Category: Uncategorized

Yabigarutseho kuri iki Cyumweru ubwo muri BK Arena ahabereye Ihuriro Mpuzamahanga ry'Urubyiruko rwitabiriye Iserukiramuco rya Giants of Africa.

Ryahuje abana b'Abanyarwanda 2000 bari hagati y'imyaka 15 na 19 n'abandi 320 baturutse mu bihugu 20 bya Afurika.

Yashimiye Perezida Kagame, wongeye kumugirira icyizere cyo gukomeza nka Minisitiri w'Urubyiruko n'Iterambere ry'Ubuhanzi.

Minisitiri Utumatwishima ati 'Ndi hano kuko muri impamvu ituma nkorera Igihugu. Gushimira Perezida mu maso yanyu ni ukugaragaza ubushaka bwo gukomeza gutanga umusanzu wo gukorera Igihugu, kubumva, gukora tutiganda kugira ngo mubone imirimo myiza ndetse muhabwe ubumenyi bugezweho.'

Yagaragaje kandi ko bazakora ibishoboka kugira ngo imyidagaruro ikorwe mu buryo bwiza butagira uwo buhutaza, guteza imbere ubuhanzi n'ibindi biri mu nshingano ze.

Yashimiye abo mu iserukiramuco rya Giants of Africa riyobowe na Masi Ujiri, ashimira uyu wahoze ari Perezida wa Toronto Raptors kuba yarahisemo ko u Rwanda ari rwo iberamo.

Yagaragaje ko izina 'Giants of Africa' ubwaryo ryivugira, ko kuba igitangaza ku rubyiruko rwa Afurika bishoboka bitanagarukiye gusa muri Basketball ahubwo baba igitangaza no mu bindi, nk'ubushabitsi, kwiharira imyanya ikomeye y'ubuyobozi mu Isi, gutera imbere mu buhanzi no kwimakaza udushya.

Minisitiri Utumatwishima yifashishije ubutumwa Perezida Kagame aherutse guha urubyiruko, na we yarusabye kurekana n'imyumvire mibi.

Yagaragaje ko urubyiruko rw'Abanyarwanda rwahawe amahirwe yo kwiga, gutembera no gusangira ubumenyi n'ubunararibonye na bagenzi babo bo muri Afurika, ko nta rwitwazo rwo kutagira u Rwanda igihugu cy'igihangange mu Isi.

Ati 'Ikindi ni ukugira imyumvire yo kwitanga. Twaremwe n'Imana imwe. Imwe yaremye Messi, Cristiano Ronaldo, Didier Drogba, na Stephen Curry. Twese dufite ubushobozi bungana. Dukwiriye guhagarika ibyo gutekereza ko hari undi uzaza kuturengera. Ubukene ni wo mwanzi dusangiye.'

Minisitiri Utumatwishima yagaragaje ko urubyiruko rugomba gukora uko rushoboye rugahangana n'ubukene rufatanyije bikanyura mu mishinga itandukanye ndetse n'iyo haza ubufasha, bugasanga hari ibyakozwe.

Yagaragaje ko Iserukiramuco rya Giants of Africa, ryakoze ibikorwa byinshi cyane ritanga amahirwe ku Banyafurika, riteza imbere impano binyuze mu marushanwa.

Ati 'Mwizerera mu bikorwa kandi ibyo ni byo turangamiye twese.'

Yanashimiye imiryango nka Imbuto Foundation, ALX yagaragaje uruhare mu guteza imbere urubyiruko binyuze mu gutahura impano no kuziteza imbere haba mu Rwanda no mu mahanga ku bufatanye n'abo muri Giants of Africa.

Giants of Africa ni Umuryango ufasha urubyiruko rwa Afurika gukuza impano mu mukino wa Basketball, washinzwe na Masai Ujiri nyuma yo kubona ko Abanyafurika badahabwa amahirwe n'amakipe akomeye kubera kutagira ibikorwaremezo bituma berekana impano zabo.

Ni Umuryango watangiye mu 2003 ukorera muri Nigeria, ariko mu 2014 Masai Ujiri yagura imipaka, atangira kubikora no mu bindi bihugu 11 bya Afurika birimo n'u Rwanda.

Ubwo iserukiramuco ryawo riheruka kuba, ryari ryahujwe no kwizihiza imyaka 20 uyu muryango umaze ushinzwe, aho ryitabiriwe n'urubyiruko rurenga 250 rwari rwaturutse mu bihugu 16 byo ku Mugabane wa Afurika birimo Sénégal, Mali, Nigeria, Cameroun, Repubulika Iharanira Demokarasi ya Congo, Sudani y'Epfo, Uganda, u Rwanda, Tanzania, Kenya na Somalia.

