Webrwanda Backend

Category: Uncategorized

  • Shenseea yavuze ku ihagarikwa ry'igitaramo cya Raha Fest muri Kenya yari mu batumiwe #rwanda #RwOT

    Shenseea, umuhanzikazi ukomeye wo muri Jamaica, yatangaje ko nubwo atabashije gutaramira Abanya-Kenya mu iserukiramuco rya Raha Fest, yagiriye ibihe byiza muri Kenya ndetse agashimira Abanya-Kenya n'igihugu muri rusange ku buryo bamwakiranye urukundo.

    Mu butumwa yanyujije ku mbuga nkoranyambaga ze, yashimangiye ko n'ubwo habaye ibibazo byatumye aririmba indirimbo imwe gusa, ibyo ntibyamubuza gushimira byimazeyo abafana be ndetse n'abateguye igitaramo, nubwo bimwe mu bibazo byagaragaye bishobora kuba byaratewe n'imyiteguro idahagije.

    Shenseea yavuze ko n'ubwo ibyabaye bitari ku rwego yifuzaga, atashye yishimiye cyane ubundi buzima yagiriye muri Kenya.

    Yasobanuye ko yanyuzwe n'ubwiza bw'igihugu, ibyiza nyaburanga yahaboneye, ndetse n'urukundo yakiranywe n'Abanya-Kenya, by'umwihariko abafana be, bakomeje kugaragaza uburyo bakunda umuziki we. Yongeye gushimira abafana be ku bw'inkunga bamweretse, abizeza ko azagaruka muri Kenya mu gihe kizaza kandi azakora uko ashoboye ngo ataramire abafana be bose uko yabyifuzaga.

    Iserukiramuco rya Raha Fest ryari ryateguwe mu rwego rwo guhuriza hamwe ibyamamare bitandukanye byo ku rwego mpuzamahanga kugira ngo bishimishe abakunzi b'umuziki.

    Ariko rero, ku wa 31 Ukuboza 2024, ibintu byahinduye isura ubwo abantu benshi batari bafite amatike babyiganiye kwinjira ku ngufu.

    Ibi byateje umutekano muke, ku buryo abashinzwe umutekano bagombaga gukoresha ibyuka biryana mu maso mu guhosha akavuyo.

    Icyo gihe, Shenseea yari amaze kuririmba indirimbo imwe, ariko mu rwego rwo kumurindira umutekano we, yahise avanwa ku rubyiniro igitaraganya.

    Shenseea yakomeje avuga ko n'ubwo byagenze gutyo, adafite umujinya ku bafana cyangwa abateguye igitaramo kuko abona ko ibi byose ari ibintu bishobora kubaho mu gihe haba imyiteguro idatunganye cyangwa habaye umuvundo w'abantu barenze ubushobozi bw'ahantu igitaramo cyagombaga kubera.

    Yasoje ubutumwa bwe avuga ko azakomeza gusubiza urukundo rwa Kenya mu buryo bwiza kandi agashaka uburyo azagaruka muri icyo gihugu mu gihe kiri imbere.

    Source : https://kasukumedia.com/shenseea-yavuze-ku-ihagarikwa-ryigitaramo-cya-raha-fest-muri-kenya-yari-mu-batumiwe/

  • Icyatumye Ingabo z'u Burundi zerekwa umuryango mu gihugu cya Somalia #rwanda #RwOT

    Leta ya Somaliya yandikiye igihugu cy'u Burundi bakimenyeshako ingabo zacyo zitakiri mu butumwa bw'amahoro bw'Umuryango w'Afurika yunze Ubumwe muri Somalia (AUSSOM), ingabo z'u Burundi zibisikanye niza Etiyopiya yemerewe kohereza ingabo muri icyo gihugu.
    Kuba ingabo z'u Burundi zihawe zirukanwe si uko ubutumwa burangiye ahubwo ni uko bananiwe kuzuza inshigano kubera abasirikari babo batateguwe neza guhangana n'ibikorwa by'iterabwoba ndetse n'ibikoresho bidahagije. Byavuzwe kera ko kujya mu butumwa bw'amahoro muri Somalia u Burundi bwabifashe nko guhemba abashyigikiye CNDD FDD harimo n'imbonerakure kugirango babone kumafaranga atangwa na UN binyuze muri AU.

