Webrwanda Backend

Category: Uncategorized

  • Afghanistan: Aba Taliban basumbirije imijyi itatu ikomeye mu mirwano ikomeye na Leta #rwanda #RwOT

    Imijyi ya Herat, Lashkar Gah na Kandahar ikomeje kubamo imirwano no kuri iki cyumweru.

    Aba Taliban bafashe ahantu mu buryo bwihuse mu bice by'icyaro kuva hatangazwa ko ingabo hafi ya zose z'amahanga zizasubira mu bihugu byazo bitarenze mu kwezi kwa cyenda.

    Ariko iherezo ry'iyi mijyi ikomeye rishobora kuba ingenzi, mu gihe hari ubwoba bw'amakuba yakwaduka ndetse n'ubwoba ku gihe ingabo za leta zizamara zigishoboye kwihagararaho.

    Izi ntagondwa zigendera ku mahame akaze yiyitirira idini ya Islam, bisanzwe byibazwa ko zafashe kimwe cya kabiri cy'ubutaka bwose bwa Afghanistan, harimo n'ibice byo ku mipaka na Iran na Pakistan bizinjiriza amafaranga menshi avuye mu misoro.

    Mu mujyi wa Lashkar Gah, imirwano ikaze yakomeje muri uwo mujyi kuri iki cyumweru.

    Amakuru avuga ko intagondwa z'aba Taliban ku wa gatandatu zari zisigaje metero zibarirwa mu magana macye ngo zigere ku biro bya guverineri – ariko nijoro zasubijwe inyuma.

    Ibitero by'indege za Afghanistan n'Amerika bivugwa ko byagambiriye ibirindiro by'aba Taliban. Ingabo za leta zivuga ko zishe aba Taliban babarirwa muri za mirongo.

    Halim Karimi, umuturage waho, yabwiye ibiro ntaramakuru AFP ati: “Yaba aba Taliban ntibazatugirira impuhwe, na leta ntizarekeraho gutera ibisasu”.

    Kuri iki cyumweru, ingendo z'indege ku kibuga cya Kandahar zabaye zihagaritswe, nyuma yuko mu gitondo cya kare ibisasu bya rokete by'aba Taliban biguye ku nyubako y'ikibuga cy'indege, bikagira ibyo byangiza ku nzira yo ku kibuga cy'indege.

    Ku wa gatandatu, umudepite w'i Kandahar yabwiye BBC ko uwo mujyi wari uri mu byago bikomeye byo kwigarurirwa n'aba Taliban, avuga ko abantu babarirwa mu bihumbi za mirongo bamaze kuva mu byabo.

    Gul Ahmad Kamin yavuze ko ibintu birimo kurushaho kuba bibi cyane buri uko isaha ishize, kandi ko imirwano iri kubera muri uwo mujyi ari yo ikaze cyane ihabaye mu myaka 20 ishize.

    Yavuze ko aba Taliban babona umujyi wa Kandahar nk'izingiro ry'urugamba rwabo, bakaba bashaka kuwugira umurwa mukuru wabo w'agateganyo.

    Mu gihe waba ufashwe, byatuma izindi ntara eshanu cyangwa esheshatu zo muri ako karere na zo zifatwa, nkuko Bwana Kamin yabivuze.

    Yavuze ko abarwanyi b'aba Taliban bari mu mpande nyinshi z'uwo mujyi, kandi kubera ko urimo abaturage benshi b'abasivile, ingabo za leta ntabwo zashobora gukoresha intwaro za rutura mu gihe izo ntagondwa zaba ziwinjiyemo neza.

    Abasirikare bo mu mutwe udasanzwe w'ingabo za Afghanistan boherejwe mu mujyi wa Herat w'ingenzi mu bukungu, kandi kuri iki cyumweru bisa nkaho ituze ryawugarutsemo kurushaho.

    Ingabo za Afghanistan zirimo kurwana ziri kumwe na Ismail Khan – mu myaka ya 1980 wari umukuru w'umutwe w'abarwanyi barwanyije ingabo z'icyahoze ari Leta Zunze Ubumwe z'Abasoviyeti – ubu akaba yakusanyije abaturage ngo bahashye aba Taliban.

    Ibitero by'indege byanakozwe ku birindiro by'aba Taliban biri hanze y'uwo mujyi.

