Category: Uncategorized

Umusobanuzi ukomeye cyane hano mu Rwanda uzwi ku izina rya Rocky Kimomo yatangaje ahantu yavumbye umuceri ku munsi w'irayidi.

Rocky Kimomo wahiriwe n'umwuga wo gusobanura amafilime ubwo aba Isilamu bizihizaga umunsi mukuru w'irayidi nyuma y'iminsi igera kuri 30 bari mu gifungo abantu batandukanye bajyiye kubavumba nk'uko bimenyerewe hano mu Rwanda rero Rocky Kimomo na we ntago yacitswe kuko yagiye kuvumba umuceri hanze ya Kigali.

Rocky Kimomo yatangaje ko kuri uyu munsi w'irayidi yavumbiye ipilawu i Rubavu muri Gisenyi mu magambo ye yagize ati:' Rubavu niho navumbye irayidi' akaba yabinyujije ku rubuga rwa Instagram.

Source : https://yegob.rw/umusobanuzi-wa-filime-rocky-kimomo-yatangaje-ahantu-yavumbye-irayidi/

Ku munsi w'ejo hashize nibwo Umunyamideli Mbabazi Shadia wamamaye nka Shaddy Boo yagize isabukuru y'amavuko.

Meddy Saleh, babyaranye abana babiri yamwifurije isabukuru nziza y'amavuko.

Aho yagize ati:' Umunsi mwiza w'amavuko gakecu. '

N'ubwo aba Bambi Meddy Saleh na Shaddyboo batandukanye gusa umubano wabo ukomeje kuba mwiza nk'uko bigaragarira abantu.Dore ko bakomeje kuba inshuti zidatanya kurera abana babyaranye.

Source : https://yegob.rw/aho-yaciye-ntihaca-urwango-meddy-saleh-wabyaranye-na-shaddy-boo-yamwibukije-ko-ari-agacecuru-ku-isabukuru-ye-yamavuko/

Umunyamakuru akaba n'umusesenguzi ukomeye cyane hano mu Rwanda Fatakumavuta yatangaje ukuri ku bantu bose bibazanga ku bibazo bye na Alliah Cool.

Fatakumavuta wagiranye ibibazo bikomeye hamwe n'umuherwekazi Alliah Cool uri mubatunze agatubutse hano mu Rwanda ubwo yavugaga ko uyu muherwekazi atwite ndetse nibindi bitandukanye kuburyo byari bimugejeje no mu kigo gishinzwe ubugenzacyaha RIB.

Fatakumavuta yatangaje ko we na Alliah Cool biyunze ndetse hashize igihe ahubwo aruko yabanje kureka abantu bagakomeza kuvuga batazi ukuri yagize ati:' Ni ubwambere ngiye kubivuga ngewe na Allia Cool twariyunze' Fatakumavuta akomeza avuga ko Alliah Cool ubwe are we wamwisabiye intambwe ya mbere akaza ku mwisabira imbabazi nyuma y'uko abonye ko yagendeye mu kigare cy'abagore batazi ubwenge bakumushuka.

Kuri ubu Fatakumavuta na Alliah Cool bari bafitanye amakimbirane bamaze kuba inshuti nk'uko Fatakumavuta ubwe yabihamirije imbere ya mikoro za televiziyo ikorera kuri YouTube channel yitwa Isimbi TV dukesha iyi nkuru.

Source : https://yegob.rw/fatakumavuta-avuze-ukuri-kose-ku-bibazo-bye-hamwe-na-allia-cool/

Mu bihe nk'ibi turimo byo kwibuka abacu bazize Jenoside yakorewe abatutsi, ihanurwa ry'indege yari itwaye Perezida Yuvenali Habyarimana rigarukwaho cyane. Abajenosideri n'ibigarasha barahaguruka, bakongera gukwiza ibiyoma bananiwe kubonera ibimenyetso, bashinja urwo rupfu FPR-Inkotanyi. Ni ikinyoma cyabapfubanye, nibashake ukundi basobanura ubusazi bwabateye gutsemba imbaga y'Abanyarwanda.

