Category: Uncategorized

Ubwo twasuraga ibiro byabo aho bamurikira ibikoresho byabo, twasubijwe cyane n'ibyo twahoraga twibaza bihuye n’ibyo abatetsi benshi bakunda kwibaza iyo baguze imbabura (Cuisiniere) ariko zikabatenguha.

Akenshi usanga abantu bagura ibikoresho bitizewe byiganjemo ibyo batekaho, ibyo bariraho, ariko ugasanga ntaho bashobora kubariza kubera ko aho babiguriye babibahaye bikora kandi mu mvugo zabo bakavuga ko atari bo babyishe.

Kuri ubu Blues Flame yaje ari igisubizo kuri abo bose kuko iguha igikoresho yizeye neza ndetse ikaguha imyaka itanu yo kukitaho. Si ukukitaho gusa, ahubwo iguha n'umutekinisiye ubimenyereye ugomba kukitaho no kucyesitara.

Bamenyereweho kuri Cuisinere nziza cyangwa se Cooker. Bafite imbabura zifite ingano (size) zitandukanye. Hari nk’iya 50 kuri 50 bisobanuye ko ifite oven ikagira n’ifuru. Hari 50 kuri 55 ifite amashyiga 3 ya gas na 1 ry’amashanyarazi, ifite ubushobozi bwo kubikoresha byombi. Hari kandi na 60 kuri 60 ndetse na 90 kuri 60.

Izi mbabura zikozwe mu bikoresho 3 harimo Copper. Iyo hagize umwanda ugwaho, ntabwo ufataho. Hari n’izindi zikozwe mu cyuma gisanzwe cy'umukara ariko izo bafite nziza cyane zikozwe mu cyuma kitwa Enox.

Iki cyuma cya Enox ntabwo gisaza cyangwa ngo kibe cyafatwa n'umugese kuko n'imyaka 5 yashira kikimeze uko wakiguze. Ziba zifite kandi akandi kuma kifashishwa uri kotsa inkoko kitwa Rotiseri, yo ubwayo ikagenda yihinduranya nta ruhare ubigizemo.

Izi zose tumaze kureba ni izo bita ‘Free standing cookers’ bivuze ko uyigura ukagenda ukayitereka bisanzwe, ariko hari n’izindi zidaterekwa bisanzwe ahubwo zo zirubakirwa akaba ari zo bita ‘Built in cookers’. 

Ibi bikoresho byose bifite ubuziranenge bwizewe bituma batanga imyaka 5 y'umutekano igabanyije mu bice 2. Icya 1 ni guarantee aho kimara imyaka 2, muri iki gihe iyo igikoresho kigize ikibazo umutekinisiye ndetse n'ibikoresho byose ni uruganda rubitanga kigakorwa. Icyo umukiriya akora ni ukwishyurira umutekinisiye urugendo gusa.

Igice cya 2 ni icyo bita Warrantee, muri iki gihe ibikoresho umukiriya arabyiyishyurira ariko umutekinisiye nibo bamwishyura. Uruganda rufite abatekinisiye bahuguwe bakora mu ruganda nibo bakora ibi byose mu gihe hari icyangiritse. 

Ibikoresho kandi byose byakenerwa (spare parts) uruganda ruba rubifite kandi ku giciro gito cyane kuko hafi 100 ku ijana y’ibi bikoresho (spare parts) biba biri munsi y’ibihumbi bitanu (5000 Frw) kugera ku 10,000 Frw. Usibye ibi kandi bafite n'ibindi bikoresho byo mu gikoni bisanzwe kandi byose ni quality ya 1 biza bivuye muri Turikiya harimo blenders, washing machine n'ibindi byinshi.

Mu kiganiro inyaRwanda.com yagiranye na Bakhtiyar Egamberdiev CEO akaba na Co-Owner wa BlueFlame, yashimiye Leta y'u Rwanda by'umwihariko avuga ko ubufasha bwabo ari inyunganizi nziza ku ishoramari ryabo.

Bakhtiyar yavuze kandi ko ubu igishoro cyabo kigeze kuri Miliyoni 500 Frw ndetse ko ibikoresho byabo bitandukanye n'ibindi kuko bo ntaho babigura ahubwo babyitunganyiriza bo ubwabo cyane ko iyo hari uruganda rwabyo byoroha.

Yagize ati “Icyicaro cyacu gikuru kiri muri Turikiya, gusa dufite amashami mu bindi bihugu nko mu bwami bw’Abongereza, Ethiopia, Jamaica, Mozambique, Uganda n’ u Rwanda. 

