Category: Uncategorized

Ushobora kuba ufite amafaranga na buri kintu gishobora gutuma waba muri Amerika ariko kuko utahamenyereye rimwe na rimwe ukaba wahura n'abamamyi bakagucyuza utwawe. Ibi ni byo USA Education Services yaje gukemura kuko abakozi bayo babaye muri Amerika igihe kirekire.

Mu myaka mike gitangiye gutanga serivisi zo gufasha abashaka kujya kwiga muri Leta Zunze Ubumwe za Amerika, iki kigo kimaze gufasha abarenga 90 muri serivisi zitandukanye zirimo no kwiga Icyongereza ku buryo bw'umwuga, no kubona amashuri.

Bafite kandi serivisi zishobora gufasha umuntu kwiga mu buryo bw'ikoranabuhanga, byaba ngombwa akaba yajya kurangiriza amasomo muri Leta zunze ubumwe za Amerika uhereye ku cyiciro cya kabiri cya kaminuza kugeza ku cya PhD mu mashami atandukanye.

Bakorana na Kaminuza zitandukanye zirimo James Madson University (JMU), Eastern Mennonite University (EMU) yita ku bijyanye n'iyobokamana n'izindi mu mashami ajyanye no gukanika indege, gukemura amakimbirane, indimi, ubucuruzi n'ibindi.

Hari ubwo umunyeshuri ajya gushaka serivisi nk'izi zo kwiga mu mahanga ariko yahabwa ikizamini USA Education Services itanga, bagasanga hari ibyo ubura. Icyo gihe babanza kumuhugura bijyanye n'icyo ashaka kwiga akagera ku rugero rwifuzwa.

Hari ubwo ushobora kubagana ariko nta mikoro ahagije ufite ndetse ntugire n'amahirwe yo kubona abakwishyurira byose, USA Education Services igufasha kuba wakwiga hifashishijwe iyakure, mu gihe bakomeje kugushakira uburyo bwagufasha mu mikoro make ufite.

Banafasha abantu bashaka gukora ibizamini by'indimi ku rwego mpuzamahanga nka TOEFL, IELTS, GRE, GMAT hanyuma umunyeshuri agafashwa kwiga Icyongereza cy'Abanyamerika (American accent) kuko bafite umwarimu wabizobereye wo muri JMU.

Umuyobozi Mukuru wa USA Education Services, Ndengeyingoma Jean Pierre yagaragaje ko kwiga muri Amerika bishoboka cyane iyo umuntu yabonye umufasha ndetse ubizobereye.

Ati “Iyo utugannye tureba muri kaminuza ziri muri Amerika ibijyanye n'ibyifuzo byawe tukakwereka inzira unyuramo bijyanye n'ubushobozi bwawe. Twe turizewe kuko dufite ibiro muri Virginia n'i Kigali.”

Umwihariko w'iki kigo kandi ni uko iyo ubagannye abuze ibyo yashakaga, ikigo kimusubiza amafaranga yatanze.

Ndengeyingoma ati “Amerika iteye imbere mu bijyanye n'uburezi. Iyo ufite amahirwe yo gufashwa n'umuntu wahabaye, wahize ndetse usobanukiwe uburyo kaminuza zaho zikora nkatwe, uhungukiramo byinshi.”

Umwana wafashijwe kwiga muri Amerika araherekezwa akagezwa ku kigo yoherejwemo, USA Education Services, ikajya imenya uko amasomo ari kugenda.

Mu 2019 u Rwanda rwari ku mwanya wa munani mu bihugu byo muri Afurika yo munsi y'Ubutayu bwa Sahara byohereza abanyeshuri benshi muri Leta Zunze Ubumwe za Amerika.

Raporo ya The 2019 Open Doors Report yasohotse ku wa 18 Ugushyingo 2019, yakozwe n'ishami rya Minisiteri y'Ububanyi n'Amahanga ya Amerika rihuza ibigo bitanga ubujyanama ku banyeshuri b'abanyamahanga, EducationUSA, yagaragazaga ko mu 2018/19 Abanyarwanda 1292 bigaga muri Leta Zunze ubumwe za Amerika mu mwaka w'amashuri wawubanjirije.

Nk'uko Open Doors Report ibigaragaza, mu mwaka w'amashuri wa 2018/19, nibura 69,3 ku ijana by'Abanyarwanda bigaga mu cyiciro kibanza cya kaminuza (under-graduate programs), 30,6 bigaga icyiciro cya kabiri cya kaminuza (graduate programs) cyangwa icyisumbuyeho.

Zimwe muri leta Abanyarwanda bigamo ku bwinshi ni Nebraska, Texas, New York, Arkansas na Massachusetts.

