Category: Uncategorized

Ubu ni bumwe mu butumwa bukubiye mu ibaruwa Madamu Jeannette Kagame, Umufasha wa Perezida wa Repubulika, yandikiye urubyiruko, arusaba kwirinda guheranwa n'ibizazane uko byaba bingana kose.Bimwe mu bibazo byugarije urubyiruko, ni uburwayi bwo mu mutwe. Madamu Jeannette Kagame aratanga impanuro ndetse n'uko abona iki kibazo cyakemuka.

Ni ibaruwa yasohotse mu kinyamakuru Igihe.com', ariko kubera ubutumwa buremereye bukubiyemo, twiyemeje kuyisangiza n'abasomyi ba Rushyashya.

'Ndatsikamiwe ariko simperanwa. Mfite inkovu ariko ntizintera ubusembwa. Ndababaye ariko ndacyafite icyizere. Ndananiwe ariko imbaraga ntizishira. Mfite umujinya ariko si umuranduranzuzi. Ndihebye ariko sindakurayo amaso'.

Bavuga burya ko nta joro ridacya! Umwijima waryo uko ungana kose! Ngo n' 'Uburere bunyuza imfura mu mwijima'. Kandi iteka urumuri rukawuganza!

Aho wenda ntitwigiza nkana?

Bavuga ko tutazi abana bacu,

Bakanenga ibiganiro byo mu miryango yacu.

Binubira ko umuryango mugari utererana abari mu mage.

Nk'Umuryango kandi tukagawa y'uko dutoneka ibikomere by'abo bikekwa ko twatereranye, ngo twirengagije impamvu z'agahinda kabo. Biranashoboka ko aha haba harimo ukuri, kimwe n'uko habamo kwirengagiza ukuri, ibi byo bikaba byanatera impungenge.

Uburyo uburwayi bwo mu mutwe bwakirwa mu muryango, ntibisobanura iteka ko nta rukundo ruhari, ahubwo ni uburemere bwo kutamenya no gusobanukirwa ubwo burwayi no kwanga kwemera ko turembye kuko 'Imfura ishinjagira ishira'! Maze abantu bagahitamo uburyo budahangana n'ubu burwayi, bikabasenya kurushaho. 

Nyamara twese turabizi, burya Imfura ntiheranwa!

Twahangana dute n'ikibazo cyo kudasobanukirwa uburwayi bwo mu mutwe, by'umwihariko agahinda gakabije? Hari byinshi bidushavuza,bimwe muri byo, tukabinyura hejuru:

Ihungabana rihererekanywa ibisekuru n'ibisekuruza.

1. Gutakaza umuco wacu kubera umuvuduko w'iterambere ry'isi.
2. Icyuho gikabije mu bukungu n'imibereho y'abantu.
3. Kwirukira ibintu no kugira ibyishimo by'akanya gato.
4. … N'ibindi ntarondora.

Birakabije. Siko mubibona?

'Nta mubyeyi ubura uko agenza, amaburakindi ku we yo akamushegesha!'

Mbega ukuntu bibabaza ababyeyi,

Kubura uburyo ugenza ngo uramire uwawe,

Umukize agahinda kamugereye,

Agahinda kabo nabo karumvikana!

Mbega ukuntu sosiyete ishobora kwirengagiza ubu burwayi,

Ndetse bigafatwa nkaho ari ibisanzwe!

Mbega ukuntu gukira ibikomere bigoye,

Nyamara kandi bikaba ari ngombwa,

Kuko nta buhungiro bundi twizeye.

Nubwo twakerensa ubu burwayi, ingaruka zabwo zo zihoraho (zirimo ubushomeri, impinduka za hato na hato z'imibereho, ikoreshwa ry'ibiyobyabwenge n'iyindi myitwarire idahwitse, kwiyangiza byavamo no kwiyahura), zitugeraho twese hatitawe ku mbaraga zose dukoresha ngo abana bacu barusheho kubaho neza.

Ibi bibazo bitwigirizaho nkana, bikatwereka ko hari byinshi tutazi!

