Category: Uncategorized

Mu minsi yashize ni bwo CAF yemeje ibihugu 17 bizitabira CHAN 2024 aribyo Kenya, Uganda, Tanzania Sudani muri CECAFA, Guinea, Senegal na Mauritania muri WAFU A, Niger, Burkinafaso na Nigeria muri WAFU B na Morocco muri UNAF.

Hari kandi Centrafrique, Congo na Dr Congo muri UNIfAC ndetse na Angola, Zambia na Madagascar muri COSAFA.

CAF yavuze ko ibindi bihugu bibiri byabonye itike bizatangazwa nyuma none iyi mpuzamashyirahamwe yamaze kumenyesha u Rwanda ko ruri muri ibi bihugu.

Ikipe y’igihugu y’u Rwanda, Amavubi, ibonye itike ya CHAN 2024 nyuma yuko isezereye Sudani y’Epfo igahita iba iya kabiri muri CECAFA mu ijonjora rya nyuma ryo gushaka itike y’iri rushanwa.

CHAN 2024 iteganyijwe tariki ya 1 kugeza tariki ya 28 Gashyantare 2025 muri Tanzania, Kenya na Uganda.

Amavubi yabonye itike yo gukina imikino ya CHAN 2024

Byiringiro Lague yageze mu Rwanda kuri uyu wa Mbere tariki ya 6 Mutarama 2025 avuye muri Sweden. Yakiriwe na Perezida wa Murera, Twagirayezu Thaddée ndetse na Mushimire Claude ushinzwe imishinga muri iyi kipe.

Amakuru yavugaga ko uyu mukinnyi agiye gusinyira iyi kipe yambara Ubururu n’Umweru dore ko bari bamaze n’igihe bari mu biganiro ariko Police FC byarangiye ariyo imusinyishije.

Amakuru avuga ko uyu mukinnyi ukina asatira anyuze ku ruhande rw’ibumoso yasinye amasezerano y’umwaka umwe n’igice afite agaciro ka miliyoni 80 Frw.

Ibi bibaye nyuma yuko ikipe Byiringiro Lague yakinagamo ya Sandvikens IF yaherukaga gutangaza ko yatandukanye nawe kubwumvikane aho baseshe amasezerano.

Uyu mukinnyi yari yarerekeje muri iyi kipe mu kwezi kwa Mutarama muri 2023 aho yari yarayisanze iri muri shampiyona y’icyiciro cya Gatatu muri Suède gusa akaba yarayivuyemo iri mu cyiciro cya Kabiri.

Yatangiye gukina ruhago ahereye muri Vision FC , nyuma yerekeza mu Intare FC,mu 2018 azamurwa muri APR FC yitwaramo neza bituma aza kubengukwa na Sandkvens IF.

Police FC imusinyishije nyuma yuko ititwaye neza mu mikino ibanza ya shampiyona dore ko yayisoje iri kumwanya wa 4 n’amanota 23.

Byiringiro Lague wakiriwe n’abayobozi ba Rayon Sports ku kibuga cy’indege i Kanombe yasinyiye Police FC 

Byiringiro Lague ni umukinnyi wa Police FC 

Abakunzi ba sinema nyarwanda bari bamaze igihe bahuriza ku ngingo ivuga ko uruganda nyarwanda rwa sinema rwahombye byinshi kubera batakibona abakinnyi bamamaye muri Filime “Amarira y'urukundo” ari bo Manzi na Fabiola.

Amarira y'urukundo ni filime yari yarigaruriye imitima ya benshi, yahagaritswe mu gihe yari ikunzwe cyane. Ni Filime yatumye  Manzi na Fabiola bagira izina rikomeye mu ruganda rwa sinema nyarwanda. 

Gusa, Manzi yari amaze igihe kinini adakina filime, ibintu yavuze ko byatewe n'imishinga yari ahugiyemo. Manzi yabwiye abamukurikira kuri Instagram ko we na Fabiola bagiye kugaruka mu isura nshya.

Mu kiganiro Manzi na Fabiola bagiranye na MIE Empire, bemeje ko urukundo abakunzi ba filime babakunda rwabaye impamvu yo kugaruka muri sinema. Manzi ati: “Abantu kubera urukundo badukunda n'uburyo bakunda ibyo dukora, barampize mpaka barambona. Nta hantu wapfa kwihisha muri iki gihugu.”

Yongeyeho ko nubwo yatangiye gukina filime atabyumvaga neza, nyuma yo kubona inyungu zabyo, yahisemo kubikora kinyamwuga. Ati “Ubu nditeguye neza. Ndabasezeranya ko abantu bagiye kuryoherwa na filime nshya. Narabyize, kandi ubu ngiye kubikora kinyamwuga.”