Nyuma yo gukorera muri Uganda twifuzaga gukorera mu Rwanda twabigezeho kandi imyaka ibaye itanu dukorera mu Rwanda. Ubu ngubu igishoro cyacu hano mu Rwanda kigeze kuri Miliyoni 500, ibikoresho byacu turabiranguza tukabigeza kubakiriya bacu”.

Bakhtiyar Egamberdiev Umuyobozi Mukuru wa BlueFlame

Arakomeza ati “Buri mwaka dukora ishoramari ubwo ndashaka kuvuga mu bijyanye no kuvumbura uburyo bushya (technology) igikoresho cyakoramo cyangwa se ukabigura ku bandi babikoze urugero nko muri Japan cyangwa ahandi, aba engeniyeri (Engineers) bacu muri Turikiya bavumbura ikintu gishya urugero wenda nko kuvumbura uburyo imwe muri izi mbabura yakora kurushaho, urugero nko kuvumbura ikindi kintu washyira kuri izi mbabura (function), bitwara arenga Miliyoni 10.

Ibikoresho byacu bifite itandukaniro kuko n'uruganda rwacu, ibikoresho ntaho tubigura turabyitunganyiriza. Kandi birakomeye ndetse birizewe ni yo mpamvu dutanga imyaka 5 ya guarantee. Sisiteme ubwayo irimo imbere, irizewe cyane kandi irahamye mu kurinda igikoresho cyawe, igikoresho cyose uguze aho wakigura hose ugomba kubaza ubuziranenge bwacyo niba atari byo ntukakigure, bishobora kubaho ko cyangirika, aho wakiguze bagomba kugufasha. 

Niyo mpamvu tuba turi hano 24/7 kugira ngo tubafashe, uhamagara umutekinisiye akaza akabikemura. Kandi amakuru ava mu bakiriya cyane cyane muri Congo, Burundi n'ahandi, agaragaza ko bishimye cyane.''

Kuri Leta y'u Rwanda, Bakhtiyar Egamberdiev yavuze ko bayurwa n'ubufasha babaha. Agira Ati: ''Leta y’u Rwanda nayo iradufasha cyane, abantu bo muri RDB bagera hano kenshi batubaza niba hari ikibazo dufite, cyaba gihari bakagikemura”.

Imbabura zabo zirizewe, zikora neza, zigakora byiza kandi vuba

Arakomeza ati “Ibikoresho byacu birizewe, tubikora nk'abikorera kuko biteranyijwe nabi byagira ingaruka mbi ku mukiriya, abakozi bashya bashobora kubiteranya ariko ah’ingenzi cyane n'abafite uburambe bahateranya.

Ibikoresho byacu bigurwa n’ingeri zose bitewe n’uko wifite, dufite nk’imbabura (Cuisiniere) zihenze n’izihendutse, urugero niba ufite umuryango munini ukeneye inini turayiguha, cyangwa uri umukire ukeneye itatse neza nziza isa ukwayo, nayo turayiguha.''

Usibye imbabura, bafite n’amasafuriya yabugenewe adafite aho ahurira n’imigese

Izi mbabura ziteranyirizwa mu Rwanda, ndetse bakaguha n’umutekinisiye

Bakhtiyari yavuze ko baguha garanti y’imyaka itanu n’umutekinisiye

Aka kuma karimo imbere kagufasha kotsa inkoko neza utayikozeho

Amasafuriya yaho arizewe kandi akora neza cyane

Ibihembo barabihawe kubera ubudahangarwa bwabo mu bikoresho byizewe

Kanda HANO urebe andi mafoto yose y’ibikoresho byo muri Blue Flame

Iyi mbabura yo iba yubakiye, kandi ni nabo babigukorera

Amwe mu masafuriya meza y’icyerekezo

Ihere ijisho bimwe mu bikoresho byaho byizewe ku buziranenge

Mutangana Regis umwe mu bakozi ba BlueFlame banafite uburambe buhambaye

Bakorera mu mujyi wa Kigali no mu bindi bihugu bitandukanye 

Nibo gusa bafite amashyiga yizewe mu Rwanda

Iki gikorwa cyabanjirijwe n'umupira w'amaguru wabereye kuri Sitade ya IPRC Kigali aho umukino warangiye ikipe y’abanyeshuri ba Kaminuza zigenga itsinze ibitego 4 kuri 2 ikipe y’abanyeshuri ba Kaminuza y'u Rwanda.

Ni umukino waranzwe n’ishyaka ryinshi. Minisitiri w'Uburezi wari umushyitsi Mukuru yafashije mu gutanga ibihembo kuri aya makipe yombi.

