Category: Uncategorized

Abakoresha imbuga nkoranyambaga biganjemo abanyamuryango ba RPF Inkotanyi bafite amakuru arambuye kuri Ndagijimana, bahise bakwirakwiza amafoto ye bituma abenshi mu bakurikiye Ijambo rya Perezida Kagame batangira kumenya uwavugwaga.

Jean-Marie Vianney Ndagijimana ni umwe mu bakoranye na Guverinoma yateguye ikanashyira mu bikorwa Jenoside yakorewe Abatutsi, kuko mu mwaka Inkotanyi zatangiriyeho urugamba rwo kubohora u Rwanda ni na wo yahawe inshingano zokuba Ambasaderi w'u Rwanda mu Bufaransa.

Ni inshingano yabayemo guhera mu 1990 kugeza mu 1994 ari na bwo yagizwe Minisitiri w'Ububanyi n'Amahanga wa mbere muri uwo mwaka urugamba rwo kubohora Igihugu rukimara kurangira.

Nyuma y'iminsi mike agiriwe icyizere nka Minisitiri mushya ushinzwe ububanyi n'amahanga, yahawe inshingano zo gutangira gufungur z'Ambasade, anahabwa n'ubushobozi bushoboka ariko aho kugira ngo abikore yahitaashaka ubuhungiro i Burayi.

Perezida Kagame yavuze ko 'Umuminisitiri wa mbere' wagiye mu kazi ka Leta hanze y'Igihugu, yafashe amafaranga yari ahawe ngo ayafunguze Ambasade mu mahanga, ariko birangira agiye burundu, u Rwanda rugerageza no kumenyesha u Bufaransa yahungiyemo ariko ntibyatanga umusaruro kugeza n'uyu munsi.

Ni amadolari y'Amerika 200,000 Perezida Kagame yemeza ko yakusanyijwe hagamijwe kubaka ubushobozi bw'Igihugu cyari gisigaye kuri zero. Mu 1994 ayo madolari yari menshi kuko yarengaga amafaranga y'u Rwanda miliyoni 130, na ho uvunjije muri iki gihe yaba asaga miliyoni 200.

Perezida Kagame ati: 'Yafashe amafaranga ngo agiye gufungurwa 'Ambasade hanze, ndabyibuka yari ibihumbi 200 by'amadolari. Aragenda n'ubu ntaragaruka. Arayahambiriye arayatwaye, ubu aba mu Bufaransa. Ariko sinzi ko ayo mafaranga akimutunze agombakuba yarashize kera.'

Perezida Kagame yabigarutseho mu Ijambo yagejeje ku bitabiriye Inama Nkuru Mpuzamahanga ya RPF Inkotanyi yamaze Iminsi ibiri, aho yanashimangiye ko bagerageje kuwira u Bufaransa ko bacumbikiye umuntu wambuye u Rwanda ariko bikaba iby'ubusa, kuko abayobozi b'icyo gihugu basekaga ab'u Rwanda batakamba.

Yakomeje agira ati: 'Ahubwo bariho babwira n'abandi basigaye ngo na bo batware ayandi bagende.'

Yagarutse ku buryo muri RPF Inkotanyi harimo n'abarwanye urugamba rwo kubohora u Rwanda no guhagarika Jenoside yakorewe Abatutsi ariko birangira bigendeye, kubera impamvu zabo bwite zanyuranyaga n'umugambi rusange w'Umuryango RPF Inkotanyi.

Yanagaragaje ko nubwo urugendo rwo kubaka Igihugu rwatangiriye ku busa, umutima wa RPF Inkotanyi wakomeje isoko y'imbaraga n'ubwitange mu byagezweho mu myaka ishize. Byabaye ngombwa ko bamwe mu bari mu bayobozi n'Ingabo za RPA bamara igihe kirenga imyaka ibiri badahembwa, mu gihe no kubona ibyo kwambara byari ingorabahizi.

Source : https://umuryango.rw/amakuru/mu-rwanda/article/ibyo-wamenya-kuri-minisitiri-wa-mbere-wibye-akayabo-u-rwanda

Raila Odinga utavuga rumwe n'ubutegetsi muri Kenya, yatangaje ko ahagaritse imyigaragambyo yamagana ubutegetsi.

Yavuze ko yiteguye kuganira, nyuma yo kubisabwa na prezida William Ruto no guhagarika kwigaragambya.

Icyakora uyu mutegetsi utavuga rumwe n'ubutegetsi bwa Kenya yongeye ho ko kwigaragambya bishobora kongera gusubukurwa mu minsi mike.

Abantu ibihumbi bitabiriye imyigaragambyo yamagana ubuzima buhenze mu gihugu no kuba matora yashyizeho Ruto yarabayemo uburiganya.

