Webrwanda Backend

Category: Uncategorized

  • M23 yafashe uduce tubiri tw’Ingenzi muri Teritwari ya Masisi #rwanda #RwOT

    Muri iyi mirwano abarwanyi ba M23 babashije kwigarurira uduce twa Kilolirwe na Sake, aho bahanganye n’inyeshyamba za FDLR zigerageza kuharinda cyane ko abasirikare ba FARDC basahanzwe bari bamaze gukizwa n’amaguru bahunze.

    Utu duce twiyongera ku gace ka Tongo ko muri Gurupoma ya Bwiza , M23 yigaruriye kuwa Mbere tariki ya 14 Ugushyingo 2022, ikambuye FDLR ihamaze imyaka irenga 10 ihagenzura.

    Amakuru ava mu mujyi wa Goma yemeza ko kuva ku mugoroba wo kuri uyu wa 15 Ugushyingo 2022, abasirikare ba FARDC bari batangiye guhunga bava muri uyu mujyi.

    Abakurikiranira hafi iby’imirwano iri kubera muri Kivu y’Amajyaruguru,bemeza ko M23 kuri uyu wa Gatatu mu gihe yaba ikomeje imirwano ishobora gufata umujyi wa Goma nta sasu na rimwe yiriwe irasa, kubera ko abasirikare bashinzwe kurinda uyu mujyi bakomeje kuwutererana.

    Ivomo:Rwandatribune

    Source : http://www.ukwezi.rw/Mu-mahanga/Amakuru-anyuranye/article/M23-yafashe-uduce-tubiri-tw-Ingenzi-muri-Teritwari-ya-Masisi

  • Kamonyi : Hatangiye iperereza ku rupfu rw’Abagabo Batatu basanzwe mu mugezi bapfuye #rwanda #RwOT

    Ba nyakwigendera, barimo uw’imyaka 26 y’amavuko, na bagenzi be bari bafite imyaka 20, bakaba babonetse muri uyu mugezi wa Rwobe uri mu rugabano rw’Umurenge wa Ngamba n’uwa Rukoma, yombi yo mu Karere ka Kamonyi.

    Imibiri y’aba bagabo, yabonetse ku mugoroba wo kuri uyu wa Kabiri tariki 15 Ugushyingo 2022 nyuma y’imvura nyinshi yari yaguye muri aka gace, bikaba binakekwa ko bishwe n’umuvu w’amazi y’iyi mvura.

    Uko ari batatu bari batuye mu gace kamwe dore ko bari batuye mu Kagari ka Bugombe mu Murenge wa Rukoma muri aka Karere ka Kamonyi.

    Aya makuru kandi yanemejwe n’Umuyobozi w’Akarere ka Kamonyi, Dr Nahayo Sylvere, wavuze ko hahise hatangira ibikorwa by’iperereza rigamije kumenya icyateye urupfu rw’aba baturage.

    Dr Nahayo yaboneyeho kwihanganisha imiryango ya ba nyakwigendera, anasaba abantu kutishora mu bikorwa bitemewe n’amategeko byumwihariko ibi byo gucukura amabuye y’agaciro, ati 'kuko iyo babikoze nabi bigira ingaruka mbi bikaba byabatwara n’ubuzima.'

    Nyuma yuko imirambo y’aba bagabo ibonywe n’abaturage na bo bagahita babimenyesha inzego, yahise ijyanwa ku bitaro kugira ngo ikorerwe isuzuma rya nyuma, ubundi ishyikirizwe imiryango yayo kugira ngo ibashyingure.

    Source : http://www.ukwezi.rw/1-1/Amakuru-anyuranye/article/Kamonyi-Hatangiye-iperereza-ku-rupfu-rw-Abagabo-Batatu-basanzwe-mu-mugezi-bapfuye

  • Ikipe y’igihugu yahagurukanye abakinnyi 5 yerekeza muri Tanzania mu irushanwa rya CANA ZONE 3 #rwanda #RwOT

    Ikipe y’Igihugu y’Umukino wo Koga yaraye ihagurutse ku Kibuga Mpuzamahanga cy’Indege cya Kigali, yerekeza mu Mujyi wa Dar es Salaam muri Tanzaniya, aho igiye gukina Irushanwa rya CANA ZONE 3 Swimming Championship.

    Abakinnyi bitabiriye iri rushanwa bakaba bazahatana mu ntera ya Metero 800 muri Pisine ndetse na 5000 mu Kiyaga.

    Ni imikino igiye gukinwa ku nshuro ya yo ya karindwi (7), mu gihe u Rwanda rumaze kuyitabira inshuro enye (4) n’iyi ya gatanu (5) ruzaba rwitabiriye.