Nubwo wari umunsi wo kuzirikana intwari mu byiciro byose; Imanzi, Imena n'Ingenzi, ariko benshi mu bafashe umwanya bibanze ku Ntwari z'i Nyange.

Aba bakaba bari abanyeshuri bigaga mu ishuri ryisumbuye rya Nyange riherereye mu Karere ka Ngororero, bagaragaje ubutwari butangaje nyuma y'imyaka micye habaye Jenoside yakorewe Abatutsi muri Mata 1994.

Ubutwari bwabo babugaragaje mu ijoro ryo kuwa 18 rishyira 19 Werurwe 1997 ubwo abahoze ari ingabo za Juvenal Habyarimana, Ex FAR, n'Intarahamwe, babagabagaho igitero kigamije kwica Abatutsi, bagasaba aba banyeshuri kwitandukanya, Abatutsi ukwabo n’Abahutu ukwabo, ariko aba banyeshuri bakabatsembera, bakababwira ko nta moko abaho mu Rwanda ahubwo ko bose ari abanyarwanda. 

Umwe muri aba banyeshuri wabashije kurokoka wiga muri iri shuri, iyo avuga iby’iryo joro, byumvikana nk'ibyabaye mu gihe kirekire nyamara asobanura ko atari ko biri, ko byari hagati y'iminota 10 na 15. Byagaragaje ko ubutwari atari imyaka, yewe nta shusho bugira ahubwo buratozwa bugatorwa.

Phanuel Sindayiheba kuri ubu uri mu myaka 42 akaba ari na we Chairperson wa ADEPR mu Rwanda itorero rigizwe n’abakristo barenga miliyoni 2.8, mu byo yagarutseho, harimo no gushima Intagamburuzwa.

Ati: 'Ndabashimiye ku bwo kuzirikana ikintu gikomeye cyo kubaka ubunyarwanda n'ubumuntu. I Nyange ni hamwe mu hantu hakorewe ubwicanyi burenze, ibi ndabivuga nshaka kubumvisha ko kuba abanyeshuri b’iri shuri barabaye intwari atari uko batari bazi ibibibatandukanya ahubwo n’uko bari bifitemo indangagaciro y'ubutwari koko.'

Agaruka ku buryo abanyarwanda bakwiye kwishimira gahunda nziza ya Guverinoma y'u Rwanda yo kubaka ibikorwa remezo no kunga abanyarwanda. Yabwiye abanyeshuri bari aho ko ubu ibintu byoroshye, umuriro, imihanda yubatswe nyamara bo ntabyariho.

Atanga urugero ko ubwo Abacengezi babarasaga nyuma yo kwanga kwitandukanya bakabateramo grenade, hari umunyeshuri wamaze iminsi itatu iwabo bataramenya ko yitabye Imana, bikarangira ashyinguwe mu kigo kuko nta telefone zabagaho.

Ashimira kandi ubwitange bwaranze ndetse buranga ingabo z'u Rwanda ahereye ku buryo zaje kubatabara mu buryo bwihuse, ahantu hagendwa hafi amasaha abiri bakahakoresha iminota nka 45.

Asoza asaba abanyeshuri n’abandi bantu gusura ikigo cy'i Nyange kibumbatiye aya mateka kandi yibutsa abantu icyo ubutwari n'ubupfura ari cyo. Ati: 'Ubutwari ntibugira isura, ntibugira ibara, n'ubupfura nabwo ntibugira ibara buratorwa.'

Minisitiri Dr Uwamariya Valentine, mu butumwa yagejeje ku rubyiruko rw'abanyeshuri bari bateraniye muri iki gikorwa, yagize ati: 'Ni ukuba intwari twese kandi tukaba twiteguye no kuba twaburira ubuzima muri icyo gikorwa cy'ubutwari.'

Yongeraho ati: 'Ni ukwirinda kugamburuzwa, mutera ikirenge mu cya bagenzi banyu b'i Nyange, mwirinda ibiyobyabwenge kandi mukamenya ko gukorera hamwe ari ipfundo rya byose.'

Iki gikorwa kitabiwe n'abayobozi mu nzego zitandukanye barimo Minisitiri w'Uburezi Dr Valentine Uwamariya wari n'Umushyitsi Mukuru, Rwaka Nicholas wari uhagarariye Urwego rw'Igihugu rushinzwe Intwari, Imidali n'Impeta by'Ishimwe (CHENO), Sylvie Mucyo Umuyobozi wa Rwanda Polytechnic, n'abandi bayobozi mu nzego zitandukanye zirimo zirimo n’iz'umutekano.

