Category: Uncategorized

Umuhanzi Rajab Abdul Kahali uzwi nka Harmonize Harmonize uri bahanzi bakunzwe muri Tanzaniya ndetse muri Afurika y'Iburasirazuba muri rusange, ukunze kugaragaza abakobwa b'uburanga batandukanye bakundana ndetse ahora ahinduranya abakunzi buri munsi, dore abakobwa b'ikimero bakanyujijeho mu rukundo n'uyu muhanzi.

1. Sarah Michelotti
Sarah Michelotti ukomoka mu gihugu cy'u Butaliyani n'umwe mubakobwa baryohewe mu rukundo na Harmonize , kuko baje gukorana n'ubukwe ku ya 7 Nzeri muri 2019 bubera muri Serena Hotel yo muri Tanzania, aho bwari bwitabiriwe n'abantu mbarwa bitewe n'uburyo integuza y'ubu bukwe yatinze gutanganzwa.

Uyu mutayanikazi w'umunyamideli wabize umwuga Sarah Michelotti akimara gutandukana na Harmonize yatanagaje ko yicuza kuba yarakudanye n'uyu muhanzi , icyo gihe yifashishije urukuta rwe rwa Instagram maze agira ati 'Biragoye kuri njye ko nakwicuza ikintu nakoze cyangwa ubuzima nanyuzemo gusa bwa mbere mu buzima ndicuza kuba narakunze Harimonize nkamuha umutima wanjye wose, nkamuha icyizere n'igihe cyanjye kuko ntiyigeze amenya agaciro kabyo'.

Mu hahinda kenshi yamoje agira ati Ntiyigeze amenya uko yafata umugore nkanjye kuko twashingiranwe mukunda ariko ntiyabihaye agaciro ,ntiyarazi kunyubaha nk'umuntu mtanyuranye muri byinshi ndetse ntanubwo yankundaga ninjyewe wamuhoraga gafi burigihe' nyuma y'aya magambo Sarah ntiyongeye kugaragara mu mubano wihariye na Harmonize iby'urukundo rwabo hita birangira kuva icyo gihe.


2.Kajala Masanja

Kajala Masanja n'umwe mubagore bigaruriye umutima wa Harmonize kujyeza n'ubu arakifuza kongera gusubirana nawe. Ku ya 12 Gashyantare 2021, nibwo Harmonize yagaragaje bwambere Kajala yari amaze gusimbuza umutaliyanikazi bakoze ubukwe bagatandukana nyuma y'umwaka n'igice beremeranyije kubana akaramata.

Icyo gihe Kajala na Harmonize, bari bamaze iminsi bagaragaza ko baryohewe n'urukundo nkuko babyerekanaga mu mafoto ndetse buri umwe yari yarishyize tatuwaje ku ijosi igaragaza inyuguti itangira izina ry'undi, aho Harmonize yari yarishyizeho inyuguti ya 'K' bivuga Kajala, umugore nawe yishyiraho ku ijosi inyugiti ya 'H' itangira izina Harmonize.

Urukundo rwa Harmonize na Kajala, abantu benshi muri Tanzania ntabwo baruhaga amahirwe abenshi babategaga iminsi bavugako aba bombi batazarambana kuko ngo uyu mugore aruta mu myaka Harmonize bikaba bitashoboka ko babana nk'umugore n'umugabo n'ubundi birangira batandukanye.

Mu itangaza makuru ryo muri Tanzania icyo gihe bavugaga ko, ikizatuma urukundo rw'aba bombi rutaramba ari uko, babona ko bitashoboka ko Harmonize yakundana n'uyu mugore w'umukinnnyi wa firime , udafite amafaranga ahagije kurusha, umutaliyanikazi batandukanye warufite amafaranga menshi ari nawe watumye atandukana na Diamond akamuha igishoro gituma atangira kwikorera.

