Webrwanda Backend

Category: Uncategorized

  • Twitter izajya yishyuza amadorari $8 abayikoresha bashaka 'blue tick' #rwanda #RwOT

    Elon Musk yavuze ko Twitter izajya yishyuza amadorari $8 (8,000Frw) abayikoresha bashaka 'blue tick' ku mazina yabo agaragaza ko konti zabo ari ntakemangwa. 

    Nk'imwe mu mpinduka nyuma y'uko aguze uru rubuga nkoranyambaga kuri miliyari $44, Musk yavuze ko ari 'ingenzi kunesha 'ubushukanyi''.

    Akamenyetso ka 'blue tick' imbere y'izina ry'ukoresha Twitter — ubundi k'abantu bazwi cyane — ubusanzwe gatangirwa ubuntu.

    Abanenga igikorwa cya Musk bavuga ko kukishyuza bishobora kugora kumenya neza abo kwizerwa amakuru avuyeho.

    Elon Musk, umuntu ukize kurusha abandi ku isi, avuga ko abishyuye bashobora kujya bahabwa iya mbere mu gusubiza no gushakisha, kandi bakabona icya kabiri cy'amatangazo yamamaza.

    Yanditse kuri Twitter ati: 'Ingufu kuri rubanda! Ubururu kuri $8 ku kwezi', aha yanengaga ko uburyo busanzwe bwa 'blue tick' ari nk'ubwo 'mu gihe cy'abahinza na rubanda'.

    Uburyo Twitter yakoreshaga ku bahabwa 'blue tick' bwarimo inyandiko ngufi yo kuzuza, kandi bwaragenewe abantu bashobora kwibasirwa no kwiyitirirwa n'abandi, nk'ibyamamare, abanyapolitiki n'abanyamakuru.

    Blue tick kuri Elon Musk

    Iyi kompanyi yazanye ubu buryo mu 2009, nyuma y'ibirego biyishinja kudakora ibihagije ngo irwanye konti z'abiyita abo batari bo.

    Gusa Musk yugarijwe n'ikibazo cyo kuvugurura 'business' ya Twitter, itaratangaje inyungu yagize mu myaka myinshi ishize.

    Yavuze ko ashaka kugabanya kuba Twitter itungwa no kwamamaza, nubwo bwose kompanyi zimwe zagaragaje impungenge zo kwamamaza kuri uru rubuga mu gihe rufitwe nawe.

    General Motors — kompanyi y'imodoka yo muri Amerika mukeba wa Tesla ya Elon Musk — mu cyumweru gishize yavuze ko ibaye ihagaritse kwamamaza kuri Twitter.

    Hagati aho, izindi kompanyi nini nazo zabaye zihagaritse bucece kwamamaza kuri Twitter mu gihe zitegereje kureba uko impinduka Musk azanye zigenda, nk'uko umwe mu baguzi muri kompanyi zamamaza yabibwiye BBC.

    Kuwa mbere, imwe muri kompanyi nini zamamaza ku isi, IPG, yagiriye inama abakiriya bayo guhagarika kwamamaza kuri Twitter mu cyumweru kimwe, ivuga ko hakenewe umucyo ku migambi mishya ya Twitter.

    IGP ihabwa miliyari z'amadorari buri mwaka, na kompanyi zikomeye ku isi, kugira ngo izikorere ibikorwa byo kwamamaza.

    Kwishyuza 'blue tick' byateje sakwe sakwe nyuma y'uko amakuru y'ibanze kuri byo yari yavuze ko igiciro cyayo gishobora kuba $20 (20,000Frw) ku kwezi.

    Benshi kuri urwo rubuga basubiyemo ahubwo ibyanditswe n'umwanditsi Stephen King, wasubije kuri izi mpinduka ko ahubwo Twitter 'ikwiye kunyishyura'.

    Musk yasubije King ati, 'Tugomba kwishyura 'factures' mu buryo runaka!'

    @BBC

    The post Twitter izajya yishyuza amadorari $8 abayikoresha bashaka 'blue tick' appeared first on IRIBA NEWS.