Kuganira kuri ibi bibazo, ntibigamije guhangana mu mvugo no kwitana ba mwana. Si ukugira ngo tumenye uri mu kuri cyangwa uri mu makosa, dukeneye kumenya icyadufasha guhangana n'ikibazo cy'uburwayi buzahaza ubuzima bwo mutwe maze tukagira ubuzima bwiza.

Guhangana n'indwara zibasira ubuzima bwo mu mutwe mu rubyiruko rwacu, ntibyagakwiye gufatwa nk'umukino wo guhangana hagati y'abato n'abakuze; aho bashinjanya kugira intege nke cyangwa kutagira icyo bitaho, nyamara bakirengagiza uburyo imiryango n'inshuti baremererwa cyane n'ibyo bibazo.

Ni urugamba turwana duhererekanya ariko tugamije kugerera ku murongo w'intsinzi rimwe nk'umwe w'abasiganwa kandi twese ntawe usigaye.

Mbibarize rero bana bacu,

• Ni iki twakora ngo tubafashe? Twakora iki ngo dufashanye?

• Ese mwe, uruhare rwanyu rwaba uruhe mu gihe mwaba mubonye ubwo bubasha?

• Mu gihe Igihugu gikora ibishoboka byose ngo kibahe amahirwe, mukoreshe ubwenge, ubumenyi n' impano zanyu mu iterambere rigezweho, bijyanye n'ishusho mwifuza guha ubuzima bwanyu, mwabungabunga ubuzima bwanyu mute kugira ngo mukomeze kubaho, gukora neza no kubona andi mahirwe mashya?

Hari abakwibaza ko ababyeyi batumva agahinda kanyu! Burya benshi muri twe nk' ababyeyi, tuzi umubabaro icyo ari cyo! Nubwo uyu munsi ari mwe duhangayikiye, akenshi kubera igishyika tugirira urubyiruko, mu by'ukuri, ibibazo by'ubuzima bwo mu mutwe byibasira abato bitaretse n'abakuru!

Ku bakuru nabo bagifata urubyiruko rwacu ko ntacyo rushoboye, nagira ngo mbamare impungenge ko urubyiruko rwacu, rusanzwe rurangwa n'imbaduko no guhanga ibishya! Ntakabuza ruzatugeza ku iterambere dushaka, twese duharanira, kandi bemye muri iyi si yihuta.

Nk'undi mubyeyi wese ubifuriza icyiza, reka nsoze ngira inama buri wese:

• Ujye wibuka guha agaciro urukundo uhabwa n'Igihugu, ababyeyi bawe, n'umuryango mugari; kandi nawe wiyiteho.

• Iyiteho bihagije, kandi wumve ko nta pfunwe gusaba no guhabwa ubufasha ukeneye.

• Iyiteho bihagije, kandi ntiwirengagize ubushobozi wifitemo bwo kuba uwo wifuza kuba no kuba imbarutso y'impinduka.

• Iyiteho bihagije, ku buryo wibona wageze ku nzozi zawe.

• Iyiteho bihagije, wiha intego, wishakemo n'imbaraga zo kuyigeraho.

Guhangana n'ijoro ry'icuraburindi, ni umukoro kandi ugoye. Nyamara ukaba umukoro wa ngombwa, ugusaba ubudaheranwa.

Reka mbabwire ko iyo umuntu yiyemeje kandi akagerageza, agira icyizere n'imbaraga zidakuka nk'izo nkura muri iri sengesho:

'Nyagasani,

Umpe amahoro y'umutima wakira ibyo ntashoboye guhindura,

Urampe imbaraga n'ubushobozi bwo guhindura ibyo nshoboye,

Umpe ubwenge n'ubushishozi bwo kumenya itandukaniro rya byombi.'

J.K

 

The post 'Ujye wibuka guha agaciro urukundo uhabwa n'Igihugu' — Jeannette Kagame appeared first on RUSHYASHYA.

Source : https://rushyashya.net/ujye-wibuka-guha-agaciro-urukundo-uhabwa-nigihugu-jeannette-kagame/?utm_source=rss&utm_medium=rss&utm_campaign=ujye-wibuka-guha-agaciro-urukundo-uhabwa-nigihugu-jeannette-kagame

Ni igitaramo cyaraye kibaye ejo hashize ku Cyumweru tariki ya 30 Ukwakira 2022 muri Kigali Serena Hotel aho kitabiriwe n'ibyamamare bitandukanye.