Nyuma yaho habaye byinshi bigaragaza uburyohe bw'urukundo aba bombi barimo nkuko amafoto atandukanye n'amashusho yagiye abigaragazaga nubwo bitamaze iminsi.

Nyuma y'ukwezi kumwe gusa bakundana hasakajwe amakuru uvuga ko Harmonize yatandukanye na Kajala nyuma yuko yashatse kuryamana n'umukobwa wa Kajala witwa Paula bihita bibyara amahari mu rukundo rwabo rwatezwe iminsi.

3.Briana Jai

Briana Jai ukomoka mu gihugu Australia niwe umaze iminsi mu munyenga w'urukundo na Harmonize , ninawe uyu muhanzi ashimira ko yagize uruhaare rugaragara mu kumufasha kwiga neza ururimi rw'icyongereza .

Ku munsi w'ejo tariki ya 30 Weurwe niho yahishuye ko yamaze gutandukana na Briana na nyuma y'uko bananiwe kumvikana igihugu bagomba guturamo.

Harmonize yatangaje ko gutandukana kwabo bombi kwaje nyuma y'uko bananiwe kumvikana igihugu bagomba guturamo.

Yakomeje avuga ko akunda cyane igihugu cye cya Tanzania bityo akaba ariyo mpamvu yatumye atemera kujya gutura muri Australia hamwe n'umukunzi we Briana. Harmonize yongeyeho ko Briana nawe atifuzaga kuva mu gihugu cye ngo aze babane muri Tanzania.

Source : https://umuryango.rw/imyidagaduro/article/ihere-ijisho-inkumi-z-uburanga-zavuzwe-mu-rukundo-n-umuherwe-harmonize-amafoto

Urukiko rwo muri Nigeria rwategetse ko isake ibagwa ku wa Gatanu, nyuma y’uko abaturanyi batanze ikirego ko ibasakuriza, nk’uko amakuru yo mu bitangazamakuru byaho abivuga.

Urukiko rwo mu mujyi wa Kano mu Majyaruguru y’igihugu rwatangaje ko iyo sake ibangamiye abaturanye na yo kubera kubika kwayo kwa buri kanya, nk’uko bitangazwa n’urubuga rw’amakuru Premium Times. Abaturanyi babiri bayireze bavuze ko bibabuza gusinzira.

Yusuf Muhammed, umwe muri abo baturanyi bayo, yabwiye urukiko ko kubika ubutaruhuka kw’iyo sake ari uguhonyora uburenganzira bwe bwo gusinzira mu ituze.

Isyaku Shu'aibu yabwiye urukiko ko yaguze iyo sake ayiteganyiriza kuyirya ku wa Gatanu Mutagatifu, asaba ko urukiko rumwihanganira kugeza kuri uwo munsi mutagatifu ku bakristu akazaba ari bwo ayibagira umuryango we.

Umucamanza Halima Wali ku wa kabiri yemeye ubwo busabe, ariko amwihanangiriza ko agomba kuyibuza kugendagenda muri ako gace no kubangamira abahatuye, nk’uko bitangazwa n’urubuga rw’amakuru Daily Trust.

Nyiri iyo sake yanategetswe kuzayibaga ku wa Gatanu nk’uko yabisezeranyije, bitaba ibyo agahanwa.

Source : https://inyarwanda.com/inkuru/127852/biratangaje-isake-yo-muri-nigeria-yatsinzwe-mu-rubanza-yaregwagamo-guteza-urusaku-127852.html

Liliane wamaye nka Lilly ku mbuga nkoranyambaga urukundo rugeze kure n’umunyezamu wa Police FC, Kwizera Janvier uzwi nka Rihungu aho banitegura kwibaruka.

Amakuru avuga ko aba bombi basigaye banabana mu nzu imwe aho ndetse uyu mukobwa atwitiye uyu munyezamu wa mbere w’ikipe ya Police FC.

Urukundo rw’aba bombi rwatangiye kuvugwa mu ntangiriro z’uyu mwaka wa 2023 aho batangiraga gusangiza ababakurikira amashusho bagiranye ibihe byiza.

