Category: Uncategorized

Amakuru y'igura rya Gitifu w'Umurenge wa Nkomane, Ntagozera Ngarambe Emmanuel yatangiye gucicikana ku mbuga nkoranyambaga ku wa 8 Nzeri 2025.

Mu kiganiro Meya Niyomwungeri yagiranye na IGIHE mu gitondo cyo ku wa 10 Nzeri, yavuze ko ibaruwa yo kwegura kwe yageze ku buyobozi bw'Akarere ku wa 1 Nzeri 2025, ariko ko ubwegure bwe kugeza ubu butaremezwa kuko 'ntabwo akarere karamusubiza.'

Meya Niyomwungeri, yakomeje avuga ko ibyavuzwe ku mbuga nkoranyambaga ko yaba yari afitanye imibanire itari myiza n'inzego zimukuriye atari yo kuko yari umukozi usanzwe mu kazi ke.

Ati 'Nta myitwarire idahwitse yamurangaga.'

Hari amakuru avuga ko uyu muyobozi yaba yarasezeye ku kazi ke ari muri Leta Zunze Ubumwe z'Amerika, gusa ubuyobozi bw'Akarere ka Nyamagabe buvuga ko ntacyo bubiziho.

Ibi bibaye mu gihe ku wa 15 Nyakanga uyu mwaka, hari abayobozi babiri b'amashami y'imirimo bari bahagaritswe ku kazi by'agateganyo, undi arasezera, ndetse bikavugwa ko hari n'abandi banyamabanga nshingwabikorwa b'imirenge bari bihanangirijwe ndetse bakanandika amabaruwa yo gusaba imbabazi ku makosa bashinjwaga. Icyo gihe n'uyu w'Umurenge wa Nkomane yari arimo.

Uyu muyobozi yari amaze igihe kigera ku myaka ine mu murenge, aho yehereye mu Murenge wa Uwinkingi, nyuma yimurirwa muri Nkomane.

Ntagozera Ngarambe Emmanuel aherutse kwandika ibaruwa ko yeguye ku buyobozi bw’Umurenge wa Nkomane, ariko akarere ntikaramusubiza

Lt Gen Kabandana yavutse mu 1968. Yari mu ngabo zarwanye urugamba rwo kubohora igihugu kuva mu 1990 zinahagarika Jenoside yakorewe Abatutsi mu 1994.

Gen (Rtd) Fred Ibingira babanye mu gisirikare ubwo yari mu mugoroba wo kwizihiza ubuzima bwa Lt Gen Kabandana ku wa 9 Nzeri 2025, yavuze ko abenshi bagiye mu gisirikare bakiri bato byari umuhamagaro wo gushakira Abanyarwanda amahoro no kuba mu gihugu bose bibonamo.

Yibukije ko bamwe mu bari ku rugamba bapfuye abandi barakomereka bagira ubumuga bwa burundu, abandi barakomereka byoroheje abandi barakira ariko 'icyo twari tugendereye baba abatabarutse, baba abakomeretse burundu, baba ibyo byiciro bindi mvuze cyari iki gihugu kandi cyarabonetse…ibyo yagombaga gukora mu buto bwe byose yarabikoze.'

Gen (Rtd) Ibingira yavuze ko mu myaka 35 yabanye na Lt Gen Kabandana, ari umwe mu bantu barashwe kenshi ariko agasimbuka urupfu.

Ati 'Kabandana ari mu barashwe kenshi. Urupfu rero aho rubera imbwa, …ntabwo rwakabaye rufata Kabandana Umugaba Mukuru w'Ingabo ari hano afite ingabo ayoboye izo ngabo zakabaye zigabwa zigahangana n'urupfu ntirutware Kabandana ariko imbwa irakwiba ukayoberwa uko yakwibye.'

Lt Gen Kabandana yarokotse impfu nyinshi…

Gen (Rtd) Ibingira yavuze ko ku wa 21 na 22 Ukuboza mu 1990 Kabandana yakomerekeye ahitwa Nkanda, ubu habarizwa mu Murenge wa Kiyombe ubwo umwanzi yabagerahago hagati ya saa Kumi n'Ebyiri na saa Moya bari hagati y'imisozi ibiri kubera umunaniro n'inzara bakanguka babona umwanzi ari kubarasa.

Mu nzira yo guhunga baca muri iyo mikoki Lt Gen Kabandana yarakomeretse bwa mbere ariko ntiyatinda gukira.

