Webrwanda Backend

Category: Uncategorized

  • CLADHO irasaba leta gukurikirana abana bahoze batuye mu manegeka bataye ishuri #rwanda #RwOT

    Ihuriro ry'imiryango itari iya leta irengera uburenganzira bwa muntu CLADHO, irasaba leta ko yashyiraho uburyo bwihariye bwo gukurikirana abana bagize inzitizi zo gukomeza amashuri kubera ko imiryango yabo yimukiye kure y'aho bigaga, kubera gahunda ya leta yo kwimura abari batuye ahafatwa nk'ahashobora gushyira ubuzima bwabo mu kaga.

    Ku mwanywa y'ihangu umwe mu batuye mu nkengero z'ahahoze inzu zasenywe kubera ko zari ahashyira ubuzima bwabo mu kaga mu mujyi wa Kigali ari kudutungira urutoki umwana muto tudashaka kugaragaza imyorondoro ye ariko uri mu kigero cy'imyaka 9, ari kwikorera amatafari ayavana ahasenywe kandi ni mu gihe cyo kwiga.

    Uyu mwana w'umuhungu arabona ibyuma bifata amashusho akagerageza ku byihisha, umubyeyi waduhaye amakuru azi neza imyirondoro y'uwo mwana kandi ababyeyi be bimukiye kure y'ikigo yigagaho.

    Ati 'Ariga ariko sinzi impamvu atagiyeyo. Buriya ni ikibazo cy'inzara, barabasenyeye(iwabo) bari batuye Rwagikwanzi mo hano,barakodeshaga. Hariho umwana nzi ko yitwa Didier ntabwo yiga, birirwa hano basyaga amakara kubera ko batabonye aho bajya, bagenda bacumbika aho bagenzi babo.'

    Mukeshimana Esperance, nawe yari atuye ahasenywe kubera ko hashyiraga ubuzima bwe mu kaga, ariko arakomeza acumbika hafi y'aho afite abana batatu(3) babiri muri bo bakuru  yabohereje Nyagatare, undi umwe abana na Se, abo babiri bajyanwe mu ntara azi neza ko batiga.

    Ati 'Uko byagenze njye nabuze uko mbigenza abana ndabatandukanya muri bya bihumbi 30 bampaye mpita mfata itike ntegera babiri bajya iwacu mu Mutara ahitwa  Karangazi,undi muha Papa we kuko tutabanaga ari hariya ku Muhima. Ntabwo biga.'

    Uyu mwana w'umuhungu tutashatse kugaragariza imyirondoro nawe twamusanze mu mirimo yo kwikorera amatafari, ayavana ahasenywe amazu y'abari batuye ahashyira ubuzima bwabo mu kaga, nawe avuga ko yahoze yiga ariko kubera ko abayeyi be bimuriwe kure y'aho yigaga ntakiga.

    Ati 'Mba ndigutunda amatafari nabona nicyo kiyede nkagikora, kugira ngo nkunde mbeho. Nari nsigaye niga imyuga hano ku Gasave ariko kubera ubushobozi bucye nahise mbivamo baravuga bati (ababyeyi) kuba tugiye kuba mu nzu za menshi kuko bahise banazuriza ntabwo wakwiga kuko mama yishuriraga abana batanu mbura uko mbigenza.'

    Hari abemeza ko hari ababyeyi bagize imbogamizi zo gusubiza abana babo mu ishuri, nyuma yo gusabwa kwimurwa ahafatwa nk'ahashyira ubuzima bwabo mu kaga.

    Ihuriro ry'imiryango itari iya leta irengera uburenganzira bwa muntu CLADHO, naryo ryemera ko hari ingaruka zituruka  ku kwimura abantu bari batuye ahafatwa nk'ahashobora gushyira ubuzima bwabo mu kaga, zirimo n'abanyasheshuri batakiga.

    Bwana Emmanuel Safari, umunyamabanga nshingwabikorwa  w'ihuriro CLADHO, hari icyo abona cyakorwa mu rwego rwo kwirinda ingaruka zo guta ishuri z'igihe kirekire.

    Ati 'Bicare batekereze kuri buriya burenganzira bw'umwana bwo kwiga, barabigenza gute? Tuzi ko ministeri y'uburezi ni imwe muri za minisiteri zigenerwa ingengo y'imari, bafate ingengo y'imari bashyireho porogaramu yihuse kuri bariya bana, ndibaza ko baba babazi, barebe uburyo bakwiga.'