Tutiriwe tujya ku myanzuro y'impuguke ziyobowe n'umucamanza w'Umufaransa Marc Trévédic, yagaragaje neza ko indege ya Yuvenali Habyarimana yahanuwe n'ibyegera bye, hari n'ibindi bimenyetso bikomeje gutangwa n'abamubaga hafi, barimo n'abo bajyanye mu nama ya Dar Es Salaam, ari naho yahanuwe aturuka. Ibi bimenyetso byerekana nta gushidikanya ko kugereka urupfu rwa 'Kinani 'kuri FPR-Inkotanyi, ari ugutayanjwa. Ntibisaba ubuhanga buhambaye ngo ubone neza ko AKAZU kikoze mu nda, kabifashijwemo n'abanyamahanga nabo bagenda batahurwa.

1. Mbere y'uko Yuvenali Habyarimana ajya i Dar Es Salaam, urupfu rwe rwaravugwaga. Birazwi ko radio RTLM n'ikinyamakuru Kangura byakoreraga mu kwaha kw'ingoma ya Habyarimana, byavugaga buri gihe umugambi w''AKAZU', kandi bikarangira ushyizwe mu bikorwa. Ni nako byagenze, ubwo ibyo bitangazamakuru byavugiraga ku mugaragaro ko Perezida Habyarimana azicwa bitarenze Mata 1994. Bwarakeye biraba. Aha se wavuga ko FPR-Inkotanyi ariyo yabwiye RTLM na Ngeze wa Kangura ko izica Habyarimana? Kuko se abo bamotsi batashije FPR uwo mugambi, ahubwo bagakomeza kubivuga mu marenga ngo'hagiye kuba akantu'?

2. Inama ya Dar Es Salaam yari yatumiwemo Abakuru b'Ibihugu byose byo muri aka karere, dore ko yagombaga kwibanda ku bibazo byo mu Burundi, ahari imvururu n'ubwicanyi bwakurikiye igandagurwa rya Perezida Merchior Ndadaye. Perezida Mobutu Sese Seko wa Zayire y'icyo gihe, nawe yari yatumiwe, ariko yanga kuyijyamo, ndetse amakuru atangwa n' abari inkoramutima za Yuvenali Habyarimana, akavuga ko Mobutu yabubijie'murumuna we' Habyarimana kujya i Dar Es Salaam, akamunanira. Biragaragara ko Mobutu yari azi neza ko Habyarimana yicwa ava muri iyo nama, amakuru nawe yari yakuye mu byegera bya Habyarimana, byahishuye ko azira gushaka gushyira mu bikorwa amasezerano y'amahoro ya Arusha.

Amatwi arimo urupfu ntiyumva!

3. Perezida Habyarimana ageze ku kibuga cy'indege i Kanombe, ngo yatunguwe n'uko Umugaba Mukuru w'ingabo, Gen Déogratias Nsabimana ari mu bo bagomba kujyana i Dar Es Salaam. Icya mbere, ntibyumvikana uburyo umugaba w'ingabo asohoka mu gihugu Perezida atabizi. Icya kabiri, nta handi byabaye ko Perezida wa Repubulika ajyana mu ndege imwe n'umugaba mukuru w'ingabo. Uwari wohereje Gen Nsabimana mu butumwa, ni Enock Ruhigira wategekaga ibiro bya Perezida, nawe agasobanura ko yari yabitegetswe na Bagosona Théoneste. Imyanzuro y'impuguke hafi ya yose ihuriza kuri uyu Col Bagosora, ko yari inyuma y'iyicwa rya Habyarimana, akaba n'umucurabwenge wa Jenoside yakorewe abatutsi.

4. Inama ya Dar Es Salaam yatinze gutangira ku mpamvu zitigeze zisobanurwa, dore ko aho gutangira saa ine(10h00) nk'uko byari biteganyijwe, yatangiye hafi saa saba(13h00), nabwo ari uko Habyarimana ubwe ashyize igitutu ku bateguye inama, abaza impamvu idatangira.Aho itangiriye nabwo, ngo hagiye hazamo kidobya, nko kwica nkana ibyuma bisemura, impaka z'urudaca ku bibazo bidafite agaciro kanini, kugeza ubwo Habyarimana yarambiwe, akajya asohoka ntacyo agiye gukora hanze. Aya yose ni amakuru atangwa n'abo bari kumwe mu nama, bakemeza ko abateguye inama bayitindije ku bushake, dore ko ngo haje no kongerwamo gahunda yo kugaburira abayitabiriye, kandi itari iteganyijwe. Ibi byose bisobanuye ko abari inyuma y'urupfu rwa Habyarimana bakoze ibishoboka byose ngo atahe mu ijoro, umugambi wo guhanura indege ye worohe.