Ati 'Icyo nenda kubabwira ko rero umuntu apfira umunsi we, uwo munsi Kabandana yagombaga gupfa. Kandi abahaguye bari benshi ariko Kabandana yarakomeretse bisanzwe arakira.”

Yasobanuye ko mu 1991 Ingabo za RPA zirasa mu Ruhengeri, Cyanika na Muremure hose Lt Gen Kabandana yaharwanye ari umusirikare muto ariko 'ufite imbaraga nyinshi.'

Muri Gicurasi 1991 umuyobozi w'urugamba yahaye imbunda za machine gun 10 abasirikare bari muri batayo ya Bravo na Mike, kandi zagombaga gufatwa n'umusirikare ufite imbaraga kandi utagira ubwoba. Icyo gihe Kabandana yabaye umwe mu bahawe machine gun.

Izo batayo zombi zagombaga kuva mu birunga zikajya gufunga umuhanda wa Rusumo.

Ati 'Aho ni ho namenyeye Kabandana neza rero. Tubaha imbunda nimugoroba, zipfunyitse mu mashashi zigifite amavuta bazisiga, byasabaga abazihawe kugira ngo bagende bazoze bazitunganye ibashe gukora akazi neza. Kabandana amanukana iyo mbunda kuko njye nari umuyobozi abasirikare bandinda hari aho baba bateguye ndaba, abamanukiramo, umwe mu basirikare aramufata ati wowe uraca aha nka nde? Afata ba basirikare [kandi bitwaga ko ari bo bakomeye] arabakubita barahahamuka bariruka.'

Gen (Rtd) Ibingira yavuze ko bakoranye imyaka 35

Umwe mu bari abarinzi ba Ibingira yagiye kumureba amubwira ko hari umusirikare wasaze akabakubita bose.

Mu gitondo Gen Rtd Ibingira ngo yabajije abasirikare uwaba yakubise abarinzi be, Kabandana ahita abyemera ndetse aravuga ati 'bagukunda kuturusha? Bagiye kugira ndabakubita'

Yahamije ko ipeti rya mbere rya Caporal Kabandana yariherewe aho. Mu rugendo rugana ku muri pariki [Iburasirazuba] ku wa 18 Gicurasi 1991, Batayo yari iyobowe na Rtd Gen Ibingira yari imbere, umuyobozi abasaba kuruhuka, Bravo yari inyuma ikarinda umutekano, ariko umwanzi anyura imbere agera ku basinziriye baryamye mu bihuru.

Ati 'Twakuwemo n'amasasu menshi, mu basirikare batoya barwanye bagatabara bagenzi babo Kabandana yari arimo. Uko yagasohotse mu gihuru….na machine gun ye atangira kurasa umwanzi nta n'umuyoboye, nta n'umubwiye ngo kora ibi n'ibi kubera iyo mbunda yabaga ifite imbaraga nyinshi bituma abenshi basohoka mu bihuru turisuganya turasa umwanzi. Ndibuka kuri iyo tariki ni bwo Gen Musemakweri yarashwe n'abandi benshi bararaswa.'

Umwanzi yari ahafite ingabo 900 zari zihanganye na batayo y'abantu 200 badafite ibikoresho, bahangana n'ingabo za Leta.

Ku wa 21 Gicurasi Gen Ibingira yarakomeretse ajya kuvurizwa hanze, asubira ku rugamba nyuma y'umwaka n'igice yongera kubana na Kabandana muri batayo imwe.

Icyo gihe Kabandana yari yungirije ushinzwe ibikorwa bya politiki mu mutwe w'ingabo babarizwagamo, akabifatanya no kurwana urugamba.

Ati 'Mu 1994 mu rugamba rwo kubohora igihugu cyacu no guhagarika Jenoside yakorewe Abatutsi Kabandana turi kumwe guhera mu Mutara kuzagera i Butare. Ni umwe mu bantu bajya baboneka kuri izi mbuga nkoranyambaga i Karubamba ateruye umwana w'uruhinja warokotse mu bantu biciwe muri iriya paruwasi.'

Yavuze ko Kabandana yarokotse urupfu rurokokwa na bake cyane mu gisirikare kuko mu 1994 bageze ku Ruhuha mu Bugesera, yerekeje ahari hari Gen Mubarakh Muganga, ajyanye n'imodoka ya Daihatsu agarukana abantu babarirwa muri 12 muri iyo modoka bari barokotse.