    Uretse iyi mikino igiye kubera muri Tanzaniya, u Rwanda kandi rwitabiriye imikino nk’iyi yabereye mu gihugu cya Kenya mu Mwaka wa 2019.

    Gusa, bitewe n’inkubiri zitandukanye z’Icyorezo cya Covid-19, yageze mu Isi mu Mwaka wa 2020, imikino nk’iyi yakinwe muri 2020 mu gihugu cya Tanzaniya na 2021 muri Uganda ntabwo Ikipe y’Igihugu yabashije kuyitabira.

    Ntwabwo u Rwanda rwitabira imikino nk’iyi yabereye ahandi gusa, kuko mu Mwaka wa 2016 rwarayakiriye ibera mu Karere ka Bugesera kuri Pisine ya Hoteli La Palisse.

    Ikipe y’igihugu ikaba yahagurukanye abakinnyi 5 ndetse n’umutoza wa yo, Niyomugabo Jackson.

    Ishimwe Claudette: Cercle Sportif de Karongi
    Maniraguha Eloi: Mako Sharks Swimming Club
    Iradukunda Eric: Cercle Sportif de Karongi
    Dusabe Claude: Cercle Sportif de Karongi
    Neema Clemantine: Cercle Sportif de Karongi

    Uretse aba bakinnyi bagiye guhatana, Bwana Bazatsinda James, Umunyamabanga w’Ishyirahamwe ry’Umukino wo Koga mu Rwanda 'Rwanda Swimming Federation’, na we yajyanye n’iri tsinda, aho biteganyijwe ko azahagararira Ishyirahamwe ry’Umukino wo Koga mu Rwanda mu nama izahuza abayobozi b’Amashyirahamwe agize CANA ZONE 3.

    Iyi mikino izabera kuri Pisine y’Ikipe ya Gymkhana Club, iherereye mu Mujyi wa Dar es Salaam mu gihugu cya Tanzania guhera tariki ya 17 kugeza ku ya 20 Ugushyingo, 2022.

    Ni imikino izitabirwa n’ibihugu 6, U Rwanda, Uganda, Burundi, Sudan, Eritrea na Tanzania izaba yakiriye iyi mikino.

    Mbere yo guhaguruka babanje kuganirizwa na Girimbabazi Pamela umuyobozi w’ishyirahamwe ry’umukino wo koga mu Rwanda

    Yabashyikirije ibendera rya FINA

    Source : http://isimbi.rw/siporo/article/ikipe-y-igihugu-yahagurukanye-abakinnyi-5-yerekeza-muri-tanzania-mu-irushanwa-rya-cana-zone-3

  • Ni cyo cya nyuma gikinwe n’amakipe 32: Ibyo wamenya ku gikombe cy’Isi cya 2022 #Rwanda #RwOT via @kigalitoday #rwanda #RwOT

    Kuri iki Cyumweru tariki 20 Ugushyingo 2022 mu gihugu cya Qatar ibihugu 32 bizatangira guhatanira igikombe cy’Isi 2022 kigiye kuba ku nshuro ya 22 mu (…)

    Source : https://www.kigalitoday.com/imikino-11/football/article/ni-cyo-cya-nyuma-gikinwe-n-amakipe-32-ibyo-wamenya-ku-gikombe-cy-isi-cya-2022

  • Eddy Kenzo yahishuye ko hari abantu bishyuriwe kumwica #Rwanda #RwOT via @kigalitoday #rwanda #RwOT

    Edrisah Musuuza, Umuhanzi w’umunya-Uganda wamamaye nka ‘Eddy Kenzo’ yavuze ko afite ubwoba akomeje guterwa n’abantu bashaka (…)

    Source : https://www.kigalitoday.com/imyidagaduro/muzika/article/eddy-kenzo-yahishuye-ko-hari-abantu-bishyuriwe-kumwica

  • MU MAFOTO 40: Ikimero cyumunyatanzaniyakazi… – #rwanda #RwOT

    Iyi ndirimbo iri muzo Otile Brown amaze gushyira hanze, ibaye iya kabiri akoranye na The Ben,  ikaba ari iya gatatu akoranye n'umunyarwanda kuko afitanye indi na Meddy yaciye ibintu yitwa 'Dusuma'.

    Mu mashusho y'iyi ndirimbo yamaze kugera ku mbuga zitandukanye zicururizwaho umuziki, hagaragaramo umukobwa witwa Jasinta Mukwabe.

    Uyu munyamideli akaba agaragara akina urukundo muri iyi ndirimbo n'aba bahanzi, by'umwihariko Otile Brown bagaragara bishimana mu buryo budasanzwe.

