Category: Uncategorized

Rigamije kunoza uburyo bwari busanzwe mu kugenzura ubwishingizi bw'ibinyabiziga byambukiranya imipaka muri gahunda y'imigenderanire n'imihahirane nk'impamvu nyamukuru COMESA yagiyeho.

Comesa Yellow Card ni ubwishingizi bw'ibinyabiziga bukoreshwa mu bihugu 13 byose bihuriye muri uyu muryango ari byo, u Burundi, Djibouti, RDC , Eritrea, Ethiopia, Kenya, Malawi, Sudani, Tanzania, Uganda, Zambia, Zimbabwe n'u Rwanda.

Nk'uko bisanzwe, buri mushoferi w'imodoka aba afite ubwishingizi, ariko ikibazo kibaho ni uko aba abufite mu gihugu cye, bugatakaza agaciro mu kindi gihugu. Aha ni ho havuye igitekerezo cyo gushyiraho Comesa Yellow Card.

Ubukoresha abasha kugenda mu bihugu byose byo muri uyu muryango adasabwe ko atanga ubundi bwishingizi kuko aba abufite, ndetse n'igihe yagirira ikibazo mu kindi gihugu, abasha kwishyurwa.

Kwishyurwa bikorwa n'ikigo cy'ubwishingizi gihagarariye Comesa Yellow Card muri bya bihugu bigize Comesa.
Mu Rwanda, icyo kigo ni Sonarwa General.

Mu rwego rwo gukomeza kurinda umutekano wa Comesa Yellow Card, hatangijwe uburyo bwo gukoresha ikoranabuhanga mu rwego rwo kunoza imikorere yayo.

Ku wa 30 Nyakanga 2025, nibwo Ikigo cy'Ubwishingizi cya Sonarwa General ihagarariye Comesa Yellow Card mu Rwanda yamuritse ikoranabuhanga rizajya ryifashishwa mu kugenzura ko ibinyabiziga byo muri uyu muryango bifite ubwishingizi bwujuje ubuziranenge, ni ukuvuga ngo butarengeje igihe n'ibindi.

Umuyobozi Mukuru wa Sonarwa General Insurance, Kamanzi Charlotte, yavuze ko uburyo bushya bw'ikoranabuhanga bwafunguwe, bugiye kujya bwifashishwa mu kumenya neza uko imodoka zaje mu Rwanda zifite ubwishingizi bwujuje ubuziranenge.

Ati 'Bazajya bakoresha telefoni kandi ntabwo ari ngombwa ko umuntu aba afite interineti kubera ko bazajya bakanda *801*50# bakurikize amabwiriza, kugeza babonye ko ubwishingizi imodoka igaragaza ari bwo bwujuje ibisabwa.'

Umuyobozi Mukuru w'Akanama k'Ibiro by'Ubunyamabanga bwa Comesa, yavuze ko ikoranabuhanga rije ari igisubizo cyiza mu kugenzura ko ubwishingizi bw'ibinyabiziga byo muri uyu muryango byujuje ibisabwa.

Ati 'Bizadufasha gusuzuma niba icyangombwa gifite agaciro bituma wumva utekanye. Uba uzi ko ufite ubwishingizi bityo ubaye ukoze impanuka, ushobora kwishyurwa.”

Yakomeje avuga ko akandi kamaro nyamukuru k'iri koranabuhanga ari ukugabanya ibyangombwa by'ibihimbano byakunze kugaragara.

Umuyobozi ushinzwe Ubucuruzi n'Ishoramari muri Minisiteri y'Ubucuruzi n'Inganda, Hategekimana Ntawebasa Doreen, yavuze ko iri koranabuhanga rizafasha no gukomeza ubuhahirane n'imikoranire hagati y'ibihugu byo muri Comesa.

Mu myaka 50 ishize, Ikigo cy'Ubwishingizi cya SONARWA General Insurance Company Ltd, kimaze kuba kuba umufatanyabikorwa wizewe no kuba indashyikirwa mu mitangire ya serivisi.

Comesa ni Umuryango w'Isoko Rusange ry'Ibihugu bya Afurika y'Iburasirazuba n'Amajyepfo watangiye mu 1994 gusa u Rwanda rwawugiyemo mu 2004.

