Category: Uncategorized

Mu gihembwe cya Kane cya 2024, ibiciro ku masoko byari byazamutseho 5,2% bivuye kuri 4,1% mu gihembwe nk'icyo cya 2023. Muri Mutarama, umuvuduko w'ibiciro ku masoko wari kuri 7,4%.

Guverineri wa Banki Nkuru y'Igihugu, John Rwangombwa, yasobanuye ko byitezwe ko umuvuduko w'ibiciro ku masoko uzaba uri ku gipimo kiri hafi ya 6,5% mu 2025 na 4,1% mu 2026.

Ati 'Ibi tubivuga dushingiye ku iteganyamibare tubona mu gihe kiri imbere, twizera ko ubuhinzi buzagenda neza nta kibazo tuzagira cy'amapfa, twizera ko ibibazo tubona mu karere no ku Isi by'intambara bitazagira ingaruka zidasanzwe ku bukungu bwacu, twiteze ko nta kibazo gihari ku muvuduko w'ibiciro ku masoko muri uyu mwaka n'umwaka utaha.'

Yakomeje agira ati 'Kubera iyo mpamvu twasanze nta mpamvu yo guhindura urwunguko rwa Banki Nkuru y'Igihugu kuko uko rungana, 6,5%, biradufasha kuguma muri cya cyiciro cya hagati ya 2% na 8% by'umuvuduko w'ibiciro ku masoko.'

Umuvuduko w'ibiciro ku masoko ku rwego rw'Isi wari kuri 5,7% mu mwaka ushize wa 2024, ndetse byitezwe ko uzaba uri kuri 4,2% mu 2025 na 3,5% mu 2026.

BNR isobanura ko ubukungu bw'u Rwanda bukomeje guhagarara neza aho Ikigo cy'Igihugu cy'Ibarurishamibare giherutse gutangaza ko mu bihembwe bitatu bishize, umuvuduko wabwo wari ku 9,2%.

Rwangombwa yavuze ko mu gihembwe cya kane 'tubona ubukungu bwarateye imbere neza'.

Ati 'Ubukungu buzatera imbere kurusha uko byari byitezwe'.

Ku bijyanye n'icyuho cy'ibyoherezwa n'ibitumizwa mu mahanga, mu gihembwe cya kane cya 2024, icyo cyuho cyaragabanutse kuko byiyongereye ku gipimo cya 15,8% ugereranyije na 3,3% by'ibyatumijwe hanze.

Ati 'Byatumye icyuho kigabanukaho 3,7% nubwo mu mwaka wose icyuho cyazamutseho 5,2%. Byagize ingaruka ku isoko ry'ivunjisha aho tubona ifaranga ry'u Rwanda ryarataye agaciro ku kigero cya 9,42%. Ibi ugereranyije n'umwaka wa 2023, ryari ryataje agaciro cyane kuri 18,05%.'

'Icyiza ni uko tubona ibibazo twari twatewe n'amapfa yo mu 2022/23 bigatuma ibiribwa dutumiza mu mahanga bizamuka, umwaka ushize ibyo bibazo byaragabanutse ndetse tubona ko muri uyu mwaka ikibazo cyo guta agaciro kw'ifaranga kizagenda cyoroha kugeza mu gihe tubona ko mu myaka nk'itatu iri imbere tuzaba twasubiye kuri hafi 5% kuri buri mwaka.'

Umuyobozi Mukuru ushinzwe Ubukungu muri BNR, Thierry Kalisa, yavuze byitezwe ko ubukungu bw'u Rwanda buzazamuka ku gipimo kirenze 8,3% cyari cyatangajwe ku buryo iyo mibare yazamuka kurushaho.

Imibare yatangajwe mu Ugushyingo igaragaza ko ubukungu bw'u Rwanda buzazamuka ku kigero cya 7% mu 2025 na 7% mu 2026.

BNR yavuze ko nyuma y'aho Guverinoma itangaje impinduka mu misoro imwe n'imwe, 'nta misoro minini twabonye yatera ibibazo byatuma habaho umuvuduko w'ibiciro' urenze igipimo cyemejwe.

Amafoto: Rusa Prince

---

Ibi byagarutsweho n'Umuvugizi wa PSF, Hunde Walter, mu kiganiro yagiranye na RBA.

Hunde yavuze ko hari abacuruzi bashobora kwitwaza kuba ibyo bacuruza bigiye kuzamuriwa imisoro bagatangira kubizamurira igiciro mbere y'igihe cyatenganyijwe.

Yagaze ati 'Ubu uwazamura ibyo acuruza ashingiye ku kuba hari itangazo rihindura imisoro n'imisoreshereze ku bicuruzwa runaka yaba ateye intambwe imusumba. N'amategeko yamuhana kuko niba baravuze ngo ni mu ngengo y'imari y'umwaka wa 2025/26 ni uguhera ku itariki ya 1 Nyakanga 2025 si uguhera muri Gashyantare, Werurwe no muri Mata. Ubu turagurisha nk'uko bisanzwe.'

Hunde yongeyeho ko indi mpamvu abacuruzi badakwiye kuzamura ibiciro by'ibicuruzwa birebwa n'iyo politiki ivuguruye uko biboneye ari uko igiciro baranguragaho ibicuruzwa kitahindutse ko ahubwo ikizahinduka ari amafaranga abaguzi bishyura kandi ko biri mu nyungu z'abaturage.

