Category: Uncategorized

Symphony Band yageze ku rubyiniro saa yine n'igice bageza ahagana saa munani. Baririmbye ibihangano bitandukanye birimo ibyo mu Rwanda byo hambere nka 'Ingendo y'abeza' n’izindi zo mu Rwanda rwo hambere.

Baririmbye zigezweho nka Rush ya Ayrra Star, Clam Down ya Rema, Henzapu ya Melodie n’izindi.

Symphony ubundi yatangiye mu Ugushyingo kwa 2015 biturutse kuri Kamayirese Erasme wari umwe mu bagize Sebeya Band, ubu wigisha mu ishuri ry'umuziki i Muhanga.

Symphony yacuranze bwa mbere mu gitaramo mu 2016 ubwo habaga imurikagurisha rya TVET, irishimirwa cyane. Icyo gihe iri tsinda ryacuranze indirimbo zirimo 'Urubambye Ingwe' ya Kamaliza, 'Agasaza' ya Masamba n'izindi.

Mugengakamere Joachim avuga ko icyo gihe babonye ayo mahirwe ubwo Sebeya Band yari isanzwe icuranga mu bitaramo byinshi mu Rwanda yanafashaga abahanzi muri Primus Guma Guma Super Star; yari yaragiye muri Canada.

Mbere yo gucuranga indirimbo barabanza bakazikorera umudiho [beat] akaba ariwo bifashisha n'ibindi bikoresho by'umuziki, mu bitaramo bitandukanye bakunze kwitabira.

Bakurikiwe na Dj Tyga wacuranze indirimbo zitandukanye zigezweho n’iza zirimo “Peace of mind” ya Shemi, “Umushonji uguye isari” ya Bulldogg na Diplomat n’izindi.

Oladokun[Bayanni] waririmbiye bwa mbere mu Rwanda uzwi mu ndirimbo nka 'Ta Ta Ta' ari nayo yamamaye cyane, ni umusore w'imyaka 25 wamenyekanye cyane guhera mu 2021.

Mu 2022 nibwo uyu musore wari watangiye asubiramo indirimbo nka Peru ya Fireboy, Jowo ya Davido na Felony ya CKay, yaje gusohora indirimbo ye yise 'African Beauty'.

Muri uyu mwaka yasinye muri sosiyete ya Marvin Records ya Don Jazz iyi ikaba isanzwe ibarizwamo abarimo Ayra starr, Rema, Ruger n'abandi banyuranye.

Nyuma yo gusinya muri Marvin, Bayanni yahise asohora imbumbe y'indirimbo enye yise 'Bayanni EP', iriho indirimbo nka Family, Ta Ta Ta, Kala na Body.

Uyu musore yageze ku rubyiniro buri gucya. Indirimbo ye yaririmbye asubiramo ni “Ta Ta Ta” ahita ava ku rubyiniro.

Ababishoboye bafataga amafotoUyu muhanzi ni ubwa aje mu Rwanda Uyu ni umwe mu bahanzi bagezweho Benshi bifuzaga gufatana ifoto na BayanniIbizungerezi byari byabukereye Bayanni yageze aho ajya mu bafana  Ibizungerezi byari byabukereyeDJ Tyga niwe wavanze imiziki Kamanda na Dj Rusam bari bizihiwe The Major muri Symphony ubwo we na bagenzi be bari bari ku rubyiniro Etienne wa Symphony ku rubyiniro Jameson yateye inkunga iki gitaramo Itsinda ryazanye na Bayanni 

Kanda hano urebe amafoto menshi yaranze iki gitaramo

AMAFOTO- Sangwa Julien-INYARWANDA.COM

Usibye kuba iki gitecyerezo cyashimwe nk’intambwe iganisha ku buringanire hagati y’abagabo n’abagore, ariko nanone cyerekana urukundo no gushyigikira bafitiye umuco uri mu Budage wo kuba wakwikura imyambaro mu gihe hashyushye uri ku mazi, muri sauna, kuri pisine n’ahandi, bise ‘Freikoerperkultur’ (Free Body culture).