    Jasinta uba wambaye nk'abakobwa bagiye kurya isi ku mazi mu mwambaro uzwi nka Bikini, hari n'aho ajya hejuru y'uyu muhanzi baba bakorakoranaho.

    Nyuma yo kubona iyi ndirimbo tukaba, inyaRwanda.com, twifuje kubereka ubwiza bw'uyu mukobwa ukunze kuvugisha benshi banakomeza kwiyongera ku mbuga nkoranyambaga akoresha.

    Uretse kugenda uyu mukobwa amurika imyenda, yanitabiriye amarushanwa y'ubwiza ya Miss Calabar Africa ahagarariye Tanzania. Icyo gihe u Rwanda rwari ruhagarariwe na Uwihirwe Yassipi Casimir.

    KANDA HANO UREBE INDIRIMBO NSHYA YA OTILE BROWN NA THE BEN

    “>

    Source : https://inyarwanda.com/inkuru/122900/mu-mafoto-40-ikimero-cyumunyatanzaniyakazi-ugaragara-akinisha-otile-brown-na-the-ben-122900.html

  • Igisupusupu aracyafite ku mutima uwo yahing… – #rwanda #RwOT

    Mu buzima buri wese agira ibihe by'umunezero byo kuzirikana, ibyashaririye umutima n'ibindi adashobora gupfa kwibagirwa. Hari ubasha gusohoka mu bihe nk'ibyo, akabasha kubivuga, rimwe bikamubera umuti wo gukira kwe kwa burundu.

    Nsengiyumva ni umwe mu bahanzi bake banditse amateka mu muziki w'u Rwanda, mu buryo benshi batakekaga.

    Amashusho ye acuranga umuduri yakwirakwiye ku mbuga nkoranyambaga niyo yamubereye intangiriro yo kwinjira mu muziki mu buryo bw'umwuga, afashijwe na Alain Mukuralinda, Umuvugizi Wungirije wa Guverinoma y'u Rwanda.

    Ubuhanzi bwe bwari busuzuguritse ndetse yataramiraga abaciriritse bo mu tubari tw'inzagwa n'ibigage, ntiyashoboraga guhagarara imbere y'abakomeye. Rimwe na rimwe, yanyuzagamo agafata isuka akajya guhingira abandi ari kumwe n'umugore we.

    Uwari Sagihobe ubu yabaye icyamamare! Ni we muhanzi wenyine wabashije kuririmba mu bitaramo byose bya Iwacu Muzika Festival byasojwe n'icyatumiwemo Diamond Platnumz, yataramiye mu tubyiniro tw'abanyamujyi n'imbere y'abayobozi bakomeye.

    Mu Ukuboza 2018, nibwo indirimbo ya mbere ye yagiye hanze. Iyo ni iyitwa 'Mariya Jeanne' benshi bakunze kwita 'Igisupusupu' yamwitiriwe. Iyi ndirimbo yarakunzwe mu buryo budasanzwe, iba intero n'inyikirizo mu bitangazamakuru no ku mbuga nkoranyambaga, abana n'abakuze barayiririmba biratinda.

    Mu kiganiro yagiranye na InyaRwanda, Nsengiyumva yavuze ko n'ubwo yakora umuziki akagera ku gasongero k'abanyamuziki cyangwa se akagira n'amafaranga afatika, bigoye kuzibagirwa umukecuru yahingiye ntamwishyure.

    Yavuze ko igihe kimwe yabyutse, mu rugo nta kintu cyo kurya gihari, buri wese amwitezeho kuzana ifunguro ritunga umubiri. Yagiye gushaka akazi ko guhingira abandi, ajyana n'umugore we babona akazi ko guhingira umukecuru.

    Ubwo bari basoje, uwo mukecuru yababwiye kugaruka nyuma akabishyura avuye gushora (kugurisha) ikawa, hanyuma Nsengiyumva amusaba kuba abahaye ibishyimbo byo kurya, igihe cyo kubishyura agakuraho agaciro k’ibyo bishyimbo.

    Uyu mukecuru ngo yabwiye Nsengiyumva ko nta bishyimbo asigaranye, ko n’ibyo amaze iminsi ari kurya ari iby’umukazana we yamuhaye.

    Ati “Yarambwiye ati nta n’ibishyimbo mfite n’ubu tuvugana ibishyimbo mperuka kurya ni iby’umukazana wanjye yampaye…. “

    Yavuze ko iminsi itatu yashize atarahembwa ayo mafaranga bakoreye, yayamurekeye. Kuva ubwo akomeza kubizirikana kugeza n'ubu. Ati 'Ni ikintu ntashobora kwibagirwa mu buzima n’iyo nakira.'

