya Riderman na Bull Dogg, ikaba yari ihatanye na “Full Moon” ya Bushali, “Ganza” y’umuraperi Kivumbi, “Live and die” y’umuraperi Papa Cyangwe.

Indirimbo “Jugumila” ya Dj Phil Peter Ft Chris Eazy & Kevin Kade yegukanye igihembo cy’indirimbo y’umwaka (Best Song of the year). Yacyegukabye ihigitse “Wait” ya Kivumbi, “Molomita” ya Gad ft Nel Ngabo & Keny Sol, “Sikosa” ya Kevin Kade ft The Ben & Element, ndetse na “Ahazaza” ya Bwiza.

Igihembo cy’Indirimbo yahuriwemo n’abahanzi barenze umwe (Best Collaboration) cyegukanywe na “Jugumila” Dj Phil Peter Ft Chris Eazy & Kevin Kade, ikaba yahigitse “Molomita” ya Gad ft Nel Ngabo & Keny Sol. “Sikosa” ya Kevin Kade ft The Ben & Element, ndetse na “Puta” ya Bull Dogg.

Umuraperi w’umwaka yabaye Bull Dogg, akaba yari ahatanye na Riderman, Bushali na Zeo Trap. Umuproducer mwiza w’indirimbo z’amajwi yabaye Element, akaba yahigitse Prince Kiiz, Muriroo na Loader. Ni mu gihe umuproducer mwiza w’indirimbo z’amashusho (Best Video Director) yabayeFayzo, ahigitse Gad, Sammy Switch na Isimbi Nailla.

Mu cyiciro cy’Umuhanzi/Itsinda bakora muzika mu njyana Gakondo (Best Culture Act),Ruti Joel yegukanye igikombe, agitwara abo yari ahatanye nabo ari bo Cyusa Ibrahim, Inyamibwa na Impakanizi. Muri IMA 2023, Itorero Inyamibwa ni bo begukanye iki gihembo.

SKOL yashimiwe cyane ku bw’inkunga yayo muri ibi bihembo dore ko yari umuterankunga w’imena muri ibi bihembo bya Isango na Muzika Awards 2024. Umunyamakuru Kavukire Alex wa Isango Star uri mu itsinda ryateguye ibi bihembo yavuze ko bashimira cyane SKOL yabanye nabo muri uru rugendo rwageze mu Turere dutandukanye tw’igihugu. 

Yagize ati: 'Twashimiye cyane uruhare SKOL yagize mu guha umunezero Abanyarwanda bakurikira Isango na Muzika Awards, twagendanye mu bice bitandukanye kuko badufashije mu bitaramo bitandatu twakoze.'

Menya uko ibihembo bya IMA Awards 2024 byatanzwe ku bahanzi n’abanyamuziki bitwaye neza mu 2024:

Best Male Artist of the Year — Bruce Melodie

Best Female Artist of the Year — Bwiza Yatsinze

Best New Artist of the Year— Zeo Trap

Best Gospel Artist of the Year— Israel Mbonyi

Best Album of the Yeear — Icyumba cy'Amategeko

Song of the Year — Jugumila — Dj Phil Peter ft Chris Eazy & Kevin Kade

Best Collaboration of the Year — Jugumila — Dj Phil Peter ft Chris Eazy & Kevin Kade

Best Hip Hop Artist of the Year— Bull Dogg

Best Music Producer of the Year— Element

Best Video Director of the Year — Fayzo

Best Culture Act of the Year— Ruti Joel

Abanyamakuru ba Isango Star Shimwayezu Cedric na Amanda Bahenda nibo bayoboye gahunda yo guca kuri Red Carpet

Album “Icyumba cy’Amategeko” ya Rideman na Bull Dogg yaciye impaka yegukana igikombe cya Album y’umwaka

Ruti Joel ubwo yashyikirizwaga igikombe cy’umuhanzi mwiza mu njyana Gakondo

“Jugumira” yegukanye ibihembo bibiri muri IMA 2024

Munyanshoza Dieudonne yahawe igihembo cyihariye cy’umuhanzi w’ibihe byose

Musengamana Beatha waririmbye “Azabatsinda Kagame” yahawe ishimwe

Abaraperi baciye impaka; Bull Dogg yabaye umuraperi w’umwaka, naho Zeo Trap aba umuhanzi mushya w’umwaka

Zeo Trap yahize abahanzi bose bashya mu bihembo bya IMA 2024

Zeo Trap yikomanze mu gatuza nyuma yo kwegukana igihembo cy’umuhanzi mushya

Umukozi w’Imana Israel Mbonyi uvoma inganzo muri Bibiliya yegukanye igihembo cy’umuhanzi mwiza wa Gospel

Nta cyaka ku bitabiriye ibi birori kuko bateguriwe ibinyobwa bisembuye n’ibidasembuye bya SKOL

Igihembo cy’umuntu wari wambaye neza muri IMA 2024 iyo gitangwa gishobora kuba cyari kwegukanwa n’umunyamakuru Tessy

Umuyobozi wa Isango Star itanga ibihembo bya IMA ni umwe mu bitabiriye ibi birori

Umunyamakuru Tessy wa Isango Star yaserutse mu mwambaro udasanzwe

Indirimbo “Jugumila” ya Phil Peter, Chris Eazy na Kavin Kade yabaye indirimbo y’umwaka

Riderman na Bull Dogg ni bamwe mu bitabiriye IMA ndetse batahana n’igikombe

Ni ku nshuro ya gatanu hatanzwe ibihembo bya Isango na Muzika Awards bitegurwa na Isango Star

AMAFOTO: ISANGO STAR & IGIHE