Category: Uncategorized

Wari umukino ubanza wa 1/4 cy’igikombe cy’Amahoro, kuko uyu mukino utabereye igihe kubera ibibazo byabanje kuba hagati ya Rayon Sports n’Intare FC. Uyu mukino wari witezwe na benshi nyuma yaho mu mukino wa shampiyona Police FC yari yatsinze Rayon Sports ibitego 4-2.

Bitewe n’imibare myinshi yari igize uyu mukino, abatoza ndetse n’abakinnyi baranzwe n’amakosa, yabaye intandaro y’ibitego bigera kuri 5 byaranze uyu mukino. Ikipe ya Police FC n’umutoza wayo, nibo batangiye bakora amakosa.

Mashami Vincent yabanje Miggy mu kibuga

Ni ryo kosa nyamukuru ryaranze uyu mukino ndetse ryavuyemo gutsindwa kwa Police FC, no gutsindwa ibitego 2 mu minota 15.

Mugiraneza Miggy ni umwe mu bakinnyi bitwaye neza ubwo Police FC yatsindaga APR FC mu mukino wa shampiyona, uyu mukinnyi yari amaze iminsi atabanza mu kibuga, ndetse yakina agakina iminota mike.

Nyuma yo kugira umukino w’igitangaza, Mashami Vincent yafashe umwanzuro wo kumubanza mu kibuga, gusa mu minota 20 ya mbere byagaragaraga ko atari bwikure mu bakinnyi ba Rayon byaje no gutuma Mashami amukura mu kibuga, Rutonesha arinjira.

Ntabwo byari bikwiye ko ku mbaraga za Mugiraneza, Mashami yongera kumubanza mu kibuga n’akazi yari yakoze kuri APR FC.

Ntirushwa Aime mu mwanya wa Ntwari Evode

Mu gihe Hakizimana Muhadjiri atabaje mu kibuga, Ntirushwa Aime yari umwe mu bakinnyi bagombaga kumukorera mu ngata, gusa ntabwo ari ko byagenze kandi ibyaberaga mu kibuga yabibonaga.

N’ubwo Rayon Sports yatsinze ibitego 2 mu minota ya mbere, ibi bitego byose byabonetse bigaragara ko Rayon Sports iri gukoresha impande cyane ndetse abakinnyi bo mu mpande bari hejuru kuko bazaga no kwifatira imipira hagati.

Ku ruhande rwa Police FC abakinnyi bo hagati ugana inyuma bageragezega no kwaka imipira, byagoranaga kugira aho ijya kuko abakinnyi bari imbere umuvuduko wari muke cyane ndetse Ntirushwa Aime yari yananiwe guhagarara mu kibuga, byari kuba byiza Evode iyo abanza.

Haringingo yatinze gusimbuza Luvumbu

Umutoza Haringingo yabonye ibitego 3 hakiri kare, gusa aza gutsindwa igitego, amakipe ajya kuruhuka ari ibitego 3-1. N’ubwo Police FC nk’ikipe yari yatsinzwe ariyo yakoze impinduka kare, gusa na Rayon Sports yagombaga gukora impinduka kugira ngo ikipe igumane umuvuduko yatangiranye, ndetse inabike neza ibitego yari yiboneye.

Luvumbu wari wagize umukino mubi ku buryo buhagije, yagumye gutamba mu kibuga ntacyo afasha ikipe, kugera aho abantu bose babona ko Luvumbu atari mu mukino, ariko Haringingo abirenza amaso.

Kubanza Luvumbu mu kibuga

N’ubwo tuvuga ko Luvumbu yari hasi, ariko Haringingo yakoze n’ikosa ryo kumubanza mu kibuga. Haringingo wari ufite abakinnyi barimo Esomba Onana, Musa Esenu na Ojera Joackiam, ntabwo byari ngombwa ko Luvumbu abanza mu kibuga kuko yagombaga no gukomeza intebe y’abasimbura.

Hari aho byageze wareba ku ntebe y’abasimbura ya Rayon Sports ukibaza umukinnyi w’izina uri bujyemo akabura, ndetse icyo gihe ikipe yari imerewe nabi cyane.

Ba myugariro ba Rayon Sports bibagiwe Mugisha Didier

Rayon Sports n’ubwo yatsindaga, ariko yakomeje guhabwa ubutumwa na Mugisha Didier umaze iminsi yitwara neza muri Police FC. Uyu musore, yageze aho akina impande zose ndetse akagaruka mu kibuga hagati, byatangaga ibimenyetse ko buri mukinnyi wa Rayon Sports ukina inyuma agomba kwitonda kuko hari aho baza guhurira.