    Source : https://iribanews.rw/2022/11/02/twitter-izajya-yishyuza-amadorari-8-abayikoresha-bashaka-blue-tick/

  • 'iAccelerator’ igiye kongera gutera inkunga imishinga y’urubyiruko #Rwanda #RwOT via @kigalitoday #rwanda #RwOT

    Ku wa Kabiri tariki ya 1 Ugushyingo 2022, hatangijwe ikiciro cya gatanu cy’irushanwa rya iAccelerator, rigamije gufasha imishinga y’urubyiruko, yo guhanga (…)

    Source : https://www.kigalitoday.com/amakuru/amakuru-mu-rwanda/article/iaccelerator-igiye-kongera-gutera-inkunga-imishinga-y-urubyiruko

  • Ibyo wamenya kuri rutahizamu mushya wemeye gukinira Amavubi (AMAFOTO) #rwanda #RwOT

    Biravugwa rutahizamu ukomoka mu gihugu cya Espagne, Jon Bakero Gonzalez yemeye gukinira ikipe y’igihugu y’u Rwanda Amavubi.

    Jon Bakero afite imyaka 25 akaba akinira ikipe ya Pontevedra mu cyiciro cya gatatu muri Espagne.

    Ni umuhungu kandi wa José Maria Bakera wakiniye FC Barcelona akaba inshuti magara ya perezida wa FERWAFA, Nizeyimana Olivier ari we na we wagize uruhare ngo abe yaza gukinira u Rwanda nk’uko amakuru agera ku kinyamakuru ISIMBI abivuga. Uyu Marira Bakero aheruka mu Rwanda muri Gashyantare uyu mwaka.

    Nta gihindutse biteganyijwe ko uyu mukinnyi azakinira u Rwanda umukino wa mbere muri uku kwezi ubwo u Rwanda ruzaba rukina umukino wa gicuti na Sudani, ni mu gihe azaba yabonye ibyangombwa ariko.

    Akaba yiyongereye kuri Gerard Gohou ukomoka muri Côte d’Ivoire we wamaze gukina umukino we wa mbere mu Mavubi.

    Bakero wifuzwa kugira ngo afashe Amavubi kubona itike y’igikombe cy’Afurika cya 2023 yakiniye amakipe atandukanye muri Leta Zunze Ubumwe za Amerika nka Toronto Fc, Phoenix Rising FC ndetse na Slavia Sofia yo muri Bulgaria.

    Jon Bakero González bivugwa ko yemeye gukinira Amavubi

    Source : http://isimbi.rw/siporo/article/ibyo-wamenya-kuri-rutahizamu-mushya-wemeye-gukinira-amavubi-amafoto

  • Perezida Kagame yakiriye Peter Gerber uyobora Brussels Airlines #Rwanda #RwOT via @kigalitoday #rwanda #RwOT

    Perezida Paul ku wa Kabiri tariki 1 Ugushyingo 2022, yakiriye Peter Gerber Umuyobozi Mukuru wa Brussels Airlines, Kompanyi y’indege yo mu Bubiligi, na (…)

    Source : https://www.kigalitoday.com/amakuru/amakuru-mu-rwanda/article/perezida-kagame-yakiriye-peter-gerber-uyobora-brussels-airlines

  • Amerika yasabye M23 ikintu idakozwa yanahakaniye amahanga #rwanda #RwOT

    M23 imaze gufata igice cya teritwari ya Rutshuru mu ntara ya Kivu ya ruguru, harimo Rutshuru – umujyi mukuru w’iyi teritwari – Kiwanja ndetse n’ikigo cya gisirikare cya Rumangabo kinini muri ako gace.

    Itangazo ry’ibiro bishinzwe ububanyi n’amahanga bya Amerika rivuga ko icyo gihugu 'cyamagana bikomeye kubura imirwano kwa M23' yateye 'imfu n’inkomere z’abasivile n’abandi benshi bagahunga bushya.'

    BBC yagerageje kuvugana na M23 kubyo leta ya Washington isaba ariko ntibyashoboka kugeza iyi nkuru itangajwe.

    Gusa umutwe wa M23 wagiye usubiramo ko utazava mu birindiro byawo hatabayeho kumvikana na leta ku byo uvuga ko urwanira.

    Leta ya Kinshasa, yita M23 umutwe w’iterabwoba, yahakanye ko nta biganiro izagirana n’uyu mutwe.

    Mu mirwano yo mu mpera z’icyumweru gishize, M23 yigaruriye ibindi bice muri teritwari ya Rutshuru yirukanye ingabo za leta.

    Ibi byashyize ku gitutu umujyi wa Goma usa n’aho ubu ariwo ugiye kugarizwa n’izi nyeshyamba.

    Amerika isaba 'abo bireba bose mu karere guhagarika guha ubufasha ubwo aribwo bwose M23 cyangwa indi mitwe yitwaje intwaro itari iya leta'.