    Ku wa gatanu, umurinzi wo ku nyubako y'umuryango w'abibumbye (ONU/UN) iri hafi y'ikibuga cy'indege yarishwe, mu cyo ONU yavuze ko cyari igitero cyakozwe n'aba Taliban ku bushake.

    Iyi ntambara yatangiye gute?

    Ingabo z'Amerika n'iz'inshuti zayo zo mu muryango wa OTAN/NATO ndetse n'iz'ibihugu byo mu karere, zahiritse ku butegetsi aba Taliban mu kwezi kwa cumi na kumwe mu 2001.

    Aba Taliban bari bamaze igihe bacumbikiye uwari umukuru w'umutwe wa al-Qaeda Osama Bin Laden n'abandi bakuru b'uwo mutwe bavugwaho kugira uruhare mu bitero byibasiye Amerika ku itariki ya 11 y'ukwezi kwa cyenda mu 2001.

    Ariko nubwo izo ngabo z'amahanga zakomeje kuba muri Afghanistan, za miliyari z'amadolari zigakoreshwa mu gushyigikira no gutoza ingabo za leta ya Afghanistan, aba Taliban bongeye kwisuganya, gahoro gahoro bongera kugira ingufu.

    Mu kwezi kwa kabiri mu 2020, uwari Perezida w'Amerika Donald Trump ndetse n'ibihugu by'inshuti z'Amerika bemeranyijwe kugirana amasezerano n'aba Taliban kugira ngo ingabo z'amahanga zive mu mirwano muri icyo gihugu.

    Muri uyu mwaka, Perezida w'Amerika Joe Biden yavuze ko bitarenze ukwezi kwa cyenda izo ngabo zizaba zamaze kuva muri Afghanistan.

    BBC

    Source : https://umuryango.rw/amakuru/mu-mahanga/umutekano/article/afghanistan-aba-taliban-basumbirije-imijyi-itatu-ikomeye-mu-mirwano-ikomeye-na

  • “Ntitudohoke nk'abaciye ikiziriko”-Minisitiri Busingye aburira Abanyarwanda #rwanda #RwOT

    Minisitiri w'Ubutabera,Johnston Busingye,yasabye Abnyarwanda kutadohoka ku mabwiriza yo kwirinda Covid-19 kubera ko hakuweho Guma mu rugo yari yashyiriweho Umujyi wa Kigali n'Uturere 8 tw'u Rwanda.

    Mu butumwa yatanze yifashishije imbuga nkoranyambaga, Minisitiri Busingye yagize ati: 'Nshuti, bavandimwe, rwose ntidusohoke nk'abaciye ikiziriko! Kudasabana, kudahurira ahafunganye, agapfukamunwa, intera, gukaraba intoki… tubikomereho COVID-19 itongera kutuzamukana, ibitaro bikuzura-ingamba nshya zigashyirwaho. Twirinde! Imiryango, Igihugu..biradukeneye.'

    Inzego z'Ubuzima mu Rwanda na zo zirasaba abaturage basoje gahunda ya Guma Mu Rugo kutirara kuko icyorezo cya COVID-19 kigihari kandi kikaba kikigaragaza umuvuduko mu bwandu nubwo ingambba zafashwe mu minsi 15 ishize zatanze umusaruro ufatika.

    Imibare yatangajwe ku wa Gatandatu igaragaza ko ubwandu bushya bwagabanyutse cyane mu Mujyi wa Kigali n'uturere 8 tumaze iminsi 15 muri Guma Mu Rugo nubwo kuba hari abakigaragara bivuze ko ibintu bishobora guhinduka mu kanya nk'ako guhumbya.

    Guverinoma y'u Rwanda yatangaje ko ingamba nshya zizamara iminsi 15, ingendo zikaba zibujijwe guhera saa kumi n'ebyiri za nimugoroba (6:00 PM) kugeza saa kumi za mu gitondo (4:00 AM). Ibikorwa byose byemerewe gukomeza bizajya bifunga saa kumi n'imwe za nimugoroba (5:00 PM).