    Indirimbo 'Nyemerera' yasohoye si igishegu, kandi kugeza ku myaka 90 azaba agiceza:

    Nsengiyumva avuga ko iyi ndirimbo yaririmbye yakomotse ku irari azi abagabo bagira. Avuga ko yayandikiwe hanyuma nawe arayiririmba.

    Yavuze ko yari amaze iminsi ahugiye mu kwita ku muryango we, ariko anatekereza ku rugendo rw'umuziki we.

    Uyu mugabo yabanje gushyiraho ‘tentire’ y’ibara ry’umweru mu mutwe, ubu yashyizeho tentire y’ibara rijya gusa n’umutuku. Kuri we, avuga ko ntacyo bitwaye, kandi ko n’umudamu we yabimenyereye.

    Igisupusupu avuga ko ibyo aririmba mu ndirimbo yemeranya nabyo, bityo ko ntawe ukwiye kuvuga ko aririmba ‘ibishegu’.

    Ati 'Umuntu se uri kuvuga ko ari igishegu ni inde ngo abimbaze? Ubundi se igishegu ni iki? Nkubajije nti igishegu ni iki gusa. Azansobanurire icyo ari cyo mbone kumva ko ari igishegu.'

    Yavuze ko n’ubwo atazi kuririmba nk’umuraperi, ariko afashe igihe cyo kubyiga yabimenya. Kuri we, avuga ko gushaka ni ugushobora. Ati “Ikintu cyose iyo utakizi ntawo ukimenya ariko iyo ukizi (ukize) urakimenya.'

    Amashusho y’iyi ndirimbo ‘Nyemerera’ yafatiwe ku mbuga ngari ku Gisenyi mu Karere ka Rubavu. Uyu mugabo avuga ko abafana be ari bo nkingi ya mwamba ashingiyeho, kandi aracyari kumwe nabo, ngo bazatandukanwa n’urupfu. Ati “Nizeye ko rwose umuziki nzawusukuma n’iyo nagira imyaka 90.' 

    ‘Igisupusupu’ yavuze ko bigoye kwibagirwa umukecuru yahingiye akamwambura 

    Nsengiyumva yavuze ko yiteguye gukomeza gukora umuziki, ku buryo atazongera kubicisha irungu 

    Igisupusupu ashima uruhare rwa 'Ndimbati 'mu guteza imbere cinema. Agaragara mu ndirimbo ye 'Nyemerera' 

    KANDA HANO UREBE INDIRIMBO 'NYEMERERA' YA NSENGIYUMVA

     “>

    KANDA HANO UREBE IKIGANIRO TWAGIRANYE NA NSENGIYUMVA

    “>

    Source : https://inyarwanda.com/inkuru/122902/igisupusupu-aracyafite-ku-mutima-uwo-yahingiye-mu-murima-akamwambura-video-122902.html

  • Canal+ yatangaje ko izerekena imikino yose y’… – #rwanda #RwOT

    Guhera tariki 20 Ugushyingo kugera tariki 18 Ukuboza, mu gihugu cya Qatar hazaba hari kubera imikino y’igikombe cy’Isi kigiye kuba ku nshuro ya 20.

    Umuntu wese ufite ifatabuguzi rya CANAL+ azabasha kureba imikino y’igikombe cy’Isi binyuze ku bufatanye bagiranye n’Ikigo cy’Igihugu cy’Itangazamakuru, aho kuri Televiziyo y’u Rwanda, RTV, hazanyura imikino 28 kuri shene ya 380 izaba iri muri HD. Iyi mikino izaba yiganjeho amakipe yo muri Afurika ndetse ikazatambuka irimo ubusesenguzi bwo mu Kinyarwanda.

    Ntabwo bizagarukira aho gusa kuko binyuze mu bufatanye na English Pack DSTV, nanone abakiriya ba CANAL+ bafite ifatabuguzi iryo ari ryo ryose bazabasha kureba imikino 64 y'igikombe cy'isi izanyura kuri Super Sport EPL izaba iri kuri shene ya 433, ndetse na Superstar La Liga izaba iri kuri 434. Iyi mikino yose izatambuka inyuze kuri Super Sport, izaba iri mu rurimi rw’Icyongereza.

    Imikino yose 64 izatambuka kuri Canal + mu gihe cy’ukwezi 

    Umukiriya wa CANAL+ ushaka kureba iyi mikino, icyo asabwa ni ukugura ifatabuguzi guhera ku ifatabuguzi rya Ikaze rigura 5,000 Frw kuzamura, uko kandi uguze ifatabuguzi ni ko uhita uhabwa iminsi 15 ureba amashene yose ya CANAL+ ako kanya.