Ndetse uyu munyezamu aherutse kubyemeza abinyujije ku rukuta rwe rwa Instagram ahajya ubutumwa bumara amasaha 24 aho yavuze ko Liliane ari umugore we.

Mu Kwakira 2022 uyu mukobwa yashyize hanze amashusho yishimanye na Karera Hassan ku isabukuru ye y’amavuko ndetse ayo mashusho agaherekezwa n’amagambo agira ati “umuhungu wagize isabukuru, ntidushaka abadutesha umutwe.”

Icyo gihe byavuzwe ko ari mu rukundo n’uyu mukobwa aho yanashinjwe gusenya urugo rwa Karera Hassan na Umutoni Diane babanaga muri Finland.

Nyuma y’ukwezi kumwe, mu Gushyingo 2022 Lilly yongeye kurikoroza ashyira hanze amashusho ya Rwatubyaye Abdul barimo basomana maze aherekezwa n’amagambo agira ati “I miss my baby”.

Nyuma yo kuzenguruka muri abo bakinnyi bose, Lilly byaje kurangira yegukanywe n’umunyezamu wa Police FC, Kwizera Janvier.

Urukundo rwa bo rwafashe indi ntera

Lilly biravugwa ko anatwitiye Rihungu

Yemeje ko Lilly ari umugore we

Source : http://isimbi.rw/imyidagaduro/article/lilly-wavuzwe-mu-rukundo-n-abakinnyi-nka-rwatubyaye-na-karera-biravugwa-ko-atwitiye-umunyezamu-wa-police-fc-basigaye-bakundana

Hakuzimana Abdoul Rachid, yabwiye urugereko rwihariye rushinzwe kuburanisha ibyaha mpuzamahanga n'ibyamburanya imipaka ruri i Nyanza mu Majyepfo y'u Rwanda, ko afunzwe binyuranyije n'amategeko byanatumye abiregera umuyobozi wa gereza.

Hakuzimana Abdoul Rachid yaregewe ruriya rukiko ruri i Nyanza nyuma yuko urukiko rw'isumbuye rwa Nyarugenge rwiyambuye ububasha bwo kumuburanusha.

Hakuzimana Abdoul Rachid yatangiye kuburana ashima Imana umucamanza Antoine Muhima amwibutsa ko hano bari mu rukiko bityo yagaragaza inzitiza we afite aho gukina ikinamico.

Abdoul Rachid yavuze ko kuva yafatwa na RIB mu mwaka wa 2021 ubugenzacyaha bwakoze dosiye buyishyikiriza ubugenzacyaha bwo ku rwego rw'isumbuye rwa Nyarugenge none akaba aje kuburana n'ubushinjacyaha bwo ku rwego rw'igihugu bityo abwira urukiko ko yarakwiye kuza kuburanira muri uru rukiko aje kuburana ubujurire

Mu magambo ya Rachid ati 'Ubugenzacyaha ntibwakurikije amategeko bityo urukiko ntirukwiye guha agaciro iki kirego'.'

Rachid kandi yabwiye urukiko ko abacamanza batigeze bisanzura aho yemeza ko RIB yabahungabanyije.

Akavuga ko yategetswe gusinya inyandiko ko yafatiwe mu karere ka Gatsibo mu Burasirazuba bw'u Rwanda kandi ariwe wahamagajwe na RIB akayitaba i Kimuhurura mu mujyi wa Kigali ari naho atuye

Ati 'Ndasaba ubwisanzure muri uru rukiko ntaboneye ahandi.'

Umucamanza yamubwiye ko kwisanzura ari uburenganzira bwe mu rukiko.

