Category: Uncategorized

Yabigarutseho ubwo yari mu kiganiro yagiranye na The Long Form na Sanny Ntayombya.

Rwabukumba yavuze ko abantu bakwiriye gushora imari mu kugura imigabane n'impapuro mpeshwamwenda za leta, aho gushora amafaranga mu bidafite agaciro.

Yatanze urugero ku mpapuro mpeshwamwenda, avuga ko uwashoye ibihumbi 100 Frw azigura, aba afite inyungu ya 11% ku mwaka.

Iyo nyungu ya 11% umuntu ahabwa ku mwaka iruta izindi zose zitangwa ku wabikije amafaranga muri banki kuko ibyo bigo by'imari bitanga iri hagati ya 8% na 9%.

Rwabukumba ati 'Ufite nk'impapuro mpeshwamwenda za miliyoni 1 Frw, buri mezi atandatu ahabwa ibihumbi 55 Frw angana n'ibihumbi 110 Frw buri mwaka. Nyuma y'imyaka itatu uba wamaze kugaruza ya miliyoni 1 Frw yawe.'

Yatanze urugero rw'umuntu ukiri urubyiruko ukorera ibibumbi 200 Frw, yiyemeje ko buri kwezi yajya ashyira ku ruhande ibihumbi 50 Frw, mu myaka icumi yaba afite miliyoni 6 Frw.

Mu 2024 RSE yabaye igicumbi cy'impinduka n'iterambere mu rwego rw'imari. RSE yageze ku musaruro wihariye, by'umwihariko mu bikorwa byo gucuruza imigabane ndetse initabirwa n'abashoramari benshi.

Umusaruro w'iri soko mu 2024 wavuye kuri miliyari 100 Frw, ugera kuri miliyari 129 Frw, bigaragaza ubwiyongere bwa 126% ugereranije n'umwaka wabanje.

Mu kiganiro na The Long Form na Sanny Ntayombya, yavuze ko umwaka wa 2024, byageze mu Ukuboza 'twarenze miliyari 100 Frw mu bikorwa by'ubucuruzi ku isoko rya kabiri”.

Ati “Ni ibintu bitigeze bibaho mbere. Kuko twamaraga nk'ukwezi kumwe abiri tutarakora nta bikorwa byo guhererekanya amafaranga dukoze, ariko ubu turabona ibikorwa byinshi.'

Rwabukumba yavuze ko miliyoni 500$ yoherezwa mu gihugu n'Abanyarwanda baba mu mahanga na yo yagize uruhare runini mu guteza imbere ibikorwa by'Isoko ry'Imari n'Imigabane.

Ati 'Ni ishoramari rituruka mu baturage bacu. Rishobora kwifashishwa mu mishinga itandukanye y'ibikorwaremezo, nk'imihanda, Ikibuga Mpuzamahanga cy'Indege cya Bugesera n'ibindi bidasabye gutegereza ak'imuhana.'

Kuva Rwabukumba yahabwa inshingano zo kuyobora Isoko ry'Imari n'Imigabane ry'u Rwanda, ryateye imbere mu buryo bugaragara, ku buryo ikigo cyashyiraga imigabane yacyo kuri ryo, abayikeneye bakikubaga nka gatatu, atanga urugero rwa Banki ya Kigali yashyizeho miliyoni 100$ na miliyoni 17$ kuri Bralirwa.

Ati 'Ntabwo twigeze na rimwe tugera mu bihe aho twabaga nta bakiliya dufite bashaka imigabane.'

Abarenga gato ibihumbi 100 bafatwa nk'abagira uruhare ruhoraho ku Isoko ry'Imari n'Imigabane ry'u Rwanda, ugereranyije na miliyoni zikabakaba 14 z'Abanyarwanda. Rwabukumba yavuze ko ibyo bidindiza iterambere, asaba abantu kwitabira.

RSE igaragaza ko iri gutegura uburyo bwo gushora imari mu mitungo itimukanwa, (Real Estate Investment Trusts: REITs) abantu bakagira imigabane mu mitungo ifite agaciro kanini n'uburyo bwo gukurura ishoramari ryo mu Burasirazuba bwo Hagati.

RSE kandi yasohoye inashyira ku isoko ry'imari ibicuruzwa bitatu bishya byatanzwe n'ibigo byigenga mu gihembwe cya nyuma cy'umwaka; isoko ribasha gukusanya byibuze miliyari 51 Frw.