N'imyigaragambyo yabaye incuro 3 mu byumweru bibiri bishize .yaranzwe n'ubugizi bwa nabi bwanahitanye amagara yabamwe kandi no kuri uyu wambere yari iteganijwe.

Mu gitondo cyo kuri iki cyumweru twasoje nibwo ,Prezida Ruto yasabye Odinga guhagarika imyigaragambyo, imaze guhitana abantu batatu abandi 400 barakomereka barimo 60 bashinzwe ubutekano mu gihugu.

VOA

Source : https://umuryango.rw/amakuru/mu-mahanga/politiki/article/kenya-raila-odinga-yemeye-guhagarika-imyigaragambyo-ateguza-ibiganiro-na

Perezida Paul Kagame yahishuye ko mu 2016, hari abanyamahanga b'ibyamamare baje mu Rwanda, bakamusezeranya ko azahabwa akazi mpuzamahanga naramuka atongeye kwiyamamaza mu 2017.

Umukuru w'Igihugu yabigarutseho nyuma y'uko yari amaze gutorerwa kuba Chairman wa FPR Inkotanyi.

Perezida Kagame yavuze ko mu 2016 hari abantu bo hanze bafite amazina akomeye bamusabye kutongera kwiyamamariza kuyobora u Rwanda.

Ati 'Uziko hari abantu bavuye i Kantarange. Murahazi? Hari abavuye i kantarange, barimo abayobozi b'iyo i kantarange mu nzego zitandukanye, hazamo abitwa 'aba-star' batandukanye, b'ibyamamare bazwi ku Isi hose,sinirirwa mbavuga amazi, bari bageze nko kuri 12 batandukanye, bazanywe n'iki? Bazanywe no kumbaza ngo ariko urashaka kongera kwiyamamaza kuyobora igihugu. Ibyo nabasubije ndaza kubibabwira.Ariko icyo gihe bambaza, barambazaga bambwira ngo sigaho utabikora.'

Ndababwira nti ariko 'iwanyu aho muva ndahazi, ibyo mukora ndabizi.' Mubikora hari uwababwiye kubikora? Mubikoreshwa n'abandi bo hanze? Icyo ni kimwe, icya kabiri, njye aho kugira ngo mbahe igisubizo ubu, ndabaha uburyo bwose, mugende mujye muri buri karere, ndabahamagarira n'abaturage n'abayobozi babo baze mubabaze icyo kibazo, njyewe mwe kukimbaza.Hanyuma ibyo biraba birangiye.''

Perezida Kagame yakomeje agira ati “Bansabaga ibintu bibiri cyangwa bitatu.Icya mbere barambwira ngo ibintu byose maze gukora, bajyaho barabishima hanyuma ndababwira nti mwebwe ibyo mubizi mute?,ibyo byiza mwe bibageraho gute?ko nziko bigera ku banyarwanda,mwe mubizi mute?.

Baratangira barambwira ngo 'hari imirimo yo ku rwego mpuzamahanga' bashobora kungezaho, ni nko kuvuga ngo ukaba icyamamare,ugakora kariya kazi n'akazi k'isi yose.Icyo nicyo cya mbere bansabye.'

Ndababwira nti ariko 'usibyo ko ibyo ntabyo nabasabye,rwose nagiraga ngo mbongerereho ko nta nibyo nshaka.Ntabyo nshaka,byaba gukomeza cyangwa bitaba gukomeza,ntabyo nshaka, ibyo mumpa.'

'Icya kabiri, bakambwira ngo buriya ufashe umuntu, ukamushyiraho ndetse batararangiza baba bambwiye amazina,umwe babiri, nka kanaka. Ndababwira nti 'abo bantu ndabazi, ni Abanyarwanda, turabana, turakorana, ndabazi' ariko icyabazinduye mwaje kumbwira demokarasi.Demokarasi ibamo impinudka ikagira ite? nti ariko niba mwavugaga demokarasi, muri demokarasi utegekwa uwo washyiraho akagusimbura, iwanyu ni ko mubigenza?.

Muhitamo ababasimbura,muri demokarasi wowe urumva ushaka kwigisha demokarasi ushaka kunzanira izina ry'umuntu Abanyarwanda bakwiriye kuba bibonamo,mwe mwumva bishoboka?.

Bari baje nka saa tanu tuririranwa,twagize ibiganiro birebire.Bigeze saa saba ndababwira nti 'nimuze mbahe ibyokurya bya saa sita nimurangiza mutahe,mwakoze kudusura.Ibibazo byacu tuzabyirangiriza.''

Yakomeje avuga ko kuba buri gihe haba amatora y'Umuyobozi wa FPR INKOTANYI abanyamuryango bayo bakamutora yishinja icyaha bityo afite inshingano zo gukuraho icyo gihirahiro.