    Naho abakiriya bashya bifuza kureba iyi mikino, CANAL+ yabashyiriyeho promotion ya Noheli ishyushye, aho bashobora kugura ibikoresho byose 5000 Frw gusa ndetse bagakorerwa na ‘Installation’ ku yandi 5000 Frw gusa.

    Abanyamakuru babwiye ubuyobozi bwa CANAL+ ko abanyarwanda bari bakeneye inkuru nk’iyi ndetse ko izihe igihe! 

    Amashene ya Super Sport azatangira kugaragara kuri CANAL+ ku wa 5 tariki 18 Ugushyingo 2022, ndetse akazahagarara tariki 18 Ukuboza 2022 igikombe cy’Isi kirangiye.


    CANAL+ yongeye kwemeza ko muri siporo iyoboye!

    Sophie TCHATCHOUA uyobora CANAL+ mu Rwnada, yatangaje ko bazakomeza kudabagiza abakiriya babo, babagenera ibyiza byose bifuza kandi mu buryo buboroheye


    Canal+ irayoboye!! 

    Source : https://inyarwanda.com/inkuru/122899/canal-yatangaje-ko-izerekena-imikino-yose-yigikombe-cyisi-binyuze-kuri-english-pack-dstv-122899.html

  • Ni igisobanuro cyumuziki mu gikombe cy’Isi:… – #rwanda #RwOT

    Uyu munsi wa none abantu benshi bahanze amaso mu gihugu cya Qatar kigiye kuberamo igikombe cy'isi cy'umupira w'amaguru. Ni imikino itegerejwe na benshi aho bafite amatsiko yo kumenya ikipe izegukana igikombe cy’uyu mwaka. Igikombe cy’Isi giheruka, cyegukanywe n’u Bufaransa mu 2018.

    Umuziki urimo gucurangwa muri Qatar ni wa wundi ushyushye. Muri wo harimo nk'indirimbo zirimo Bamboo, Don't You Need Somebody, Hips Don't Lie zamamaye mu muziki ucurangwa mu mupira w'amaguru kimwe n'indirimbo y'igikombe cy'isi cy'uyu mwaka wa 2022 yitwa “Light The Sky”. Izi ndirimbo zose zikaba zaratunganijwe na rurangiranwa mu muziki, 'RedOne'.

    RedOne ni umugabo ukomoka muri Africa, akaba yarabaye nk'imana y'umuziki by'umwihariko mu mikino. Guhera mu 2006, ari mu bayoboye igisata cy'imyidagaduro mu Ishyirahamwe ry’Umupira w’Amaguru ku Isi, FIFA, (Creative Entertainment Executive), akaba agenda ayobora abahanzi n’uko baririmba mu gikombe cy’Isi ndetse no muri uyu mwaka ni we ubifite mu biganza.

    InyaRwanda.com igiye kukwinjiza mu buzima bw'uyu mugabo usobanuye byinshi mu muziki w'igikombe cy'isi

    RedOne niyo mazina benshi bamuziho, gusa ayo yiswe n’ababyeyi ni Nadir Khayat. Yavukiye mu gace ka Tetouan muri Morocco muri Afrika. Yavutse ari umwana wa 9 ari na we bucurura mu muryango. Mu 1991 yimukiye muri Suwede ku mugabane w’Uburayi, icyo gihe akaba yari afite imyaka 19, aho yari agiye gutangira ibikorwa bye by'umuziki.

    Ubwo yaganiraga n’ikinyamakuru cyandika kizwi nka HitQuarters, asobanura uko yagiye muri Swede yaragize ati: 'Icyo gihe muri iki gihugu hari hari gukorwa imiziki myiza”. Yagaragaje amatsinda yakanyujijeho arimo ABBA na Roxette mu yatumye yiyumva umuziki cyane.

    Akigera muri iki gihugu, yatangiye kuririmba anacuranga 'guitar' mu itsinda ryarimo abahanga mu njyana ya Rock. Yarimazemo imyaka igera kuri ine hari hagati ya 1991 na 1995. Muri icyo gihe kandi yahise ahabwa n'ubwenegigugu bwa Swede.

    Mu 1995 yaje guhindura icyerecyezo atangira kujya yandikira indirimbo abahanzi, umwuga yafashishijwemo cyane na Rami Yacoub umunyabigwi mu muziki wa Rock. Yacoub yishimiye cyane umuziki wa RedOne aza kumwiyegereza batangira kwandika indirimbo nyinshi zitandukanye.