Nk’uko CNN ibitangaza, abayobozi ba Berlin bemeje uyu mwanzuro nyuma y’uko umugore umwe avuze ko yangiwe kujya kuri pisine imwe yo muri uyu mujyi atambaye hejuru, mu Ukuboza 2022, maze agatanga ikirego mu biro bishinzwe ubutabera no kurwanya ivangura biri muri sena.

Ubuyobozi bwemeje ko uyu mugore yarenganye agakorerwa n’ihohoterwa ndetse mu cyumweru gishize bahise batangaza ko abantu bose batemberera kuri pisine ziri mu mujyi wa Berlin, bemerewe kuba bagenda batambaye hejuru mu gihe babishaka. 

Ibi kandi byari bibaye nyuma y’uko muri 2021, umugore w’umufaransa Gabriellae Lebron asabye uyu mujyi indishyi y’amafaranga nyuma y’uko abashinzwe umutekano bamwirukanye muri Water Park, kubera ko yanze gupfuka amabere ye.

Icyo gihe Gabrielle yari kumwe n’umuhungu we w’imyaka itanu nk’uko yabisobanuriye ikinyamakuru Die Zeit cyo mu Budage, avuga ko yakorewe ivangura. Yagize ati “Kuri njye – ndanabyigisha umuhungu wanjye.

Nta tandukaniro riri hagati y’umuhungu n’umukobwa, amabere ni igice cya kabiri kiranga igitsina cy’umuntu, abagabo bafite umudendezo wo gukuramo imyenda yabo mu gihe hashyushye, ariko abagore ntabwo babyemerewe.”

Guverinoma ya Berlin yemeje uyu mwanzuro mu itangazo bahaye itangazamakuru ku wa Kane, bagira bati “Kubera ikibazo cy’ivangura cyagiye kivugwaho ahantu hose habera ibikorwa byo koga, mu minsi iri imbere baratangira kubahiriza amabwiriza areba abantu bose mu buryo bungana.” 

Umuvunyi mukuru, Dr Doris Liebscher, yashimye iki gitekerezo ko kigiye kongera uburinganire muri uyu mujyi agira ati “Urwego rw’umuvunyi rwishimiye cyane iki cyemezo cy’ahantu hogerwa, kubera ko gitanga uburenganzira bumwe ku banya-Berlin bose, baba abagore n’abagabo.”

Umujyi wa Berlin wemereye abagore n’abakobwa kujya kuri pisine n’ahandi hogerwa batambaye hejuru nk’abagabo

Mu mujyi wa Berlin hasanzweho umuco bise ‘ Free Body Culture’ wo kwisanzura ugakuramo imyambaro mu gihe hashyushye

Uvuze Joaquin Guzman cyangwa El Chapo biragoye kubona umuntu utamuzi kubera ibigwi yanditse mu buzima bwo gucuruza ibiyobyabwenge agashinga n'umutwe w'ingabo zigometse zizwi nka Sinaloa Cartel.

Kuri ubu yakatiwe igihango cya burundu cyongeyeho imyaka 30, kubera ubukana bw'ibi byaha hongeweho imyaka 30. InyaRwanda igiye kugaruka ku buzima bw’umuhungu we uheruka gutabwa muri yombi.

Yitwa Ovidio Guzman Lopez yabonye izuba ku wa 29 Werurwe 1990, izina rye riri imbere cyane mu bucuruzi bw'ibiyobyabwenge. Avuka ku mugore wa Kabiri wa El Chapo.

Ovidio Lopez yakuriye mu Mujyi wa Mexico, umurwa mukuru w'igihugu wa Mexico aho yize imyaka igera kuri ine mu ishuri rya Legionaries of Christ, ikigo yavanywemo na Nyina ubwo Ovidio yahezwaga mu rugendo rw'ubutembere n'abandi banyeshuri.

Leta Zunze Ubumwe z'Amerika zashyize hanze ibirego byerekana ko Ovidio Lopez yatangiye gukorana na Se mu mwaka wa 2008 ubwo yari akiri ingimbi.

