Category: Uncategorized

Ku mugoroba w’ejo ku wa Kane tariki 9 Mutarama 2025, Miss Mutesi Jolly yasangije abakunzi be ifoto abinyujije ku rukuta rwe rwa Instagram.

Nyuma gato, haje umuntu mu gice abafana batangiramo ibitekerezo ari we Saidi Lugumi agira ati: (Your so beautiful always and thank you so much for loving me❤️) “Uri mwiza cyane igihe cyose, kandi ndagushimira cyane kuba unkunda❤️”. 

Nuko Miss Mutesi Jolly asubiza agira ati ”(Locked in❤️) “Bifunze mu mutima❤️!”

Kuri uyu wa Gatanu, ni bwo inkuru zasakaye ku mbuga nkoranyambaga z’uko Miss Mutesi Jolly yaba ari mu rukundo na Said Lugumi nyuma y’amagambo asize umunyu babwiranye kuri Instagram. 

Umuherwe Said Lugumi Hamad yaje kwisanga gute mu rukundo na Miss Jolly ku buryo amarangamutima amuganza akajya kubyandika kuri Instagram ashimira uyu Nyampinga w’u Rwanda ku bwo kumukunda, nawe ntazuyaze akamwemerera ko yamaze gufungamo bwuma?. Ibi ni bimwe mu byo abantu banyuranye bari kwibaza ku mbuga nkoranyambaga.

Lugumi ni umwe mu bashoramari bakomeye muri Tanzania ndetse ushora imari muri Kenya cyane ko hari n’amafoto amugaragaza we na Perezida w’iki gihugu, Wiliam Luto. Abenshi mu bamuzi bavuga ko yaba afite umugore, abandi ntibabyemeza neza gusa andi makuru avuga ko yatandukanye n’uwo mugore.

Said Lugumi azwi cyane mu buzima bwe bwite no mu mibanire ye. Yashakanye n'umukobwa wa Said Mwema, wahoze ari Umuyobozi Mukuru wa Polisi muri Tanzania, bikomeza gushyigikira igitinyiro cye mu muryango w'ubucuruzi no mu muryango mugari w'imibereho muri Tanzania.

Kuri iki gihe, Said Lugumi afatwa nk'umwe mu bantu bakomeye mu bucuruzi muri Tanzania, azwi ku bikorwa bye by'ubucuruzi byateye imbere ndetse n'ubushobozi bwe bwo guhinduka no kwaguka mu nganda zitandukanye zo muri iki gihugu.

Umugore wa Said Lugumi bivugwa ko ari Umunyatanzaniya, akaba umukobwa wa Said Mwema, wahoze ari Umuyobozi Mukuru wa Polisi muri Tanzania (Inspector General of Police).

Miss Jolly Mutesi yavukiye muri Kasese, mu gihugu cya Uganda ku itariki ya 15 Ugushyingo 1996, akaba ari we bucura mu muryango w’abana batandatu. Yize amashuri abanza muri Pickhill Nursery School na Hima Primary School muri Uganda.

Amashuri yisumbuye (icyiciro rusange) yayize muri Kagarama Secondary School, naho icyiciro cya kabiri cy'amashuri yisumbuye (Advanced Level) acyiga muri King David Academy, aho yakuye impamyabumenyi mu masomo y’ubumenyi bw'amateka, ubukungu n'ubuvanganzo.

Ku myaka 20, Jolly Mutesi yambitswe ikamba rya Miss Rwanda mu mwaka wa 2016, aba umwamikazi w'ubwiza wa mbere uhagarariye u Rwanda mu marushanwa y'ubwiza ya Miss World yabereye muri MGM National Harbor, Oxon Hill, Maryland, muri Leta Zunze Ubumwe za Amerika.

Jolly Mutesi ni umunyarwandakazi w'umunyamideli, watsindiye ikamba rya Miss Rwanda mu mwaka wa 2016. Ni umushoramari, umuvugizi w'uburenganzira bw'umwana w'umukobwa, ndetse akaba n'umuharanira iterambere ry'abagore.