    Muri iki gihe RedOne yatangiye gukorana n'abahanzi bakomeye bari bagezweho icyo gihe barimo nk'itsinda ry'abakobwa bari bagezweho bitwa Popsie, akaba yarabandikiye indirimbo zirimo 'Funky' na 'Joyful Life'. Yafatanije na Yacoud mu gutunganya izi ndirimbo.

    Muri iki gihe ni bwo yatangiye kwiyita RedOne bivuye ku izina ry'inshuti ye Redouan. Bidatinze, Yacoub yamusabye ko batangira gukorana mu nzu itunganya umuziki ya Cheiron iri mu zikomeye zabayeho, atangira gutunganya indirimbo z'ibyamamare birimo Backstreet Boyz, Britney Spears, Westlife na Celine Dion.

    RedOne yatangiye gutunganya indirimbo z'ibyamamare byiganjemo abanyaburayi nka A*Teen, hari hagati ya 2001 na 2002. Nyuma y'igihe kitari gito kigoye, uyu mugabo yatangiye gusarura imbuto z’ibyo yari yariyeguriye, yegukana ibihembo bikomeye birimo na Swedish Grammy kubera indirimbo yatunganije. Hari mu mwaka wa 2005.

    Yahise atangira gutunganyamo indirimbo z'abahanzi bo ku mugabane wa Amerika, mu bazwi harimo Britney Spears. Yatunganirije iyitwa 'Money Love and Happiness', yaje kujya hanze mu mwaka wa 2012.

    Mu 2006 yatunganyije indirimbo yitwa 'Bamboo', yabaye ikirango cy'igikombe cy'isi cy'uwo mwaka. Iyi ndirimbo yari iya Shakira yaciye ibintu ndetse n'ubu iyo icuranzwe buri umwe ahita atecyereza ku gikombe cy'isi FIFA World Cup.

    Ibi byatumye ahita yinjira mu kanama kateguraga igikombe cy'isi. Yaje gutunganya indirimbo zirimo 'Hips Don't Lie' Shakira yasubiranyemo na Wyclef Jean, ikaba yarakunzwe bikomeye. Binyuze kuri Television zitandukanye, bivugwa ko iyi ndirimbo yarebwe n'abarenga Miliyari 1.2.

    Nubwo indirimbo 'Bamboo' ari yo yatumye yamamara nk’umucuzi mwiza w'umuziki [Producer], RedOne yatangaje ko nta kintu yamufashije nk’uko yari abyiteze. Ati: 'Wari umushinga mwiza wanjye ari mu buryo bw'ubucuruzi no gukurura abashoramari, nta kintu yigeze imfasha.'

    Uyu mugabo yavuze ko yumvaga izazamura izina rye muri Leta Zunze Ubumwe za Amerika ariko ntabwo byigeze biba nk’uko yari abyiteze. Ibi byanatumye afata umwanzuro wo kwerekeza muri iki gihugu cyari kimaze kuzamuka mu muziki mu buryo bugaragara.

    Mu 2007 yajyanye n'umugore we n'abana gutura muri New Jersey, gusa uku kwimuka mu ntangiriro ntibyamuhiriye kuko yashoye hafi amafaranga yose yari afite ngo abashe gukora nibura indirimbo imwe ariko bikarangira bitamuhiriye nk’uko yari abyiteze.

    Aganira na Global Post yavuze uko ubuzima bwari bugoye ndetse akaba yari yiteguye gusubira muri Sweden, ati: 'Nari mfite agahinda gakomeye, mbwira umugore wanjye ngo dusubire muri Sweden ariko arambwira ngo twagakwiye kureba aho tuguza tukareba uko tubasha kubaho andi mezi kuko nta kuva ku bintu”.

    Uyu mugabo yaje kwamamara ubwo yageraga muri Epic Records agiye kubereka indirimbo yakoreye Kat DeLuna yitwa 'Whine Up', ba nyir iyi nzu y'umuziki bamubwira ko ari umuhanga.

    Yatangiye kugenda akorana n'ibyamamare birimo Jennifer Lopez. Mu 2007, Alan Melina na Laurent Besencon bashinze inzu y’umuziki yitwa New Heights Entertainment irimo Lady Gaga, bahuye na RedOne atangira kubafasha kwandika indirimbo zitandukanye.

    Mu mwaka wa 2008, RedOne yagize uruhare rukomeye mu ikorwa ry'umuzingo [Album] witwa 'The Fame'. Mu 2010 yashinze inzu itunganya ikanareberera inyungu z'abahanzi, ni inzu yise '2101 Records', yari ifitanye imikoranire ya hafi na Universal Music Group.