Ikigo gifite mu nshingano ibyaha byambukiranya imipaka cya Leta Zunze Ubumwe z'Amerika (Office of Foreign Asset Control [OFAC]) cyamwise 'Key Lieutenant' ugenekereje mu kinyarwanda ni 'Urufunguzo rw'ubuyobozi' mu buryo bwa gisirikare ni umwofisiye w'urufunguzo muri Sinaloa Cartel.

Ovidio Lopez hatangajwe ko ari we wahise afata ubuyobozi bw'agatsiko kakamejeje mu bucuruzi bw'iyobyabwenge no gushakira amafaranga Sinaloa Cartel.

Ikinyamakuru cya Associated Press muri 2019 cyatangaje ko Ovidio Lopez Guzman ayoborana n'abavandimwe be barimo Ivan Archivaldo Guzman, Jesus Alfredo Guzman na Ismael Zambada uzwi nka El Mayo.

Muri Nyakanga 2017, Umushinjacyaha Mukuru muri Leta Zunze Ubumwe z'Amerika muri Leta ya Washington DC yashyize hanze ibirego bishinja Ovidio Guzman Lopez n'umuvandimwe we Joaquin Guzman Lopez gucuruza ibiyobyabwenge birimo Cocaine, Methamphetamise na Marijuan guhera muri 2008.

Ku wa 02 Mata 2018 nibwo ibi birego byemejwe. Ndetse hanashyirwaho gahunda yo gutangira kubahiga hasi hejuru aba bavandimwe bombi.

Ku wa 17 Ukwakira 2019, Ovidio Guzman Lopez yatawe muri yombi n'ingabo zihariye z'igihugu cya Mexico mu gace k'amajyaruguru y'Uburengerazuba bwa Culiacan, Sinaloa nyuma y'imirwano itoroshye yabereye muri uwo mujyi hagati y'abahezanguni ba Sinaloa Cartel n'ingabo z'igihugu.

Aba bahezanguni bahise bakwirakwira hirya no hino habarurwaga abarenga 700 mu bikorwa bavugaga ko bizatwara ubuzima bw'abasivili benshi niba Ovidio atarekuwe.

Nyuma y'igitutu cyinshi no kwatakwa ku ikigo cy'abasirikare Perezida Andres Manuel Lopez Obrador yasabye ko Ovidio Lopez arekurwa ku bw'inyungu z'abanyagihugu.

Mu kwezi kwakurikiyeho umwe mu bofiye bari bataye muri yombi Ovidio witwa Eduardo N yarishwe.

Ku wa 08 Gicurasi 2020, Santiago Nieto uhagaririye ibiro by'iperereza mu by'umutungo yatangaje ko hafatiriwe konti za banki za Ovidio n'abandi bahezanguni ba Sinaloa Cartel bagera kuri 330.

Ku wa 05 Mutarama 2023 Ovidio Lopez n'umuvandimwe we Jesus Maria batawe muri yombi mu gace ka Culiacan ubwo yari yakoresheje ibirori mu muryango nyamara bikarangira bibaye ambushi mu gihe kingana n'iminota 10 indege n'imodoka zarimennye barafungwa.

Umuvugizi w'ingabo za Mexico, Luis Cresencio Sandoval yatangaje ko ku bufatanye bw'imitwe yose y'ingabo yaba izirwanira mu mazi, ku butaka, mu kirere n'izihariye Ovidio Lopez n'umuvandimwe we batawe muri yombi ndetse bagahita berekezwa mu murwa mukuru wa Mexico.

Aho yagejejwe imbere y'umushinjacyaha mukuru ku byaha yakoze yaneteguye ndetse ku bufasha bw'ingabo zirwanira mu kirere mu buryo bwihuse cyane Ovidio ahita yerekezwa muri gereza ya Altplano aho atatinze kuko yahise ajyanwa muri gereza hamwe n'abandi ba Cartel 17 yitwa Almoloya de Juarez imwe mu zikomeye.