Minisitiri Utumatwishima yagaragarije urubyiruko rw’u Rwanda ko rwakora ibitangaza nk’ibyakozwe n’ibihangange nka Lionel Messi, Cristiano Ronaldo n’abandi

Ihuriro Mpuzamahanga ry'Urubyiruko rwitabiriye Iserukiramuco rya Giants of Africa riri kubera muri BK Arena

Umuhanzi Boukuru ni we wasusurukije abitabiriye Ihuriro Mpuzamahanga ry'Urubyiruko rwitabiriye Iserukiramuco rya Giants of Africa

Yabigarutseho kuri uyu wa 27 Nyakanga 2025, ubwo hatangizwaga Iserukiramuco rya Giants of Africa, riri kubera mu Rwanda ku nshuro ya kabiri, guhera ku wa 26 Nyakanga, rikazarangira ku wa 2 Kanama 2025.

Iserukiramuco ry'uyu mwaka, ryitabiriwe n'abana 320 baturutse mu bihugu 20 bya Afurika, rikaba ryaherukaga kuhabera mu 2023.

Perezida Kagame yashimiye Masai Ujiri washinze Umuryango Giants of Africa, uburyo afasha urubyiruko rwa Afurika gukuza impano mu mukino wa Basketball no mu zindi mpano, ndetse amushimira urukundo adahwema kugaragariza u Rwanda.

Yagize ati 'Giants of Africa yabaye nyambere muri siporo, mu bikorwaremezo, mu kumenya no guteza imbere impano ziri mu rubyiruko rwa Afurika muhagarariye hano uyu munsi. Ndashimira buri gihugu gihagarariwe hano, ibihugu 20 muhagarariye, turabishimiye, tubahaye ikaze, turashaka ko mwiyumva nk'abari mu rugo, igihe muri hano. Kandi turizera ko muzagaruka muzanywe ndetse n'ibindi atari gusa iri serukiramuco. Murakaza neza.'

' Tugarutse ku ntego ya Giants of Africa, ndashaka kubashishikariza kwizerera mu munyembaraga uri imbere muri mwe. Hanyuma mugende, mukore cyane, mukoreshe igihe cyose mufite n'ubushobozi bwose mufite, mu kibuga no hanze y'ikibuga, ibyo bizatuma umunyembaraga uri imbere muri mwe agaragara, kandi ibyo ni byo Afurika icyeneye gukora. Abanyembaraga barakura, barashikama, kandi biyizereramo.'

Umukuru w'Igihugu yakomeje abwira urubyiruko ko rukwiye gushishikarira guteza imbere Afurika, kuko atari yo ikwiye guhora inyuma y'iyindi migabane.

Ati 'Afurika ntikwiye guhora inyuma y'Isi yose… mu buryo buto, binyuze muri iri serukiramuco, tuributswa ko dushobora gutangira turi bake nk'uko turi hano, ubundi tukaguka tukazana abandi Banyafurika benshi, tukerekana agaciro kabo, kandi tugakomeza gutera Afurika ishema.'

Yongeyeho ati 'Twabikora, twabikora binyuze muri siporo, twabikora binyuze mu bintu byinshi…ntabwo bikwiye kuba intero gusa, ntibikwiye kuba amagambo, bikwiye kuba n'ibikorwa, kandi ibyo dushoboye kubikora.'

Mu ijambo rye, Masai Ujiri yavuze ko yashimishijwe n'ibirori byerekanywe n'abitabiriye iri huriro, yongeraho ko ashimira abarimo Perezida Paul Kagame, Madamu Jeannette Kagame n'u Rwanda.

Ati 'Bariya bakobwa bato biyerekanye hano, ni ukuri ntimusanzwe. Muduha urugero kandi ndabizi umukobwa wanjye w'imyaka 11 azabareberaho. Imbuto Foundation mwarakoze cyane, Madamu Jeannette Kagame warakoze cyane ku bufasha no gufatanya natwe […]. Guverinoma y'u Rwanda, Perezida Paul Kagame na buri wese watumye iyi Giants of Africa iza hano tukagira iki gikorwa, ni ibintu bidasanzwe kuri twe.'

Icyumweru cyahariwe iri serukiramuco rya Giants of Africa, kizasozwa ku wa 2 Kanama 2025, ahateganyijwe abahanzi bakomeye muri Afurika nka The Ben, Timaya, Kizz Daniel na Ayra Starr.

Perezida Kagame yabwiye urubyiruko rwiyabiriye Giants of Africa ko rukwiye gushyiramo imbaraga rugateza imbere uyu mugabane

Giants of Africa yitabiriwe n’abavuye mu bihugu 20 bya Afurika

Masai Ujiri yashimiye u Rwanda rwemeye kwakira Giants of Africa

Iri serukiramico ryatangijwe kuri uyu wa 27 Nyakanga rikazasozwa ku wa 2 Kanama 2025

Mu Rwanda hateraniye inama y'amashyaka yo mu bihugu bitanu bya Afurika y'Iburasirazuba, afite amahame ashingiye kuri demokarasi no kurengera ibidukikije (East Africa Green Federation- EAGF).