    Ku bufatanye na Sony ATV, iyi nzu y’umuziki 2101 Records yasinyishije abahanzi rurangiranwa nka Jennifer Lopez, Mohombi, Havana Brown, Midnight Red, Porcelain Black na 7Lions.

    RedOne yaje gukomeza gukorana na Lady Gaga nko ku muzingo witwa Born This Way wagiye hanze mu 2011, akora indirimbo enye za Nicki Minaj zo kuri Album ya kabiri yitwa “Roman Reloaded” yagize hanze mu 2012. Indirimbo uyu mugabo yakoze zirimo 'Starships' na 'Pound the Alarm'.

    Mu ntangiriro za 2014, RedOne yahisemo guhindura izina ry'inzu y'umuziki ya 2101 Records ayita RedOne Records. Yahise yinjizamo abahanzi bashya barimo Midnight Red, Porcelain Black, Ahmed Chawki, Sophia Del Carmen n'abandi.

    Muri 2015, yatangaje ko agiye gushyira hanze Album ye ya mbere, avuga ko yifuza ko izaba iriho abahanzi barimo Lady Gaga, Enrique Iglesias, Stevie Wonder na Lionel Richie.

    Yaje gutangira gukorana na Warner Bros Records, hari muri Mutarama 2016, ahita ashyira hanze indirimbo yitwa 'Don't You Need Somebody' yifashishijemo abahanzi Enrique Iglesias, R.City, Seravah na Shaggy.

    Mu Ukwakira 2022 yatoranijwe gutunganya indirimbo y'igikombe cy'isi cya 2022 yiswe 'Light The Sky'.

    Kugeza ubu, abahanzi bamaze gukoran n'uyu mugabo ni hafi ya bose mu b’ibyamamare ku Isi.

    Mu 2011 yatangije umuryango ufasha abatishoboye yise 2101 Foundation. Yagize uruhare mu bikorwa bitandukanye byo gufasha mu bice bitandukanye by'isi, ahereye mu bizamura uburezi.

    RedOne yashakanye na Laila Aziz. Umutungo w'uyu munyabigwi ubarirwa muri Miliyari 20Frw.

    RedOne usigaye ari Creative Entertainment Executive muri FIFA, yari kumwe n’Umuyobozi Mukuru wa FIFA, Bwana Giani IfantinoGianni na RedOne muri Qatar igiye kwakira Igikomve cy’Isi

    RedOne ari kumwe n’umuhanzi w’icyamamare Daddy YankeeRedOne na Eric Iglesias inshuti ye magara RedOne afite imishinga myinshi y’indirimbo n’umuziki akorana na Lady Gaga

    RedOne hamwe na Jennifer LopezRedOne na Cristiano Ronaldo wari ukiri muri Real MadridAfatwa nka Producer w’ibihe byose ku isiInjyana isobanura umupira w’amaguru yumvikana none yakozwe na RedOne

    Source : https://inyarwanda.com/inkuru/122889/ni-igisobanuro-cyumuziki-mu-gikombe-cyisi-ibyihariye-ku-munyafurika-redone-uyoboye-imyidag-122889.html

  • U Buhinde bwananiwe gukina igikombe cy’Isi ku… – #rwanda #RwOT

    Kuva tariki 20 Ugushyingo kugera tariki 18 Ukuboza, muri Qatar harabera imikino y’igikombe cy’Isi kigiye kuba ku nshuro ya 20, aho amakipe agera kuri 32 yambariye urugamba ashaka kumanika iki gikombe gikinirwa buri myaka 4. 

    Imikino y’igikombe cy’Isi igira udushya twinshi, turimo no kuba ikipe ihabwa amahirwe hari n’igihe itarenga amatsinda.

    Tugiye kugaruka ku mibare, udushya ndetse n’uduhigo iyi mikino yihariye

    Imigabane ibiri gusa niyo imaze gutahamo igikombe cy’Isi, iyo ikaba ari Amerika y’Epfo n’u Burayi. Mu bikombe by’Isi 20 bimaze gukinwa, amakipe ava kuri iyi migabane amaze kugera ku mukino wa nyuma inshuro 18. Nyuma y'aho igihugu cya Qatar kigiye kwakira imikino y’igikombe cy’Isi, ubwo izakandagira mu kibuga izahita yuzuza ibihugu 80 bimaze gukina iyi mikino.

