Category: Uncategorized

Ku wa gatatu mu masaha ya mbere, abakorerabushake bakomeje gushakisha nk'uko umunyamakuru wa Ouragan.cd woherejwe aho avuga.

Umubare w'abahitanywe n'ibiza byibasiye iki gice uragenda urushaho kwiyongera mu gihe imirambo 423 ari yo yabonetse, nk'uko sosiyete sivile ibivuga, ikongeraho ko kandi abantu 5.525 baburiwe irengero .

Usibye iki kibazo, imiryango myinshi y'abazize ibiza n'abacitse ku icumu yatakaje byose. Bamwe babwiye Ouragan.cd, ko bakiriye ubufasha bucye buvuye ku bagira neza.

Bati 'Kuva uwo munsi ntitwigeze turya. Tuba turebareba niba hari uwadufasha. Rimwe na rimwe duhabwa ifu nkeya, turanyura mu bihe bikomeye cyane, ntiturya, nta myenda dufite kandi nta n'uburaro dufite. Umudugudu wacu wose warasenyutse, nta kintu twakijije, twatakaje abantu n'imitungo. '

Mugisho Joseph yabuze abantu cumi na babiri bo mu muryango we mu gihe cy'ibiza. Nta byiringiro by'ejo hazaza, uyu munyekongo muri iki gihe aba mu ishuri ariko iruhande rw'umugezi uhiga ubuzima bwe.

Ati: 'Nabuze abantu cumi na babiri bo mu muryango wanjye, hasigaye batanu gusa. Ntabwo dufite inzu, twabonye ubuhungiro mu ishuri ryaho. Kubw'ibyago, ni abaturage hafi ya bose bahahungiye. Turi mu bihe bibi cyane ',

Tugarutse ku mibare, umuyobozi wa Teritwari ya Kalehe, Zirimwabagabo Thomas, avuga ko imirambo 411 ari yo yabonetse kugeza ubu, akemeza ko guverinoma y'intara yatanze ubufasha bwa mbere ku bahuye n'ibiza nubwo bidahagije bitewe n'ibyo bakeneye.

Ati 'Kugeza ejo, turi ku mirambo 411 yabonetse harimo 403 yashyinguwe, Turacyafite imirambo 9. Kuva ku Cyumweru, twapakuruye igice kinini cy'ibiribwa n'ibitari ibiribwa bigizwe n'ibishyimbo, amajerekani y'amavuta, n'amajerekani arimo ubusa yo kuvomesha amazi'.

Ku wa Kabiri, itariki ya 9 Gicurasi, Guverinoma ya Congo yatanze ubufasha bwa mbere ku baturage bahuye n'ibibazo burimo ibiribwa n'ibindi bitari ibiribwa ndetse n'amafaranga.

Source : https://umuryango.rw/amakuru/mu-mahanga/ubuzima/article/rdc-baracyashakisha-abarenga-5000-baburiwe-irengero-mu-biza-by-imvura

Inzego z'ibanze muri ako gace zavuze ko abantu 9 barimo abakuze 6 n'abana 3 bari hagati y'umwaka umwe n'itatu.

Abanduye icyo cyorezo bagaragaza ibimenyetso byo kubabara umutwe, amaso agahinduka umuhondo n'ibindi bimenyetso bidasobanutse bigaragaza icyorezo gishya nk'uko inzego z'ibanze zakomeje kubivuga..

Bamwe mu bamaze kwandura bagaragaje ko barwaye Marariya n'ibindi bimenyetso by'icyo cyorezo.

Iyi ndwara nshya yadutse mu majyaruguru ya Kenya yagaragaye mu mezi 2 nyuma y'uko abashakashatsi mu buvuzi muri icyo gihugu cya Kenya bavumbuye umubu mushya udasanzwe mu duce twa Laisamis na Saku by'umwihariko muri Marsabit county ahavugwa iyi ndwara cyane.