Reka turebere hamwe muri rusange Said Lugumi watwawe umutima na Mutesi Jolly

Said Lugumi ni umucuruzi uzwi cyane ukomoka muri Tanzania. Ni nyiri Sosiyete yitwa Lugumi Enterprises, ikora ibikorwa byihariye mu by'ikoranabuhanga ryifashishwa mu iperereza (forensic ICT services) no mu gutanga ibisubizo by'imikorere mu bijyanye no gucapa (corporate printing solutions).

Umutungo nyakuri wa Said Lugumi ntaho utangazwa ku buryo wawumenya, ariko nk'umuyobozi wa sosiyete ikomeye kandi y'icyitegererezo, bikekwa ko afite umutungo ukomeye.

Lugumi yashimiye Mutesi Jolly ku bwo kumukunda undi nawe ntiyazuyaje yemeje ko abirimo neza

Said Lugumi uvugwa mu rukundo na Mutesi Jolly

Aravuga rikijyana muri Tanzania

Miss Mutesi Jolly aravugwa mu rukundo n’umuherwe wo muri Tanzania

Ni ubwa mbere Miss Mutesi Jolly avuzwe mu rukundo n’umusore

African News Agency (ANA) yashinzwe muri Gashyantare 2015 i Cape Town, Afurika y’Epfo, na Sekunjalo Investments hamwe na Independent Media, iyobowe na Iqbal Survé, nyuma y’isenyuka rya South African Press Association (SAPA).

Intego nyamukuru yo gushinga iki kigo, kwari ukugira ngo kigaragaze, gisesengure gitange umuti w'ibibazo Afurika ifite haba mu bukungu, ubuyobozi, imibereho y'abaturage ndetse no mu iterambere rya Afurika.

Iki kigo cyagaragaje ubushongore n'ubukaka bwacyo mu gihe gito hanyuma batangira kwagura ibikorwa byabo ari nabwo bagezaga ahantu hatandukanye nko mu Bufarsana, Dakar, Abidjan, Libreville, Douala, Rabat, Tuniziya, na Kigali

Mu rwego rwo kwishimira ibi byagezweho, African News Agency (ANA) bagiye kwizihiriza isabukuru y'imyaka 10 i Kigali aho baza kuba batumiye abahanga mu itangazamakuru mpuzamahanga kugira ngo barebere hamwe icyakorwa kugira ngo itangazamakuru rikomeze gutera imbere.

Bamwe mu bayobozi batumiwe muri ibi birori biba kuri uyu wa gatanu tariki ya 10 Mutarama 2024, harimo Eugène Nyagahene washinze Tele10, Patrick Bofunda Ilingo wa TV5, Oria K. Vande Weghe umuvugizi wa La Francophonie, Clare Akamanzi umuyobozi wa NBA Africa, Elie Habimana uyobora Norrsken muri Afurika y'Iburasirazuba.

Ibiganiro bitangwa biraba bifite intego igira iti 'Gutegura ejo hazaza h’itangazamakuru rya Afurika'

Uretse kandi kuganira ku buryo bwo gutegura ahazaza h'itangazamakuru rya Afurika, ANA irateganya gushinga ishuri rizajya ritanga amahugurwa ku guteza imbere no guhangana n'ibibazo biri mu itangazamakuru ku buryo ejo hazaza h'itangazamakuru hazaba hari mu biganza byiza.

Ubuyobozi bwa ANA bwagize buti “Uyu mushinga ugaragaza ubushake bwacu bwo kuba indashyikirwa mu itangazamakuru rya Afurika. Ntabwo ari uguhugura abanyamakuru gusa; ahubwo ni ukubaha imbaraga zo guhangana n’ibibazo byo ku isi mu gihe bagumye gushinga imizi mu bihe bidasanzwe bya Afurika n’amahirwe.”

Africa News Agency bagiye kwizihiza isabukuru y’imyaka 10 n’intego igira iti “Gutegura ejo hazaza h’itangazamakuru rya Afurika”

Ku wa Kane tariki ya 9 Mutarama 2025, Miss Mutesi Jolly yasangije abakunzi be ifoto abinyujije ku rukuta rwe rwa Instagram.