Iki gitaramo yahaye izina rya 'Glory Thanksgiving Gala Night' mu rwego rwo kwishimira ibyiza yagezeho mu myaka 22 amaze mu muziki, yafashijwe n'umuhanzi Niyo Bosco ndetse na Nel Ngabo.

Nyuma y'uko itsinda ry'abaririmbyi ryashyuhije abantu bari bitabiriye iki gitaramo ryari risoje, Aline Gahongayire yahise aza ku rubyiniro aririmba indirimbo zirimo 'Ndanyuzwe', 'Nta banga', 'Iyabivuze', 'Warampishe', 'Hari impamvu' n'izindi aho yahise aha umwanya Serge Rugamba ngo na we yerekane impano ye.

Hahise hakurikiraho Niyo Bosco maze ahera ku ndirimbo ye itarajya hanze y'icyongereza maze ahita ahamagara Aline Gahongayire ngo baririmbane indirimbo bakoranye yitwa “Izindi Mbaraga”.

Gahongayire yahise yanzika n'indirimbo ye yise 'Ndanyuzwe'. Yavuze ko iyi ndirimbo yayikorewe na Ishimwe Clement akunze kwita Bishop we. Ati 'Iyi ndirimbo iri kuri album yanjye ya karindwi yakozwe na Bishop Clement. Clement arahari? Uriya niwe producer wanjye!'

Muri iki gitaramo Aline Gahongayire yafashe umwanya azirikana Yvan Buravan uheruka kwitaba Imana, anatanga igihembo cy'ishimwe yamugeneye cyashyikirijwe mushiki we.

Gahongyire yavuze ko Buravan yishyuriye amafaranga y'ishuri umwana umwe mubo arera ndetse akaba yaritabye Imana nta mwenda asigayemo mu gihe umwana we agikomeje amasomo.

Ashimangira ko nubwo yitabye Imana nta mwana afite mu maraso ariko hari uwo yasize kandi uyu munsi akaba abayeho mu buzima bwiza abikesha Yvan Buravan.

Ni igitaramo cyitabiriwe n'ibyamamare bitandukanye byiganjemo abo mu myidagaduro.

Amwe mu mazina azwi yitabiriye iki gitaramo harimo Rev. Dr Antoine Rutayisire, Ntarindwa Diogène [Atome], Massamba Intore, Ruti Joel, Boubou, Jules Sentore, umuramyi Simon Kabera, Niyo Bosco, Nel Ngabo, Bishop Dr Fidele Masengo, Producer Ishimwe Clement washinze Kina Music, Igor Mabano, Pastor Barbara Umuhoza, Mike Karangwa, Ingabire Marie Immaculée uyobora Transparency International Rwanda, YAGO, Fatakumavuta, Chita Magic, Dj Brianne, n'abandi.

Source : https://umuryango.rw/imyidagaduro/article/aline-gahongayire-yakoze-igitaramo-cyo-kwizihiza-imyaka-22-amaze-mu-muziki

Source : https://www.kigalitoday.com/amakuru/amakuru-mu-rwanda/article/perezida-kagame-yakiriye-intumwa-ya-mugenzi-we-lourenco-wa-angola

Source : https://www.kigalitoday.com/amakuru/amakuru-mu-rwanda/article/agahinda-tutavuga-ibaruwa-madamu-jeannette-kagame-yageneye-urubyiruko

Shampiyona y’icyiciro cya mbere mu Rwanda igeze ku munsi wa 7, nta mutoza urirukanwa gusa hari abicariye ishyiga rishyuye ni mu gihe hari n’abamaze guhabwa gasopo.

Shampiyona y’uyu mwaka wa 2022-23, nk’ibisanzwe yitabiriwe n’amakipe 16, gusa ku munsi wa 7 amazi yatangiye gucayuka buri kipe irimo kugenda igana mu cyiciro ibarizwamo.

