Webrwanda Backend

Category: Uncategorized

  • Musanze: Uwamahoro agiye kumurika filime yagi… – #rwanda #RwOT

    Filime nyinshi zagiye zisohoka zakiniwe mu Mujyi wa Kigali akaba ari naho zimurikirwa. Biri mu byatumye, Uwamahoro ahitamo kujya gukorera filime ye mu Karere ka Musanze ho mu Majyaruguru y'u Rwanda akanifashisha abakinnyi baho.

    Uyu mukobwa avuga ko iyi filime atarayishyira ku rubuga rwa Youtube, kuko ategereje kubona abafatanyabikorwa bamufasha kuyicuruza ku rwego Mpuzamahanga.

    Yabwiye InyaRwanda ko mu 2021 ari bwo yatangiye gutegura iyi filime ku gitekerezo asangiye na Mwiseneza Josiane.

    Uwamahoro ati 'Hashyize umwaka ntegura iyi film kuko ari igitekerezo cyaje mu mwaka wa 2021 nyitegura akaba ari umushinga mpuriyemo na Miss Mwiseneza Josiane [Uri mu banditsi b'iyi filime wanashoyemo imari] ndetse na Mr Jean Gugu.'

    Yavuze ko iyi filime bayubakiye ku guhanura urubyiruko rwishora mu mibonano Mpuzabitsina, ndetse n'abashakanye bacana inyuma ugasanga umwe azaniye undi SIDA.

    Akomeza ati 'Nyuma yo kwicara tukareba tugasanga urubyiruko inkumi abasore abagabo n'abagore bari kudohoka bagakora imibonano mpuzabitsina aho usanga henshi umugore yaciye inyuma umugabo we.'

    'Umugabo ntatinye guca inyuma umugore we ndetse ntatinye kuryamana n’abana abyariye bityo twahise(mo) gutegura film ikangurira ibi byiciro byose tubibutsa ko SIDA iriho kandi bakwiye kuyirinda.'

    Iyi filime izerekanwa mu Karere ka Musanze, ku wa Gatandatu tariki 25 Werurwe 2023 kuri Centre Pastorale Notre Dame de Fatima kuri Sale ya Fatima yegeranye na Kiriziya Gatolika ya Ruhengeri.

    Ni filime irimo bamwe mu bafite uruhare mu myidagaduro yo mu Rwanda harimo nk'umugore n’umugabo babana banakinnyemo ari umugore n’umugabo. Umugabo yitwa Nizeyimana Jean de Dieu muri iyi filime yakinnye ari Papa Sara, ni mu gihe umugore yitwa Uwimana Noella akaba yarakinnye yitwa Mama Sifa.

    Hari kandi Parfait Rayan umwe mu basore bafite inzu ya The Rayan Music Entertainment, hakabamo na Mr Jean Gugu umwe mu bamaze gutegura filime nyinshi mri Musanze n'abandi.

    Iyi filime kandi irimo Uwamahoro Samiath wakinnye yitwa Sara; Rutayisire Yves yakinnye yitwa Cedrick, Mr Jean Gugu wakinnye yitwa Japone, Kamikazi Liza wakinnye yitwa Sifa, Uwamariya Marie Claire & Maman Cedrick, Ikibasumba Confiance wakinnye yitwa Confy, Gideo wakinye yitwa Papa Cedrick n’abandi

    Iyi filime yatunganijwe na Iris Rwanda Ltd, ikigo gisanzwe gikorera filime mu Majyaruguru ari nacyo kizamurika iyi filime ku mugaragaro ahazabera ibirori by'abanyamideli abanyabugeni, n'abanyarwenya batandukanye barimo abakunzwe muri Musanze.

    Uyu mugoroba wo kumurika iyi filime uzitabirwa na bamwe mu bahanzi barimo umuraperi Meylo umaze kwigarurira imitima ya benshi, Wizzy Maker na ba Nyampinga batandukanye barimo Mwiseneza Josiane.

    Uwamahoro ashima abantu bose bamubaye hafi mu gutegura iyi filime barimo Director Joshlenzi, ashimira n'abakinnyi muri rusange.

    Imibare yatanzwe n'Ikigo cy'Igihugu gishinzwe Ubuzima (RBC) mu Ukuboza 2022, yagaragaje ko mu Rwanda abanduye SIDA ari ibihumbi 230 bangana na 3%.

    Mu Ukwakira 2029, Ikigo cyo muri Leta Zunze Ubumwe za Amerika gishinzwe kugenzura no gukumira indwara z'ibyorezo (CDC), Kaminuza ya Columbia ushinzwe kurwanya virusi itera SIDA (ICAP);

    Leta y'u Rwanda biciye muri gahunda ya Perezida wa Leta Zunze Ubumwe za Amerika (USA) yo kurwanya SIDA (PEPFAR), basohoye ubushakashatsi bwagaragaje abangavu bari mu kigero cy'imyaka 20 na 24 y'amavuko bandura virus itera SIDA ari 1.8%, ni mu gihe abahungu ari 0.6%. 

