Category: Uncategorized

Mu mwaka wa 2021 abantu bagera kuri 655 nibo bapfuye mu Rwanda bazize impanuka zo mu muhanda , bari bavuye kuri 597 bapfuye muri 2018, ni imibare irushaho kuzamuka buri mwaka.

Iyi ni imibare ikubiye muri raporo yashyikirijwe komisiyo y’ububanyi n’amahanga ,ubutwererane n’umutekano mu nteko ishinga amategeko umutwe wa Sena igaragaza uko icyo kibazo kimeze.

Igituma abagize iyi komisiyo bibaza impamvu ry’izamuka ry’iyi mibare nyamara leta yarashyizeho ingamba zihagije zafasha kugabanya impanuka mu muhanda.

Umwe yagize ati “hari zino kamera zose tubona mu mihanda, hari amategeko, hari ibintu byinshi tubona byakabaye bidufasha mu gukumira iki kibazo cy’impanuka tukirinda ziriya mfu tubona, ariko tugasigara twibaza ese ko ibintu ari byinshi natwe tubibona, impanuka kuki zitagabanuka”.

Asubiza iki kibazo ACP Gerard Mpayimana ushinzwe ishami ry’umutekano wo mu muhanda muri Polisi y’u Rwanda yagaragaje ko kuba imodoka zikora ubwikorezi bw’abantu mu buryo bwa rusange zidahagije biri mu byatumye hari abashakira amaramuko muri urwo rwego , ibi byazamuye amakosa menshi ariyo yavuyemo izo mpanuka.

Yagize ati: “Nibyo koko impanuka ni nyinshi mu muhanda zanatewe ahanini n’iby’ingendo rusange bitari bimeze neza, byatumye abandi baza kuzuza icyo cyuho, abamotari baje ku buryo bwinshi, baje kuzuza icyuho cyari kiriho gitewe n’ibyuho byari mu ngendo rusange, nyuma ya Covid amagare nayo yaje kuba menshi kubera ko covid yasize izanye izindi mbogamizi zayo abantu bakajya gushakira amaronko mu gukora umwuga wo gutwara amagare, iyo witegereje uburyo amagare akoreshwa nayo akemura ibibazo bimwe bijyanye n’imibereho y’abaturage ariko bikazana n’imbogamizi zuko bapfa, tugomba kubijyanana byombi uko ari bibiri”.

Mu mibare yerekanwa na Polisi y’u Rwanda nuko impanuka zikorwa n’amagare ubu arizo ziri kuza imbere , ikibazo bagaragaza ni ukutamenya neza amategeko y’umuhanda,kuri ubu ngo Polisi y’u Rwanda iri gufatanya n’izindi nzego ngo barebe uko abakoresha ibi binyabiziga by’amagare bahabwa ubumenyi buri ku kigero cyabo ku mikoreshereze y’umuhanda ndetse hafatwe n’izindi ngamba zafasha kugabanya icyo kibazo.

Amakuru aturuka ahabereye imirwano avuga ko yatangiye i saa tatu z’igitondo cyo kuri uyu wa Kabiri, abaturage benshi bahungiye i Kibirizi n’i Kirema.

Nk’uko amakuru abivuga, inyeshyamba za M23 zigaruriye aka gace zari zarambuwe mu cyumweru gishize nyuma y’imirwano na FARDC n’imitwe irimo FDLR.

Umutwe wa FDLR wiyambajwe na Leta ya Kinshasa mu guhangana na M23 ariko bikomeje kuwuta ku w’amazi kuko bamburwa uduce uko bashoye ibitero kuri M23.

Kugeza ubu abarwanyi ba Mai-Mai APLCS, Nyatura, CMC boherejwe ku bwinshi hagati ya Kitshanga na Chumba, i Bishusha kugira ngo babuze M23 kwigarurira Umujyi wa Kitshanga.

Ni mu gihe mu duce twa Bwiza na Burungu abaturage bo mu bwoko bw’Abatutsi bari guhunga kubera kwibasirwa n’abasirikare ba Mai-Mai, FDLR n’indi mitwe yarunzwe i Kitshanga.