5. Ubwo Habyarimana yari ageze ku kibuga cy'indege cya Dar Es Salaam yitegura gutaha mu Rwanda, yakubiswe n'inkuba ubwo yasangaga abapilote b'Abafaransa batwaraga indege ye, batarayishyushya, ngo banayegereze aho Perezida agomba kuyuririra, nk'uko bisanzwe bigenda. Habyarimana yarategereje, bifata umwanya ngo indege yake, ari nako amasaha yarushagaho gusatira ijoro. Kera kabaye abapilote babwiye'Kinani' ko ashobora kurira indege, ariko bamugira inama yo kunyura i Goma muri Zayire y'icyo gihe, akinjira mu Rwanda mu modoka, anyuze ku Gisenyi. Byari byoroshye kuko umutekano i Goma no ku Gisenyi wari urinzwe, cyane ko ntacyo yari kwikanga kwa 'mukuru we' Mobutu, n'iwabo ku Gisenyi. Abo bapilote bari bafite ubwoba bw'ibyo bashobora guhurira nabyo muri iryo joro, cyane cyane bakurikije amakuru bari bamaze iminsi bumva.

Habyarimana yanze kubumva, aravuga ngo 'nibanyica mpfe'! Aha asa n'uwari waramaze kwiheba, kubera amagambo yari amaze igihe yumva, ndetse n'uburakari yabonanaga abambari be, barimo Bagosora, yewe n'umugore we Agatha Kanziga, bamubwiraga ko batazigera basangira ubutegetsi n'Inkotanyi.

6. Bari ku Kibuga cy'indege cya Dar Es Salaam, Dr Akingeneye wari umuganga wihariye wa Habyarimana, na Gen Nsabimana bagize ingingimira zo kwinjira mu ndege ngo batahane na Habyarimana, ariko arabatahura, agaruka hasi kubinjiza mu ndege ku ngufu. Gen Nsabimana we yamubwiye ko ngo ashaka kuza nyuma amaze kwigurira 'agasima gahendutse', nyamara ari ubwoba kubera ibimenyertso byagaragazaga ko batagera mu Rwanda amahoro.

7. Perezida Habyarimana yasabye mugenzi we w'uBurundi, Cyprien Ntaryamira ngo bajyane mu ndege imwe. Byari ukugirango abafite umugambi wo kuyihanura babe batinya kwica abaperezida babiri. Ntaryamira yarabyemeye, kumbi nawe urupfu rwari rwamurembuje.

8. Aho indege ya Habyarimana yarasiwe, mu gishanga cya Masaka, n'aho yaguye iwe mu busitani, byaba ari ukuyobya uburari uramutse ugerageje kwemeza ko hari undi utari uwo kwa Habyarimana wari kuhakandagira. Uretse abasirikari ba Leta ndetse n'Ababiligi bari basanzwe barinda ikibuga cy'indege cya Kanombe, bakanagenzuraga ibilometero byinshi uvuye ku nkengero zacyo, abarindaga urugo rwa Habyarimana narwo rwari hafi aho, FPR-Inkotanyi zari kugera aho hantu zinyuze he, imbunda yahanuye indege zari kuyinyuza hehe?

9. Nta ndege n'imwe itagira'agasanduku k'umukara' kabika amakuru yose y'ibyabaye ku ndege n'ibyayivugiwemo, nibura mu minota 30 iheruka. Ko abageze mbere ku ndege ya Habyarimana ikimara guhanuka ari abo mu muryango we ndetse n'abari bashinzwe kumurinda, ako 'gasanduku k'umukara' ninde wagafashe? Kuki akimana?

Nyuma y'igihe gito iyo ndege ihanuwe, uwitwa Capt Paul Barril , Umufaransa wakoraga nk'impuguke muri jandarumori y'uRwanda icyo gihe, yeretse itangazamakuru icyo yise ako 'gasanduku k'umukara', nyamara byari ukubeshya, ahubwo yaberetse 'pirate', kuko agasanduku k'umwimerere abahanuye Habyarimana ari bo bonyine bazi aho kari.Aya makuru, kimwe n'andi akomeza kujya ahagaragara, arerekana ko ntaho FPR-Inkotanyi yari kumenera ngo yice Habyarimana. Abayigerekaho uyu mutwaro baba bagerageza kwerekana ko kwica habyarimana ari byo 'imbarutso' ya Jenoside yakorewe Abatutsi. Uretse ko byabananiye kwerekana ubufindo(magie) FPR yakoresheje ngo ihanure iyo ndege, babirengagiza ko isi yose izi ko Jenoside yateguwe ikanageragezwa mbere y'uko Habyarimana apfa.Ibimenyetso ku mugambi mubisha w'AKAZU, biracyaza.