Ati 'N'igiciro cy'igicuruzwa runaka ku mushoramari nticyahindutse ikizahinduka n'uko umukiliya azongera icyo amuzanira. Twiteze ko dushobora kubona igabanuka ry'abakiliya kuko hari igihe ibicuruzwa bimwe Leta ibizamurira imisoro igamije kurinda umuturage. Nko ku itabi n'inzoga ishobora kuba igamije ko abantu babigura cyane kandi ni no gusaranganya ubutunzi igihugu gifite. Niba Unywa itabi n'inzoga ni ukuvuga ko iby'ibanze wamaze kubibona, gira icyo utanga rero kijye kugura iyo miti no kubaka ibyo bitaro.'

Politiki ivuguruye y'imisoro yemejwe n'Inama y'Abaminisitiri yateranye ku wa 10 Gashyantare 2025 iteganya kongera imisoro ku bicuruzwa byari bisanzwe bisora birimo inzoga n'itabi.

Hazashyirwaho kandi umusoro ku nyongeragaciro mushya ku bicuruzwa bitari bisanzwe biwishyura bitewe n'uko Leta yifuzaga ko byiyongera, bikarushaho gukoreshwa n'abaturage benshi. Ibyo birimo nka telefone ndetse n'ibindi bikoresho by'ikoranabuhanga.

Ikindi giteganyijwe n'iyo politiki ivuguruye y'imisoro ni ugushyiraho umusoro mushya, uzwi nka 'Digital Services Tax', uzajya ukatwa ku bantu bakoresha serivisi z'ikoranabuhanga ziva hanze y'igihugu nk'abishyura Netflix, Amazon n'izindi serivisi nk'izo.

Minisitiri w'Imari n'Igenamigambi, Murangwa Yusuf, yavuze ko impamvu nyamakuru yashingiweho iyo politiki ivuguruye ari ukubasha gushyira mu bikorwa gahunda y'iterambere ya NST2, kandi bikaba bisaba amikoro kugira ngo Igihugu gitere imbere kive ku rwego rumwe kijye ku rundi.

Biteganyijwe ko iyo politiki ivuguriye y'imisoro izagenda ishyirwa mu bikorwa kugeza mu 2029.

---

Umuhanzi Ruti Joël uri mu bahanzi bamaze kubaka izina mu ndirimbo ziganjemo iz'umudiho gakondo, yageze muri studio bwa mbere mu 2018, akorana indirimbo na King Bayo witabye Imana mu 2021 ndetse na Jules Sentore bise 'Diarabi'.

Yatangiye umuziki akiri muto, akunda umuco n’umuziki gakondo, kandi yagiye akorana n'itorero Gakondo Group na Ibihame Cultural Troupe, aho yigiye byinshi ku muco nyarwanda.

Mu mwaka wa 2023, Ruti Joel yashyize hanze album ye ya mbere yise Musomandera, irimo indirimbo 10: Rwagasabo, Musomandera, Ibihame, Nyambo, Gaju, Cunda, Akadege, Amaliza, Murakaza, n'Ikinimba.

Iyi album yayimurikiye abakunzi b'umuziki mu gitaramo cyabereye muri Intare Conference Arena tariki 14 Mutarama 2023, aho cyitabiriwe n'abantu benshi barimo n'abandi bahanzi.

Igitaramo giteganyijwe ejo ku wa Gatanu tariki 14 Gashyantare 2025

Ku wa 14 Gashyantare 2025, Ruti Joel azitabira igitaramo cyiswe ‘Amore Valentine’s Gala’ kizabera muri Camp Kigali, aho azahurira ku rubyiniro na Kidum na Alyn Sano. Iki gitaramo cyateguwe na Horn Entertainment, kikaba kigamije gufasha abakundana kwizihiza umunsi wabo mu buryo bwihariye binyuze mu ndirimbo z’urukundo n’umuziki wa gakondo.

Ubwo Ruti Joel yaganiraga na InyaRwanda ku byo kwitega muri icyo gitaramo, yagize ati:”Nzabaririmbira neza nk’ibisanzwe, umwihariko ni indirimbo z’urukundo zizafasha abitabiriye kwizihiza uwo munsi wahariwe abakundanye.'

Amatike y’iki gitaramo ari kuboneka ku rubuga www.ibitaramo.com, kandi abakunzi b'umuziki wa Ruti Joel barashishikarizwa kugura amatike hakiri kare.

Uruhare rwa Ruti Joel mu guteza imbere umuziki gakondo

Mu myaka ishize, Ruti Joel yitabiriye ibitaramo byinshi, birimo n'icyo yise 'Rumata wa Musomandera' cyabaye mu Ukuboza 2023, aho yerekanye ko umuziki wa gakondo ukundwa n'abantu b'ingeri zose, yaba abato cyangwa abakuru. Akomeje no gutumirwa mu bitaramo byo mu Rwanda no mu mahanga, anakorana n’abahanzi batandukanye mu rwego rwo guteza imbere umuziki gakondo no kuwugeza ku rwego mpuzamahanga.

Gukangurira urubyiruko gukunda umuco gakondo

Ruti Joel yagiye asura ibigo by'amashuri yigisha abana umuziki gakondo n’akamaro k'umuco nyarwanda, anashishikariza urubyiruko gukunda umuco wabo. Yashyize imbere gahunda yo kwegereza urubyiruko umuziki gakondo, yerekana ko uyu muziki utari uw’abakuru gusa.

Mu 2024, Ruti Joel yahawe igihembo muri Rwanda Traditional Music Awards nk’umuhanzi wa gakondo wahize abandi, ashimirwa uruhare rwe mu kurinda no guteza imbere umuco nyarwanda.