Amakipe abiri gusa ari yo Rayon Sports na AS Kigali ni yo makipe ataratsindwa umukino n’umwe cyangwa ngo anganye. Rayon Sports mu mikino 5 imaze gukina yayitsinze yose ni mu gihe na AS Kigali imaze gukina 4 kandi yayitsinze. Marines ni yo itaratsinda umukino n’umwe aho yanganyije umwe wa Rutsiro intsindwa indi mikino 4.

Gusa nubwo shampiyona isa n’aho ikiri mu ntangiriro, hari abatoza bisa n’aho bamaze kujya ku gitutu isaha n’isaha batagize icyo bahindura bashobora kwirukanwa. Muri iyi nkuru turagaruka ku mazina 5.

Bisengimana Justin — Espoir FC

Ni umutoza winjiye mu ikipe ya Espoir FC mu ntangiriro z’uyu mwaka w’imikino avuye muri Rutsiro FC, yari agiye gusimbura Gatera Moussa werekeje muri Gorilla FC.

Asa n’aho yatengushye ubuyobozi bw’iyi kipe bwamugiriye icyizere aho iyi kipe mu mikino 6 yatsinzemo umwe wa Marines i Rusizi, banganya na Rutsiro indi 4 barayitsindwa.

Ubuyobozi bw’iyi kipe bwamuhaye imikino 3 aho bazakiramo APR FC na Gasogi United bagasura na Bugesera, yasabwe kubona amanota 5/9. Bivuze ko byibuze yasabwe gutsinda umukino umwe indi ibiri akayinganya, atabikora azafatirwa izindi ngamba zirimo no kwirukanwa.

Ruremesha Emmanuel — Rwamagana City

Nyuma yo kuzamuka mu cyiciro cya mbere, Rwamagana City yatandukanye n’abatoza bayizamuye bari bayobowe na Sammy maze ihabwa Ruremesha Emmanuel watoje amakipe arimo Mukura VS na Musanze FC.

Uyu mutoza na we ari mu batoza bicariye ikara ryaka kuko mu mikino 7 yatsinzemo umukino umwe gusa indi 6 arayitsindwa ubu akaba ari ku mwanya ubanziriza uwa nyuma n’amanita 3.

Aherutse kubwira itangazamakuru ko adafite ubwoba bwo gutakaza akazi ke cyane ko yizeye amanota mu yindi mikino kubera imikino yatakaje n’ubundi byari bigoye kuyitsinda kuko yari amakipe akomeye nka APR FC, Police FC na Rayon Sports. Ngo bagiye kwinjira mu makipe basa n’aho bari ku rwego rumwe.

Rwasamanzi Yves — Yves

Nubwo bigoranye ko yakwirukanwa n’ikipe ya Marines FC, gusa na none umutoza Yves Rwasamanzi ni umwe mu batoza bari ku gitutu gikomeye kubera ko iyi kipe ari yo ya nyuma ku rutonde rwa shampiyona n’inota 1 aho mu mikino 5 yakinnye yatsinzwe ine anganya umwe.

Yves Rwasamanze nubwo bamwe bemeza ko atari mu batoza bashobora kwirukanwa mu buryo bworoshye na Marines FC bitewe n’uko babanye n’ibyo yayifashije, gusa na we afite ihurizo ryo gukura iyi kipe ku mwanya wa nyuma n’aho bitabaye ibyo akazi ke kaba karimo kagenda kajya mu mazi abira.

Afhamia Lofti —Mukura VS

Umunya-Tunisia, Lofti Afahmia utoza ikipe ya Mukura VS na we ntabwo yorohewe muri shampiyona kuko iri ku mwanya wa 13 n’amanota 6 mu mikino 7 aho yatsinzemo imikino 2 gusa atsindwa 5.

Ni umutoza ushobora kukubwira ko afite abakinnyi bake bitewe n’ibihano byafatiwe iyi kipe byo kutandikisha abakinnyi bashya kubera umwenda itishyuye umutoza wayitsinze. Yemerewe gukinisha ari 13 gusa, gusa na none ntabwo bimukuraho igitutu kuko bitavuze ko agomba gutakaza buri mukino.

Uretse no kwirukanwa na we akomeje gutsindwa mu rwego rwo kurinda izina rye ashobora no kwegura. Mukura VS imenyereweho kutihanganira umutoza utsindwa ibibazo byose yaba ahura nabyo mu kazi ke, uyu na we ashobora kwisanga mu bagenda ikipe ikomeje kubura umusaruro.