Muri ibyo bigo, harimo Prime Energy Plc yashyize ku isoko bwa mbere impapuro mpeshwamwenda zirengera ibidukikije zifite agaciro ka miliyari 9,58 Frw zifite igihe cy'imyaka irindwi ku nyungu ya 13,75% buri mwaka.

Ikindi kigo ni Mahwi Grain Millers Plc cyashyize ku isoko igice cya mbere cy'impapuro mpeshwamwenda zifite agaciro ka miliyari 3 Frw zishyura inyungu ya 15% buri mwaka.

Umuyobozi Mukuru w’Isoko ry’Imari n’Imigabane mu Rwanda, Rwabukumba Pierre Célestin yatangaje ko agaciro k'ibikorwa by'ucuruzi byakorewe kuri iri soko kageze kuri miliyari 100 Frw mu 2024

Sanny Ntayombya uyobora ibiganiro kuri the Long Form

Umuyobozi Mukuru w’Isoko ry’Imari n’Imigabane mu Rwanda, Rwabukumba Pierre Célestin (ibumoso) ari kumwe na Sanny Ntayombya uyobora ibiganiro kuri The Long Form

Imibare yashyizwe hanze na RBC ku wa 4 Mata 2025, igaragaza ko kuva mu myaka 13 ishize abagira ihungabana mu gihe cyo kwibuka mu Rwanda bari mu byiciro bine by'ingenzi.

Birimo icyo kuva mu 2010 kugeza mu 2015 aho imbare y'abagiraga ihungabana mu cyumweru cyo kwibuka yari hagati ya 3000 n'abarenga 4000.

Mu 2010 abagize ihungabana mu cyumweru cyo kwibuka bari 3.193, mu 2011 bagera kuri 4.363, bigeze mu 2012 baba 4.095.

Mu 2013 bari 3.702, mu 2014 baba 3.471, bigeze mu 2015 hongera kubarurwa abangana na 3.240 bagize ihungabana.

Icyiciro cya kabiri cy'abagize ihungabana mu cyumweru cyo kwibuka Jenoside yakorewe Abatutsi ni icyo kuva mu 2016 kugeza mu 2019. Icyo gihe abagize ihungabana buri mwaka bari hagati 2000 n'abarenga gato 3000.

Mu 2016 abahuye n'ihungabana mu gihe cyo kwibuka bari 2.554, mu 2017 baramanuka baba 2.043, bigeze mu 2018 bongera kuzamuka baba 2.628. Mu 2019 bongeye kugera ku 3.268.

Icyiciro cya gatatu cy'iyo mibare kirimo imyaka ibiri yo mu bihe bya Covid-19 aho umubare wagabanutse bitewe n'uko ibikorwa byo kwibuka byakozwe mu buryo budahuza abantu benshi.

Mu 2020 abahuye n'ihungabana mu cyumweru cyo kwibuka bari 696 bigeze mu 2021 baba 964.

Icyiciro cya kane cyo kirimo imyaka itatu iheruka ari na cyo kigaragaza ko mu myaka 13 ishize abantu bahungabanaga mu cyumweru cyo kwibuka abishwe muri Jenoside yakorewe Abatutsi bagabanyutseho ababarirwa mu 2000.

Mu 2022 abahuye n'ihungabana mu cyumweru cyo kwibuka ni 1.923, bigeze mu 2023 barazamuka baba 2.184 naho mu 2024 mu cyumweru cyo kwibuka bari 2.016.

Imibare ya RBC kandi igaragaza ko abo 2.016 bahuye n'ihungabana mu cyumweru cyo kwibuka mu 2024, muri bo abagera ku 1.403 bari hejuru y'imyaka 35 mu gihe abandi 464 bari hagati y'imyaka 25 na 35 naho abantu 140 bari hati y'imyaka 15 na 24 mu gihe abantu icyenda bari munsi y'imyaka 15.

Mu bahuye n'ihungabana mu 2024 kandi higanjemo abagore kuko bihariye 89% bangana n'abantu 1.786 mu gihe abagabo bagize 11% bangana n'abantu 230.

RBC igaragaza ko ibyo bidasobanuye ko abagabo badahura n'ihungabana cyane ahubwo ko bo badakunda kurigaragaza nk'abagore.