Ni inama yitabiriwe n'abanyamuryango b'Ishyaka riharanira Demokarasi no kurengera Ibidukikije mu Rwanda (Democratic Green Party of Rwanda), n'abandi baturutse mu bihugu byo muri Afurika birimo Kenya, u Burundi, Uganda na Somalia.

Umuyobozi wa Green Party muri Somalia, Mouhamed Saidi Mouhamud, yavuze ko bifuza ko icyicaro gikuru cya Green Party cyubakwa i Kigali abishingiye ku miyoborere.

Ati 'U Rwanda ni igihugu cyiza kandi gikomeje gushyira imbaraga mu kurengera ibidukikije, rero igitekerezo cyo kuba twahubaka icyicaro gikuru cyacu ni cyiza cyane kuko hari umutuzo, demokarasi n'iterambere. Ni igihugu kandi gishyira imbere kwishyira ukizana. Ni ikintu nshimira ubuyobozi.'

Umuyobozi wa Green Party mu Rwanda akaba n'Umuyobozi Mukuru wa EAGF, Dr. Frank Habineza, yavuze ko intego y'iyo nama ari ukurebera hamwe uko hasubukurwa ibikorwa by'iri huriro byari bimaze igihe byarahagaze, no kwiga kuri gahunda y'ibikorwa byabo by'umwaka wa 2025/26 .

Ati 'Kubera impamvu zitandukanye, hari ibikorwa byari byarahagaze, ari na yo mpamvu twateguye iyi nama kugira ngo turebere hamwe uko twabisubukura, tuniga ku mushinga wo kubaka icyicaro gikuru cyacu hano mu Rwanda.'

Dr. Habineza yavuze ko kuzana icyicaro gikuru bitazagira akamaro ku banyamuryango b'ishyaka rya Green Party gusa, ahubwo bizagira n'uruhare mu iterambere ry'igihugu.

Bizafasha kandi kunganira gahunda ya Leta yo guteza imbere inama mpuzamahanga n'ubukerarugendo.

Iri huriro rimaze imyaka 12 rikagira icyicaro muri Uganda, ryifuza kwaguka rikagera no mu bindi bihugu nka Ethiopia, Misiri, Tanzania n'ibindi byinshi byo muri Afurika.

Mu mwaka wa 2025/26 uzatangira muri Kanama, hateganyijwe ibikorwa birimo kubaka icyicaro gikuru cy'impuzamashyaka; Guha amahugurwa abayobozi n'abanyamuryango baryo cyane cyane ab'abagore n'ab'urubyiruko.

Hazabamo kandi ibikorwa bigamije kwiteza imbere mu bukungu; Gushyigikira gahunda zo guteza imbere amahoro n'umutekano mu Karere ndetse no guteza imbere gahunda za Leta zo gushyigikira ubumwe n'ubwiyunge.

Dr. Habineza yavuze ko bagiye kwagura ihuriro ryabo rikagera no mu bindi bihugu

Ni inama yitabiriwe n’abanyamuryango ba Green Party baturutse mu bihugu bitanu byo muri Afurika y’Iburasirazuba

Iyi nama yaranzwe no kungurana ibitekerezo ku bikorwa bizakorwa mu mwaka wa 2025/26

Mu Rwanda hazubakwa icyicaro gikuru cya EAGF

Yabigarutseho kuri iki Cyumweru ubwo muri BK Arena haberega Ihuriro Mpuzamahanga ry'Urubyiruko rwitabiriye Iserukiramuco rya Giants of Africa, aho ryahuje abana b'Abanyarwanda 2000 bari hagati y'imyaka 15 na 19 n'abandi 320 baturutse mu bihugu 20 bya Afurika.

Abitabiriye iri huriro basobanuriwe ndetse bigishwa uburyo bashobora kugera ku nzozi zabo. Ni mu biganiro byatanzwe n'abarimo Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, Festus Elezi, Robin Roberts, Chiney Ogwumike na Masai Ujiri washinze Umuryango Giants of Africa.

Mu ijambo rye, Masai Ujiri yavuze ko yashimishijwe n'ibirori byerekanywe n'abitabiriye iri huriro, yongeraho ko ashimira abarimo Perezida Paul Kagame, Madamu Jeannette Kagame n'u Rwanda.

Ati 'Bariya bakobwa bato biyerekanye hano, ni ukuri ntimusanzwe. Muduha urugero kandi ndabizi umukobwa wanjye w'imyaka 11 azabareberaho. Imbuto Foundation mwarakoze cyane, Madamu Jeannette Kagame warakoze cyane ku bufasha no gufatanya natwe […]. Guverinoma y'u Rwanda, Perezida Paul Kagame na buri wese watumye iyi Giants of Africa iza hano tukagira iki gikorwa, ni ibintu bidasanzwe kuri twe.'