Rachid kandi yabwiye urukiko ko yahamagajwe n'umwanditsi w'urukiko rukuru urugereko rwihariye rushinzwe kuburanisha ibyaha mpuzamahanga n'ibyamburanya imipaka ruri i Nyanza mu Majyepfo y'u Rwanda binyuranyije n'amategeko aho avuga ko rugomba guhamagaza umuntu uri ahantu hatazwi cyangwa se rugahamagaza umuntu uri mu mahanga

Ati 'Njyewe aho ndi harazwi bityo sinkwiye kuba mfunzwe nari guhamagazwa ndi mu murenge wa Nyamirambo ntuyemo.'

Hakuzimana Abdoul Rachid kandi yabwiye urukiko ko afunze binyuranyije n'amategeko kuko iminsi 30 y'agateganyo yari yakatiwe gufungwa by'agateganyo yari yarenze bityo akwiye kuba adafunze kuko umwaka n'igice afunzwe byarengeje iminsi 30 yari yakatiwe gufungwa by'agateganyo

Ati 'Ibyo nanabirege umuyobozi wa gereza ya Nyarugenge umfunze binyuranyije n'amategeko mu rukiko rw'ibanze rwa Nyarugenge.'

Me Matimbano Barton we ahawe umwanya yagaragarije urukiko ko atabonye uko ategurana n'umukiliya we imyanzuro y'urubanza agasaba ko yahabwa umwanya wo kubanza gutegurana imyanzuro y'urubanza n'umukiliya we.

Urukiko rwafashe umwanzuro ko Me Mutimbano akwiye kubanza akegerana n'umukiliya we bagategura neza urubanza

Hakuzimana Abdoul Rachid wamenyekanye cyane kumbugankoranyambaga nka YouTube avuka mu karere ka Nyarugenge mu mujyi wa Kigali aregwa ibyaha bine aribyo guhakana jenoside, gupfobya jenoside, gutangaza amakuru y'ibihuha no gukurura amacakubiri, mu bihe bitandukanye yakunze kumvikana avuga ko ari umunyapolitiki w'igenga.

Niba nta gihindutse iburanisha rizasubukurwa taliki ya 11/05/2023.

The post Rachid yabwiye urukiko ko afunzwe mu buryo butemewe n'amategeko appeared first on FLASH RADIO&TV.

Source : https://flash.rw/2023/04/06/rachid-yabwiye-urukiko-ko-afunzwe-mu-buryo-butemewe-namategeko/?utm_source=rss&utm_medium=rss&utm_campaign=rachid-yabwiye-urukiko-ko-afunzwe-mu-buryo-butemewe-namategeko

Rutahizamu Karim Benzema yafashiej Real Madrid kunyagira FC Barcelona ibitego 4-0 anayigeza ku mukino wa nyuma wa Copa del Rey mu ijoro ryo kuri uyu wa Gatatu tariki ya 5 Mata 2023.

Barca,yashakaga gutsinda umukino wa kane wikurikiranya Real Madrid muri uyu mwaka w'imikino,ntabwo yorohewe kuko uyu mukeba wayo waje ameze nk'intare yakomeretse yayinyagiye kakahava.

Igendeye kuko umukino ubanza wari warangiye ari igitego 1-0 cya Barcelona,Real Madrid yaje ibizi neza ko igomba gutsinda ibitego birenze kimwe kugira ngo yongere igere ku mukino wa nyuma wa Copa del Rey iherukaho muri 2014.

Vinicius Jr yatsindiye Real igitego cya mbere ku munota wa 44 w'umukino nyuma yo kwiruka we na bagenzi be bagasiga ubwugarizi bwa FC Barcelona.

Igice cya kimwe cya kabiri cyatangiye neza kuri Madrid ubwo Benzema yatsindaga igitego cya kabiri hashize iminota gitangiye,ku mupira mwiza yahawe na Luka Modric wongeye kugaragaza ko ari kizigenza acenga abakinnyi ba FC Barcelona akamuha umupira ahagaze wenyine.

Nyuma y'iminota umunani,Vinicius yakorewe ikosa mu rubuga rw'amahina na Kessie hanyuma Benzema atera penaliti nziza,umunyezamu Marc-Andre Ter Stegen ntiyamenya aho umupira unyuze.