Seninga Innocent — Sunrise FC

Amanota 6 mu mikino 7 ntabwo ari amanota ashimishije kuri iyi kipe yo mu Ntara y’Iburasirazuba mu Karere ka Nyagatare.

Uyu mutoza mu buryo butunguranye na we yatangiye kwisanga ku gitutu nyuma yo gutsindira Golgotha Police FC na Kiyovu Sports i Kigali, benshi bumvaga iyi kipe igiye kuza mu makipe y’imbere ariko ubu iri ku mwanya wa 10 n’amanota 8.

Amakuru avuga ko ubuyobozi butashimishijwe no gutsindwa na Musanze FC ku Bworoherane ndetse bakaza kubambwirwa i Golgotha na Mukura VS yahabatsindiye 2-1, kuri iki kibuga kandi kimenyerewe nk’imbehe ya yo bahanganyirije na Rutsiro na Gorilla.

Seninga arasabwa gukora ibisa n’ibitangaza kuko bitabaye ibyo mu mikino 3 iri imbere iyi kipe yakwisanga mu makipe ya nyuma kuko afitemo imikino 3 kandi ikomeye yose izabera i Kigali, bazahera kuri Rayon Sports bakurikizeho APR FC ndetse na Gasogi United bataratsindaho.

Source : http://isimbi.rw/siporo/article/abatoza-5-bicariye-ishyiga-rishyushye-muri-shampiyona-y-u-rwanda-amafoto

Umusore witwa Gasigwa Venuste w’imyaka 29 arwariye mu bitaro bya Gatagara biherereye mu murenge wa Mukingo mu karere ka Nyanza, ubusanzwe atuye mu mudugudu wa Nyarurama mu kagari ka Ruvuzo mu murenge wa Cyabakamyi mu karere ka Nyanza.

Yavuze ko yagiye kurangura inzoga yitwa urwarwa rw’ibitoki ari kugaruka abona DASSO zaje gukora umukwabu wo gushaka inzoga z’inkorano kwa sebuja (asanzwe anotsa inyama mu kabari ke), we ahita yiruka yikoreye ijerekani, DASSO na yo imwirukaho.

Ati 'Nabonye ubuyobozi nsubira inyuma, maze bantunga urutoki, DASSO Emmanuel (Ntakiyimana) aranyirukankana nikoreye ijerekani, ngira ubwo nzishyira hasi arakomeza aranyirukankana, tugera ku mukingo turasimbuka ahita angwa hejuru mpita mvunika.'

Gasigwa Venuste akomeza avuga ko bahise bamujyana kwa muganga ku kigo nderabuzima, ariko ubu ari mu bitaro bya Gatagara arwajwe na mukuru we, ntabasha guhina akaguru, afiteho igisima, kugira ngo agira aho ajya bisaba kumuterura bagatereka ku kagare maze bakamusunika, ukuguru kwe kwarabazwe

Ati 'Inzoga nari mfite ntizamenetse, ikosa yakoze ni ugukomeza akanyirukankana.'

Umuyobozi w’akarere ka Nyanza Erasme Ntazinda yabwiye UMUSEKE ko DASSO Emmanuel Ntakiyimana yatawe muri yombi.

Ati 'DASSO yatawe muri yombi, RIB iri gukora iperereza.'

Ikinyamakuru UMUSEKE dukesha iyi nkuru cyabajije Gasigwa magingo aya igihe akirwariye mu bitaro imibereho ye uko yifashe, asubiza ko bamwemereye kumuvuza ngo akire kandi banamutangiye mituweli kuko ntayo yagiraga.

Ati 'Byose nibo babinkoreye, ngeze aha kubera bo kandi ibyabaye byari impanuka n’imbabazi mbonye uko najya kuzimusabira najyayo.'