Imikoranire na bagenzi be mu muziki

Ruti Joel yagize amahirwe yo gukorana n’abahanzi bakomeye nka Mike Kayihura (mu ndirimbo “Rosana”) na Alyn Sano, bigaragaza icyizere abahanzi bagenzi be bamufitiye.

Akiri muto, yitoreje mu matorero nka Gakondo Group na Ibihame Cultural Troupe, aho yigiye byinshi ku muco nyarwanda n'injyana gakondo. Ubu abarizwa mu itorero Ishyaka ry'Intore, rikaba riherutse kugaragaza ibigwi nyuma by'amezi ane gusa rishinzwe.

Icyitegererezo mu muziki gakondo

Ruti Joel akomeje kuba icyitegererezo cy’umuhanzi uhagarariye umuco w'u Rwanda, yifashisha impano ye mu kugaragaza isura nziza y'igihugu mu ruhando mpuzamahanga. Ibikorwa bye bikomeje kwerekana ko umuziki gakondo ufite ahazaza heza mu muziki nyarwanda. Abakunzi b'umuziki barashishikarizwa gukomeza kumushyigikira no gukurikirana ibihangano bye, haba ku mbuga nkoranyambaga ze no mu bitaramo atumirwamo.

Ari mu bahagaze neza muri Gakondo

Hashize iminsi amaso y'abatuye akarere k'Afurika y'i Burasirazuba ndetse n'ahandi ku isi, yerekeje mu Burengerazuba bwa Repubulika iharanira Demokarasi ya Congo bitewe n'intambara ya M23 n'igisirikare cya Congo.

Ni intambara Guverinoma ya Congo ishinja u Rwanda ko ari rwo rufasha uyu mutwe wa M23, gusa u Rwanda narwo rukaba rudasiba guhakana ibi, ari byo bikomeza gukurura umwuka mubi hagati y'ibihugu bitandukanye.

Umuhanzi Bruce Melodie akoresheje imbuga nkoranyambaga ze, yagaragaje ko afite icyizere ko Perezida wa Repubulika Paul Kagame azabasha kugarura amahoro ndetse n'umutuzo muri aka karere.

Ni ubutumwa yanyujije ku rukuta rwe rwa Instagram ye, aho yabuherekesheje ifoto y'umukuru w'igihugu, mu gihe impande iki kibazo kireba nazo zikomeje gushaka umuti wacyo. Ati: “Dufite icyizere ko Umugaba w’Ikirenga Paul Kagame azazana amahoro n’umutuzo muri aka Karere”.

Bruce Melodie ni umwe mu bahanzi b’ibyamamare mu Rwanda no mu Karere, dore ko afite indirimbo zitari nke zakunzwe ku rwego mpuzamahanga, ndetse akaba yarahawe ibihembo bitandukanye birimo Trace Awards, PGGSS n’ibindi.

Perezida Kagame ashimirwa uko yitwara mu gukemura ibibazo

Bruce Melodie afitiye icyizere Perezida Paul Kagame

Bruce Melodie avuga ko afitiye icyizere cyinshi Perezida Kagame

Didier Mukezangango [Didier Di4Di] usanzwe unakora ku Isibo Fm, yasangije InyaRwanda impanuro ze ku rubyiruko n’abandi bose bakundana, abagaragariza ibyo bakwiriye kuzirikana mu kwizihiza umunsi mukuru wa St Valentin wahariwe abakundana. Yavuze ko ari ingenzi kwizihiza uyu munsi ariko ukirinda ibyagira ingaruka ku buzima bwawe.

Yasabye kwirinda kunyanyagiza urukundo, abibutsa kwikingira no gutanga impano kandi n’abakobwa bakumva ko bakwiriye kuzitanga. Yavuze ko kandi ibihe byiza abakundana bagirana kuri St Valentin biba bikwiriye kubaho iminsi yose hatabayeho gutegereza umunsi umwe mu mwaka.

Ibikubiye mu ibaruwa ya Didier Di4Di muri ibi bihe byo kwizihiza St Valentin:

Nk’ibisanzwe ngarutse kugira ngo tuganire ndetse mbasangize imbamutima zanjye ku myiteguro tugira cyangwa se turimo yo kwizihiza St Valentin cyangwa Umunsi twita uw’Abakundana ku isi hose uba ku italiki 14.02 buri mwaka ariko nanone Ukwezi kwa kabiri kukitwa ukwezi kw’Abakundana.

Mbere na mbere reka mbanze mvuge ku cyitwa Gukunda cyangwa se Gukundana, ubundi byitwa gutyo iyo byagenze bite hanyuma nze no kugaruka ku marangamutima tuba dufite cyangwa se tugira iyo uwo munsi wegereje ndetse no kuri uwo munsi nyirizina.

Iyo St Valentin irangiye usanga mu ma poubelle cyangwa aho babika imyanda kenshi huzuyemo za ndabo ziba zatanzwe ndetse abenshi bisubiriye muri bwa buzima busanzwe aho no guhamagara abo bise abakunzi.

Biba bisa nk’aho ari intambara cyangwa se no gukora aka geste k’Urukundo bibanza gusabwa cyangwa kwingingirwa rimwe na rimwe tukanabipfa ngo baradusiteresa (Stress) kuko ngo umwanya w’ibyo uba ntawuhari ari naho usanga hari kuva ibikomere bya hato na hato biri gutsikamira benshi muri iki gihe bikaba byanabaviramo kwiyambura ubuzima no kutiyitaho.