    Yakomeje agira ati 'Niba baratakaje ibyumweru bibiri cyangwa se kugeza n'ubu batariga, bigishwe, bakwigishwa ku ikoranabuhanga babashakire ibikoresho bigishwe kandi bagendere kuri gahunda y'abandi kugira ngo batazatakaza umwaka wabo. Bitagenze gutyo ejo bundi twaba dufite abana batakaje umwaka wo kwiga, tuzaba dufite aban batakaje uburere mu miryango yabo, tuzaba dufite abana batagendana n'abandi. '

    Twashatse kumenya icyo inzego zishinzwe uburezi mu Rwanda ziteganya kuri iki kibazo ariko ntitwashoboye kuzibona.

    Gusa Tariki 23 Gicurasi 2023, umujyi wa Kigali wari wandikiye uturere twose tuwugize, gukurikirana ko ibigo by'amashuri byakira abanyeshuri by'umwihariko abimukiye kure y'ibigo bigagaho.

    Tito DUSABIREMA

    The post CLADHO irasaba leta gukurikirana abana bahoze batuye mu manegeka bataye ishuri appeared first on FLASH RADIO&TV.

    Source : https://flash.rw/2023/05/31/cladho-irasaba-leta-gukurikirana-abana-bahoze-batuye-mu-manegeka-bataye-ishuri/?utm_source=rss&utm_medium=rss&utm_campaign=cladho-irasaba-leta-gukurikirana-abana-bahoze-batuye-mu-manegeka-bataye-ishuri

  • Umukuru w'Igihugu yongereye abayobozi ba RIB indi manda y'imyaka (…) – Umuryango.rw #rwanda #RwOT

    Iteka rya Perezida ryo ku wa 26 Gicurasi 2023 niryo rigaragaza ko Col. Ruhunga na Kalihangabo bongerewe manda. Ryasohotse mu igazeti ya Leta yo ku wa 30 Gicurasi 2023.

    Ni icyemezo bigaragara ko cyafashwe bisabwe na Minisitiri w'Abakozi ba Leta n'Umurimo, ndetse byemezwa n'Inama y'Abaminisitiri yateranye ku wa 24 Werurwe 2023, imaze kubisuzuma.

    Undi bongerewe manda mu gihe kimwe ni Burayobera Umuzayire Bibiane, Visi Perezida
    wa Komisiyo y'u Rwanda ishinzwe Ivugururwa ry'Amategeko.

    Ingingo ya 20 y'itegeko rishyiraho RIB, iteganya ko Umunyamabanga Mukuru n'Umunyamabanga Mukuru wungirije bagira manda y'imyaka itanu ishobora kongerwa rimwe gusa.

    Iri teka ryatangiye gukurikizwa ku munsi ryatangarijweho mu Igazeti ya Leta ya Repubulika y'u Rwanda, icyakora, agaciro karyo gahera ku wa 9 Mata 2023 kuri Rtd Col. Ruhunga na Kalihangabo, no ku wa 27 Mata 2023 kuri Umuzayire.

    Tariki ya 9 Mata 2018 nibwo Perezida Kagame yashyizeho Col. Ruhunga nk'Umunyamabanga Mukuru wa RIB naho Kalihangabo Isabelle agirwa Umunyamabanga Mukuru Wungirije.

    Barahiriye izi nshingano ku wa 10 Mata, imbere y'abagize Inteko ishinga amategeko.

    Col Ruhunga na Kalihangabo nibo bayobozi ba mbere RIB yagize kuva yashyirwaho n'itegeko muri Mata 2017, icyo gihe ikaba yarahawe inshingano zo kugenza ibyaha, mbere zabarizwaga muri Polisi y'u Rwanda.

    Nyuma yo kujyaho, hakurikiranywe ibyaha bikomeye byanafatiwemo abantu benshi nk'abari abayobozi ba MRCD/FLN barimo Nsabimana Callixte Sankara na Paul Rusesabagina ndetse n'abafatiwe mu bindi bikorwa bitandukanye byari bigambiriye

    Source : https://umuryango.rw/amakuru/mu-rwanda/umutekano/article/umukuru-w-igihugu-yongereye-abayobozi-ba-rib-indi-manda-y-imyaka-5

  • Icyogajuru cya Koreya ya Ruguru cyashwanyukiye mu nyanja – Umuryango.rw #rwanda #RwOT

    Leta ya Koreya ya Ruguru yatangaje ko mu minsi ya vuba izongera kugerageza icyo cyogajuru cyiswe Chollima-1.