Dr. Gishoma Darius, Ukuriye ishami ry'ubuzima bwo mu mutwe muri RBC yavuze ko nubwo imyaka ibaye 31 Jenoside yakorewe Abatutsi ibaye ndetse n'imibare y'abahungabana ikaba itakiri nk'iyo mu myaka 13 ishize ariko abahungabana bafite ibikomere bagihari.

Mu gihe cyo kwibuka ku nshuro ya 31 Jenoside yakorewe Abatutsi mu 1994, Abaturarwanda basabwa kwirinda ibikorwa bitoneka abarokotse Jenoside kuko bagifite ibikomere, ari na byo bibatera ihungabana ku buryo ibyo bikorwa biba bibongerera ibikomere n'ibya mbere bitarakira.

Abahungabana mu cyumweru cyo kwibuka bagabanyutseho abantu 2000 mu myaka 13

OMS yabitangarije mu nama n'abakozi bayo yabaye ku wa 2 Mata 2025, aho yagaragaje ko ibura 45% by'ingengo y'imari yari iteganyijwe mu mwaka w'ingengo y'imari utaha.

Kimwe mu byateye iki cyuho ni amafaranga Leta Zunze Ubumwe za Amerika itatanze nka kimwe mu bihugu bigira uruhare runini mu gutera inkunga OMS.

Iri shami rya Loni rigaragaza ku butegetsi bwa Biden Amerika itatanze miliyoni 130$ nk'uko Umuyobozi Mukuru Wungirije ushinzwe ibikorwa muri OMS, Raul Thomas, yabivuze.

Mu 2024/2025 Amerika yagombaga gutanga miliyoni 260$ icyakora bikaba bigoye kuko Donald Trump yavuze ko Amerika yikuye muri OMS nubwo icyo cyemezo kizatangira gukurikizwa mu 2026.

Umuyobozi Mukuru wa OMS, Tedros Adhanom Ghebreyesus, yavuze ko hagiye kugabanywa abakozi mu nzego zose uhereye mu z'ubuyobozi, ndetse n'ibikorwa byari kuzakorwa bigabanywe.

Yagize ati 'Iri gabanywa rizakorwa mu buryo bwitondewe, hibanzwe ku bikorwa by'ingezi bigira akamaro kurusha ibindi kandi bihura n'amafaranga ahari. Dufite gahunda yo gusoza igenzurwa ry'ibikorwa by'ingenzi hagati muri uku kwezi, icyo gihe tuzabamenyesha ibikorwa bizagabanuka ndetse n'uburyo bizakorwamo.'

OMS yashinzwe mu 1948. Ifatanya n'ibihugu birenga 150 mu kwita ku buzima bw'abaturage. Buri mwaka ikurikirana indwara zirenga 1000 ndetse igakora n'ibindi bikorwa bigamije gusigasira amagara y'abatuye Isi.

Umuyobozi Mukuru wa OMS, Dr Tedros Adhanom Ghebreyesus yavuze ko bagiye kugabanya abakozi n’ibikorwa kubera amafaranga abura mu ngengo y’imari ya 2026-2027

Ahagana Saa Moya za z'umugoroba zo ku wa 04 Mata 2025, ni bwo inkongi yaturutse mu gisenge cy'inzu mu cyumba gitunganyirizwamo ibyo kurya by'abakozi b'iyi banki.

Ikimara guhinguka muri icyo gice, yahise isakara hafi y'ibindi biro bihegereye, gusa abakozi batangira kwirwanaho bakoresheje ibikoresho byabugenewe mu kuzimya inkongi biri hafi mu bice by'iyi nzu.

Uko ni ko kandi bari batabaje Ishami rya Polisi y'u Rwanda rishinzwe kurwanya inkongi no kuzizimya, rihagera hatarangirika byinshi, byatumye n'imwe mu mirimo ikorerwa muri iyi nzu ihita ikomeza.

Mu byangiritse harimo ibikoresho byo mu gikoni, mudasobwa ebyiri, ameza n'intebe, impapuro z'ibyangombwa n'ibindi bikoresho byari muri ibyo byumba.

Umuvugizi wa Polisi y'u Rwanda mu Mujyi wa Kigali, CIP Gahonzire Wellars, mu kiganiro yagiranye na IGIHE, yavuze ko hakoreshejwe uburyo bwihuse bwo kuzimya inkongi bikekwa ko yakomotse ku mashanyarazi.