Masai yashimangiye ko Abanyafaruka bashyigikiranye bashobora gutera imbere birushijeho.

Yashimiye kandi abarimo Amadou Gallo Fall uyobora Africa Bastekball League na Clare Akamanzi uyobora NBA Africa.

Uyu mugabo wavukiye muri Nigeria ku babyeyi b'Abanya-Kenya, ariko ubu akaba afite ubwenegihugu bwa Canada n'u Bwongereza, yashimangiye ko akunda Afurika ndetse azakomeza guharanira ko itera imbere.

Yavuze kandi uburyo ubwo yari akiri muto, yajyaga gukina Basketball agataha atinze, nyina akamukurura amatwi amubaza niba Basketball izamutunga.

Yongeyeho ati 'Mwigirire icyizere. Imyuga yose bavuze, buri wese yabigeraho. Mama yankururaga amatwi iyo nabaga ntashye nkerewe mvuye gukina Basketball. Yarambazaga ngo 'iyi Basketball iraza kukugaburira?' Ubu iri kugaburira abantu bose!'

Masai Ujiri wabaye Perezida w'Ikipe ya Toronto Raptors ikina muri NBA, yashinze Giants of Africa mu 2013, nyuma y'umwaka umwe ayagurira mu bindi bihugu 11 bya Afurika birimo n'u Rwanda.

Minisitiri w’Urubyiruko n’Ubuhanzi, Dr Utumatwishima Abdallah, yasabye urubyiruko guharanira kugera ku bihambaye

Masai Ujiri yashimiye Perezida Kagame n'u Rwanda

Masai Ujiri yagaragaje ko nawe yahereye ku busa

Aline Sano ni umwe mu baririmbye muri ibi birori bya Giants of Africa Festival

Aline Sano ku rubyiniro

Chriss Eazy yasusurukije uru rubyiruko

Byari ibyishimo ku rubyiruko rwitabiriye Giants of Africa Festival

Byatangajwe n'Umuvugizi wa Polisi, ACP Boniface Rutikanga, mu kiganiro yagiranye na IGIHE, akaba yagaragaje ko Intara y'Amajyaruguru n'iy'Iburasirazuba ari zo ziri imbere mu gufatirwamo kanyanga nyinshi.

Imibare igaragaza ko Intara y'Amajyaruguru cyane cyane mu turere twa Gicumbi na Burera ndetse no mu Burasirazuba ari ho hafashwe kanyanga nyinshi.

Muri Mata 2025, Polisi yafashe litiro 1.902 za kanyanga mu Ntara yo mu Majyaruguru, Iburasirazuba hafatwa litiro 514, Umujyi wa Kigali hafatwa litiro 139, Amajyepfo hafatwa litiro 22 naho mu Burengerazuba nta kanyanga yigeze ifatwayo.

Muri Gicurasi 2025, Intara y'Amajyaruguru yongeye gufatwamo kanyanga nyinshi aho hafashwe litiro 13.215, Iburasirazuba hafatwa litiro 572, Amajyepfo hafatwa litiro 148, mu Burengerazuba hafatwa litiro 14.

ACP Rutikanga yasobanuye ko kuba kanyanga nyinshi ikunzwe gufatwa mu turere two mu Majyaruguru no mu Burasirazuba bitavuze ko ariho ikorerwa.

Ati 'Urabibona ko utwo turere duturanye n'igihugu cy'abaturanyi bivuze ko Kanyanga nyinshi ifatwa ntabwo ari uko ikorerwayo ahubwo iva mu gihugu cy'abaturanyi.'

Yakomeje avuga ko ikinyobwa cya kanyanga gifatwa nk'ikiyobyabwenge ndetse ko kuyinywa no kuyicuruza bigize icyaha bihanwa n'amategeko y'u Rwanda.

Ati 'Kanyanga ni kimwe mu bigize ibiyobyabwenge mu Rwanda rero kuyinywa no kuyicuruza bigize icyaha kandi gihanwa n'amategeko y'u Rwanda.'

Yasabye abantu kwirinda kanyanga ndetse n'ibindi biyobyawenge.

Itegeko riteganya ibyaha n'ibihano byabyo mu Rwanda, mu ngingo yaryo ya 263, rivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranije n'amategeko, aba akoze icyaha.

Iyo abihamijwe n'urukiko ahanishwa igifungo kitari munsi y'imyaka irindwi ariko kitarenze imyaka icumi n'ihazabu ya 5.000.000 Frw ariko atageze kuri 10.000.000 Frw.

Mu mezi abiri Polisi y'u Rwanda yatahuye litiro zirenga ibihumbi 16 za kanyanga mu gihugu hose

Mu mitungo itimukanwa buri wese arota kugira no kugwiza harimo inzu bituma uko umubare w'abantu biyongera ubutaka butuwe burushaho kuzamuka.