Ubwo Minisitiri w’Uburezi Dr Uwamariya Valentine n’Umuyobozi wa Rwanda Polytechnic bageraga ahabereye iki gikorwa bakiriwe n’Umuyobozi w’Ihururiro ry’AbanyeshuriHafashwe umunota wo kuzirikana no guha icyubahiro Intwari z’u RwandaIgikorwa kitabiwe n’Abanyeshuri ba Kaminuza zitandukanyeHari kandi abanyeshuri bo mu mashuri yisumbuye bo mu bigo byiganjemo ibyo mu mujyi wa KigaliAba banyeshuri bacyuye ubutumwa bukomeye n’inyigisho nshya ku butwariUbwo Minisitiri w’Uburezi Dr Uwamariya yageza ijambo ku rubyiruko rwari muri sitade ya IPRC KigaliPhanuel Sindayihebura uri mu bagaragaje ubutwari bukomeye bw’abanyeshuri b’i NyangeAbayobozi batandukanye bitabiriye iki gikorwa Hari abayobozi mu nzego zitandukanye zirimo n’iz’UmutekanoUmuhuzabikorwa w’Ihuriro ry’Abanyeshuri mu RwandaHabaye n’umukino w’umupira w’amaguru wahuje ikipe ya Kaminuza y’u Rwanda n’iya za Kaminuza zigengaIkipe ya Kaminuza zigenga niyo yegukanye intsinzi n’ibitego bine, iyi niyo kipe yabanjemo ku ruhande rwayoIkipe ya Kaminuza y’u Rwanda ntiyabashije kubona intsinziRwaka Nicholas yongeye gushimangira ko ubutwari ari indangagaciro ikomeye urubyiruko rukwiriye kwigiramo ndetse muri iki gihe bigashingira ku gukora ibikorwa by’indashyikirwa mu guteza imbere igihugu

Iki gikorwa cyabimburiwe n’umukino w’umupira w’amaguru

AMAFOTO: SERGE NGABO-INYARWANDA.COM

Ni mu gikorwa cyabaye mu ijoro ryo kuri iki Cyumweru tariki 26 Werurwe 2023 kuri Century Park Hotel, kitabiriwe n'abayobozi mu nzego zinyuranye, abanyamideli babigize umwuga n'abandi bafite inyota yo kwinjira muri uyu mwuga utunze benshi.

Iri huriro ryatangijwe mu 2015, mu 2019 hatorwa abayobozi babahagarariye, hanyuma mu mwaka wa 2022 bahabwa ubuzima gatozi n’Urwego rw’Igihugu rushinzwe Imiyoborere (RGB).

Mu ijambo rye, Umunyamabanga Mukuru w'Ihuriro ry'abanyamideli mu Rwanda, Hakizimana Hubert Didier, yashimye Guverinoma ku bwo gushyiraho uburyo bufasha urubyiruko kwihuriza hamwe. Ashima n'inzego za Leta n’inzu z’imideli zagize uruhare mu itangizwa ry'iri huriro.

Yashishikarije abanyamideli kugana iri huriro ‘kuko ririmo imyidagaduro kimwe no mu zindi nganda z’ubuhanzi'.

Uyu muyobozi yavuze ko bafite gahunda y’uko mu 2024 iri huriro rizaba ribarizwamo abanyamideli 1000. Kandi ko Covid-19 yagize ingaruka zikomeye kuri uru rwego, ibikorwa byinshi birasubikwa ibindi ntibyaba bitewe n’iki cyorezo

Hakizimana avuga ko iri huriro rinagamije gufasha abanyamideli kumva ko ibyo bakora ari kazi. Yashimangiye ko abanyamideli ari ‘Ba Ambasaderi b’Igihugu cyacu’ ari nayo mpamvu inzego za Leta n’abandi bakwiye kubashyigikira.

Ubu, avuga ko bafite abanyamideli 20 bagiye guhatana ku rwego mpuzamahanga ‘kandi bahesha ishema Igihugu cyacu’.

Indi mpamvu agaragaza y’iri huriro ni ‘uko dushaka gukorana n’inzu z’imideli mpuzamahanga’. Ati 'Abanyamahanga bakatumenya. Icyo ni ikintu dufitemo umugambi dushaka gukora.'

Yavuze ko mu myaka ibiri iri imbere bashaka ko abanyamideli bazaba bafite ‘agency’ nibura zirenga 39 babarizwamo. Kandi bazabahuza n’inzu z’imideli zo ku Isi hose ‘kugira ngo berekene impano zabo’.

Mu gutangiza iri huriro, Hakizimana yavuze ko bafite imishinga ine bagiye gukoraho irimo n'ishuri rizafasha abanyamideli kugira ubumenyi mu kumurika imideli.

