Category: Uncategorized

Inyandiko z'urwego rw'ubutasi za Amerika (CIA) zagaragaje ko Repubulika Iharanira Demokarasi ya Congo (RDC) ya Perezida Felix Tshisekedi imaze igihe ifite umugambi wo gukuraho ubutegetsi bw'u Rwanda yifashishije imitwe nka Mai Mai na FDLR, nyuma yo kunanirwa gutsinsura umutwe wa M23.

Guhera mu mpera z'icyumweru gishize, hari inyandiko yakwirakwijwe ku mbuga nkoranyambaga, bigaragara ko ari paji imwe yafotowe ikuwe muri raporo nini.

Ni inyandiko y'ubutasi bwa Amerika, aho urwo rupapuro rwafotowe ruriho isesengura CIA yakoze igendeye ku butasi bwa RDC ku kibazo cy'umutekano mu Burasirazuba.

Ibyanditse bishingiye ku makuru y'ubutasi n'inama by'Umuyobozi wungirije ushinzwe ubutasi muri Kivu y'Amajyepfo, Kwalezitime Lilungi Dodo, yatanze mu ntangiriro z'uyu mwaka by'uko abona ikibazo cya M23 cyarangira.

CIA igaragaza ko uyu Lilungi asanzwe ari umwe mu barwanya cyane u Rwanda na M23, ndetse muri Mutarama uyu mwaka ngo 'yatanze igitekerezo cyo kwifashisha inyeshyamba nka Mai Mai n'izindi mu gukuraho ubutegetsi bwa Perezida Paul Kagame.'

Ibi bitekerezo bya Lilungi byaje hashize ukwezi Perezida Tshisekedi atanze igitekerezo nk'iki ubwo yahuraga n'urubyiruko mu Ukuboza 2022.

Tshisekedi yavuze ko muri gahunda afite harimo gufasha Abanyarwanda gukuraho ubutegetsi bafite.

Yagize ati 'Abanyarwanda ni abavandimwe bacu, ahubwo bakeneye ubufasha bwacu kuko baraboshywe, bakeneye ubufasha bwacu ngo tubabohore […] ni abavandimwe bakeneye ko dushyira hamwe tukabakiza abayobozi babasubiza inyuma.'

RDC guhera mu 2022 yafatanyije na FDLR mu kugaba ibitero ku Rwanda biburizwamo, ndetse u Rwanda ruherutse kugaragaza ko hari n'ibindi byari byateguwe kugabwa ubwo rwakiraga inama ihuza ibihugu bikoresha Icyongereza (CHOGM) ariko bikaburizwamo.

CIA igaragaza ko inama Lilungi yatanze muri iyo nyandiko yo mu kwezi kwa kabiri, ari uko ingabo z'umuryango wa Afurika y'Iburasirazuba (EAC) ziri muri Congo zirukanwa, kuko ngo ari 'umufatanyabikorwa mu gushaka gucamo Congo ibice by'umwihariko biturutse ku ngabo za Kenya zitagira icyo zikora n'ibindi byatumye zitakarizwa icyizere muri RDC.'

Muri ubwo busesenguzi bw'ubutasi Lilungi yoherereje abamukuriye i Kinshasa, yagaragaje ko Congo ikwiriye gushakira umuti ikibazo cy'ubushotoranyi bw'u Rwanda ititabaje ikindi gihugu icyo aricyo cyose muri EAC.

CIA igira iti 'Lilungi yatanze icyifuzo cy'uko ingabo za Kenya n'iza Uganda zirukanwa kuko ziri mu mugambi w'abashaka gucamo ibice Congo […] Abona kuba inzego z'umuryango mpuzamahanga ziri mu Burasirazuba bwa Congo bituma umutekano utagaruka kuko ngo banga ko bakorana na Mai Mai.'

Iyo nyandiko igaragaza ko mu mpera za Mutarama 2023, Lilungi yanasabye ko ingabo zose z'abanyamahanga zitaha RDC ikirwanaho cyangwa igahitamo abandi bafatanyabikorwa ishaka.

Ibitekerezo bya Lilungi nk'umuntu ushinzwe ubutasi, byerekana imyumvire y'ubutegetsi bwa Congo ku bibazo biri mu Burasirazuba bwacyo n'impamvu bishobora kutazakemuka mu gihe cya vuba.

Impamvu ni uko Lilungi nk'ushinzwe ubutasi, agaragaza ko ikibazo bafite kiva mu mahanga mu gihe inshuro nyinshi Congo yagaragarijwe ko ikibazo gihari gituruka ku miyoborere no kwihunza inshingano.

Thabo Mbeki wahoze ayobora Afuruka y'Epfo aherutse kubigarukaho, mu kiganiro yahaye televiziyo y'iwabo, SABC.