Ibihugu biwurimo ni u Burundi, u Rwanda, Comores, Repubulika Iharanira Demokarasi ya Congo, Djibouti, Misiri, Eritrea, Ethiopia, Kenya, Libya, Madagascar, Malawi, Ibirwa bya Maurice, Seychelles, Sudani, Eswatini, Uganda, Zambia na Zimbabwe.

Abayobozi batandukanye bitabiriye igikorwa cyo kumurika iri koranabuhanga

Abitabiriye iki gikorwa bari bishimiye ikoranabuhanga rigiye kubafasha mu kugenzura ko ubwishingizi bw’ibinyabiziga byujuje ubuziranenge

Umuyobozi Mukuru wa Sonarwa General Insurance, Kamanzi Charlotte, yavuze ko uburyo bushya bw'ikoranabuhanga bwafunguwe bugiye kujya bwifashishwa mu kumenya neza y'uko imodoka zaje mu Rwanda zifite ubwishingizi bwujuje ubuziranenge

Urugwiro rwari rwose hagati y’abayobozi bitabiriye iki gikorwa

Ibi yabigarutseho kuri uyu wa 31 Nyakanga 2025, mu gikorwa cyo gusoza amahugurwa y'ibanze ku banyeshuri 115 mu Ishuri Rikuru rya Polisi mu Karere ka Musanze (National Police College).

Uyu muhango witabiriwe n'abayobozi batandukanye baturutse mu nzego zirimo izishinzwe umutekano. Aya mahugurwa yari amaze amezi atandatu, aho yitabiriwe n'abagenzacyaha ba RIB 50, abapolisi 54, abasirikare batanu, abashinzwe Igorora batanu n'abashinzwe umutekano n'iperereza batanu.

Minisitiri Ugirashebuja wari Umushyitsi Mukuru muri uyu muhango, yakiriye indahiro z'abagenzacyaha 35 mu barangije amahugurwa kugira ngo bashobore gutangira imirimo yabo nk'abagenzacyaha b'umwuga nk'uko biteganywa n'ingingo ya 8 y'Iteka rya Perezida No. 093/01/08/2019 rishyiraho sitati yihariye igenga abakozi b'Urwego rw'Igihugu rw'Ubugenzacyaha (RIB).

Mu ijambo yagejeje kuri aba bashinzwe umutekano basoje amahugurwa, yababwiye ko uko ibihe bigenda bihinduka ari nako ibyaha bigenda byiyongera kandi bihindura isura.

Yagize ati “Nk'uko mubizi rero igihe turimo biragaragara ko ibyaha byateye bihinduye isura, cyane ko hari ibyo twari tumenyereye by'ubujura, gukomeretsa, gusambanya abana, gucuruza ibiyobyabwenge ariko ibyo byose twari tumaze kumenya uburyo ibyo byaha bigenzwa ndetse n'uburyo dushobora kubikumira.'

Yakomeje ati “Biragoye kugenza ibyaha by'ubwenge bukorano (Artificial Intelligence) kubera ko bisaba ubundi buhanga kandi ndizera ko ibyo mwagiye mwiga bizabafasha. Ariko ndabasaba ko mukwiriye gukomeza mwiyungura ubumenyi mu ikoranabuhanga kubera ko ririhuta nta mwanya rifite wo gutegereza abatihugura.'

'Impinduka rero nk'izi zikwiye kujyana n'ingamba nyazo zo gukumira ndetse no gutahura abo bakora ibyo byaha, bikaba bizasaba abagenzacyaha bafite ubwo bumenyi bwo gukoresha ibimenyetso bya gihanga kuko ari bwo buryo buzadufasha gutanga ubutabera bushingiye k'ukuri.'

Umuyobozi w'Ishuri Rikuru rya Polisi, Commissioner of Police (CP) Rafiki Mujiji yashimiye abasoje aya mahugurwa ndetse anabasaba kuzarangwa n'ubunyamwuga.

Ati “Muzahorane ubunyangamugayo mu kazi kanyu, gukunda igihugu, umutima w'ubwitange mu byo mukora, gukunda no gukoresha ukuri muri byose, gukora umurimo unoze ndetse n'ibindi kandi turabasaba kubizirikana kubera ko mutabikoze uko aya mezi atandatu mumaze aha yaba abaye imfabusa.'