Ati 'Inkongi yabayeho bikekwa ko yaturutse ku nsinga z'amashanyarazi zagize ikibazo. Nta byinshi byangiritse kuko Ishami rya Polisi y'u Rwanda rishinzwe kurwanya inkongi no kuzizimya rikorera mu Karere ka Gasabo ryahise rihagera. Ubu turacyari kureba agaciro k'ibyangiritse.'

Yakomeje ati 'Ba nyir'inzu nka ziriya zikoreramo abantu benshi, bakwiriye kujya basuzuma imiterere yazo kenshi kandi bakagerageza gushyiramo ibikoresho bigezweho kandi bifite ubuziranenge cyane cyane iby'amashanyarazi. Ikindi bazajya bareba ni ubushobozi bw'ibyo bacomeka kuri ayo mashanyarazi.'

CIP Gahonzire yongeyeho ko Polisi y'u Rwanda isaba abantu bose kugira ubumenyi bw'ibanze mu kuzimya inkongi igihe zifashe aho batuye cyangwa bakorera.

Inkongi yahagaritswe itarafata ibice byinshi

Inyubako yahiye ku gice gikoreramo banki ariko ibyangiritse ni ibikoresho bike

Nyuma yo kuzimya inkongi imirimo yakomeje

Inyubako zose zikoreramo abantu benshi zisabwa gushyirwamo ibikoresho by’amashanyarazi byujuje ubuziranenge

‎Mu ntangiriro z’iki Cyumweru nibwo iri hangana ryeruye risa nkaho ryatangiye hagati y’izi mpande zombi.  Munyakazi Sadate abinyujije ku rubuga rwe rwa X, yavuze ko naramuka asubiye mu ikipe ya Rayon Sports,Mukura VS ayo isekesha izayariza. 

‎‎Yanditse ati “Mukura Victor Sport et loisir ni mwishime sha, umunsi nzagaruka ayo musekesha muzayaririsha. Nibuka ko nkiri Président wa Rayon Sports iyi Mukura nayinyabitse ibitego 5 kuri Pele Stadium izuba riva”. 

‎‎Yakomeje agira ati “Umwaka utaha muzarira muhogore mwishwe n’agahinda kimvura y’ibitego.

‎‎Mukura twayihaye amatama abiri nayo ikubita ititangiriye itama, kabiri kabiri mu rugo rw’umugabo ni agasuzuguro”.

‎‎Sadate wabaye Perezida wa Rayon Sports yanditse ibi nyuma y’uko ikipe ya Mukura VS iheruka gutsinda Rayon Sports 1-0 mu mukino wo ku munsi wa 22 wa shampiyona y’icyiciro cya mbere mu Rwanda wabaye ku wa Gatandatu w’icyumweru gishize muri Stade Amahoro.

‎‎Nyuma yo kwandika ibi, abakunzi ba Rayon Sports babajije Munyakazi Sadate uburyo azasubira muri iyi kipe avuga  ibyo kuyiguramo imigabane.

‎‎Nkaho ibi bidahagije ,ku wa Gatatu Munyakazi Sadate yavuze ko ashaka kugura Rayon Sports agera kuri Miliyari 5 Frw ubundi akayegukana burundu.

‎‎Uyu mugabo yavuze ko aya mafaranga  yakoreshwa mu buryo butandukanye aho haba harimo Miliyari imwe izahabwa za Fan Club kugira ngo zihanagure icyuya zabize,Miliyari imwe izishyurwa amadeni Rayon Sports irimo kugira ngo yirinde birantega na miliyari eshatu zizashorwa mu ikipe mu gihe cy’Imyaka 3, bivuze miliyari buri mwaka.

‎‎Munyakazi Sadate yavuze ko Fan Club zizagumaho ariko ntizizongere gutanga Umusanzu ahubwo ayo zatangaga akazajya azisura bakayakoramo ubusabane, akaba ariwe uzishyiriraho ubuyobozi ndetse abafatanyabikorwa ba Gikundiro bakazahabwa service za Zahabu cyane cyane Umufatanyabikorwa mukuru.

‎‎Yavuze ko azashyiraho umurongo utishyurwa wo gutanga ibitekerezo ndetse ikipe ikazaba ifite iby’ibanze byose kugira ngo ibe urutirigongo rwa siporo Nyarwanda.

‎‎Yavuze ko  ubu busabe bwe buhari kugeza tariki ya 25 Ukuboza 2025 aho ashaka kuzizihiza isabukuru ye y’amavuko n’abakunzi be bo muri Gikundiro bari mu nyanja y’ibyishimo.