GUKUNDANA: Ubundi gukundana ni uguhuza amarangamutima aho abantu babiri baba barabanje kuba Incuti zisanzwe ariko bakagirana Ubucuti bushingiye mu gufashanya yaba mu marangamutima cyangwa se no mu bifatika nkenerwa mu buzima.

Iyo bikomeje gutyo birangira ubonye ko uwo muntu afite kinini asobanuye mu buzima bwawe ndetse nawe byaba uko mugatangira kubibwirana yaba mukoresheje ibimenyetso cyangwa se amagambo…

Iyo bigeze aho rero usanga umuntu atangiye gufata umwanya munini mu mitekerereze yawe cyangwa muri gahunda zawe aho wumva no mu gihe utameze neza uba wifuza kumubona iruhande rwawe kugira ngo akuzamurire icyizere ariko kandi agufashe no kuzamura amarangamutima ndetse ukumva ari we wenyine wabishobora ko abandi cg ibindi byaza bikurikiyeho.

Iyo byageze aho rero nibwo uwo muntu ahinduka kimwe mu bice by’ubuzima bwawe kuko ibyo akora bigenda ako kanya bigakora ku marangamutima yawe, ibyiza bikayazamura ukishima naho ibibi bikayangiza ukababara kubera icyakozwe nuwo muntu…,

Aho rero niho uba warinjiye mu kindi cyiciro kitari ubucuti ahubwo cyabaye gukunda, byaba biri ku mpande zombi bikaba GUKUNDANA biva ku ijambo GUKUNDA hanyuma iyo NA yiyongeraho igashimangira ko ari igikorwa kiri gukorwa n’abantu babiri babaye ‘connected’ cyangwa bahujwe n’amarangamutima yimbitse ari muri bo umwe kuri mugenzi we.

Iyo niyo mpamvu gukunda atari igikorwa gikwiye kuba kibyutswa nuko hari igikorwa rusange kiri kwitegurwa cyangwa se ngo umunsi runaka wageze, ahubwo kikaba igikorwa gikwiye kubaho isaha ku isaha, umunota ku munota ndetse isegonda ku isegonda.

Impamvu ni uko uba waramenye neza ko hari igice kinini wahaweho ikaze mu buzima bw’uwo mukundana ndetse uzi neza ko gishobora kwangirika cyangwa kumera neza bigizwemo uruhare nawe, bisobanuye ko uwo ukunda bimubera inkingi ngenderwaho yo kumera neza bikaba byamutera kugera kuri byinshi.

Aba yumva ko ameze neza muri we bikamutera kugira intumbero kuko iyo watumye icyo gice kitamera neza biba byamutera kumva ntacyo amaze cyangwa se ntacyo akorera kuberako watumye akwinjiza mu marangamutima ye ubuzima bwe butangira kuyafata nkimwe mu nkingi zo kubaho.

VALENTINE’S DAY: Mu by’Ukuri usanga uyu munsi wiswe uw’Abakundana iyo ugiye kugera cyangwa se wageze, abantu benshi ku isi abahungu, abakobwa, abagabo, abagore bari mu myiteguro idasanzwe bose batekereza impano bazatanga, aho bazasohokera n’uko bazatungura abakunzi babo.

Ushobora no gusanga bagonganiye ahantu buri wese ari gushaka ikintu azi kizashimisha uwo akunda ndetse ukanasanga bamwe baniyibagiwe kubera bagenzi babo mbese ukabona ko ibyishimo n’amarangamutima y’uwo ukunda ari ingenzi mu buzima bwe n’ubwawe ndetse ko hari icyo wakora ngo agere ku byishimo nkenerwa mu buzima.

Hari n’aho usanga bamwe batwaye abakunzi babo aho nabo kugera byari inzozi ariko kubera ikigenderewe ibyo bigashoboka uwo munsi ku kiguzi icyo ari cyo cyose kubera ibyishimo by’uwo ukunda…Bidakuyeho ko haba harimo n’ababifatirana bakajya kwangiza amarangamutima y’abandi babizeza ibyo bazi neza ko batazakomeza kugira ngo babakoreshe ibyo irari ryabo ribasaba bishobora no kubaviramo ibibazo bya hato na hato.

Usanga kuri uwo munsi ndetse na mbere yaho gato uburinzi bw’imitima buba bworohejwe ku buryo kuwinjiramo biba bisa nka byabindi haba ibirori bikomeye ariko kwinjira ari ubuntu bisaba rero kwitonda ku bari badafite abo Bakundana cg se no ku bajarajara basiga uduceduce mu marangamutima y’abantu barenze umwe bisa nko kubaroga.

Imyitegura yose dukora ngo twizihize uyu munsi cyangwa uku kwezi ni myiza ariko ntabwo bikwiye ko biba kuri uyu munsi gusa kuko umuntu wamenye ko yakwinjije mu buzima bwe muri ubwo buryo…

Burya ntabwo icyo gihe aba ari cyo gusa akeneye kugira amarangamutima meza, yishimye kandi atuma amererwa neza yaba mu mitekerereze ye cyangwa mu byo akora, ahubwo nk’uko ubyuka ujya gushaka ibitunga ubuzima bwawe, ukwiye no kubijyanirana no gushaka ibitunga n’ibizamura amarangamutima y’uwo ukunda.

Impamvu ni uko ubizi neza ko mwembi ibyo mushakashaka byose ntacyo byabamarira mufite amarangamutima yangiritse ahubwo ko byabafasha kwangirika no kwangizanya kurushaho mukisanga mutunze ariko mudafite ibyishimo nkenerwa mu buzima aribyo bitera kenshi inzangano, amashyari no gutakaza kwa hato na hato.