Mu muhanda Nemba-Nyanza wari utezemo mine ahantu hose, bagaruka imodoka yaturikanywe na mine abantu bose yari arokoye barapfa, we ashya wese ariko ntiyapfa.

Ati 'Izi ntambara zose Kabandana yarazirwanye abaho ejo bundi ajya kurwana n'ibyihebe mu mahanga, gutangayo umutekano ntiyapfa araza yicwa n'indwara.'

Yashimangiye ko Kabandana atazazima kuko asize abana, asize RDF, n'igihugu yarwaniriye akagishyira ku murongo.

Ati 'Njya numva bamwe mu Nterahamwe bavuga ngo ijuru rizatwakira. Niba ijuru rizakira ziriya Nterahamwe twebwe nitwe tuzaba aba mbere kwakirwa n'ijuru. Nta kuntu ijuru ryabaho ngo ntiryakire Kabandana watanze ubuto bwe, agatanga imbaraga ze, agakora adakorera umushahara, adakorera ibyubahiro, agakorera Abanyarwanda. Uwo muntu ukorera ibyo imyaka ine yamaze ku rugamba nta mushahara kandi abakozi b'Imana iyo ashinze itorero arishinga uyu munsi, mu gitondo abature bagatangira gutura kuko iyo badatuye iryo torero rirasenyuka ariko yamaze imyaka ine adahembwa, aba mu itorero ridahemba, ariko rihemba ukuri, ubuzima, ubugingo.'

'Muzi ko hari bagenzi bacu batatiriye iki gihango bakagira inda nini ariko ibihembo babonye barabizi, ntibazapfa babonye iki cyubahiro.'

Lt Col (Rtd) Naramabuye, akaba na Muramu wa Lt Gen Innocent Kabandana yashimiye ubuyobozi bw'igihugu bwakoze ibishoboka byose ngo bavuze Lt Gen Kabandana.

Ati 'Twabanye mu byiciro byinshi cyane, twabanye mu byiciro byo kwitegura gutabarira iki gihugu, tubana mu rugamba rwo kugitabarira na nyuma yaho turabana mu Majyepfo aho yari ashinzwe kugira inama urubyiruko n'abandi bose bitegura gukorera iki gihugu. Icyo gihe [abayobozi b'ingabo bo barabyibuka] bafashe icyemezo ko bamwe mu ngabo bajya gukomeza amashuri muri Kaminuza y'u Rwanda n'ahandi.'

Lt Col (Rtd) Naramabuye wigaga muri kaminuza y'u Rwanda yafatanyije na Lt Gen Kabandana kugira inama urubyiruko no guhumuriza abari bafite ubwoba bwo kuzaryozwa uruhare rwa benewabo muri Jenoside yakorewe Abatutsi.

Ati 'Utekereze izo mbaraga igihugu cyacu kuko abayobozi ni bo babaga bamutumye kujya kwigisha urukundo abantu bakoreye ubwicanyi abandi. Nkanamwibukira ku yandi masomo twafatanyaga guha urubyiruko rwari rucitse ku icumu rwigaga muri Kaminuza. Ntabwo nzi imbaraga aho zavaga ariko ngarutse ku byo twahoze tuganira nk'umuryango umuntu agizwe n'imbaraga z'ubwoko butatu. Hari imbaraga za Roho, imbaraga z'ubwenge n'imbaraga z'umubiri. Ibindi byose byubakwa biturutse kuri ubwo bwoko butatu bw'imbaraga.'

Yahamije ko Lt Gen Kabandaha yagendeye kuri izi mbaraga zirimo iza Roho n'iz'ubwegnge

Ati 'Ni zo zubaka ibikorwa byose umuntu akora, zari zubakiye ku rukundo nk'uko bakuru bacu batahwemaga kubidukangurira batubwira ko urukundo ari yo ntwaro ya mbere tugomba gukoresha nubwo tutarabona izindi ntwaro zinyuranye. Rurakora, babivuze bazahora babisubiramo, urukundo ni intwaro itaneshwa.'

Yashimangiye ko Lt Gen Kabandana yakoresheje iyo ntwaro yubaka urubyiruko “mu ngero nke nabahaye n'izindi nyinshi agera ku ntego, abera urugero abantu benshi cyane, kandi ntabwo dushidikanya ko Imana yamwicaje hafi yayo. Ntabwo ari amarangamutima, ibikorwa bye birivugira.”

Urubyiruko rwarazwe ibikorwa bya Lt Gen Kabandana…

Naramabuye yasabye urubyiruko gutera ikirenge mu cya Lt Gen Kabandana waranzwe n'urukundo, kwitanga n'ibindi byinshi.