Imbere y'abafana bayo i Nou Camp, Barcelona yagerageje gushaka igitego cy'impozamarira biranga.

Ku munota wa 80,Karim Benzema yatsinze agashinguracumu ku mupira mwiza yahawe na Vinicius Jr yuzuza ibitego bitatu muri uyu mukino yatsinze wenyine.

Benzema yashimangiye ko ari mu bihe byiza cyane kuko no ku cyumweru yatsinze ibitego 3 muri 6-0 batsinze Real Valladolid.

Real izaba ishakira gutwara igikombe cya Copa del Rey ku nshuro ya 20 nikina na Osasuna ku mukino wa nyuma.

Ku wa kabiri, Osasuna yageze ku mukino wa nyuma w'iki gikombe nyuma yo gutsinda Athletic Bilbao ibitego 2-1 mu mikino yombi.

Real Madrid iracyafite amahirwe yo gutwara ibikombe bibiri muri uyu mwaka w'imikino,kuko nayo iri muri kimwe cya kane cy'irangiza muri Champions League aho izahura na Chelsea.

Igikombe cya shampiyona cyo gisa n'icyayicitse kuko irushwa amanota 12 na FC Barcelona habura imikino 11 gusa ngo irangire.

Mu mikino 6 baheruka guhura,FC Barcelona yatsinze Real Madrid inshuro eshanu ariyo mpamvu Madrid yaje muri uyu mukino ishaka kwihimura.

Vini Jr na Gavi baranzwe n'amahane muri uyu mukino

Source : https://umuryango.rw/imyidagaduro/imikino/article/real-madrid-yigaranzuye-fc-barcelona-yongera-kugera-ku-mukino-wa-nyuma-wa-copa

Donald Trump yitabye urukiko nyuma yo guhamagazwa n'icyitwa 'New York grand jury' ku byaha bijyanye n'amafaranga yishyuye mbere gato y'amatora ya Perezida wa Repubulika yo mu 2016.

Trump wifuza kongera kwiyamamaza ku mwanya wa Perezida wa Leta zunze ubumwe za Amerika mu matora yo mu mwaka utaha wa 2024, yaburanye ahakana ibyaha 34 ashinjwa mu rukiko rwa Manhattan, nyuma asubira mu rugo rwe muri Florida kuganira n'abamushyigikiye bari bamutegerereje iwe.

Abashinjacyaha bagaragaje ko Trump akurikiranyweho ibyaha 34 birimo ibyo gukoresha impapuro mpimbano, zakoreshejwe mu rwego rwo kugira ngo haburizwemo amakuru yashoboraga kubuza Trump kuba umukandida ku mwanya wa Perezida wa Repubulika mu 2016, hishyurwa amafaranga atarashoboye gusobanurwa impamvu nyakuri yatumye atangwa. Ayo mafaranga ngo yishyuwe abagore babiri, harimo umukinnyi wa filimi z'urukozasoni, wavuze ko baryamanye, n'umugabo wavugaga ko hari amakuru afite ku mwana Trump yabyaye hanze y'urugo, nk'uko byatangajwe n'ibiro by'Ubushinjacyaha mu Karere ka Manhattan.

Trump yinjira mu rukiko, yagiye kwicarana n'abanyamategeko be, akajya akomeza guhanga amaso abanyamakuru bafotora kuko bari bemerewe gufata amafoto, nyuma umwanya wose w'iburanisha warangiye yicaye areba imbere akurikira.

Trump yavuze gake mu rukiko, abwira umucamanza ko ahakana ibyo aregwa (not guilty) kandi ko yagiriwe inama ku birebana n'uburenganzira bwe. Umucamanza yabwiye Trump ko aramutse yitwaye nabi yasohorwa mu rukiko. Trump ntacyo yongeye kuvuga kugeza asohotse mu rukiko.