    Umukinnyi wa filime Uwamahoro Samiath avuga ko yatangiye gutegura iyi filime mu 2021, nyuma yo kubona uburyo urubyiruko rwishora cyane mu busambanyi

    Mwiseneza Josiane wabaye Miss Popularity yashoye imari muri filime 'Romantic Time Film' 

    Aba bakobwa bari mu bazamurika imideli ubwo iyi filime izaba imurikwa ku mugaragaro mu Karere ka Musanze 

    Mr Jean Gugu, umaze gutegura no gutunganya filime nyinshi i Musanze- Ari mu bashoye imari muri iyi filime ikangurira kwirinda Sida 


    Uwimfura Parfait Ryan, usanzwe ufite inzu ifasha abahanzi mu bya muzika i Musanze yise ‘Rayan Music Entertainment 

    Iyi filime izamurikwa ku wa Gatandatu tariki 25 Werurwe 2023, mu gikorwa cyahujwe no kumurika imideli 


    Umuraperi Mylo uri mu bagezweho i Musanze ategerejwe mu kumurika ku mugaragaro iyi filime

    Source : https://inyarwanda.com/inkuru/127363/musanze-uwamahoro-agiye-kumurika-filime-yagizwemo-uruhare-na-miss-josiane-ikangurira-kwiri-127363.html

  • Indege ya Kigali Huye! Bimwe mu byakorwa Beni… – #rwanda #RwOT

    Mu ijoro ryatambutse nibwo u Rwanda rwakinnye na Benin umukino ubanza, ndetse ukaba umukino wa gtatu wo gushaka itike y’igikombe cy’Afurika kizabera muri Cote D’Ivoire umwaka utaha. Ni umikino u Rwanda rwanganyijemo na Benin igitego 1-1, ndetse u Rwanda rukaba arirwo rwafunguye amazamu ku munota wa 13 ku gitego cya Mugisha Gilbert.

    Uyu mukino wagiye kuba CAF imaze kwandikira ishyirahamwe ry’umupira w’amaguru mu Rwanda FERWAFA , ko umukino wo kwishyura uzabera muri Benin kuko i Huye nta Hotel ihari yakakira iyi kipe.

    Byabaye agatereranzamba kuko sitade ya Huye yari yarasuwe ndetse n’ibindi bisabwa byose byarakozwe, ariko nyuma CAF igatungura abantu ivuga ko u Rwanda rutazakira uyu mukino. N’ubwo aya makuru ahagaze uku ntabwo FERWAFA iremezako u Rwanda ruzakirira Benin muri Benin,  ahubwo haracyakorwa igishiboka cyose ngo uyu mukino ubere mu majyepfo y’u Rwanda.

    Ikipe y’igihugu ya Benin yaraye ibonye inota rya mbere nyuma yo kunganya n’u Rwanda

    Inzira zakoreshwa u Rwanda rukakira Benin i Huye

    Inzira ya mbere

    I Huye ku itaba hari hotel ibarwa n’ifite inyenyeri enye, kandi mwene izo hotel nizo CAF iba isaba. Hotel isanzwe yakira amakipe atandukanye mpuzamahanga, ndetse niyo ikanyakanya mu karere ka Huye. Iyi hotel byashoboka ko yavugururwa igashyirwamo ibikoresho bishya by'ibanze, ikaba yabasha kwakira Benin.

    Amakiru InyaRwanda yamenye ni uko Hotel yatangiye kuvugurwa ndetse abakozi bahawe amasaha 48, bakaba bamaze kuvugurura ndetse no gutanga iyo hotel.

    Inzira ya kabiri

    Ikipe y’igihugu ya Benin yatakambiye CAF iyibwira ko nta hotel bararamo iri Huye, gusa ikibuga cyo CAF icyemera nk’icyujuje ibyangombwa. N’ubwo ari ibintu bidakunze kubaho, birashoboka ko u Rwanda rwasaba Benin ikaza mu Rwanda ndetse ikaba i Kigali yitoreza i Kigali, ariko kujya Huye ikajya ikoresha indege.

    Mu karere ka Huye hafi ya sitade haba ikibuga cy'indege gito gishobora kugwaho indege, bivuze ko urwo rugendo rwashoboka kuva i Kigali werekeza i Huye mu ndege. Ni urugendo rutarenza iminota 10 kandi iyi minota ni micye kuyikoreshwa uva kuri hotel werekeza kuri sitade ya Huye mu modoka.

    Umunsi ubanziriza umukino, mu gihe ikipe ya Benin yaba igiye gukorera imyitozo ku kibuga izakiniraho, yahabwa indege iyijyana ndetse yasoza imyitozo ikayigarura i Kigali ho hari hotel bishimira.

    Mu gitondo cy’umukino ubwo ni tariki 27, Benin nanone yahabwa indege iyigeza kuri sitade ya Huye, ubundi igakina umukino, yasoza nabwo igasubira i Kigali ndetse umukino ukarangira neza u Rwanda narwo rwakiriye.

    Benin izatangwaho amafanga y’umurengera ariko ikunde ize i Huye

    Bimwe mu bimenyetseko bigaragaza ko u Rwanda rushobora kuzakirira Benin i Huye, ni uko ikipe y’igihugu Amavubi iri buhaguruke  muri Benin saa 12:00 PM zo muri Benin ikagaruka mu Rwanda, ndetse bivuze ko itapfa gusubirayo ahubwo umukino wasubikwa. 


    Mugisha Gilbert uri hagati, niwe watsinze igitego cyahesheje u Rwanda inota rimwe

    Hotel Boni Consilii iri kuvugururwa ngo barebe ko yakakira Benin mu gihe gito gisigaye

    Source : https://inyarwanda.com/inkuru/127360/indege-ya-kigali-huye-bimwe-mu-byakorwa-benin-ikemera-kuza-gukinira-i-butare-127360.html

  • Imana yampaye umugore! Bwa mbere Meddy yereka… – #rwanda #RwOT

    Mu mafoto yashyize hanze mu masaha make ashize akaba aje akurikira amashusho y'ibirori byakorewe umwana wabo Myla, Meddy yongeye kwerekana urwo akunda umuryango we.

    Yifashishije imbuga nkoranyambaga ze, Meddy yabanje gusangiza ifoto y'umwana we abwira abantu ko umwamikazi we muto yujuje umwaka umwe avutse.

    Nyuma y'iyo foto yahise ayikurikiza andi atatu hari aho ateruye umwana we n'indi mama we, ubona ko ari gukina nawe bishimana.