Source : https://umuryango.rw/amakuru/mu-mahanga/ubuzima/article/kenya-hadutse-icyorezo-kitazwi-kimaze-kwica-9-abandi-80-bajyanywe-mu-bitaro

Eliud Wekesa, uzwi cyane ku izina rya “Yesu w'i Tongaren (agace ko muri Kenya)”, ni umukuru w'idini ryitwa New Jerusalem, cyangwa Yeruzalemu Nshya, ugenekereje mu Kinyarwanda.

Ku wa gatatu yitabye polisi yo mu karere ka Bungoma mu burengerazuba bwa Kenya, nyuma yuko yari yamutumije ku wa kabiri ngo imubaze ku nyigisho ze ziteye amakenga.

Yatumye abayoboke b'idini rye bemera ko ari Yesu. Wekesa afite intumwa 12, zahawe iryo zina hagendewe ku bakomoka kuri Yakobo uvugwa muri Bibiliya.

Ariko uyu muvugabutumwa avuga ko nta kintu na kimwe kibi yakoze cyatuma atabwa muri yombi, yongeraho ko icyo akora gusa ari ukwamamaza ivanjili, nkuko bivugwa n'ibitangazamakuru byo muri icyo gihugu.

Ibi bibaye mu gihe abakora iperereza mu karere ka Kilifi gakora ku nyanja y'Abahinde ko mu burasirazuba bwa Kenya, barimo gukurikirana indi dosiye y'umukuru w'idini.

Abo bakora iperereza bavuze ko batahuye indi mirambo 21, bituma umubare w'abantu bose bamaze kumenyekana ko bapfuye ugera ku bantu 133.

Pasiteri Paul Mackenzie, umukuru w'itorero Good News International Church rifite icyicaro mu karere ka Kilifi, ategereje kuburanishwa ku birego byo gushishikariza abayoboke be kwiyicisha inzara.

Abandi bantu babarirwa mu magana batangajwe ko baburiwe irengero.

Perezida wa Kenya William Ruto yashyizeho akanama ko gukora iperereza kuri izo mpfu.

Ku wa mbere, polisi ikorera mu karere ka Kwale yatabaye abantu 200, barimo abana 50, ibakuye mu ishyamba, mu gicyekwa ko ari ugushimutwa gushingiye ku myemerere y'idini.

Source : https://umuryango.rw/amakuru/mu-mahanga/politiki/article/kenya-polisi-yatumije-pasiteri-wiyita-yesu-w-i-tongare-nyuma-y-uwashutse

Yamaze imyaka aba mu Bufaransa akoresha umwirondoro muhimbano, abona uburenganzira bwo kuba muri icyo gihugu nk'impunzi ndetse mu 2005 ahabwa ubwenegihugu bw'Ubufaransa akoresheje izina Philippe Manier.

Ibiro ntaramakuru AFP byasubiyemo amagambo y'uyu mugabo w'imyaka 66, ubwo yari abajijwe n'umucamanza kwemeza umwirondoro we, aramusubiza ati:

“Nitwa Philippe Manier”.

Yari yarigeze gukora akazi ko gucunga umutekano kuri kaminuza yo mu Bufaransa, ndetse ahungira muri Cameroun mu 2017, ubwo yari yamenye ko yashyiriweho ikirego, nkuko bitangazwa na AFP.

Yatawe muri yombi mu murwa mukuru Yaoundé wa Cameroun mu 2018 yoherezwa mu Bufaransa.

Inyandiko y'amapaji 170 ikubiyemo ikirego kimushinja yabonywe n'ikinyamakuru Le Monde cyo mu Bufaransa, irimo ko ashinjwa kugira uruhare mu bwicanyi bwakorewe abatutsi babarirwa mu magana ubwo yari umujandarume ufite ipeti rya 'adjudant-chef' mu mujyi wa Nyanza mu majyepfo y'u Rwanda.

Yahakanye ibyo aregwa. Mu gihe byaba bimuhamye, yakatirwa gufungwa burundu.

Urubanza mu mizi — igihe hazaba hatangiye kumvwa abatangabuhamya — ruteganyijwe gutangira mu kwezi gutaha kwa Kamena (6).