Ati “Ubwo rero hari icyo gihirahiro iriho ngomba gushaka uko nkemura.Naho bitazabamo,icyizere,imikoranire,ibyiza dushima,kugira ngo bizavemo icyaha ntabwo aribyo.Ndabasaba ngo twubake,dutere intambwe,twubake ibizaramba igihe cyose.”

Yasabye abatowe mu myanya itandukanye 'guhora batekereza'.Ati “ibyo abantu bibaza,ibyo baganira,muri mwe no mu bandi bikomeze bishakirwe igisubizo.”

Source : https://umuryango.rw/amakuru/mu-rwanda/politiki/article/perezida-kagame-yahishuye-uko-yahawe-akazi-n-abanyamahanga-ngo-areke-kuyobora-u

Ku wa Gatandatu, tariki ya 1 Mata 2023, ni bwo imbande zombi zatangaje ko zamaze kumvikana ku masezerano azamara imyaka irindwi y'imikoranire, ashingiye ku mategeko mashya arebana n'abakinnyi.

Aya masezerano yasinywe akubiyemo ibirebana n'imivugururire y'uburenganzira bw'umukinnyi nk'umukozi, haba mu kibuga hagati ndetse no hanze yacyo. Ibi byashimangiwe n'Umuyobozi Mukuru w'Ishyirahamwe ry'Abakinnyi muri NBA, Tamika Tremaglio.

Yagize ati 'Nta byinshi ku birebana n'iyi ngingo birarebwaho. Ariko kuva ku munsi wa mbere, ibiganiro hagati yacu byari bishingiye ku guha agaciro umukinnyi mu mukino n'igihe atawurimo, akaba yawukina ariko bimworohereza no gukora akazi ke kadahuye nabyo mu buryo bwagutse.'

Iyo ni yo mpamvu NBA yasuzumye ibijyanye no guhagarika gupima urumogi ku mukinnyi wese ukina muri iyi Shampiyona ya mbere ikomeye ku Isi muri Basketball. Mu mpera za 2021 ni bwo habayeho guhagarika gupima buri wese ahubwo hagapimwa abakekwa.

Icyo gihe Umuvugizi wayo, Mike Bass, yavuze ko byakozwe hagamijwe kurwanya uruhare bigira ku mukino no kurwanya ibiyobyabwenge muri rusange. Mu gihe amasezerano azaba yasinywe, nta n'umwe uzongera gupimwa urumogi, bazajya bapimwa ibindi biyobyabwenge.

Hari abakinnyi bakoreshaga iki kiyobyabwenge bizwi na buri wese nka Kareem Abdul-Jabbar na Allen Iverson bose bahagaritse gukina. Aba bose ntabwo urwego rwabo rwabakumiraga kugifata, ahubwo bagirwaga inama kenshi yo kukigabanya.

Kevin Durant uherutse kuva muri Brooklyn Nets akerekeza muri Phoenix Suns, yakomeje kuvugwaho gushyira igitutu ku buyobozi kugira ngo bushyireho iri tegeko nk'umwe mu bafata urumogi.

Source : https://umuryango.rw/imyidagaduro/imikino/article/abaginnyi-bakina-muri-nba-bagiye-kwemererwa-gukoresha-urumogi

Abakorera mu gakiriro ka Nyamasheke ,baravuga ko aka Gakiriro gafite ibibazo birimo kuba nta muhamda muzima uhagera bigatuma ibihakorerwa bitabona uko bigera ku baguzi,ibintu bavuga ko ari imbogamizi kuri bo.

Sicyo kibazo cyonyine cyugarije abakorera muri aka gakiriro kuko gafite n'ikibazo cy'imireko yatobaguritse ,bigatuma iyo imvura iguye kava,ibikorwa byabo bikangirika.

Ntakirutimana Theogene aganira na Umuryango.rw yavuze ko ari ikibazo gikomeye kuri bo

Ati:”Aha kugira ngo imodoka ihagere ni ikibazo.Nta muhamda ukoze uhagera biragorana nk'iyo hari ibikoresho dushaka kugeza kubabikeneye,cyangwa se natwe nk'iyo dukeneye ibyo dukoresha nk'imbaho n'ibindi kugira ngo bitugereho ntibyoroha.Nta muntu upfa kwemera kuzana imodoka ye hano, mudukorere ubuvugizi.

Naho Nyirahabimana Clementine,umukobwa ukora umwuga wo gusudira,yagize ati: “nkatwe dusudira, iyo imvura iguye hano harava.Urumva nkatwe dukoresha umuriro duhagarika akazi ngo tudafatwa n'inkongi kuko iriya mireko yatobaguritse.

Turasaba ko akarere kadusanira ibintu byangiritse hano, ikindi nuko nta mirindankuba iba muri aka gakiriro, ibintu bishobora kuduteza ibibazo byo gukubitwa n'inkuba cyangwa ibikoresho byacu bikoresha amashanyarazi bigashya.Turasaba ko hagira igikosorwa tugakorera ahantu hujuje ibisabwa.