Ati 'Icyo nakwisabira urubyiruko ni uko mwakurikiza urwo rugero rwiza mugakundana, mugakora imirimo ibahesha agaciro kandi ikagahesha n'abanyu. Iyi Si dutuyeho muragenda muyimenya, ni Isi ahanini itagendera ku rukundo, igendera ku nyungu gusa, igakora uko ishoboye abagerageza kubakira ibihugu byabo ku rukundo babaca intege. Ariko ntabwo tuzaneshwa na rimwe, twabayeho amateka mabi cyane ariko ubuyobozi bw'iki gihugu bwiza n'ingabo zireba kure bagaragaje ko mu gihe cyose tugendeye kuri izo mbaraga za roho, n'urukundo n'ubwenge Imana izaba hafi yacu ikaturinda ibyago byose ntiducike intege roro.'

Yagaragaje ko mu 1994 Kiliziya n'insengero z'ababatijwe ari zo nyinshi ariko muri izi znu ziswe iz'Imana hiciwe abantu benshi.

Ati 'Dushyire mu bikorwa inyigisho duhora twigisha nk'uko Lt Gen Kabandana yabitanzemo urugero kenshi. Yarwanye intambara nyinshi cyane, yahanganye n'ikibi, ntabwo yatinyaga ikibi, ntabwo yatinyaga kuvugisha ukuri, nubwo yaba abangamiye inyungu za bamwe yarababwiraga ati izi nyungu ntabwo ziramba…rubyiruko muri aha na bagenzi banyu, turabinginze nk'ababyeyi iyo ntambwe nimuyigenderaho ni bwo muzagaragaza ko mwakundaga kandi muzahora Mukunda Lt Gen Kabandana.'

Lt Gen Kabandanaa yakoze inshingano nyinshi mu ngabo z’u Rwamda

Abantu bo mu nzego zitandukanye bagiye kwizihiza ubuzima bwa Lt Gen Kabandana

Banki ya Kigali imaze igihe ari umuterankunga w'iki gikorwa, igaragaza ko byerekana ko icyerecyezo cy'u Rwanda cyo kurengera ibidukikije ndetse n'urusobe rw'ibinyabuzima bihura n'intego zayo.

Gutera inkunga uyu muhango biri mu murongo mugari wa Banki ya Kigali wo kubungabunga ibidukikije no kwifatanya mu iterambere ry'u Rwanda binyuze muri gahunda izwi nka Nanjye ni BK.

Banki ya Kigali kandi igira uruhare mu guteza imbere abaturage, gutera inkunga imishinga ibungabunga urusobe rw'ibinyabuzima, kubungabunga amashyamba no gutanga amahirwe y'iterambere ku miryango ituriye hafi ya Pariki y'Ibirunga.

Umuyobozi mukuru wa Banki ya Kigali, Dr. Diane Karusisi, yavuze ko bizera ko gufata neza ubutunzi bw'u Rwanda ari ukubungabunga no gutegura ahazaza heza harwo.

Ati 'Gushyigikira umuhango wa Kwita Izina byerekana uburyo turajwe ishinga no kurengera ibidukikije, guteza imbere abaturage no guharanira ishema ry'igihugu cyacu.'

Kuva umuhango wo Kwita Izina watangira mu 2005, abana b'ingagi 397, ni bo bamaze guhabwa amazina.

Kugeza uyu munsi kandi umubare w'ingagi wariyongereye uva kuri 880 wariho mu 2012, urenga 1063 ubu.

Banki ya Kigali imaze imyaka 69 iha serivisi z'imari abayigana. Ifite abakiliya barenga miliyoni iha serivisi mu buryo butandukanye bubafasha kwiteza imbere.

Imaze kwegukana ibihembo bitandukanye. Mu myaka ya 2021, 2024 na 2025 yagizwe banki yahize izindi mu Rwanda bihembo bizwi nka 'Euromoney Awards for Excellence'.

Ibi bihembo bihabwa banki n'ibigo by'imari ku Isi biba byarahize ibindi binyuze mu guhanga udushya mu mezi 12 aba ashize.

Global Finance Magazine iherutse gutangaza ko mu 2025 Banki ya Kigali yabaye banki yahize izindi mu Rwanda, biba ku nshuro ya gatanu.