    Source : https://umuryango.rw/amakuru/mu-rwanda/ubuzima/article/ntitudohoke-nk-abaciye-ikiziriko-minisitiri-busingye-aburira-abanyarwanda

  • Ingona yamize umusore barayibaga bayisangamo ibice by'umubiri we #rwanda #RwOT

    Mu gihugu cya Indonesia,ingona yamize umusore wari hafi y'ikiyaga hanyuma abagize umuryango we n'abamuzi baza kuyishaka barayifata ndetse barayibaga bayisangamo umubiri w'uyu musore.

    Ingona n'inyamaswa mbi cyane yica abantu barenga 1000 buri mwaka ndetse iri hejuru cyane y'igifi cya shark.

    Umwana w'imyaka 14 wo muri Indonesia yamizwe n'iyi ngona mu mwaka ushize ubwo yarimo guhiga utunyamaswa hafi y'umugezi.

    Uyu mwana witwa Ricky Ganya yari ari gushaka ibinyamunjonjorerwa ku mugezi w'ahitwa Kuching muri Indonesia,yamizwe n'iyi ngona nyuma yo kumukura mu gishanga ikamujyana mu mazi hanyuma iramurya.

    Nyirasenge w'uyu mwana wabonye iyi ngona itwara uyu muhungu yahise ahamagara abantu benshi abasaba ubufasha niko kuza biyemeza gufata iyi ngona.

    Bayiteze umutego w'inkoko kugira ngo isohoke mu mazi ize kuri metero zirenga 3 kure y'amazi bayifate iza kubikora barayizirika.

    Umuyobozi muri Sarawak Fire and Rescue Operations Centre yagize ati 'Ingona yarakuruwe izanwa ku nkombe hanyuma barayibaga bareba mu nda yayo.Ikibabaje nuko muri iyi ngona basanzemo ibice by'umubiri w'umuntu aho byemejwe ko ari iby'iyo ngimbi.'

    Muri Indonesia hakunze kuvugwa inkuru z'ingona zimira abantu ndetse mu myaka ishize iki gikoko cyariye abantu benshi cyane.

    Mu gihugu cya Uganda hari ingona yitwaga 'Osama', yari imaze imyaka 14, yishe abasaga 80 bo mu gace kitwa Luganga.

    Iyi ngona yishwe 'Osama', kubera amahano yakorewe muri US kuwa 9/11,yishe abantu benshi aho bivugwa ko yajyaga muri Victoria ikica abana bari koga,igatwara amato byatumye benshi bavuga ko iyi ngona ari umudayimoni ndetse itapfa.




    Source : https://umuryango.rw/ubuzima-115/udushya/article/ingona-yamize-umusore-barayibaga-bayisangamo-ibice-by-umubiri-we

  • Amafoto – Imanishimwe Emmanuel uzwi nka Mangwende ukinira ikipe ya APR FC yerekeje mu gihugu cya Maroc #rwanda #RwOT

    Mu rukerera rwo kuri iki cyumweru, Taliki ya 1 Kanama 2021 ku isaha yi saa saba nibwo myugariro ukina inyuma ku ruhande rw'ibumoso mu ikipe y'ingabo z'igihugu Imanishimwe Emmanuel yerekeje mu gihugu cya Maroc mu ikipe ya Far Rabat ibarizwa muri shampiyona y'ikiciro cya mbere muri Maroc.

    Uyu mukinnyi yerekeje muri ki gihugu nyuma y'ubwumvikane bw'amakipe yombi yaba APR FC ndetse na Far Rabat aho ikipe imwe izajya yoherereza abakinnyi mu rwego rwo kuzamura urwego rwabo, aha birareba cyane ikipe ya APR FC kuko yo isanzwe adakoresha abakinnyi b'abanyamahanga.

    Mu butumwa imanishimwe yahaye Urubuga rwa APR FC yagize ati 'Ndashimira cyane ubuyobozi bwa APR FC bwamapaye amahirwe nk'aya, ni amahirwe atagira uko asa, ndashimira cyane Umuyobozi wa APR FC Lt Gen Mubarakh Muganga, nkanashimira by'umwihariko umuyobozi w'Icyubahiro wa APR FC Gen. James Kabarebe, kuko yaramfashije cyane niwe wamvugishije bwa mbere mva mu ikipe ya Rayon Sports kugeza nizi saha aracyamfasha n'ubu nabonye ikipe ni ukubera we yumve ko mushimiye mbikuye k'umutima.'