Umushinga wa mbere witwa 'Gorilla fashion week (GFW)': Iki ni igikorwa kizajya gifasha abanyamideli kujya mu bikorwa nk’imikino aho bazajya berekana imyambaro n’ibindi binyuranye biri mu muco wacu.

Hakizimana ati 'Turizera y’uko izafasha abantu muri urwo rugero.' Yavuze ko muri rusange, uyu mushinga uzatwara nibura Miliyoni 25 Frw, kandi biteze gutangirana n’abanyamideli 20, bakazagera nibura kuri 400

Umushinga wa kabiri witwa 'Gakondo Art fashion Festival(GAFF)': Awusobanura nk'iserukiramuco bazakora bafatanyije na Kaminuza zinyuranye mu Rwanda, inzu z'imideli mu Rwanda mu rwego rwo kugaragaza ahantu hanyaburanga mu Rwanda.

Avuga ko muri rusange uyu mushinga wubakiye ku gufasha abanyamideli kugaragaza ibikorwa byubakiye ku muco. Ni umushinga avuga ko uzatwara nibura Miliyoni 20 Frw, kandi uzatangirana n'umwaka wa 2024.

'Turning talents into Enterprise' ni wo mushinga wa Gatatu bazakorana bafatanyije na IPRC Kigali, aho bateganya gukoresha nibura Miliyoni 5 Frw, ibizakenerwa byose kugeza uyu mushing birahari. Yavuze ko bazakorana n'abanyamideli 20 hamwe n'abakora 'Graphic Design' nibura 10.

Umushinga wa Kane ni 'Modeling School'. Hakizimana yavuze ko iri shuri rizajya ryakira abanyamideli bashaka kubigira umwuga, bahabwe ubumenyi bukenewe ku isoko kandi banahabwa impamyabushobozi (Certificate) igaragaza ubwo bumenyi bavomye.

Yagize ati 'Intego ni uko buri mumurikamideli wese yaba afite ishuri yanyuzemo.” Kandi bakamuha Certifcate azajya akoresha.'

Ubwo yatangizaga ku mugaragaro iri huriro, Umuyobozi w’Inama y’Igihugu y’abahanzi, Mukampunga Janvière yavuze ko iki ari igikorwa cy'ubwitange. Akomeza ati 'Kubona abakiri bato bihuriza hamwe bagakora igikorwa nk’iki.'

Yavuze ko aba banyamideli ‘babaye imfura mu kugaragaza no kumurika ihuriro’. Ati 'Mu izina rya Rwanda Art Council ndabashimiye.'

Uyu muyobozi yavuze ko iri huriro ‘rifite imbaraga kandi rishobora gutera imbaraga n’abandi. Yavuze ko uru rwego rw’abahanzi rusabwa kwitanga, kwitangira igihugu kugira ngo nawe uzabashe kwitanga’.

Kandi ko Igihugu cyashyize imbere mu gufasha ubuhanzi bubyara inyungu. Avuga ko ari ugufasha abahanzi kwishyira hamwe 'basangira ubuvugizi tuzabashe kugera kuri uwo musaruro igihugu kitwifuzaho'.

Yijeje inkunga y’amikoro n’ibitekerezo iri huriro ‘kugira ngo dufatanye kuzamura urwego rw’ubuhanzi.’

Kamasoni Alice ushinzwe Ubukerarugendo bushingiye ku muco n’ubuhanzi mberajisho mu Inteko y’Umuco, yavuze ko bashyigikiye iri huriro kandi ko banyuzwe n'imishinga ine yatangajwe aba banyamideli bagiye gutangirana.

Yahamagariye abashoramari gushora imari mu ruganda rw'imyideli. Ati 'Turahamagarira n'ubundi abaterankunga, gushora imari y'abo muri uru ruganda kugira ngo rutere imbera, ariko nanone n'abafatanyabikorwa buri wese yumvise uruhare rwe ntekereza ko uru ruganda rwatera imbere.'

Mu kumurika iri huriro, inzu zinyuranye z'imideli zifashishije abanyamideli bamurika imyambaro; hari Fatako Model Agency, Young Generation Model Agency ya Tuyishime Emmanuel, Eminency, Uno Empinre, Famous ya Assiah, Venus Model Agency, Finix Modeling Agency, Isaro Modeling Agency, EAMA Models ya Ngabonziza Patrick n'abandi.

Abafite inzu z'imideli bishimiye iri huriro ryatangijwe ku mugaragaro:

Umuyobozi w'Inzu y'imideli ya Lii Collection, Nshimirimana Yanick yabwiye InyaRwanda ko imyaka itanu ishize ari mu ruganda rw'imideli, rwatangijwe no kubanza no kuba umunyamideli mbere y'uko atangira urugendo rwo gushoramo imari.