    Kuva ingabo z'u Burundi zajya muri Somalia muri 2007, zapfushije abasirikari benshi mu bitero binyuranye aha twavuga:

    Igitero cyo muri Gicurasi 2022 ahitwa El Baraf mu karere ka Middle Shabelle aho umutwe w'iterabwoba wa Al Shabaab wayigabagaho igitero maze hicwa abasirikari benshi bicyo gihugu. Leta y'u Burundi yemeye ko yapfushije abasirikari 30 gusa ariko hari amakuru avuga ko barenga 50

    Muri Nzeli 2015, ahitwa Janaale, Al Shabaab yagabye igitero ku ngabo z'u Burundi ikoresheje intwaro zikomeye n'ibisasu biturika ingabo z'u Burundi zirenga 70 zihasiga ubuzima

    Muri Ukwakira 2011, mu gitero Al Shabaab yagabye ku ngabo z'u Burundi mu murwa mukuru Mogadishu ingabo z'u Burundi zirenga 50 zarishwe maze imirambo y'abasirikari b'u Burundi bayikwirakwiza mu muhanda binyura ku mateleviziyo yisi yose. Nubu amafoto aracyari kuri Internet.

    Hari ikindi gitero Al Shabaab yagabye ku ngabo z'u Burundi I Mogadishu ahahoze Kaminuza Nkuru y'igihugu maze ingabo z'u Burundi 11 zihasiga ubuzima.

    Ikindi gitero cya Al Shabaab ku ngabo z'u Burundi cyabaye muri Ukuboza 2014 ahitwa Beledweyne, mu ntara ya Hiiraan ingabo z'u Burundi zihasiga ubuzima nubwo hatavuzwe umubare.

    Ingabo z'u Burundi kuba zisezerewe harimo no guca ruswa kuko abasirikari bahabwaga igice cy'amafaranga yabo andi Leta ikayatwara ikayakoresha mu bikorwa bitandukanye harimo amatora. Intica ntikize abasirikari bake babonaga bayagabanaga n'abasirikari bakuru babaga barabashyize kurutonde cyane cyane ko abenshi batabaga bemerewe kujya kurutonde kubera ibikorwa byabo by'ubwicanyi.

    Mbere yuko ingabo z'u Burundi zoherezwa muri Somalia zabanzaga koherezwa muri Congo kurwana n'imitwe irwanya icyo gihugu ndetse na M23, ariko kuri M23 hakoherezwa abasirikari b'Abatutsi bazwi nka Ex FAB murgihe abazwi nk'aba DD boherezwa muri Somalia ngo babone agatubutse.

    Kuba u Burundi busezerewe muri Somalia ni igihombo gikomeye kuri icyo gihugu kuko yari imwe munzira nkeya icyo gihugu gikura amadevize.

    Ubu inzira isigaye ni ugushaka amadevise ya Tshisekedi bohereza ingabo nyinshi zijya kurwanya M23, nubwo bahasiga ubuzima ku bwinshi ibyo ntacyo bibwiye Perezida Ndayishimiye kuko akayabo aba yagafashe mbere yizeza Tshisekedi intsinzi!
    Ikigaragara ibibazo by'ubukungu iki gihugu cyari gifite biraza kwiyongera.

    The post Icyatumye Ingabo z'u Burundi zerekwa umuryango mu gihugu cya Somalia appeared first on RUSHYASHYA.

    Source : https://rushyashya.net/icyatumye-ingabo-zu-burundi-zerekwa-umuryango-mu-gihugu-cya-somalia/?utm_source=rss&utm_medium=rss&utm_campaign=icyatumye-ingabo-zu-burundi-zerekwa-umuryango-mu-gihugu-cya-somalia

  • Cristiano Ronaldo mu cyerekezo gishya afitiye ikipe ya Al-Nassr muri uyu mwaka wa 2025 #rwanda #RwOT

    Cristiano Ronaldo, icyamamare mu mupira w'amaguru, yagarutse ku myaka ibiri amaze muri Al-Nassr yo muri Saudi Arabia, ashimangira ko yishimiye byinshi ariko akagaragaza icyifuzo cyo kugera ku bindi byiifuzo byinshi.

    Mu kiganiro yagiranye n'abanyamakuru, Ronaldo yavuze ati: 'Ubuzima ni bwiza, umupira ni mwiza, ariko ndashaka byinshi bitandukanye n'umupira w'amaguru bifite aho bihurira n'inyungu zanjye bwite.'