Umwe mu barangije amahugurwa, Emmy Kamanzi, yavuze ko amasomo basoje agiye kubafasha gukora akazi kabo neza.

Ati “Agiye kudufasha mu kazi kacu ka buri munsi mu gukora kinyamwuga nk'abagenzacyaha dukora dosiye zifite ireme dore ko twize ko iyo ikoze neza, ari uburyo bwiza bwo kurinda ibyaha. Kugira imyitwarire ikwiriye, turangwa n'ubunyangamugayo ndetse no kudatwarwa n'amarangamutima igihe turi mu kazi tugakora icyo amategeko ateganya, ibyo byose batwigishije ko dukwiriye kubikora dushyira umuturage ku isonga.'

Ni ku nshuro ya munani Urwego rw'Igihugu rw'Ubugenzacyaha ruteguye amahugurwa y'ibanze y'ubugenzacyaha agenewe abinjiye mu mwuga w'ubugenzacyaha.

Minisitiri w'Ubutabera akaba n'Intumwa Nkuru ya Leta, Dr. Ugirashebuja Emmanuel, yasabye abagenzacyaha bashya basoje amahugurwa gukomeza kurwanya ibyaha by'ikoranabuhanga

Minisitiri Ugirashebuja yakiriye indahiro z'abagenzacyaha 35 mu barangije amahugurwa

Abagenzacyaha bashya basabwe kujya barushaho kwihugura mu kazi kabo ka buri munsi

Abitabiriye uyu muhango ubwo bari bakurikiye impanuro zatanzwe

Abitabiriye uyu muhango ubwo bari bakurikiye impanuro zatanzwe

Irembo yatanze ihene 70, aho buri muryango washyikirijwe ihene ebyiri. Iyi miryango yorojwe aya matungo mu buryo bwo kuyishyigikira mu rugendo rwo kwiteza imbere.

Umuyobozi Mukuru wa Irembo ushinzwe gutanga serivisi no kuzigeza ku bakiliya, Liliose Nyinawinkindi, yagize ati 'Muri Irembo, twizerera mu gutera inkunga imiryango yanyuze muri byinshi. Gufatanya na Our Past Initiative mu guha iyi miryango ihene ni uburyo bwacu bwo gufasha sosiyete mu rugendo rwo kwihaza. Twishimiye kuba umwe mu bagize uruhare mu gikorwa nk'iki cy'ingenzi.'

Umuyobozi wa Our Past Innitiative Christian Intwari, yavuze ko 'Ubu bufatanye na Irembo buzadufasha kwagura ibikorwa byacu tunakomeze kugeza impinduka mu buzima bw'abaciye mu bihe bitoroshye, koroza iyi miryango aya matungo turizera ko ubuzima bwabo buzarushaho kuba bwiza.'

Umuyobozi wa Our Past Innitiative Christian Intwari, yavuze ko ubufasha bahaye iyi miryango bizeye ko buzayihindurira ubuzima

Umuyobozi Mukuru ushinzwe gutanga serivisi no kuzigeza ku bakiliya muri Irembo, Liliose Nyinawinkindi yavuze ko iyi miryango yanyuze muri byinshi bityo yari ikwiye ubufasha

Intego y'ibanze y'ubu bufatanye ni ukurushaho kunoza no koroshya gahunda yo gutanga amaraso, bukaba bwitezweho gufasha byihuse abantu bifuza gutanga amaraso no korohereza abakeneye kuyabona.

Ubu bufatanye bwatangajwe ku wa Gatanu ku ya 03 Gicurasi 2024, aho bamwe mu bakozi ba Irembo bahise banatanga amaraso ku bushake.

Hagaragajwe ko iyi gahunda izafasha abifuza gutanga umusanzu mu gushyigikira urwego rw'ubuvuzi mu Rwanda nta kiguzi bibasabye, binyuze mu gutanga amaraso, kandi banatabare ubuzima bwa benshi baba bakeneye amaraso.