Umunyamateko wa Trump witwa Todd Blanche, yabwiye urukiko ko Trump ababaye cyane kandi ko azi ko hari akarengane gakomeye karimo kuba.

Aganira n'amagana y'abamushyigikiye bari bari iwe muri Florida, Mar-a-Lago, ku mugoroba nyuma yo kuva mu rukiko, Trump yasubiyemo ko iperereza ryakozwe ryari ririmo politiki.

Trump yagize ati 'Icyaha cyonyine nakoze, ni ukurwana ku gihugu cyacu ntatinya, nkirinda abashaka kugisenya' .

Trump yagombaga kuzagaruka mu rukiko mu Kwezi k'Ukuboza 2023, ariko abanyamategeko be, basabye ko yazihanganirwa ntagaragare mu rukiko icyo gihe kubera ko kugira ngo yitabe urukiko bisaba umutekano udasanzwe. Abashinjacyaha basabye urukiko gushyira iburanisha muri Mutarama 2024, mu gihe abanyamategeko ba Trump basabaga ko iburanisha ryakwigizwa inyuma. Umucamanza ntiyahise avuga itariki urubanza ruzakomerezaho.

Source : https://umuryango.rw/amakuru/mu-mahanga/article/nyuma-yo-gushinjwa-n-abakobwa-2-donald-trump-yahakanye-ibyo-aregwa

Perezida wa Uganda yahamagariye Afurika 'gukiza isi abaryamana bahuje ibitsina' nyuma y'iminsi mike umushinga w'itegeko utavugwaho rumwe wo gufunga abaryamana bahuje ibitsina bose unyuze mu nteko ishinga amategeko ya Uganda.

Perezida Yoweri Museveni azashyira umukono ku mushinga w'iryo tegeko ritangaje, rishyiraho igihano cy'urupfu k'ubutinganyi bukabije', mu mategeko ya Uganda.

Abanya Uganda bazabuzwa 'guteza imbere no gushigikira' abaryamana bahuje ibitsina kimwe no gucura umugambi wo kwishora mu mibonano mpuzabitsina y'abahuje ibitsina nk'uko amategeko abivuga.Imiryango iharanira uburenganzira bwa muntu yamaganye 'bikomeye' iri tegeko.

Ku cyumweru, tariki ya 2 Mata, Museveni yavuze ko kuryamana kw'abahuje ibitsina ari 'iterabwoba rikomeye n'akaga ku kiremwamuntu'.

Perezida yagize ati: 'Afurika igomba gutanga icyerekezo mu gukiza isi uku kwangirika no kugwa,kuko ari akaga gakomeye cyane ku kiremwamuntu.'

'Ubwo abantu badahuje igitsina baretse kwishimirana none ikiremwamuntu cyakororoka gute?'

Umushinga w'itegeko rirwanya abaryamana bahuje ibitsina watowe ku ya 21 Werurwe mu cyumba cy'abadepite cyuzuye mu murwa mukuru Kampala,muri Uganda.

Amnesty International yaje gusaba Museveni guhagarika umushinga w'itegeko rirwanya abaryamana bahuje ibitsina, aburira ko ari 'igitero gikomeye' ku bantu ba LGBTQ.

Source : https://umuryango.rw/amakuru/mu-mahanga/politiki/article/perezida-museveni-yasabye-afurika-gukiza-isi-ubutinganyi

Leta ya Tchad ivuga ko yababariye ndetse irekura inyeshyamba 380 zari zarakatiwe gufungwa burundu kubera urupfu rw'uwahoze ari Perezida Idriss Déby.

Maréchal Idriss Déby yiciwe ku rugamba muri Mata (4) mu 2021, aho yari yagiye kurwana n'inyeshyamba zo mu mutwe uzwi nka 'Front pour l'Alternance et la Concorde au Tchad' (FACT) wo muri icyo gihugu.