Mu kiganiro n'itangazamakuru, Umuvugizi w'Ububanyi n'Amahanga wa Guverinoma ya Mexico, Marcelo Ebrard yatangaje ko basabwe na Leta Zunze Ubumwe z'Amerika ko ariho yajyanwa nyamara ariko hari ibyaha yakoreye muri Mexico agomba kubanza gukurikirwanwaho.

Kuri ubu yakatiwe iminsi 60 mu gihe hakirebwa kubirebana no kuba yajyanwa muri Leta Zunze Ubumwe z'Amerika hasuzumwa nibyo aregwa.

Nyuma yitabwa muri yombi, Ovidio Lopez hagiye hanze raporo ivuga ko humvikanye kurasana hakoreshejwe imbunda noya n'inini mu mujyi wa Hermasillo ndetse no mu mijyi irimo Culiacan, Los Mochis na Guasave.

Guverineri wa Sinaloa, Ruben Rocha Moya yasabye abaturage kuguma mu nzu ndetse n'ikibuga mpuzamahanga cy'indege cya Culiacan kirafungwa hanumvikanye kurasa ku indege za gisirikare.

Hanafunzwe kandi ikibuga mpuzamahanga cy'indege cya Ciudad Obregon nyuma yo kumvikana kurasana ku modoka nini mu mihanda ya Highway 15 ibintu byongeye gusubira mu buryo mu gitondo cyo ku wa 06 Mutarama 2023.

Iyi ambushi yataye muri yombi Ovidio hatangajwe ko yahitanye abasirikare 10, abahenzanguni ba cartel 19 n'umupolisi umwe ndetse bikagira ingaruka ku bucuruzi mu buryo bugaragara kubera ibihe by'ubwoba abantu bahise bajyamo.

Mu bishwe harimo na Koroneli wafatiwe muri ambushi na ba Cartel bakamurasana n'abarinzi be ba bane mu gace ka Escuinapa ho muri Sinaloa.

Ni igikorwa kifashishijwemo ingabo zigera ku 3586 nk'uko byatangajwe n'ibiro by'ingabo za Mexico habashije kandi gufatirwa imbunda zaba cartel zirimo izo mu bwo bwa Caliber Barret 50, Caliber Machine Gun 50, Long Arms 26, Handguns 2, magazine, amasasu n'ibindi bikoresho bya gisirikare birimo imodoka 13.

Leta Zunze Ubumwe z'Amerika nyuma yo gutabwa muri yombi kwa Ovidio Lopez zahise zisohora itegeko ryihariye ryiswe 14059 ryo gukurikirana abantu bose bihishe inyuma y'ikorwa ry'ibiyobyabwenge bya Sinaloa Cartel barimo Luis Gerardo Flores Madrid bivugwa yari umufatanyabikorwa wa Ovidio Guzman mu buryo bwo gutunganya ibiyobyabwenge byabo.

Ku wa 28 Gashyantare 2023, ibinyamakuru birimo CBS News, Agence France Presse na Reuters byatangaje ko Leta Zunze Ubumwe z'Amerika zongeye gusaba Mexico ko yaboherereza Ovidio Lopez Guzman.

Ku myaka 33 Guzman Lopez yahagaritse imitima ya benshi ku Isi, Amerika isaba kumufunga nk’uko yafunze Se

El Chapo, umuhenzanguni rurangirwa ku Isi mu bucuruzi bw’ibiyobyabwenge wigeze kumvikana avuga ko iyo atabicuruza ntakindi cyari kuzamukura mu bukeneItabwa muri yombi ry’umuhungu wa El Chapo ryahungabanije igihugu cya MexicoItabwa muri yombi rya Guzman Lopez ryifashishije imitwe yose y’ingabo ndetse n’igikorwa cyakozwe n’abasirikare barenga ibihumbi 3Imbunda ziremeye zari zamanuwe mu rwego rwo gushyira akadomo ku rugendo rwa Guzman Lopez

Habayeho gufunga ibibuga by’indege n’ibikorwa by’ubucuruzi mu gihe cy’amasaha atari macye

Mu isi y’imyidagaduro by'umwihariko muri sinema inkuru iri kugarukwaho cyane ni ibihembo bya Oscars Awards 2023 bitangwa n’ikigo cya The Academy byatanzwe mu ijoro ryo kurri iki Cyumweru tariki 12 Werurwe 2023.