The post Bimwe mu bimenyetso birakomeza gushimangira ko kugereka urupfu rwa Yuvenali Habyarimana kuri FPR-Inkotanyi ari ukuyobya uburari. appeared first on RUSHYASHYA.

Source : https://rushyashya.net/bimwe-mu-bimenyetso-birakomeza-gushimangira-ko-kugereka-urupfu-rwa-yuvenali-habyarimana-kuri-fpr-inkotanyi-ari-ukuyobya-uburari/?utm_source=rss&utm_medium=rss&utm_campaign=bimwe-mu-bimenyetso-birakomeza-gushimangira-ko-kugereka-urupfu-rwa-yuvenali-habyarimana-kuri-fpr-inkotanyi-ari-ukuyobya-uburari

Mu butumwa yanyujije kuri konti ye ya Twitter, Perezida Kagame yavuze ko yishimanye n'abayisiramu mu Rwanda no ku Isi bari kwizihiza Umunsi mukuri w'Irayidi, abifuriza ibyishimo, amahoro n'iterambere.

Yagize ati: 'Umunsi Mukuru w'Irayidi ku ba Islamu bo mu Rwanda no ku isi yose. Mbifurije ibyishimo, amahoro n'iterambere'.

Ubutumwa bwa Perezida Kagame

Kuri uyu wa Gatanu tariki 21 Mata 2023, ibihumbi by'Abayisilamu bo mu Rwanda no ku isi hose bizihije umunsi Mukuru wa Eid Al Fitr usoza igisibo cya Ramadhan, mu gikorwa cyahuje ibihumbi by'abantu, bitandukanye n'indi minsi.

Bamwe mu Bayisilamu bagaragaje imbamutima ku munsi Mukuru wa Eid Al Fitr, bavuga ko uyu munsi bawuha agaciro kubera isengesho rikorwa kuri uyu munsi.

Ubuyobozi bw'Umuryango w'Abayisilamu mu Rwanda (RMC), bwifurije abayisilamu bose ndetse n'Abanyarwanda muri rusange umunsi Mukuru mwiza wa Eid Al Fitr. Ni umunsi wahuriranye n'ibihe byo kwibuka Jenoside yakorewe Abatutsi mu Rwanda muri Mata 1994, hatangwa ubutumwa bw'ihumure.

Ni umunsi waranzwe n'isengesho ryakorewe mu bice by'igihugu bitandukanye, by'umwihariko mu Mujyi wa Kigali ku rwego rw'igihugu, ukaba wizihirijwe i Nyamirambo kuri Kigali Pele Stadium aho isengesho ryayobowe na Mufti w'u Rwanda, Sheikh Salim Hitimana.

Mu butumwa bwatanzwe na Mufti w'u Rwanda nyuma y'isengesho, yavuze ko mu Rwanda abayisilamu batangiye igisibo cy'ukwezi kwa Ramadhan neza bakaba banagisoje neza, nyuma y'igihe kingana n'ukwezi bakimazemo kuko bitabiriye ibikorwa byose byo kwiyegereza Imana, by'umwihariko bakaba bishimira ko igisibo basoje bagisibye mu bihe byiza biruta ibyo mu myaka yashize cyane ko yagiye irangwa n'ibihe by'icyorezo cya Covid-19.

Yagize ati 'Ni ukwifuriza abantu umunsi mukuru wa Eid no gushishikariza abantu gukora ibikorwa byiza; gufashanya, kubahana, kuba mu muryango urangwa n'ubumwe, hanyuma bakazirikana ko igihugu cyacu cyanyuze mu bibazo byinshi gikeneye ko buri muntu wese akizirikana mu masengesho y'aho asengera n'aho yemerera Imana, kugira ngo Imana ikomeze igihe umudendezo n'uyu mutekano mwiza nk'uko Imana yabiduteganyirije.''