EMU ifitanye imikoranire na USA Education Services, yashinzwe mu 1917, ishamikiye ku Itorero rya Mennonite ryo muri Amerika, yakira abanyeshuri barenga 2000 baturuka mu madini atandukanye ku Isi.

Ni mu gihe JMU yo yigisha ubugeni, ubucuruzi, itumanaho, ubumenyamuntu, uburezi, ubuzima, ubumenyi n'ikoranabuhanga, yashinzwe mu 1905, iherereye muri Leta ya Virginia muri Leta Zunze Ubumwe za Amerika.

Bijyanye n'uburyo inyotewe mu guteza imbere uburezi, ubuyobozi bwa USA Education Services bagiye gutangiza amashuri abanza mu Rwanda yigisha ku buryo bugezweho nka bumwe mu buryo bwo guteza imbere uburezi ihereye mu mizi.

Eastern Mennonite University ni kaminuza ishingira ku iyobokamana aho ihuza abaturuka mu matorero arenga 50

Abanyarwanda bajya kwiga muri Amerika biyongera umunsi ku wundi

USA Africa irashaka gufasha abana b’Abanyarwanda guhahira ubwenge muri Amerika ku rugero rwo hejuru

Ni ibibazo yagaragaje kuri uyu wa 20 Mata 2023, ubwo Inteko Rusange y'Umutwe w'Abadepite yasuzumaga itegeko ryemera kwemeza burundu Amasezerano N°190 yo kurwanya ihohoterwa no guhoza undi ku nkeke, yemerejwe i Geneva mu Busuwisi, ku wa 21 Kanama 2019.

Ni amasezerano arengera abakozi bakora mu nzego z'imirimo za leta n'iz'abikorera, mu mirimo yanditse n'itanditse.

Abadepite batanze ibitekerezo kuri iri tegeko bagaragaza ko ari ingirakamaro ariko rikwiye no kwita cyane ku bakozi bakora imirimo itanditse cyangwa se iciriritse.

Depite Mukabalisa yagize ati 'Aya masezerano tugiye kwemeza azagira icyo ahindura ku mibereho y'abakozi bo mu rugo? Abakozi bo mu ngo bari mu bantu bahohoterwa, ntabwo ari amakuru mashya twese turabizi, iyo amennye isahani umushahara we uba ugiye, aba atazishyurwa.'

Yakomeje agira ati 'Iyo ashatse kwamburwa arabeshyerwa bati 'twarakwishyuye, umukozi iyo arwaye kugira ngo avuzwe ni ikibazo, hari n'aho atagaburirwa. Tuba muri sosiyete irimo abo bakozi bo mu rugo ndetse twese turanabafite ariko kugeza ubu ntabwo nari numva uburyo barengerwa.'

U Rwanda ni kimwe mu bihugu bitasinye amasezerano yihariye No 189 yo kurengera abakozi bo mu rugo yo mu 2011.

Depite Mukabalisa ati 'Iyo dutekereje uburyo bakora ndetse n'amategeko akaba agenda aza ariko ntagire ikintu na kimwe ahindura ku buzima bwabo biterwa n'uko umuntu abyifuza, harakorwa iki?'

Minisitiri w'Abakozi ba Leta n'Umurimo, Fanfan Rwanyindo Kayirangwa yavuze ko nubwo u Rwanda rutasinye amasezerano yo kurengera abakozi bo mu ngo, ariko hariho andi mategeko abarengera.

Ati 'Ntabwo twasinye ayo masezerano ku ihohoterwa rikorerwa abakozi bo mu ngo ariko aya masezerano y'i Geneve azagira icyo afasha kuko aya masezerano yose aza aje kunganira inshingano dusanganywe cyangwa Itegeko Nshinga.'

Minisitiri Rwanyindo avuga ko nubwo amategeko yaba ariho cyangwa se andi mabwiriza, usanga ikibazo gikomeye kiri mu gutanga amakuru cyangwa kumenyekanisha ihohoterwa rikorerwa abakozi bo mu ngo.

Ati 'Ndabizi ko ku bijyanye n'abakozi bo mu rugo, ikintu kijyanye no kumenyekanisha ihohoterwa umuntu yakorewe biragoye kuko aho bakorera, aba ari we n'umukoresha we, nta bandi batangabuhamya baba bahari.'

Minisiteri y'Abakozi ba Leta n'Umurimo igaragaza ko hari ingamba zashyizweho zirimo gukorana na komite zishinzwe umurimo ku turere, kugira ngo abakozi bo mu ngo bamenye uburenganzira bwabo binyuze mu bukangurambaga.