    Leta y’u Rwanda ishinjwa n’iya DR Congo ko ariyo irimo gufasha umutwe wa M23, ndetse kwigira imbere kwa M23 kongeye guteza umwuka mubi kurushaho hagati ya Kigali na Kinshasa.

    U Rwanda ruhakana ibirego by’uko rufasha M23. Umuvugizi wungirije wa leta y’u Rwanda, Alain Mukuralinda yumvikanye kuri televiziyo y’u Rwanda avuga ko ikibazo cya M23 n’indi mitwe yitwaje intwaro mu burasirazuba bwa DR Congo byerekana 'ko leta ya Congo inanirwa gukemura ibibazo biyireba ikabyegeka ku Rwanda'.

    Mu itangazo ryayo, leta ya Amerika ivuga ko ihangayikishijwe no 'kwiyongera kw’amagambo y’urwango' igasaba ko ibi bihagarara.

    Leta ya Amerika ivuga ko ishyigikiye ibikorwa birimo ibiganiro bya Nairobi na Luanda bigamije gushaka umuti w’ikibazo cy’umutekano mucye mu burasirazuba bwa DR Congo.

    Mu kwezi kwa Kanama (8) uyu mwaka Antony Blinken ukuriye ububanyi n’amahanga bwa Amerika yagiye i Kinshasa n’i Kigali aho yabonanye na ba perezida b’ibi bihugu nyuma akabwira abanyamakuru ko bombi yabahaye ubutumwa bumwe.

    Blinken yavuze ko yabwiye ba perezida Kagame na Tshisekedi ko 'gushyigikira cyangwa gukorana n’umutwe witwaje intwaro uwariwo wose mu burasirazuba bwa Congo bishyira mu kaga abahatuye n’umutekano w’akarere”

    Source : http://www.ukwezi.rw/Mu-mahanga/Amakuru-anyuranye/article/Amerika-yasabye-M23-ikintu-idakozwa-yanahakaniye-amahanga

  • Congo yateguje igitero ku Rwanda inatega iminsi Abanyarwanda #rwanda #RwOT

    Patrick Muyaya yakomeje agira ati”u Rwanda rwahisemo nabi kuko intambara rwashoje ku Gihugu cyacu igiye kuruhindukirira n’abaturage barwo, aho gukomeza kwihisha inyuma y’inyeshyamba za M23”

    Uyu muvugizi wa Guverinoma ya DRC, yavuze ko kwirukana Ambasaderi Vincent Karega ari ikimenyetso ko umubano wa Congo n’u Rwanda, wajemo impinduka ku rundi rwego.

    Yagize ati 'Kuba Karega yagiye hari byinshi byahinduye kuko yafashaga guhuza Ibihugu byombi guhererekanya amakuru. Kuba atagihari rero bifite ubutumwa bitanga.'

    Patrick Muyaya yavuze ko imyitwarire ya Ambasaderi Vincent Karega na Guverinoma y’u Rwanda, idatanga icyizere cy’amahoro.

    Ati 'Ubutumwa bwa Ambasaderi ni uguteza imbere no gusigasira umubano hagati y’Ibihugu bibiri, bityo rero iyo hari ibibazo, n’izo nshingano ziba zidahari.'

    Uyu Muvugizi wa Guverinoma ya Congo Kinshasa, yavuze ko Perezida Felix Tshisekedi ngo yakomeje kugaragaza ubushake bw’inzira za dipolomasi.

    Ati 'Ariko umwuka uhari ugaragaza ko u Rwanda rutifuza inzira z’amahoro, ni yo mpamvu twakoze ayo mahitamo.'

    Yakomeje agira ati 'Inzira y’imirwano n’intambara bahisemo igiye kubahindukirana hamwe n’abaturage babo bose.'

    Patrick Muyaya wakomeje avuga ko u Rwanda ruzababazwa n’ibyo rwatangije, yagize ati 'Ndakeka igihe kigeze ngo dushyire iherezo kuri iyi myitwarire.'

    Uyu muvugizi wa Congo Kinshasa, yatangaje ibi mu gihe Guverinoma y’u Rwanda yakunze kugaragaza ko inzira z’ibiganiro na dipolomasi ari zo zikwiye gukoreshwa mu gushaka umuti w’ibibazo by’umutekano biri mu burasirazuba bwa Congo mu gihe Perezida w’iki Gihugu, Felix Tshisekedi yavuze inshuro nyinhsi ko izi nzira nizanga ntakizabuza gukoresha inzira y’intambara.

