Webrwanda Backend

Category: Uncategorized

  • Prosper Nkomezi ategerejwe mu gitaramo kizamb… – #rwanda #RwOT

    Prosper Nkomezi wamamaye mu ndirimbo ”Ibasha Gukora”, yaherukaga muri kiriya gihugu mu 2022 ubwo yari yatumiwe mu bitaramo bikomeye byahabereye. 

    Agiye kujya muri kiriya gihugu, mu gihe mu bantu bitabiriye igitaramo cye muri Gicurasi 2024 ubwo yamurikaga Album ebyiri, harimo abarundi n'abanya-Uganda.

    Nkomezi yabwiye InyaRwanda ko azatamira mu Burundi ku wa Kabiri tariki 31 Ukuboza 2024, mu gitaramo cyiswe 'Prophetic and Thanksgiving Vigil.' Azahurira ku rubyiniro na Apostle Apollinaire Habonimana n'itsinda rya Shemeza Music Ministry Choir. 

    Yavuze ko iki gitaramo cyateguwe mu rwego rwo gushimira Imana yarinze Abarundi umwaka wose. Ati 'Ni igitaramo cyateguwe mu rwego rwo gushimira Imana, uko yarinze abarundi muri uyu mwaka. Bizaba ari umwanya mwiza wo guhura, kuganira no gusenga mu buryo bwagutse.'

    Apostle Apollinaire yavuze ko hari byinshi byo gushimira Imana muri uyu mwaka wa 2024, binjira mu 2025.  Ati 'Mu gihe umwaka wegereje, turashaka gufata akanya ko kubanza gushimira Uwiteka ku bw'uyu mwaka mwiza cyane 2024. 

    Turashaka kumarana nawe hamwe no gusingiza Uwiteka ku bw'ubuntu bwe buhebuje yaduhaye twese, muri buri mwanya w’ubuzima bwacu mu 2024, n’imigisha azashyira mu nzira zacu mu 2025, Amen, '

    Iki gitaramo kizabera mu rusengero ruzwi nka Temple Shemeza, hafi ya Sitade Intwari. Muri iki gihe Prosper Nkomezi, ari kubarizwa muri Uganda, ndetse avuga ko azaba mu Burundi, tariki ya 1 Mutarama 2025.

    Nkomezi amaze gukora indirimbo zinyuranye zahembuye imitima ya benshi zirimo ''Ibasha gukora'', ''Humura '', ''Singitinya'', ''Sinzahwema yamenyekanye nka 'Amamara'', ''Urarinzwe''', ''Nzayivuga'' n'izindi.

    Uyu musore wavutse mu 1995, avuga ko yigeze kumena ijerekani ashyiramo Radio kugirango ajye abasha kumva neza umuziki udunda. Ngo byari ibimenyetso by'urukundo rw'umuziki rwashibutse muri we.

    Nkomezi yakuriye mu muryango w'Abakristo, kandi igihe kinini cy'ubuto bwe yakimaze yiga gucuranga Piano.

    Yaririmbye muri Korali yo muri ADEPR mbere y'uko yerekeza muri Zion Temple. Avuga ko umwaka wa 2014, udasanzwe mu buzima bwe, kuko ari bwo Nyirarume yamwemereye kumufasha agatangira umuziki nk'umuhanzi wigenga.

    Nkomezi yigeze kubwira TNT ati “Nari mfite Marume wacurangaga Piano. Yangiriye inama yo gutangira umuziki nk'umuhanzi. Yambonye ndirimba, aranshima, iyo n'iyo yabaye intangiriro y'umuziki wanjye.'

    Mu 2017, nibwo Nkomezi yasohoye indirimbo ye ya mbere yise 'Sinzahwema'. Yarakunzwe bimutera imbaraga zo kurushaho mu rugendo rw'umuziki we.

    Nkomezi yigeze kuvuga ko hari igihe cyageze indirimbo ze zikaririmbwa mu rusengero n'ahandi nawe ahari, ariko abantu ntibamenye ko ari ize.

    Mu 2022, uyu muhanzi yaririmbye mu gitaramo cya Vestine na Dorcas. Mu 2023, yaririmbye mu bitaramo birimo icya Alex Dusabe, icyo yakoreye muri Kaminuza Nkuru y'u Rwanda ishami rya Huye n'ahandi.


    Umuhanzi w'indirimbo zo kuramya no guhimbaza Imana, Prosper Nkomezi agiye kongera gutaramira mu mujyi wa Bujumbura mu gihugu cy'u Burundi 

    Apollinaire Habonimana wamamaye mu ndirimbo zinyuranye nka 'Imana niyo buhungiro’ n'izindi, yavuze ko hari byinshi byo gushimira Imana muri uyu mwaka  


    Iki gitaramo kizaba ku wa Kabiri tariki 31 Ukuboza 2024, aho kizafasha Abarundi kwambukiranya umwaka 

    KANDA HANO UREBE AMASHUSHO Y’INDIRIMBO ‘NTAYINDI NDIRIMBO’ YA PROSPER NKOMEZI

    “>

    Source : https://inyarwanda.com/inkuru/150185/prosper-nkomezi-ategerejwe-mu-gitaramo-kizambukiranya-umwaka-mu-burundi-150185.html

  • Séraphin Twahirwa wahamijwe n'ibyaha bya Jenoside, yitabye Imana ubwo yari mu Bubiligi #rwanda #RwOT

    Amakuru yatangajwe n'umunyamategeko we, Me Vincent Lurquin, avuga ko Séraphin Twahirwa yari aherutse kuvanwa aho yari afungiye, ajya kwitabwaho mu bitaro bya Saint Luc i Bruxelles kubera uburwayi bukomeye.