    Uyu mukinnyi w'imyaka 39 yinjiye muri Al-Nassr mu Kuboza 2023, mu masezerano ye yatumye iyi shampiyona itangira gukurura abakinnyi bakomeye ku rwego mpuzamahanga, bitewe n'igikundiro uyu mukinnyi afite.

    Ronaldo yavuze ku hazaza ha shampiyona ya Saudi Arabia agira ati: 'Kuri njye, ni icyubahiro gukina hano. Ariko icyo nifuza ni kubona iterambere mu myaka 5 cyangwa 10 iri imbere. Shampiyona igomba kwibanda ku makipe yose, si amakipe akomeye gusa, ahubwo n'uburyo bwo guteza imbere abakinnyi bato. Intego ni uguhatana ku rwego rw'Isi.'

    Nubwo ataragera ku gikombe cya shampiyona y'imbere mu gihugu hamwe na Al-Nassr, Ronaldo yagaragaje ko ari umukinnyi ufite ubushobozi bukomeye.

    Muri saison ishize, yegukanye 'Golden Boot' kubera gutsinda ibitego 35 mu mikino 31, bikomeza kumuhesha icyubahiro nk'umwe mu bakinnyi beza ku Isi.

    Hanze y'ikibuga, Ronaldo yagaragaje ko yishimiye ubuzima bwe muri Saudi Arabia. Ati: 'Ndanezerewe kandi umuryango wanjye urishimye. Twatangiye ubuzima bushya muri iki gihugu cyiza. Hari byinshi bigikenewe kugerwaho, ariko turi mu nzira nziza.'

    Source : https://kasukumedia.com/cristiano-ronaldo-mu-cyerekezo-gishya-afitiye-ikipe-ya-al-nassr-muri-uyu-mwaka-wa-2025/

  • Abasirikare n'abapolisi baturutse muri Amerika y'Amajyepfo bari kwiyongera mu rwego rw'umutekano mpuzamahanga muri Haiti #rwanda #RwOT

    Ku munsi wejo hashize, taliki 3 Mutarama nibwo itsinda rya mbere ry'abasirikare n'abapolisi ba gisirikare baturutse muri Amerika y'Amajyepfo ryageze i Port-au-Prince kugira ngo riyobore ubutumwa bw'umutekano mpuzamahanga witwaje intwaro, mu rwego rwo kurwanya udutsiko twitwaje intwaro muri Haiti.

    Iryo tsinda rigizwe n'abashinzwe umutekano 83, barimo abasirikare umunani baturutse muri Salvador n'abapolisi ba gisirikare 75 baturutse muri Guatemala, ku bw'itsinda ry'abapolisi 150 biteganyijwe koherezwa.

    Abanyasalvador bashinzwe gutanga ubuvuzi bw'ibanze no gufasha mu bijyanye n'impanuka, mu gihe Abanya-Guatemala bazibanda ku guhashya udutsiko twitwaje intwaro.

    Ukuza kw'iri tsinda byitezweho kongera ingufu mu bikorwa by'umutekano, byari bisanzwe byiganjemo uruhare rw'abapolisi.

    Iri tsinda ryakiriwe ku kibuga cy'indege mpuzamahanga cya Toussaint Louverture n'abayobozi ba Haiti, rihabwa ikaze mu gihe igihugu gikomeje guhangana n'ubwiyongere bukabije bw'ubugizi bwa nabi mu gace ka Port-au-Prince.

    Mu rwego rwo gushyigikira ubu butumwa bw'umutekano, ubuyobozi bwa Joe Biden bwatwaye nibura indege 22 muri Haiti mu kwezi gushize, zije n'ibikoresho bikenewe cyane kuri polisi ya Haiti.

    Ubufasha bwatanzwe burimo imodoka zifite ibirwanisho, byose bigamije gushyigikira ibikorwa bya Kenya nk'igihugu kiyoboye ubu butumwa.

    Ukuza kw'iri tsinda kwari gutegerejwe igihe kirekire kandi kije mu gihe gikomeye kuri Haiti, aho abaturage bakomeje kugirirwa nabi n'ibitero byitwaje intwaro.