Yagize ati 'Mu gihe cyose ubutegetsi i Kinshasa budafashe bamwe mu baturage bo mu Burasirazuba nk'Abanye-Congo, aya makimbirane azakomeza. Iki ntabwo ari ikibazo gituruka hanze y'igihugu, ni ikibazo gituruka imbere mu gihugu […] Iki ni ikibazo kigomba gukemurwa na Guverinoma ya Congo.'

Source : https://umuryango.rw/amakuru/article/ubutasi-bwa-amerika-bwahishuye-umugambi-mubisha-leta-ya-tshisekedi-ifitiye

Nyuma y'igihe kinini Nsabimana Callixte uzwi nka Sankara afunguwe ku mbazi za Perezida Kagame benshi bakibaza aho yazimiriye yongeye kugaragara mu ruhame.

Ku munsi w'ejo ku Cyumweru tariki ya 29 Kamena 2023 nibwo Nsabimana Callixte yagaragaye mu bikorwa byo kwibuka ku nshuro ya 29 Jenoside yakorewe Abatutsi mu 1994, byabereye mu Murenge wa Rwabicuma mu Karere ka Nyanza.

Hashyinguwe mu cyubahiro imibiri y'abazize Jenoside yakorewe Abatutsi icyenda bikanavugwa ko muri icyo gikorwa Nsabimana Callixte yari ahari kuko abashyinguwe mu cyubahiro harimo n'abo mu muryango we wa hafi.

Ku wa 24 Werurwe 2023 nibwo Nsabimana na Paul Rusesabagina bari barahamijwe ibyaha by'iterabwoba, bafunguwe ku mbabazi za Perezida wa Repubulika, hamwe n'abandi 18 bari muri dosiye imwe.

Mu bihe bitandukanye, Nsabimana yakunze kuvuga ko Jenoside yamugize imfubyi afite imyaka 12, ko ayo mateka yamugizeho ingaruka mu mitekerereze, 'ari na byo Kayumba Nyamwasa na Patrick Karegeya bashingiyeho banyangisha Leta y'u Rwanda.”

Kugeza ubu Nsabimana aracyagengwa n'Ubushinjacyaha, kuko ubwo yarekurwaga yategetswe kwitaba Umushinjacyaha ku Rwego rw'Ibanze rw'aho atuye, aho ubushinjacyaha bukorera, inshuro imwe mu kwezi ku munsi wagenwe n'Umushinjacyaha ku Rwego rw'Ibanze.

Source : https://umuryango.rw/amakuru/mu-rwanda/article/sankara-yagaragaye-mu-ruhame-bwa-mbere-ku-ivuko-amafoto

Ku rubuga rwa Telegram, minisiteri y'ingabo y'Uburusiya yagize iti: “Mu gitondo cyo ku itariki ya 4 Kamena [ukwezi kwa gatandatu], umwanzi yagabye igitero kinini ahantu hatanu ho ku rugamba mu cyerekezo cya Donetsk y'amajyepfo”.

Iyi minisiteri yavuze ko abasirikare ba Ukraine bagerageje kumenera mu bwirinzi bw'abasirikare b'Uburusiya, mu cyo Ukraine yabonye nk'igice gifite intege nkeya cyane cyo ku rugamba.

Minisiteri y'ingabo y'Uburusiya yagize iti: “Umwanzi ntiyageze ku mirimo [ntego] ye, nta cyo yagezeho”.

Videwo yatangajwe yerekana imodoka za gisirikare zirimo kugabwaho igitero giturutse mu kirere. Uburusiya buvuga ko Ukraine yatakaje abasirikare 250 n'ibifaru 16.

Ukraine imaze amezi itegura igitero cyo gusubiza inyuma abasirikare b'Uburusiya. Ariko yashatse kwiha igihe gihagije cyo gutoza abasirikare bayo no kubona ibikoresho bya gisirikare yasezeranyijwe n'inshuti zayo zo mu burengerazuba (Uburayi n'Amerika).

Abategetsi bo muri Ukraine baburiye abaturage kwirinda guhwihwisa ibijyanye n'icyo gitero, bavuga ko ibyo bishobora gufasha umwanzi.

Ku cyumweru, minisiteri y'ingabo ya Ukraine yatangaje videwo kuri Telegram igira iti: “Gahunda zikunda [iyo zikozwe] bucece. Nta tangazo ryo gutangira rizabaho”.

Iyo videwo igaragaramo abasirikare bipfutse mu maso kandi bafite intwaro nyinshi, bashyize intoki zabo ku munwa, nk'ikimenyetso cyo guceceka.