    Biteganyijwe ko uyu mukinnyi wari umaze imyaka isaga itanu akinira ikipe y'ingabo z'igihugu ya APR FC azakora ikizamini cy'ubuzima gusa murii iyi kipe ku buryo nagitsinda azahita aba umukinnyi wa Far Rabat mu gihe cy'imyaka itatu iri imbere.

    Imanishimwe Emmanuel w'imyaka 26 y'amavuko yerekeje hanze y'u Rwanda ari umukinnyi wa Kane uvuye mu ikipe ya APR FC nyuma yaho Byiringiro Lague yerekeje mu gihugu cy'u Busuwisi, Manzi Thierry we akaba yaragiye muri Georgia ndetse na Mutsinzi Ange werekeje mu gihugu cy'u Bubiligi.

    Ikipe ya Far Rabat Imanishimwe Emmanuel yerekejemo yashinzwe mu mwaka 1958, ni ikipe y'ingabo z'igihugu za Morroco, kugeza ubu iyi kipe ifite ibikombe 12 bya shampiyona y'ikiciro cya mbere, ikagira ibikombe bibiri byo ku rw'ego rwa Afurika harimo kimwe cya Champions League ndetse na Confederations Cup.

    The post Amafoto — Imanishimwe Emmanuel uzwi nka Mangwende ukinira ikipe ya APR FC yerekeje mu gihugu cya Maroc appeared first on RUSHYASHYA.

    Source : https://rushyashya.net/amafoto-imanishimwe-emmanuel-uzwi-nka-mangwende-ukinira-ikipe-ya-apr-fc-yerekeje-mu-gihugu-cya-maroc/?utm_source=rss&utm_medium=rss&utm_campaign=amafoto-imanishimwe-emmanuel-uzwi-nka-mangwende-ukinira-ikipe-ya-apr-fc-yerekeje-mu-gihugu-cya-maroc

  • RDF yasezeye mu cyubahiro abasirikare bagiye mu kiruhuko cy’izabukuru #Rwanda #RwOT via @kigalitoday #rwanda #RwOT

    Ni umuhango wabaye ku wa Gatandatu tariki ya 31 Nyakanga 2021, ubera ku cyicaro gikuru cya RDF, uyoborwa na Minisitiri w’Ingabo, Maj General Albert Murasira, mu izina rya Perezida wa Repubulika akaba n’Umugaba w’Ikirenga w’Ingabo z’u Rwanda.

    Mu ijambo rye, Minisitiri w’Ingabo, Maj Gen Albert Murasira, yashimiye abasirikare bagiye mu kiruhuko cy’izabukuru ku bwitange bagaragaje, akazi bakoze n’umusanzu batanze mu kubaka igihugu.

    Ati “Nyuma y’uruhare rwanyu mu rugamba rwo kubohora igihugu, buri muntu ku giti cye no mu buryo bwa rusange, mu nzego zitandukanye, mwanatanze umusanzu mu bikorwa byo kugarura amahoro ku rwego mpuzamahanga, RDF yagizemo uruhare kugeza uyu munsi.”

    Gen Albert Murasira yabashimiye kandi umusanzu wabo mu kubaka igisirikare cy’umwuga muri RDF no mu zindi porogaramu ziteza imbere igihugu.

    Yagize ati “Dufashe uyu mwanya ngo tubashimire uwo muhate mwagaragaje ndetse no gukunda igihugu.”

    Uwavuze mu izina ry’uhagarariye abasirikare bagiye mu kiruhuko cy’izabukuru, Rtd Col John Karega, yavuze ko bagiye mu kiruhuko nk’abantu bishimye kubera ko imbaraga zabo mu rugamba rwo kubohora igihugu zitapfuye ubusa.

    Yashimye Perezida wa Repubulika akaba n’Umugaba w’Ikirenga w’Ingabo z’u Rwanda kubera ubuyobozi bwe bwiza mu gihe cy’urugamba rwo kubohora igihugu mu myaka 30 kugeza uyu munsi kandi yizeza ko bazakomeza kuba abizerwa no gukorera igihugu mu iterambere ryacyo.

    Yagize ati “N’ubwo tugiye mu kiruhuko cy’izabukuru, dufashe uyu mwanya ngo twizeze Umugaba w’Ikirenga w’Ingabo z’u Rwanda n’Ubuyobozi bw’Ingabo ko tuzakomeza gutanga umusanzu mu rugendo rwo kubohora igihugu cyacu kandi ntituzatenguha bagenzi bacu mu iterambere ry’igihugu.”