     

    4o

    Source : https://kasukumedia.com/abasirikare-nabapolisi-baturutse-muri-amerika-yamajyepfo-bari-kwiyongera-mu-rwego-rwumutekano-mpuzamahanga-muri-haiti/

  • Havumbuwe ibirenge by’inyamaswa zabayeho mu m… – #rwanda #RwOT

    Abakozi bakorera muri Oxfordshire mu Bwongereza, babonye ibirenge by'inyamaswa za kera (dinosaurs), harimo izo mu bwoko bwa “megalosaurus”, inyamaswa yari ifite uburebure bwa metero 9 hamwe n'ibirenge by'izindi nyamaswa nk’uko tubikesha NYTimes. Ibi biboneka nk'icyegeranyo gikomeye cyane cyabonetse mu myaka 30 ishize mu Bwongereza.

    Ibimenyetso 5 by'ibirenge byabonetse byerekana inyamanswa zabayeho mu gihe cya Jurassic, imyaka miliyoni 166 ishize. Ahantu habonetse ibi birenge, hazwi nka 'Dinosaur Highway,' kuko hamaze kubonekamo ibirenge birenga 40 mu ntera ya metero 200.

    Inyamaswa za “megalosaurus”, zari inyamaswa z'inkazi zifite uburebure bwa metero 9, zikagira ibiro bisaga 1,500 nk’uko bitangazwa na Emma Nicholls. Mu gihe kimwe, habonetse ibirenge by'inyamaswa za “sauropods”, zirimo izo abahanga bakeka ko ari ‘Cetiosaurus’ zari zifite uburebure bwa metero 18 na toni 2 z'uburemere.

    Abashakashatsi bavuga ko izi nyamaswa zakoreshaga aka gace nk’ahantu ho gutemberamo, aho rimwe na rimwe zakoreshaga urwuri cyangwa zishobora guhura n'ibikoko by'inkazi nka “megalosaurus”. Aho izi nyamanswa zari zicumbitse, hasanzwe ibimenyetso by'ibinyabuzima byo mu mazi, birimo ibikururuka byo mu bwoko bwa “gastropods” n'ibindi.

    Mu mwaka wa 2024, abashakashatsi bakoze ubushakashatsi bwimbitse bakoresheje ikoranabuhanga bafata amafoto n’amashusho z'indege zitagira abapirote (drone), ndetse banakora ibishushanyo by’ibinyabuzima, byatumye ubu bushakashatsi bukomeza gufasha abahanga bikaba byitezwe ko hashobora kuvumburwa ibiruta ibi.

    Abashakashatsi bo mu Bwongereza bavumbuye inyamaswa za kera cyane

    Source : https://inyarwanda.com/inkuru/150451/havumbuwe-ibirenge-byinyamaswa-zabayeho-mu-myaka-miliyoni-166-ishize-amafoto-150451.html

  • Icyatumye The Ben na Meddy bamara imyaka ibir… – #rwanda #RwOT

    Yabitangaje ku wa 1 Mutarama 2025, ubwo yitegura gushyira akadomo ku gitaramo 'The New Year Groove' yamurikiyemo Album ye ya Gatatu yise 'Plenty Love', ubwo yari imbere y'ibihumbi by'abantu bari biyemeje kumushyigikira. 

    The Ben yumvikanishije ko ibihangano byose yagezeho byagizwemo uruhare n'abafana be, ariko kandi ubuzima yabanyemo muri Amerika na Meddy byagejeje ku bihangano byinshi na n'uyu munsi biri mu mitima y'abakunzi b'umuziki.

    Uyu mugabo yavuze ko ubwo bageraga muri Amerika, bagowe cyane no kubona aba Producer babakorera indirimbo, bituma imyaka ibiri yarashize nta gihangano. 

    Aho baboneye aba Producer nibwo yakoze indirimbo yise 'I'm in Love' yasamiwe hejuru, ubwo yasohokaga ku wa 27 Ukwakira 2012.

    Yavuze ko iyi ndirimbo idasanzwe mu rugendo rwe rw'umuziki. Ati 'Hari indirimbo nshaka kubaririmbira n'ubwo turi kugana ku musozo […] Iyi ndirimbo tukigera mu Amerika, twari tumaze imyaka myinshi tutaririmba twarabuze aba Producer.'