Mu butumwa yatanze Mufti w'u Rwanda kandi yavuze ko bifatanyije n'abanyarwanda bose muri rusange, ndetse ko ubutumwa nyamukuru bwari ubumwe uyu munsi. Agira ati 'Ubutumwa twatanze mbere na mbere ni ubumwe, kongera gushyigikira no kwimakaza ubumwe bwacu ntihagire ikibuhutaza, ndetse no kuzirikana Jenoside yakorewe Abatutsi by'umwihariko tuzirikana abayirokotse Twiyubaka, Twubaka igihugu cyacu.' 

Aba Isram mu Rwanda bishimiye Umunsi mukuru wa Eid Al Fitr

Ibihumbi by'abantu bari bateraniye kuri Kigali Pele Stadium

Source : https://inyarwanda.com/inkuru/128329/perezida-kagame-yifurije-aba-islam-umunsi-mukuri-wa-eid-al-fitr-128329.html

Kuri uyu wa Gatanu tariki ya 21 Mata 2023 Minisiteri y’Imari n’Igenamigambi, MINECOFIN yatangaje ko havuguruwe imisoro  ndetse imwe mu misoro yakuweho indi iragabanywa.

Iyi Minisiteri y’Imari n’Igenamigambi yasohoye iryo tangazo nyuma y’iryasohowe na Minisiteri y’Ubucuruzi n’Inganda MINICOM, kuwa Kane tariki 20 Mata 2023 ryavugaga ko ibiribwa by’ifu y’ibigori (Kawunga) n’umuceri byakuriweho imisoro Nyongeragaciro (TVA). 

MINICOM yanatangaje ko ibiciro by’ibirayi, Umuceri na Kawunga byari byarazamutse bigabanywa bitewe n’izamuka ry’ibiciro ku isoko.

Iri vugururwa ry’imisoro ryibanze ku musoro ku nyungu (Corporate income CIT) n’umusoro ku Nyongeragaciro (Value added tax), ndetse n’umusoro ku byaguzwe. Iryo vugururwa ry’imisoro rigamije koroshya imisoro, kongera umubare w’abasora, kubahiriza itangwa ry’umusoro no kureshya abashoramari kugira ngo abashora imari mu Rwanda biyongere.

MINECOFIN yatangaje ko izo mpinduka zabayeho zitezweho ko mu gihe kirambye imisoro ikusanywa izatanga umusaruro mbumbe w’Igihugu, GPD, wiyongeraho 1% bitarenze umwaka w’ingengo y’Imari 2025 /2026.

Izi mpinduka kandi zageze no ku misoro n'andi mafaranga yishyuzwa abaturage mu Nzego z’ibanze, bagiye gusaba ibyangombwa na serivisi zitandukanye.

Guverinoma kandi yafashe icyemezo cyo gukuraho umusoro wa TVA ku bicuruzwa by’umuceri na Kawunga, yaba ibiguriwe imbere mu gihugu cyangwa ibitumijwe mu mahanga. Icyo cyemezo cyafashwe hagamijwe kugabanya ibiciro by’ibiribwa ku isoko, no kunganira gahunda yo kugaburira abanyeshuri ku ishuri.

Umusoro ku nyungu (Corporate income tax) wagabanyijwe uva kuri 30% ushyirwa kuri 28%, mu gihe cya vuba ukazagera kuri 20%. Ibi bizatuma u Rwanda ruza ku isonga mu bihugu bibereye ishoramari muri Afurika. Naho imisoro kubyaguzwe  (Execise Duty) Guverinoma yafashe gahunda kandi yo guhindura imisoro yatangaga ku bicuruzwa byihariye birimo ibinyobwa.

Umusoro w’ubutaka wagabanutse uva kuri 0 kugera kuri 300frw kuri meterokare, ujya hagati ya 0 kugera 80 Frw.

Izi mpinduka zakozwe no ku misoro y’ipatanti ndetse ibigo by’ubucuruzi bifite amashami menshi, bizajya byishyura ipatanti imwe muri ako karere.

Guverinoma yanatangaje ko amafaranga yishyurwaga ku byangombwa na serivisi zitandukanye mu nzego z’ibanze, batazongera kuyishyuzwa.

Itangazo rya MINECOFIN risoza rivuga ko Guverinoma yafashe ingamba zihamye zituma izi mpinduka zitanga umusaruro wifuzwa, uganisha ku Iterambere rirambye ry’Ubukungu bw’Igihugu.