Umuyobozi w'akarere ka Nyamasheke wungirije ushinzwe iterambere ry'ubukungu Muhaweyezu Joseph Desire yagize icyo avuga kuri ibi bibazo.

Ati “Nibyo Koko agakiriro ka Rwesero gafite ibibazo by'umuhanda unyerera si ho nyine hari ibibazo by'umuhanda no ku masoko atandukanye birahari.

Tuzakorana nabo tubashakire Laterite ariko nabo bagomba kugira uruhare rwabo.Twabahaye ibigega ngo bifashishe mu gufata amazi.Uriya muhanda wo kunyerera hari ikibazo cy'ubutaka bworoshye.Ni ugufatanya nabo tukareba ko icyo kibazo cyakemuka burundu ,ariko nabo bakagira uruhare rwabo.

Ku kibazo cy'imirindankuba,wenda ahari ni ingengo y'imali yabaye nkeye urumva hari ibikoresho bahawe na Leta imirindankuba irakenewe, si n'ibikoresho gusa,kuko n'ubuzima bwabo bantu bahakorera buri mu kaga.Turafatanya ibibazo byose bibonerwe ibisubizo.

Intara y'Iburengerazuba ikunda kwibasirwa n'inkuba, ubuyobozi bukajya inama ko ahantu hahurira abantu benshi hashyirwa imirindankuba.

Sylvain Ngoboka

Umuryango.rw

Source : https://umuryango.rw/amakuru/mu-rwanda/ubukungu/article/abakorera-mu-gakiriro-ka-nyamasheke-bari-mu-ruhuri-rw-ibibazo

Suella Braverman, minisitiri w'ubutegetsi bw'igihugu w'Ubwongereza, yashimangiye ko u Rwanda ari igihugu gitekanye ku bimukira, nubwo bwose hari ibimenyetso by'abanyecongo 12 b'impunzi barashwe na polisi bagapfa mu 2018.

Mu kiganiro na BBC ku cyumweru, abajijwe ku kuraswa kw'izo mpunzi, Suella yavuze ko icyo kibazo 'sinkizi neza'.

Leta y'Ubwongereza irategura kohereza abimukira mu Rwanda mu gihe bageze muri iki gihugu mu nzira zitemewe.

Suella yavuze ko Urukiko Rukuru rwasanze u Rwanda ari igihugu gitekanye.

Gusa yavuze ko iyi gahunda igifite imbogamizi mu by'amategeko.

Yanze kandi kugira itariki atangaza y'igihe leta iteganya kugera kuri gahunda yayo yo guhagarika amato matoya yambuka 'The Channel/La Manche' akinjiza abantu mu Bwongereza mu buryo butemewe.

Muri gahunda ya leta, abantu bageze mu Bwongereza mu nzira zitemewe bashobora kujya boherezwa mu Rwanda bakajya gusabayo ubuhungiro.

Mu Ukuboza(12) gushize Urukiko Rukuru rwanzuye ko iyi gahunda yemewe n'amategeko, ariko iki cyemezo ubu kiri mu bujurire.

Suella Braveman yabajijwe ku bihamya byatanzwe na UNHCR byo mu 2018, ko itsinda ry'impunzi z'abanyecongo zarashwe ziri mu myigaragambyo yo kwamagana kugabanuka kw'ibiribwa bahabwa.

Amaze kwerekwa video y'ibyabaye nyuma, Suella yagize ati: 'Hariya hashobora kuba ari mu 2018, turimo kureba 2023 gukomeza.

'Urukiko Rukuru, abacamanza bakuru b'inzobere, barebye muri buri kintu cyose muri iyi gahunda yacu n'u Rwanda basanga ni igihugu cyizewe kandi basanga gahunda yacu ikurikije amategeko.'

Yongeyeho ko u Rwanda rufite 'amakuru afatika yo kwakira no gutuza neza abantu b'impunzi n'abimukira'.

Yavuze ko iyi ngingo ya leta y'Ubwongereza yashyizemo integuro ko abantu babishaka bashobora kwanga umwanzuro wo kubohereza mu Rwanda 'ku mpamvu zidasanzwe' zo 'kubabara gukomeye kandi kutateganyijwe'.

Leta y'u Rwanda yavuze ko ibyakozwe na polisi mu 2018 byari inzira ya nyuma yo guhagarika imyigaragambyo yajemo urugomo.

Mu kwezi gushize ibinyamakuru byinshi byatangaje ko hari amakuru ko minisiteri y'ubutegetsi y'Ubwongereza iteganya ko indege za mbere zijya mu Rwanda zizahagaruka mu mpeshyi.

Ariko leta ntabwo iragira icyo itangaza ku mugaragaro ku bijyanye n'igihe nyacyo.