    Iyi ndirimbo yakozwe mu buryo bw'amajwi (Audio) na Producer Lick Lick, ndetse mu buryo bw'amashusho yakozwe na Cedru. Bigaragara ko yashowemo imari na Sosiyete y'umuziki ya Press One Rwanda, ari nayo The Ben yabagarizwamo nka 'Label' ye.

    Ku rubuga rwa Youtube rwa Press One Rwanda niho iyi ndirimbo yashyizwe. Nyuma y’iyi ndirimbo, The Ben yahawe amahirwe yo kuririmba mu birori bya Rwanda Day byabereye mu Mujyi wa Boston, icyo gihe yataramanye na K8 Kavuyo ndetse na Meddy.

    Nyuma ye, K8 Kavuyo wari muri Amerika yasohoye indirimbo ‘Imbonekarimwe’, akurikirwa na Meddy wasohoye indirimbo ‘Oya Ma’.

    The Ben yakomeje gukora agera ubwo akora indirimbo ‘Give it to me’, aza no kigera ku ndirimbo ‘Ndi uw’i Kigali’ yahuriyemo na Meddy na K8 Kavuyo n’izindi.

    The Ben yatangaje ko akigera muri Amerika yagowe no kubona aba Producer byatumye amara imyaka ibiri nta ndirimbo asohora

      

    The Ben yavuze ko indirimbo ye 'I'm in Love' ayifiteho urwibutso rukomeye

    KANDA HANO UREBE AMASHUSHO Y'INDIRIMBO 'I'M IN LOVE' YA THE BEN

    “>

    Source : https://inyarwanda.com/inkuru/150440/icyatumye-the-ben-na-meddy-bamara-imyaka-ibiri-ya-mbere-muri-amerika-nta-ndirimbo-basohora-150440.html

  • Yverry yasoje amasezerano na Gauchi wari umuj… – #rwanda #RwOT

    Yverry wamamaye mu ndirimbo zubakiye ku rukundo, ari kumwe na Gauchi yabashije gukora ibihangano byakunzwe mu buryo bukomeye. Nibwo yasohoye indirimbo 'Njyenyine' yakoranye na Butera Knowless imaze kurebwa inshuro zirenga Miliyoni 4, ndetse yakoze n'izindi ndirimbo zirimo nka 'Over'. 

    Gauchi kandi yamufashije kuririmbira ku nshuro ye ya mbere muri Canada, ndetse yahakoreye amashusho y'indirimbo yitwa 'Forever' iri mu zamutwaye amafaranga menshi, yakozwe mu buryo bw'amajwi na Producer Made Beats.

    Mu kiganiro na InyaRwanda, Yverry yavuze ko amasezerano yari afitanye na Gauchi yageze ku musozo, kandi amushimira uruhare yagize mu gihe bari bamaze bakorana.

    Yavuze ko amezi 18 yari ashize akorana na Gauchi nk'umujyanama we, kandi ko ibyari mu masezerano byubahirijwe, icyabaye ari ukubahiriza amasezerano nk'uko yavugaga.

    Ati 'Nibyo twamaze gusoza amasezerano twari dufitanye, ubu igisigaye ni gukomeza ibikorwa byanjye by'umuziki, ndamushimira uko twakoranye n'uruhare yagize.'

    Gauchi amaze igihe ari mu ruganda rw'umuziki, ndetse yagiye atera inkunga ibikorwa by'abahanzi benshi barimo n'abakomeye muri iki gihe, n'ubwo bitagiye bivugwa cyane mu itangazamakuru, ahanini bitewe n'uko abikora agamije gushyira itafari rye ku rugendo rw'umuziki w'abanyarwanda.

    Uyu mugabo usanzwe ukora ibikorwa by'ubucuruzi byubakiye ku kubaka akagurisha amazu, muri iki gihe yatangiye uburyo bwo gutera inkunga cyangwa se gufasha abahanzi bafite izina, kurizamura ku buryo bamenyekana ku ruhando mpuzamahanga.

    Asanzwe ari n'umuhanzi, kuko afite ibihangano byinshi birimo n'indirimbo 'Madamu' yakoranye Bruce Melodie. Ndetse, agaragaza ko mu cyumweru kiri imbere azashyira hanze indirimbo, irimo ubutumwa bukangurira cyane cyane abakobwa kwita ku mahitamo bakora mu buzima bwabo.