Umuyobozi Mukuru wa Banki ya Kigali, Dr. Diane Karusisi, mu bitabiriye umuhango wo kwita abana b’ingagi amazina

Banki ya Kigali yishimira ko igikorwa cyo kwita abana b’ingagi amazina ukomeje gutera imbere babigizemo uruhare

Banki ya Kigali imaze igihe iri mu baterankunga bakomeye mu gikorwa cyo kwita abana b’ingagi amazina

Ni igikorwa kigamije gukusanya Ibiryabarezi byose bikiri mu bacuruzi hirya no hino mu gihugu, nyuma y'aho Minisiteri y'Ubucuruzi n'Inganda (MINICOM) ibihagaritse burundu mu mwaka wa 2022.

Umuyobozi Mukuru w'Uruganda Enviroserve Rwanda, Mbera Olivier, yavuze ko ibikoresho bigize izo mashini bitunganywa bikoherezwa mu nganda bigakorwamo ibindi bikoresho aho kubirekera mu baturage ngo byangize ibidukikije.

Ati 'Ibiryabarezi bikoresha amashanyarazi n'ikoranabuhanga, iyo tubikuye mu baturage rero turabishwanyaguza tugakuramo ibishobora kongera bigakoreshwa, n'ibifite ubumara bishobora kwangiza abaturage n'ibidukikije harimo nk'insinga, pulasitiki n'ibindi.'

Umukozi Ushinzwe gukurikirana Ibikorwa by'Imikino y'Amahirwe muri RDB, Jacques Habyarimana, yavuze ko Ibiryabarezi byatangiye gukusanywa mu baturage, byakoraga mu buryo bunyuranyije n'amategeko aho hamaze kubarurwa ibigera kuri 8.200 mu gihugu hose harimo ibigera ku 1.000 by'abantu bari barahawe impushya nyuma bakazikoresha mu buryo bunyuranyije n'amategeko.

Yagize ati 'Ni imashini (Ibiryabarezi) zakoraga mu buryo bunyuranyije n'amategeko zatangiye kuvanwa mu baturage mu gihugu hose. Ariko harimo iz'abantu bari barahawe impushya na Leta zo gukora ibikorwa by'imikino y'amahirwe nyuma izo mpushya bakazikoresha mu buryo bunyuranyije n'amategeko, ndetse n'abandi bihaye uburenganzira bwo kuzikoresha.'

Mu mezi abiri gusa Uruganda rwa Enviroserve Rwanda rutangiye ibi bikorwa, rumaze gukusanya Ibiryabarezi bigera ku 3.300 mu 7.200 bigomba gukusanywa mu gihugu hose, aho byatangiriye mu Mujyi wa Kigali, kuri ubu bikaba bigeze mu Ntara y'Iburasirazuba.

Ibikoresho bikoze izo mashini biratunganywa bigakoreshwa mu nganda

Ibiryabarezi byatangiye gukusanywa

Jacques Habyarimana, yavuze ko ibiryabarezi bimaze gukusanywa bigera ku 3.300

Insinga barazitunganya zigakoreshwa mu bindi bikoresho aho kwangiza ibidukikije

Umuyobozi Mukuru wa Enviroserve Rwanda, Mbera Olivier yavuze ko izo mashini zitunganywa zigakorwamo ibindi bikoresho

Iyi mpanuka yabereye mu Mudugudu wa Rwaramba, Akagari ka Bisumo, Umurenge wa Cyato ku wa 9 Nzeri 2025.

Saa tanu z'amanywa nibwo abakozi bakoteraga urukuta rwubatswe ku rugomero rwa Nyirahindwe I batunguwe no kubona ruhirimye bamwe bariruka bararucika abandi rurabagwira.

Urukuta rwaguye rwari rumaze ibyumweru bibiri rwubakwa. Uyu munsi hari abakozi bari munsi yarwo barukotera, abandi bari hejuru yarwo barundamo itaka.

Belyse Uwingabiye, ushinzwe abakozi b'Ikigo DNG Ltd kiri kubaka uru rugomero yabwiye IGIHE ko kuri uru rukuta bari bahapanze abakozi 50 barimo abakoteraga amabuye arwubatse n'abashyiraga itaka hagati y'umukingo n'urwo rukuta.

Ababonye iyi mpanuka batekereza ko itaka ryashyirwaga hagati y'umukingo n'urwo rukuta ariryo ryarusunitse bituma ruhirima, gusa hari n'abanenga uburyo rwari rwubatse kuko rwubatse ruhagaze, kandi ntirunashyirwemo fer à béton.