    Ayo ni nayo yahise atangariza ko Imana yamuhaye umugore. Yongeraho ko umwana n'umugore we ari Paradizo ye.

    Muri Gicurasi 2021 nibwo Ngabo Médard Jobert ndetse na Mimi Mehfira ukomoka muri Ethiopia barushinze, nyuma y'igihe kinini bakundana.

    Myla, imfura ya Meddy na Mimi yujuje umwaka

    Aba bombi ibirori by'ubukwe bwabo byabereye muri Dallas muri Leta Zunze Ubumwe za Amerika ku wa Gatandatu tariki 22 Gicurasi 2021, byitabirwa na benshi mu byamamare mu Rwanda barimo King James, K8 Kavuyo, Shaffy, The Ben wanaririmbiye abageni, Adrien Misigaro, Miss Grace Bahati n'abandi.

    Urukundo rwa Meddy na Mimi rwatangiye kuvugwa mu itangazamakuru kuva muri Kanama 2017.

    Muri Kanama 2018, Mimi kwiyumanganya byaranze maze asuka hanze amarangamutima ye, yifuriza isabukuru uyu muhanzi.

    Ni ibyishimo biseseka mu muryango wabo bose

    Icyo gihe yashyize kuri Instagram ifoto ari kumwe na Meddy, ayiherekeza amagambo y'Ikinyarwanda amubwira ati 'Mutima wanjye, ndagukunda', arangije ashyiraho utumenyetso tw'umutima.

    Urukundo rwakomeje kugurumana kugeza aho Mimi yifataga rimwe na rimwe akandika ku mbuga nkoranyambaga, amagambo agaragaza ko ariwe mukobwa ubayeho neza ku Isi kubera urukundo ahabwa na Meddy.

    Mimi na Myla bameze nka Paradizo kuri Meddy

    Urukundo rwabo ruba rwigaragaza aho bari hose

    Source : https://inyarwanda.com/inkuru/127351/imana-yampaye-umugore-bwa-mbere-meddy-yerekanye-umwana-we-ahishura-ikintu-gikomeye-kuri-mi-127351.html

  • Uko Umuhinde Vijay yiyemeje gushyira itafari… – #rwanda #RwOT

    Ku ikubitiro uyu musore yakoranye indirimbo na Afrique, uri mu bahanzi bo mu kiragano gishya bagezweho.

    Mu kiganiro yagiranye na InyaRwanda yavuze ko yatangiye umuziki akiri umwana, ariko agatangira kubikora by'umwuga nyuma.

    Ati 'Nahoraga niyumvamo umuziki kuko cyari kimwe mu bice bingize, ariko ntekereza ko igihe natangiye kuwiyumvamo byimbitse uko natangiye kumenya umuziki, ubwoko bw'umuziki niyumvamo […] natangiye gukunda umuziki mu by'ukuri mfite imyaka 14 cyangwa 15.''

    Arakomeza ati 'Natangiye gukuza guhuza amagambo, ndetse n'amarangamutima yanjye atangira kwigaragaza. Ntekereza ko ukunda umuziki iyo ubonye ukunyura kurushaho. Wiyumvamo nk'aho ari wowe umuhanzi ari kuvuga, n'iyo ibyo ari kuririmba byaba bitandukanye nawe. Buri wese afite uko akunda umuziki mu buryo butandukanye n'undi.''

    Akomeza avuga ko umuziki ari kimwe mu bintu bimushimisha, akaba ari nayo mpamvu waje guhinduka umwuga yashyiramo ingufu akaba ariwo ahanga amaso.

    Ati 'Umuziki wabaye ikintu kinshimisha kuva nkiri umwana, nageze kuri byinshi mu buzima bwanjye. Buri gihe nashakaga kuririmbana n'abandi. Icyorezo cya COVID-19 cyatumye mbona ko ubuzima ari buto cyane, kandi muri ubwo buzima buto ngomba kugera ku nzozi zanjye zose. Rero ubu, ndi gukabya inzozi zanjye zose.''

    Ahanze amaso umuziki nyarwanda…

    Vijay yatangiye kwinjira ku isoko rya muzika nyarwanda, ndetse yanakoranye indirimbo na  Afrique bise 'Oya'. Ni indirimbo avuga ko yakoze kubera ko ashaka gutanga umusanzu ku muziki nyarwanda, kubera ko ari igihugu akunda.

    Ati 'Nkunda u Rwanda n'abanyarwanda. U Rwanda rwampaye ibintu byinshi mu buzima bwanjye. Nkorwa buri gihe ku mutima n'ubwiza karemano bwarwo, umuco, imyitwarire y'abantu barwo n'ibindi. Ndetse umuziki w'abanyafurika cyane u Rwanda  uranyura, rero mu minsi mike yashize nashakaga gukorana n'umuhanzi nyarwanda.'

    Yakomeje avuga ko n'ubwo bitari byoroshye  yabashije gukora indirimbo ye ya mbere ari kumwe n'Umunyarwanda, ariyo 'Oya'. Akomeza avuga ko impamvu ashaka gukorana n'abahanzi nyarwanda ari uko akunda kwidagadura mu tubyiniro. Ati 'Mba nshaka ko umuntu yishima, nyuma yo kumva indirimbo mu bihe bya Weekend.'

    Avuga ko nta muhanzi wihariye wo mu Rwanda ashaka gukorana nawe kuko yifuza gukorana na buri wese bizabasha gukunda, mu gihe yaba abonye ayo mahirwe.

    Vijay agaragaza ko ashaka kumenyekana mu muziki nyarwanda. Ati 'Nshaka kumenyekana, nkakundwa mu muziki nyarwanda na buri wese. Nshaka gukora indirimbo nyinshi mu muziki nyarwanda, zakundwa n'abanyarwanda n'Abahinde.''