    Gauchi anafatanyije n'abarimo Fireman, Sean Brizzy n'abandi, baherutse gusohora indirimbo 'Amahitamo' bakoze mu gihe cy'amatora y'Umukuru w'Igihugu hagati ya Nyakanga na Kanama 2024. Uyu mugabo anafite ku isoko indirimbo zirimo ‘Oya’ yakoranye na Eesam, ‘Baramujyanye’, ‘Ikaze’, ‘Ceza’, ‘Ndagarutse’, ‘Free Day’ yakoranye na Aime Bluestone n’izindi.


    Yverry yemeje ko yatandukanye na Gauchi nyuma y'amezi 18 ari umujyanama we

    Yverry yavuze ko yakoranye neza na Gauchi, kandi ko ibiganiro bagiranye byatumye batongera igihe cy'amasezerano 

    Yverry yamamaye cyane binyuze mu ndirimbo zirimo ‘Nduwawe’, ‘Amabanga’, ‘Mwijuru’, ‘Umutima’, ‘Uragiye’, ‘Nk’uko njya mbirota’ n’izindi 


    Gauchi ari kwitegura gusohora indirimbo ye nshya, izafasha abakunzi be kwinjira neza mu mwaka mushya

    KANDA HANO UREBE AMASHUSHO Y'INDIRIMBO 'AMAHITAMO'

     “>

    KANDA HANO UREBE AMASHUSHO Y'INDIRIMBO 'FOREVER' YA YVERRY

      “>

    KANDA HANO UREBE UBWO YVERRY YAJYAGA MURI CANADA ABIFASHIJWEMO NA GAUCHI

    “>

    Source : https://inyarwanda.com/inkuru/150448/yverry-yasoje-amasezerano-na-gauchi-wari-umujyanama-we-150448.html

  • Kugemurira abarwayi ku bitaro bishobora gukurwaho mu Rwanda – #rwanda #RwOT

    Ibi byagarutsweho ku itariki 3 Mutarama 2025 ubwo hatahwaga igikoni kigezweho cy'Ibitaro bya Kaminuza bya Kigali (CHUK) cyubatswe ku bufatanye n'Umuryango Solid'Africa. Ni igikoni gifite ubushobozi bwo gutekerwamo ibiryo bihagije abantu 8000 buri munsi.

    Umunyamabanga Uhoraho muri Minisiteri y'Ubuzima, Iyakaremye Zachée yavuze ko u Rwanda rufite intego yo kubaka ibikoni mu bitaro byose hagamijwe ko abarwayi, abarwaza n'abandi bagana ibitaro babona ibiribwa byujuje ubuziranenge.

    Ati 'Ubu tugiye gufata umwaka umwe mu cyo twakwita nk'igerageza tureba uko bizagenda indi imyaka nk'ibiri cyangwa itatu. Nitubona bigenda neza nta mbogamizi twahuye na zo cyangwa izo twabonye twabashije kuzibonera igisubizo, tuzahitamo kwihutisha kugira igikoni kuri buri bitaro. Ibyo kurya bihategurirwa bizagera ku bitaro byose dufite mu Rwanda noneho kugemura bihagarere'.

    Iyakaremye yasobanuye ko ari urugendo rwatangiye, aho Leta y'u Rwanda iri kubifashwamo n'umuryango witwa Solid'Africa usanzwe utanga ibiribwa kwa muganga.

    Uretse kuri CHUK, Minisiteri y'Ubuzima itangaza ko hari n'ibindi bikoni bigezweho byo gutekerwamo ibigaburirwa abarwayi, abarwaza n'abandi bakora kwa muganga ku bitaro bya Nyamata mu Bugesera, no ku bya Remera-Rukoma ku Kamonyi byombi bizatahwa muri uyu mwaka.

    Ibyo kandi ngo biri kujyana na gahunda yo kwigisha abantu guhindura imyumvire kugira ngo bajye bagura ibiribwa byatekewe muri ibyo bikoni kuko bitegura amafunguro yujuje ubuziranenge kandi adahenze.

    Uwo mushinga wo kubaka ibikoni bigezweho ku bitaro biteganyijwe ko uzagera mu bitaro 47 by'uturere hose gihugu.