Ndahayo Florien, ukuriye abafundi kuri iki cyubakwa yavuze ko ibyabaye ari impanuka isanzwe kuko bari bubatse urwo rukuta bagendeye ku bipimo by'ubutaka ndetse ko bubatse bubahiriza igishushanyo mbonera.

Iyi mpanuka ikimara kuba, abagize inzego z'umutekano ingabo, police, Dasso, RIB n'inzego zibanze bihutiye kugera aho byabereye batangira iperereza ku cyateye iyi mpanuka.

Umuyobozi w'Akarere ka Nyamasheke, Mupenzi Narcisse yihanganishije ababuriye ababo muri iyo mpanuka avuga ko bategereje imashini yo kunganira abaturage mu gushaka abagwiriwe n'uru rukuta.

Ati “Ubutumwa ku miryango yaburiye ababo muri iyi mpanuka ni ukubihanganisha. Birababaje natwe nk'ubuyobozi bw'Akarere n'izindi nzego, iyi ni inkuru y'inshamugongo. Turakomeza kuba hafi y'iyi miryango nk'ubuyobozi nk'uko bisanzwe mu muco w'Abanyarwanda”.

Iyi mpanuka yahitanye abantu umunani abandi 13 barakomereka. Abakomeretse bajyanywe ku Bitaro bya Kibogora.

Impanuka yabaye ku rugomero rwari rumaze imyaka ibiri rwubakwa

Meya Mupenzi yihanganishije ababuriye ababo mumpanuka yahitanye abakozi umunani

Ni ibihembo bahawe ku wa 9 Nzeri 2025, bihabwa icyiciro cya mbere cy'abanyeshuri bakoraga imenyerezamwuga muri iki kigo, aho 15 bitwaye neza bahembwe.

Abazitwara neza kandi muri aya mahugurwa bazahabwa amahirwe yo kuba abakozi bahoraho ba Prime Life Insurance.

Aba banyeshuri batangiye imenyerezamwuga muri Nyakanga 2025 ubwo hamurikwaga ubwishingizi bwa 'Nkunganire Shoferi' bwagenewe abatwara ibinyabiziga.

Nkunganire Shoferi ni ubwishingizi buhabwa abatwara ibinyabiziga burengera ubuzima bwabo ndetse n'ubw'imiryango yabo igihe bakoze impanuka.

Muri ubu bwishingizi, abashoferi bizigama mu byiciro bine bitewe n'ubushobozi bwabo, aho icyiciro cya make ari 3000 Frw ku kwezi, mu gihe icya menshi ari ibihumbi 10 Frw ku kwezi

Umuyobozi Mukuru wa Prime Life Insurance, Habarurema Innocent, yavuze ko abanyeshuri bose muri rusange bagaragaje imyitwarire myiza gusa aba 15 ari bo babashije kugera ku ntego bari bihaye.

Yakomeje avuga ko ibyo bitarangiriye aho kubera ko Prime Life Insurance izakomeza kubafasha kuba abacuruzi b'umwuga ndetse no kubona imirimo.

Ati ' Nyuma yo kubaha ibihembo ndetse n'impamyabushobozi zerekana ibyo bakoze, ubu noneho dufunguye ikindi cyiciro kibaganisha ku kuba abacuruzi b'umwuga ndetse no kuvamo abakozi babyemerewe bacuruza ubwishingizi ku Banyarwanda.'

Aba babyeshuri bahawe imenyerezamwuga binyuze mu bufatanye na Kaminuza y'u Rwanda, Ishami ry'Ubucuruzi n'Ubukungu, kuko bose ari abanyeshuri bari kurangiza amasomo muri iryo shami.

Umuyobozi Mukuru w'Ishami ry'Ubucuruzi n'Ubukungu muri iyi Kaminuza, Dr. Nkurunziza Joseph , yavuze ko aba banyeshuri barangije muri iki cyiciro berekana umusaruro uva mu gukorana hagati y'ibigo na Kaminuza.

Ati 'Abenshi muri aba banyeshuri ni abasoje amasomo yabo bategereje guhabwa impamyabumenyi, bivuze ko urebye aba ari nk'aho bamaze kubona akazi binyuze muri aya mahirwe. Ibi rero byerekana ko ibigo by'abikorera iyo bihurije hamwe na kaminuza bitanga umusaruro ufatika.'

Tuyishime Pacifique uri mu bagiye guhabwa amahugurwa yavuze ko icyamufashije muri iri menyerezamwuga bari bamazemo amezi abiri, harimo kudacika intege no kumenya intego ye ndetse ko ari byo yumva bizamufasha no muyandi mahugurwa bagiyemo.