    Uyu mugabo yari arwaye kanseri mu kuguru yatewe n'ingaruka z'impanuka yakoze mu myaka ya za 1980. Yanarwaraga diyabete kandi yari asigaye agendera ku kuguru k'ubuterano (prothèse).

    Uburwayi bwe bwakajije umurego ubwo yashyirwaga muri gereza. Twahirwa yari mubyara wa Agathe Kanziga, umugore wa Perezida Juvénal Habyarimana.

    Mu Ukuboza 2023, Urukiko rwa Rubanda rw'i Bruxelles rwahamije Twahirwa ibyaha bya Jenoside yakorewe Abatutsi, ibyaha by'intambara, kwica abigambiriye, no gusambanya abagore ku gahato.

    Ibi byaha byakorewe mu duce twa Gatenga n'i Gikondo mu Mujyi wa Kigali, aho yari umuyobozi w'Interahamwe mu 1994.

    Ubwo yaburanaga, amazina y'Abatutsi bishwe na Twahirwa ku giti cye cyangwa biciwe ku mabwiriza ye yashyizwe ahagaragara mu rukiko. Hari abatanze ubuhamya bagaragaza ubugome bwe, harimo abagore bafashwe ku ngufu kandi bagakoreshwa ibya mfura mbi n'interahamwe ku bw'amabwiriza ye.

    Umugore wa Twahirwa, ubu uba muri Kenya hamwe n'abakobwa babo babiri, yagaragarije urukiko ko yashyingiranwe na we ku ngufu. Yavuze ko mbere ya Jenoside, Twahirwa yari azwiho gukoresha ubwoba Abatutsi, kunywa inzoga nyinshi, no gutunga intwaro ntoya mu buryo butari bwemewe.

    Yashimangiye ko umugabo we yari mu bikorwa byo gutera ubwoba no kwica Abatutsi, ndetse yakunze kumva yigamba gufata abagore ku ngufu. Mu gihe cya Jenoside, Twahirwa yabaga ari kumwe n'interahamwe mu bikorwa byo gusahura no kwica.

    Source : https://kasukumedia.com/seraphin-twahirwa-wahamijwe-nibyaha-bya-jenoside-yitabye-imana-ubwo-yari-mu-bubiligi/

  • Umunyamakuru w'imikino Sam Karenzi yasezeye kuri radiyo Fine FM nyuma y'imyaka itatu ayikorera #rwanda #RwOT

    Umunyamakuru Sam Karenzi, uzwi cyane mu itangazamakuru ry'imikino mu Rwanda, yamaze gutangaza ko yaretse akazi ke kuri Fine FM, aho yari amaze imyaka itatu ahakora kuri iyi radiyo. Sam Karenzi, uzwiho ubunararibonye n'umwuga w'itangazamakuru uhamye, ni umwe mu banyamakuru b'imikino bakunzwe cyane mu gihugu, aho ibikorwa bye byagiye bigira uruhare mu iterambere ry'itangazamakuru muri siporo.

    Mu minsi yashize, inkuru nyinshi zatangajwe ko Karenzi ari mu myiteguro yo gushinga radiyo ye bwite. Nubwo we ubwe atarabitangaza ku mugaragaro, abari hafi ye bavuga ko ari umushinga amaze igihe yitegura, kandi bishobora kuba impamvu nyamukuru yo gusezera kuri Fine FM.

    Hari amakuru avuga ko iyi radiyo nshya izaba yibanda cyane ku makuru y'imikino, ariko ikanasakaza ibiganiro by'imyidagaduro, uburezi, n'iterambere rusange.

    Karenzi yatanze ubutumwa bw'ishimwe n'icyubahiro ku bayobozi ba Fine FM, bagenzi be, ndetse n'abamukurikira mu biganiro by'imikino. Ati: 'Ni imyaka itatu y'akazi keza kandi k'ubufatanye bwiza. Ndashimira Fine FM ku buryo banyakiriye n'uko banyemerereye kugaragaza impano yanjye. Uyu mwanzuro si uworoshye, ariko ni icyemezo cyatewe no gukurikira indi ntambwe mu buzima bw'umwuga wanjye.'

    Uyu munyamakuru w'imikino yabaye umunyamakuru kuri radiyo zitandukanye mu Rwanda, aho yakunzwe kubera uburyo bwe bwihariye bwo gusesengura imikino n'ubushobozi bwo kuvugira ku bibazo byugarije siporo Nyarwanda muri rusange.

    Uretse kuba umunyamakuru, Karenzi yanagaragaye mu bikorwa byo guteza imbere imikino yo mu gihugu, ari nk'umujyanama cyangwa umusangiza w'amagambo mu biganiro bitandukanye.