Umuyobozi w'Ishami rishinzwe Imikoreshereze y'Ubutaka no Gutunganya Amakarita mu kigo cy'Igihugu Gishinzwe Ubutaka, Rutagengwa Alexis, ubwo yari mu kiganiro kubaza bitera kumenya cyo ku wa 27 Nyakanga 2025, yavuze ko ubutaka bwiza usanga bubereye imiturire, ubuhindi n'ibindi ariko habaho igenamigambi ry'uko bukwiye gukoreshwa.

Ati 'Imiturire wenda ari na yo ifite ikibazo, bakoresha kugira ngo babangamire ubuhinzi n'ubundi butaka ntabwo irenze 15% by'ubutaka bwose bw'igihugu. Imiturire aho yagenewe ntabwo harenze 15% by'ubutaka, ahandi 50% hahawe ubuhinzi, amashyamba na yo ntabwo arengaje 30%.'

Rutagengwa yahamije ko abo mu turere twose baramutse bubahirije ibishushanyo mbonera by'imikoreshereze y'ubutaka ahantu hubatse hazagera aho hagaherera ukwaho n'ubuhinzi bukisanzura.

Ati 'Ibyo biramutse byubahirijwe mu myaka 30 mwazabona imijyi iri ahantu hamwe ubuhinzi butangiye kubona aho bukorerwa.'

Yavuze ko mu turere twose basuye mu gihugu basanze igishushanyo mbonera cy'imikoreshereze y'ubutaka kitubahirizwa.

U Rwanda rufite ubusho bwa kilometero kare 26.338.

Imibare ya Minisiteri y'Ubuhinzi n'Ubworozi igaragaza ko ubutaka bw'u Rwanda bushobora guhingwaho burenga gato hegitari miliyoni 1,8 bingana na 73% by'ubutaka bwose bw'igihugu.

Ubutaka bunini mu Rwanda ni ubwagenewe ubuhinzi

Muri Werurwe 2024, ni bwo i Huye mu Murenge wa Ngoma, mu Kagari ka Ngoma, y'urugo rw'uwitwa Hishamunda, hakuwe imibiri irenga 2000 y'abishwe muri Jenoside yari yarubakiweho inzu.

Nyuma y'umwaka, muri Mata 2025, mu kandi Kagari k'Umurenge wa Matyazo, na ho habonetse imibiri isaga 500, mu ntanzi z'urugo rw'umuturage.

Mu mahugurwa yahuje abasaga 100 bavuga rikumvikana bo mu Karere ka Huye, ku wa 24 Nyakanga 2025, yigaga kuri gahunda yo kongera ikibatsi mu nyigisho z'ubumwe n'ubudaheranwa bw'Abanyarwanda, yateguwe n'Umuryango Never Again Rwanda, Umuyobozi w'Akarere ka Huye Wungirije Ushinzwe Imibereho myiza y'Abaturage, Kankesha Annonciatha, yavuze ko kuba amakuru nk'aya aba yarahishwe mu myaka irenga 30, ari ikimenyetso kigaragaza ko ubumwe n'ubudaheranwa ari urugendo rurerure.

Ati 'Ni ikigaragaraza ko urugendo rugihari, ariko nanone bigatanga icyizere ko rugeze heza, kuko ya makuru batinyaga gutanga, umwe atekereza ati 'nimvuga ko kanaka yishe abantu akanabacukurira icyobo azandeba nabi', bigakomeza kumuhambira, ubu byibura twatangiye kubona abahambuka bakavuga.'

'Niyo mpamvu hari aho twabonye imibiri isaga 2000 mu 2024, n'indi isaga 500, duheruka gushyingura vuba aha, ibifasha mu kuruhura abarokotse.'

Yakomeje asaba abahugurwa kugaba amashami mu bo bahagarariye, babomora n'ibikomere kugira ngo bigere kuri buri munyarwanda, abanire undi atamutoneka, ahubwo amwubaka.

Umwe mu banyamuryango ba AVEGA Agahozo witwa Nyiramuruta Séraphine, wo mu Murenge wa Tumba, yavuze ko hari ibimenyetso bikigaragara ko Abanyanyarwanda bakibana n'amateka asharira.

Ati 'Umuryango nyarwanda wose urarwaye, iyo umuntu abika amakuru nk'ariya y'imibiri akamubamo imyaka myinshi, ni bigaragaraza ko inzira ikiri ndende, ari na yo mpamvu inyigisho nk'izi zigikenewe, kandi zikwiye kugera kuri bose.'

Rwandekwe Innocent, Umukozi w'Itorero rya ADEPR, Paruwasi ya Cyegera mu Murenge wa Rusatira, yavuze ko urugendo rw'ubumwe n'ubudaheranwa rukwiye gukomeza gushyigikirwa abantu bakemera kugaragaza ibibarimo bakavurwa.

Yagaragaje ko n'ubwo hari impinduka nziza zigenda zigaragara mu myumvire, ariko hakiri urugendo mu guhashya ingengabitekerezo ya Jenoside mu gihugu.