Nyuma gato, haje umuntu mu gice abafana batangiramo ibitekerezo ari we Saidi Lugumi agira ati: (Your so beautiful always and thank you so much for loving me❤️) “Uri mwiza cyane igihe cyose, kandi ndagushimira cyane kuba unkunda❤️” 

Nuko Mutesi Jolly asubiza agira ati ”(Locked in❤️) “Bifunze mu mutima❤️!” 

Mutesi Jolly ufite ikamba rya Miss Rwanda 2016, yahakanye ko haba hari umubano uwo ari wo wose hagati ye n’uyu muherwe aho abicishije kuri X kuri uyu wa Gatanu.

Mu butumwa yatanze ugenekereje mu kinyarwanda yagize ati: ”Ndabamenyesha ko konti yanjye ya Instagram yibwe. Ndabasaba kwirinda kwemera cyangwa guha agaciro ubutumwa cyangwa ibitekerezo bivugwa ku mbuga zitandukanye biturutse kuri iyo konti. Mubifate nk’ibidafite agaciro”.

Ibi byose bibaye mu gihe cy’amasaha 23 agizwe n’umugoroba wa tariki 9 Mutarama 2025 n’igicamunsi cya tariki 10 Mutarama 2025.

Ubutumwa bwa Miss Jolly kuri X anyomoza amakuru y’uko ari mu rukundo na Said

Said Lugumi wanditse kuri Instagram akaba anashimira Miss Jolly kuba yaramukunze 

Ibi byatangajwe ku itariki 9 Mutarama 2025 ubwo abadepite bagize Komisiyo y'Ubutaka, Ubuhinzi, Ubworozi n'Ibidukikije mu Nteko Ishinga Amategeko bumvaga inzego zinyuranye baganira ku itegeko ry'ubutaka.

Abo badepite bagaragarije MINICOM ikibazo cy'abaturage bagituye mu cyanya cy'inganda cya Muhanga, bavuga ko batahimuwe byabagiraho ingaruka zinyuranye zirimo gusenyuka kw'inzu zabo, uburwayi n'izindi.

Umunyamabanga Uhoraho muri MINICOM, Kajangwe Marie Antoine yavuze ko kugeza ubu muri iki cyanya cya Muhanga hari ingo 157 zari zituye ku buso wa hegitari 19.4 zimaze kwimura.

Yakomeje avuga ko abaturage bakihatuye na bo bazimurwa mu gihe kiri imbere, dore ko hari gushakwa amikoro ngo bimurwe ku buryo bitazarenza mu mwaka utaha w'ingengo y'imari.

Yagize ati “Turifuza ko icyo kibazo cyakemuka vuba kandi twabishyize mu ngengo y'imari ya 2025/2026. Twizera ko iyo ngengo y'imari tuzayibona kandi hari na gahunda yo kwihutisha gutunganya ibyanya by'inganda byose mu gihugu. Turi kuganira na MINECOFIN kandi icya Muhanga ni cyo cyiza imbere kuko tuzi ko hari ikibazo cy'abaturage tugomba kwimura.”

Kuva mu 2022 kugeza mu 2024, abamaze kwimurwa mu cyanya cy'inganda cya Muhanga bamaze kwishyurwa amafaranga y'u Rwanda arenga miliyari ebyiri na miliyoni 700.

Abatuye mu cyanya cy’inganda cya Muhanga bagiye kwimurwa

Bagaragaza ko badasobanukiwe neza uburyo ayo mafaranga acunzwemo n'igihe iyo ngobyi y'abarwayi izagurirwa, bagasaba ko barushaho kubisobanurirwa kuko kugeza ubu babibona nk'umutwaro batazi igihe bazaturira.

Ayo mafaranga barenza ku yo baba bagomba gutanga nk'ikiguzi cya serivisi bahawe, yabanjirijwe n'andi 500 Frw yatswe buri rugo na bwo babwirwa ko ari umusanzu w'imbangukiragutabara.

Ikindi buri muturage wese ujya kwishyura ubwisungane mu kwivuza wese asabwa kurenzaho 100 Frw rijya muri iyo gahunda.

Umwe muri bo ati 'Mbere twivuzaga kuri 220 Frw none ubu ni 320 Frw, ubwo ayo 100 Frw arengaho uba utanze ay'imbangukiragutabara. Turi mu rujijo, ntituzi niba ari ayo kugura iyo ngobyi y'abarwayi, niba izagurwa mbese ntitubisobanukiwe.''