Kayumba Vianney uzwi nka Manzi yanavuze ko amaze gufasha urubyiruko rwinshi kwinjira muri sinema, ahamya ko hari benshi bamaze kugera ku rwego rwiza bitewe n'ubufasha yabahaye.

Nubwo “Tears of Love” bisobanuye “Amarira y'urukundo” mu Kinyarwanda, Manzi na Fabiola basobanuye ko ari filime itandukanye cyane n’iyo bahoze bakina.

Bavuze ko iyi nshya izibanda ku bibazo bigezweho mu miryango nyarwanda, birimo gutandukana ku bashakanye, ubushukanyi hakoreshejwe ikoranabuhanga n'ingaruka z'ibikorwa bibi umuntu akora.

Fabiola wayigarutseho yagize ati: “Inkuru dushaka kugarukaho ni uramutse ukoze ikibi, ingaruka zacyo uhura nazo mu gihe kingana gute. Ni inkuru abantu bazakunda.”

“Tears of Love” izajya itambuka ku muyoboro wa YouTube witwa Hobe TV, ikaba yitezweho kuzana umwihariko mu ruganda rwa sinema nyarwanda. 

Mukasekuru Hadidja Fabiola wamamaye nka Fabiola yavuze ko iyi filime izigisha ibyiza byo kubaka umuryango uhamye no kwirinda ibikorwa bishobora kuwusenyera.

Manzi na Fabiola bamamaye muri Filime “Amarira y’urukundo” bagiye kugaruka mu nshya yitwa “Tears of Love”

Yampano umaze iminsi itandatu ashyize hanze indirimo “Meteresi” yakoranye na Bushali, iby’uko atazi Bruce Melodie yabigarutseho mu kiganiro cya Televiziyo Rwanda, Versus, aho yari ari kugaruka ku buryo yatanze iby’ingenzi muri BK Arena mu gitaramo cya The Ben.

Umunyamakuru Luckman Nizeyimana ukora iki kiganiro yabajije Yampano icyo yavuga kuri Bruce Melodie, abanza kuvuga ko nta cyo amuvugaho, gusa nyuma avuga ko atanamuzi dore ko bataranahura.

Yagize ati: “Bruce ikintu namuvugaho, ese buriya hari ikintu mfite cyo kumuvugaho! Melode nta cyo pee. Abo bagabo ba 1:55 AM tubihorere none se ndabavugabo iki?. Ntabwo muzi Melodie peeh kuko tutari twanahura nyine nta kintu muvugaho na Element nta kintu muvugaho”.

Muri iki kiganiro kandi Yampano yashimiye The Ben wamuhaye amahirwe yo kuririmba muri BK Arena bwa mbere, avuga ko ari mukuru we ndetse ko agaciro yahaye ubuhanzi bwe nawe azagaha barumuna be mu muziki.

Yanavuze ko bwari bwa mbere yinjiye muri BK Arena dore ko yari yarihaye isezerano ko azayinjiramo ari uko agiye kuririmba, atazajyayo bwa mbere ari uko agiye kureba abandi.

Yampano yigeze gutangaza ko yanyuze mu buzima bushaririye aho yanakoze ikiyede. Yavuze ko ubuzima ari urugendo bityo ko umuntu adakwiye gukangwa n’ibyo ari gucamo.

Yagize ati “Ubuzima ni urugendo, ikintu cya mbere ni ukuba ufite aho ugiye rero ntugakangwe n’ibyo uri gucamo, kandi uri kujya aho ushaka kujya. Ibyo uri gucamo ni byo bigutegura neza, biguha imbaraga, biguha kuba uri umuntu udakangwa na buri kimwe no kuba warabonye byinshi”.

Yakomeje agira ati: “Rero sinumva ko umuntu yatinya kunyura mu bintu kandi afite aho ari kujya, ugomba kubicamo kugira ngo utambuke”.

Yampano ufite gahunda yo gukorana indirimbo na The Ben muri uyu mwaka wa 2025, ni umwe mu bagezweho muri iyi minsi. Afite indirimbo zikunzwe zirimo “Ngo” yakoranye na Papa Cyangwe na “Sibyange”, “Meteresi” yakoranye na Bushali n’izindi.

Yampano wo guhangwa amaso mu muziki nyarwanda yavuze ko atazi Bruce Melodie 

REBA INDIRIMBO “NGO” YA YAMPANO FT PAPA CYANGWE

Ni ifoto yashyize ku rukuta rwe rwa Instagram ayiherekeresha amagambo y'Icyongereza ati ' Who is Excited as I am ? Can't wait for you all hear my second Album, but first meet my Baby's Parrain and Marraine.'