Igice cya mbere cyenda kurangira, Rwatubyaye na Ndizeye baje gusiganira gufata uyu musore, Rutonesha Hesbon amuhereza umupira ari mu kibuga hagati, uyu mupira unyuraho wiruka, usanga Mugisha arebana n’umunyezamu, kandi iyo bimeze uko Mugisha nta kindi yagukorera.

Mu gice cya kabiri nanone, uyu musore yongeye gufata umupira noneho ajya kwihanganira na Mucyo Didier wa Rayon Sports, yashatse kumusiga, undi aramuraha, havamo penariti yatewe na kabuhariwe Didier Rayon Sports aba ayitsinze igitego cya kabiri.

Rayon Sports yagombaga kuba yarangije umukino kare, ndetse bikoroha kuzakuramo Police FC, gusa ubu akazi karacyari kabisi ku mpande zombi mu mukino wo kwishyura uzaba ku wa 3 w’icyumweru gitaha.

Abakinnyi 11 Police FC yabanje mu kibuga

Abakinnyi 11 Rayon Sports yabanje mu kibuga

Onana yari hejuru cyane

Iyi kipe ikiyoboye urutonde rwa shampiyona yagiye mu mukino ibizi ko icyo igomba gukora ari ugutsinda Mani City niba ishaka kuguma ku mwanya wa mbere birambye ndetse bakaba bakwiyongerera amahirwe yo kwegukana igikombe cya Premier League. 

Ibi siko byagenze kuko Manchester City yakoze itandukaniro rigaragara biyiviramo no kubona ibitego mu buryo bworoshye, Kevin De Bruyne niwe wari uri hejuru kuko yatsinze ibitego 2 ndetse anatanga umupira uvamo igitego.

Ku munota wa 7 gusa uyu mukinnyi ukomoka mu Bubiligi yari yamaze kugiterekamo ahawe umupira mwiza na Haaland. Ku munota wa 45+2 nabwo De Bruyne yarekuye kufura nziza maze Stones atsindisha umutwe igitego cya 2. 

Mu gice cya kabiri ku munota wa 54 De Bruyne yatsinze igitego cya 3 nanone ahawe umupira na Haaland. Umuzamu wa Arsenal Ramsdale yari yarwanyije akuramo imipira ya Haaland ariko umukino ugiye kurangira akagozi kaje gucika maze uyu mukinnyi ukomoka muri Norway atsinda igitego cya 4 cya Manchester City gihita kiba icya 33 amaze gutsinda kuva yagera muri Premier League.

Yahise akuraho agahigo kari gafitwe na Mohammed Salah ko gutsinda ibitego byinshi mu mwaka w’imikino umwe muri Premier League kuko we yari yaratsinze ibitego 32.

Igitego cya Arsenal cy’impozamarira cyatsinzwe na Rob Holding ku munota wa 86 aho yari ahawe umupira na Leandro Trossard wari winjiye mu kibuga asimbuye. 

Impamvu iyi kipe iheruka kwegukana igikombe muri 2004 yatsinzwe ibi bitego byose, wasangaga bitewe n’amakosa y’umukinnyi ku giti cye ndetse na ba rutahizamu barimo Bukayo Saka wari witezweho ibintu byinshi mu kibuga yari yibuze mu mukino.

Dore abakinnyi 3 wavuga ko gutsindwa kwa Arsenal ari bo bishingiyeho:

1. Martin Odegaard: Uyu ni umukinnyi umaze igihe ayoboye Arsenal muri uyu mwaka w’imikino kuva yagirwa Kapiteni mukuru ariko ku munsi w’ejo yari yabuze mu kibuga bitewe nuko De Bruyne asa nk’uwari yashimuse umukino. Nyuma y’uko Arsenal itsinzwe igitego, kugerageza kubaka umupira bahereye inyuma byananiranye burundu.

Odegaard yananiwe kubaka uburyo bw’igitego ngo ahe imipira abakinnyi bakina ku murongo w’imbere ye nk’uko yari asanzwe abikora ari nayo mpamvu abakinnyi nka Bukayo Saka n’abandi tutigeze tubabona cyane.

Odegaard usanzwe ugereranywa na De Bruyne muri Arsenal yaraye ananiwe gufasha ibyo ikipe ye yari ikeneye ngo bashobore kubaka.

Uyu mukinnyi ukomoka muri Norway ikosa yakoze rihita rimushyira mu batsindishije ikipe ni aho yaragiye gusubiza umupira inyuma maze awutanga nabi Kevin De Bruyne ahita awifatira nawe awushyira kwa Haaland bariruka bageze imbere y’izamu nawe ahita awumusubiza maze atsinda igitego cya 3 gutyo. Odegaard ku munota wa 71 yahise asimbuzwa Emil Smith-Rowe.