Suella Braveman yavuze ko abona ko iyi gahunda yo kohereza abantu mu Rwanda izatera 'kwifata gukomeye' bigatuma abantu bashobora guhagarika kwambuka inyanja bitemewe bajya mu Bwongereza.

Minisitiri w'intebe Rishi Sunak muri gahunda ze yagize iby'ibanze guhagarika amato mato yinjiza abimukira mu Bwongereza, kandi azaba ari ku gitutu cyo kwerekana aho abigeze mbere y'amatora akurikira, azaba muri Mutarama (1) 2025.

Suella yavuze ko bifuza ko iyo gahunda ya leta yihuta ariko ko leta idashobora kugenzura igihe mu nzira z'amategeko zirimo kuba z'abarwanya iyi gahunda yo kohereza abimukira mu Rwanda.

Ati: 'Habaye urubanza mu kwezi gushize, tugomba gutegereza urukiko rugafata umwanzuro. Sinshobora kugenzura ingengabihe y'urukiko kandi tugomba kubaha umwanzuro wose w'urukiko no kubahiriza ingengabihe zashyizweho n'abacamanza.'

Lisa Nandy wo ku ruhande rutavuga rumwe n'ubutegetsi mu Bwongereza, avuga ko iyi gahunda ya leta ari 'uburiganya buri gukorwa ku baturage b'Ubwongereza.'

Yongeraho ko ibi bimaze 'gutwara amafaranga menshi' y'abasoreshwa kandi 'nta muntu n'umwe uroherezwa mu Rwanda'.

Lisa avuga ko ibyatangajwe na Suella Braveman byerekana ko gahunda n'u Rwanda 'idashoboka' kandi 'yabaye ihagaritswe'.

Umwaka ushize, abimukira bose hamwe binjiye mu Bwongereza bageze ku mubare wo hejuru cyane wa 504,000.

Source : https://umuryango.rw/amakuru/mu-mahanga/politiki/article/uk-yashimangiye-ko-u-rwanda-ari-rwiza-ku-bimukira

Yavuze ko nibura umuryango wo mu Burundi wagakwiriye kubyara abana batatu kugira ngo ubone umwanya n'ubushobozi bwo kwita ku bindi, nk'uko ikinyamakuru Jimbere cyabitangaje.

Ati “Ntabwo ari ngombwa kurenza abana batatu ku muryango. Urugo rwita ku bana umunani ntabwo rushobora gutera imbere nk'urwita ku bana batatu. Mutegereze ibizava mu ibarura rusange [bizatangazwa muri Kanama 2023], rizadufasha kumenya umuduvuduko abaturage b'u Burundi bari kwiyongeraho.”

Perezida Ndayishimiye yavuze ko hashobora gufatwa ingamba zikaze ku kwirinda ubwiyongera bukabije bw'abaturage mu Burundi.

Ati 'Ese birumvikana ko abantu nk'abo [babyara benshi] bakomeza kwivuriza ku buntu, kwigira ubuntu kandi bararengeje umubare w'abana?'

Yavuze ko abitwaza ijambo ry'Imana ngo babyare abana benshi babeshya abaturage, kuko ntaho “Imana ivuga ngo mubyare mwororoke kugeza mubuze ibyo kurya”.

Kuri ubu u Burundi bubarirwa abaturage miliyoni 12.3, bikaba biteganyijwe ko bazaba bikubye gatatu mu 2050. Kugeza mu 2020, Ikigo cy'Ibarurishamibare mu Burundi cyatangazaga ko nibura umugore wo muri icyo gihugu abyara abana 5.18.

Source : https://umuryango.rw/amakuru/mu-mahanga/ubuzima/article/bagiye-kuboneza-urubyaro-perezida-ndayishimiye-yavuze-umubare-ntaregwa-umurundi

Ikipe ya Chelsea yirukanye uwari umutoza wayo Graham Potter nyuma y'amezi arindwi ahawe inshingano zo gutoza iyi kipe ngo asimbure Thomas Tuchel wari wirukanwe.

Ibi kandi bibaye nyuma yo gushora miliyoni 330 z'amapound mu kumugurira abakinnyi mu isoko ryo muri Mutarama uyu mwaka.

Potter yahawe akazi ku masezerano y'imyaka 5 aho yagombaga kujya ahembwa miliyoni 12 z'ama pound ku mwaka ariko nta n'umwaka umwe arangije nyuma yo gutsindwa umusubirizo.

Uyu yari yitezweho byinshi nyuma yo gusimbura umutoza Tuchel wari wegukanye igikombe cya Champions League nyuma yirukanwa azira gutangira shampiyona nabi.

Potter wavuye muri Brighton ahagaze neza,ntiyabashije kubaka ikipe itsinda byatumye ubu Chelsea iri ku mwanya wa 11 muri shampiyona nyuma yo gutsindwa ibitego 2-0 na Aston Villa kuwa Gatandatu.