Ni amagambo yabazaga niba hari umuntu wishimye nk'uko we yishimye, avuga ko atategereza kubona abantu bose bumva umuzingo (Album) we wa kabiri, yongeraho Ati 'Ariko bwa mbere mubanze muhure n'ababyeyi b'umwana wanjye aribo Tonzi na Coach Gael”.

Aba bombi yahuye nabo mu birori byari byateguwe  n’Umukuru w’igihugu bisoza umwaka aho ashimira abantu b’ingeri zitandukanye  bagize uruhare mu mibereho myiza y’abanyarwanda.

Ibi bibaye mbere gato yo kumurika Album yitegura gushyira hanze ndetse n’igikorwa azakorera mu Bubiligi ku itariki 8 Werurwe 2025.

Bwiza ari mu bahanzikazi bitwaye neza mu mwaka dusoje wa 2024, dore ko hari n'ibihembo yagiye awutwaramo birimo 'IMA Awards' bitangwa na Isango Star, akaba yaratsindiye igihembo cy'umuhanzikazi mwiza witwaye neza mu mwaka wa 2024.

Ndetse akaba ari umwaka yakoranyemo n'abahanzi b’ibikomerezwa batandukanye hano mu Rwanda, barimo The Ben bakoranye indirimbo bise ”Best Friend” imwe muzamufashije kwambuka 2024 yemye.

Bwiza kandi na Bruce Melodie bakoranye indirimbo bise 'Ogera' imwe mu ndirimbo uyu muhanzi yita iz’ibihe byose kuri we ndetse n’imwe mu zamuhinduriye amateka mu rugendo rwe rw’umuziki ndetse n'abandi batandukanye yagiye akorana nabo.

Bwiza yahuye na Coach Gael na Tonzi 

Bwiza ni umwe mu bahanzi bahagaze neza mu Rwanda 

“>Best Friend ya Bwiza na The Ben

“>

Izi ngamba zafashwe nyuma y'aho mu Cyumweru gishize mu Mudugudu wa Yeruzaremu mu Kagari ka Bujyujyu mu Murenge wa Muyumbu mu kidendezi cy'amazi haguyemo abana babiri bavukana bagahita bitaba Imana.

Umunyamabanga Nshingwabikorwa w'Umurenge wa Muyumbu, Muhamya Aman, yabwiye IGIHE ko icyo kidendezi cy'amazi cyari cyaracukuwe n'umuturage uhakorera ibikorwa by'ubworozi. Yavuze ko abana baguyemo bagiye kuhogera birangira bose bitabye Imana.

Ati 'Ingamba twahise dufata rero ni uko ahantu hose hari damu sheet tugiye kuhazitira kubufatanye na ba nyiraho ntabwo dushaka ko abana ndetse n'abantu bakuru bongera kuhagera byoroshye.'

Gitifu Muhamya yakomeje avuga ko kandi kuri ubu bategereje ibizava mu iperereza kuko RIB yahise iritangira, yavuze ko kandi nyir'icyo kidendezi cy'amazi yavuze ko cyari gifite ubwishingizi barindiriye kuzareba ko ababyeyi b'abo bana hari indishyi bahabwa.

Umuyobozi w'Akarere ka Rwamagana wungirije ushinzwe Iterambere ry'Ubukungu, Kagabo Richard, we yabwiye IGIHE ko ahantu hose hagaragara ibidendezi by'amazi mu Karere bakangurira ba nyirabyo kubizitira no kubikorera ubugenzuzi umunsi ku munsi.

Ati 'Ubu twatangiye gukangurira abafite ibidendezi kubizitira aho bishoboka, ibindi cyane cyane ibyegereye abaturage turabasaba ko bashyiraho uburinzi buhoraho, turanabibwira amakoperative cyane cyane ayahinga umuceri aba afite amazi bakoresha buhira kuko byagaragaye ko abana bajya kuhogera bikaba byateza ibibazo birimo n'urupfu.'

Si ubwa mbere mu Karere ka Rwamagana humvikana abana bapfiriye ku bidendezi by'amazi biba byaracukuwe mu nzuri cyangwa se ibikoreshwa mu kuhira umuceri.

Hashyizweho ingamba zikomeye nyuma y’uko abana babiri bavukana bapfiriye mu kidendezi cy'amazi

Kuva cyatangizwa mu 1956, abakinnyi nka Alfredo Di Stefano, Johan Cruyff, Cristiano Ronaldo na Lionel Messi bagiye bagaragaza ubuhanga budasanzwe, bakaba ab’imbere mu kwegukana iki gihembo. 

Nyamara, mu mateka yacyo hari abakinnyi benshi bahamya ko bakorewe akarengane ntibagihabwe mu gihe bari bararushije abandi bose mu kibuga. Muri iyi nkuru, turagaruka ku bakinnyi 9 bamenyekanye bivugwa ko bibwe Ballon d'Or nk’uko tubicyesha ikinyamakuru Goal.