Ibi bihembo byatanzwe ku nshuro ya 95 byaranzwe n’udushya twatangaje benshi harimo nko kuba abari bitezweho kubyegukana batashye amara masa mu gihe abatahabwaga amahirwe aribo babyegukanye.

Muri ibi birori byaberereye mu nzu y’imyidagaduro ya Dolby Theatre iherere mu mujyi wa Los Angeles byayobowe n’umunyarwenya Jimmy Kimmel.

Ni mu gihe abahanzikazi nka Rihanna na Lady Gaga basusurukije ababyitabiriye ari nako hatangwa ibihembo kubitwaye neza muri sinema mu mwaka wa 2022.

Mbere y’uko ibi birori biba, abarimo Angela Bassett, Rihanna, Corin Ferrell, Ana de Armas bahabwaga amahirwe yo gutahana ibihembo bya Osacars 2023 nyamara batahiye aho.

Urutonde rw’abegukanye ibihembo bya Oscars 2023:

 

1.Icyiciro cya filime zifite amashusho asa neza:

-Everything Everywhere All at Once niyo yatsinze

-All Quiet on the Western Front

-Avatar: The Way of Water

-The Banshees of Inisherin

-Elvis

-The Fabelmans

-Tár

-Top Gun: Maverick

 

-Triangle of Sadness

-Women Talking

2.Icyiciro cy’umukinnyi mwiza wa filime w’umugabo:

-Brendan Fraser niwe wahawe Oscars Award kubera filime yitwa ‘The Whale’ aherutse gukina.

-Paul Mescal, Aftersun

-Bill Nighy, Living

-Colin Farrell, The Banshees of Inisherin

-Austin Butler, Elvis

3.Icyiciro cy’umukinnyi mwiza wa filime w’umugore:

-Michelle Yeoh niwe wahawe Oscars Award 2023 kubera kwitwara neza muri flime ”Everything Everywhere All at Once”.

-Michelle Williams, The Fabelmans

-Andrea Riseborough, To Leslie

-Ana de Armas, Blonde

-Cate Blanchett, Tar

4. Umukinnyi wa filime w’umugabo wafashije undi gukina neza

-Ke Huy Quan niwe watsinze muri iki kiciro abikesha filime ”Everything Everywhere All at Once’.

-Brendan Gleeson – The Banshees of Inisherin

-Brian Tyree Henry – Causeway

-Judd Hirsch – The Fabelmans

-Barry Keoghan – The Banshees of Inisherin

5. Umukinnyi wa filime w’umugore wafashije abandi gukina neza muri filime bahuriyemo

 

-Jamie Lee Curtis niwe watsinze muri iki cyiciro kubera filime yakinnyemo yitwa ”Everything Everywhere All at Once”’.

-Angela Bassett witwaye neza muri Black Panther: Wakanda Forever niwe wari witezweho gutsinda muri iki cyiciro.

-Hong Chau – The Whale

-Kerry Condon – The Banshees of Inisherin

-Stephanie Hsu – Everything Everywhere All at Once

6.Icyiciro cy’uwayoboye filime nziza

-Daniel Kwan with Daniel Scheinert wayoboye filime ”Everything Everywhere All at Once” niwe watsinze.

-Steven Spielberg, The Fabelmans

-Todd Field, Tar

-Ruben Ostlund, Triangle of Sadness

-Martin McDonagh, The Banshees of Inisherin

 

7. Icyiciro cy’indirimbo yakorewe filime

-Naatu Naatu ya Kaala Bhairava afatanije Rahul Sipligunj baririmbiye filime ya (RRR) niyo yatsinze.

-Indirimbo Applause, Sofia Carson na Diane Warren baririmbiye filime ”Tell It Like a Woman”.

-Lift Me Up ya Rihanna yaririmbiye filime ya Black Panther: Wakanda Forever yatashye amara masa mu gihe ariyo yari yitezweho gutsinda.