    Aho ashaka kwibona mu myaka itanu iri imbere mu muziki

    Avuga ko mu myaka itanu iri imbere ashaka kuba ari umwe mu bahanzi bakunzwe mu Rwanda, n'iwabo mu Buhinde.

    Ati 'Mu myaka itanu iri imbere ndashaka kubona umuziki wanjye wageze henshi, kandi ugakundwa n'abanyarwanda bose ndetse no mu Buhinde iwacu. Nshaka gutangiza byinshi mu muziki nyarwanda, ndetse nkazana ibitekerezo bishya.'

    Avuga ko ashaka kumenya igishoro cyo mu muziki na filime nyarwanda. Ngo ashaka kubona uruganda rw'umuziki wo mu Rwanda rukura, nk'izindi nganda ndetse n'igihugu.

    Vijay ashaka kuba umwe mu bahanzi bakunzwe mu Rwanda 

    Ubwiza bw’u Rwanda n’abaturage baho byatumye arwiyumvamo, ku buryo yarukoreramo umuziki

    REBA INDIRIMBO VIJAY YAKORANYE NA AFRIQUE BISE OYA

    Source : https://inyarwanda.com/inkuru/127354/uko-umuhinde-vijay-yiyemeje-gushyira-itafari-ku-muziki-nyarwanda-video-127354.html

  • Ishuri rya mbere mu Rwanda ryahawe internet ya Starlink – #rwanda #RwOT

    Ku wa Gatatu nibwo iri shuri ryatangiye gukoresha umuyoboro wa internet wa Starlink. Muri Gashyantare nibwo iyi internet yatangijwe mu Rwanda ku mugaragaro.

    Umuhango wo gutangiza iyi gahunda yo kugeza Internet ya Starlink mu mashuri witabiriwe Minisitiri w'Ikoranabuhanga na Inovasiyo, Ingabire Paula, Tony Blair wabaye Minisitiri w'Intebe w'u Bwongereza n'abandi.

    Ubwo hatangizwaga iyi, abanyeshuri bo muri GS Gaseke, bari barimo kwiga isomo ry'ubumenyamuntu [Biology], aho bakoreshaga Internet mu kureba aho bikorwa mu bindi bihugu.

    Abarimu bagaragaje uko kugira Internet yihuta bizabafasha mu kuzamura ireme ry'uburezi haba mu mashuri y'incuke ndetse n'abanza

    Iyi internet ya Starlink ikoresha ikoranabuhanga rya satellite, irihuta kandi irahendutse ku buryo izafasha u Rwanda kugeza internet mu bice byari bisanzwe bigoye ko ibonekamo.

    Mu gutanga iyi internet, Starlink yifashisha ibyogajuru bisaga 3.500 biri mu isanzure. Ni ubushobozi bukomeza kwiyongera, kuko SpaceX ifite ubureganzira bwo kohereza ibyogajuru 12.000 mu isanzure ndetse yasabye ko byakongerwa, ikemererwa ibyogajuru 30.000.

    Minisitiri w'Ikoranabuhanga na Inovasiyo, Ingabire Paula, yavuze ko hari amashuri 500 agomba gushyirwamo iyi internet, bikajyana na gahunda igihugu gifite cy'uko igomba kugezwa hirya no hino mu bice by'ibyaro.

    Ni gahunda igamije kuzamura imyigire n'imyigishirize mu mashuri ku buryo abanyeshuri biyongerera ubumenyi. Gushyira internet mu mashuri bigomba kujyana no gushyiramo ibikoresho birimo mudasobwa.

    Ati '[Ibigo by'amashuri] Ntabwo byose birabona mudasobwa ariko birimo gukorerwa icya rimwe, dushyiramo mudasobwa tukanashyiramo internet aho buri shuri gahunda ari uko habamo ibyumba bibiri birimo mudasobwa zigera kuri 90 cyangwa 50 ku buryo nibura abanyeshuri bashobora kubona amasomo bifashishije internet.'

    Ingabire yasobanuye ko abanyeshuri bari gufashwa kumenya gukoresha mudasobwa, ibi bikanajyana no kuba bazifashisha bihugura mu masomo atandukanye.

    Mu kugeza iyi internet ku Banyarwanda, Starlink yishyuza igiciro cy'ifatabuguzi ryishyurwa buri kwezi ndetse n'ibikoresho by'ibanze byifashishwa mu gutanga iyi internet, birimo igisahane (satellite dish) gishobora gushyirwa ku nzu cyangwa ahandi ndetse n'ibindi bikoresho by'ikoranabuhanga bijyana nacyo.

    Biteganyijwe ko igiciro cy'ifatabuguzi kizaba ari amafaranga y'u Rwanda ibihumbi 48, mu gihe ikiguzi cy'ibikoresho ari ibihumbi 572 Frw. Igiteranyo cy'ikiguzi cyose ni ibihumbi 620 Frw.

    Ufashe iri fatabuguzi ashobora kubona internet yihuta ku kigero cya megabyte 350 mu isegonda. Iyi internet yagenewe nibura ibigo kuko ishobora kuboneka mu buryo bw'inziramugozi (Wifi) cyangwa hagakoreshwa umugozi.

    Mu gushyira iyi internet ahantu runaka nibura bishobora gufata iminota 15 igihe byamaze kugaragara ko aho hantu hagera network ya Satellite.

    Muri make uko gutanga iyi internet bikorwa bijya gusa neza n'uko umuntu ahabwa serivisi zo kureba televiziyo mpuzamahanga, bikozwe na Canal+ cyangwa ikindi kigo gitanga izi serivisi.

    Iyo abakozi ba Starlink bageze ku mukiliya ushaka iyi internet, bamanika ku nzu ye igisahani (dish) ikoreshwa mu itumanaho rya satelite.