Bruno Saltor niwe ugiye kuba atoza Chelsea kugeza igihe hazashyirwaho umusimbura uhoraho wa Potter.

Mu itangazo Chelsea yashyize hanze kuri iki cyumweru tariki ya 2 Mata 2023,yagize iti “Chelsea FC iratangaza ko Graham Potter yavuye muri iyi kipe. Graham yemeye gufatanya n'iyi kipe kugira ngo ihererekanyabubasha rigende neza.

“Mu gihe yari kumwe n'iyi kipe, Graham yatugejeje muri kimwe cya kane kirangiza cya Champions League, aho tuzahura na Real Madrid.

Chelsea irashaka gushimira Graham ku bw'imbaraga zose yatanze ndetse inamwifuriza ejo hazaza heza.”

Bruno Saltor niwe uyobora ikipe nk'umutoza w'agateganyo.”

Kuwa Gatandatu nibwo ngo Chelsea yagiranye ibiganiro bya nyuma na Potter byarangiye bemeye gutandukana kubera umusaruro we mubi.

Potter w'imyaka 47, yavuye muri Chelsea afite agahigo kabi ko kuba umutoza mubi kurusha abandi bose batoje The Blues muri Premier League.

Uyu wahoze ari umutoza wa Brighton yavuye kuri Stamford Bridge afite impuzandengo y'amanota make kuri buri mukino kuko mu mikino irenga 20 yatoje nibura buri mukino yabonagaho amanota 1.27.

Potter yatsinze imikino irindwi mu mikino 22 ya shampiyona yatoje iyi kipe, anganya irindwi atsindwa umunani.

Ibyo byatumye The Blues ikusanya amanota 28 gusa kuri 66.Yatsinze imikino 12 muri 31 yatoje.

Abatoza bavugwa muri Chelsea ni Mauricio Pochettino watoje Spurs na PSG na Julian Nagelsmann watozaga Bayern Munich.

Hari kandi Zidane, Luis Enrique watozaga Espagne, Oliver Glasner utoza Eintracht Frankfurt na Jose Mourinho.

Amakuru aravuga ko uyu mutoza agomba gukomeza guhembwa miliyoni ze yemerewe aho muri iyi myaka 5 yasinye azayirangiza yinjije akayabo ka miliyoni 60 z'amapawundi adakora,keretse nabona akandi kazi.

Ikindi kandi kugira ngo ave muri Brighton ikipe ya Chelsea yishyuye asaga miliyoni 20 z'amapawundi.

Source : https://umuryango.rw/imyidagaduro/imikino/article/chelsea-yemeye-guhomba-akayabo-yirukana-graham-potter

Umukuru w'Igihugu yabigarutseho nyuma y'uko yari amaze gutorerwa kuba Chairman wa FPR Inkotanyi. Ni mu ijambo ryasoje amatora yakurikiye Inama Nkuru y'Umuryango wa FPR Inkotanyi yahuriranye n'isabukuru yayo y'imyaka 35, kuri iki Cyumweru, tariki ya 2 Mata 2023.

Perezida Kagame yatorewe kuba Chairman wa FPR Inkotanyi ku majwi 99,8 mu gihe Sheikh Abdul Karim Harerimana bari bahanganye yagize 0,02%.

Abanyamuryango ba FPR Inkotanyi 2102 ni bo batoye. Perezida Kagame yatowe na 2099, Harerimana abona amajwi atatu.

Ubwo yari amaze gutorwa, Umukuru w'Igihugu yashimye abari basanzwe mu mirimo yo kuyobora FPR Inkotanyi ndetse 'n'akazi twakoranye'.

Yashimiye Ngarambe François wari Umunyamabanga Mukuru na Bazivamo Christophe wari Vice Chairman, ku muhate bakoranye akazi ndetse ashimangira ko iyo bashaka kongera kwiyamamaza 'bari gutorwa'.

Perezida Kagame na we yashimye icyizere bamugiriye kuva 'kera'.

Yagize ati 'Iyo mwanshyizemo icyizere nk'iki buri gihe, kandi bimaze igihe kirekire, harimo ibintu bibiri, harimo kwishimira icyizere, hakaza n'ikindi gitandukanye n'icyo. Numva mfite umwenda, hari ikikibuze ngomba guhora nshakisha uburyo bwo gukemura.''

'Mfite inshingano nk'umuyobozi wanyu. Mfite umwenda wo kuvuga ngo niba byihutaga, uko dukora bigatuma haboneka undi wakora nk'ibyo njye nkora. Ni byo nshaka kuvuga.''

Yasobanuye ko yumva rimwe na rimwe atekereza ko yananiwe gukorana n'abandi ku buryo na bo bashobora gukora nk'ibyo akora.