    Nubwo hataramenyekana izina ry'iyi radiyo nshya Karenzi arimo gutegura, hari amakuru yizewe avuga ko azayitangiza mu mezi make ari imbere.

    Abakurikiranira hafi ibijyanye n'itangazamakuru bavuga ko uyu mushinga w'iyi radiyo ari intambwe ikomeye, kandi bishoboka ko izaba igisubizo ku bakunzi b'imikino bifuza ibiganiro byimbitse, bifite ireme.

    Radio nshya Karenzi arimo gutegura biravugwa ko izakoresha ikoranabuhanga rigezweho, bikaba bishimangira intumbero yo kugera ku banyarwanda bari mu gihugu no hanze yacyo.

    Ibi bikomeza gushimangira umuhate w'uyu munyamakuru mu kurushaho guha agaciro itangazamakuru ry'imikino no gufasha abakunzi bayo kubona amakuru yizewe kandi agezweho.

    Igenda rya Sam Karenzi kuri Fine FM ryashyize mu majwi ko haba hari byinshi bigomba guhinduka mu buryo imikino isesengurwamo mu Rwanda. Hari icyizere ko radiyo ye nshya izazana impinduka nziza mu rwego rw'imyidagaduro, itangazamakuru, ndetse no guteza imbere impano z'abanyamakuru bashya.

    Source : https://kasukumedia.com/umunyamakuru-wimikino-sam-karenzi-yasezeye-kuri-radiyo-fine-fm-nyuma-yimyaka-itatu-ayikorera/

  • Rayon Sports iyoboye urutonde, Kiyovu FC mu kaga: Isesengura mibare rishingiye ku mikino 13 ya Shampiyona y’u Rwanda 2024-2025 – YEGOB #rwanda #RwOT

    Rayon Sports iracyari ku mwanya wa mbere muri Shampiyona y'u Rwanda 2024-2025 nyuma yo gutsinda imikino 10 ikanganya 3 ikagira amanota 33. Iyi kipe yigaragaje nk'iyikomeye mu mikino ya mbere y'iyi shampiyona aho impuzandengo y'ibitego (GD) iri ku kigero cya 1.38. Ibi bigaragaza ko Rayon Sports itsinda imikino ku buryo buhoraho kandi mu buryo bugaragara.

    Imibare ivuga iki hagati ya APR FC na Gorilla FC

    APR FC, iri ku mwanya wa kabiri n'amanota 25 mu mikino 12, nayo iri mu bihe byiza. Ifite impuzandengo ya GD ya 0.75, bivuze ko APR FC ikomeye mu bwugarizi ndetse ikagira umusaruro mwiza mu busatirizi. Gorilla FC iri ku mwanya wa gatatu, ifite amanota 23 mu mikino 13 n'impuzandengo ya GD ya 0.62. Aya makipe yombi akomeje kugaragaza ko azahangana na Rayon Sports ku gikombe.

    Amakipe ari hagati : Polisi FC na Gasogi United

    Polisi FC na Gasogi United ziranganya amanota 20 ariko mu buryo butandukanye bw'imikinire. Polisi FC ifite impuzandengo ya GD ya 0.46, mu gihe Gasogi United ifite 0.31. Izi kipe ziri hagati mu kigereranyo cy'ubudahangarwa n'intsinzi, bikaba bishoboka ko izizakomeza umuvuduko ari zo zizakora itandukaniro mu gice cya kabiri cya shampiyona.

    Amakipe ari mu bibazo bikomeye kugeza ubu

    Mu gihe amakipe yo hejuru ahatanira igikombe, amakipe nka Vision FC na Kiyovu FC ari mu kaga ko kumanuka mu cyiciro cya kabiri. Vision FC ifite impuzandengo ya GD ya -0.69, naho Kiyovu FC iri mu bihe bikomeye cyane n'impuzandengo ya GD ya -1.31. Ikipe ya Kiyovu FC imaze kujyamo umwenda w'ibitego byinshi cyane (17) kandi ikaba ifite amanota 8 gusa mu mikino 13.

    Ibyo Kwitega mu mikino ikurikira

    Rayon Sports izakomeza guhatanira kuguma ku mwanya wa mbere, ishaka ko yongera kwegukana shampiyona.

    APR FC ifite umukino umwe w'ikirarane, bishobora kuyifasha kugabanya ikinyuranyo n'umukeba Rayon Sports.

    Gorilla FC na AS Kigali bazakomeza guhatana ngo bakomeze guhangana ku mwanya wa gatatu cyangwa banaze mu myanya ya mbere.

    Kiyovu FC isabwa gukora impinduka zikomeye niba ishaka kurokoka kumanuka mu cyiciro cya kabiri.

    Iyi shampiyona y'u Rwanda iracyafite byinshi byo gutanga, kandi amakipe yose afite amahirwe yo kuzamura urwego rw'imikinire mu mikino isigaye.