Ibiharanirwa ni byinshi kuko leta ya Ukraine icyeneye kwereka abaturage ba Ukraine — n'inshuti zayo zo mu burengerazuba — ko ishobora kumenera mu mirongo y'ubwirinzi y'abasirikare b'Uburusiya, igasoza kuba ubu ibintu byaragumye hamwe mu rwego rwa gisirikare ndetse ikisubiza bumwe mu butaka bwayo.

Ahandi, abarwanyi barwanya leta y'Uburusiya bavuga ko bafashe bamwe mu basirikare b'Uburusiya mu karere ka Belgorod ko mu Burusiya, kari hafi y'umupaka na Ukraine.

Ibyo byavuzwe n'umutwe wa Liberty of Russia Legion (FRL), wavuze ko iryo tangazo urihuriyeho n'umutwe wa Russian Volunteer Corps (RDK).

Iyo mitwe yombi ivuga ko ishaka guhirika ku butegetsi Perezida w'Uburusiya Vladimir Putin. Iyo mitwe yamagana igitero gisesuye Uburusiya bwagabye kuri Ukraine guhera mu kwezi kwa Gashyantare (2) mu 2022.

Guverineri w'akarere ka Belgorod, Vyacheslav Gladkov, yasubije avuga ko yemeye guhura n'abafashe abo basirikare niba abo basirikare bakiri bazima. Ariko abo barwanyi nyuma bavuze ko Guverineri “ntiyagize umurava” wo guhura na bo kandi ko abo basirikare bafashe bazabashyikiriza Ukraine.

Uburusiya bwashinje Ukraine kugaba ibitero byo mu gihe cya vuba aha gishize byo ku butaka bwabwo bwo ku mupaka, ariko Ukraine ihakana ivuga ko nta ruhare rutaziguye yabigizemo.

Guverineri Gladkov nyuma yavuze ko uruganda rw'ingufu z'amashanyarazi rw'i Belgorod rwari rurimo gushya kubera kugabwaho igitero cy'indege nto itarimo umupilote, izwi nka drone.

Nta ruhande rwigenga ruremeza icyo gitero, ariko Uburusiya buvuga ko ako karere gakomeje kugabwaho ibitero bya drone mu buryo buhoraho bivuye muri Ukraine.

Source : https://umuryango.rw/amakuru/mu-mahanga/article/uburusiya-bwongeye-kuburizamo-igitero-kinini-cya-ukraine

Minisitiri w'ingabo w'Ubushinwa yavuze ko intambara na Leta zunze ubumwe za Amerika, yaba ibyago bitihanganirwa ku isi.

Ibi yabigarutseho mu ijambo rye rya mbere rikomeye avuze kuva yagera kuri uyu mwanya.

Mu nama ku mutekano, Jenerali Li Shangfu, yavuze ko ibihugu bimwe, birimo gukaza umurego wo kwigwizaho intwaro muri Aziya.

Ariko yavuze ko isi ari nini bihagije ku Bushinwa n'Amerika, kandi ko ibi bihugu bibiri by'ibihangange bikwiye kureba uko byumvikana.

Mbere, Amerika yavuze ko hari ingendo zitarimo umutekano, zirimo gukorwa n'ubwato bw'intambara bw'Ubushinwa, iruhande rw'ubwato bw'intambara bw'Amerika mu bunigo bwa Taiwan.

Ku wa gatandatu tariki 03 Kamena 2023, igisirikare cy'Amerika kirwanira mu mazi cyavuze ko ubwato bw'intambara bw'Ubushinwa bwagenze mu buryo butarimo umutekano, bwerekeza iruhande rw'ubwato bw'intambara bw'Amerika, ubwo bwari bunyuze mu bunigo bwa Taiwan buri kumwe n'amato y'intambara ya Canada.

Ubushinwa bwanenze ibyo bihugu byombi kubera icyo bwise guteza ibyago ku bushake.

Leta zunze ubumwe za Amerika na Canada, byavuze ko amato yabyo yari arimo kugenda ahemewe n'amategeko mpuzamahanga.

Jenerali Li, wabaye Minisitiri w'ingabo muri Werurwe 2023, yashinje Amerika kugira imitekerereze yo mu ntambara y'ubutita,  ndetse avuga ko ibyo birimo kongera cyane ibyago byo mu rwego rw'umutekano.

The post Igisirikare cy'ubushinwa cyavuze ko intambara ya Amerika yaba ibyago bitihanganirwa appeared first on FLASH RADIO&TV.