    Icyogajuru cyashwanyutse kikimara guhaguruka kubera ibibazo bya moteri yatumye igice cyo hasi n'icyo hejuru by'icyogajuru bidatandukana uko bikwiriye.

    Bivugwa kandi ko ikoranabuhanga rya moteri y'icyo cyogajuru ryari riri ku rwego rwo hasi, mu gihe n'ibikomoka kuri peteroli cyakoreshaga bitari byizewe neza.

    Ikigo gishinzwe ibyogajuru muri Koreya ya Ruguru cyatangaje ko kigiye gukora igenzura ku cyatumye icyo cyogajuru gipfuba, mbere yo kugerageza ikindi.

    Iki cyogajuru nicyo cya mbere cy'ubutasi bwa gisirikare Koreya ya Ruguru yari yohereje mu kirere.

    U Buyapani buherutse guha gasopo Koreya ya Ruguru nyuma y'uko itangaje ko hari icyogajuru iteganya kohereza mu isanzure, aho bwavuze ko nihaba ikosa kikinjira mu kirere cyabwo bazagihanura.

    Source : https://umuryango.rw/amakuru/mu-mahanga/umutekano/article/icyogajuru-cya-koreya-ya-ruguru-cyashwanyukiye-mu-nyanja

  • Itangazo:UFITINEMA Abdoul karim yasabye guhindura amazina akitwa (…) – Umuryango.rw #rwanda #RwOT

    Uwitwa UFITINEMA Abdoul karim yasabye guhindura amazina mu buryo bwemewe n'amategeko UFITINEMA Abdoulkarim Vianney mu bitabo by'irangamimerere.

    Impamvu atanga zituma asaba guhindura amazina akaba ari uko ari amazina yakoreshaga kuva yatangira kwiga.

    Source : https://umuryango.rw/amatangazo/article/itangazo-ufitinema-abdoul-karim-yasabye-guhindura-amazina-akitwa-ufitinema

  • Miss Bahati Grace yatomoye umugabo we ku isabukuru y'amavuko[AMAFOTO] – Umuryango.rw #rwanda #RwOT

    Miss Bahati Grace wegukanye ikamba rya nyampinga w'u Rwanda wa mbere mu mwaka 2009 yatomoye umukunzi we ku isabukuru y'amavuko.

    Ku wa 31 Gicurasi 2023 nibwo Murekezi Pacifique yizihiza umunsi mukuru we w'amavuko, kuri iyi nshuro ari kuwizihizanya n'umuryango we mushya nyuma y'imyaka ibiri arushinze na Miss Bahati Grace.
     
    Mu butumwa yasangije abamukurikira ku rukuta rwe rwa Instagram yifurije isabukuru nziza umugabo we,amubwira amagambo y'urukundo amwibutsa urwo amukunda.

    Mu magambo ye Miss Bahati Grace yagize ati 'Isabukuru nziza y'amavuko rukundo rwanjye, umugabo w'inyangamugayo wuzuye kwihangana n'ubumuntu.'
    'Nshimishijwe cyane n'ubuzima bwawe, ndumva nishimiye kuba umugore wawe kandi ndasenga ngo uwiteka yuzuze iminsi yawe yose umunezero kandi uhorane ubutoni. Ngukunda urutagereranywa!'

    Muri Nzeri 2021 nibwo Miss Rwanda mu 2009, Bahati Grace, yakoze ubukwe muri Leta Zunze Ubumwe za Amerika n'uwo yihebeye, Murekezi Pacifique umuhungu wa Fatikaramu wakinnye mu Ikipe ya Rayon Sports.

    Mu minsi ishize mu kiganiro Miss Bahati yagiranye na Ally Soudy ku rubuga rwa Instagram, yahishuye byinshi byihariye ku buzima bwe kuva mu bwana kugeza abaye Nyampinga w'u Rwanda.

    Ati 'Imana yampaye imiryango ibiri Maxwells na Bars. Ndabashimira byatangiye ari ubushuti nyuma biza kuba umuryango. Nterwa ishema no kubita umuryango n'ubwo dufite uruhu rutandukanye, bambereye abantu beza.'

    Yavuze ko nyuma yaje kubona ibyangombwa bimwemerera kwiga muri Amerika no kuhatura, nyuma akaza no kugenda abona uko yiga kaminuza byoroshye ubuzima bugakomeza kugenda buba bwiza.