    Abagiye mu kiruhuko cy’izabukuru bahawe ibyemezo by’ishimwe nk’ikimenyetso cyo kuzirikana ibikorwa byabo mu ngabo z’u Rwanda.

    Uretse Minisitiri w’Ingabo, uyu muhango wanitabiriwe n’abayobozi bakuru mu ngabo z’u Rwanda ndetse na bamwe mu bahagarariye abagiye mu kiruhuko cy’izabukuru ndetse n’abasoje amasezerano y’akazi mu ngabo z’Igihugu.

  • Ubufaransa: Hari impungenge ko bamwe mu bakekwaho Jenoside bazapfa bataburanishijwe #rwanda #RwOT

    'Justice delayed, justice denied', ubutabera butinze busa n'ubudatanzwe. Umuvuduko muke Ubufaransa bufite mu kuburanisha abakekwaho Jenoside bari muri icyo gihugu, ugaragaza ko ubutabera buzatinda gutangwa.

    Me Gisagara Richard, ni umwe mu banyamategeko b'abanyarwanda bakorera umwuga wo kunganira abandi mu gihugu cy'Ubufaransa. Mu manza ebyiri zimaze kubera muri icyo gihugu (urwa Simbikangwa 2014, urwa Ngenzi na Barahira 2017), Me Gisagara yunganiye Ibuka France na CRF (Communaute Rwandaise de France).

    Uyu munyamategeko avuga ko n'iyo Macron yakubahiriza ibyo yavugiye I Kigali mu ruzinduko (muri Gicurasi 2021), umuvuduko Ubufansa buriho utatuma abakekwaho Joniside bariyo butazababuranisha bose.

    Agira ati, 'Kugeza ubu (2021) mu Bufaransa hamaze kuburanishwa abantu batatu gusa (mu manza ebyiri kuko rumwe rwarimo abantu babiri), ni bakeya cyane ugereranije n'imyaka 27 ishize. Hari dossiers nyinshi zikiri mu bushinjacyaham ariko icyo twizera ni uko Macron yavuze ko agiye gukora ibishoboka ubutabera bugatangwa. Turizera ko azatanga amikoro ahagije, kugira ngo Parquets zirangize anquetes (amaperereza) zatangiye kugira ngo bariya bantu nabo babashe kuburanishwa. Ariko ndebye rithme (umuvuduko) Ubufaransa bugenderaho, ntabwo bazaburanishwa bose'.

    Ibi Me Gisagara abishingira ku 'mwanya urubanza rufata kuko ruburanishwa nibura amezi atatu' , maze ati, ' Ntabwo hazaburanishwa abantu barenze 3 ku mwaka, bivuga ngo dossiers ziriho bizafata imyaka myinshi kugirango ziburanishwe'.

    Cyakora avuga ko baticaye ubusa, bakora ubuvugizi ngo byongererwe imbaraga. Ati, 'Twe ku ruhande rwacu tuzakomeza gukora ubuvugizi kugira ngo Leta ishyiremo ingufu zihagije, parquet babe bakongera umubare wabantu bakora anquetes, babe bakongera abacamanza, cyangwa se bakore na extradition abadashoboye kuburanishirizwa mu Bufaransa babe babohereze mu Rwanda. Benshi muribo barashaje, harimo abashobora kuzapfa bataburanye cyangwa se bagasaza cyane ku buryo abababuranira bazasaba ko bataburana nk'uko ababuranira Kabuga bari kubisaba muri iyi minsi'.

    Hari abamaze gupfa n'abo bigaragara ko bashaje
    Mu bakekwaho Jenoside ba ri mu Bufaransa, hamaze gupfa babiri bataburanye. Abo ni Michel BAKUZAKUNDI wapfuye muri Kamena uyu mwaka, na Claver Kamana wapfuye muri Kanama 2017.

    Aba bombi bapfuye ari abere kuko bataburanishijwe ibyaha bari bakurikiranweho.
    Bakuzakundi yaguye mu bitaro Jacques Monot I Montivilliers hafi ya Havre. Mu Ugushyingo 2017, umuryango CPCR uharanira abakekwaho Jenoside bari I Burayi baburanishwa, wari yaramaze kwegeranya ubuhamya ku byaha bye yakoreye I Remera mu mujyi wa Kigali, maze itanga ikirego.