-Hold My Hand ya Lady Gaga yaririmbiye filime  ya Top Gun: Maverick nayo yatahiye aho.

8.Icyiciro cya filime yambitse neza abayikinnye:

-Black Panther: Wakanda Forever niyo yahawe Oscar Award 2023 nka filime yarifite imyambarire myiza.

-Babylon

 

-Elvis

-Everything Everywhere All At Once

-Mrs Harris Goes To Paris

9. Icyiciro cya filime zikoze neza

-All Quiet on the Western Front niyo yatsinze

-Bardo, False Chronicle of a Handful of Truths

-Elvis

-Empire of Light

-Tár

10. Icyiciro cya filime nziza mpuzamahanga:

-All Quiet on the Western Front niyo yastinze

-Argentina, 1985

-Close

-EO

-The Quiet Girl

Michelle Yeon yahawe Oscar Award kubera filime yitwayemo neza ya ‘Everything Everywhere All At Once’

Brendan Fraser niwe wahawe Oscar Award nk’umukinnyi wa filime w’umugabo w’umwaka kubera filime ‘The Whale’ aherutse gukinamo

Jamie Lee Curtis yahawe Oscar Award nk’uwitwaye neza muri filime

Abakinnye muri filime ya ‘Everything Everywhere All At Once’ bahawe Oscar Award kubera bakinnye filime nziza y’umwaka

Rihanna ubwo yaririmbaga ‘Lift Me Up’ indirimbo yahimbiye igice cya kabiri cya ‘Black Panther: Wakanda Forever’

Lady Gaga ubwo yaririmbaga ‘Hold My Hand’ yakoreye filime Top Gun Maverick

Mu gihe imyiteguro y’inama ya 73 y’ishyIrahamwe ry’umupira w’amaguru ku Isi FIFA irimbanyije, bamwe mu bashyitsi bazitabira iyi nama batangiye gusesekara mu Rwanda.

Muri abo bashyitsi harimo Arsene Wenger wabaye umutoza w’ikipe ya Arsenal mu gihe kigera ku myaka 22 yose.

Kuva tariki 16 Werurwe 2023, mu Rwanda hazateranira inama ya 73 ya FIFA izigirwamo ibintu bitandukanye bigamije iterambere ry’umupira w’amaguru ku Isi, ndetse hanaberemo amatora y’umuyobozi mushya w’ishyirahamwe ry’umukino w’amaguru ku Isi FIFA.

Muri iyi nama, Arsene Wenger usanzwe ari umukozi wa FIFA mu bijyanye na FIFA Global Football Development, nawe azafata ijambo nk’umwe mu bazi umupira w’amaguru n’imibereho yawo ku migabane itandukanye.

Nyuma yo gusoza ku mugaragaro umwuga wo gukina umupira w'amaguru, Arsene Wenger yahise agana iy'ubutoza aho yahereye iwabo mu Bufaransa mu ikipe ya Nancy, yavuyemo yerekeza muri Monaco yamazemo imyaka 7 agahita yerekeza mu Buyapani atatinzemo kuko nyuma y'umwaka umwe yahise ajya mu gihugu cy'u Bwongereza mu ikipe ya Arsenal FC yamazemo imyaka 22 agasiga atwaye ibikombe bya shampiyona bitatu.

The one and only Arsene Wenger is in #Rwanda for #FIFA Congress!! https://t.co/5VItokZwPy

— Rwanda Arsenal Fans Community (@ArsenalRwanda) March 13, 2023

Muri Gicurasi 2021, Arsene Wenger nabwo yari yaje mu Rwanda ahura na Perezida wa Repubulika Paul Kagame

Mu ijoro ryo kuri iki cyumweru, nibwo Arsene Wenger yageze mu Rwanda

Ikinyamakuru businessinsider cyatangaje ko ibi bihugu bikunze kugira imbaraga z'ingirakamaro mu gushyiraho gahunda mpuzamahanga, kandi bigira ingaruka zikomeye ku rwego rw’Isi.

Ibihugu byinshi bishobora gufatwa nk’ibikomeye mu buryo butandukanye, kandi imbaraga zabyo zishobora gupimwa mu buryo butandukanye.