Muri Werurwe (3) uyu mwaka, inyeshyamba zirenga 400 zakatiwe mu rubanza zaburanishijwemo hamwe ku byaha by'iterabwoba, gushyira abana mu gisirikare no kugaba igitero ku mukuru w'igihugu.

Nyinshi muri izo nyeshyamba zababariwe na Perezida w'inzibacyuho wa Tchad, Jenerali Mahamat Idriss Déby, umuhungu w'uwari Perezida Idriss Déby.

Jenerali Mahamat yagiye ku butegetsi nyuma y'urupfu rwa se.

Izo mbabazi ntizireba umukuru w'inyeshyamba Mahamat Mahdi Ali, ukirimo gushakishwa.

BBC

Source : https://umuryango.rw/amakuru/mu-mahanga/ubutabera/article/tchad-yababariye-inyeshyamba-zahamijwe-kwica-uwari-perezida

Ishyirahamwe ry’umupira w’amaguru mu Rwanda (FERWAFA) ryamaze gutangaza igihe umukino wo kwishyura wa 1/8 mu gikombe cy’Amahoro 2023 uzahuza Rayon Sports na Intare FC uzabera.

Hari nyuma y’uko Intare FC yifuzaga ko Rayon Sports iterwa mpaga ariko Komisiyo y’Ubujurire ifata umwanzuro ko uyu mukino ugomba gukinwa.

FERWAFA yatangaje ko uyu mukino wo kwishyura wa 1/8 ugomba gukinwa tariki ya 19 Mata 2023.

Nubwo FERWAFA yatangaje igihe uyu mukino uzabera, Intare FC ntabwo irafata umwanzuro niba izakina uyu mukino cyangwa itazawukina.

Umunyamabanga wa Intare FC, Hagengimana Philbert yabwiye ISIMBI ati “ntabwo umwanzuro wo gukina uyu mukino cyangwa kutawukina turawufata.”

Ni mu gihe iyi kipe yari yatangaje ko yo ititeguye gukina uyu mukino kubera ko Rayon Sports yishe amategeko igomba gusezererwa maze yo igakina na Police FC muri 1/4.

Umukino ubanza wa 1/8 warangiye ikipe ya Rayon Sports itsindiye Inatre FC iwayo ibitego 2-1.

Umukino wa Rayon Sports na Intare FC washyizwe tariki ya 19 Mata

Source : http://isimbi.rw/siporo/article/ferwafa-yatangaje-igihe-umukino-wa-rayon-na-intare-fc-itarafata-umwanzuro-uzabera

Bamwe mu bakorera ubucuruzi mu mujyi wa Muhanga ndetse n'abaturage batwarirwa imyanda na Kompanyi ya Agruni, baranenga imikorere yayo muri serivise ibaha. Bayishinja kwikorera amasezerano no kugena ibiciro uko ibishaka nuko ibyumva nta ruhare abatwarirwa imyanda babifitemo. Ubuyobozi bw'Akarere buri mu bahabwa serivise mbi, buvuga ko bwatanze igihe cyo gukosora ibyanenzwe.

Ibyinubirwa n'abo iyi Kompanyi itwarira imyanda, byagarutsweho na bamwe mu bikorera ndetse n'abaturage baganiriye n' umunyamakuru wa intyoza.com bagaragaza ko usanga ibaha amasezerano ikayahindura uko ishaka n'igihe ishaka nta ruhare abishyuzwa babigizemo.

Umuyobozi w'Akarere ka Muhanga, Kayitare Jacqueline yavuze ko bidakwiye ko abakorana na Agruni bakorerwa amasezano impande ziyavugwamo zitabigizemo uruhare. Yemera ko amakosa yakozwe ndetse ko na Kampanyi iyemera, ko kandi nk'ubuyobozi batanze igihe ntarengwa ngo bikosorwe.