Indi mitwe ya Nyatura na Mai-Mai iri kugerageza kugaba ibitero kuri M23 i Katale na Biruma ku muhanda w’igihugu RN2 no hagati ya Nkwenda na Kisharu muri Gurupema ya Binza muri Teritwari ya Rutshuru.

Umutwe wa M23 uvuga ko utazihanganira ibitero ugabwaho n’ingabo za Leta n’imitwe yitwaje intwaro bafatanyije.

Mu mukino wabereye kuri Al Thumama stadium, Ikipe y’igihugu ya Leta Zunze Ubumwe za Amerika yatsinze ikipe y’igihugu ya Iran bari mu itsinda rimwe rya B, bihita biyigira ikipe ya 2 mu itsinda ndetse inabona itike ikomeza muri 1/8.

Muri uyu mukino watangiye gukinwa saa tatu z’ijoro kuri uyu wa kabiri, ikipe y’igihugu ya Iran niyo yatangiranye imbaraga nyinshi zishaka igitego naho ikipe y’igihugu ya USA yo icungira ku kwirukankana imipira ariko ku mpande zombi ntihagire ikivamo. 

Abakinnyi 11 ba Leta Zunze Ubumwe za Amerika babanje mu kibuga : Turner; Dest, Carter-Vickers, Ream, Robinson; Adams, Musah, McKennie; Weah, Sargent na Pulisic.

Mu minota 4 ikipe y’igihugu ya Iran yari yakije umuriro imbere y’izamu rya Leta Zunze Ubumwe za Amerika ariko gutsinda igitego biranga. 

Abakinnyi ba Iran 11 babanje mu kibuga: Beiranvand; Mohammadi, Hosseini, Pouraliganji. Rezaeian; Hajsafi, Nourollahi, Ezatolahi, Gholizadeh; Azmoun na Taremi.

Umukino wakomeje kwihuta bigera aho n’ikipe y’igihugu ya Leta Zunze Ubumwe za Amerika ibona amahirwe yo gutsinda igitego ku munota wa 8 ku mupira wari uhinduwe na Pulisic ariko Josh Sargent yamurura umupira unyura hejuru y’izamu. 

Mu minota 20 amakipe yombi yabaye nk’ahagaritse kwatakana cyane ahubwo umukino utangira gukinirwa hagati.

Uburyo bw’igitego abakinnyi ba Leta Zunze Ubumwe za Amerika batangiye bahusha

Mu minota 25 ikipe y’igihugu ya Leta Zunze Ubumwe za Amerika niyo yari iyoboye umukino ikinira imbere y’izamu rya Iran ndetse ikanabona koroneri ariko ntihagire igitego kivamo. 

Ku munota wa 27 Timothy Weah yashoboraga gutsinda igitego ku mupira mwiza yari ahawe na ba myugariro ba Iran ariko atera agashoti k’akana akoresheje umutwe ntihagira ikivamo. 

Timothy Weah wa Leta Zunze Ubumwe za Amerika ku munota wa 32 yongeye kurekura ishoti riremereye ariko rinyura impande y’izamu gato. 

Ku munota wa 38 Weston McKennie yahinduye umupira imbere y’izamu uragenda ujya ku mutwe wa Sergio Destin ahita awuhereza Christian Pulisic aterekamo igitego cya 1 cya Leta Zunze Ubumwe za Amerika kiba icya 22 atsindiye igihugu cye.

Igitego Pulisic yatsinze 

Mu minota ya nyuma y’igice cya mbere Leta Zunze Ubumwe z’Amerika yakomeje kwataka ndetse no ku munota wa 7 w’inyongera, Timothy Weah atsinda igitego umusifuzi aracyanga bitewe nuko yari yaraririye. Igice cya mbere cyarangiye Leta Zunze Ubumwe za Amerika ariyo iyoboye n’igitego 1.