Ati 'Guhabwa aya mahirwe ni umugisha ukomeye, ubu tugiye kongera gushyiramo imbaraga kugira ngo twongere tugere ku ntego tuba twarihaye turebe ko twabona akazi.'

Iri menyerezamwuga ryatangiranye n'abanyeshuri 78 baje kuvamo 15 bahize abandi mu gushyira mu bikorwa ibyo bigaga ndetse n'inshingano bari bahawe.

Mu bikorwa aba banyeshuri bakoze harimo kumenyekanisha ubu bwishingizi, aho bwasangwa nko ku rubuga rwa Prime Life Insurance, n'ibindi.

Iki kigo cyatangiranye n'abanyeshuri 78, gusa 15 muri bo ni bo babashije kugera ku ntego yabo

Umuyobozi Mukuru wa Prime Life Insurance, Habarurema Innocent yavuze ko aba banyeshuri bagiye gufashwa kuba abacuruzi beza b'ubwishingizi

Tuyishime Pacifique uri mu bahize abandi mu kugera ku ntego ye, yavuze ko agiye gushyira imbaraga mu byo yakoraga kugira ngo azabashe kubona akazi gahoraho muri Prime Insurance

Abanyeshuri bahize abandi bagiye guhabwa amahugurwa azabahesha amahirwe yo kuba abakozi ba Prime Life Insurance bitewe n'uko bayitwayemo

Sheikh Mohammed bin Abdulrahman al-Thani yavuze ko ibyo Israel yakoze bishobora guhindura ibintu mu karere k'Uburasirazuba bwo Hagati, agaragaza ko ibyo ab'i Tel Aviv bakoze ari ibikorwa by'iterabwoba.

Ku wa 9 Nzeri 2025 ni bwo Ingabo za Israel (IDF) ku bufatanye n''Urwego rushinzwe umutekano n'iperereza, Shin Bet, zagabye ibitero ku nyubako zo muri Qatar zarimo abayobozi ba Hamas.

IDF yakoresheje indege z'intambara 15 zarashe ibisasu bigera kuri 10. Hamas yavuze ko abayobozi bayo barokotse iki gitero simusiga.

Ubwo yari mu kiganiro n'itangazamakuru, Sheikh Mohammed bin Abdulrahman al-Thani yagize ati 'Ubu ibintu byahinduye isura. Akarere kose gakwiriye kwifatanya mu kwamagana iyi myitwarire y'ubugizi bwa nabi.'

Yanenze Minisitiri w'Intebe wa Israel, Benjamin Netanyahu, avuga ko akomeje guteza ibibazo akarere agambiriye inyungu ze bwite. Yavuze ko Qatar izakomeza gukora uko ishoboye kose kugira ngo intambara ya Hamas na Israel ihagarikwe.

Icyakora yemeje ko ibi bitero byahugabanyije cyane uburyo bwo kurangiza iyi ntambara hifashishijwe inzira ya demokarasi, ko bishobora kuba byahagaritse ibyo gukurikiza ubusabe bwa Donald Trump kugira ngo intambara ihagarare.

Ati 'Ku bijyanye n'ibiganiro byari birimbanyije ntekereza ko nta gifite ishingiro ubu nyuma yo kugabwaho igitero kimeze kuriya.'

Mu minsi mike ishize Trump yari yaburiye Hamas, avuga ko Israel yemeye ibyo yayisabye mu guhagarika intambara. Yasabye Hamas kurekura Abanya-Israel yashimuse ku wa 7 Ukwakira 2025.

Nyuma gato Minisitiri w'Ingabo wa Israel, Israel Katz na we yari yatanze umuburo ujya gusa n'uwa Trump, abwira Hamas ko nitamanika amaboko izasenywa burundu.

Hamas yavuze ko yiteguye kwicara ku meza y'ibiganiro nyuma yo kumva ibyo Amerika iyisaba.

Minisitiri w'Intebe wa Qatar, Sheikh Mohammed bin Abdulrahman al-Thani, yavuze ko ibitero Qatar yayigabyeho bitapfa kugenda gutyo gusa

Trump yavuze ko icyemezo cyo kugaba igitero kuri Qatar cyafashwe na Minisitiri w'Intebe wa Israel, Benjamin Netanyahu wenyine.

Ku wa 9 Nzeri 2025 nibwo Israel yagabye ibitero kuri Qatar ikoresheje indege z'intambara zigera kuri 15 zirasa ibisasu bigera ku 10.