Odegaard utigeze yitwara neza mu mukino

2. Thomas Partey

Uyu mukinnyi ukomoka muri Ghana nawe ntabwo yigeze abanira Arsenal ku munsi w’ejo ugereranyije n’ibyo asanzwe akora. Hejuru twavugaga ko Odegaard yananiwe akazi ke ko kubaka uburyo bw’igitego ariko n’uyu abifite mu nshingano kandi ntabyo yigeze akora. 

Uyu mugabo ntabwo yigeze ananiza Kevin De Bruyne kuko niwe wari urimo gutsindira Manchester City, ahubwo wasangaga yiruka inyuma y’abakinnyi ba Mani City bajya gutsinda ibitego gusa. 

Nyuma yuko Odegaard akoze ikosa ryo kwihera umupira De Bruyne bari mu kibuga hagati nawe akawushyira kwa Haaland, Partey yirutse inyuma ya Haaland ananirwa kumwaka umupira cyangwa ngo amubangamire bigera aho awusubiza De Bruyne atsinda igitego.

Thomas Partey utigeze akora inshingano ze mu kibuga

3. Robi Holding

Uyu mukinnyi ukina inyuma hagati (centre-back) ni umwe mu bakwiye kubazwa intsinzwi ya Arsenal mu buryo bweruye. Ubundi, ubusanzwe ntabwo Rob Holding abanza mu kibuga, nuko William Saliba usanzwe ubanza kuri uyu mwanya afite ikibazo cy’imvune. 

Ku munsi w’ejo yari afite inshingano zo gufata Erling Haaland ariko yamujyaga inyuma asa nk’umwihishaho ahubwo, igitego cya 1 ku mupira Haaland yahaye De Bruyne yari amuri inyuma mu mugongo arwana no kumwaka umupira kandi bitari bushoboke. 

Haaland yagombaga kuba yatsinze ibitego biri hejuru ya 3 bitewe n’uburyo bwinshi yabonaga imbere y’izamu nta muntu wo kumwambura umupira akarekura amashoti ahubwo ugasanga Ramsdale niwe utabaye umupira ugafatwa mu maguru. 

Igitego cya 2 De Bruyne yatsinze cyanyuze mu maguru ya Robi Holding, kuba ariwe watsinze igitego cy’impozamarira ntacyo byari bimaze cyane kuko akazi ke kari kamaze kumunanira.

Robi Holding yananiwe gukora akazi ke mu kibuga

Itegeko rishya ryatangajwe kuwa Gatatu riha Ababikira batanu uburenganzira bwo gutora muri sinodi (synod), uru ni urwego njyanama rwa Papa. Mbere, abagore bari bemerewe gusa kwitabira iryo koraniro ariko nk'indorerezi.

Abagabo n'ubundi bazakomeza kuba nyamwishi mu itora muri iyi nama ikomeye ariko izi mpinduka ziraboneka nk'izikomeye kuri Kiliziya Gatolika, yakomeje gutegekwa cyane n'abagabo kuva mu binyejana byinshi.

Women’s Ordination Conference yo muri Amerika – iharanira ko abagore baba abapadiri yise izi mpinduka 'umututu ukomeye ku gisenge cy'ikirahure cyanduye'.

Iri tsinda ryanditse kuri Twitter riti: 'Mu myaka myinshi abahagarariye Vatican n'abasenyeri barabyanze, bagahora bazana impamvu nshya abagore batemerewe gutora muri sinodi.

'Ariko impamvu itavugwa ni ivangura rishingiye ku gitsina. Mu gihe gito kiri imbere, twizeye ko sinodi izakomeza gukura ikaba urwego abantu b'Imana bahagarariwemo byuzuye.'

Mu kundi guhindura ibimenyerewe, Papa Francis yatangaje ko abantu batari abategetsi muri kiliziya bahabwa uburenganzira bwo gutora muri sinodi bazongerwa bakaba 70, ibi bizatuma iyi nama ihindura isura ntibe iy'abategetsi ba kiliziya gusa.

Papa Francis, wakomeje kuzana impinduka, yavuze ko yizeye ko icya kabiri cy'abatora muri iriya nama kizagera aho kikaba abagore ndetse yakomeje gushimangira kuzana urubyiruko.

Christopher Lamb, umunyamakuru ukorera i Vatican mu kinyamakuru cya Kiliziya, The Tablet, yatangarije BBC ko izi mpinduka 'zikomeye cyane' kandi Papa arimo kugerageza uko ahazaza ibyemezo bya kiliziya bizajya bifatwa n'ibyiciro byose by'abantu.

Yongeraho ko impinduka zigendanye n'abagore zerekana ibiva mu biganiro bimaze igihe bigarukwaho ariko 'bitabagaho mbere' ku guhagararirwa kw'abagore.

BBC yakomeje itangaza ko izi mpinduka Papa Francis yazanye, zishobora guteza umwuka mubi hagati y’uruhande rumushyigikiye n’urundo rudashyigikiye ko abagore bitabira iyi nama.