Ikigo cy'igihugu cy'Ubuzima, RBC, gisanzwe gitanga umusanzu ukomeye muri iyi gahunda aho kireberera ibikorwa byose byo gutanga amaraso birimo kuyakusanya, kuyapima ndetse no kuyageza mu bitaro binyuranye mu gihugu.

Hamwe n'ubunararibonye, ibikoresho bigezweho n'ikoranabuhanga, RBC yita ku mutekano n'ubuziranenge bw'amaraso aba yatanzwe binyuze mu kuyakorera isuzuma kandi bigakorwa hagendewe ku bipimo byashyizweho.

Ubu bufatanye bwa RBC na Irembo buzatuma ubutumwa bwo gushishikariza abantu gutanga amaraso bugera kure hashoboka kandi bukazatuma hatabaho ibibazo by'ibura ryayo mu gihe akenewe byihutirwa.

Irembo na RBC mu bufatanye bugamije gushyigikira gahunda yo gutanga amaraso

Bamwe mu bakozi ba Irembo bahise batanga amaraso

Gutanga amaraso ni igikorwa gifasha abayakeneye

Bamwe mu bakozi ba Irembo bahise bitabira igikorwa cyo gutanga amaraso

Ni icyemezo cyafashwe ku bufatanye n'Ibiro by'Ubushinjacyaha Bukuru bw'Igihugu na Minisiteri y'Ububanyi n'Amahanga.

Ubu gusaba icyo cyemezo ukoresheje urwandiko rw'inzira (PASIPORO) byakuweho. Abanyarwanda n'abanyamahanga basaba iyi serivisi, bagomba kuba bafite indangamuntu z'u Rwanda.

Abasaba iyi serivisi baba mu mahanga, badafite indangamuntu z'u Rwanda, bazajya begera ibiro bya ambasade y'u Rwanda ibegereye, kugira ngo bahabwe ubufasha.

Muri ubu buryo bushya bwo gusaba icyemezo cy'uko umuntu yakatiwe cyangwa atakatiwe n'inkiko, Umunyarwanda ugisaba asabwa kuba afite indangamuntu yo mu Rwanda. Umunyamahanga we asabwa kuba afite indangamuntu y'abanyamahanga baba mu Rwanda.

Ikigo Irembo gisobanura ko intego yacyo ari ugukomeza kunoza serivisi za leta zitangirwa ku rubuga IremboGov n'ubufatanye n'inzego za Leta, hagamijwe gufasha abaturage kubonera serivisi ku gihe.

Izi mpinduka zigaragaza umuhate wa Irembo wo kunoza serivisi no gukorana n'inzego za Leta mu gusubiza ibyifuzo by'abasabira serivisi za Leta ku rubuga IremboGov.

Ikigo Irembo irizeza abakoresha ububuga IremboGov ko ikoranabuhanga cyifashisha n'ubufatanye bagirana n'izindi nzego, bizabafasha gutanga ubufasha, hatabayeho imbogamizi y'aho buri muturage atuye.

Kugeza ubu ku rubuga IremboGov habarizwa serivisi zirenga 100 zihatangirwa ndetse zikomeje kwiyongera umunsi ku wundi.

Ibi babisobanuriwe mu bukangurambaga bwa 'Byikorere' bukorwa n'abakozi ba Irembo, bugamije guhugura no kwegereza abaturage serivisi za Leta zisabirwa ku ikoranabuhanga, bakazibona batagombeye ubundi bufasha ahubwo babyikoreye.

Ubu bukangurambaga bwa Byikorere bwatangijwe n'ikigo cya Irembo mu 2023, kuri iyi nshuro bwasubukuriwe mu Karere ka Kamonyi ho mu Ntara y'Amajyepfo, mu gikorwa cyamaze iminsi itatu, abakozi b'iki kigo basobanurira abaturage bo mu mirenge itandukanye igize aka karere uburyo bwo kwisabira serivisi za Leta babyikoreye.

Muri iki gikorwa, itsinda ry'abakozi ba Irembo ryagiranye ibiganiro n'ibyiciro bitandukanye byaba iby'ubuyobozi bw'Akarere n'abaturage, ibiganiro byagarutse ku ngamba za Irembo zo guteza imbere ubukangurambaga bwa Byikorere no kunoza gahunda yo guteza imbere itangwa rya serivisi.