    Kugira umwana avuga ko byamuteye imbaraga zo gukora cyane kuko buri gihe yabyukaga saa kumi n'imwe za mu gitondo, kugira ngo abone uko amujyana kwiga.
    Yemeza ko kimwe mu bintu yahoze atekereza kuva akiri muto ari ukuzarera umwana we neza kandi akamuha uburere bukwiriye, ubu akaba yishimira ko aho bigeze abona ko yabigezeho.

    Ati 'Abazi umwana wanjye babona ko afite urukundo n'ubwo yaruhawe n'umubyeyi umwe. Nakuze mfite ishyaka ryo kumva ko ningira umwana nzagerageza kumugarariza urukundo no kumuha ibyo akeneye byose. Maze kumubona byansabye ko nigomwa byinshi ariko ntangiye kubona umusaruro wabyo.'

    Source : https://umuryango.rw/imyidagaduro/article/miss-bahati-grace-yatomoye-umugabo-we-ku-isabukuru-y-amavuko-amafoto

  • Ibitangaje ku musore uri mu munyenga w'urukundo n'abakobwa 3 bavukana – Umuryango.rw #rwanda #RwOT

    Uyu uzwi nka 'Big Guy Stevo'ubana n'abakobwa 3 b'impanga bavukana,yatangaje ko akunda abagore benshi kandi ko urukundo rwe rutagarukira ku mudamu umwe gusa.

    Aba bakobwa batatu b'impanga, Cate, Eva, na Mary na bo bakomoka muri Kenya, bagaragaje ko bakundana n'umugabo umwe, Stevo, nyuma yo kumukunda.

    Avuga ku mibanire ye n'aba bakobwa mu kiganiro na CitizenDigital, Stevo yavuze ko kuba akunda abagore benshi ari yo mpamvu yahisemo kugirana umubano n'aba bakobwa batatu.

    Uyu mugabo yavuze ko amaranye amezi abiri n'aba bakobwa kandi afite icyizere ko umubano wabo uzakura bakagira umuryango umwe munini.

    Ati: 'Ndi umuntu w'umwizerwa ugira ubuntu kandi ibyanjye byose biza ari binini,yaba n'imigisha; niyo mpamvu banyita Big man Stevo.Mpora nizeye ko urukundo rwanjye rutarangirira ku mukobwa umwe,kandi muri kamere yanjye navutse ndi umuntu ukunda abagore benshi kandi buri wese arabizi.Mpora ndi inyangamugayo kandi ndi umwizerwa kuko n'abahoze ari abakunzi banjye twatandukanye kuko nababwiraga ko nshaka gushaka undi. Sinshaka kubeshya,nashakaga kongeraho ko imigisha insanga mu nzira zanjye bitunguranye iyo nyikeneye.

    Avuga ku rukundo rwe n'izi mpanga 3 yagize ati 'Tumaranye amezi abiri gusa kandi turabana buri munsi. Buri wese yigira kuri mugenzi we; duhana umwanya…..'

    Muri icyo kiganiro,aba bakobwa batatu bemeje ko bose bafite ingengabihe y'uri buraranena Stevo buri munsi.

    Icyakora bemeje ko bamuhagije ndetse ko batazigera bemera ko azana undi mugore.

    Stevo yongeyeho ati: 'Kuki abantu bashidikanya ko nashimisha abagore batatu, nta gitangaje kirimo. Kuri njye rero mu cyumweru turahura uko turi batatu. Buri wa mbere ni Mary, Ku wa kabiri ni Cate,Eva ni ku wa gatatu.Muri wikendi turahura twese kandi tugira ibihe byiza. '

    Aba bakobwa batatu bemeje ko aribwo bwa mbere bose bakundanye n'umugabo umwe.

    Source : https://umuryango.rw/ubuzima-115/udushya/article/ibitangaje-ku-musore-uri-mu-munyenga-w-urukundo-n-abakobwa-3-bavukana

  • Ubuhamya: Uko umunyarwandakazi yaciwe intoki kubera ibiyobyabwenge (Amafoto) – YEGOB #rwanda #RwOT

    Umugore witwa Mukanoheli utuye mu karere ka Burera mu murenge wa Cyanika, amaze imyaka 4 mu gahinda yatewe n'umugabo we, wamutemye akamuca urutoki, yarangiza agatorokera muri Uganda.