Source : http://www.ukwezi.rw/1-1/Amakuru-anyuranye/article/Umu-DASSO-afunzwe-ashinjwa-gutuma-umuturage-avunika-akaguru

Source : http://www.ukwezi.rw/Mu-mahanga/Amakuru-anyuranye/article/Bari-gusahurwa-Mu-mujinya-mwinshi-imyigaragambyo-yamagana-u-Rwanda-yubuye-i-Goma

Perezida w'u Rwanda Paul Kagame avuga ko yagiranye ikiganiro “cyiza” (kuri telefone) n'umunyamabanga mukuru wa ONU António Guterres ku kibazo cyo mu burasirazuba bwa DR Congo, ahakomeje imirwano hagati y'ingabo za leta n'umutwe w'inyeshyamba wa M23.

Mu butumwa yatangaje kuri Twitter mu ijoro ryo ku cyumweru, Kagame yavuze ko “uburyo n'ubushobozi bwo guhosha …no gucyemura ibibazo ngo hagerwe ku musozo unyuze mu mahoro ari ahacu ho kubakira ku muhate w'i Nairobi, Luanda n'undi muhate w'amahanga!”

Ati: “Ni ahacu kwiyemeza kuwushyira mu bikorwa!!!”

Umutwe wa M23 uvuga ko ushaka kugirana ibiganiro na leta ya Congo kandi ukayisaba gushyira mu bikorwa amasezerano uvuga ko bagiranye mbere.

Leta ya Congo ivuga ko nta biganiro yagirana n'”umutwe w'iterabwoba”, igashinja u Rwanda “ubushotoranyi rwihishe muri M23”. U Rwanda na M23 bihakana gukorana.

Ku wa gatandatu, M23 yafashe umujyi wa Kiwanja, uri ku ntera ya kilometero 70 uvuye mu murwa mukuru Goma w'intara ya Kivu ya ruguru.

Umukuru w'umuryango w'Ubumwe bw'Afurika (AU/UA) akaba na Perezida wa Sénégal, Macky Sall, n'umukuru wa komisiyo ya AU Moussa Faki Mahamat bavuze ko “bahangayikishijwe cyane n'umutekano ukomeje kuba mucye mu ntara zo mu burasirazuba bwa DRC”.

Mu butumwa bwabo kuri Twitter, basabye impande zose “guhagarika imirwano aka kanya, kubahiriza amategeko mpuzamahanga n'umutekano w'abasivile n'ituze ku mipaka y'ibihugu byose byo mu karere”.

Hagati aho, leta y'u Rwanda yasohoye itangazo ivuga ko ibabajwe n'icyemezo cya leta ya DR Congo cyo kwirukana Ambasaderi wayo muri icyo gihugu Vincent Karega.

Inama nkuru y'umutekano ya DR Congo yateranye ku wa gatandatu iyobowe na Perezida Félix Tshisekedi yasabye guverinoma guha Ambasaderi Karega amasaha 48 ngo abe yamaze kuva ku butaka bw'icyo gihugu.

Iyo nama yatanze impamvu zirimo ko “u Rwanda rukomeje gushotora RDC no gufasha umutwe w'iterabwoba wa M23 rukoresha muri ibi”.

Leta y'u Rwanda ivuga ko abashinzwe umutekano ku mupaka bakomeje kuba maso, mu gihe ikurikirana uko ibintu birimo gufata indi ntera muri Congo.

Ivuga ko ihangayikishijwe by'umwihariko n'imikoranire itemewe y'ingabo za leta ya Congo (FARDC) n'umutwe wa FDLR, urwanya leta y'u Rwanda.

Congo ihakana ivuga ko idakorana na FDLR.

Mu nama y'inteko rusange ya ONU yo mu kwezi kwa cyenda uyu mwaka, Tshisekedi yavuze ko imikoranire ivugwa hagati y'abategetsi bamwe ba Congo na FDLR ari “urwitwazo” rwa leta y'u Rwanda rudafitiwe gihamya rwo gutuma ikomeza gushotora Congo.

Yavuze ko FDLR “yaciwe umutwe ihinduka ubusa” binyuze mu bikorwa FARDC yagiye ikorana n'igisirikare cy'u Rwanda (RDF) mu myaka ishize.

Gusa yavuze ko Congo icyiteguye gutanga umusanzu wayo mu gikorwa icyo ari cyo cyose cyo guhashya umutwe uwo ari wo wose witwaje intwaro wagerageza guhungabanya amahoro n'umutekano mu gihugu gituranyi no mu karere k'ibiyaga bigari.