Ni ubukangurambaga bwibanze ku bufatanye bw'abayobozi b'inzego z'ibanze ndetse n'abakorerabushake hagamijwe gusabana n'abaturage, bakagaragaza imbogamizi bahura na zo iyo bakeneye kubona serivisi ubundi zigashakirwa umuti.

Binyuze mu nteko z'abaturage zabereye mu mu mirenge ya Rugalika na Musambira, abaturage beretswe uko bakwisabira serivisi banyuze ku rubuga www.irembo.gov.rw cyangwa se kuri kode ya USSD, *909#

Iri tsinda rya Irembo kandi ryasuye abarema isoko rya Bishenyi ryo mu Murenge wa Runda mu Karere ka Kamonyi, bifashishijwe indangururamajwi z'iri soko, abagera kuri 500 bayikurikira umunsi ku wundi na bo babwirwa uko kubona serivisi za leta ziri ku ikoranabuhanga bidasabye ubufasha.

Uretse kuganira ku bijyanye n'uko babona serivisi za leta babyikoreye, Irembo yaganirije abaturage kuri gahunda ya NTUYARENZE, igamije kwereka abasaba serivisi zishyurwa, ibiciro ntarengwa ndetse no guhangana na ba rusahuriramunduru.

Irembo yanasuye Umurenge wa Runda, abakozi bayo baboneraho kwigisha urubyiruko uburyo bakwisabira serivisi za leta banyuze ku mbuga z'iki kigo, gahunda yari igamije guha urubyiruko ubumenyi busabwa rukajya rwisabira serivisi aho kujya gushaka abandi bazibaha, ibintu bisaba amafaranga yarakwiye gukoreshwa mu zindi gahunda.

Ku munsi mpuzamahanga w'abagore, itsinda rya Irembo ryakoranye n'abagore bo mu Murenge wa Musambira na none muri gahunda yo kubereka uko babyikorera, bakabona serivisi za leta bifuza, intego yari ukubafasha kubona serivisi za Mituweli, hifashishijwe uburyo bwa kode ya USSD (*909#). Iyi gahunda yafashije abagore kumenya uburyo bwo kwishakira ibisubizo muri serivisi z'ubuvuzi.

Mu murenge wa Mugina mu karere ka Kamonyi, iyi gahunda yageze ku ntego yayo, aho abaturage basaga 1000 bahuguwe ku buryo bwo kugera kuri serivisi za Leta, bakoresheje USSD na murandasi

Urubyiruko rwo mu Murenge rwa Mugina rwabonye amahirwe yo kwiga uburyo bwo gusaba serivisi zitandukanye zirimo kwiyandikisha mu kizamini cyo gutwara ibinyabiziga no gusaba uruhushya rwo gutwara ibinyabiziga.

Irembo igagaza ko Byikorere ikomeje gahunda yayo yo kongerera abaturage ubushobozi no kunoza imitangire ya serivisi mu karere ka Kamonyi n'ahandi.

Ikigo Irembo gikomeje kwifashishwa cyane n'abaturage bashaka serivisi za leta cyane ko kugeza ubu ku rubuga IremboGov habarizwa serivisi zirenga 100 kandi abaturage bashobora kuzibona hishishijwe ikoranabuhanga.

Ubu bukangurambaga bwari bugamije gushishikariza abaturage kujya bisabira serivisi ku Irembo

Ni ubukangurambaga bwabereye mu mirenge itandukanye yo muri Kamonyi

Abaturage berekwaga uko bakoresha telefone zabo bakisabira serivisi

Abakozi ba Irembo bifashishije Radiyo y’isoko rya Bishenyi batanga ubutumwa bwa Byikorere ku baturage barirema

Aya mahugurwa yasojwe kuri uyu wa 20 Gashyantare 2024, ari mu murongo wa Irembo wo gutanga amahugurwa kuri aba bantu bafasha Abanyarwanda kubona serivisi zinoze kandi vuba.

Ni amahugurwa y'iminsi itatu yatanzwe ku bufatanye n'Ikigo gitanga amahugurwa binyuze muri gahunda zitandukanye cya Africa Management Institute, AMI.