    Source : http://igihe.com/amakuru/u-rwanda/article/kugemurira-abarwayi-ku-bitaro-bishobora-gukurwaho-mu-rwanda

  • Uko Abaturarwanda bitwaye mu 2024 mu mboni za Polisi – #rwanda #RwOT

    Ni nyuma y'uko mu gihe cyo kwinjira minsi mikuru, Polisi y'u Rwanda yari yatanze ubutumwa busaba buri wese kurangwa n'imyitwarire yimakaza ituze n'umudendezo rusange, birinda ibyaha n'ibindi bikorwa bihungabanya umutekano.

    Umuvugizi wa Polisi y'u Rwanda; ACP Boniface Rutikanga, kuri uyu wa Gatanu tariki ya 3 Mutarama 2025, yavuze ko ingamba zashyizweho n'uru rwego zigamije guhangana n'ibihungabanya umutekano n'ubufatanye n'abaturage byagize uruhare runini mu gutuma ibihe bisoza umwaka bigenda neza.

    Ati 'Mu mwaka wa 2024 umutekano wagenze neza muri rusange no mu bihe by'iminsi mikuru isoza umwaka by'umwihariko; ibikorwa byari biteganyijwe birimo ibitaramo, imyidagaduro n'amateraniro hirya no hino mu gihugu bikorwa mu ituze n'umutekano.'

    'Mu mwaka dusoje; hari ibyaha bayagiye bigaragara kurusha ibindi nk'ubujura bw'insinga z'amashanyarazi cyane cyane mu Ntara y'Amajyepfo, mu ntara y'Iburasirazuba no mu bice bimwe na bimwe by'Umujyi wa Kigali, ubujura bw'amatungo n'ubucukuzi butemewe bw'amabuye y'agaciro aho bamwe mu babyihishe bagiye bafatwa bagashyikirizwa ubutabera.'

    Yagaragaje ko ibi byaha kenshi bikorwa n'uruhererekane rw'abantu benshi kandi bigira ingaruka ziremereye ku baturage, aburira ababyishoramo ko ibikorwa byo kubirwanya byakajijwe kandi bizakomeza.

    Ati 'Ubujura bw'insinga z'amashanyarazi bugira ingaruka zirimo guhagarika ibikorwa by'iterambere no guteza umwijima utuma n'ibindi bikorwa by'ubugizi bwa nabi bibona aho bimenera, ubujura bw'amatungo bugasubiza inyuma ubukungu n'iterambere by'abaturage n'igihugu muri rusange, kimwe n'ubucukuzi butemewe nabwo bwagiye busiga abantu mu manegeka bukangiza n'ibihingwa byabo.'

    'Ibyo byose bikorwa n'abarenze umwe; barimo abiba, abatunda ibyibwe n'ababibagurira, ku bujura bw'amatungo by'umwihariko hakaba abayaranga, abayiba, abayabaga n'ucuruza inyama.'

    ACP Rutikanga yavuze kandi ko hari abagiye bafatirwa no mu bujura bw'amatelefone n'ibindi bikoresho byagiye bifatwa ku bufatanye n'izindi nzego n'abaturage ababifatanwe bagashyikrizwa ubushinjacyaha kandi ibikorwa byo kubafata bizakomereza muri uwo mujyo.

    Kuva mu ntangiriro z'Ukwezi k'Ukuboza kugeza ku bunani; ni ukuvuga itariki ya 1 Mutarama 2025, mu gihugu hose abantu 38 bafatiwe mu bikorwa by'urugomo birimo gukubita no gukomeretsanya biturutse ku businzi bukabije hirya no hino mu gihugu.

    Umuvugizi wa Polisi y'u Rwanda yasabye abaturage gukomeza kugira uruhare mu kwicungira umutekano kugira ngo n'ibyuho byagiye bigaragara bibashe kuburizwamo no gutanga amakuru kugira ngo uyu mwaka uzarangire neza kurushaho.

    Ati 'Ntabwo Polisi y'u Rwanda yasigasira umutekano w'Abanyarwanda batabigizemo uruhare. Kugira ngo umujura yibe ni uko haba hari icyuho cyabayeho cyo kubona aho yamenera. Mu gihe abona kwiba cyangwa n'ibindi bikorwa by'urugomo biri bumuhende cyangwa agafatwa aratinya akabireka. Turasaba buri wese kuba ijisho rya mugenzi we no gutangira amakuru ku gihe kugira ngo ibyaha n'ibindi bikurura urugomo nk'ubusinzi bigabanuke.'