Itangazo rya leta y'u Rwanda rivuga kandi ko ihangayikishijwe no kugerageza kwa FARDC na FDLR kwo kwibasira akarere ko ku mupaka bakoresheje “intwaro ziremereye”, ndetse n'”imvugo ihembera uburwanyi yibasira u Rwanda irimo gukoreshwa n'abategetsi ba Congo”.

Leta y'u Rwanda yanabwiye amahanga ko hakomeje imvugo y'urwango no kwibasira Abanyarwanda n'Abanye-Congo bavuga ururimi rw'Ikinyarwanda, ivuga ko bikorwa n'abategetsi ba Congo n'abaturage ba Congo muri rusange, kandi ko ibyo byiyongereye kuva “FDLR yinjijwe muri FARDC”.

Inama nkuru y'umutekano ya Congo yibukije ibyasabwe na Tshisekedi byo “kwirinda imvugo iyo ari yo yose, ibikorwa by'urugomo cyangwa kwibasira abavuga Ikinyarwanda, mu kwirinda gutiza umurindi umwanzi”.

Leta y'u Rwanda ivuga ko bibabaje kuba leta ya Congo ikomeje kugira “u Rwanda nyirabayazana mu rwego rwo guhishira no kurangaza ku byo yananiwe mu buyobozi no mu mutekano”.

U Rwanda ruvuga kandi ko rukiyemeje gutanga umusanzu “ku gisubizo kirambye, kinyuze mu mahoro ku mutekano w'akarere bijyanye n'ibyemeranyijweho mu rwego rw'akarere…”

BBC

Source : https://umuryango.rw/amakuru/mu-rwanda/politiki/article/perezida-kagame-yagiranye-ikiganiro-n-umukuru-wa-un-ku-kibazo-cya-dr-congo

Perezida w'u Rwanda Paul Kagame avuga ko yagiranye ikiganiro 'cyiza' (kuri telefone) n'umunyamabanga mukuru wa ONU António Guterres ku kibazo cyo mu burasirazuba bwa DR Congo, ahakomeje imirwano hagati y'ingabo za leta n'umutwe w'inyeshyamba wa M23.

Mu butumwa yatangaje kuri Twitter mu rukerera rwo kuri uyu wa mbere, Kagame yavuze ko 'uburyo n'ubushobozi bwo guhosha …no gucyemura ibibazo ngo hagerwe ku musozo unyuze mu mahoro ari ahacu ho kubakira ku muhate w'i Nairobi, Luanda n'undi muhate w'amahanga!'

Ati: 'Ni ahacu kwiyemeza kuwushyira mu bikorwa!!!'

Umutwe wa M23 uvuga ko ushaka kugirana ibiganiro na leta ya Congo kandi ukayisaba gushyira mu bikorwa amasezerano uvuga ko bagiranye mbere.

Leta ya Congo ivuga ko nta biganiro yagirana n’'umutwe w'iterabwoba', igashinja u Rwanda 'ubushotoranyi rwihishe muri M23'. U Rwanda na M23 bihakana gukorana.

Ku wa gatandatu, M23 yafashe umujyi wa Kiwanja, uri ku ntera ya kilometero 70 uvuye mu murwa mukuru Goma w'intara ya Kivu ya ruguru.

Umukuru w'umuryango w'Ubumwe bw'Afurika (AU/UA) akaba na Perezida wa Sénégal, Macky Sall, n'umukuru wa komisiyo ya AU Moussa Faki Mahamat bavuze ko 'bahangayikishijwe cyane n'umutekano ukomeje kuba mucye mu ntara zo mu burasirazuba bwa DRC'.

Mu butumwa bwabo kuri Twitter, basabye impande zose 'guhagarika imirwano aka kanya, kubahiriza amategeko mpuzamahanga n'umutekano w'abasivile n'ituze ku mipaka y'ibihugu byose byo mu karere'.

Hagati aho, leta y'u Rwanda yasohoye itangazo ivuga ko ibabajwe n'icyemezo cya leta ya DR Congo cyo kwirukana Ambasaderi wayo muri icyo gihugu Vincent Karega.