    Perezida Paul Kagame kandi yaboneyeho kwibutsa ko imyanzuro yafatiwe mu nama z’i Nairobi n’i Luanda ndetse n’inama zatanzwe n’imiryango mpuzamahanga, zatanga umusaruro ushimishije.

    Umukuru w’Igihugu kandi ntiyahwemye gusaba ko hakubahirizwa amasezerano yose y’amahoro, yanatangaje ko Kuri uyu wa 31 Ukwakira 2022, yagiranye ibiganiro byiza n’Umunyamabanga Mukuru w’Umuryango w’Abibumbye, ku muti w’amakimbirane ari mu Burasirazuba bwa Congo.

    Source : http://www.ukwezi.rw/1-1/Amakuru-anyuranye/article/Congo-yateguje-igitero-ku-Rwanda-inatega-iminsi-Abanyarwanda

  • Nyagatare : Yashutswe n’Umugabo we ngo bagurishe inzu, ahita ayishakiramo undi mugore #rwanda #RwOT

    Amakuru atangwa na Nyirabavandimwe Vestine, avuga ko hashize imyaka itandatu abana n’umugabo we, bari barasezeranye imbere y’amategeko.

    Uyu mugore atanga ubuhamya bw’uko mu gihe bari bamaranye umugabo we yagiye umuca inyuma, kugeza ubwo amutekeye umutwe ngo bave mu nzu babagamo kugira ngo bayikodeshe, bakimara kuyivamo ahita amuharika.

    Ati 'Atangira kujya azana abagore b’inshoreke mu nzu, ndetse bamwe akajya abasambanyiriza mu rutoki nkamufata akiruka, nabibwira umukuru w’umudugudu akambwira ngo ntabwo wamufashe. Maze kumufatira mu nzu ku buriri nagiye guhamagara umukuru w’umudugudu ngo aze arebe ibyo umugabo wanjye ari gukora, arambaza ngo ese uwo mugore ubasanganye ni inde ? Ndamubwira nti musanganye n’umugore witwa Nyirabizimana Felesita.'

    Yakomeje agira ati 'Njye twabanaga muri iriya nzu y’epfo ku muhanda, arangije arambwira ngo reka twubake indi nzu iyi turimo tuzabe tuyikodesha baduhe amafaranga. Ubwo twaratangiye twubaka inzu tumaze kuyuzuza ikiri ibitafari nta n’umucanga uteyeho umugabo aravuga ngo twimuke baduhe amafaranga y’ubukode bw’iyi nzu turimo. Ubwo twahise tuzamuka tugeze aha tuhamaze iminsi 3, ahita asubira inyuma ajya kurongorera umugore muri iriya nzu aramukunda na nubu baracyari kumwe.'

    Umugabo w’uyu mugore avuga ko atamuharitse, ahubwo ko yahisemo kwibana nyuma yuko bari bamaze gutandukana mu mategeko.

    Uwo mugore ngo yashakaga kumurira imitungo yari yashakanye na nyakwigendera, kubera ko uyu mugore n’ubundi ari uwa kabiri.

    Ati 'Amaze kubona ko dusezeranye yateje imvururu mu rugo biracika, ku buryo byazanye n’abadepite. Umygore ati njye ndashaka ko uyu mugabo dutandukana, tukagabana ibintu nkagenda.'

    Umugore bivugwa ko ari inshoreke y’uyu mugabo yemeza ko atigeze yambura murumuna we umugabo, kuko n’ubusanwe yifitiye undi mugabo.

    Ati 'Njye ntabwo uriya muntu twigeze dusambana uwo ni Muramu wanjye. Umugabo yarantaye aragenda ashaka abagore amaze kugira 6. Muramu wanjye ikintu yamfashije ni uko yampaye imirima mpinga nkatunga abana banjye, ntabwo ari umugabo wanjye ni muramu wanjye.'

    Ku ruhande rw’abatunyi baragaraza ko ari amakimbirane mu miryango, ndetse ko ashingiye ku buharike.

    Aba barasaba ko uyu mugore arenganurwa, kuko bishobora no kuba bibi mu gihe byaba bidakemutse.

    Umwe ati 'Hagiye habaho n’ihohoterwa yahura n’uwo mukeba we akanamukubita. Yigeze kujya amukubitira no mu ruhame.'

    Undi ati 'Nyagatare yaraturembeje nta butabera, abantu bararengana byagera ku ndaya zihari zose zaraturembeje. Nanjye ubwanjye yatwaye umugabo bajya Tanzania bamaranye imyaka 5.'