Uyu musore yavuze ko yibanda cyane ku myambaro y'abasore cyane cyane ifite ibitambaro byihariye. Yatangiye ashyira ikirango 'Logo' ku myambaro yahangaga n'ubwo abantu batabyumvaga neza. Ati 'Habayeho imbogamizi zirimo kubura ama-tissue, abantu ntibyumve ibintu uri gushyira ku myenda ariko uko imyaka iri kugenda yicuma bari kugenda babona ko ibintu ari byiza'.

Yannick yavuze ko mu gihe cy'imyaka itanu ishize ari ku isoko atacitse intege bitewe n'uko ibintu akora ari byo yakuriyemo. Yavuze ko iri huriro rije ari imbaraga ku banyamideli.

Ati 'Ibi bintu ni byiza kuko bituma tugaragaza ubumenyi bwacu nkatwe abanyamideli, kandi bigatuma n'abantu babona ibyo dukora […] Kugira njye mbe mfite nk'aho kugaragariza ibyo dushoboye.'

Umuyobozi w'imideli Anto Style, Mukanshimiyumuremyi Antoinette yabwiye InyaRwanda ko umwaka ushize yinjiye mu bafite inzu z'imideli yihariye cyane cyane guhanga imyambaro y'abagore.

Uyu mugore yavuze ko kuva akiri muto yakuze akunda kudoda ku buryo n'abo mu muryango we batabyumvaga neza. Yavuze ko yari asanzwe afite akazi gasanzwe akora ahitamo kugasezera yinjira mu byo guhanga imyambaro.

Avuga ko umugabo we atumvaga neza ukuntu asezeye akazi gasanzwe akajya mu byo kudoda. Imyambaro ahanga avuga ko ibitambaro byayo ayikura Tanzania, Dubai n'ahandi.

Akomeza ati 'Kureka akazi ntabwo aba ari ikintu cyoroshye bituma utekereza ibintu byinshi, ubwishingizi, ibiki, umushahara, buriya iyo ufite akazi ku mushahara uba uvuga ngo ntakibazo, ariko kwiyemeza ukavuga ngo ndakaretse byabanjye kungora. Byamfasha n'imyaka myinshi kugirango mbireke.'

Antoinette yavuze ko iri huriro rije kuzamura izina ry'abanyamideli kandi bakamenyekane 'bituma dukora umwuga unoza, ibikorwa byacu bimenyekane'. 

Kamasoni Alice ushinzwe Ubukerarugendo bushingiye ku muco n’ubuhanzi mberajisho mu Inteko y’Umuco yasabye abashoramari n’abafatanyabikorwa guhuza imbaraga mu guteza imbere uruganda rw’imideli 

Umuyoboziw’Inama y’Igihugu y’Abahanzi, Mukampunga Janvière yavuze ko iri huriro ryitezweho gushyira ku rwego rwiza abanyamideli, kandi ko kwihuriza hamwe bituma byoroha mu kubashyigikira 

Umunyamabanga Mukuru w’Ihuriro ry’abanyamideli Hakizimana Hubert Didier yavuze ko bagamije gufasha abanyamideli kugera ku rwego mpuzamahanga, kandi bagiye gutangiza imishinga ine irimo n’ishuri rizafasha abanyamideli 

Umuhanga mu kuvuza ‘Saxophone’ Papy yifashishije indirimbo z’abarimo Ed Sheeran yasusurukije ibi birori byo gutangiza ku mugaragaro ihuriro ry’abanyamideli

Niyigena Jean Pierre wari umusangiza w’amagambo (MC) muri ibi birori byo gutangiza iri huriro ry’abanyamideli 

Umuhanzi Babo uherutse gusohora indirimbo zirimo ‘I’m in Love’ ni umwe mu bitangiriye itangizwa ry’iri huriro 

Abanyamideli bifashishijwe mu kugaragaza imyambaro inyuranye yahanzwe  

Imwe mu nzu z’imideli yamuritse imyambaro ya ‘Jesi’ zo kwambara ku bibuga by’imipira n’ahandi 

Umuyobozi Mukuru w’Ishuri Rikuru ry’u Rwanda ry’Imyuga n’Ubumenyingiro, Dr Sylvie Mucyo yitabiriye iki gikorwa, kandi bazafatanya n’iri huriro mu mushinga ugamije kubyaza umusaruro impano z’abanyamideli (Turning Talents into Enterprise) 

Biba ari akanyamuneza mu birori nk’ibi byo kumurika imyambaro mishya yakozwe n’inzu z’imideli zinyuranye    