Kugeza ubu u Rwanda nk'igihugu kiri mu Muryango Mpuzamahanga wita ku Murimo [ILO- International Labour Organization] rumaze kwemeza amasezerano mpuzamahanga y'umurimo agera kuri 34, hagamije gukomeza kunoza umurimo.

Depite Mukabalisa Germaine yasabiye abakozi bo mu rugo kwitabwaho

Abakozi bo mu rugo basabiwe ko uburenganzira bwabo bwubahirizwa

ICTP ni ikigo cyashinzwe mu 1964 n'Umunya-Pakistan wahawe igihembo cyitiriwe Nobel, Abdus Salam. Gikora ku bufatanye bwa Guverinoma y'u Butaliyani, Ishami ry'Umuryango w'Abibumbye ryita ku Burezi, Ubushakashatsi n'Umuco, UNESCO n'Ikigo Mpuzamahanga giteza imbere ingufu za Atomike (IAEA).

ICTP ni kimwe mu bigo bigize ihuriro ry'ibigo mpuzamahanga byita kuri siyansi (Trieste System) ryashinzwe n'Umunyabugenge, Paolo Budinich.

Mu byo iki kigo gishyiramo imbaraga harimo guteza imbere imyigire yo ku rwego ruhanitse n'ubushakashatsi mu by'Ubugenge n'Imibare hagamijwe gufasha ibihugu mu iterambere ryabyo.

Ubutumwa bwanyujijwe kuri Twitter y'Ibiro by'Umukuru w'Igihugu, Village Urugwiro, buvuga ko abayobozi bombi bahuye kuri uyu wa 20 Mata 2023, imikoranire yaganiriweho ikaba iri hagati y'Ibiro bya ICTP muri Afurika y'Iburasirazuba, Ikigo cy'Ubushakashatsi muri Afurika y'Iburasirazuba (EAIFR) na Kaminuza y'u Rwanda.

Prof. Atish Dabholkar, Umuyobozi w'Ikigo Mpuzamahanga cy'Ubushakashatsi mu by'Ubugenge n'Imibare (International Centre for Theoretical Physics: ICTP) wa kabiri ibumoso

Mu gihe hashize igihe kirekire abaturage bahangiyikishijwe n'izamuka rikabije ry'ibiciro by'ibiribwa, Minisiteri y'Ubucuruzi n'Inganda yatangaje ko bimwe mu biciro bya bimwe mu biribwa byagabanuwe mu rwego rwo korohereza abaturage imibereho yabo ya buri munsi.

Mu itangazo ryasohowe na Minisiteri y'Ubucuruzi n'Inganda, rigaragaza ibiciro ntarengwa ku biribwa birimo kawunga, umuceri ndetse n'ibirayi.

Batangaje ko ikilo cy'ifu ya kawunga ari 800frw, ikiro cy'umuceri mugufi uzwi nka kigori ari 820frw, ikiro cy'umuceri muremure 850frw naho ikiro cy'umuceri wa bazemati ni 1,455 Frw.

Ku giciro cy'ibirayi ho byavuzwe ko ikiro 1 cy'ibirayi bya kinigi kizagurishwa  460Frw, ikiro cy'ibirayi bya kirundo ari 440Frw, naho ikiro cy'ibirayi bya twihaze ni amafaranga 430Frw mu gihe ikiro cy'ibirayi bya peko ari 410Frw.

Ni muri urwo rwego rero abaturage bagaragaje ko bishimiye iyi myanzuro kandi bavuga ko bizeye ko bizakoreshwa bakoroherezwa.

Abaturage baganiriye na inyaRwanda bagaragaje ko bishimiye cyane igabanuka ry’ibiciro by’ibiribwa binyuranye.

Ku rundi ruhande ariko abacuruzi nabo bari mu bantu bishimiye ibi biciro ariko bagaragaza impungenge zo guhura n’igihombo bitewe nuko guhita hubahirizwa ibi biciro byatuma ibyo baranguye mbere bibahombera.

Bamwe mu bacuruzi kandi basabye Guverinoma y'u Rwanda kubafasha bakabanza bagacuruza ibyo baranguye mbere bahenzwe, hanyuma ibyo biciro bishya bikaba byakubahirizwa nyuma mu rwego rwo kwirinda igihombo.

Minisiteri y'ubucuruzi n'inganda igaragaza ko yagennye ibyo biciro nyuma y'isesengura ku mpamvu zituma ibiciro by'ibiribwa bizamuka ku isoko, ikaba yaragiranye ibiganiro n'inzego za Leta n'izabikorera zifite aho zihuriye n'ibiciro.  