Uru rubaye urubanza rwa gatanu rubereye mu Bufaransa rw'umuntu ucyekwaho uruhare muri jenoside yakorewe Abatutsi mu Rwanda.

Abatutsi barenga 1000000 bishwe mu gihe cy'iminsi 100 guhera mu kwezi kwa Mata (4) mu 1994.

Source : https://umuryango.rw/amakuru/mu-rwanda/ubutabera/article/philippe-hategekimana-ushinjwa-ibyaha-bya-jenoside-mu-rwanda-yatangiye

Amashusho y'indege igurumana yagaragaye ku wa Mbere ku muyoboro wa Telegram wa Freedom of Russia Legion, umuryango wo muri Ukraine ugizwe n'abahoze mu gisirikare cy'u Burusiya na Belarus bitandukanyije nacyo.

Nk'uko amakuru avuga, ngo indege yangiritse, ni iyo mu bwoko bwa Sukhoi-24, yari iparitse hafi y'umujyi wa Novosibirsk, muri Siberia. Novosibirsk iherereye mu bilometero 2000 mu burasirazuba bw'ahabera intambara muri Ukraine.

Amakuru akomeza avuga ko indege yangijwe yajyanwe gusanwa, kandi “agatsiko katazwi” gashinjwa kuba inyuma y'icyo gitero.

Ku wa Kabiri, umujyanama wa guverinoma ya Ukraine, Anton Geraschenko, nawe yashyize ayo mashusho kuri Twitter.

Igihe abashinzwe umutekano basuraga uruganda rw'indege rwa Novosibirsk, basanze ” Su-24 yatwitswe ifite ibimenyetso byo gutwikwa”.

Nubwo Freedom of Russia Legion ivuga ko iyi Su-24 “yarimbuwe burundu,” ngo indege “ntabwo yangiritse cyane.”

Source : https://umuryango.rw/amakuru/mu-mahanga/umutekano/article/indege-ya-gisirikare-y-u-burusiya-yatwitswe-n-utazwi-abayobozi-babibona-ku

Umuhanzikazi Rihanna umaze hafi umwaka n'ukwezi yibarutse imfura ye n'umukunzi we A$AP Rocky , yatangaje amazina y'umwana we w'umuhungu yitiriye umuraperi akunda kurusha abanddi ku Isi.

Rihanna amazina y'imfura ye yayatangarije mu ikiganiro yagiranye n'ikinyamakuru cya Hollywood Unlocked aho yagize ati' 'Umuhungu wacu yitwa RZA Athelston Mayers. Nahisemo kumwitirira umuraperi nkunda kurusha abandi ku Isi, Se nawe yahisemo kumuha amazina ye abiri bivuze ko irya mbere RZA arinjye warihisemo kuko narinziko agomba kugira andi mazina ya Se'

Yakomeje agira ati: 'Athelston Mayers ni amazina ya Se, nanjye namuhaye rimwe rya RZA kuko numvaga nshaka kumwitirira umuhanzi nkunda cyane kandi ni RZA. Abanzi baziko nahereye kera mukunda. Mfite imyenda myinshi iriho isura ye cyangwa iriho itsinda rya Wu-Tang. Abantu batazi iritsinda cyangwa batazi RZA ni abavutse vuba'.

Uyu muhanzikazi yakomeje agira ati: 'A$AP ubwe ababyeyi be bamwise 'Rakim' bamwitiriye umuraperi bakundaga icyo gihe. Natwe twumvikanye ko umuhungu wacu tumwitirira umuraperi nkunda cyane kurusha abandi'.

Umuraperi RZA washinze itsinda rya Wu-Tang ni umwe mubaraperi ba banyabigwi muri Leta Zunze Ubumwe za Amerika ndetse ni umwe mu bandika bakanatunganya filime akanazikina banditse izina muri Hollywood.

Ubusanzwe uyu muraperi yitwa Robert Fitzgerald Diggs ariko yamamaye kuri 'RZA'. Iri zina ni impine y'amagambo 'Ruler, Zig-Zag-Zig (Wisdom-Understanding) Allah'.