Source : https://inyarwanda.com/inkuru/128322/guverinoma-yagabanyije-imisoro-hashingiwe-ku-cyerekezo-cyatanzwe-na-perezida-kagame-128322.html

Ikigo cy’Igihugu cy’Itangazamakuru kivuga ko Guverinoma y'u Rwanda yashyizeho ibi biciro nyuma y'uko hakozwe isesengura ku mpamvu zituma ibiciro bizamuka ku isoko, ndetse n'ibiganiro Minisiteri y'ubucuruzi n'inganda yagiranye n'inzego za leta n'izabikorera zifite aho zihuriye n'izamuka ry'ibiciro ku masoko yo hirya no hino mu gihugu.

Umwe mu bacuruzi bacuruza umuceri, Juvenal Ufitimana yagarutse ku byishimo bafite nyuma y'uko Guverinoma igabanyije ibiciro, ariko avuga ko bigoye ku bantu bari bararanguye ibicuruzwa byinshi.

Minisitiri w'Ubucuruzi n'Inganda, Jean Chrisostome yavuze ko ibiciro bishya byashyizweho nyuma y'ibiganiro n'inzego zitandukanye zirimo abahinzi n'abacuruzi, kuburyo abarebwa n'izi mpinduka bumva impamvu z'impinduka mu biciro, ndetse bakaba basabwa gutangira kubikoresha.

Ruganintwari Bizimana Pascal, Komiseri Mukuru w'Ikigo cy'Imisoro n'Amahoro yagarutse ku kibazo cy'abacuruzi bavuga ko iri tangazo rishyiraho ibiciro bya kawunga, umuceri n'ibirayi rije bararanguye ibi bicuruzwa byinshi atanga umwanzuro.

Yavuze ko abacuruzi baranguye byinshi bagatanga umusoro ku nyungu, bazerekana fagitire z'uburyo baranguyemo maze bagasubizwa umusoro batanze. 

MINICOM yatangiye kugenzura ko ibiciro bishya biri gushyirwa mu bikorwa nk'uko biteganwa.

Minisiteri y'ubucuruzi n'inganda ikomeje gusaba abacuruzi kubahiriza ibi biciro bishya yashyizeho, nk'uko byatangajwe mu kiganiro n'abanyamakuru, cyagarukaga ku myanzuro y’Inama y’Abaminisitiri. 

Yakomeje gusaba abantu kubizirikana, mu rwego rwo koroshya ibibazo byari byugarije abaturage bitewe n'izamuka ry'ibiciro rikabije, harimo n'inzara.

  

Source : https://inyarwanda.com/inkuru/128326/abari-bararanguye-bazasubizwa-ayumusoro-minicom-iributsa-abacuruzi-guhita-bubahiriza-ibici-128326.html

Minisitiri w'Ubucuruzi n;inganda, Dr Ngabitsinze Jean Chrysostome yatangaje ko abacuruzi bafite ububiko bw'ibicuruzwa byagabanyirijwe ibiciro batazahomba kuko hazasuzumwa uko baranguye bakagabanyirizwa umusoro.

Ibi yabivuze ubwo bamwe mu bagize Guverinoma baganiraga n'abanyamakuru kuri uyu wa Gatanu tariki ya 21 Mata 2023,ku mpamvu leta yashingiyeho imanura igiciro bya bimwe mu biribwa igasiga ibindi, n'ibyerekeye gusonerwa imisoro ku bicuruzwa bimwe na bimwe.

Dr. Ngabitsinze yavuze ko impamvu hagabanyijwe ibi biciro bya bimwe mu bicuruzwa ibindi bakabireka ari uko ari ibyo abanyarwanda bakenera cyane ndetse ngo byakozwe mu rwego rwo guhangana no gutakaza agaciro k'ifaranga ry'u Rwanda.

Minisitiri Dr. Ngabitsinze yagize ati “Biriya biciro twabishyizeho kuko twari twumvikanye, icyo tutari twumvikanye ni icy'umusoro ku inyongeragaciro [VAT].

Ntawe uzahomba kubera ko afite ububiko bw'ibicuruzwa basobanuriwe kandi icyo twakoze kwari ukugira ngo duhagarika guta agaciro k'ifaranga ry'u Rwanda kari kageze hejuru.