‎‎Munyakazi yavuze ko habayeho ibiganiro by’ibanze akabona bitanga icyizere yahita ashyira muri Rayon Sports miliyoni 100 zo kuyifasha kurangiza shampiyona neza.

‎‎Yavuze ko kandi Murera itwaye igikombe ibyo  atanga byazamukaho 20% naho ikibuze ibyo yatangaga bikamanukaho 20%.

‎‎Nyuma y’ibi, Perezida wa Rayon Sports, Twagirayezu Thaddée yavuze ko ubu busabe bwo kugura iyi kipe batigeze babubona mu biro byabo ndetse avuga ko itagurishwa.

‎‎Ati” Ubwo busabe ntabwo bwaje mu biro byacu, nabyumvise nanjye gutyo ntabwo ndabisoma ariko icyo navuga gitoya Rayon Sports ni umuryango ntabwo igurishwa ahubwo igurwamo imigabane”.

‎Yavuze ko Sadate yagakwiye kuba azi ko Rayon Sports itagurishwa ahubwo ko igurwamo imigabane.

‎‎Ati”Ndumva niba ari umuntu wabivuze w'Umunyamuryango ,w'umukunzi  wa Rayon Sports yakagombye kuba abizi ko  itagurishwa ahubwo Rayon Sports igurwamo imigabane ubwo nibwo buryo twahisemo. 

‎‎Hanyuma ikijyanye  no kuvuga ko za Fan Club aziruhura kubera ko zarushye cyane,ndibaza iyi Si turimo ntabwo umuntu agira igihe cyo kuruhuka ahora akora ashaka kugira icyo ageraho”.

‎‎Twagirayezu Thaddée yavuze ko ahubwo Munyakazi Sadate izo Miliyari 5 Frw yazazikoresha agura imigabane ndetse avuga ko mu gihe wenda Inama y’inteko rusange yazemeza ko Rayon Sports igurishwa byazabaho ariko kuri ubu nta bihari.

‎‎Ati”Tumaze iminsi tuvuga ibyerecyeranye no kugura imigabane ntabwo birarangira neza tuzabibamenyesha, niba afite n'izo Miliyari 5 azaguremo imigabane ariko bitari ukugura, Rayon Sports ntabwo igurishwa.

‎‎Igihe wenda Inama y'Inteko rusange izaterana ikavuga ngo tugiye kuyigurisha, bizasohoka ariko kuri uyu munsi ntabwo Rayon Sports igurishwa, nibaza ko yaba yibeshye cyangwa amaze igihe kinini atazi amakuru ya Rayon Sports”.

‎‎Yashishikarije abakunzi ba Rayon Sports kureka kurangazwa n’izi Miliyari ahubwo bakwiye kureba imikino basigaje gukina.

‎‎Twagirayezu yongeyeho ko hari uburyo Sadate yagakwiriye kuba atangamo imisanzu ifasha ikipe ariko ko atabikora.

‎‎Ati 'Dufite itsinda ryitwa Special Supporting Team, dutanga hagati y'ibihumbi 50 Frw n'ibihumbi 100 Frw. Sadate aririmo ariko nta musanzu atanga. Niba ushaka ko ikipe itsinda wakagombye kubigiramo uruhare, ntutegereze kuvuga ari uko yatsinzwe.'

‎‎Twagirayezu yongeyeho ko Sadate yitabira imikino ya Rayon Sports, akajyana umuryango we wose, bakinjirira ubuntu.

‎‎Ibi ku munsi w’ejo, Munyakazi Sadate yarabihakanye  agaragaza inyemezabwishyu yishyuriyeho miliyoni 5 Frw zijya mu isanduku ya Rayon Sports, nk'amatike y'umwaka wose ku muryango we.

‎‎Yerekanye kandi umusanzu yagiye atanga w'ibihumbi 100 Frw ndetse n'ibihumbi 300 Frw mu bihe bitandukanye mu mpera z'umwaka ushize.

‎‎Uyu mugabo  yavuze ko ibi  ari ibinyoma ndetse avuga ko atazongera kwemera ko bamwangisha abantu.

Ati”‎‎Wowe Thaddée Twagirayezu watangarije abantu kuri radio ko mpabwa imyanya yo kwicaramo y'ubuntu nkazana abana n'umugore.