    Mu bihe abanyeshuri bagiye gusubira ku masomo; ACP Rutikanga yibukije abashoferi, abayobozi b'amashuri n'ababyeyi ko bigomba gukorwa neza hubahirizwa gahunda yashyizweho kugira ngo hatazagira ubura imodoka ngo hagire abarara muri sitade cyangwa ngo bajye gucumbikirwa hirindwa n'ibindi byaha byo kubahohotera no guca mu zindi nzira, bakazirikana ko ubuzima bwabo buri imbere bushingiye ku myigire yabo.

    Agaruka ku mutekano wo mu muhanda; ACP Rutikanga yavuze ko wari wifashe neza yibutsa abakoresha umuhanda gukomerezaho kwirinda umuvuduko.

    Ati 'Mu byumweru bibiri bisoza umwaka, umutekano wo mu muhanda wari wifashe neza uretse impanuka 3 zatwaye ubuzima bw'abantu babiri zagaragaye muri icyo gihe cy'umwaka usanga kirangwa n'ibikorwa bijyanye no kwishima. Ikindi twibutsa 'Umuvuduko urica', abatwara ibinyabiziga bagomba kubahiriza icyo ibyapa biteganya birinda gucungana n'abapolisi, bakirinda gutwara banyoye ibisindisha bubahiriza n'andi mategeko kandi batangamirana mu muhanda.'

    Yibukije abagenzi ko bafite uruhare rukomeye mu kubuza ababatwaye kwirinda kugendera ku muvuduko mwinshi n'andi makosa yose yatuma habaho impanuka ikababuza ubuzima cyangwa ikabakomeretsa, yihanganisha n'imiryango y'ababuriye ababo mu mpanuka.

    Source : http://igihe.com/amakuru/u-rwanda/article/uko-abaturarwanda-bitwaye-mu-2024-mu-mboni-za-polisi

  • Abinkwakuzi bakoze mu nganzo! Ryoherwa na We… – #rwanda #RwOT

    Iki cyumweru cya mbere cya 2025, cyaranzwe no gukora cyane ku ruhande rw'abahanzi nyarwanda, kuko bashyize hanze indirimbo nyinshi kandi zengetse cyane. 

    Imikorere iri hejuru abahanzi Nyarwanda batangiranye umwaka mushya, iratanga icyizere kiri hejuru y'uko uyu mwaka uzaba udasanzwe mu ruganda rw'umuziki haba mu Rwanda ndetse no mu ruhando rw'amahanga.

    Nk'uko bisanzwe bigenda mu mpera za buri Cyumweru, InyaRwanda ibagezaho urutonde rw'indirimbo nshya z'abahanzi barimo abamaze kugera ku rwego rukomeye n'abakizamuka.

    Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro, abahanzi batandukanye bakoze mu nganzo batanga ibihangano bishya.

    Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

    Mu bahanzi bakoze mu nganzo, harimo Yampano uri mu banyempano bashya bari kuzamuka neza muri iki gihe, Chiboo na we uri mu batanga icyizere, Yago, Nessa na Beat Killer biyemeje gukora ibidasanzwe muri Hip Hop muri uyu mwaka, Tonzi, Emmy Vox n'abandi.

    Dore indirimbo 10 InyaRwanda yaguhitiyemo zagufasha kuryoherwa n'impera z'icyumweru cya mbere cy'umwaka wa 2025 umaze iminsi itatu gusa utangiye:

    1.     Meterese — Yampano ft Bushali

    “>

    2.     Okipe – Chiboo

    “>

    3.     Merci – Tonzi

    “>

    4.     Kwa Mama — Yago Pon Dat

    “>

    5.     Cheers — Yugi Umukaraza ft Ish Kevin

    “>

    6.     Ntacyo bitwaye — Nessa ft Beat Killer

    “>

    7.     Warakoze — Emmy Vox ft Ben Muragizi

    “>

    8.     Umwaka Mushya — Inganzo Ngari

    “>

    9.     Ntakinanira – Promise Hope

    “>

    10. He Blessed my life — Maranatha Choir

    “>

    Source : https://inyarwanda.com/inkuru/150445/abinkwakuzi-bakoze-mu-nganzo-ryoherwa-na-weekend-ya-mbere-ya-2025-hamwe-numuziki-mushya-vi-150445.html