Iyo urebye ukuntu biriya bihingwa abanyarwanda babikenera,ukareba n'uko ubuhinzi bwagenze,uko twari dusigaranye bikeya ku masoko yacu nubwo hari ibindi byinjiraga,twasanze ko byaba byiza tugiye inyuma kureba abacuruzi bafite ama stock ko bataba bategereje ko biba bike ngo bazamure ibiciro.

Iriya mibare twayikoze twamaze guhura nabo,hafi ya bose ,twarabasuye,amakoperative,abacuruzi batandukanye basanzwe babikora,tuza gusanga ko hari umusaruro ariko utari mwinshi uzunganirwa nibyo bishobora kuva hanze.Biriya biciro twabishyizeho buriya twabyumvikanye.Icyo tutari twumvikanye n'icya VAT ni gahunda ya leta ifite uko iyitwara.

Yamaze impungenge abatekereza ko ibi biciro bishobora guhombya abaranguye kera.Ati “Nta mpungenge ziriho,uwaranguye aba azi uko yaranguye arabitangaza hanyuma umusoro ku inyongeragaciro ukagabanuka.

Iyo ikintu gikozwe hari abadahita babyumva,uku kwiyongera kw'ibiciro kwabaye hose ariko buri gihugu kiba gifite uko kibigenza,twasanze gufata ubu buryo bwagira icyo budufasha nanasaba buri wese kugira ngo abyumve n'abacuruzi barabyumva…Ushobora kunguka menshi ariko muri ibi bihe by'amage ukwiye kunguka akwiye.

Minisitiri Ngabitsinze yavuze ko abantu bakwiye kwihangana kuko mu minsi iri imbere ibintu bizasubira mu buryo,umusaruro mu buhinzi ukongera kuboneka.

Abajijwe impamvu ibishyimbo bitaganyirijwe ibiciro,Minisitiri Ngabitsinze yavuze ko habaye ikibazo mu gihembwe cy'ihinga A biba bikeya bituma u Rwanda rutumiza hanze nko muri Tanzania.

Yakomeje ati “gushyiraho igiciro fatizo bisaba kugendera ku musaruro uhari.Twaragiye turashakisha tubona gushyiraho igiciro fatizo byagorana ariko mu kwezi kwa gatanu igihembwe cy'ihinga B kiraza kwera, nabyo turaza kubisuzuma bifashe abanyarwanda.Bihangane igihe gitoya nabyo turabitekereza.

Dr Ngabitsinze yavuze ko ubu hari inzego zagiyeho zihuriweho zireba ibyinjira uko byaje bikamenyekana ariko zinareba ko ibyo guverinoma iba yategetse bishyirwa mu bikorwa uko bikwiye.

Yavuze ko nta mpungenge z'uko ibyinjira byaba byinshi bikabangira ibyo abantu bahinga ko biba bizwi ndetse hashyirwaho uburyo bwo kubisuzuma.

Umunyamabanga wa Leta muri MINECOFIN,Tushabe Richard,we yavuze ko Ku mata y'ifu “twakuyeho kuyasoresha, impamvu ni uko dufite uruganda ruyakora.Dukuyeho imisoro tuzashobora kwakira amata y'aborozi menshi abashe guhabwa abana n'ababyeyi mu kwirinda igwingira.”

Yemeje ko ibyemezo byafashwe byo kugabanya imisoro ku bigori, kawunga, umuceri bihita bishyirwa mu bikorwa.

Umunyamabanga wa Leta muri MINECOFIN, Richard Tushabe avuze ko impinduka ziri mu kugabanya imisoro zizatuma igihugu kirushaho korohereza ishoramari no gutanga akazi ku rubyiruko.

Umunyamabanga wa Leta muri MINECOFIN yavuze kandi ko ingengo y'imari yo kugaburira abana ku ishuri leta yayongereye.

Aba bayobozi bemeje ko umucuruzi utazubahiriza ingamba zashyizweho na leta azamufatirwa ingamba zitoroshye

Source : https://umuryango.rw/amakuru/mu-rwanda/ubukungu/article/minicom-yavuze-impamvu-hagabanyirijwe-ibiciro-ibiribwa-bike-anamara-impungenge

Umwana w'imyaka itatu yapfuye muri iki cyumweru,nyuma y'aho inkende zimuhiritseho ibuye rinini ziri hejuru y'inzu y'iwabo.

Devunuri Abhinav yakiniraga hanze iwabo i Katukuri,mu mudugudu muto wo muri Leta ya Telangana, mu Buhinde, ubwo inkende zamanuraga ibuye rinini hejuru ye, zikamwica ako kanya.