Mu rugendo rw'isanamitima, mu Karere ka Huye habarurwa amatsinda 237 agizwe n'abasaga ibihumbi 10 aherekezwa na Never Again Rwanda n'abandi bafatanyabikorwa.

Abahuguwe batahanye umugambi wo gufasha abo bareberera gutera intambwe yo guhambuka bagatura imitwaro y’umutima ibaremereye bagifite

Umuyobozi muri Never Again Rwanda, Gatabazi Clever, yavuze ko abayobozi mu nzzgo zose bakwiye kugira ubumenyi bwo komora ibikomere bw’abo bayobora kuko ari byo bigeza ku budaheranwa bwuzuye

Visi Meya Ushinzwe Imibereho myiza mu Karere ka Huye, Kankesha Annonciata, yavuze ko imibiri imaze iminsi iboneka i Huye ari ikimenyetso cy’uko abantu batarahambuka imitima neza ngo bavuge ukuri

Bari mu matsinda, bagiye basangira uko bagoboka ufite intimba imuremereye cyangwa uko bagarura ukibaswe n’amacakubiri muri we

Uyu musore ukomoka mu murenge wa Nemba, mu Karere ka Burera, yafashwe na Polisi ikorera muri gare ya Nyabugogo ku wa 26 Nyakanga 2025.

‎Akimara gufatwa yavuze ko urwo rumogi yari arujyanye i Remera aho yari guhurira n'abandi barucuruza.
‎
Umuvugizi wa Polisi mu Mujyi wa Kigali, CIP Wellars Gahonzire‎ yabwiye IGIHE ko uwafashwe n'urumogi yari afite bifungiye kuri Sitasiyo ya Polisi ya Kimisagara ngo akorerwe dosiye ajyanwe mu Bugenzacyaha.

Ati 'Iperereza rirakomeje ngo hafatwe abandi bakorana.'
‎
CIP Gahonzire yavuze ko uwafashwe byaturutse ku makuru yatanzwe n'abaturage.

Ati 'Tunabashimira uruhare bagira kugira ngo abantu bafite umugambi wo kwica ubuzima bw'abaturage babaha ibiyobyabwenge bafatwe, ibi kandi biragaragaza ikimenyetso cy'ubufatanye hagati ya Polisi n'abaturage mu kurwanya ibiyobyabwenge.'
‎
‎Iteka rya Minisitiri nimero 001/moh/2019 ryo ku wa 04 Werurwe 2019 rigena urutonde rw'ibiyobyabwenge n'ibyiciro byabyo, rishyira urumogi mu biyobyabwenge bihambaye.
‎
Ingingo ya 263 mu itegeko riteganya ibyaha n'ibihano muri rusange, ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranije n'amategeko, aba akoze icyaha.
‎
‎Iyo abihamijwe n'urukiko ahanishwa igifungo cya burundu n'ihazabu irenze miliyoni 20 Frw ariko itarenze miliyoni 30 Frw ku byerekeye ibiyobyabwenge bihambaye.

Uyu musore yari avanye urumogi i Burera arujyanye i Remera

Ku wa 26 Nyakanga 2025 ibihugu byombi byashyize umukono ku masezerano y'imikoranire agamije guteza imbere urwego rw'ubuhinzi ku mpande zombi, byiyemeza gukomeza guteza imbere imikoranire.

Hanashyizwe kandi umukono ku masezerano agamije gushyiraho ibiro by'Ikigo gishinzwe ibyambu muri Tanzania (TPA) i Kigali nk'intambwe ikomeye yatewe mu guteza imbere ubucuruzi hagati y'ibihugu byombi.

Ku ruhande rw'u Rwanda amasezerano yashyizweho umukono na Minisitiri w'Ububanyi n'amahanga, Amb. Olivier Nduhungirehe, mu gihe Tanzania yari ihagarariwe na mugenzi we, Amb. Thabit Mhamoud Kombo.

Abaminisitiri bagaragaje ko imikoranire y'ibihugu byombi igamije iterambere ryabyo, ababituye n'iry'akarere muri rusange.

Minisitiri w'Ububanyi n'Amahanga wa Tanzania, Amb. Thabit Mhamoud Kombo, yavuze ko nubwo ibihugu byombi bisanganywe amasezerano, hari izindi nzego bifuza ko bafatanyamo n'u Rwanda.

Yifashishije urugero rw'uburyo we na bagenzi be bageze i Kigali mu ndege za RwandAir, yagaragaje ko hagiye gukomeza ibiganiro bigamije gutuma sosiyete y'ubwikorezi bwo mu kirere ya Tanzania 'Air Tanzania' itangira ingendo i Kigali.

Ati 'Namenye ko 90% by'abaturutse muri Tanzania nanjye ndimo, twaje hano na RwandAir. Rero iri gukora neza cyane kurusha iyacu kuko twaje na RwandAir…ibyo rero bidutera imbaraga kuko koroshya ingendo ni ingenzi mu mikoranire iyo ari yo yose.'