    Uyu mugore utuye mu Mudugudu wa Munini Akagari ka Kagitega, avuga ko kuva babana, nta mutekano bigeze bagira mu rugo rwabo, biturutse ku biyobyabwenge uwo mugabo yahoraga anywa.

    Yagize ati 'Igihe cyose yabaga yasinze kubera za kanyanga n'urumogi, akabinywera muri santere za hano, hakaba ubwo anaciye panya akajya za Uganda, yagera mu rugo avuyeyo akaduteraho amahane, ibintu byose byo mu nzu agaterera hejuru, mbese n'abaturanyi barumiwe'.

    Akomeza agira ti 'Yari afite undi mugore wa kabiri. Twagiraga agahenge iyo yabaga yaraye kuri uwo mugore cyangwa mu kabari. Rimwe aza gutaha nanone yiyahuje ibiyobyabwenge ubona isura yahindutse nk'iy'igisimba, n'amahane menshi ahita afata umuhoro aransingira antema mu kiganza, ako kanya urutoki rw'igikumwe ruhita ruvaho. Ngo yanzizaga ko nari nemeye ko umwana wacu ajya kwiga mu gihe we icyo yashakaga ari uko ava mu ishuri burundu'.

    Source : https://yegob.rw/ubuhamya-uko-umunyarwandakazi-yaciwe-intoki-kubera-ibiyobyabwenge-amafoto/

  • Umutoza wa APR FC yavuze ku hazaza he muri iyi kipe #rwanda #RwOT

    Umunya-Tunisia utoza ikipe ya APR FC, Ben Moussa yavuze ko atazi ahazaza he muri iyi kipe nyuma y’uyu mwaka w’imikino wa 2022-23.

    Uyu mutoza asigaje umukino umwe, ni umukino wa nyuma w’igikombe cy’Amahoro cya 2023 agomba guhuramo na Rayon Sports tariki ya 3 Kamena 2023 kuri Stade Mpuzamahanga ya Huye.

    Aramutse acyegukanye cyaba ari igikombe cya kabiri yegukanye mu mwaka umwe w’imikino, ni nyuma y’uko ku Cyumweru tariki ya 27 Gicurasi yegukanye igikombe cya shampiyona ya 2022-23.

    Mu kiganiro yahaye ikinyamakuru ISIMBI, Ben Moussa abajijwe ku hazaza he muri iyi kipe y’Ingabo z’Igihugu niba azakomezanya nayo umwaka utaha, yavuze ko atabizi ibyo ari ubuyobozi bw’ikipe bubifite mu biganza.

    Ati 'ntakubeshye ibyo ntiwabimbaza kuko simbizi, wabibaza ubuyobozi ntubimbaze rwose.'

    Ben Moussa yageze muri APR FC muri uyu mwaka w’imikino aho yaje aje kungiriza umunya-Maroc, Adil Erradi Mohammed.

    Yaje kugirana ibibazo n’ikipe, arahagarikwa ibihano birangiye yanga kugaruka mu kazi ari nabwo ubuyobozi bwa APR FC bwafashe umwanzuro wo kugira Ben Moussa umutoza mukuru wa APR FC.

    Ben Moussa yavuze ko atazi ahazaza he muri APR FC

    Source : http://isimbi.rw/siporo/article/umutoza-wa-apr-fc-yavuze-ku-hazaza-he-muri-iyi-kipe

  • Ibice bishya bya Seri The Bishops Family b… – #rwanda #RwOT

    Aha ikaze abari bitabiriye ibyo birori, Umuyobozi ushinzwe ubucuruzi muri CANAL+ RWANDA, yatangaje ko yishimiye igaruka rya seri ya The Bishop’s Family, kuko ari seri yakunwze n’abafatabuguzi benshi kubera ubuhanga bwayo.

    Mu ijambo ry'umuyobozi wa ZACU Entertainment, Wilson Misago, yavuze ko bakomeje kwishimira ubufatanye bafitanye na CANAL+ mu gutegura ibihangano bishimishije mu gukomeza gususurutsa abafatabuguzi ba CANAL+ binyuze kuri shene ya ZACU TV.

    Niyoyita Roger umuyobozi wayoboye iyi filime yerekanye abakinnyi bakinnye iyi filime n'abakozi batandukanye bagize uruhare mu kuyitunganya, ashimira ubuhanga ndetse no kwitanga byabaranze mu gihe yatunganywaga.