Ikindi ni byiza ko twirinda kunyanyagiza urukundo kenshi ruba atari rwo ahubwo ari uburyo bwo kubona icyo twagambiriye twamara kukibona tukajya n’ahandi ku buryo bihinduka nk’agahigo twahiguye ariko tukibagirwa ko turi gutokoza ejo hacu hari kuzatubera heza, ugasanga ibyo tubibye ako kanya tubisanze imbere byarameze byaranakuze ku buryo bitubuza gukomeza imbere.

Niba ufite uwo ukunda cyangwa mukundana mufate nk’uko ufata ingingo zawe ururwaye ukaruvura cyangwa ukaruvuza aho kurukuramo cyangwa ngo urwihorere rukomeze kukubabaza kuko urugingo rumwe iyo rurwaye ugaterera iyo birangira n’izindi zifashwe ndetse bikaba byakuviramo no kubura ubuzima, ibyo waruhiye byose bigahagararira aho kandi wibuka neza ko nta contrôle cyangwa se ububasha ufite ku buzima buzaza cyangwa uzabaho nyuma yubwo uri kubaho Ubu.

Tujye tubaho ubuzima bw’Urukundo buri wese yakwigiraho cyangwa akanarushaho guharanira kubaho ibitagenda neza n’amakosa yacu ntibibe aribyo bigena abo turi bo ahubwo duharanire buri wese kubyo ashoboye ndetse n’ibyo yifitemo duterane ingabo mu bitugu kubaho twishimye bidutere kubona ibisubizo byinshi kuruta ibibazo ariko kandi n’ibibazo nibiza duhagarare neza biduhunge aho kugira ngo abe ari twe tubihunga.

Yaba abahungu ndetse n’abakobwa…Ntimukarebere urukundo ku byo murebesha amaso kuko byo uko iminsi igenda bishobora guhinduka ahubwo murebere kubyo Imitima yanyu ibakomanga ibabwira ko mukeneye bifite agaciro katagurwa kuko kenshi hari ababereka ibyo imibili ikeneye ariko Imitima yabo iri kubabwira ko nyuma yaho ntacyavamo ugasanga nyuma yo kugirwa igikoresho ukubonye wese nta Ndangagaciro nimwe ikwibereyemo.

Nsoza reka nibwirire abashakanye bagenzi banjye ko kabone nubwo twese tutaba tuziranye ariko buriya Imana yatugiriye icyizere kimwe, bitewe n’iyo ntambwe twateye tube turi igisobanuro kimwe ku isi yose bityo buri wese mu kigero cye abere abamukomotseho ndetse n’abamureberaho inkingi fatizo ituma bakora amahitamo meza.

Ibi bizatuma nabo bumva bafite umuhate wo kuba abo turi bo uyu munsi bityo Igihugu cyacu ndetse n’Isi muri rusange tuzabisigire Umurage mwiza uzatuma natwe Imana iduha ibyo twamaze imyaka yose tubayeho duharanira.

Reka nsoze mbifuriza mwese kuzagira Umunsi mwiza w’Abakundana ndetse nanabifuriza gufata icyemezo cyo guhora mubayeho Ubuzima bwo kunezerwa mu Rukundo no Mu Buzima mbibutsa ko ibyo mubonera ubushobozi bwo gukora kuri Valentine’s Day no mu bihe bisanzwe mwabibona kuko byose bishingiye ku bushobozi bw’imitekerereze mufite ndetse n’intumbero mwihaye mu Buzima.

Imana ikomeze kuduhishurira ibyo dukeneye kurusha ibindi mu Buzima ariko kandi ikomeze kwagura umurimo wayo mu mitima yacu kugirango turusheho kumenya igikwiye kuri Twe,Ku bacu ku Gihugu ndetse no ku Isi muri rusange.

Mujye mubwirana kenshi ko Mukundana kuko uwo ubwira ko Ukunda unamenya icyo akeneye kugirango yumve Akunzwe.

Urukundo ruzima ni inkingi y’Ubuzima bwiza!!

Ndabakunda

IG: @didimuke_di4di 

FB: @didier Muke

X : @didimuke

YouTube : Di4Di Muke

TikTok: @didimuke

Didier na Diane bahora mu kwa buki, kuri bo St Valentin iba buri munsi

Inshuro nyinshi baba basohotse bagiye kurya Isi, buri weekend baasohoka

Umuryango wabo uhoramo ibyishimo bisendereye;  basohokana n’abana babo mu gihe cy’ibiruhuko

Didier Di4Di aherutse kwakira agakiza abatizwa mu mazi menshi atangaza ko inzozi ze zibaye impamo

Ku munsi w’ubukwe bwabo byari ibirori bikomeye; wa mugani w’ab’ubu “hari hahiye”

Di4Di ni Couple imaze kwamamara cyane mu Rwanda

Ni ubwa mbere uyu muhanzi ahataniye ibi bihembo, ndetse ari mu cyiciro  kimwe na Diamond, umunyamuziki yagiye agerageza gukorana indirimbo ariko ntibikunde. 

Urutonde rw’abahataniye ibi bihembo rwagiye hanze mu ijoro ryo kuri uyu wa Gatatu tariki 12 Gashyantare 2025, ni nyuma y’iminsi yari ishize ababitegura  bari kwifashisha abantu banyuranye mu kugena abahatanye.