    Mu nzu hashyirwa agakoresha kamwe kifahishwa mu guha umuriro iki gisahani. Aka gakoresho gacomekwa ku mashanyarazi. Hashyirwa kandi 'router' ishobora gutanga internet mu buryo bwa Wifi, cyangwa iy'umugozi ikenerwa cyane n'abantu bakorera mu biro.

    Kugeza ubu Umunyarwanda ukeneye internet ya Starlink ashobora kuyibona binyuze ku rubuga rw'iki kigo, aho ajya akuzuzamo imyirondoro y'aho atuye, ubundi ibikoresho byangombwa na internet akabigezweho mu gihe kiri hagati y'icyumweru kimwe n'ibyumweru bibiri.

    Source : http://igihe.com/amakuru/u-rwanda/article/ishuri-rya-mbere-mu-rwanda-ryahawe-internet-ya-starlink

  • Minisitiri wa Siporo yifatiye ku gahanga itangazamakuru rya Siporo arishinja gusenya igihugu #rwanda #RwOT

    Minisitiri wa Siporo, Munyangaju Aurore Mimosa yanenze itangazamakuru rya Siporo mu Rwanda uko ryitwaye mu kibazo cya Benin n’u Rwanda aho yavuze ko ibyo bakoze ari nko gusenya igihugu.

    Ni nyuma y’uko mu ijoro ryo ku wa 21 Werurwe CAF yandikiye FERWAFA iyimenyesha ko umukino yagombaga kwakirira Benin kuri Stade ya Huye tariki ya 27 Werurwe 2023 utakihabereye kubera ko muri Huye nta hoteli ihari iri ku rwego CAF yifuza, bityo ko n’umukino wo kwishyura ugomba kubera muri Benin.

    Ni nyuma y’ikirego Ishyirahamwe ry’umupira w’amaguru muri Benin ryari ryatanze muri CAF bavuga ko batazaza gukinira mu Rwanda.

    Iyi nkuru yatunguye benshi ndetse ni na yo yiriwe ari inkuru y’ingenzi mu bitangazamakuru bitandukanye hibazwa ukuntu Stade yavuguruwe hakibagirana amahoteli kandi na yo ari ingenzi.

    Gusa nubwo bavugaga ibi banagaragaje ko amakosa ari aya CAF yemereye u Rwanda kwakirira kuri iyi Stade ibizi neza ko itujuje ibisabwa, aho nko mu ibaruwa yo ku wa 6 Werurwe 2023 bemenyesheje FERWAFA ko bemerewe kuhakinira umukino wa Benin indi bikazasaba kugenzura ngo barebe ko ibyo basabzwe birimo hoteli 3 z’inyenyeri 4 byagezweho.

    Ejo hashize tariki ya 22 Werurwe 2023 inzego zitandukanye za siporo zari zahuye n’abasenateri baganira ku iterambere rya siporo, umunyamakuru yaboneyeho abaza Minisitiri Aurore ku kibazo cya Benin n’u Rwanda niba koko u Rwanda ruzakirira muri Benin.

    Minisitiri Munyangaju yamusibije ko byaje ni njoro abantu babiraramo ndetse ko hari icyakozwe, gusa yahise agaya itangazamakuru rya Siporo ko ryagiye mu mujyo wo gushyigikira Benin rigatera umugonga u Rwanda rirusenya.

    Ati “Kwihutira kuvuga inkuru ntabwo ari cyo cyihuta cyane, ahubwo kuvuga inkuru nyayo kandi y’ukuri, itanasebya igihugu n’aho uhagaze, uyu munsi ngira ngo mbonereho umwanya Bénin irimo iricara, abanyamakuru babo baravugira Bénin ariko ubu CAF irabona abanyamakuru b’u Rwanda bari ku ruhande rwa Bénin, barasenya u Rwanda, aba Benin barakiza Bénin, ubwo urumva ko byanga bikunda natwe hari ikintu tuba tubura cy’ishyaka ry’igihugu, ibyaba byose ishyaka ry’igihugu ni ngombwa ibindi bikaza nyuma ariko abantu bagasenyera umugozi ariko abantu bahagaze ku ibendera ry’igihugu.'

    Yakomeje avuga ko ari igisebo kuvuga ko u Rwanda nta hoteli rufite kandi ruheruka kwakira inama ya FIFA.

    Ati “Niba uyu munsi abanyamakuru bahaguruka bakavuga ngo u Rwanda nta hoteli rufite, tumaze kwakira FIFA, mbese ni ukuvuga ngo tugiye mu mujyo w’uruhande rwa Bénin.'

    Yibajije impamvu inkuru yabaye hoteli nyamara ngo ntibavuge uko ikipe y’igihugu yakuwe mu kibuga idasoje imyitozo kubera kuyimenaho amazi, mu isaha bari bemerewe bagakora imyitozo iminota 30.

    Ikipe y’igihugu y’u Rwanda ikaba iri mu nzira igaruka i Kigali aho yanze gukinira umukino wo kwishyura muri Benin aho basabye CAF kuza kureba aho ibyo basabwe kuvugurura bigeze bakareka kugendera ku birego bya Benin biri mu nyungu za yo.

    Munyangaju Aurore Mimosa yifatiye ku gahanga itangazamakuru

    Source : http://isimbi.rw/siporo/article/minisitiri-wa-siporo-yifatiye-ku-gahanga-itangazamakuru-rya-siporo-arishinja-gusenya-igihugu

  • Abagabo bo mu cyaro baratungwa agatoki mu kudindiza iterambere ry'abagore babo #rwanda #RwOT

    Abagize Sosiyete Sivile bagaragaje ko iterambere ry'abagore bo mu cyaro, ahenshi usanga ridindizwa n'uko abagabo babo babahozaho ijisho bakabima  ubwinyagamburiro, bwo kujya mu mirimo ibyara inyungu.