Umuceri uri muri bimwe mu biribwa byagabanirijwe ibiciro kuko wari warahenze cyane

Ibirayi na kawunga nabyo byagabanyirijwe ibiciro

Ni gahunda ihera mu 2018 ubwo ICK [ikorera mu Mujyi wa Muhanga] yatangizaga porogaramu y'uburezi. Icyo gihe abarezi nta mikoro ahagije yo kwiyishyurira bari bafite bituma iri shuri ryiyemeza kugira icyo ribatangira. Abatoranyijwe bahabwaga ibihumbi 100 Frw ku mwaka.

Nyuma hatangijwe porogaramu yo gufasha abakobwa n'abagore bafite amikoro make ariko bifuza kwiga maze ICK yafatanyagamo n'abaterankunga bo muri Kaminuza yo muri Espagne yafashije abakobwa n'abagore 30 bagahabwa 25% by'amafaranga y'ishuri n'indi yafashije 20 bishyurirwaga kimwe cya kabiri cyayo.

Umuyobozi Mukuru wa ICK, Padiri Balthazar Ntivuguruzwa, yavuze ko inkunga y'abo banyeshuri bashya 19 yavuye muri Amerika, bakaba baratangiye amasomo muri Werurwe uyu mwaka mu dushami tw'itangazamakuru n'icungamutungo.

Baratoranyijwe mu bagera kuri 400 bari babisabye. Bane muri bo bemerewe kwishyurirwa amafaranga yose y'ishuri n'ibindi bazakenera mu gihe abasigaye bazishyurirwa igice ( 50%).

Padiri Ntivuguruzwa yagize ati 'Ni inkunga ifasha benshi nubwo atari amafaranga mesnhi. Icyo tuba tugamije ni ugufasha abana batsinze neza mu mashuri yisumbuye ariko badafite ubushobozi buhagije cyangwa batashoboye gutoranyirizwa guhabwa ya nguzanyo leta itanga ku bifuza kwiga muri kaminuza.'

'Ibyo kandi biri mu butumwa bwa kiliziya bwo kwita ku batishoboye. Haba ku rwego rw'amashuri abanza n'ayisumbuye dufite indi miyoboro inyuzwamo inkunga y'abatishoboye mu bijyanye n'uburezi n'ubuzima busanzwe.Icyo twabonye ni uko hari benshi bashaka kwiga ariko bagakomwa mu nkokora n'ubushobozi buke bw'ababyeyi, ababarera n'ababafasha.'

Ibyo ngo binagaragarira ku buryo iri shuri ryagabanyije amafaranga y'ishuri ryishyuza kugira ngo rishyigikire uburezi. Nk'abiga ubwarimu bishyuzwa amafaranga ibihumbi 360 Frw ku mwaka akaba ari make ugereranyije n'ahandi nk'uko Padiri Ntivuguruzwa yabivuze.

Umuyobozi Wungirije wa ICK ushinzwe ubutegetsi n'imari, Padiri Jean Marie Vianney Samarwa, yatangaje ko abanyeshuri Bose basoje amashuri yisumbuye bari bemerewe gusaba iyi buruse ariko mu kubatoranya hashingiwe ku manota babonye.

Byasabaga ko umunyeshuri ari mu cyiciro cy'abarangije amasomo mu 2020/2021 na 2022/2023 kandi akaba yaratsindiye ku inota ryo hejuru nibura 'grade' ya C mu masomo abiri y'ingenzi mu kizamini cya leta.

Byongeye agashami umunyeshuri yizemo mu yisumbuye kagombaga guhura na porogaramu z'amasomo yo muri ICK ndetse usaba yagombaga kuba ari mu cyiciro cya kabiri cyangwa icya gatatu by'ubudehe.

Akimanimpaye Marie Solange, umwe mu banyeshuri bahawe buruse, mu gashami k'icungamutungo, yavuze ko bitashobokaga kuri we kwiga kaminuza iyo atagira aya mahirwe kubera ko kwiyishyurira bihenze.

Mugenzi we wo mu gashami k'Itangazamakuru, Happiness Ihimbazwe, yavuze ko “Kuri ubu ababyeyi banjye ntibari kubona ubushobozi bwo kunyishyurira. Hamwe n'aya mahirwe mbonye, nzakoresha imbaraga zose ku buryo ngaragaza ko nari mbikwiye.”

ICK izatanga impamyabumenyi kuri uyu wa 21 Mata, ku basoje amasomo mu mwaka w'amashuri warangiye. Mu banyeshuri bafashijwe muri iyi gahunda harimo abatsinze neza bazanahabwa ibihembo by'indashyikirwa.

Ishuri Rikuru Gatolika, ICK rikorera mu Mujyi wa Muhanga