    Source : https://yegob.rw/rayon-sports-iyoboye-urutonde-kiyovu-fc-mu-kaga-isesengura-mibare-rishingiye-ku-mikino-13-ya-shampiyona-yu-rwanda-2024-2025/

  • Alyn Sano na Davis D bakinnye urukundo bavugu… – #rwanda #RwOT

    Mu busanzwe iyi ndirimbo, uyu mukobwa yayikoreye mu Mijyi ibiri yo muri Kenya. Ariko ayisubiramo yafatiye amashusho yayo mu Mujyi wa Kigali. 

    Ni indirimbo iri mu zigize Album ye ya Kabiri. Ndetse yabwiye InyaRwanda, ko kuyisubiramo yanashingiye mu kuba ayikunda cyane. Ati 'Impamvu nasubiyemo iyi ndirimbo nyine n'uko nyikunda cyane, kandi n'abantu nabonye barayikunze, abantu benshi bakabinsaba, nanjye nkumva nyine nibyo, nibyo ko nayisubiramo kugirango n'abantu bayimenye kurushaho, kuko ururirimbo rwiza n'amagambo meza, rero nashakaga kuyigendesha gahoro kugirango abantu bayumve. Hari n'abagiye banyandikira ubutumwa, ndetse no mu bitekerezo narabibonye abantu bansaba kuzabaririmbira iyi ndirimbo n'ijwi ryanjye gusa.'

    Alyn Sano yavuze ko kuva yakwakira ibitekerezo by'aba bantu yiyemeje gukora iyi ndirimbo mu buryo bwa kinyamwuga, kandi bubereye buri wese, biri mu byatumye atekereza umusore nka Davis D kugirango amufashe abe umukinnyi w'imena.

    Ati 'Impamvu rero nifashishije Davis D ni uko nkunda uburyo agaragara, uko yitwa muri 'Video' ndetse n'ibindi. Rero natekereje ko yarushaho kuzana umwihariko kuri rya jwi ryanjye, abantu bakunda, bashaka kumva, bigahita noneho biryohera rimwe kurushaho. Nkunda uburyo Davis D agaragara, na buri kimwe cyose kuri we.'

    Iyi ndirimbo ivuguruye yumvikanamo gitari cyane, ndetse amashusho yakozwe na Producer Run ubarizwa muri Kenya, ni mu gihe amashusho yakozwe na David Ndahiriwe.

    Ikorwa ry'aya mashusho bigaragara ko ryabereye ahantu hihariye, mu gace kamwe, aho amashusho yafashwe akazuba karenze.

    Ubwo yasohoraga iyi ndirimbo ku nshuro ya mbere ayikoreye muri Kenya, Alyn Sano yabwiye InyaRwanda, yavuze ko yahisemo gukorera iyi ndirimbo mu Mijyi ibiri bitewe n'ubutumwa buyigize. Ati 'Nashakaga kuzana no kwerekana ahantu hashya cyane cyane muri iyi mijyi ahanini bitewe n'ibyo naririmbye muri iyi ndirimbo, cyangwa se ku byo twashakaga kugeraho.'

    Yavuze ko nk'umuhanzikazi umaze igihe ari mu muziki, imvune yahuye nazo mu ikorwa ry'iyi ndirimbo zitandukanye n'izo yagiye ahurira nazo ahandi.

    Ariko kandi muri Kenya yagowe cyane n'ikirere cyayo, kuko gitandukanye n'icyo mu Rwanda. Ati 'Imvune ntizabura nawe urabyumva. Nagowe cyane n'ikirere cyaho (Climate Change) ariko rwose ibindi byari ku murongo bimeze neza cyane.'

    Alyn yasobanuye ko mu ikorwa ry'iyi ndirimbo yatanze akazi ku bantu 25, bamufashije mu gutegura abakobwa abakobwa yakoranye nabo, ifatwa ry'amashusho y'iyi ndirimbo yabereye mu Nyanja, mu bindi bice byo mu Mijyi n'ahandi. 

    Alyn Sano yaherukaga gusohora indirimbo ‘Head’, yaje yiyongera ku ndirimbo zirimo nka ‘Biryoha bisangiwe’, ‘Sakwe Sakwe’, ‘Positive’ n’izindi.

    Alyn Sano yiyambaje Davis D bakorana amashusho y'indirimbo 'Tamu Sana' yasubiyemo

    KANDA HANO UREBE AMASHUSHO Y'INDIRIMBO 'TAMU SANA' ALYN SANO YIFASHISHIJEMO DAVIS D

    “>

    Source : https://inyarwanda.com/inkuru/150182/alyn-sano-na-davis-d-bakinnye-urukundo-bavugurura-indirimbo-tamu-samu-video-150182.html

  • Bruce Melodie yageze muri Kenya abisikana na… – #rwanda #RwOT

    Yitabiriye iserukiramuco rizwi nka 'Raha Fest', ndetse abaritegura batangaje ko yageze muri iki gihugu kuri uyu wa Gatandatu tariki 28 Ukuboza 2024, mu gihe habura amasaha macye agataramira abakunzi be. 

    Bruce Melodie si ubwa mbere ageze muri Kenya. Abategura iri serukiramuco bagaragaje ko yahageze, mu gihe Ya Levis yasohoje imyiteguro ibizwi nka 'Sound Check'.