‎‎Ndakwibutsa ko igihe Rayon Sports yashyiraga hanze itike y'umwaka mu kwezi kwa Kamena 2024, naguze amatike yanjye n'ay'umuryango wanjye nubwo ntakiyahabwa. Ntabwo nza kwinjirira ku matike y'ubusa nk'uko wabitangaje. Oya! Ibinyoma no kwangisha abantu abandi ntabwo ari byo bitanga ibigwi’.

‎‎Ikinyoma kiririrwa ariko nti kirara, uretse ko mutanga ari hagati ya 50 – 100, njyewe njya ndenza ayo mafaranga kuko hari igihe natangaga na 300! Fungura msg ya MoMo urabona ukuri.

‎‎Ntago nzongera kwemera ko munyangisha abantu cyangwa ngo ntege amatama ngo muhonde kubera ibinyoma byanyu n’itangazamakuru ryaguye ibifu”.

‎‎Ipfundo ry’ihangana ryeruye hagati ya Munyakazi Sadate n’ubuyobozi bwa Rayon Sports buriho kuri ubu 

‎‎Mbere y’uko habaho ukwemererwa kugaruka muri Rayon Sports ku bahoze bayiyobora  hariho ukutumvikana muri aba bayobozi aho Munyakazi Sadate yari afite uruhnde rwe n’abandi barangajwe imbere na Paul Muvunyi bakagira urwabo.

‎‎Byaje kuba ngombwa ko basabwa kwiyunga kugira ngo batahirize umugozi umwe, birakorwa ndetse yewe bakajya  bagaragara bari kumwe baseka.

‎‎Ikibazo cy’izi mpande zombi cyaje gutangira  mu matora y’ubuyobozi bwa Rayon Sports yabaye mu kwezi kwa 11. Amakuru avuga ko mbere y’uko aya matora aba hari habayeho ukumvikana ku bagomba kwiyamanariza kuyobora Murera.

‎‎Mu buryo butunguranye mu Nama y’inteko rusange uwitwa Munyakazi Sadate utari  wumvikanyweho yashatse kwiyamaza gusa birangira bitamukundiye ngo atorwe.

‎‎Byaje kurangira ahawe inshingano zo kuba umujyanama no kujya mu Rwego rw’ikirenga kandi benshi wenda baratekerezaga ko ari buhabwe umwanya ukomeye ndetse nawe niko yabitekerezaga.

‎‎Nyuma y’amatora mu kiganiro n’itangazamakuru,Muvunyi wari watorewe kuyobora Urwego rw’ikirenga yateze umutego Munyakazi Sadate mu kugaragaza ko ari we wayishyize mu bibazo by'amadeni arenga miliyoni 450 Frw ifite uyu munsi.

‎‎Gusa, Sadate wari usabwe kuvuga amadeni yasigiye abamusimbuye muri Rayon Sports mu 2020, we yavuze ko ntayo ahubwo yasize kuri konti hari asaga ibihumbi 200 Frw.

‎‎Ni mu gihe ubwo Munyakazi Sadate yakoraga ihererekanyabubasha na komite y'inzibacyuho yari iyobowe na Murenzi Abdallah, yagaragaje ko Rayon Sports ifite umwenda w'asaga miliyoni 600 Frw.

‎‎Ibi byiyongeraho ko ubwo abayobozi biyakiraga kuri Juru Park ku mugoroba wo ku wa Gatandatu tariki 11 Ugushyingo 2024, hishimirwa uko amatora yagenze, Me. Zitoni Pierre Claver yasabiye Munyakazi Sadate imbabazi imbere ya Muvunyi Paul, ariko yamaganirwa kure n'abari bahari.

‎‎Sadate ni umwe mu batagaragaye ku i Rebero ubwo benshi mu batowe bishimiraga intsinzi.

‎‎Guhera iki gihe ntabwo Munyakazi Sadate yongeye kugaragara mu bikorwa bya Rayon Sports cyane nk’uko yari yarabikoze mbere y’uko habaho amatora ndetse habaga n’Inama agatumirwa nk’umuyobozi ariko ntiyitabire.

‎‎Byaje no gutungurana ubwo uyu mugabo Munyakazi Sadate yandikiraga Rayon Sports ayibwira ko akeneye ibiganiro ku masezerano kompanyi ahagarariye zifitanye n'Umuryango wa Rayon Sports hamwe n'umwenda uyu muryango umufitiye.