Mugenzi we na we ati'' Uko wishyuye mituweli ya 3000 Frw urenzaho 100 Frw. Niba ari umuryango w'abantu barindwi, ubwo ayo kwishyura ya mituweli hiyongeraho 700 Frw y'imbangukiragutabara.''

Aba baturage bavuga ko babona nta musaruro w'iyo ngobyi y'abarwayi cyane ko itaragurwa, bagasaba ko ubuyobozi bwashyira umucyo kuri iyo gahunda na cyane ko ntawe uzi igihe iyo gahunda izarangirira.

Umuyobozi w'Ikigo Nderabuzima cya Agahabwa, Hakizimana Emmanuel, yasobanuye ko ari igitekerezo cyaje ku rwego rw'Ikigo Nderabuzima nk'uburyo bwo kwifashisha bakodesha ingobyi y'abarwayi yabatabara iturutse ahandi mu gihe ikigo nderabuzima cyabo kitarayigira.

Ati “Mbere y'iyi gahunda, iyo umurwayi yakeneraga kujya ku bitaro bikuru yagorwaga no kubona imbangukiragutabara, yanaza ikaba ihenze kuko byasabaga kuyishyura menshi ataje abyiteguye, ku buryo gutanga ibihumbi 40 Frw ku mbangukiragutabara y'ikigo cyigenga uba ubona igoye.''

Yavuze ko ari ho havuye igitekerezo cyo kwisungana muri gahunda yo kubona imbangukiragutabara bitabahenze, hagatangwa 100 Frw ku muturage uje kwivuza, noneho agakusanywa kuri konti yayo, akazatangwa mu gihe habonetse ikibazo.

Ati 'Ku buryo nk'umuntu ugize impanuka, umubyeyi ufashwe n'inda n'abandi, hagahamagarwa ya mbangukiragutabara y'Ikigo Nderabuzima cya Kigembe duturanye ikaza kumutwara ku buntu, twe tukazabishyura ku kwezi.''

Yahakanye ko batigeze babwira abaturage ko ari imisanzu yo kuzagura imbangukiragutabara cyane ko zitangwa na Leta iyo ubushobozi bwabonetse, ashimangira ko igihe bazaba bayihawe na bo icyo gikorwa cyo gukusanya imisanzu kizakurwaho.

Umuyobozi w'Akarere ka Gisagara wungirije Ushinzwe Imibereho Myiza, Dusabe Denise, yavuze ko bagiye kongera gushishikariza ubuyobozi bw'Ikigo Nderabuzima cya Agahabwa, kurushaho gusobanura impamvu z'iyo guhanda.

Yavuze ko bizafasha abaturage kurushaho kuyumva neza, bityo izajye ikomeza kubagoboka mu bihe bagize uburwayi bukomeye busaba kujya kwivuriza kure.

Ubusanzwe iyo iyo mbangukiragutabara itwaye umurwayi, yishyurwa 400 Frw ku kilometero kimwe igenze, ikiguzi cyose kikagendana n'intera iri hagati y'aho umurwayi aturutse n'aho ajyanywe.

Ku bafite Mituweli bishyurirwa 90% andi 10% bakayiyishyurira.

Ayo 10% ni yo avanwa muri wa musanzu abaturage batanga, bityo umurwayi agatwarirwa ubuntu, maze akazahabwa Ikigo Nderabuzima cya Kigembe kibatiza iyo mbangukiragutabara.

Abivuriza ku Kigo Nderabuzima cya Agahabwa mu Karere ka Gisagara ntibumva impamvu y’imisanzu bakwa babwirwa ari iyo kugura imbangukiragutabara

Hashize igihe abacururiza mu Mujyi wa Kigali mu nyubako zimwe bagaragaza ko hari abishyuzwa ubukode mu madorali ya Amerika, bituma uko agaciro k'idorali kazamutse n'ibiciro by'inzu bakoreramo birushaho gutumbagira.

Mu kiganiro n'abanyamakuru kuri uyu wa 9 Mutarama 2025, Perezida Kagame yatangaje ko abishyuza ibikorwa byabo mu madovize baba bakwiye kwishyura imisoro muri ayo mafaranga.