Bruce Melodie niwe muhanzi rukumbi wo mu Rwanda uhatanye muri ibi bihembo. Yashyizwe mu cyiciro cy’umuhanzi mwiza wo mu Karere k’Afurika y’Iburasirazuba (Best East African Artist of the year).

Ahatanye na Diamond na Juma Jux bo muri Tanzania, Azawi wo muri Uganda ndetse na Bien-Aime wo muri Kenya bakoranye indirimbo ‘Iyo foto’ iri mu zigize Album ye ‘Colorful Generation’.

Ni ku nshuro ya 17 ibi bihembo bya Headies bigiye gutangwa. Abanya-Nigeria bahataniye ibikombe byinshi kurusha abandi, kuko abarimo Odumodublvck, Tochukwu Ojogwu bahataniye ibihembo mu byiciro birindwi.

Ni mu gihe Ayra Starr na Shallipopi, buri umwe ahatanye mu byiciro bitatu. Ni mu gihe umunyamuziki Mohad witabye Imana ku wa 12 Nzeri 2023, ahataniye ibihembo mu byiciro bitatu.

Ibi bihembo bizatangwa ku wa 5 Mata 2025, mu muhango uzabera mu Mujyi wa Lagos muri Nigeria.

Ilerioluwa Oladimeji Aloba, ni umuraperi wari utangiye kubaka izina mu muziki nka MohBad. Yapfuye urupfu rutunguranye ku wa 13 Nzeri 2023 afite imyaka 27.

Uyu muhanzi yamenyekanye cyane abarizwa mu nzu ifasha abahanzi ya 'Marlian Records' ya Naira Marley.

Urutonde rw'abahataniye ibihembo bya The Headies 2025

1.BEST RECORDING OF THE YEAR

TEMS — BURNING

SEYI VIBEZ – DIFFERENT PATTERN 

BURNA BOY – HIGHER

AYRA STARR & GIVEON – LAST HEARTBREAK SONG

SARZ FEATURING LOJAY – BILLIONS

2.PRODUCER OF THE YEAR

SARZ — HAPPINESS

LONDON — OZEBA

MAGICSTICKS — BASQUIAT

REMA/PRODUCER X/CUBEATZ/DEATZ/KLIMPERBOY — HEHEHE

DIBS – DIFFERENT PATTERN

3.SONGWRITER OF THE YEAR

SIMISOLA KOSOKO  – STRANGER (SIMI)

CHIMAMANDA PEARL CHUKWUMA – VISION (QING MADI)

MICHAEL AJUMA ATTAH – CAN’T BREATHE (LLONA)

EMOSEH KHAMOFU – FAMILY MEETING (BLOODY CIVILIAN)

FUAYEFIKA MAXWELL – STAGES OF LIFE (WIZARD CHAN)

4.BEST R&B SINGLE

QING MADI — VISION

JOHNNY DRILLE – FOR YOU

SIMI — STRANGER

TEMS — BURNING

AYRA STARR – LAST HEARTBREAK SONG FT. GIVEON

5.ROOKIE OF THE YEAR

LLONA

KAESTYLE

TAVES

ZERRYDL

6.BEST RAP SINGLE

CAST – ODUMODUBLVCK FEAT SHALLIPOPI

BLOOD ON THE DANCE FLOOR – ODUMODUBLVCK FEAT BLOODY CIVILIAN & WALE —

HALLELUJAH – LADIPOE, ROZZZ & MORRELO

CANADA – MAGNITO

IJE NWOKE – JERIQ

7.BEST VOCAL PERFORMANCE (FEMALE)

AYRA STARR – LAST HEARTBREAK SONG

NINIOLA – LEVEL

SIMI — STRANGER

LIYA — I'M DONE

TOMORROW – YEMI ALADE

8.MUSIC VIDEO OF THE YEAR

CHARM – (REMA X PERLIKS X FOLARIN OLUDARE)

METAVERSE – (JYDE AJALA)

LIKE ICE SPICE – (PERLIKS & EMEKA SHINE SHINE)

OJAPIANO – (MATTMAX) 

EGWU – (DIRECTOR PINK)

SHOWA – (TG OMORI)

NA MONEY — (DAMMY TWITCH)

9.BEST COLLABORATION

EMOTIONS – TIWA SAVAGE FEAT. ASA

BLOOD ON THE DANCE FLOOR – ODUMODUBLVCK, BLOODY CIVILIAN, AND WALE

CAST – SHALLIPOPI FT ODUMODUBLVCK

EGWU – CHIKE & MOHBAD

OLE – QING MADI & BNXN

TWE TWE REMIX — KIZZ DANIEL & DAVIDO

IDK — WIZKID FT. ZLATAN

10.BEST STREET-HOP ARTISTE

SEYI VIBEZ — 'DIFFERENT PATTERNS'

AYO MAFF — DEALER (FT. FIREBOY DML)

SHALLIPOPI — CAST (FT. ODUMODUBLVCK)