Yakomeje ati 'Rero imikoranire mu bijyanye na serivisi z'ingendo zo mu kirere ikomeje kuganirwaho kandi twiteze kuzakora byinshi. Turi gushishikariza Air Tanzania gutangiza ingendo zigera i Kigali. Yarabikoraga mbere ariko yaje guhagarikwa kubera impamvu zitandukanye ariko ubu dufite indege nshya rero turacyari kubiganiraho.'

Air Tanzania ishobora kuzatangira gukorera ingendo mu Rwanda

Umuhanda wa gari ya moshi waheze he?

Umushinga wo kubaka umuhanda wa gari ya moshi uhuza Kigali na Dar es Salaam ni umwe mu yakiranywe yombi n'abaturage ukivugwa ndetse n'ubu ugihanzwe amaso kuko abenshi bawurebera mu ishusho y'igabanyuka ry'ikiguzi cy'ubwikorezi kiri hejuru ku bihugu bidakora ku Nyanja mu bigize Umuryango wa Afurika y'Iburasirazuba.

Ni umuhanda umaze imyaka irenga 20 utegerejwe, ugomba guhuza ibihugu biri mu muhora wo hagati muri Afurika y'iburasirazuba aho biteganyijwe ko uzanyura uzanyura ku Rusumo ugere mu Mujyi wa Kigali [ahari Dubai Ports muri Kicukiro] ariko hakiyongeraho agace k'ibilometero 18 kazagera ku Kibuga cy'Indege cya Bugesera.

Amasezerano yo kubaka uyu muhanda w'ibilometero 532 yashyizweho umukono ku wa 9 Werurwe 2018. Ku ruhande rwa Tanzania ni ho ibikorwa byakozwe, bigeze ku Rwanda bihagararira ku biganiro.

Minisitiri Amb. Thabit Mhamoud Kombo, yavuze ko mu biganiro byahuje abayobozi b'ibihugu byombi bigamije kurebera hamwe uko umubano uhagaze akimara kumva ikibazo kijyanye n'umuhanda wa gari ya moshi wahagaze, ngo yahise atangira kubikurikiranira hafi.

Yavuze ko yahamagaye abaminisitiri babiri baganira kuri uwo mushinga ndetse abasaba gukora ibishoboka hagategurwa iteganyabikorwa kandi biri mu bigiye kwibandwaho.

Mu kiganiro n'abanyamakuru, Thabit Mhamoud Kombo yavuze ko kugira umuhanda wa gari ya moshi byagira uruhare rukomeye mu guteza imbere ubucuruzi bityo ko biri mu bikwiye kunozwa.

U Rwanda na Tanzania kandi bifitanye umushinga w'amashanyarazi bihuriyeho n'u Burundi ku rugomero rwa Rusumo witezweho guteza imbere imibereho myiza y'abaturage.

Minisitiri Amb. Olivier Nduhungirehe, yagaragaje ko Tanzania ari ingenzi cyane mu bucuruzi bw'u Rwanda kuko nibura hejuru ya 70% by'ibicuruzwa rutumiza mu mahanga binyuzwa muri Tanzania.

Yagaragaje kandi ko ko iki gihugu kiza ku mwanya wa kabiri rukuramo ibicuruzwa ku kigero cya 15% mu myaka itatu ishize.

Kugira umuhanda wa gariyamoshi uhuza ibihugu byombi byakoroshya urujya n'uruza rw'ibicuruzwa n'abantu mu Karere.

Umuhanda wa gari ya moshi uhanzwe amaso

Abarimu bigisha Igiswahili

Minisitiri Amb. Thabit Mhamoud Kombo, yavuze ko u Rwanda ari umufatanyabikorwa mwiza kuri Tanzania by'umwihariko mu bijyanye n'ubucuruzi.

Yashimye ko ruri mu bihugu bike bifite indimi enye zemewe n'amategeko harimo n'Igiswahili.

Ati 'U Rwanda ruri mu bihugu bike bifite indimi enye zemewe mu butegetsi, twebwe muri Tanzania dufite indimi ebyeri gusa zirimo n'Igiswahili kandi umurinzi wacyo ni Tanzania, kimwe n'icyicaro cyacyo…rero dufite inshingano zo gukora byinshi.'

Yashimangiye ko mu rwego rwo guteza imbere ururimi rw'Igiswahili mu bishobora kuganirwaho harimo uburyo abarimu bo muri Tanzania bashobora kuza gutanga umusanzu wabo mu kwigisha urwo rurimi mu Rwanda no kohereza ibitabo.

Yagaragaje kandi ko Abanya-Tanzania bakomeje gushora imari mu Rwanda mu ngeri zinyuranye zirimo n'urwego rw'ingufu aho harimo bamwe mu bubatse ibigega by'ububiko bw'ibikomoka kuri Peteroli n'inganda zitandukanye.