    Umunyamabanga Nshingwabikorwa w’aka kagari ka Kamagiri, Bwana Nshimiyimana Theogene Belizelius, avuga ko iki kibazo bakizi ndetse ko bagerageje kugikemura bikananirana, kugeza aho biyambaje inkiko.

    Ati 'Yakagombye kuba uyu munsi wa none hari imitungo bajyanye umugabo arimo arayigabiza.ariko imitungo yarayimusanganye asanga afite abana bakuru … uyu munsi wa none yarajuriye mu rukiko rwisumbuye.'

    Kugeza ubu imiryango yombi ikomeje kurebana ay’ingwe, kugeza naho aho umwe aciye asiga ahangishije undi.

    Ni mu gihe abaturage bakomeje gusaba ubuyobozi gukurikirana ubuharike mu miryango, kuko buri mu bituma ingo zihorana amakimbirane ashobora no kubageza ku bwicanyi.

    Ivomo:Flash.rw

    Source : http://www.ukwezi.rw/1-1/Amakuru-anyuranye/article/Nyagatare-Yashutswe-n-Umugabo-we-ngo-bagurishe-inzu-ahita-ayishakiramo-undi-mugore

  • Goma : Abaturage batwitse imodoka ya Monusco bayishinja gutwara M23 #rwanda #RwOT

    Byabaye ku mugoroba wo kuri uyu wa Kabiri ubwo iyo modoka yari iturutse mu gace ka Munigi yerekeza i Goma.

    Ikinyamakuru Politico.cd cyatangaje ko abaturage bitambitse iyo modoka bakeka ko irimo bamwe mu barwanyi ba M23, bakayishumika igashya igakongoka.Bivugwa ko ingabo za Monusco zarashe kuri abo baturage ngo batatane.

    #RDC🇨🇩Vive tension ce soir à #Kanyaruchinya près de #Goma. Des sources sur place disent que les déplacés se sont pris à un convoi de la @MONUSCO qui voulait franchir la barrière par force sans obtempéré au contrôle de la Police.Des véhicules brûlés par les manifestants pic.twitter.com/b3tvV9vUYx

    — Justin KABUMBA (@kabumba_justin) November 1, 2022

    Abaturage bo mu gace ka Kanyaruchinya hafi y’umujyi wa Goma muri Repubulika Iharanira Demokarasi ya Congo, abaturage bariye karungu batwika imodoka y’Ingabo za Loni zishinzwe kubungabunga amahoro (Monusco) bakeka ko itwaye inyeshyamba za M23.
    Abaturage bashinja Monusco ubugambanyi bwo kuba yarahunze ubwo inyeshyamba za M23 zasatiraga ibirindiro by’ingabo za Congo bya Rumangabo, ari nabyo bikomeye muri Kivu y’Amajyaruguru.

    Mu mirwano imaze iminsi ihuza ingabo za Congo (FARDC) n’umutwe wa M23, ingabo za Leta zakuwe mu birindiro byazo muri Rumangabo no mu tundi duce twegereye, zihungira mu bice biri hafi ya Goma.

    Abaturage bavuga ko Monusco nk’umutwe ufite ibikoresho n’ingabo zikomeye bakabaye bararwanye kuri FARDC ntivanwe mu birindiro byayo i Rumangabo.

    Bavuga ko hashobora kuba hari imikoranire ya Monusco na M23.

    Source : http://www.ukwezi.rw/Mu-mahanga/Amakuru-anyuranye/article/Goma-Abaturage-batwitse-imodoka-ya-Monusco-bayishinja-gutwara-M23

  • Fc Barcelona irabonamo ubushobozi umutoza wa… – #rwanda #RwOT

    Ikipe ya Arsenal itozwa na Arteta kuva shampiyona y’abongereza (Premier League) yatangira, mu mikino 12 yatsinzwemo umukino 1 wa Manchester United ndetse inganya n’undi umwe wa Southampton, aribyo biri gutuma kugeza ubu ariyo iyoboye urutonde rwa shampiyona n’amanota 31. Iyi kipe mu mikino ya Europa League naho iri mu nzira nziza ziyiha amahirwe yo kurenga amatsinda.

    Arsenal iri gushimisha abakunzi bayo

    Ibi uyu mutoza wa Arsenal ari gukora nibyo biri gutuma Fc Barcelona imubonamo ubushobozi bwo kuba yazavamo umutoza w’igitangaza uzayisubiza mu bihe byiza, nk'uko tubikesha Daily mail.