Bamwe mu basore n’inkumi bahawe akazi ko kumurika iyi myambaro yahanzwe

Abayobozi b’inzu z’imideli bahanze iyi myambaro bagiye bashimirwa mu ruhame

Kanda hano urebe amafoto menshi yaranze itangizwa ry'iri huriro

AMAFOTO: Ndayishimiye Nathanael-INYARWANDA.COM 

Kuri uyu wa 26 Werurwe 2023 ni bwo umubyeyi wa Cycy yasezeweho anashyingurwa mu cyubahiro. Ni umuhango wabimburiwe no kumusezeraho bwa nyuma, bikaba byabaye hagati ya saa tanu na saa saba.

Umupasiteri wayoboye iki gikorwa cyo gusezera bwa nyuma ku mubyeyi wa Cycy, yavuze ko abantu bakwiriye guhora biteguye gupfa nubwo ari ibintu bibabaza ariko ntaho umuntu yabihungira.

Yavuze kandi ko icyiza gihari ari uko hari umunsi urupfu ruzaba rutagifite ububasha bibaho, ariko abantu bakaba bakwiye kunoza imirimo yabo kuko hari ubwo buri umwe azabibazwa.

Basaza ba Cycy Lionel na Eric, bagize icyo bavuga ku buzima bwaranze Mama wabo.

Lionel ati: 'Icyo navuga ni ukubashimira abavandimwe, inshuti, umuryango mwatubaye hafi mu bihe bitoroshye. Ibintu byabaye kuri Mama ntabwo twari tubyiteguye kuko hari ubwo umubyeyi abona ibigiye kuba byababaza ntabwo abivuga.'

Yongeraho ati: 'Yateraga urwenya cyane nubwo yabaga nta bintu byinshi yabaga afite, ariko yazimaniraga uwamusangaga wese. Ikimbabaza cyane ni uko atigeze ambwira ko agiye kugenda.'

Eric nawe ati: 'Yari inshuti yanjye, icyo yabwiye mu bihe bye bya nyuma ni ugukomera kandi ikinshimishije ni uko yitabye Imana yariteguye ari umukristo.'

Ku isaha ya saa saba ni bwo habaye isengesho rya yuma ryo gusabira uyu mubyeyi muri Paruwasi ya Kanombe. Nyuma hakurikiyeho umuhango wo kumushyingurwa mu irimbi rya Rusororo.

Cycy ni umwe mu bakobwa bamaze kubaka izina mu myidagaduro nyarwanda muri iyi minsi, akaba akorera mu gihugu cya Kenya aho yiga anakorera ibikorwa birimo gutegura no kuyobora ibirori ari naho yari ari ubwo umubyeyi we yitabaga Imana.

Yageze mu Rwanda ku Gatatu. Yamamaye cyane mu bakobwa bifashishwa mu mashusho y'indirimbo zirimo nka 'KK552' ya Andy Bumuntu, 'We don't care' ya Meddy, Ravanny na RJ.

Agaragara kandi mu ndirimbo 'Atansiyo' ya Platini P banakundanyeho igihe gito. Mu mwaka wa 2022 yabaye Miss Planet International Rwanda.

Imana ikomeze abasigaye kandi ihe iruhuko ridashira umubyeyi watabarutse.

Batamuliza wari ufite imyaka 62 yasezeweho bwa nyuma iwe i Kigali hafi ya Alpha PalaceCycy ni we bucura bwa Batamuliza Suzanne witabye ImanaWari umunsi ukomeye mu muryango wa Cycy na we ubwe nubwo yagerageje kwihanganaKimwe mu bintu bitazibagirana kuri Batamuliza ni ukuntu yari inshuti y’urubyiruko kandi akakirana urugwiro umusanga weseCycy n’umwe muri basaza be Cycy ni we wari utwaye ifoto y’umubyeyi we

Derek uri mu bahanzi bagize itsinda rya Active yaje kwifatanya n’umuryango wa Cycy guherekeza umubyeyi waboDerek aha yari yicaranye na nyiri Rwanda UpdateInshuti n’umuryango babanje kumusezeraho bwa nyuma Eric musaza wa Cycy ni umwe mu basore babanye n’uyu mubyeyi mu bihe bye bya nyumaYaherekejwe n’abantu benshi barimo abato n’abakuzeAzahora ku mitima ya benshi yateye ibyishimo cyane abagorobereje aho ari kubera amashyengo ye, abo yareze n’abo yibarutse

Kanda hano urebe amafoto yose

AMAFOTO: SERGE NGABO-INYARWANDA.COM

Iyi raporo yashyikirijwe Inteko Rusange y'Umutwe wa Sena ku wa Gatanu tariki 24 Werurwe 2023, ikubiyemo ibikorwa by'Urwego rw'Umuvunyi mu 2021/2022 na gahunda y'ibikorwa y'umwaka wa 2022/23.