Ibi bitero byishe abantu benshi bo muri Hamas barimo n'umuhungu wa Khalil al-Hayya uri mu bayobozi bakuru b'uyu mutwe umaze imyaka ibiri uhanganye na Israel mu ntambara.

Hamas yavuze ko abayobozi bakuru bayo barokotse iki gitero simusiga.

Abinyujije kuri Truth Social, Trump yavuze ko kugaba ibitero kuri Qatar nk'inshuti ya Amerika, nta kintu byafasha Amerika cyangwa Israel mu kugera ku ntego ibi bihugu byihaye.

Ati 'Qatar ni umufatanyabikorwa ukomeye akaba n'inshuti ya Amerika. Ntabwo nishimiye ahagabwe iki gitero. Ni icyemezo cya Minisitiri Netanyahu, ntabwo ari icyemezo cyafashwe nanjye.'

Yavuze ko akimenya iby'iki gitero yahise ategeka intumwa ye yihariye Steve Witkoff, kuburira abayobozi ba Qatar, ariko ku bw'amahirwe make uwo muburo watanzwe amazi yarenze inkombe ku buryo igitero kitari kubasha guhagarikwa.

Yavuze ko nta ko bisa gusenya Hamas, icyakora agaragaza ko ibyabaye yizera ko bigamije kugera ku mahoro arambye.

Nyuma Trump yavuganye na Netanyahu, uyu muyobozi wo muri Israel agaragaza ko ibyakozwe byari bigamije amahoro.

Perezida wa Amerika kandi yanavuganye n'abayobozi ba Qatar, abizeza ko ibyabaye bitazasubira ukundi.

Trump yavuze ko yasabye Umunyamabanga wa Amerika Ushinzwe Ububanyi n'Amahanga, Marco Rubio, kurangiza amasezerano na Qatar ajyanye n'ubufatanye mu bya gisirikare.

Minisitiri w'Intebe wa Qatar, Sheikh Mohammed bin Abdulrahman al-Thani, yavuze ko ibyakozwe na Israel ari ibikorwa by'iterabwoba ndetse atanga umuburo ko igihugu cyabo gifite uburenganzira bwo gusubiza Israel.

Yavuze ko Netanyahu ari umuntu wakunze kureba ku nyungu ze gusa, ko ibikorwa bye bikomeje guhungabanya umutekano w'akarere.

Yavuze ko ibyakozwe bitesha agaciro ibiganiro byo guhagarika intambara muri Gaza no kurekura Abanya-Israel bashimuswe na Hamas.

Trump yanenze igitero Israel yagabye kuri Qatar

Byabereye mu Mudugudu wa Nyakagashikura, Akagari ka Mwezi Umurenge wa Karengera.

Uyu musore w'imyaka 37 asanzwe afite uburwayi bwo mu mutwe bumufata rimwe na rimwe, akagira na nyina ufite ubwo burwayi.

Ubwo bari mu gikoni batetse, umusore yabajije se impamvu atamuha umunani, se amusubiza ko azawumuha najya gushaka. Umusore yahise ajya mu nzu azana umupanga amutema ku kuguru se agwa hasi uwo musore akomeza kumutema mu mutwe.

Ubwo ibyo byabaga nyina w'umusore yari ahari ariko asa n'utazi ibiri kuba kuko afite uburwayi bwo mu mutwe.

Umukobwa w'umuturanyi niwe wahanyuze abona ibiri kuba ashatse gukangara uyu musore amubwira ko namwegera nawe amutema, uwo mukobwa yiruka ajya guhuruza abaturanyi bahagera umusaza amaze gushiramo umwuka.

Umunyamabanga Nshingwabikorwa w'Umurenge wa Karengera, Mbanenande Jean Damascene yabwiye IGIHE ko abaturanyi bahuruye bafashe ukekwa ataracika, ndetse ubu akaba afungiye kuri sitasiyo ya RIB ya Karengera.

Ati 'Abaturage twabasabye gufatanya mu kwicungira umutekano kugira ngo tugire umuryango utuje, tubasaba kunga ubumwe no gutangira amakuru ku gihe kugira ngo niba ari abarwayi tubavuze'.

Umurambo wa nyakwigendera Nsengumuremyi Edouard wajyanywe ku bitaro bya Bushenge gukorerwa isuzuma mbere y'uko ushyingurwa. Asize abana batanu n'abuzukuru.