    CPCR ikerekana ko uru rupfu nyuma y'imyaka ine, ari ikimenyetso cy'uko ubutabera bw'Ubufaransa budafite ubushobozi buhagije bwo gucira imanza abakekwaho Jenoside mu gihe gikwiye. CPCR ikanavuga ko nta gitangaza ko ibyabaye kuri Bakuzakundi byazaba no ku bandi bakirwaye ndetse n'abageze mu za bukuru bagapfa mbere y'uko ubutabera butangwa.

    Alain Gauthier uyobora CPCR agira ati, 'Uko imyaka ishira indi igataha, niko bigorana ko ubutabera butangwa, kandi igihe cyamaze gutakara ntikizigera kigaruka. Ibi nibyo urupfu rwa Bakuzakundi rutwibutsa'.

    Kuva mu 1997, Bakuzakundi yari ku rutonde rw'abashakishwa kubera ibyaha bya Jenoside akekwaho, kandi muri Mata 1996 yafatiwe muri Cameroun arafungwa, arekurwa n'urukiko rw'ubujurire rwaho.

    Naho Claver KAMANA we yapfuye CPCR itaramutangira ikirego, nubwo ubuhamya bumushinja bwari bwaramaze kwegeranywa.

    Nyuma yo gufatirwa mu Bufaransa, Kamana yasabiwe koherezwa mu Rwanda kuva 2008, inkuru yari yakiriwe neza n' abafite aho bahurira n'imanza za Jenoside., kuko ari we wa mbere wari ufatiwe uwo mwanzuro. Cyari ikimenyetso cy'uko Ubufaransa bwemera ko mu Rwanda hari ubutabera bukora, ariko arinda apfa nyuma y'imyaka 9 ataragezwa imbere y'ubutabera.
    CPCR nayo ikagaragaza impungenge igira iti, 'Ubu se abatangabuhamya nibakomeza kugenda babura (disparaitre), ibimenyetso bigasibangana, abaregwa bagapfa; ubutabera buzaba butanzwe?'

    Mu mpapuro zigera kuri 47 u Rwanda rwoherereje Ubufaransa rubusaba guta muri yombi abakekwaho Jenoside bariyo, batatu bonyine nibo bamaze kuburanishwa; kandi abasigaye biganjemo abarengeje imyaka 60.

    Gusa hari batanu bari kuri gahunda ya vuba, nka Claude Muhayimana (Ugushyingo 2021), Dr Sosthène Munyemana, Dr Eugène Rwamucyo, Laurent Bucyibaruta(2022) na Padiri Marcel Hitayezu(afungishijwe ijisho).

    Abandi biganjemo abo amaperereza yakozwe hakaba hasigaye gushyikirizwa inkiko, abamaze kugirwa abere, abo urukiko rw'ikirenga rwamaze guhakana ko bakoherezwa mu Rwanda; ndetse n'abo amadosiye yabo atarafungurwa.

    Muri abo bose abavugwa cyane ni Agathe Kanziga-Habyarimana , Colonel Laurent Serubuga, Wenceslas Munyeshyaka(yamaze guhanagurwaho icyaha, ariko inkiko zo mu Rwanda zamaze kumukatira adahari), Manasseh Bingwenzare, Hyacinthe Rafiki Nsengiyumva n'abandi.

    Mu nteko ya 29 y'Inama y'umuryango w'abibumbye ishinzwe uburenganzira bwa muntu yateranye tariki 15 kugeza 26 Mutarama 2018, Ubufaransa bwasabwe gucira imanza abakekwaho Jenoside bari ku butaka bwabwo, cyangwa se bukabohereza mu Rwanda.

    Source : https://umuryango.rw/amakuru/mu-rwanda/politiki/article/ubufaransa-hari-impungenge-ko-bamwe-mu-bakekwaho-jenoside-bazapfa

  • Manchester City igiye gukora agahigo ko kugura umukinnyi uhenze mu mateka ya Premier League #rwanda #RwOT

    Nubwo hari abakinnyi bahenze muri Premier League bayisohokamo,nta mukinnyi winjiye mu Bwongereza ahenze kurusha Pogba ariyo mpamvu bivugwa ko Jack Grealish ariwe ugiye gukuraho agahigo agurwa na City.