    Ni ku nshuro ya Kabiri ya Levis agiye kwitabira iri serukiramuco; ndetse ku rubuga rwa Instagram bagaragaje ko yasubiyemo zimwe mu ndirimbo ze zamamaye mu bihe bitandukanye ari kumwe n'ababyinnyi basanzwe bakorana.

    Ya Levis ari mu bahanzi bakomeye muri iki gihe. Mbere y'uko Bruce Melodie ajya muri kiriya gihugu, yabanje guhura no kugirana ibiganiro n'umugabo uzwi nka 'Smade' washinze iserukiramuco rizwi nka 'Afro Nation' rihuza abahanzi bakomeye ku Isi.

    Uyu mugabo ari i Kigali ku butumire bwa Coach Gael; ndetse yakiriwe muri Kigali Universe kuri uyu wa Gatanu tariki 27 Ukuboza 2024. Mu butumwa bwo ku rubuga rwa Instagram, Coach Gael yagaragaje ko yishimiye guhura na Smade, kandi ubumenyi bwe n'ubuhanga bwe, yizeye ko buzabafasha guteza imbere ubuhanzi mu Rwanda.

    Bruce Melodie arahurira ku rubyiniro na Ya Levis mu ijoro ryo kuri uyu wa Gatandatu tariki 28 Ukuboza 2024, mu gitaramo kibera mu Mass House, guhera saa kumi n'imwe z'umugoroba.

    Ariko kandi ni igitaramo gicurangamo abarimo Dj Tadgue, Dj Wagzz, Dj Eric MFA, Dj Boss Lady ndetse na Miscta C.

    Iri serukiramuco ni ibitaramo ngaruka mwaka bisanzwe bibera muri kiriya gihugu, cyane cyane bigamije gufasha abanyagihugu guherekeza neza umwaka. Byashyizwe mu gihe cy’iminsi itatu, kandi buri muhanzi yahawe umunsi we agomba kuririmbiraho.

    Bitumirwamo abahanzi Mpuzamahanga, ndetse n'abandi baba bagezweho muri Kenya, ahanini bagamije kuryanisha n'ibigezweho ndetse n'amahitamo y'ibihumbi by'abafana n'abakunzi b'umuziki babyitabira.

    Nyuma y'igitaramo cya Bruce Melodie, ibi bitaramo by'iri serukiramuco bizakomereza ku wa 30 Ukuboza 2024, aho bizaririmbamo BNXN Buju uherutse i Kigali mu gitaramo cya Amstel, aho azataramana na Victony uzaba uvuye i Kigali kuko azahataramira tariki 28 Ukuboza 2024 muri BK Arena, Marioo, Mutoriah, The Orchestra, Sabrina, Njerae, Zeman, Analo Kanga, Zahrie, Iman, Lovince Mackenzie ndetse na Jindi.

    Bizakomeza kandi ku wa 31 Ukuboza 2024, abitabiriye bataramirwa na Shenseea, Ali Kiba, Joshua Baraka, Locko, Lil Maina, Fathermoh, Ndovu Kuu, Harry Craze, ndetse na Vic West.

    Kuri iriya tariki ni nabwo umuhanzi w'indirimbo zo kuramya no guhimbaza Imana, Israel Mbonyi azaba ataramira muri Kenya, mu gitaramo kizafasha abakristu kwambukiranya umwaka.

    Ibi bitaramo byombi bizayoborwa na Azeezah, Adesope ndetse na Shoysydoo. Bigaragara ko tariki 30-31 Ukuboza 2024, kwinjira bizaba kwishyura amashilingi 6,000 [64,192.49 Frw], ni mu gihe ku wa 28 Ukuboza, 30 Ukuboza na 31 Ukuboza 2024, kwinjira ari ukwishyura amashilingi 7,500 [80,240.61 Frw]. Mu gihe cya VVIP, kuva tariki 28,30 na 31 Ukuboza 2024, kwinjira bizaba ari amashilingi 30,000 [320,962.45 Frw].

      

    Bruce Melodie yageze muri Kenya ari kumwe n’itsinda rya Symphony Band ndetse n’umurinzi we Jean Luc uzwi nka ‘Mubi’ 


    Abategura iri serukiramuco batangaje ko Bruce Melodie yageze muri Kenya, mu gitondo cyo kuri uyu wa Gatandatu tariki 28 Ukuboza 2024


    Ya Levis yakoze imyiteguro y’iki gitaramo (Sound Check) mu ijoro ryo kuri uyu wa Gatanu tariki 27 Ukuboza 2024 


    Ni ku nshuro ya Kabiri, Ya Levis agiye kuririmba muri iri serukiramuco rihuza abahanzi bakomeye muri Afurika 


    Bruce Melodie yagaragaje ko yiteguye gutanga ibyishimo muri iri serukiramuco  


    Mbere yo kujya muri Kenya, Bruce Melodie yabanje kugirana ibiganiro na Smade utegura ibitaramo bya Afro Nation byaririmbyemo abarimo Burna Boy, Niki Minaj n’abandi 


    Smade ari kumwe na Coach Gael wamutumiye i Kigali mu rugendo rw’akazi rugamije kureba aho yashora imari