Ati 'Ni bibi no ku nshuro ebyiri kuko uwo wishyurwa mu madorali cyangwa Amayero mu misoro ntabwo yishyura mu madorali yishyura mu mafaranga y'u Rwanda, rero ntabwo ari byo. Uwo muntu ushyiraho kwishyurwa ubukode mu madorali na we aba akwiriye kwishyura mu madorali mu buryo bw'imisoro bishyura ariko ibyo byose bikwiye kuba bifite uburyo bikurikiranwaho, ibyo ni nko kwica amategeko, abishe amategeko bakabihanirwa.'

Perezida Kagame yagaragaje ko hari urwego ruri gukora ibishoboka ngo iki kibazo gikemuke burundu, kandi bigomba gukorwa mu buryo bwihuse.

Ati 'Bitwara umwanya rero kuko abantu babyumva mu buryo butandukanye n'iyo buba budakurikije amategeko cyangwa babufitemo inyungu, ni yo mpamvu bitwara igihe ariko ubundi umurongo wo urahari, twifuza ko ukwiye kuba ukurikizwa. Ndibwira ko aho tuvugira aha hari uburyo bubitekereza bushaka kubishyira ku murongo, navuga gusa ko bikwiriye kwihuta ni cyo cya ngombwa, bigacika burundu. Ndumva bizatungana.'

BNR iherutse gutangaza ko abakora ibi bikorwa binyuranye n'amategeko ari bake cyane ku isoko ry'u Rwanda, igahamya ko bitagira ingaruka ku isoko ry'amadovize mu gihugu.

BNR ihamya ko hashyizweho ingamba zo gukurikirana abishyuza mu madorali n'inama ihuriramo BNR n'inzego zirimo Umujyi wa Kigali, Polisi y'Igihugu bagakurikirana abakora ibikorwa by'ubucuruzi byishyuzwa mu madovize.

Perezida Kagame yasabye ko ikibazo cy’abishyuza ubukode mu madovize gikemurwa burundu

Icyakora aba bahinzi bagaragaza ko mu mwaka ushize bejeje, bakaryoherwa n'icyashara babonye mu minsi mikuru, bakisanga bagurishije n'ibyagombaga kuba imbuto ku buryo kubona ibyo barahinga muri iyi minsi bikomeje kuba ingorababahizi.

Umwe mu baganiriye na RBA ati 'Imbuto hano ni ingume. Turi kiyigura iduhenze. Ikilo kimwe kiri kugura 1000 Frw. Ikosa turarifite natwe kuko twakuye ibirayi twumva ko twabigemurira isoko ntitwasiga imbuto'.

Mugenzi we yakomeje avuga ko 'Imbuto ituburwa yabaye nke abatubuzi bahita bazamura igiciro. Kuko abahinzi bakeneye imbuto ari benshi kandi badafite ahandi ho kuyikura bari kuyigura ibahenze bya mbuze uko ngira'.

Imbuto y'ibirayi aba bahinzi bari basanzwe bayigura ku giciro kiri hagati ya 500 Frw na 700 Frw ku kilo, ariko ubu ikilo kiri kuboneka ku giciro kiri hagati ya 1000 Frw na 1400 Frw.

Ubuyobozi bw'Ikigo cy'Igihugu gishinzwe guteza imbere ubuhinzi n'ubworozi (RAB), mu Karere ka Rubavu, bwemeza ko guhenda kw'imbuto y'ibirayi byatewe n'abahinzi bagurishije umusaruro wose bakiyibagirwa ariko bukemeza ko hari ingamba ziri gushyirwaho ngo ibyabaye bitazasubira.

RAB igaragaza ko igiye gukorana n'abajyanama n'abafashamyumvire mu buhinzi kugira ngo bajye bakurikirana abahinzi hirindwa ko imbuto yakongera guhenda cyangwa kubura mu gihe cy'ihinga.

Mu gihembwe cy'ihinga cya 2025 A abahinzi b'ibirayi mu Karere ka Rubavu babihinze kuri hegitari 6000, aho hitezwe umusaruro wa toni ibihumbi 120.

Imbuto y’ibirayi mu Karere ka Rubavu iri gukosha