Yibanze ku ngingo zitandukanye zirimo guteza imbere ubucuruzi, kwiha intego ziganisha ku ntsinzi, gusobanukirwa ibijyanye n'isoko, kwiha icyerekezo n'intego bihamye, kwiga neza umwuga bashaka kwinjiramo n'ibindi biganisha ku iterambere ryabo.

Umuyobozi Mukuru muri Irembo ushinzwe gutanga serivisi no kuzigeza ku bakiliya, Liliose Nyinawinkindi, yavuze ko batekereza aya mahugurwa bari bagamije kunoza itangwa rya serivisi zihabwa abaturage, ariko bikajyana no guteza imbere imishinga yabo.

Ati 'Twashakaga kumenya ko bafite buri kimwe cyose kibafasha kwinjira neza mu ntego yacu yo gufasha abaturage kubona serivisi za leta zitangirwa ku ikoranabuhanga ndetse babyikoreye.'

Umuyobozi Mukuru Ushinzwe ibijyanye na gahunda muri AMI, Paul Kato, yavuze ko biyemeje gukomeza umuco wo gufasha abantu guhora biga cyane ko ari byo bituma umuntu cyangwa ikigo runaka gitera imbere.

Ati 'Ubufatanye bwacu na Irembo buri mu murongo w'intego twihaye wo gufasha ibigo byo muri Afurika gukura, ariko iryo terambere bakarikesha ubumenyi tuba twabahaye.'

Ibi bishimangirwa n'Umuyobozi w'Ikigo gitanga serivisi z'ikoranabuhanga gikorera mu Karere ka Nyagatare cya Techlegendz Cassien Niyonzima, wavuze ko amasomo yahawe ari ingenzi ku bijyanye n'ubumenyi bwo gushyira ku murongo ibyo ateganya gukora no kugera ku ntego ze.

Niyonzima usanzwe ari umwajenti wa Irembo ati 'Ndashishikariza bagenzi banjye kwitabira aya mahugurwa kuko ni ingenzi. Ibi bijyanye n'uko benshi batangira ubucuruzi runaka ariko ugasanga nta cyerekezo gihamye bafite.'

Irembo ikomeje gufasha abaturage kubona serivisi hifashishijwe ikoranabuhanga kuko mu kwezi gushize, Minisitiri w'Ubutegetsi bw'Igihugu Jean Claude Musabyimana, yatangaje ko ubu serivisi za leta zigera kuri 682 abaturage bashobora kuzibona hishishijwe ikoranabuhanga.

Kugeza ubu abagera kuri 40% basaba serivisi za leta bifashishije Irembo, ndetse minisiteri zitandukanye ziri gukorana n'uru rubuga rw'ikoranabuhanga mu kongera abajenti bafasha abaturage kubona serivisi bataje ku biro, aho uyu munsi bagera ku 5000.

Mu gukomeza guhangana n'ibyuho bituma abaturage batabona serivisi za leta neza, vuba ndetse badahenzwe, Irembo yatangije gahunda yiswe Ntuyarenze, igamije kwereka abaturage ibiciro bitangwa kuri serivisi zishyurirwa, hirindwa ko bahendwa.

Abahagarariye Irembo bahawe amasomo abafasha no guteza imbere ubucuruzi bwabo

Abahagarariye Irembo mu bice bitandukanye by’igihugu basoje amasomo abafasha gukora akazi kabo neza ndetse bahabwa impamyabushobozi

Abahagarariye Irembo mu bice bitandukamye by’igihugu bamaze iminsi itatu mu mahugurwa abafasha gukora akazi kabo neza

Umuyobozi Mukuru muri Irembo ushinzwe gutanga serivisi no kuzigeza ku bakiliya, Liliose Nyinawinkindi, yavuze ko bateguye amahugurwa ku ba bakozi babahagarariye mu gihugu ku bwo kubafasha guteza imbere n’ubucuruzi bwabo

Umuyobozi Mukuru Ushinzwe ibijyanye na gahunda muri AMI, Paul Kato aganira n’abahagariye Irembo mu bice bitandukanye by’igihugu

Umuyobozi muri Irembo, Nyinawinkindi Liliose (ubanza iburyo) ndetse n’Umuyobozi muri AMI, Paul Kato bari kumwe n’uwasoje mahugurwa ku bijyanye no gutanga serivisi za leta

Ibi yabigarutseho ubwo yari mu nama nyunguranabitekerezo n'abarimu bo mu mashuri y'uburezi bw'ibanze yibanda ku myigire n'imyigishirize, kuri uyu wa 31 Nyakanga 2025.