    Imikino y’igikombe cy’isi nizo ndoto za buri mukinnyi ukina umupira w’amaguru 

    Igihugu cya Mexique (Mexico) ni cyo gihugu kimaze kwitabira imikino y’igikombe cy’Isi inshuro nyinshi, ariko kikaba kitarayitwaraho na rimwe. Mexique imaze gukina igikombe cy’Isi inshuro 16, harimo 2 yakiriye mu 1970 na 1986. Igihugu cyitabiriye imikino y’igikombe cy’Isi gifite abaturage bacye ni Iceland, ubwo yari ituwe n’ibihumbi 334,000.

    Ikipe y’igihugu ya Mexico niyo kipe imaze kwitabira igikombe cy’isi inshuro nyinshi ariko ikaba itaracyegukana 

    U Budage ni bwo bumaze gukina imikino myinshi y’igikombe cy’Isi ingana na 106. Iki gihugu kimaze gukina imikino ya nyuma (Final) 8, 1/2 inshuro 13, 1/4 inshuro 16, kikaba kimaze gutsinda ibitego 224. New Zealand nicyo gihugu cyavuye mu mikino y’igikombe cy’Isi cya 2010 kidatsinzwe umukino n’umwe, kuko banganyije imikino yabo 3 yo mu matsinda, mugihe Espagne yegukanye iki gikombe yatsinzwe umukino ufungura.

     

    U Budage nibwo bumaze gukina imikino myinshi y’igikombe 

    Yugoslavia nicyo gihugu cyitabiriye imikino y’igikombe cy’Isi gifite abakinnyi bafite imyaka micye. Ibi byabaye mu 1930, ubwo iki gihugu cyari gifite impuzandengo y’imyaka 21 n’iminsi 258. U Budage nicyo gihugu cyitabiriye imikino y’igikombe cy’Isi gifite abakinnyi bakuze. Ibi byabaye mu 1998 ubwo mu bakinnyi babanje mu kibuga bakina na Iran, bari bafite impuzandengo y’imyaka 31 n’iminsi 345.

    Mu 1950 ikipe y’igihugu y’u Buhinde yabonye itike yo gukina imikino y’igikombe cy’Isi ariko ntiyabasha kuyitabira, kuko FIFA yabasabye kuzaza mu mikino baraguze inkweto zo gukinisha birangira babuze amafaranga yo kuzigura barabireka. Ibihugu 6 gusa nibyo byegukanye igikombe cy’Isi byacyakiriye. U Bufaransa nicyo gihugu giheruka kwakira imikino y’igikombe cy’Isi bukacyegukana, aha byari mu 1998.

    U Buhinde bwazize kwambara ibirenge 

    Just Fontaine niwe mukinnyi ufite agahigo ko gusoza imikino y’igikombe cy’Isi afite ibitego byinshi, aho mu 1958 yashoje irushanwa afite ibitego 13. Faryd Mondragon ukomoka muri Colombia, mu 2014 yashyizeho agahigo ko gukina imikino y’igikombe cy’Isi akuze, ubwo igihugu cye cyakinaga n’u Buyapani uyu mukinnyi yinjiye mu kibuga afite imyaka 43 n’iminsi 3.

    Norman Whiteside ukomoka muri Ireland y’amajyaruguru, niwe wakinnye igikombe cy’Isi ari umwana, aho mu 1982 bakina na Yugoslavia uyu musore yinjiye mu kibuga afite imyaka 17 n’iminsi 41.

    Norman niwe mukinnyi wakandagiye mu gikombe cy’isi ari umwana 

    Luis Monti niwe mukinnyi wa mbere wakiniye ibihugu 2 mu mikino y’igikombe cy’Isi. Luis yakiniye Argentina mu mikino y’igikombe cy’Isi mu 1930 ndetse akinira u Butariyani mu 1934. Kapiteni w’ikipe y’igihugu y’u Butariyani Dino Zoff mu mikino y’igikombe cy’Isi cya 1982, niwe mukinnyi wegukanye iki gikombe akuze ku myaka 40 n’amezi 4 n’iminsi 13.

    Didier Deschamps, Mario Zagallo na Franz Beckenbauer nibo bantu begukanye igikombe cy’Isi ari abakinnyi nyuma bakanagitwara ari abatoza. Umurusiya Oleg Slanko mu 1994 yatsinze Cameroun ibitego 5 wenyine, bituma aba umukinnyi watsinze ibitego byinshi mu mukino umwe.

    Brazil niyo kipe y’igihugu itarasiba n’inshuro n’imwe 

    Source : https://inyarwanda.com/inkuru/122907/u-buhinde-bwananiwe-gukina-igikombe-cyisi-kubera-gukinisha-ibirenge-amateka-nuduhigo-twara-122907.html