9. Virgil van Dijk (2019)

Mu mwaka wa 2019, Virgil van Dijk yari umutima wa Liverpool ubwo yegukanaga UEFA Champions League. Uyu myugariro yakoze amateka mu bwugarizi, atanga n’umusaruro w’ibitego 10 mu mikino 50 ya Liverpool. 

Nyamara, yatsinzwe na Lionel Messi ku majwi arindwi gusa, n’ubwo Van Dijk yari amaze gutsinda Messi mu mikino ya Champions League ubwo Liverpool yasezereraga Barcelona mu buryo butazibagirana.

Jurgen Klopp, umutoza watozaga Liverpool, icyo gihe yagize ati: “Sinigeze mbona undi myugariro wagize umwaka mwiza nk’uwo Van Dijk yagize.”

8. Wesley Sneijder (2010)

Wesley Sneijder yafashije Inter Milan gutsinda Barcelona no kwegukana UEFA Champions League mu mwaka wa 2010. Yanagejeje u Buholandi ku mukino wa nyuma w'Igikombe cy'Isi, anaba umwe mu bakinnyi batsinze ibitego byinshi muri iryo rushanwa. 

Nyamara, ntiyabashije no kujya mu bakinnyi batatu ba mbere mu gihe Lionel Messi yahabwaga Ballon d’Or, nubwo atari yarigaragaje ku rwego rwiza muri uwo mwaka.

7. Erling Haaland (2023)

Haaland yatsinze ibitego 52 mu mikino 53, afasha Manchester City gutwara igikombe cya UEFA Champions League, Premier League, na FA Cup mu mwaka wa 2023.

Nyamara, Lionel Messi yegukanye Ballon d’Or bitewe cyane n'intsinzi ya Argentina mu gikombe cy'Isi cya 2022. Umutoza w'u Budage, Lothar Matthaus, yavuze ko byari “ukubogama gukomeye” kwanga guha Haaland iki gihembo.

6. Cristiano Ronaldo (2018)

Luka Modric yegukanye Ballon d’Or mu 2018 nyuma yo gufasha Croatia kugera ku mukino wa nyuma w’Igikombe cy’Isi. Nyamara, Cristiano yari yatsinze ibitego 44 muri uwo mwaka, harimo 15 muri Champions League. Ibi byatumye abafana ba Ronaldo bemeza ko yarenganyijwe.

5. Deco (2004)

Deco yegukanye ibikombe bitatu muri 2004 hamwe na FC Porto ya Jose Mourinho, harimo UEFA Champions League. Yatsinze ibitego icyenda, atanga imipira 25 yavuyemo ibitego, kandi yahawe igihembo cy’umukinnyi mwiza w'umwaka muri UEFA. Nyamara, Andriy Shevchenko ni we wahawe Ballon d’Or, nubwo atari yaratanze umusaruro nk'uwa Deco.

4. Franck Ribery (2013)

Franck Ribery yari ku rwego rwo hejuru ubwo Bayern Munich yegukanaga igikombe cya Champions League, Bundesliga, na DFB-Pokal mu mwaka wa 2013. Yagize uruhare mu bitego 34 muri uwo mwaka, ariko Ballon d’Or yahawe Cristiano Ronaldo n’ubwo Real Madrid itigeze yegukana igikombe na kimwe.

3. Vinicius Jr (2024)

Vinicius Jr yari amaze kuba icyamamare mu mwaka wa 2024, atsinda ibitego by'ingenzi, birimo hat-trick yatsinze Barcelona mu mukino wa nyuma wa Super Cup. Yafashije Real Madrid gutwara La Liga na Champions League, ariko Ballon d’Or yahawe Rodri wa Manchester City, bituma abafana ba Vinicius bavuga ko iki gihembo cyibwe.

2. Robert Lewandowski (2020 & 2021)

Lewandowski yagize imyaka ibiri idasanzwe, atsinda ibitego 55 mu mwaka wa 2020, ariko Ballon d’Or ntiyatanzwe uwo mwaka kubera Covid-19. Nubwo yatsinze ibitego 62 mu 2021, Ballon d’Or yahawe Lionel Messi, bitera uburakari bwinshi mu bakunzi ba Lewandowski.

1. Thierry Henry (2003)

Henry yagize umwaka mwiza cyane mu 2003, atsinda ibitego 24 muri Premier League, anatanga imipira yavuyemo ibitego 25. Ni we mukinnyi wenyine wigeze gutsinda ibitego 20 no gutanga imipira 20 mu mwaka umwe muri Premier League. Nyamara, Pavel Nedved ni we wahawe Ballon d’Or, n’ubwo Henry yari ku rwego rwo hejuru.