    Amafaranga yatanzwe n'ikipe yo mu Bwongereza igura umukinnyi ni miliyoni 89 z'amapawundi yaguzwe Pogba mu myaka 5 ishize.

    Aka gahigo k'izi miliyoni kagiye gukurwaho kuko Manchester City igiye kugura Jack Grealish w'imyaka 25 miliyoni zisaga 100 z'amapawundi.

    Manchester City kandi,biravugwa ko ishaka kwishyura Spurs miliyoni 160 z'amapawundi kuri Harry Kane aho azahurira mu ikipe n'uyu Grealish.

    Villa irashaka kongerera amasezerano Grealish ariko ngo nibyanga akifuzwa n'amakipe akomeye azagurishwa kuri miliyoni zitari munsi ya 100 z'amapawundi.

    Hari amakuru avuga ko uyu mwongereza yashyize mu masezerano ingingo y'amafaranga ikipe imwifuza yatanga ngo ayerekezemo.

    Bivugwa ko Jack Grealish yasabye ko ikipe yatanga miliyoni guhera kuri 75 z'amapawundi yamwegukana.

    Umukinnyi waguzwe amafaranga menshi ava mu ikipe yo mu Bwongereza ajya hanze ni Philippe Coutinho watanzweho miliyoni £145m ava muri Liverpool yerekeza muri Barcelona muri Mutarama 2018.


    City irashaka kugura akayabo Grealish

    Source : https://umuryango.rw/imyidagaduro/imikino/article/manchester-city-igiye-gukora-agahigo-ko-kugura-umukinnyi-uhenze-mu-mateka-ya

  • Rubavu: Abo mu Murenge wa Kanama baremeye abo mu Murenge wa Rubavu #Rwanda #RwOT via @kigalitoday #rwanda #RwOT

    Toni eshanu z’ibirayi ni zo abatuye mu Murenge wa Kanama bakusanyije kugira ngo zihabwe abatuye mu Murenge wa Rubavu.

    Umuyobozi ushinzwe ubuhinzi mu Murenge wa Kanama, Nzamwita Phocas, avuga ko bakusanyije ibi biribwa bagamije kugoboka bagenzi babo.

    Ati “Ibi biribwa twatanze byatanzwe n’abahinzi, aborozi n’abacuruzi muri Mahoko, kandi mbere yo gufasha abandi twabanje gufasha abacu batari bafite ibiribwa.”

    Nzamwita avuga ko bakusanyije ibirayi nyuma y’umusaruro babonye utubutse. Ati “Twabonye toni 20 kuri hegitare kandi igice kinini ni icyaro hakorwa ubuhinzi aho dufite hegitare 600 z’ibirayi, turebye umusaruro twabonye, twifuje gusangira n’abadafite ibiribwa.”

    Abaturage mu Murenge wa Kanama bakusanyije ibiribwa byo guha abaturage babo batishoboye birimo kawunga 1,500kg, ibishyimbo 400kg, umuceri 250 kg, amata litiro 35 n’imbuto ziribwa 40 kg, hanyuma bakusanya na toni 5 z’ibirayi zihabwa abaturage bo mu Murenge wa Rubavu.

    Uwitwa Ndereya ni umwe mu baturage b’Umurenge wa Rubavu bashoboye guhabwa kuri iyo mfashanyo. Yavuze ko ubuzima bwari bumukomereye.

    Ati “Byari bikomeye kuko aha nta mitungo mpagira ndacumbitse, naje gushaka imibereho none Guma mu Rugo yahagaritse imirimo, urumva udakoze ntiwabona icyo kugutunga. Ubu ndanezerewe ko mbonye icyo kurya.”

    Umunyamabanga Nshingwabikorwa w’Umurenge wa Rubavu avuga ko bashima abaturage barimo kunganira bagenzi babo ndetse n’imirenge irimo kunganira ibyo bafite Leta yatanze.

    Ati “Imbogamizi twari dufite ni uko abo twahaye mbere byashize, abandi batari bahawe, urumva ni ikibazo gusa dufite amahirwe kuko abadufasha barimo kwiyongera.”