    Source : https://inyarwanda.com/inkuru/150180/bruce-melodie-yageze-muri-kenya-abisikana-na-ya-levis-muri-sound-check-150180.html

  • Blinken yasabye Tshisekedi gusenya FDLR nk'izingiro ryo gukemura ibibazo biri mu Burasirazuba bwa RDC – #rwanda #RwOT

    Muri icyo kiganiro bakoreye kuri telefoni ku wa 27 Ukuboza 2024, Blinken yasabye ko ubutegetsi bwa Kinshasa bwashyira imbaraga muri gahunda yo 'kurandura umutwe wa FDLR ugizwe n'abasize bakoze Jenoside yakorewe Abatutsi mu 1994, bagahungira muri RDC aho bakomeje guhungabanya umutekano w'Akarere by'umwihariko u Rwanda.

    Blinken yabwiye Tshisekedi ko kugira ngo amahoro ahinde mu Burasirazuba bwa RDC, iki gihugu gikwiriye gushyira imbaraga mu kubahiriza amasezerano ya Luanda na Kenya ashyira imbere ibiganiro ku mpande zihanganye.

    FDLR yahawe urubuga na RDC ndetse ingabo zayo zivangwa n'igisirikare cy'iki gihugu, aho bakomeje kugira uruhare rukomeye mu guhungabanya umutekano w'abaturage, by'umwihariko Abanye-Congo bavuga Ikinyarwanda cyane cyane abo mu bwoko bw'Abatutsi.

    Ni ibintu umutwe wa M23 uhora urwana ugaragaza ko utazigera wemera kurebera ko abo baturage bakomeza kwicwa bazira uko bavutse.

    Aho gukemura ibyo bibazo RDC ikagaragaza ko u Rwanda ari rwo nyirabayazana rufasha M23 mu guteza umutekano muke.

    Ni ibintu u Rwanda rwamaganira kure, rukaragaza ko ibyo ari ukwihunza inshingano zo kurindira umutekano abaturage bayo no gushyira mu bikorwa ibyo amasezerano ya Luanda n'aya Nairobi asaba.

    U Rwanda kandi rushinja RDC guha indaro FDLR ubarizwamo abagize uruhare muri Jenoside yakorewe Abatutsi.

    Rugaragaza ko kuganira na M23 nk'uko ayo masezerano abiteganya ari cyo kizashyira iherezo mu bibazo by'umutekano mu Burasirazuba bwa RDC, ibintu RDC idakozwa ikavuga ko M23 ari umutwe w'iterabwoba, ko itazigera iganira na yo.

    Ibi ni na byo bituma uyu mutwe ugaragaza ko nubwo urajwe ishinga n'ibiganiro, nibitaba uzaharanira uburenganzira bwawo n'ubw'Abanye-Congo bavuga Ikinyarwanda mu nzira zose bizacamo kabone nubwo byawusaba gutanga ubuzima.

    Ku wa 15 Ukuboza 2024 hari hateganyijwe isinywa ry'amasezerano hagati y'u Rwanda na Repubulika Iharanira Demokarasi ya Congo agamije kugarura umutekano mu Karere, icyakora ntibyaba.

    RDC yashinje u Rwanda kuba nyirabayazana ku isubikwa ry'icyo gikorwa ngo kuko rwasabye ibitari byitezwe mu nama.

    Icyakora ubwumvikane buke hagati y'intumwa za RDC n'u Rwanda bwavutse ubwo hari hagezweho ingingo ya M23, RDC irahira yivuye inyuma ko idashobora kuganira n'uyu mutwe kandi mbere yari yabyemeye.

    Minisitiri w'Ububanyi n'Amahanga, Amb Nduhungirehe Olivier, yagaragaje ko izo mpamvu zigamije kwirengagiza ibibazo biterwa na FDLR n'indi mitwe ikorera ku butaka bwayo.

    Kuri iyi nshuro Blinken agaragaza ko ibiri kubera muri RDC biri gufata indi ntera aho abaturage benshi bakomeje gukurwa mu byabo bigizwemo uruhare n'iyo mitwe harimo na M23, akagaragaza ko impande zihanganye zikwiriye kuganira ku ngamba zafatwa hashakwa ibisubizo.

    Yanashimiye Tshisekedi ku mikoranire ye n'uwahoze ari Perezida wa Kenya, akaba umuhuza mu masezerano ya Nairobi, Uhuru Kenyatta.

    Icyakora Kenyatta na we ashyigikiye ko ikizashyira iherezo ku bibazo ari uko RDC yaganira by'ako kanya na M23 nubwo Kinshasa yo itabikozwa.

    Mu Ugushyingo 2023 ni bwo u Rwanda na RDC byari byemeranyije ndetse bishyira umukono kuri gahunda igaragaza uko umutwe wa FDLR uzasenywa, u Rwanda rugakuraho ingamba z'ubwirinzi rwashyizeho kubera impungenge ku mutekano warwo bitewe n'ibibazo biri mu Burasirazuba bw'iki gihugu.