    Umuyobozi wari uhagarariye Minisiteri y’Ubumwe bw’Abanyarwanda n’Inshingano Mboneragihugu (MINUBUMWE), akaba ashinzwe Umuco, Jean Leonard Dukuzumuremyi, mu ijambo rye yavuze ko ashimishijwe n'intambwe imaze guterwa muri sinema nyarwanda, ubuhanga n'impano.

    Yagarutse ku bakinnyi ba sinema nyarwanda, abashimira cyane ubuhanga bakomeje kugaragaza anabashishikariza kudacika intege kuko ibyo bakora bifite umumaro kandi bidashyize kera umusaruro uzatangira kugaragara. Ikindi yabijeje ubufasha buzabafasha gukomeza gutera imbere.

    Biteganyijwe ko ibice bishya by'iyi filime ya The Bishop’s Family bitangira gutambuka kuri shene ZACU TV CH 38 tariki ya 31 Gicurasi 2023.

    CANAL+ iributsa buri wese ko adakwiye gucikwa n’iyi seri nshya kuko hari Promotion aho ubu dekoderi iri kugura 5,000 Frw naho abasanganzwe ari abakiriya nabo bakaba bahabwa inyongera y'iminsi 15 bareba amashene yose ya CANAL+ mu gihe bongereye ifatabuguzi bari basangwanywe cyangwa iryisumbuyeho.

    CANAL + RWANDA yamuritse ibice bishya bya 'The Bishop’s Family'

    Umuyobozi Mukuru wa Zacu Entertainment, Wilson Misago, yatangaje ko bakomeje kwishimira ubufatanye bafitanye na Canal+

    Abakinnyi ba 'The Bishop’s Family' bitabiriye ibi birori byabereye kuri Canal Olympia

    Source : https://inyarwanda.com/inkuru/129985/ibice-bishya-bya-seri-the-bishops-family-byatangiye-kwerekanwa-kuri-shene-ya-zacu-tv-129985.html

  • Karim Benzema mu nzira zimugonganisha na Cris… – #rwanda #RwOT

    Amakipe yo muri shampiyona ya Saudi Arabia akomeje urugendo rukomeye rwo kugura abakinnyi bakomeye kugira ngo igihugu cyabo kigumye kumenyekana ndetse yewe n’umupira w’amaguru wabo ukomere na shampiyona muri rusange.

    Nyuma yuko Al Nassr iguze Cristiano Ronaldo, Al Hilal ikaba iri mu biganiro na Lionel Messi, hari n’indi kipe yo muri Saudi Arabia itatangajwe izina yamaze kuganiriza Karim Benzema ndetse yanamuhaye amafaranga menshi cyane mu gihe yaba yemeye kuyerekezamo.

    Nk’uko umunyamakuru Fabrizio Romano yaraye abitangaje, Karim Benzema nawe ku giti ke yamaze kubibwira Real Madrid ko hari ikipe yo muri Saudi Arabia iri kumushaka cyane ndetse ikaba iri no kumuha amafaranga menshi cyane. 

    Iyo kipe yo muri Saudi Arabia yajya imuhemba Miliyoni 100 z’amayero buri mwaka. 

    Amasezerano ya Karim Benzema muri Real Madrid yararangiye, gusa yari yaramaze kwemeranya n’iyi kipe ko azasinya undi mwaka umwe gusa byari mu magambo ntabwo yari yagateretse umukono ku masezerano.

    Kugeza ubu Real Madrid itegereje umwanzuro we wa nyuma ikamenya niba imwongerera amasezerano ikagumana nawe cyangwa niba azagenda. 

    Karim Benzema yageze muri Real Madrid muri 2009, yakinnye imikino 647, atsinda ibitego 353 ndetse anatanga imipira 165 yavuyemo ibitego. 

    Yatwaye Balloon d’Or ku giti cye, atwara Champions League 5, atwara ibikombe by’Isi by’amakipe asanzwe (club) 5, ibikombe bya shampiyona 4, ibikombe bya Copa del Rey 3 ndetse n’ibindi.

    Karim Benzema yamaze kubwira Real Madrid ko hari ikipe yo muri Saudi Arabia imushaka 

    Real Madrid yari yamaze kwemeranya na Karim Benzema ko azayisinyira amasezerano y’undi mwaka umwe ariko bishobora kurangira atayasinye

    Benzema ashobora kongera kugongana na Lionel Messi ndetse na Cristiano Ronaldo

    Source : https://inyarwanda.com/inkuru/129975/karim-benzema-mu-nzira-zimugonganisha-na-cristiano-ronaldo-na-lionel-messi-129975.html