    Ubushakashakatsi  bwakozwe n'ikigo IPAR gisesengura Politiki za Leta gifatanyije n'umuryango Reseaux de Femmes, bugaragaza  ko kimwe mubidindiza iterambere  ry'abagore  bo mu cyaro ari uguhozwaho ijisho n'abagabo babo, aho ngo abagabo baba  bashaka kumenya buri kanya aho abagore babo bari n'ibyo barimo. 

    Ibi ngo bituma umugore abura ubwinyagamburiro bwo kujya   mu bikorwa bibyara inyungu, ahubwo akirirwa mu rugomu mirimo itandukanye ariko idahabwa agaciro nabo bashakanye.

    Nk'ubu 68% by'abagabo bo mucyaro ngo usanga bahoza ijisho kubagore babo kuburyo ngo umugore ubayeho muri ubu buzima bwo guhozwaho ijisho, adashobora kubona umwanya mubikorwa bibyara inyungu.

    Umuyobozi wa IPAR,Eugenia Kayitesi, avuga ko ibi bigira bidindiza  iterambere ry'urugo.

    Ati 'Twigishe abantu bose babohoke kugira ngo abantu bamenye ko umuntu iyo yagiye mu kazi aba ari akazi, twubahane tugirane ikizere mu muryango ariko ni uko twamenyereye ko abagore ari nk'abakozi bo mu rugo.'

    Hari bamwe mu baturage basanga muri iki gihe ,nta mugabo ukwiye kumva ko kuba umugore ari uwo kwirirwa mu rugo gusa.

    Umwe ati 'Bizana ubukene kuko nta muntu ugomnba gukora mu rugo ari umwe.'

    Undi ati 'Iyo wanze uko umugore ajya gukora ngo muteze imbere urugo, ni ukuvuga ngo niba ari umushahara umugabo akorera mushobora kuwukoresha, ukarangirira mu kurya gusa nta bwizigame.'

    Umuryango Uharanira Iterambere ry'Abagore bo mu cyaro Reseaux des Femmes,  asanga hari igikwiye gukorwa kugira ngo umugore wo mucyaro agire uburenganzira bwo kujya mu mirimo ibyara inyungu.

    Uwimana Xaverine ni umuyobozi w'umuryango Reseau des femmes wita Ku iterambere ry'abagore.

    Ati 'Kugira ngo umugore asohoke ajye gukora imirimo ibyara inyungu ntabwo ari ikibazo, bakunze kuvuga ngo yaca inyuma umugabo ahubwo iriya ni imyumvire ishobora kudindiza urugo. Ngira ngo rero ni uko urugo ari urwa babiri kurukorera umugore akinjira mu mirimo ibyara inyungu umugabo nawe akayikora.'

    Minisiteri y'Uburinganire n'Iterambere ry'Umuryango, ivuga ko hakenewe ubukangumbaraga buhoraho abagabo bagasobanurirwa ibyiza byo kuba abagore bajya mu bikorwa bibyara inyungu.

    Silas Ngayaboshya, ni umuyobozi muri Minisiteri y'Uburinganire n'iterambere ry'umuryango

    Ati ' Igihari ni uko iyo wa mwanya twese tuwushoye, uwo dufite tukawushora mu gufatanya ya mirimo yo mu rugo, ukabona n'umwanya wo gushora mubibyaraamafaranga.'

    Ubushakashakatsi bwashyizwe ahagarara na IPAR bwakorewe mu turere twa  Rwamagana, Burera, Gicumbi, Musanze, na Nyabihu, bugaragaza ko umubare munini w'abagore mu bice by'icyaro bamara amasaha menshi bahugiye mu mirimo yo murugo.

    Inzego zishinzwe ubukungu zimaze igihe zigaragaje ko mu minsi iri imbere, mu kubara umusaruro mbumbe w'Igihugu n'imirimo yo mu rugo ikorwa n'abagore, izajya ihabwa agaciro harebwe uruhare rwayo.

    Daniel Hakizimana

    The post <strong>Abagabo bo mu cyaro baratungwa agatoki mu kudindiza iterambere ry'abagore babo</strong> appeared first on FLASH RADIO&TV.

    Source : https://flash.rw/2023/03/23/abagabo-bo-mu-cyaro-baratungwa-agatoki-mu-kudindiza-iterambere-ryabagore-babo/?utm_source=rss&utm_medium=rss&utm_campaign=abagabo-bo-mu-cyaro-baratungwa-agatoki-mu-kudindiza-iterambere-ryabagore-babo

  • Musanze: Urubura rwinshi rwangije imyaka n'inzu #rwanda #RwOT

    Bamwe mu bahinzi bo mu Mirenge ya Kinigi na Musanze mu Karere ka Musanze, baravuga ko baguye mu gihombo gikomeye bitewe n'urubura rwangije ibirayi byari mu mirima, ku buryo ntacyo bazasarura.

    Iyi mirenge niyo yibasiwe n'imvura ivanze n'urubura rwinshi.

    Aho itangazamakuru rya Flash ryageze ryasanze urubura rukiri hejuru y'imyaka ihinze mu mirima irimo ibirayi ibigori n'ibindi.

    Bamwe mu bahinzi bo muri iyi mirenge bavuga ko usibye kuba uru rubura rwangije byinshi ari ubwa mbere babonye urubura rungana gutya rugwa muri aka gace.

    Umwe ati 'Njye mfite imyaka 45 y'amavuko, navukiye aha ariko  nibwo nabona urubura rungana uku. Nari narateye ibipaki bitatu by'ibigori bya iburide kandi twagifata tukiguze 8.000Frw, ariko ubu nta kintu nshobora kuzasaruramo ntabyo kurya byarangiye.Amabati y'inzu yatobaguritse, abantu baraye hanze bahunze.'