    Arsenal itozwa na Mikel Arteta imaze gutsinda ibitego 30 mu mikino 12 ya shampiyona mu gihe yo yinjijwe 11 gusa, ibyo bikayigira ikipe ya kabiri imaze gutsinda ibitego byinshi ndetse ikaba n'iya kabiri mu zimaze kwinjizwa ibitego bike muri shampiyona y’abongereza.

    Xavi ushobora gusimburwa na Arteta we yatsinzwe mu mukino wa El Classico, ndetse anasezererwa muri Champions League.

    Xavi nyuma y'uko asezerewe muri Champions League yiyemereye ko ari ku gitutu, ko agomba gushaka itsinzi cyangwa byakanga akazirukanwa ariko abayobozi ba Fc Barcelona bo bumvikanye bavuga ko Xavi bamufitiye ikizere atazirukanwa vuba.

    Arteta afite amateka muri FC Barcelona kuko yanyuze mu ikipe y'abato Fc Barcelona, ariko afite imyaka 20 muri 2002 yahise yerekeza muri Rangers. Nyuma yo kuva muri Rangers yahise akomereza muri Everton, nyuma ahava ajya gukina muri Arsenal.

    Uyu mutoza kandi yabaye umwungiriza wa Pep Guardiola mbere y'uko yerekeza muri Arsenal. Pep Guardiola yakoreye amateka muri FC Barcelona kuko yatwaranye nayo ibikombe 3 bya shampiyona ya Espagne, ndetse na 2 bya Champions League.

    Arteta ushobora kuzasimbura Xavi

    Source : https://inyarwanda.com/inkuru/122447/fc-barcelona-irabonamo-ubushobozi-umutoza-wa-arsenal-bwo-kuyisubiza-ikuzo-122447.html

  • “U Rwanda ruzakomeza kubungabunga amahoro muri EAC”-Perezida Kagame #rwanda #RwOT

    Perezida Paul Kagame yavuze ko u Rwanda ruzakomeza kugira uruhare mu kubungabunga umutekano yaba mu karere ndetse no mu Mugabane wa Afurika.

    Ibi yabivuze kuri uyu wa Kabiri tariki 01 Ugushyingo 2022 ubwo yagezaga ijambo ku bagize Inteko Ishinga Amategeko y'Umuryango wa Afurika y'Iburasirazuba (EALA) bamaze iminsi bari gukorera imirimo yabo mu Rwanda.

    Perezida Kagame yagize ati ” U Rwanda rwiteguye gukomeza gutanga umusanzu mu guharanira umutekano n'amahoro yaba mu karere ndetse n'umugabane.”

    Perezida Kagame yavuze kandi ko 'nubwo hari intambwe yatewe'mu korohereza urujya n'uruza ku mipaka hakiri imbogamizi mu mitangire ya serivisi.

    Ati: 'Igisubizo cy'ibi ni ubushake bwa politike.'

    Ibihugu bihuriye muri EAC mu myaka ya vuba, cyangwa n'ubu, byagiye bigira ubushyamirane mu bya politiki, nk'u Rwanda na Uganda, u Rwanda n'u Burundi cyangwa u Rwanda na DR Congo, hakaba n'ibyagiye bigirana ibibazo bishingiye ku bucuruzi n'urujya n'uruza rw'ibicuruzwa nka Tanzania na Kenya, hamwe na Uganda na Kenya.

    Inzobere zivuga ko ibi bibazo ari bimwe mu bituma intego z'ubumwe bw'ibi bihugu zitagerwaho uko biba byabyiyemeje.

    Nyuma y'amasezerano yemejwe n'ibihugu bigize EAC akuraho imbogamizi ku rujya n'uruza rw'abantu n'ibintu, abaturage bo muri EAC bari biteze cyane ubwisanzure mu kujya guhaha, gucuruza, gutura cyangwa kujya gukora aho bashaka muri iri soko ryagutse ubu rifite abaturage miliyoni zirenga 172.

    Gusa mu 2020, ubwo EAC yuzuzaga imyaka 20, bamwe babwiye BBC Gahuzamiryango ko ibyo bikiri inzozi kuko urujya n'uruza rw'abantu n'ibintu rutoroshye ku mipaka nk'uko biri mu masezerano y'abanyapolitike.

    Source : https://umuryango.rw/amakuru/mu-rwanda/politiki/article/u-rwanda-ruzakomeza-kubungabunga-amahoro-muri-eac-perezida-kagame