Imanza zasabiwe kurangizwa mu 2019/20, zari 6.509 mu gihe izarangijwe ari 5.472. Ku rundi ruhande ariko hari imanza zigera ku 1.037 zitabashije kurangizwa muri uwo mwaka.

Mu 2020/21 imanza zasabiwe kurangizwa zari 6.238 aho izarangijwe zari 2.672 mu gihe izitararangijwe ari 3.566. Mu 2021/22 izasabiwe kurangizwa ni 8.423 aho izarangijwe zari 2.648 naho izitararangijwe zari 5.775.

Muri rusange muri iyi myaka itatu ishize, hari imanza 52.838 zasabiwe kurangizwa aho izarangijwe zari 27.707 mu gihe izitararangijwe zari 25.131.

Ni raporo igaragaza ko muri yo myaka, imanza zarangijwe n'abahesha b'inkiko b'umwuga zari 4.525 naho izarangijwe n'abahesha b'inkiko batari ab'umwuga ari 23.182.

Perezida wa Komisiyo ya Politiki n'Imiyoborere muri Sena, Dushimimana Lambert, avuga ko n'ubwo hari ingamba zagiye zifatwa zigamijwe kwihutisha irangizwa ry'imanza zaciwe burundu n'inkiko ariko hakiri icyuho.

Ati 'Inzego bireba zikwiye gusesengura imbogamizi zituma abahesha b'inkiko batari ab'umwuga batarangiza neza imanza kugira ngo zishakirwe ibisubizo birambye.'

Senateri Dushimimana avuga ko mu bindi byagaragaye nk'ibikoma mu nkokora irangizwa ry'imanza harimo imikorere n'imikoranire itanoze mu bashinzwe kurangiza imanza ituma zitinda kurangizwa.

Ati 'Hari n'izirangijwe ntizirangizwe neza ngo uwatsinze ahabwe ibyo yatsindiye byose ni imbogamizi ku iyubahirizwa ry'ihame remezo ryo kubaka Leta igendera ku mategeko, mu gipimo cyo kureba niba ibyemezo by'ubutabera mbonezamubano bishyirwa mu bikorwa neza.'

Ubusanzwe imanza zirangizwa n'abahesha b'inkiko b'umwuga baba ari Abanyamategeko ndetse zikanarangizwa n'abahesha b'inkiko batari ab'umwuga, baba biganjemo Abanyamabanga Nshingwabikorwa b'imirenge.

Ugutinda kurangizwa kw'imanza by'umwihariko ku bahesha b'inkiko batari ab'umwuga, bituruka ku kazi kenshi baba bafite ndetse no kudahabwa amafaranga cyangwa uburyo bubageza aho baba bagiye kurangiriza imanza.

Senateri Habiyakare François ati 'Abahesha b'inkiko batari ab'umwuga ubundi ni abakozi ba leta. Iyo habaye ikibazo mu kurangiza imanza leta ntiyemera kubishingira nk'abakozi ba leta.'

'Umukozi wa leta ari mu kazi ka leta, umukoresha yagombye gufasha umukozi we muri icyo kibazo. Icyo kintu gituma ba gitifu batinya kujya kurangiza imanza.'

Senateri Habiyakare yavuze ko hakwiye kubaho agaciro ntarengwa ku mitungo igomba kurangizwa n'abahesha b'inkiko b'umwuga.

Ati 'Ni ukuvuga ngo imanza z'utuntu duto duto, ihene, intama, umurima w'ibihumbi 20Frw […] bareke kubijyamo, kuko iyo babigiyemo, amafaranga avuyemo, ntabwo aba ahagije kugira ngo yishyure ayo bagombye guhembwa.'

'Bigatuma nyir'umurima ahomba, uwagombaga kwishyurwa nawe agahomba ndetse n'umuhesha w'inkiko agahomba.'

Senateri Dushimimana yavuze ko byagaragaye ko hari ubwo usanga bamwe muri ba gitifu bashinzwe kurangiza izo manza badafite ubumenyi buhagije mu bijyanye no kurangiza imanza.

Abahesha b'inkiko batari ab'umwuga bagirwa inama yo kubanza kugenzura neza niba mu rubanza rwaciwe harimo uburyo rugomba kurangizwa, aho basanze harimo amayobera bakajya gusobanuza Abacamanza baba baraciye urwo rubanza.

---