    Umunyamabanga wa Leta Zunze Ubumwe za Amerika ushinzwe ububanyi n'amahanga, Antony Blinken yaganiriye na Perezida wa RDC, Félix Tshisekedi, ku mutekano muke mu Burasirazuba bwa RDC

    Source : http://igihe.com/amakuru/u-rwanda/article/blinken-yasabye-tshisekedi-gusenya-fdlr-nk-izingiro-ryo-gukemura-ibibazo-biri

  • Sudani y'Amajyepfo: Abimuwe bagarutse nyuma yo guhunga urugomo rwarimo kubera i Tambaro #rwanda #RwOT

    Nk'uko ibiro by'Umuryango w'Abibumbye muri Sudani y'Amajyepfo bibitangaza, abantu ibihumbi byinshi bahatiwe guhunga ingo zabo muri Leta ya Sudani y'Amajyepfo, mu burengerazuba bwa Ekwatoriya, nyuma y'icyumweru cy'ihohoterwa ryabereye mu mujyi wa Tambura no mu bice bihegereye.

    Ubutumwa bwa Misiyo y'Umuryango w'Abibumbye muri Sudani y'Amajyepfo (UNMISS), bwatangaje ku wa Gatanu ko 'ituze' ryagarutse muri ako gace nyuma y'urugomo rwatumye benshi bajya kuba hafi y'ikigo cya UNMISS cy'agateganyo.

    Monica Zeferina, umwe mu bavuye mu byabo mu gace ka Tambura, yabwiye ingabo ku wa Gatanu ati: 'Ubu tumaze ibyumweru bibiri turi hano mu gihuru.

    Ntabwo tuzi abo bantu bitwaje intwaro bica abaturage bacu. Ntidushobora kwimuka kuko tudafite uburyo bwo gutwara abana bacu ahantu hizewe.

    Colonel Shams Sittique, Umuyobozi Mukuru w'Ingabo za UNMISS, yavuze ko ubutumwa bukomeje gukurikirana uko ibintu bihagaze no kugenzura ihohoterwa.

    Mu gihe ibyo bibera mu burengerazuba bwa Ekwatoriya, muri Leta ya Bahr el Ghazal y'Amajyaruguru, amashyaka ya politiki n'imiryango itegamiye kuri leta bemeranyije kuri 'gahunda y'ibikorwa' hagamijwe gutegura amatora yisanzuye mu myaka ibiri iri imbere.

    Ihuriro ry'iminsi itatu ryateguwe na UNMISS mu mujyi wa Aweil ryahuje amashyaka umunani ya politiki n'imiryango irindwi itegamiye kuri leta.

    Abayobozi bashyize umukono ku masezerano agamije gushyiraho umwanya w'ubwisanzure wa politiki n'umutekano mbere y'amatora ateganyijwe mu 2026.

    Guang Cong, Umuyobozi wungirije wa UNMISS, yavuze ko 'umwanya wa gisivili na politiki ufunguye ari ingenzi cyane, kugira ngo abaturage n'abanyapolitiki babone uburenganzira bungana mu bikorwa byo kwiyamamaza, gukora inama, no kumenyekanisha gahunda zabo nta nkomyi.'

    Guverinoma ya Sudani y'Amajyepfo yari yasubitse amatora yagombaga kuba mu Kuboza 2024, ishyiraho itariki nshya ya 22 Ukuboza 2026.

    Impamvu zagaragajwe zirimo kurangiza ibarura ry'abaturage, gutegura itegeko nshinga rihoraho, no kwandikisha amashyaka ya politiki.

    Ni ku nshuro ya kabiri iki gihugu, cyabonye ubwigenge mu 2011, gisubitse amatora, kikongera igihe cy'inzibacyuho cyatangiye muri Gashyantare 2020.

    Source : https://kasukumedia.com/sudani-yamajyepfo-abimuwe-bagarutse-nyuma-yo-guhunga-urugomo-rwarimo-kubera-i-tambaro/

  • Abanyeshuri bemerewe kwinjira ku buntu mu mukino uhuza u Rwanda na Sudani y'Epfo #rwanda #RwOT

    Mu mukino u Rwanda rugiye kwakiramo Sudani y'Epfo, abanyeshuri bemerewe kwinjira ku buntu mu rwego rwo kubafasha kuryoherwa n'iminsi mikuru isoza umwaka wa 2024. Iki gikorwa kigamije kongera ishyaka mu rubyiruko no kubereka agaciro ko gushyigikira ikipe y'igihugu muri siporo zitandukanye.

    Uyu mukino uteganyijwe kubera kuri Stade Amahoro kuri uyu wa Gatandatu,  tariki ya 28 Ukuboza 2024. Ni amahirwe akomeye ku rubyiruko rwo kwifatanya mu byishimo by'iminsi mikuru no gushyigikira Amavubi mu gihe cyo gutegura imikino itandukanye.

    Minisiteri ya Siporo ifatanyije na FERWAFA n'abafatanyabikorwa bayo, yatangaje ko iyi gahunda yo kwinjiza abanyeshuri ku buntu yatekerejweho mu rwego rwo kubafasha kubona amahirwe yo kwirebera imikino iryoheye ijisho ndetse no guhindura imyumvire ku ruhare rwa siporo mu buzima bwabo bwa buri munsi.