Ati 'Si ibyo kuba Umuyobozi wa RPF gusa, ndanabyifuza no ku buyobozi bw'igihugu. Ngaruka mu nshingano mumpaye ariko umwenda wo kugera kuri ibyo ni ko ugenda wiyongera.''

Perezida Kagame yongeye gutanga umukoro ku banyamuryango ba FPR Inkotanyi wo kongera gutekereza k'ugomba kumusimbura.

Ati 'Ibyo ni byo bivamo kubaka ibizaramba igihe kirekire cyane. Iyo ukemuye icyo kibazo wubaka ibirambye kurushaho.''

Yavuze ko mu 2010 ubwo FPR Inkotanyi yakoraga inama muri Petit Stade, baganiriye ku wagombaga gutorerwa kuyobora umuryango na Perezida, nabwo yabajije iki kibazo.

Ati 'Nababwiye kwishakamo ukundi byagenda. Nababwiye ko njye byanshimisha, tugashaka ubundi buryo twafashamo ubuyobozi bw'igihugu cyacu.''

— Uko Perezida Kagame yasezeranyijwe akazi ngo areke kwiyamamaza

Perezida Kagame yavuze ko mu 2016 hari abantu bo hanze bamusabye kutongera kwiyamamariza kuyobora u Rwanda.

Ati 'Uziko hari abantu bavuye i Kantarange. Murahazi? Hari abavuye i kantarange, barimo abayobozi b'iyo i kantarange mu nzego zitandukanye, hazamo abitwa 'aba-star' batandukanye, b'ibyamamare bazwi ku Isi hose, bari bageze kuri 12 batandukanye, bazanywe n'iki? Bazanywe no kumbaza ngo ariko urashaka kongera kwiyamamaza kuyobora igihugu. Ibyo nabasubije ndaza kubibabwira. Icyo gihe bambaza, barambazaga bambwira ngo sigaho utabikora.''

'Ndababwira nti 'iwanyu aho muva ndahazi, ibyo mukora ndabizi.' Mubikora hari uwababwiye kubikora? Mubikoreshwa n'abandi bo hanze? Icyo ni kimwe, icya kabiri, njye aho kugira ngo mbahe igisubizo ubu, ndabaha uburyo bwose mugende mujye muri buri karere, ndabahamagarira abaturage n'abayobozi baze mubabaze icyo kibazo, njye ntimukimbaze.''

Perezida Kagame yagaragaje ko abo bantu bari bafite n'ibyo bamusaba kugira ngo atiyamamaza.

Ati 'Ibintu byose maze gukora, bajyaho barabishima bavuga byinshi ndetse bimwe mbabaza uko babizi kuko bigera ku Banyarwanda. Batangiye kumbwira ko hari imirimo yo ku rwego mpuzamahanga bashobora kungezaho, ni nko kuvuga ngo ukaba icyamamare.'

'Ndababwira nti 'ibyo ntabyo nabasabye, nagiraga ngo mbongerereho ko ntabyo nshaka. Byaba gukomeza cyangwa bitaba gukomeza, ibyo mumpa ntabyo nshaka.'

'Icya kabiri, bakambwira ngo buriya ufashe umuntu, ukamushyiraho ndetse batararangiza baba bambwiye amazina, nka kanaka. Ndababwira nti 'abo bantu ndabazi, ni Abanyarwanda, turabana, turakorana, ndabazi' ariko icyabazinduye mwambwiye ko mumbwira demokarasi ariko niba ari yo mwavugaga, muri demokarasi utegeka uwo washyiraho akagusimbura, iwanyu ni ko mubigenza?''

Muri icyo kiganiro, Perezida Kagame yavuze ko nta gisubizo bashoboraga kubona kugeza ubwo yabasezereye barataha, ababwira ko ''ibibazo byacu tuzabyirangiriza.''

Perezida Kagame yavuze ko afite amabaruwa ndetse ko igihe nikigera azayasoma aho usanga bamwizeza ibyo bari bukore mu Rwanda, ariko bakagira ibyo bamusaba.

Ati 'Barambaza bati ariko muri 2024 uzagaruka cyangwa ntuzagaruka? Abo ni bo banteye impungenge kurusha bamwe baje kubimbwira. Bambwira ko bambariza ukuri kuko sinzashyira ishoramari rya miliyoni 100, 200 z'amadolari mu Rwanda ntazi neza aho ibintu bigana. Hari biriya byo kuvuga ngo ibihe bibaye birebire hakwiye kubaho gusimburana. Igihirahiro navugaga ni icyo.'

'Nshaka uko mbigenza, ko ibintu bizagenda neza, ni yo naba ntagarutse hari abandi bazakomeza. Abo mvuga rero, batangire babagaragaremo, ibyo biva mu bikorwa bya buri munsi mukora bitanga icyizere mu Banyarwanda no ku banyamahanga.''