Weah warase ibitego byinshi mu gice cya mbere

Igice cya kabiri cyatangiye n’ubundi Leta Zunze Ubumwe za Amerika ikomereza aho yari igejeje mu gice cya mbere ikomeza kwataka cyane. Ku munota wa 50, Iran nayo yagerageje amahirwe yo gutsinda igitego ariko umukinnyi wabo witwa Mehdi Taremi ashyira ku mutwe unyura hejuru y’izamu gato. 

Iran yakomeje kugerageza amahirwe ishaka igitego ku munota wa 63 umukinnyi wayo witwa Saman Ghoddos yongera guhusha uburyo bwari kuvamo igitego, atera umupira hanze y’izamu.

Mu minota ya nyuma, Iran yagerageje uburyo bwo kwishyura ndetse ikanabona uburyo bwiza bwo gutsinda ariko ntibyayihira, igitego kirabura burundu.

Umukino warangiye ikipe y’igihugu ya Leta Zunze Ubumwe za Amerika iyoboye n’igitego 1 bihita biyigira iya 2 mu itsinda n’amanota 5 biyifasha gukomeza muri 1/8 cy’irangiza mu mikino y’igikombe cy’isi cy’uyu mwaka kiri kubera muri Qatar.

Uko amakipe arangije ahagaze mu itsinda B

U Bwongereza bufite amanota 7

Leta Zunze Ubumwe za Amerika ifite amanota 5

Iran ifite amanota 3

Wales ifite inota 1

Pulisic watsinze igitego ariko bikamuviramo n’imvune

Iri rushanwa ngarukamwaka rya Miss Earth ryabaga ku nshuro ya 22, ryari rimaze ukwezi riba mu byiciro bitandukanye, ryasojwe kuri uyu wa 29 Ugushyingo, mu Mujyi wa Manila muri Philippines.

Mu bikorwa by’ingenzi by’iri rushanwa, abakobwa baryitabiriye batanze ibiganiro ndetse bagaragaza imishinga yabo ku bukangurambaga ndetse n’indi mirimo bateganya gukora mu kurinda ibidukikije ku isi.

Bamwe mu bakobwa bari bahagarariye Ibihugu byabo muri Miss Earth 2022

Muri uyu mwaka, u Rwanda ntirwari ruhagarariwe muri iri rushanwa, bitandukanye n’uko mu mwaka ushize wa 2021 haserutse Miss Ngirinshuti Josine, ikamba rikegukanwa na Destiny Wagner wo mu birwa bya Belize.

Muri uyu mwaka kandi ntihitabiriye Ibihugu byinshi byo ku mugabane w’Afurika, aho abiganje mu bahatanye ari abaserukiye Ibihugu byo muri America y’Epfo ndetse no ku mugabane wa Aziya, ari naho igihugu cya Philipinnes giherereye.

Nyuma y’ibyiciro byose by’irushanwa ry’uyu mwaka ryasojwe kuri uyu wa Gatanu, Mina Sue Choi ni we wahize abandi yegukana ikamba, aba umunya-Koreyakazi wa mbere ubaye Miss Earth.

Abandi begukanye amakamba ni Andrea Aguilera wo muri Colombia wagizwe Miss Earth Fire 2022, Nadin Ayoub wo muri Palestine wagizwe Miss Water ndetse na Sheridan Mortlock wo muri Australia wagizwe Miss Air.

Abakobwa 4 nibo begukanye amakamba muri 88 bari bahatanye

Sue Choi wegukanye ikamba rya Miss Earth, yavukiye muri Australia mu 1998, aho ababyeyi be b’abanya-Koreya bari baragiye gukorera, nyuma aza gusubira muri Koreya y’Epfo aho yiga muri Kaminuza.

Muri 2021, Choi yahatanye muri Miss Korea aba igisonga cya mbere, naho mu ntangiriro z’uyu mwaka yegukana irushanwa rya Miss Earth South Korea, ari naryo ryamuhesheje guhagararira Koreya y’Epfo muri Miss Earth i Manila muri Philippines.