    Umurenge wa Rubavu ni umwe mu Mirenge yo mu Karere ka Rubavu yagaragayemo abaturage bari bakeneye ibiribwa kuko wiganjemo abaturage bakorera buri munsi mu mujyi wa Goma, ariko kubera gahunda ya Guma mu Rugo, benshi bakaba barasabwe kuguma mu rugo ntibakore bituma bagira ikibazo cyo kubura ibiribwa.

  • Emmanuel Imanishimwe “Mangwende” yerekeje muri FAR Rabat yo muri MAROC (AMAFOTO) #Rwanda #RwOT via @kigalitoday #rwanda #RwOT

    Ahagana ku i Saa Saba z’ijoro zo kuri iki Cyumweru, ni bwo Emmanuel Imanishimwe usanzwe ukina inyuma ku ruhande rw’ibumoso mu ikipe ya APR FC, yafashe rutemikirere yerekeza mu gihugu cya Maroc mu ikipe yaho ya FAR RABAT.

    Emmanuel Imanishimwe asezera umugore we mbere yo kwerekeza muri Maroc
    Emmanuel Imanishimwe asezera umugore we mbere yo kwerekeza muri Maroc

    Ikipe ya APR FC ibinyujije ku rubuga rwayo yavuze ko impande zombi zamaze kuvikana, gusa ntiyatangaje niba uyu mukinnyi yaramaze gusinya, gusa amakuru atugeraho akavuga ko impande zombi zamaze kumvikana ko azagurwa asaga Miliyoni 430 Frws.

    Emmanuel Imanishimwe yaherekejwe n
    Emmanuel Imanishimwe yaherekejwe n’umugore we n’umwana wabo

    Mu butumwa bwa Emmanuel Imanishimwe mbere yo kurira indege, yashimiye abayobozi b’ikipe ya APR FC bamufashije mu gihe amaze muri iyi kipe ndetse no kuba bamuhaye amahirwe yo kwerekeza muri Maroc.

    “Ndashimira cyane ubuyobozi bwa APR FC bwamapaye amahirwe nk’aya, ni amahirwe atagira uko asa, ndashimira cyane Umuyobozi wa APR FC Lt Gen Mubarakh Muganga nkanashimira byumwihariko Umuyobozi w’Icyubahiro wa APR FC Gen. James Kabarebe yaramfashije cyane niwe wamvugishije bwa mbere mva mu ikipe ya Rayon Sports kugeza nizi saha aracyamfasha n’ubu nabonye ikipe ni ukubera we yumve ko mushimiye mbikuye k’umutima.”

  • Imanishimwe Emmanuel yerekeje muri Maroc #rwanda #RwOT

    Myugariro ukina inyuma ku ruhande rw'ibumoso mu ikipe y'ingabo z'igihugu Imanishimwe Emmanuel yerekeje mu gihugu cya Maroc mu ikipe ya FAR RABAT ibarizwa muri shampiyona y'icyiciro cya mbere muri Maroc.

    Ni nyuma y'ubwumvikane hagati y'amakipe yombi yaba APR FC ndetse na FAR RABAT yashinzwe mu 1958 akaba ari ikipe y'ingabo z'igihugu zo muri Maroc yasoje ku mwanya wa gatatu muri shampiyona ya 2020-2021.

    Mu rukerera rwo kuri iki cyumweru ku isaha yi saa saba nibwo uyu mukinnyi w'imyaka 26 afata rutemikirere yerekeza mu gihugu cya Morocco aho yabonye ikipe azakinira mu myaka itatu iri imbere.

    Mubutumwa imanishimwe yahaye Urubuga rwa APR FC yagize ati: Ndashimira cyane ubuyobozi bwa APR FC bwamapaye amahirwe nk'aya, ni amahirwe atagira uko asa, ndashimira cyane Umuyobozi wa APR FC Lt Gen Mubarakh Muganga nkanashimira byumwihariko Umuyobozi w'Icyubahiro wa APR FC Gen.

    James Kabarebe yaramfashije cyane niwe wamvugishije bwa mbere mva mu ikipe ya Rayon Sports kugeza nizi saha aracyamfasha n'ubu nabonye ikipe ni ukubera we yumve ko mushimiye mbikuye k'umutima.

    Source : https://impanuro.rw/2021/08/01/imanishimwe-emmanuel-yerekeje-muri-maroc/