Nkuko Rihanna yabitangaje, yavuze ko ubusobanuro bw'izina RZA bukomeye ndetse akaba yararimwise amwifuriza kuba umuyobozi n'umuntu w'umuhanga unasobanukiwe Imana nk'uko iri zina aricyo rishatse kuvuga.

Mu magambo ye Rihanna yasoje agira ati: 'RZA ni umuraperi n'ubaha cyane kandi noneho izina rye risobanuye ibintu byiza kandi nifuriza umwana wanjye. Niyo mpamvu narihisemo'.

Hollywood Unlocked yatangaje ko Rihanna asanzwe azwiho gufana cyane itsinda rya Wu-Tang Clan kandi ko yambara cyane imyenda yabo iriho RZA warishinze. Ibi ngo ntibitangaje kuba yarahisemo kumwitirira imfura ye.

Source : https://umuryango.rw/imyidagaduro/article/nyuma-y-umwaka-yibarutse-rihanna-yahishuye-amazina-y-imfura-ye-yitiriye

Trump avuga ko kandi mu gihe yagaruka kuri iyo ntebe y'ubutegetsi bw'Amerika yabonera umuti ikibazo cy'intambara ya Ukraine n'Uburusiya mu masaha 24 gusa.

Ibi yabivugiye mu kiganiro n'itangazamakuru cyaciye kuri Televiziyo ya CNN ,cyatunguranye kuko imyitwarire nk'iyi nti yakunze ku muranga kuva yava ku butegetsi.

Ku bibazo yabajijwe, Trump yaranze kuvuga nimba Perezida Vladimir Putin w'Uburusiya akora ibyaha byo mu ntambara, akavuga ko iki kibazo 'kizaganirwaho nyuma'.

Ati: “Uvuze ko akora ibyaha byo mu ntambara, aha byagorana kugera ku kumvikana ngo intambara irangire'.

Kubwa Trump, Perezida Putin yakoze ikosa rikomeye ryo gutera Ukraine ariko yanze kugaragaza aho ahagaze kuwo yifuza ko yatsinda intambara.

Ati: “Sintekereza kubyo gutsinda cyangwa gutsindwa, njye ntekereza ku buryo iyi ntambara yarangira mu mahoro'.

“Abantu barapfa, abanya-Ukraine n'Abarusiya. Nshaka ko bahagarika gupfa, kandi nzabikora mu masaha 24.

“Ikosa [rya Putin] ni uko yateye kiriya gihugu. Ntabyo yari gukora iyo mba nari umukuru w'igihugu'.

Ubushakashatsi bwerekana ko Abarepubulika badashimishijwe n'imfashanyo y'intambara Amerika iha Ukraine bakomeza kwiyongera.

Abari bitabiriye iki kiganiro bakomeje gukomera amashyi menshi cyane Trump ku bintu byose yagenda ga avuga kuri Ukraine.

Mu gihe bamwe mu bategetsi b'Abarepubulika n'ubutegetsi bwa Biden bashobora kwemera gukomeza gufasha Perezida Volodymyr Zelensky wa Ukraine, bigenda bigaragara neza ko manda ya kabiri ya Trump nk'umukuru w'igihugu yazana impinduka zikomeye muri poritike y' Amerika.

Source : https://umuryango.rw/amakuru/mu-mahanga/politiki/article/trump-yahize-kurangiza-intambara-ya-ukraine-n-uburusiya-mu-munsi-umwe-aramutse

Abajura bakomeje guhanga udushya muri uyu mwuga, na we iyumvire amayeri basigaye bakoresha ngo bibe abaturage utwabo

Bamena amazi, Ibisambo byize amayeri mashya yo kujya kwiba mu ngo z'abantu mu ijoro.

Abajura bakomeje guhanga udushya muri uyu mwuga dore ko bigeze aho bari kujya kwiba bagafungura amazi yo kuri robine maze ba nyiri rugo babyuka baje kuyafunga bakagwa mu gaco k'abajura.

Mu miburo iri gutangwa hirya no hino ku mbuga nkoranyambaga, abantu bari gusabwa kutajya basohoka kuko abajura baba bari hafi aho.