ZHUS JDO — JOHNBULL

MOHBAD — ASK ABOUT ME

11.AFROBEATS SINGLE OF THE YEAR

BIG BIG THINGS – YOUNG JONN FT. KIZZ DANIEL AND SEYI VIBEZ

TWE TWE REMIX – KIZZ DANIEL

EGWU FEAT. MOHBAD — CHIKE

REMEMBER — ASAKE

OGECHI REMIX – HYCE, BOYPEE, AND BROWN JOEL FT. DAVIDO

BIG BALLER — FLAVOR

12.LYRICIST ON THE ROLL

MOGADISHU – A-Q

CHOCOLATE CITY CYPHER – M.I ABAGA 

CHOCOLATE CITY CYPHER — BLAQBONEZ

HALLELUJAH — LADIPOE

EFELEME – ALPHA OJINI

13.BEST INSPIRATIONAL SINGLE ARE

GRATITUDE — ANENDLESSOCEAN

WORTHY OF MY PRAISE – DUNSIN OYEKAN FT. LAWRENCE OYOR

GOOD GOD 2 – LIMOBLAZE FT. NAOMI RAINE

PARTICULARLY – GAISE BABA FT. TOPE ALABI

YOU DO THIS ONE – MERCY CHINWO

14.VIEWERS CHOICE AWARDS

BIG BIG THINGS – YOUNG JONN FT. KIZZ DANIEL AND SEYI VIBEZ

OGECHI REMIX – HYCE, BOYPEE, AND BROWN JOEL FT. DAVIDO

EGWU – CHIKE & MOHBAD

OZEBA – REMA

DIFFERENT PATTERN – SEYI VIBEZ

SHOWA – KIZZ DANIEL

LOVE ME JEJE – TEMS

CAST – SHALLIPOPI FT. ODUMODUBLVCK

DEALER – FLAVOUR FT. FIREBOY

BIG BALLER – FLAVOUR

 

15.BEST WEST AFRICAN ARTISTE OF THE YEAR

BLACK SHERIF (GHANA)

KING PROMISE (GHANA)

HIMRA (IVORY COAST)

JOSEY (IVORY COAST)

TOOFAN (TOGO)

16.BEST EAST AFRICAN ARTISTE OF THE YEAR

BIEN (KENYA)

DIAMOND PLATNUMZ (TANZANIA)

JUMA JUX (TANZANIA)

BRUCE MELODIE (RWANDA)

AZAWI (UGANDA)

17.BEST NORTH AFRICAN ARTISTE OF THE YEAR

MOHAMED RAMADAN (EGYPT)

ELGRANDE TOTO (MOROCCO)

SOOLKING (ALGERIA)

BALTI (TUNISIA)

ABU (EYGPT)

18.BEST SOUTHERN AFRICAN ARTISTE OF THE YEAR

TITOM (SOUTH AFRICA)

YUPPE (SOUTH AFRICA)

TYLA (SOUTH AFRICA)

KELLY KAY (MALAWI)

PLUTONIO (MOZAMBIQUE)

ZEE NXUMALO (SOUTH AFRICA)

19.BEST CENTRAL AFRICAN ARTISTE OF THE YEAR

• INNOSS’B (DRC)

• GAZ MAWETE (DRC)

• EMMA' A (GABON)

• EBOLOKO (GABON)

• SINGUILA. (CENTRAL AFRICAN REPUBLIC)

• KOCEE (CAMEROON) 

20.BEST RAP ALBUM

SIDEH KAI — ILLBLISS

EZIOKWU — ODUMODUBLVCK

ALAYE TOH SE GOGO VOL. 1 — REMINISCE

FAMILY TIME — ERIGGA

SHINY OBJECT SYNDROME — MODENINE

HEADIES NEXT RATED

QING MADI

SHALLIPOPI

ODUMODUBLVCK

AYO MAFF

NASBOI

21.AFROBEATS ALBUM OF THE YEAR

• STUBBORN — VICTONY

• WORK OF ART — ASAKE

• THE YEAR I TURNED 21 – AYRA STARR

• HEIS — REMA

• JIGGY FOREVER – YOUNG JONN

21.DIGITAL ARTISTE OF THE YEAR

• AYRA STARR

• REMA

• SHALLIPOPI

• TEMS

• DAVIDO

• KIZZ DANIEL

• ASAKE

22.BEST PERFORMER (LIVE) ARE

• REMA

• OMAH LAY

• FLAVOUR

• WIZARD CHAN

• BURNA BOY

• FEMI KUTI & THE POSITIVE FORCE

23.SONG OF THE YEAR

• SHOWA – KIZZ DANIEL

• COMMAS – AYRA STARR

• EGWU – CHIKE AND MOHBAD

• LONELY AT THE TOP — ASAKE

• OZEBA — REMA

• BIG BALLER – FLAVOUR

24.INTERNATIONAL ARTISTE OF THE YEAR

• WALE – BLOOD ON THE DANCE FLOOR (ODUMODUBLVCK)

• SKEPTA – TONY MONTANA (FT. PORTABLE)

• CHRIS BROWN – HMMM (FT. DAVIDO)

• TRAVIS SCOTT – ACTIVE (ASAKE)

• CHLOE BAILEY – VISION REMIX (QING MADI)

25.ALBUM OF THE YEAR

• BORN IN THE WILD — TEMS 

• HEIS — REMA

• THE YEAR I TURNED 21 – AYRA STARR

• STUBBORN — VICTONY

• WORK OF ART – ASAKE 

Bruce Melodie yabaye umuhanzi rukumbi wo mu Rwanda uhataniye ibihembo muri 'The Headies' 

Bruce Melodie ahataniye igihembo n’abarimo Diamond na Bien-Aime bakoranye indirimbo

MohBad amaze umwaka urenga yitabye Imana, yari umwe mu bahanzi bakiri bato bahanzwe amaso muri muzika ya Nigeria   

Ni igikorwa bakoze ku wa 08 Gashyantare 2025.

Ukwezi kwa Gashyantare 2025 Abanyarwanda bari hirya no hino ku Isi baguhariye ibikorwa byo kwizihiza Umunsi Mukuru w'Intwari z'u Rwanda no kuzirikana uruhare rwazo rukomeye bagize kugira ngo u Rwanda rube rugeze aho rugeze ubu.