Umukuru w'Igihugu yavuze ko u Rwanda rudakwiye gukora nk'abandi mu buryo busanzwe kuko bafite ibyabo bibazo. Yagaragaje ko hari aho hari abashaka guhagarika inkunga bagenera u Rwanda ariko abandi bakababwira ko iyo ruhawe ikoreshwa neza mu gihe ahandi irigiswa.

Ati 'Kugira ngo tubeho neza dukora mu buryo budasanzwe. Iyo mikorere igaragaza ko abantu bakwiye kukugirira icyizere ni ngombwa. Utakoze utyo uzaba ubusa. Nimuhitamo kuba abasanzwe, ni amahitamo yanyu.''

Mu kiganiro kirekire aheruka kugirana n'Umwanditsi Mukuru wa Jeune Afrique, François Soudan, muri Village Urugwiro ku wa 17 Mutarama 2023, yamubajije niba muri Kanama 2024 azongera kwiyamamaza.

Umukuru w'Igihugu mu kumusubiza yamubwiye ko atarabimenya neza. Ati 'Yego na oya. Birashoboka ariko ntabwo ndabimenya neza.'

Perezida Kagame watangiye kuyobora u Rwanda mu 2000, mu mwaka wa 2021 ubwo yari abajijwe iki kibazo na France24 yasubije ko 'Abanyarwanda ari bo bafite amahitamo nubwo nanjye nshobora kubitekerezaho'.

Nyuma y'ubusabe bw'Abanyarwanda bwo kuvugurura ingingo ya 101 y'Itegeko Nshinga, Perezida Kagame yemerewe kwiyamamaza kugeza mu 2035.

Ingingo ya 101 y'Itegeko Nshinga rya Repubulika y'u Rwanda, nyuma yo kuvugururwa ivuga ko 'Perezida wa Repubulika atorerwa manda y'imyaka itanu. Ashobora kongera gutorerwa indi manda imwe.'

Ku buyobozi bwa FPR Inkotanyi, Perezida Kagame yungirijwe na Uwimana Consolée watowe nka Vice Chairperson, Gasamagera Wellars aba Umunyamabanga Mukuru. Abatowe bose manda yabo izamara imyaka itanu.

Indi nkuru wasoma: Perezida Kagame yongeye gutorerwa kuyobora FPR Inkotanyi
https://igihe.com/amakuru/u-rwanda/article/perezida-kagame-yongeye-gutorerwa-kuyobora-fpr-inkotanyi

---

Source : http://igihe.com/amakuru/u-rwanda/article/perezida-kagame-yahishuye-uko-yasezeranyijwe-akazi-mpuzamahanga-ngo-areke

Iri joro niryo ryatangiwemo ibihembo bitandukanye bya Rwanda International Movie Awards, byahawe abakinnyi batandukanye muri Sinema.

USANASE BAHAVU Jeannette yahawe igihembo cy’umukinnyi ukunzwe mu Rwanda (People's Choice), ahembwa imodoka yatanzwe na Ndoli Safaris.

Hashingiwe ku majwi yagize yavuye mu bafana ba Sinema n’abandi, yahigitse bagenzi be 19 bari bahatanye.

Nyuma yo kwegukana icyo gihembo Usanase Bahavu yabwiye InyaRwanda.com na Tv ko anyuzwe cyane, ndetse ko byinshi byiza biri imbere nyuma yo kwegukana imodoka.

Mu kigniro yagiranye na InyaRwanda yashimiye abateguye ibi bihembo, avuga ko ari iby'agaciro gakomeye ndetse ahamya ko kuri we ibyo yabonye byose yari abikwiye.

Yagize ati 'Navuga ngo twese twarakoze ariko narakoze cyane kubarusha, ari nayo mpamvu ubonye mpawe ibi bihembo.'

Fleury na Bahavu mu byishimo nyuma yo kwegukana imodoka

Bahavu kandi yashimiye umugabo we, avuga ko ari iby'agaciro kanini kuba amufite, asobanura ko iyo ataba we 'Impanga' itari kuba nk'uko imeze.

Agira ati 'Iyo hataba Fleury Legend umugabo wanjye, ntabwo filime mubona mwari kuyibona.'

Yakomeje avuga ko yamuhaye igitekerezo, amubwira ko bishoboka atangira umushinga wayo.

Bateranye imitoma imbere y'imbaga

Kuri Fleury we asanga kuba filime yakoze ari ibintu yari ategereje cyane kandi ko ibyo bakoze ari iby'agaciro kuko we yabyize, rero byagombaga kumuha umusaruro.

Fleury yavuze ko anyuzwe cyane n'ibihumbi yahawe

Kanda hano urebe ikiganiro cyose twagiranye

Source : https://inyarwanda.com/inkuru/127712/akari-ku-mutima-wa-bahavu-na-fleury-nyuma-yo-kwegukana-imodoka-video-127712.html