Uyu muhungu yari amaze gukira impanuka yagize mu mezi atandatu ashize, ubwo yagwaga ku cyuma kikamukata ku muhogo.

Ababyeyi be bitwa Rajitha na Srikanth, bari barishyuye amadolari arenga 6.000 kugira ngo umwana wabo avurwe ubwo yagwiraga kiriya cyuma.

Ibitangazamakuru byo muri ako gace bivuga ko yari amaze gukira burundu ubwo izi nyamaswa zamuteraga iri buye agahita apfa.

Abeturage bo muri ako gace bamaze imyaka itari mike binubira izi nkende, kubera ko zikomeje kubahemukira.

Hirya no hino mu Buhinde, akaga gaterwa n'inkende kamaze kwiyongera ku buryo abayobozi batekereje ku ngamba zikomeye, nko gushaka urukingo rwo kuzitera ngo ze gukomeza kororoka.

Izi nyamaswa zishinjwa ibitero byinshi by'ubugizi bwa nabi mu myaka ishize.

BJP MP Raj Kumar Chahar aherutse kubwira inteko ishinga amategeko mu Buhinde ko nta gikozwe izi nkende zizakomeza kwica abaturage.

Source : https://umuryango.rw/ubuzima-115/udushya/article/inkende-zahiritse-ibuye-rinini-ku-mwana-bimuviramo-urupfu

Bafashwe ku wa Gatatu tariki ya 19 Mata 2023, saa saba n'igice z'ijoro bari kuri iyo moto, mu mudugudu w'Umujyi, Akagari ka Rusagara mu Murenge wa Gakenke.

SP Alex Ndayisenga, ushinzwe guhuza ibikorwa bya Polisi n'abaturage mu Ntara y'Amajyaruguru; yavuze ko kugira ngo bafatwe byaturutse ku makuru yatanzwe na n'uwibwe iyo moto.

Yagize ati 'Polisi yakiriye amakuru yatanzwe n'umugabo wari usanzwe akora akazi ko gutwara abagenzi kuri moto ahagana saa yine z'ijoro, ko arebye aho yari yayiparitse hafi y'akabari agasanga bayitwaye, kandi ko hari abasore babiri bahahoze acyeka ko ari bo bayibye.'

Yakomeje agira ati 'Nyuma yo kwakira ayo makuru, hahise hatangira gushakishwa abacyekwa, bafatirwa mu cyuho ku isaha ya saa saba n'igice z'ijoro bayitwaye.'

Bakimara gufatwa, biyemereye ko bayibye umuturanyi wabo nyuma yo kumucunga ari mu kabari, kandi ko bari bagiye kuyigurisha mu Karere ka Musanze.

SP Ndayisenga yashimiye uwibwe wihutiye gutanga amakuru kugira ngo abayibye babashe gufatwa bataragera kure, yongera kwihanangiriza abakora ubujura ko nta mwanya bagifite, ko ahubwo bakwiriye gushaka umurimo bakora ubateza imbere, aho guhitamo ubujura butazagira icyo bubagezaho uretse gufungwa.

Bahise bashyikirizwa Urwego rw'ubugenzacyaha (RIB) kuri sitasiyo ya Gakenke kugira ngo hakomeze iperereza, naho moto yari yibwe isubizwa nyirayo, nk'uko byatangajwe ku rubuga rwa Internet rwa Polisi y'u Rwanda.

Ingingo ya 166 y'Itegeko nº68/2018 ryo ku wa 30/08/2018 riteganya ibyaha n'ibihano muri rusange, ivuga ko umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe ariko kitarenze imyaka ibiri, ihazabu y'amafaranga y'u Rwanda atari munsi ya miliyoni imwe, ariko atarenze miliyoni ebyiri, imirimo y'inyungu rusange mu gihe cy'amezi atandatu cyangwa kimwe gusa muri ibyo bihano.

Ingingo ya 167 ikomeza ivuga ko; ibihano ku cyaha cyo kwiba byikuba kabiri iyo kwiba byakozwe nijoro; cyangwa byakozwe n'abantu barenze umwe (1).

Source : https://umuryango.rw/amakuru/mu-rwanda/umutekano/article/babiri-bacyekwaho-kwiba-moto-batawe-muri-yombi-bayijyanye-ku-isoko