Mu kiganiro na Dr Ngoga Jim Innocent uyobora Abanyarwanda batuye mu Gihugu cya Danemark bari mu Muryango wa FPR-Inkotanyi, yavuze ko uwo munsi wabaye umwanya mwiza wo kuganira kuri gahunda y'umwiherero baherukamo mu Murwa Mukuru i Copenahgen, ndetse hongera kugarukwa ku myanzuro yafatiwemo.

Ni umwiherero wa 12 wabaye ku matariki ya 05-06 Ukwakira 2024 wahuje abanyamuryango ba FPR Inkotanyi batuye i Burayi. Witabirwa n'abagera kuri 700.

Dr Ngoga ati 'Ni umunsi kandi twizihijeho Umunsi Mukuru w'Intwari z'u Rwanda, intwari dukesha ibi byose twagezeho, haba mu gihugu no mu miryango iduhurije mu mahanga. Ni byiza kubigarukaho kugira ngo urubyiruko ruzabikomeze nk'umuco mwiza w'ubutwari.'

Dr Ngoga yashimiye ubuyobozi bw'igihugu bubafasha ndetse bukabereka inzira nziza nk'abari mu mahanga na bo ntibasigare inyuma.

Yashimiye kandi Eugene Bushayija watanze ikiganiro ku amateka y'Intwari z'u Rwanda.

Mu byaganiriweho kuri uwo munsi wo kuzirikana Intwari z'u Rwanda, harimo no gukomeza gukangurira abanyamuryango batuye cyangwa bakorera muri Danemark, gukomeza gushyira hamwe, no gutanga umusanzu mu kubaka u Rwanda binyuze mu gushora imari mu bikorwa biteza imbere igihugu.

Abanyamuryango kandi babonye umwanya wo kuganira kuri gahunda y'Igihugu ya kabiri yo kwihutisha iterambere, NST2 na Manifesto y'imyaka itanu harebwa uko babigiramo uruhare, igikorwa cyakurikiwe no gusabana baranasabana.

Umunsi w'Intwari z'u Rwanda ku rwego rw'igihugu wizihizwa buri mwaka ku wa 01 Gashyantare.

Uw'uyu mwaka watangijwe na Perezida Paul Kagame na Madamu Jeannete Kagame ubwo bashyiraga indabo ku Kimenyetso cy'Ubutwari kiri ku Gicumbi cy'Intwari z'u Rwanda, baranazunamira mu rwego rwo kuzisingiza no kurata ibigwi byazo.

---

Ibi biganiro byiswe ” Justice et histoire, les leçons du génocide perpétré contre les Tutsis du Rwanda en 1994″ – 30 ans après ” ugenekereje mu Kinyarwanda ukaba wavuga uti 'Ubutabera n'Amateka, amasomo twakura muri iyi myaka 30 ishize' biteganyijwe ku wa 22 Gashyantare 2025, muri Kaminuza Yigenga y'i Bruxelles mu Bubiligi ULB (Université Libre de Bruxelles).

Ni ibiganiro byateguwe n'Ihuriro mpuzamahanga ry'abashakashatsi bakora kuri Jenoside RESIRG ( Réseau Scientifique International Recherche et Génocide) rifite icyicaro i Bruxelles mu Bubiligi.

Mu kiganiro IGIHE yagiranye n'umuyobozi waryo Déo Mazina yagize ati 'Iyi nama izaba igamije kurebera hamwe uburyo ubutabera bwakoze akazi kabwo, ndetse n'uburyo amateka yanditswe kuri iyi Jenoside yakorewe Abatutsi.'

Ibiganiro bizatangwa n'abahanga mu by'amateka, hamwe n'impuguke z'abacamanaza n'abandi bo mu rwego rw'ubutabera twabashije gutumira.

Bizabanzirizwa kandi n'umuhango wo kwibuka Pr Eric David, umwarimu wigishije muri iyi Kaminuza, akagira n'uruhare mu ishyirwaho ry'urukiko mpuzamahanga mpanabyaha rwashyiriweho u Rwanda (TPIR), akanaba hafi cyane abarokotse Jenoside yakorewe Abatutsi

Ibi biganiro mbwirwaruhame biteganyijwe kubera mu nzu ngari y'iyi Kaminuza yitwa “Salle Somville”, bikaba bizabimburirwa n'ijambo ry'umuyobozi w'iyi Kaminuza Madame Annemie Schaus.

Mu bazatanga ibiganiro biteganyijwe ko hazaba hari Umushinjacyaha Mukuru w'Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha (IRMCT), Serge Brammertz, Vincent Duclert, akaba yarakoze rapport kuri Jenoside yakorewe Abatutsi abisabwe na Perezida Emmanuel Macron, yerekana uruhare rukomeye u Bufaransa bwayigizemo.

Harimo kandi Kabanda Marcel, Umunyamateka, umwanditsi, akaba na perezida wa Ibuka-France; Eric Gillet, Umunyamategeko na Aurélia Devos, umucamanza wayoboye urugereko rushinzwe kurwanya Jenoside n'ibindi byaha byibasiye inyoko muntu mu Bufaransa (responsable de la Lutte contre le génocide et autres Crimes contre l'humanité).

Amwe mu mafoto agaragaza ibiganiro mbwirwaruhame bitegurwa mu Burayi kuri jenoside yakorewe Abatutsi:

[email protected]

---