Afurika ni umugabane ukomeje kugira iterambere ryihuse. Ibihugu byinshi kuri uyu mugabane bigaragara mu gutanga umusanzu ukomeye ku mugabane wa Afurika, ndetse no ku rwego rw’Isi.

Ibi bihugu byateye intambwe igaragara mu iterambere ry’ubukungu, politiki, n’imibereho myiza y’abaturage, biganisha ku kuzamuka kwabo nk’ibihugu bikomeye muri Afurika.

Nk'uko umuryango 'Global Soft Power Index' wita ukanagenzura ingamba za buri bihugu bigize Isi ubivuga, hagenzurwa imikorere y'igihugu, izina ryacyo n'ingaruka kigira ku bihugu bigize Isi.

Uru rutonde rwakozwe hagendewe kuri raporo yatanzwe na Global Soft Power Index, ngo hagaragazwe ibihugu bikomeye kuruta ibindi muri Afurika n'uko bikurikirana.

Bimwe mu bigenderwaho bashyira ibihugu ku rutonde rw'ibihugu bikomeye harimo:

Kumenyekana: kumenyekana kw'Igihugu biterwa n'ibirango byacyo, abantu bazwi kandi bafite ibitekerezo byubaka, imbaraga zidasanzwe mu gufatanya n'ibihugu bitandukanye mu iterambere ry'Isi.

Icyubahiro: uburyo igihugu cyiyubashye ni bimwe mu bigaragaza ko igihugu gikomeye, bikaba byatuma cyiza ku rutonde.

Kuvuga rikijana: Igihugu gifatika mu miyoborere ndetse no gutanga ubufasha ku bindi bihugu, biri mu bintu bituma igihugu cyahagararira ibindi ndetse kikaza ku rutonde.

U Rwanda ni igihugu cy’intangarugero yaba mu bihugu bya Afurika ndetse no ku Isi muri rusange, bitewe na byinshi bituma rukundwa birimo imiyoborere myiza, gushyiraho intego no kuzikurikiza, guhangana n’ibibazo kandi rukabitsinda n’ibindi.

Igihugu cy’u Rwanda cyaje mu bihugu bikomeye muri Afurika kandi rukomeje kuba igihugu cy’indashyikirwa ku Isi hose

Dore urutonde rw’Ibihugu bikomeye muri Afurika harimo n’u Rwanda nk'uko tubisanga kuri iyi mbonerahamwe ikurikira: ku mwanya wa mbere haza Egypt igakurikirwa na South Africa, Morocco, Mauritius, Seychelles, Tunisia, u Rwanda ruza ku mwanya wa karindwi, Algeria, Ivory coast na Ghana.

 

Umugore w’umuhanzi The Ben, Uwicyeza Pamela yavugishije benshi nyuma yo kwiyogoshesha igipara.

Pamela Uwicyeza yasangije abamukurkira ku mbuga nkoranyambaga amafoto n’amashusho yiyogoshesheje igipara maze iherekezwa n’amagambo agira ati “igihe cy’igipara.”

Uyu mugore wasezeranye na The Ben imbere y’amategeko tariki ya 31 Kanama 2022 aya mafoto ye yavugishije benshi.

Ubusanzwe yari asanzwe yisukisha nk’abandi bagore n’abakobwa, nyuma yo kwiyogoshesha atya, yazamuye amarangamutima ya benshi aho benshi bagiye bamubwira ko aberewe.

No mu bantu bavuze kuri aya mafoto harimo n’umugabo we The Ben, aho yaje agashyiraho imitima agaragaza ko na we yakunze uko umugore we yiyogoshesheje.

Gusa hari n’abatabyishimiye bamubwira ko ubwiza bw’umugore ari umusatsi atari akwiriye kuwukuraho.

Hari n’andi makuru avuga ko yaba atiyogoshesheje ahubwo ari amafoto yafashe yifashishije Snapchat.

Kanakuzesuedy yagize ati “Ubwiza bw’umugore ni umsatsi nyamar!!!”