    Mugenzi we ati 'Rwari rwuzuye mu murima wagira ngo barumennyeme, ibi birayi (bihinze) byari biteye appétit (soma apeti). Nonehyo ugeze muri iyi nzu yanjye amabati yangiritse ntiwareba.'

    Undi ati 'Ntagusarura.'

    Aba bahinzi banshingiye kubyangiritse baravuga ko mu minsi iri imbere bashobora kuwibasirwa n'inzara, bagasaba inzego zibishinzwe kubagoboka.

    Umwe ati 'Byo byarangiye ni amapfa ni ukwitegura n'ikilo cy'ibirayi kizagura na 2.000Frw. Twebwe icyo twasaba niba hari komisiyo ishinzwe Ibiza yakagombye kuza igakurikirana aha.'

    Undi ati 'Inzara izatwica ibirayi n'ibigori byangiritse.'

    Muri rusange ibyangijwe n'urubura muri iyi mirenge harimo ibirayi, ibigori n'amashaza n'inzu zatobotse amabati.

    Ubuyobozi bw'Akarere ka Musanze buvuga ko bukiri gukusanya ibyangijwe n'uru rubura mui yi mirenge, hakanarebwa uko aba baturage bagobokwa.

     

    UMUHOZA Honore

    The post <strong>Musanze: Urubura rwinshi rwangije imyaka n'inzu</strong> appeared first on FLASH RADIO&TV.

    Source : https://flash.rw/2023/03/23/musanze-urubura-rwinshi-rwangije-imyaka-ninzu/?utm_source=rss&utm_medium=rss&utm_campaign=musanze-urubura-rwinshi-rwangije-imyaka-ninzu

  • U Rwanda na Suède bishimiye ibyagezweho mu bufatanye bw'imyaka 20 – #rwanda #RwOT

    Kuri uyu wa 22 Werurwe 2023 hatangijwe inama y'iminsi itatu iri kubera i Kigali, irebera hamwe ibyagezweho mu myaka 20 y'imikoranire ya UR n'Igihugu cya Suède binyuze muri iyi gahunda n'ibiteganya gukorwa mu gihe kiri imbere.

    Ku munsi wayo wa mbere yitabiriwe Minisitiri w'Uburinganire n'Iterambere ry'Umuryango, Prof. Bayisenge Jeannette, Umuyobozi Mukuru Wungirije mu Kigo cy'Igihugu Gishinzwe Ubuzima, Noella Bigirimana, n'Umuganga akaba n'Umushakashatsi muri Kaminuza Gothenburg yo muri Suède, Prof. Gunilla Krantz.

    Yitabiririwe kandi n'abahagarariye ibigo bya Leta n'ibyikorera byagiranye ubufatanye na Kaminuza y'u Rwanda muri uru rugendo, ndetse n'abafatanyabikorwa bo ku ruhande rwa Leta ya Suède muri iki gikorwa.

    Minisitiri w'Uburinganire n'Iterambere ry'Umuryango, Prof Bayisenge Jeannette, yavuze ko ibi bihe ibihugu byombi byishimira ibyagezweho, ari n'umwanya mwiza wo gutekereza ku cyakorwa ku byabaye imbogamizi.

    Ati ''Ibi bihe ni ibyo kwishimira ibyo twagezeho, ariko na none byashyizweho kugira ngo twongere dusuzume iby'urugendo rwacu, harebwa no ku byabaye inzitizi.''

    Ubu bufatanye bwaje nyuma y'uko u Rwanda rushegeshwe na Jenoside yakorewe Abatutsi mu 1994, nyuma yayo rugatangira inzira yo kwiyubaka kuko ibikorwa byinshi mu ngeri zose byari byarangiritse.

    Urwego rw'Uburezi ruri mu zagizweho ingaruka mbi na Jenoside yakorewe Abatutsi, nyuma y'uko hari abarubarizwagamo bishwe muri icyo gihe, mu gihe hari n'abari barurimo bakoze Jenoside bagombaga gukurikiranwa n'ubutabera.

    Ibi biri mu byatumye ubwo u Rwanda rwatangiraga gahunda y'icyerekezo 2020, Suède yaraje mu bihugu bya mbere bigira ishyaka ryo gufatanya n'u Rwanda kongera kwiyubaka mu nguni zose ariko hubakiwe ku burezi.

    Hakomojwe ku byagezweho mu myaka 20 ishize hagendewe ku mpinduka z'ubuzima rusange, ariko hibandwa cyane ku zagaragaye mu burezi, ubuhinzi, imihindagurikire y'ibihe no kwihaza mu biribwa.

    Hanagarutswe kandi ku rwego rw'ubuzima, harebwa ku bushakashatsi bwarukozwemo mu myaka yashize, muri iki gihe ndetse n'ubuteganya gukorwa.

    Hanavuzwe kandi ku bijyanye no gushishikariza abagore n'abakobwa kwiga amasomo ya Siyansi, Ikoranabuhanga n'Imibare kuko bakiri bake muri ayo masomo, hagaragazwa amahirwe yagiye ashyirwaho mu bihe bitandukanye binyuze muri gahunda ya UR-Sweden Program, ndetse n'ahari ubu.

    Umuyobozi Mukuru Wungirije muri RBC, Noella Bigirimana, yashimiye uruhare rwa UR-Sweden Program, mu guhindura Urwego rw'Ubuzima binyuze mu gutanga ubumenyi.

    Ati ''Imwe mu nyungu nabonye ni uko iyi gahunda iri gutanga ubumenyi, ikaba iri no kuzana ingamba nshya, iyi mishinga iri kugira uruhare mu kubona ibifatika twakoresha mu kugira ibindi dushyira mu bikorwa''.

    Prof. Gunilla Krantz uri mu batanze ibiganiro, yamuritse bimwe mu bikorwa byagezweho muri iyi myaka 20, avuga ko u Rwanda nirukomeza gahunda rufite yo gushyira imbaraga mu kurandura ubukene, n'ibisigaye bizagerwaho.