Yagize Ati' Iyi Kompanyi ya Agruni ikwiye kujya itanga amasezerano yayumvikanyeho n'abo itwarira imyanda. Twarabaganirije bemera ko habayemo amakosa. Twabahaye igihe ntarengwa kingana n'amezi atandatu azageza mu kwezi kwa Cyenda (Nzeli 2023) tukazasuzuma uko serivisi baha abaturage ihagaze, babone uko bazahabwa andi masezerano'.

Meya Kayitare, akomeza yibutsa iyi Kompanyi ko mu gihe cyo kongera amafaranga yo gutwara imyanda cyangwa ibishingwe bagomba kuvugana n'abo baha Serivise ndetse bakabikora ubuyobozi bubizi, bityo abantu bakajyanamo ntawuhejwe ngo yimwe uburenganzira bwe.

Muragijimana Theonas, umuturage utuye mu Murenge wa Nyamabuye akaba atwarirwa imyanda yagize Ati' Njyewe bantwarira imyanda ariko nagiye kubona mbona bambwiye ko amafaranga igihumbi kimwe (1000 frw) natangaga batazongera ku cyemera kandi narakoranye nabo amasezerano, nkurikiranye nsanga hari abo bongereye abandi barabareka ukibaza icyabibateye'.

Umuhoza Brigitte, avuga ko bibabaje kubona Kompanyi igena igiciro kitumvikanyweho, igahindura amasezerano uko ibishaka n'igihe ishaka. Yemeza ko gutwara imyanda no gukora isuku iyi Kompanyi itabibashije. Ahamya ko n'igihe biyemeje kuza gutwara imyanda kenshi batacyubahiriza, ugasanga ahubwo imyanda yabaye indi myanda iteza ibibazo.

Umucuruzi utashatse ko amazina ye akoreshwa muri iyi nkuru, yabwiye umunyamakuru ko kuba nta yindi kompanyi ibateye icyugazi bituma aba birara ugasanga barakoresha abantu badafite intege nyazo zabafasha gukora umunsi wose kandi neza. Ahamya kandi ko kuba hari imodoka imwe itwara imyanda y'uyu mujyi idahagije, ko ubuyobozi bukwiye kubirebera hafi kuko ahubwo usanga bashaka gukira batavunitse.

Umukozi wa Kompanyi ya Agrouni mu karere ka Muhanga, Karumuna Augustin yemera ko hari ibitaranogejwe mu bihe bishize ariko ko hari ibirimo gukosorwa ndetse hakaba hari ibikoresho birimo imodoka ndetse n'imashini ikata ibyatsi bigomba kuza kuri uyu wa Kane tariki ya 6 Mata 2023.

Avuga ku mpamvu bazamuye ibiciro byo gutwara imyanda, ahamya ko byatewe n'izamuka ry'ibikomoka kuri Peteroli bikaba byarateye izamuka ry'amafaranga. Yemera ko aribo bigeneye ibiciro ntawe babajije mubo batwarira imyanda.

Perezida w'Urugaga rw'Abikorera mu karere ka Muhanga, Kimonyo Juvenal avuga ko abacuruzi bagiye bagaragaza impungenge z'uko ibiciro bishyirwaho uko baramutse, ariko ku rundi ruhande akavuga ko ibyo bitazasubira, ko naho byakwiyongera iyi kompanyi nayo ifite byinshi igomba kubanza guhindura birimo na Serivisi itanga.

Agrouni, yatangiye gutwara imyanda ahagana mu mwaka wa 2017. Ikoresha abakozi 60 mu mirenge ya Shyogwe na Nyamabuye, aho ifite imodoka 1 nayo bigaragara ko ishaje. Ikora isuku yo gutwara imyanda mu ngo ndetse ikanakora isuku ku nkengero z'imihanda, aho Akarere ubwako bivugwa ko kayishyura Miliyoni 4 ku kwezi.

Akimana Jean de Dieu

Source : https://www.intyoza.com/2023/04/06/muhanga-abatwarirwa-imyanda-na-agruni-binubira-imikorere-yayo-idahwitse/