Yavuze ko hari amasezerano ibihugu byombi bisanzwe bifitanye, mu ngeri zinyuranye zirimo urwego rw'Itangazamakuru, ikoranabuhanga na Internet.

Hanaganiriwe kandi ku rwego rw'ubukerarugendo ku buryo ibihugu byombi bishobora kuzuzanya mu kubuteza imbere, kubungabunga ibidukikije, guteza imbere urwego rw'ingufu, ubuzima ndetse no guteza imbere ishoramari.

Minisitiri w'Ububanyi n'Amahanga wa Tanzania, Amb. Thabit Mhamoud Kombo, yavuze ko hari imikoranire bifuza ku Rwanda

Minisitiri Olivier Nduhungirehe yavuze ko Tanzania ari ingenzi mu bucuruzi bw’u Rwanda

Minisitiri w'Ububanyi n'Amahanga wa Tanzania, Amb. Thabit Mhamoud Kombo, ubwo yashyiraga umukono ku masezerano

Minisitiri Nduhungirehe yagaragaje ko ayo masezerano yashyizweho umukono ari ingirakamaro

Ibihugu byombi byiyemeje guteza imbere ubuhinzi

Urugomero rwa Rusumo rwitezweho byinshi n’ibihugu bitatu

Icyambu cya Dar es Salaam kiri mu binyuraho ibicuruzwa byinshi byoherezwa mu Rwanda

Umurenge wa Rwinkwavu by'umwihariko mu Kagari ka Gihinga hazwi cyane ku kuba hatekerwa ndetse hakanacururizwa kanyanga n'izindi nzonga nyinshi z'inkorano.

Ibi bituma muri aka gace hagaragara ibikorwa byinshi by'urugomo rurimo gukubita no gukomeretsa. Muri aka gace kandi hari abacukura amabuye y'agaciro mu buryo butemewe.

Bamwe mu baturage baganiriye na IGIHE bashinja inzego z'ibanze kujenjekera abateka kanyanga n'izindi nzoga z'inkorano. Bavuga ko batanga amakuru ku nzego z'ibanze abo bababwiye ko babikora bakabahindukirana bakabakubita abandi bakabahohotera.

Mpuhwezamariya Immaculé yagize ati 'Inaha hari abatetsi ba kanyanga benshi kandi bayitekera ahantu hazwi twe dutanga amakuru ariko ntibirangire, abayobozi benshi bajenjekera abateka kanyanga. Iyo tubivuze ntabwo bikemuka turifuza ko abayobozi bamanuka bagakurikirana abo bantu, iyo utanze amakuru bakugendaho ngo wafungishije undi muturage.''

Undi muturage yavuze ko benshi mu bateka kanyanga bazwi ahubwo ababafata aribo kibazo.

Ati 'Njye natanze amakuru inshuro nyinshi ariko Mudugudu nayabwiye nta kintu yabikozeho, yewe no ku Kagari twarabivuze barabizi ariko abo bantu baziteka ntacyo babakoraho. Icyo twifuza ni uko babarwanya kuko bari kutwicira abana kubera kanyanga.''

Umunyamabanga Nshingwabikorwa w'Umurenge wa Rwinkwavu, Bagirigomwa Djafari, yabwiye IGIHE ko hashize ibyumweru bike batangije uburyo bwo kurwanya abateka kanyanga n'izindi nzoga z'inkorano muri uyu murenge kandi ko iki gikorwa kiri kugenda neza.

Yagize ati 'Twatangiye urugendo rwo guca ibiyobyabwenge cyane cyane kanyanga mu Murenge wa Rwinkwavu, kugeza ubu aho tugeze uyu munsi ni uko ababikoraga bageze aho baza n'ibikoresho bakoreshaga bakabizana ku Murenge bakiyemeza kubivamo, twanzuye ko nta kanyanga izongera gutekerwa inaha kandi biri kugerwaho.''

Yakomeje avuga ko 'Ubu abayitekaga abagera ku 10 batawe muri yombi, abandi turi kwakira benshi biyemeza kubivamo, tumaze kwakira abagera kuri 50 baza kwandika bakiyemeza kubivamo kandi bakanasaba imbabazi ko batazongera, turifuza ko bahinduka ababirimo bakabireka ntabwo twifuza ko bafungwa kereka uzajya ananirana.''

Uyu muyobozi yavuze ko abatekaga kanyanga benshi bamaze kubireka nyuma y'uko bamwe muri bo batawe muri yombi ku bufatanye n'abaturage.

Kuri ubu abaturage 50 bamaze kwandika bavuga ko batazongera guteka kanyanga

Umunyamabanga Nshingwabikorwa w'Umurenge wa Rwinkwavu, Bagirigomwa Djafari, yavuze ko bifuza guca kanyanga burundu