Inama nkuru y'umutekano ya DR Congo yateranye ku wa gatandatu iyobowe na Perezida Félix Tshisekedi yasabye guverinoma guha Ambasaderi Karega amasaha 48 ngo abe yamaze kuva ku butaka bw'icyo gihugu.

Iyo nama yatanze impamvu zirimo ko 'u Rwanda rukomeje gushotora RDC no gufasha umutwe w'iterabwoba wa M23 rukoresha muri ibi'.

Leta y'u Rwanda ivuga ko abashinzwe umutekano ku mupaka bakomeje kuba maso, mu gihe ikurikirana uko ibintu birimo gufata indi ntera muri Congo.

Ivuga ko ihangayikishijwe by'umwihariko n'imikoranire itemewe y'ingabo za leta ya Congo (FARDC) n'umutwe wa FDLR, urwanya leta y'u Rwanda.

Congo ihakana ivuga ko idakorana na FDLR.

Mu nama y'inteko rusange ya ONU yo mu kwezi kwa cyenda uyu mwaka, Tshisekedi yavuze ko imikoranire ivugwa hagati y'abategetsi bamwe ba Congo na FDLR ari 'urwitwazo' rwa leta y'u Rwanda rudafitiwe gihamya rwo gutuma ikomeza gushotora Congo.

Yavuze ko FDLR 'yaciwe umutwe ihinduka ubusa' binyuze mu bikorwa FARDC yagiye ikorana n'igisirikare cy'u Rwanda (RDF) mu myaka ishize.

Gusa yavuze ko Congo icyiteguye gutanga umusanzu wayo mu gikorwa icyo ari cyo cyose cyo guhashya umutwe uwo ari wo wose witwaje intwaro wagerageza guhungabanya amahoro n'umutekano mu gihugu gituranyi no mu karere k'ibiyaga bigari.

Itangazo rya leta y'u Rwanda rivuga kandi ko ihangayikishijwe no kugerageza kwa FARDC na FDLR kwo kwibasira akarere ko ku mupaka bakoresheje 'intwaro ziremereye', ndetse n’'imvugo ihembera uburwanyi yibasira u Rwanda irimo gukoreshwa n'abategetsi ba Congo'.

Leta y'u Rwanda yanabwiye amahanga ko hakomeje imvugo y'urwango no kwibasira Abanyarwanda n'Abanye-Congo bavuga ururimi rw'Ikinyarwanda, ivuga ko bikorwa n'abategetsi ba Congo n'abaturage ba Congo muri rusange, kandi ko ibyo byiyongereye kuva 'FDLR yinjijwe muri FARDC'.

Inama nkuru y'umutekano ya Congo yibukije ibyasabwe na Tshisekedi byo 'kwirinda imvugo iyo ari yo yose, ibikorwa by'urugomo cyangwa kwibasira abavuga Ikinyarwanda, mu kwirinda gutiza umurindi umwanzi'.

Leta y'u Rwanda ivuga ko bibabaje kuba leta ya Congo ikomeje kugira 'u Rwanda nyirabayazana mu rwego rwo guhishira no kurangaza ku byo yananiwe mu buyobozi no mu mutekano'.

U Rwanda ruvuga kandi ko rukiyemeje gutanga umusanzu 'ku gisubizo kirambye, kinyuze mu mahoro ku mutekano w'akarere bijyanye n'ibyemeranyijweho mu rwego rw'akarere…'

The post Perezida Kagame yaganiriye na António Guterres ku kibazo cya Kongo Kinshasa appeared first on FLASH RADIO&TV.

Source : https://flash.rw/2022/10/31/perezida-kagame-yaganiriye-na-antonio-guterres-ku-kibazo-cya-kongo-kinshasa/?utm_source=rss&utm_medium=rss&utm_campaign=perezida-kagame-yaganiriye-na-antonio-guterres-ku-kibazo-cya-kongo-kinshasa

Source : https://www.kigalitoday.com/amakuru/amakuru-mu-rwanda/article/yahoo-car-express-yatangiye-gutwara-abagenzi-berekeza-i-bwerankori