Minisitiri Nsengimana ubwo yagarukaga ku barimu bifashisha akanyafu mu gucyebura abanyeshuri, yavuze ko ubwo buryo atari cyo gisubizo gikwiye, yibutsa abafite iyo myumvire kongera kwitekerezaho.

Ati 'Akanyafu ntabwo ari cyo gisubizo, ntabwo umwarimu agomba guhora ahondagura. Nonese twese tujye twitwaza akanyafu umuntu wese agenda akubita uwo ahuye na we utakoze ibyo yagombaga gukora? Igihugu kizaba icy'iminyafu.'

Yakomeje avuga ko hakwiriye kurebwa uburyo bwo gukemura ibibazo bitanyuze mu gukoresha inkoni ndetse agaragaza ko buhari.

Ati 'Ibyo gutekereza ko ibintu byose bigomba kunyuzwa mu tunyafu ntabwo bishoboka kuko ntabwo ari ibintu umuntu yakubakiraho.'

Minisitiri Nsengimana kandi yanagarutse ku myitwarire y'abarimu muri iyi minsi, akebura abafite imyitwarire idahwitse, abasaba kuyihinduka kugira ngo baheshe agaciro umwuga w'ubwarimu wubahwa na buri wese.

Yavuze ko iyo umwarimu yitwaye nk'umubyeyi cyangwa umurezi wa nyawe abyubahirwa, agaragaza ko n'Igihugu na cyo cyumvise akamaro ka mwarimu kigashyira n'imbaraga mu guteza imbere uwo mwuga.

Ati 'Abarimu bari bakwiye gushyiramo akabo bagakora igituma uyu mwuga urushaho guhabwa agaciro. Mwarimu abantu bubahaga bagatinya ntabwo wasangaga ari uw'ifata nabi, uburyo yifata ni cyo cyatumaga uvuga ngo ni mwarimu.'

Minisitiri Nsengiyumva yavuze kandi ko nubwo hari abarimu babyubahiriza, hari n'abandi batabikora ahubwo ugasanga ibyo bakora bisubiza inyuma umwuga, abasaba ubwabo kwiha agaciro no gukeburana hagati yabo.

Mu Rwanda hari abarimu barenga 120.000. Muri abo, abigisha mu mashuri y'ubumenyi rusange bagera ku 107.741 naho 18.106 bigisha muri TVET.

Muri rusange abigisha mu mashuri y'inshuke ni 9.252 harimo abagore 7.238 n'abagabo 2.014, mu mashuri abanza ni 64.110 aho abagore ari 37.111 abagabo ari 26.999 mu gihe mu mashuri yisumbuye bose hamwe ari 34.379 harimo abagore 12.924 mu gihe abagabo ari 21.455.

Minisitiri Nsengimana yavuze ko guhanisha inkoni atari byo bikosora umwana

Mu bisanzwe iyo hapimwaga ko umuntu afite umubyibuho ukabije, harebwaga ku bilo n'uburebure umuntu afite ibizwi nka 'BMI'

Iryo tsinda ry'abaganga ryagaragaje ko ibyo bidahagije kugira ngo hemezwe ko umuntu afite umubyibuho ukabije uteje ikibazo.

Bavuze ko upima akwiriye kujya anita ku ngano y'ibinure umuntu afite ku nda n'ikibuno, bikajyana no kureba niba hari ibimenyetso bigaragaza ko hari ingingo z'umubiri zatangiye kugira ikibazo bitewe no kugira ibinure byinshi mu mubiri cyangwa kugira imbogamizi ku mikorere y'umubiri.

Bagaragaje ko mu gihe hagaragaye ko uwo mubyibuho watangiye guteza ibibazo zimwe mu ngingo z'umubiri, bikwiye kwitwa 'clinical obesity', basanga nta byo, bikitwa 'preclinical obesity,' bivuze ko umuntu afite ibyago by'ubuzima ariko nta ndwara iraboneka.