‎‎Yagaragaje ko ku wa 17 Mutarama 2018, kompanyi ye ya MK Sky Vision Ltd yagiranye n'Umuryango wa Rayon Sports amasezerano yo gushakira Ikipe ya Rayon Sports abafatanyabikorwa mu by'ubucuruzi.

‎‎Ni mu gihe tariki ya 16 Werurwe 2019, indi kompanyi ye yitwa Three Brothers Marketing Group Ltd yagiranye n'Umuryango wa Rayon Sports amasezerano yo gucuruza ibintu byose biriho ibirango by'Umuryango wa Rayon Sports ndetse ibyo byatangiye kubahirizwa ubwo iyi kipe yatwaraga Shampiyona ya 2018/19.

‎‎Munyakazi Sadate kandi yagaragaje ko mu bihe bitandukanye, yagurije Umuryango wa Rayon Sports amafaranga yo kuyifasha mu bikorwa byayo bya buri munsi agera kuri Miliyoni 85 [85.389.000 Frw] hatabariwemo ayo bahaye Umuryango nk'umusogongero w'ibyo bari bagiye gukorana ndetse n'amafaranga batanze mbere ya Nyakanga 2019.

‎‎Yavuze ko Umuryango wa Rayon Sports warenze kuri ayo masezerano uha abandi bantu gukora ibyo basezeranye kandi byari bibujijwe none umwenda bamufitiye bakaba bataramwishyura kugeza ubu, akaba ari yo mpamvu yabandikiye iyi baruwa abasaba ko bahura bakaganira kuri ibyo bibazo byose ngo babishakire ibisubizo mu bwumvikane.

‎‎Perezida wa  Rayon Sports, Twagirayezu Thaddée yakuriye inzira ku murima Munyakazi Sadate,  avuga ko baramutse bagiye mu biganiro byaba ari ugutakaza umwanya.

‎‎Yavuze ko batanze ibiganiro na Munyakazi Sadate bijyanye n’uko asanzwe ari n’umuyobozi muri Rayon Sports ahubwo ko bamubwiye ko bataganira ku bijyanye n’amasezerano avuga ko atubahirijwe ndetse n’amadeni avuga afitiwe n’iyi kipe bitewe nuko basuzumye bagasanga nta bimenyetso bihari.

‎‎Yagize ati “Ntabwo twanze ibiganiro nawe kuko Sadate ni umunyamuryango wa Rayon Sports ndetse ari no mu Rwego rw’ikirenga, ubwo se urumva tutaganira gute ahubwo icyo namwandikiye, namubwiye ngo maze gusuzuma ibaruwa wanditse n’amasezerano ni byo twagiye tubona birimo amahererekanyabubasha dusanga nta mpamvu yo kuganira kuri ibyo bintu kuko nta kintu kirimo”.

‎‎Yakomeje agira ati: “Rero turamubwira ngo dukurikije ibyo waduhaye kugira ngo tuganireho, nta mpamvu yo gutakaza umwanya kuko nta kintu kirimo gituma tuganira. Nta mpamvu yo kuganira ku mwenda, nta mpamvu yo kuganira kuri ayo masezerano kubera ko nta kimenyetso na kimwe kigaragaza ko hari amasezerano yagiranye na Rayon Sports nta n’ikimenyetso kigaragaza ko tumufitiye umwenda”.

‎‎Thaddée yavuze ko ubwo Sadate yari akiri Perezida wa Rayon Sports nawe ayo masezerano avuga yagiranye n’iyi kipe yambara Ubururu n’Umweru atigeze ayashyira mu bikorwa. 

‎‎Yagize ati “Sadate ni we wagombaga kubona inyungu kuri ibyo bintu (Amasezerano) ari nawe muyobozi wa Rayon Sports? Ntabwo ari umuyobozi yigeze atwereka uburyo ayo masezerano yayashyize mu bikorwa nawe.”

‎‎Guhera iki gihe nibwo ibintu bisa nkaho byasubiye rudubi dore ko n’imikino myinshi ya Rayon Sports Munyakazi Sadate yarebaga atongeye kuyireba.

‎

Munyakazi Sadate yavuze ko atazongera kwemerera abamwangisha abantu 

Munyakazi Sadate yatorewe kujya mu buyobozi bwa Rayon Sports gusa kuri ubu asa nk’uwabuvuyemo

Ibihe bikiryoshye hatarabaho amatora 

‎

‎