Miss Earth iri mu marushanwa y’ubwiza n’ubwenge ane akomeye ku Isi, aho ibarwa nyuma ya Miss Universe, Miss International na Miss World, amarushanwa yose asanzwe ari ngarukamwaka.

Min Sue Choi, Umunya-Koreyakazi w’imyaka 24 y’amavuko ni we wegukanye ikamba riruta andi muri Miss Earth

Guhera ku ya 20 Ugushyingo 2022, ku kibuga cya Kagasa kuri mu Kagari ka Bitaba ho mu Murenge wa Mwogo hakiniwe imikino y’umupira w’amaguru mu byiciro by’abagabo n’abagore, aho buri mukino wajyanaga n’Ijambo ry’Imana.

Nk’uko byari mu mitegurire y’irushanwa, mbere na nyuma y’umukino habaga umwanya wo kuganira ku migenzereze myiza Imana ishaka by’umwihariko hitabwa ku mico myiza igomba kuranga urubyiruko.

Mu ngingo nkuru, abasore n’inkumi bitabiraga, bose bashishikarizwaga kugendera kure ibiyobyabwenge n’ubusambanyi, kuko ari ibikorwa Imana yanga urunuka.

Ku kibuga abafana bari benshi

Iyi mikino yitabiriwe n’amakipe 10 arimo 6 y’abagabo yiganjemo asanzwe ahagararira utugari two mu Murenge wa Mwogo ndetse n’ayabakobwa 4 yahatanye kugeza ku munsi wa nyuma.

Mu cyiciro cy’abagabo, ikipe y’Akagari ka Bitaba niyo yegukanye iri rushanwa, nyuma yo gutsindira ku mukino wa nyuma ikipe y’Akagari ka Rurenge, ibitego 3-0 mu mukino warebwa n’abantu barenga 2000. Mwogo Training Centre niyo yegukanye umwanya wa 3.

Mu cyiciro cy’abagore, ikipe y’Akagari ka Rugunga niyo yegukanye igikombe itsindiye iya Rurenge ku mukino wa nyuma, mu gihe ikipe ya Bitaba ari yo yegukanye umwanya wa Gatatu.

Irushanwa risozwa, Rev Pasiteri Ndayizeye Innocent uyobora itorero ‘Life In Jesus Christ Church’ yashimiye Imana yatumye rigenda neza ndetse ashimira abantu bose bitabiriye ashimangira ko ryagize umusaruro ku mpande zose.

Yagize ati “Turashimira Imana ko irushanwa twateguye ryabaye iry’umugisha rikagenda neza ni umugisha ukomeye twagize. Turashimira ubuyobozi bwadufashije muri byose kandi turashimira abaje kwifatanya natwe mwese, Imana ibahe umugisha.”

Rev Ndayizeye yasoje gahunda z’irushanwa yibutsa abantu bose by’umwihariko urubyiruko kwirinda imigirire idakwiye nko kunywa ibiyobyabwenge, Ubusambanyi ndetse n’ibindi byose bigira ingaruka ku buzima bw’urubyiruko.

Rev Ndayizeye (uwa kabiri uva Ibumoso) yabanzaga gusengera abaje ku kibuga bose

Uwantege Françoise uyobora Akagari ka Bitaba ari nako gafite ikipe yatwaye igikombe mu bagabo, yashimiye Ubuyobozi bwa Life In Jesus Christ bwateguye irushanwa ndetse anabasaba kuzategura andi, ati “Ndabashimira cyane ko mwatuzaniye ibyishimo, muzongere mutegure irushanwa, nanjye ntware ibikombe.”

Gitifu Uwantege Françoise aterura igikombe

Ibyishimo biva mu Ijambo ry’Imana byahuye n’ibya ruhago

Uwahoze ari Perezida wa Kenya, Uhuru Kenyatta akaba n’umuhuza w’ibihugu bigize Umuryango wa Afurika y’Uburasirazuba (EAC) avuga ko Amahoro muri Repubulika (…)