Priane________05 we ati “Nk’ubu The Ben yagukunze ate Koko noneho yogoshe urupara”

Belles_et_intelligentes Ati “Wapi pé, ariko wowe ni mitsatsi mwafuye iki?”

Pamera ati “byagenze bite urupara”

Megamega5438 “Really Ben yaratomboye ibaze umugore mwiza ku rwego rwo kuba nta n’agasatsi na gake Mana weee uri mwiza”

Manzi_fighter_m “Muka Mugisha Benjamin byamugendekeye bite ko wagira ngo yihebye”

Jose_font_398 “Wasanga ariko yabishatse ntawamenya”

Elysetatu “Bereke ko ubwiza bwaciye mukanwa atari imisatsi shaa🙌🙌looking good”

View this post on Instagram

A post shared by Uwicyeza Pamella (@uwicyeza_pamella)

Ni ibyemezo byafatiwe mu nama yabaye ku wa 12 Werurwe 2023, ubwo hasozwaga icyumweru cyahariwe kwimakaza ihame ry'uburinganire mu Ntara y'Iburasirazuba.

Iki Cyumweru cyatangiye tariki ya 7 Werurwe kugeza tariki ya 13, cyari gifite insanganyamatsiko igira iti 'Ihame ry'uburinganire, inkingi y'imiyoborere myiza n'iterambere ridaheza kandi rirambye.'

Muri ubu bukangurambaga abaturage basobanuriwe gahunda ya Isange One Stop Center, imiryango yabanaga mu buryo butemewe n'amategeko irasezeranywa. Habarurwa abangavu batewe inda imburagihe kugira ngo bazafashwe gusubizwa mu ishuri, hanandikwa abana batari banditse mu bitabo by'irangamimerere.

Umunyamabanga Nshingwabikorwa w'Intara y'Iburasirazuba, Dr Nyirahabimana Jeanne, yavuze ko muri iki cyumweru babaruye abangavu 3705 babyaye imburagihe, imiryango ibana mu buryo butemewe n'amategeko 2626, abana bataye ishuri mu mashuri abanza ni 979, ayisumbuye ni 2947, muri aba bana harimo abatagira aho baba birirwa bazerera.

Yavuze ko ibi bibaha umukoro nk'abayobozi wo gushaka icyo bafasha aba bana kugira ngo babasubize mu ishuri abandi bashakirwe aho kuba kuko buri mwana wese agomba kuba mu muryango.

Ku kijyanye n'ingo zitarasezerana imbere y'amategeko yavuze ko mu mezi atandatu ashize bari bafite ingo zirenga 7000 ariko ngo uko bagenda bazegera buhoro buhoro bakabasobanurira ibyiza byo gusezerana na bo bagenda babyumva bakabikora.

Umushumba wa Diyoseze ya Gahini mu Itorero rya Angilikani ry'u Rwanda, Dr Gahima Mannaseh, yasabye abayobozi mu nzego z'ibanze gukoresha amadini n'amatorero mu gushakira ibisubizo umuryango nyarwanda kuko abakiristu babo ari bo baturage bakeneye kugira umuryango utekanye.

Ati 'Abakristu tuyobora nibo baturage b'iki gihugu.Itorero rero rigira uruhare runini mu kubanisha neza imiryango cyane cyane itabana neza aho tubahugura tukabereka uko kubana neza nk'umuryango byarinda abana ihohoterwa.'

Umugenzuzi Mukuru w'Uburinganire, Rose Rwabuhihi, yavuze ko nubwo hakiri imbogamizi nyinshi hari intambwe irimo igerwaho. Yasabye inzego z'ibanze kumanuka bakegera abaturage nk'uko babegereye muri iki yumweru kandi bigatanga umusaruro.

Abayobozi b'inzego z'ibanze mu Ntara y'Iburasirazuba biyemeje ko ubu bagiye kongera ubukangurambaga mu bikorwa bitandukanye birimo gusezerana mu buryo bwemewe n'amategeko, gusubiza mu ishuri abaritaye ndetse no gukumira ihohoterwa rikorerwa abangavu.

---