    Yavuze ibi nyuma yo kumurika bimwe mu byagezweho n'ubushakashatsi bwatewe inkunga n'igihugu cya Suède, ikorwa ryabwo rigirwamo uruhare n'abanyeshuri b'abanyarwanda bize muri icyo gihugu bishyurirwa amashuri binyuze muri gahunda ya UR-Sweden Program.

    Bamwe mu barangirije muri Kaminuza zo muri Suède binyuze muri ubu bufatanye, ubu ni abayobozi bafite imyanya ikomeye mu nzego zitandukanye mu Rwanda, harimo za minisiteri, Inteko Ishinga Amategeko, Abayobozi b'ibindi bigo bya Leta ndetse n'indi myanya ikomeye.

    Mu kiganiro n'itangazamakuru cyabanjirije iyi nama, Umuyobozi wa Kaminuza y'u Rwanda, Dr Kayihura Muganga Didas na Ambasaderi wa Suède mu Rwanda, Johanna Teague, bavuze ko bishimira ibyagezweho mu myaka 20 ishize binyuze muri ubu bufatanye, ndetse ko ibihugu byombi bigifite ubushake wo kubukomeza hakagira n'ibindi bikorwa birimo kongera umubare wa kaminuza zibwongerwamo.

    Ku ruhande rw'u Rwanda, Inama y'igihugu y'ubumenyi n'ikoranabuhanga (NCST), Ikigo cy'Igihugu gishinzwe Ubuhinzi n'Ubworozi (RAB), IKigo cy'Igihugu Gishinzwe Ubuzima (RBC) n'abandi, bari mu bafatanyabikorwa b'iyi gahunda, mu gihe Suède nay o ifite mu ubufatanye bwa Kaminuza zo muri icyo gihugu no hanze yacyo.

    UR-Sweden Program iri mu cyiciro cyayo cya Kane cyatangiye mu mwaka wa 2019 kugeza muri 2026, cyari giteganyijwe gusozwa muri 2024 ariko gikomwa mu nkokora n'impamvu zitandukanye zirimo n'icyorezo cya Covid-19.

    Ubufatanye bw’u Rwanda na Suède bwateje imbere urwego bw’ubushakashatsi mu Rwanda

    Minisitiri w'Uburinganire n'Iterambere ry'Umuryango, Prof. Bayisenge Jeannette, yavuze ko iyi nama y’iminsi itatu ari umwanya mwiza wo kwishimira ibyagezweho no gusuzuma icyakorwa ku bitaragerwaho

    Prof. Gunilla Krantz yavuze ko hari icyizere ku mpinduka nziza zizakomeza kuzanwa n’ubu bufatanye harimo no kurandura ubukene mu gihugu

    Umuyobozi Mukuru Wungirije muri RBC, Noella Bigirimana, ashimira ubufatanye bw’ibihugu byombi

    Source : http://igihe.com/amakuru/u-rwanda/article/u-rwanda-na-suede-bishimiye-ibyagezweho-mu-bufatanye-bw-imyaka-20

  • Gatsibo: Abasore babiri barakekwaho kwica mubyara wabo bamuziza ko ababyeyi bamutetesha kubarusha – #rwanda #RwOT

    Aba bavandimwe bikekwa ko bishe uyu mubyara wabo kuwa Gatatu tariki 22 Werurwe 2023 mu Mudugudu wa Kashango mu Kagari ka Nyagisozi mu Murenge wa Kageyo.

    Amakuru avuga ko uyu musore wabaga muri uru rugo yitwaraga neza kurusha abana baho bigatuma ababyeyi babo basore bamukunda kurenza bo. Ibi byanatumye bamuha urutoki n'indi mitungo imwe n'imwe nko kumushimira umuhate akoresha.

    Abana b'uyu muryango batari barigeze bahabwa ikintu na kimwe, ntibyabashimishije aho ngo batangiye kugira ishyari bavuga ko imitungo yabo ababyeyi babo batangiye kuyiha rubanda.

    Aba basore ngo batangiye kumugirira ishyari banatangira gutegura umugambi mubisha wo kumwica, mu rukerero rwo kuwa Gatatu babyukije mubyara wabo ahagana saa kumi n'igice za mugitondo bamubwira ko bagiye gutunda ifumbire bayijyana mu murima, nuko bageze mu nzira umwe ahita amutemesha umuhoro aramwica.

    Umunyamabanga Nshingwabikorwa w'Umurenge wa Kageyo, Nayigizente Gilbert, yabwiye IGIHE ko aba bavandimwe bakekwaho kwica mubyara wabo bamaze gutabwa muri yombi aho ngo buri wese ashinja undi kuba ariwe wamwishe.

    Yagize ati 'Uwo mwana yabaga muri uwo muryango ariko atari uwabo, umugabo waho rero yatangiye kumukunda kubera ko yitwaraga neza, amuha aho gukorera, amuha urutoki, abana b'uyu muryango ntibabyishimira batangira kumugambanira baza kumutemesha umuhoro ubwo bari bajyanye ifumbire mu murima.'

    Uyu muyobozi yasabye abaturage kurenga ibijyanye n'amakimbirane, aho agaragaye bakiyambaza ubuyobozi aho kurinda kuvutsanya ubuzima kubera imitungo n'ibindi bintu by'ubusabusa.

    Kuri ubu aba basore bafungiye kuri sitasiyo ya RIB iherereye mu Murenge wa Gatsibo iperereza rikaba rigikomeje ngo hamenyekane uwatemesheje umuhoro uyu musore.

    Source : http://igihe.com/amakuru/u-rwanda/article/gatsibo-abasore-babiri-barakekwaho-kwica-mubyara-wabo-bamuziza-ko-ababyeyi