Iyi nyito nshya yemejwe n'ibigo byita ku buzima bigera kuri 75, icyakora abantu bayivugaho cyane, bamwe bavuga ko abari mu cyiciro cya 'preclinical' bashobora guhura n'ibibazo byo kudahabwa ubuvuzi bakeneye.

Abahanga mu by'ubuvuzi bagaragaza ko abo batabonyweho ibibazo batewe n'umubyibuho bagomba gukurikiranwa nk'abafite ibyago byo kugira ingaruka ku buzima, mu gihe ababibonyweho batangira kwitabwaho ari na bo bavugwa ko bafite umubyibuho ukabije.

Byakomotse ku bushakashatsi bwakorewe mu bihugu 56 biri mu nzira y'amajyambere harimo n'u Rwanda, bukamurikwa muri PLOS Global Public Health ku wa 24 Nyakanga 2025.

Bwerekanye ko gukoresha inyito ya 'clinical obesity' bizagabanya umubare w'abafatwaga nk'abafite umubyibuho ukabije kugeza ku kigero cya 50%.

Aba bashakashatsi bagaragaza ko ari ingenzi gusobanura byimbitse icyo umubyibuho ukabije ari cyo kugira ngo amakuru babonye ahuzwe n'ibibazo bishobora kugera ku muntu, aho kugendera ku ngano y'ibilo n'uburebure gusa.

Bagaragaza ko izi nyito nshya zizafasha mu kugaragaza abantu bakeneye ubufasha kurusha abandi.

Ni ubushakashatsi bwifashishije amakuru y'abarenga ibihumbi 142 bo muri Afurika, Aziya, Amerika, u Burayi n'ahandi.

Hitawe ku kureba ibilo umuntu afite, uburebure, umuzenguruko w'inda, umuvuduko w'amaraso, isukari umuntu afite mu mubiri n'ibindi byinshi.

Rodrigo M. Carrillo-Larco wo muri Emory University yo muri Leta ya Georgia wayoboye ubushakashatsi yavuze ko bahisemo gukora ubushakashatsi kuko abantu bari bakeneye kumva ibintu kimwe ku bijyanye n'icyitwa umubyibuho ukabije, uburyo bwo gutangira imiti n'ibindi.

Mu byabonywe ni uko hagaragaye ko umubyibuho ukabije mu bagabo ku rwego rw'igihugu wari uri hagati ya 1% mu bihugu nk'u Rwanda, Timor-Leste, Malawi, Ethiopia, Eritrea, na Cambodia kugeza kuri 29% mu bihugu nka Samoa, Ibirwa bya Cook na Tokelau.

Ni mu gihe ku bagore umubyibuho ukabije wari munsi ya 1% mu bihugu bya Vietnam, Timor-Leste, u Rwanda, Ethiopia, Eritrea, na Cambodia, kugeza kuri rugero rwa 28% mu bihugu birimo Samoa na Tuvalu.

Mu bagabo byagaragaye ko abarenga 10% bo mu bihugu 41 birimo 18 bya Afurika bafite umubyibuho ukabije utuma ingingo z'umubiri zidakora (clinical obesity) mu gihe 10% by'abagore bo mu bihugu 30 birimo 14 bya Afurika na bo bafite bene uwo mubyibuho.

Ahagaragaye impinduka zikomeye mu bijyanye n'umubyibuho ukabije hashingiwe ku nyito nshya, ni muri Malawi. Hashingiwe ku bipimo bya BMI wari kuri 0,7% mu gihe hashingiwe ku bipimo bishyam wageze 0,2% ibingana n'igabanyuka rya 67,7%.

Mu bagore bafite umubyibuho ukabije uteje ikibazo, u Rwanda rwagaragaje impinduka Rwanda biva kuri 2,7% ushingiye ku bipimo bya BMI, bigera kuri 1,3% ushingiye ku nyito nshya ya 'clinical obesity' ibingana n'igabanyuka rya 52,4%.

Inyito nshya y'umubyibuho yatumye umubare w’abawufite bagabanyukaho 50% mu Rwanda n’ahandi