    By'umwihariko, iri ni isomo rigamije gushishikariza urubyiruko gukunda igihugu no kucyitangira binyuze mu kwifatanya mu bikorwa by'ubwitange n'ishyaka mu myidagaduro ifite intego.

    Abanyeshuri barinjira ku buntu gusa ikarita iranga umunyeshuri cyangwa ikindi cyangombwa kibaranga, by'umwihariko ibigaragaza ko bakiri mu mashuri.

    Akarusho, abaritabira uyu mukino baribugenerwe serivisi zitandukanye harimo n'ibikoresho by'urwibutso bizabafasha kwibuka iki gikorwa cyihariye cyo kureba umukino ku banyeshuri ku buntu.

    Umuyobozi wa FERWAFA yavuze ko iyi gahunda ari uburyo bwo guhuza urubyiruko n'imyidagaduro y'imikino no kubaha amahirwe yo kwibonera uko amakipe y'igihugu ategurwa. Yagize ati, 'Twifuza ko siporo iba isoko y'ubumwe n'iterambere ry'urubyiruko. Kwinjira ku buntu ku banyeshuri ni uburyo bwo kubereka ko bari ingenzi mu rugendo rwacu rwo guteza imbere siporo mu Rwanda.'

    Icyizere kirahari ko iki gikorwa kizaba ari uburyo bwiza bwo kuzamura ishyaka mu rubyiruko no gutuma iminsi isoza umwaka igenda neza, cyane ko hari n'andi makoraniro y'imikino n'imyidagaduro azakurikiraho muri iyi minsi y'ibiruhuko. Kuri ubu, Amavubi yiteguye guhesha abakunzi b'umupira w'amaguru ibyishimo by'imbonekarimwe.

    Source : https://kasukumedia.com/abanyeshuri-bemerewe-kwinjira-ku-buntu-mu-mukino-uhuza-u-rwanda-na-sudani-yepfo/

  • Juno Kizigenza yasusurukije abari mu birori byo gusangira iminsi mikuru n'abana, byateguwe na Kate Bashabe #rwanda #RwOT

    Mu rwego rwo kwizihiza iminsi mikuru isoza umwaka, Kate Bashabe, wamenyekanye cyane mu bikorwa by'ubugiraneza n'ubushabitsi, hateguye ibirori byihariye byahuje abana bo mu karere ka Kicukiro.

    Ibi birori byabereye ahantu hatuje kandi hateguwe neza, aho abana basaga 200 bahawe umwanya wo kunezerwa, gusabana, no kwidagadura mu buryo bwari bubereye ijisho.

    Ikirori cyari gifite intego yo gutanga ibyishimo ku bana no kubibutsa ko bafite agaciro. Mu rwego rwo gushyigikira ubumenyi no kuzamura ireme ry'uburezi, aba bana banahawe ibikoresho by'ishuri birimo amakayi, amakaramu, n'ibindi bikoresho by'ibanze bizabafasha mu masomo yabo.

    Kate Bashabe yavuze ko iki gikorwa cyari cyigamije guhesha abana ibyishimo no kubaha icyizere cy'ejo hazaza. Yagize ati, 'Abana ni bo mizero y'ahazaza, kandi tugomba kubafasha kugira ngo bagere ku nzozi zabo.'

    Ibirori byarushijeho gushimisha abana ubwo Juno Kizigenza, umwe mu bahanzi bakunzwe cyane mu Rwanda, yageraga ku rubyiniro.

    Yaririmbye indirimbo ze zakunzwe cyane nka 'Please Me' na 'Nazubaye', ndetse yanasabanye n'abana mu buryo bw'ubucuti n'urukundo.

    Juno yavuze yishimiye cyane kwifatanya n'aba bana, ashimira Kate Bashabe ku bw'igitekerezo cyiza cyo gutegura iki gikorwa. Yagize ati, 'Ni iby'agaciro kuba mu bihangano byanjye nshobora guha ibyishimo abana. Kugira uruhare mu bikorwa nk'ibi ni byo bimpa imbaraga zo gukomeza gukora umuziki wubaka sosiyete.'

    Ababyeyi n'abarezi bari bitabiriye iki gikorwa na bo bashimye cyane uburyo abana bagaragarijwe urukundo, bishimira ko ibikorwa nk'ibi bifasha abana kumva ko bitabwaho no kumenya agaciro kabo mu muryango nyarwanda.

    Umwe mu babyeyi yagize ati, 'Iki ni igikorwa cy'ingenzi kuko gituma abana bacu bumva ko bari mu muryango wita ku mibereho yabo n'uburezi bwabo.'

    Abana bari bateguriwe ibiryo byiza, ibinyobwa, ndetse banasabanye n'abitabiriye bose. Iki gikorwa cyasize urwibutso rwiza ku bana, kikaba cyerekanye ko gufasha abandi ari igikorwa cy'urukundo kigomba gushyigikirwa na buri wese.

    Source : https://kasukumedia.com/juno-kizigenza-yasusurukije-abari-mu-birori-byo-gusangira-iminsi-mikuru-nabana-byateguwe-na-kate-bashabe/