Source : https://yegob.rw/abajura-bakomeje-guhanga-udushya-muri-uyu-mwuga-na-we-iyumvire-amayeri-basigaye-bakoresha-ngo-bibe-abaturage-utwabo/

Abahanga bavuga ko burya umusore mwiza atari ufite amafaranga cyangwa umwiza ku isura, ahubwo umusore mwiza ni umusore wiyubaha kandi uzi icyo gukora mu gihe cyanyacyo.

Burya ikizakubwira ko umusore mu kundana azavamo umugabo mwiza, ni uko uwo musore aba yiyubaha, dore ibiranga umusore wiyubaha.

1.Umusore wiyubaha ntiyirukanka mu bagore n'abakobwa: iyo mukundana ntajya agumya kugudika cyane n'abandi bagore ngo azane ibintu byo kuguca inyuma.

 

2. Umusore wiyubaha ntanywa inzoga ngo asinde; singombwa buri gihe ngo ukunde umusore utanywa inzoga, niyo azinywa ntacyo bitwaye ariko akazinywera ku rugero kandi mu gihe cyanyacyo.

 

3.Umusore uzavamo umugabo mu zima aba azi guhangira amafaranga: singombwa ngo abe agundira amafaranga, Oya!, ahubwo biterwa nuko ayakoresha ndetse n'uburyo ayatangamo, rero ugomba kureba umusore uzi gukoresha amafaranga neza kandi uzi kuyashaka.

4. Umusore wiyubaha yubaha n'abandi, ntuzigire wemera gukomeza gukundana n'umusore ubona utajya w'ubaha bagenzi cyane cyane abana n'abagore, ntaba atabubaha nawe ntazakubaha.

5. Umusore uzavamo umugabo ntajya avuga amagambo adakenewe, ntaba akunda kujya mu matiku ya hato na hato adakenewe.

6. Umusore uzavamo umugabo mwiza iteka ryose ntatekereza ibijyanye no gusohoka cyangwa kuryamana, ahubwo ahora ashyira imbere ibyateza inyungu umubano wanyu ndetse n'urugo rwanyu.

Source : https://yegob.rw/ibintu-6-bizakwereka-ko-umusore-mukundana-azavamo-umugabo-mwiza-kandi-uguhesheje-ishema/

Umutoza wa APR FC, Ben Moussa yavuze ko atorohewe n’imvune kuko ubu amaze kugira abakinnyi 5 bose babanza mu kibuga bavunitse.

Uyu mutoza waraye unganyije na Kiyovu Sports muri 1/2 cy’igikombe cy’Amahoro 1-1 mu mukino ubanza, yavuze ko n’ubwo benshi batashimishijwe n’umusaruro arimo atanga ariko na none imvune zitamubaniye.

Amaze iminsi akina nta ba myugariro be 3 basanzwe babanza mu kibuga, Buregeya Prince wavunitse, Niyomugabo Claude we yarabazwe na Niyigena Clement warwaye Malaria.

Ku mukino w’ejo akaba yaratakaje abandi bakinnyi babiri ibintu avuga ko bitoroshye kuri we.

Ati “Nugarijwe n’imvune cyane, Ruboneka [Bosco] na Ishimwe Pierre bavunitse, basanga Niyigena Clement, Buregeya Prince ndetse na Niyomugabo Claude.'

Ikindi kandi uyu mutoza yagaragaje kutishimira uburyo ingengabihe iteguwe kuko ngo abakinnyi barimo gukina imikino myinshi mu gihe gito cyane ko mu byumweru 2 bakinnyemo imikino 6, asaba FERWAFA kubihindura.

Kiyovu Sports izongera gucakirana na APR FC ku Cyumweru tariki ya 15 Gicurasi 2023 mu mukino wo kwishyura wa 1/2 mu gikombe cy’Amahoro.

Ben Moussa yavuze ko atorohewe n’imvune

Source : http://isimbi.rw/siporo/article/umutoza-wa-apr-fc-yavuze-ihurizo-ritamworoheye-afite