Source : https://flash.rw/2023/06/05/igisirikare-cyubushinwa-cyavuze-ko-intambara-ya-amerika-yaba-ibyago-bitihanganirwa/?utm_source=rss&utm_medium=rss&utm_campaign=igisirikare-cyubushinwa-cyavuze-ko-intambara-ya-amerika-yaba-ibyago-bitihanganirwa

Abanyamakuru benshi ntibakunze gutangaza amakipe bihebeye ya hano mu Rwanda gusa umunyamakuru ukomeye cyane yaraye atangaje ikipe yihebeye kuva kera.

Mu kiganiro Sunday Choice kuri televiziyo yitwa Isibo Tv umunyamakuru ukomeye cyane witwa Muramira Francois Regis ukora kuri 'Fine FM' yabwiye abanyamakuru ko ari umufana wakadasohoka w'ikipe yo mu karere ka Huye yitwa Mukuru Victory Sports.

Source : https://yegob.rw/ntabwo-yigize-aripfana-umunyamakuru-ukomeye-cyane-yatangaje-ikipe-yihebeye-mu-rwanda/

Umunyamakuru akaba n'umuhanzi ukomeye cyane hano mu gihugu cy'u Rwanda Phil Peter yatangaje ikintu gikomeye cyane ndetse kingira kamaro mu buzima bw'umuntu umuhanzi mugenzi we Bruce Melodie adakozwa.

Mu kiganiro Sunday Choice kuri televiziyo yitwa Isibo Tv umunyamakuru Phil Peter yatangaje ko mu bahanzi bose bakora umuziki mu Rwanda udakozwa ibijyanye na siporo ari umuhanzi uri kwisonga kurusha abandi mu Rwanda Bruce Melodie.

Source : https://yegob.rw/yari-kocoye-umunyamakuru-phil-peter-yatangaje-ikintu-gikomeye-kizigenza-bruce-melodie-adakozwa/

Nkunde nsabe imbabazi Imana,
Kuko nayishinje kubera,
Umunsi wa mbere nkureba,
Nkabona igihe yakuremaga,
Yaraguhaye ikibagirwa,
Abandi bana ikabareka,
Ibyiza byose ikabiguha.

Ntiyaguhaye ubwiza busa,
Ufite ubwenge urabarusha,
Ntibagusumba uhora imbere,
Abazi ubwenge muba inshuti,
Abo bakwanga ni injiji,
Kuko ntibazi ko Umuremyi,
Ariwe byose wabigennye.

Source : https://yegob.rw/umutoma-imana-yaraguhaye-abandi-bana-irabibagirwa-wusome-wose/

Mw'ijoro ryakeye nibwo rutahizamu wabiciye bigacika, Zlatan Ibrahimović yatangaje ko asezeye kuri ruhago ku myaka 41.

Uyu mugabo waciye mu makipe nka FC Barcelona, Manchester United, AC Milan n'andi menshi yatangaje ko asezeye gukina umupira w'amaguru nk'uwabigize umwuga nyuma y'umukino ikipe ye ya AC Milan yari imaze gutsindamo Hellas Verona ibitego 3-1.

Mw'ijambo risezera abafana yagize ati:'Bwa mbere ngera aha mwampaye ibyishimo, ubwa kabiri mumpa urukundo, ndi uwanyu ibihe byose.'

Yakomeje avuga ko igihe kigeze ngo asezere kuri ruhago, gusa ko abafana bo atabasezeye abazagira amahirwe bazahura nawe ndetse yifuriza iyi kipe ye ibyiza mu bihe bizaza.

Uyu mugabo uzwiho gutebya cyane yagaragaye yihanagura amarira mbere yo kuvuga ijambo, ndetse n'amwe mu mashusho yagaragaye yerekanye abafana benshi barira ubwo uyu mugabo yavugaga ijambo ryo kubasezera.

Twabibutsa ko Zlatan asezeye kuri ruhago atsinze ibitego 62 mw'ikipe y'igihugu ya Suede ndetse n'ibindi 511 yatsinze mu makipe yose yanyuzemo aconga ruhago.

 

Source : https://yegob.rw/byari-ibyishimo-bivanze-namarira-zlatan-yasezeye-kuri-ruhago-amafoto/

Umunyamakuru ukomeye cyane hano mu Rwanda Rugaju Reagan ukorera radio na televiziyo by'igihugu yatangaje uburyo abafana ba Rayon Sports aribo bayitera kugira ibibazo byose ihoramo.

Reagan uzwiho ubusesenguzi buhambaye yavuze ko abakunzi ba Murera aribo babigiramo uruhure rukomeye cyane kugira ngo ikipe yabo ihore mu bibazo by'amikoro kandi bidakwiye bitewe n'ubwinshi bw'abafana bayo.

Rugaju Reagan yemeza ko buri kwezi umufana wa Rayon Sports wese aramutse atanze amafaranga inote y'igihumbi (1000) mu ikipe ye yakoresha budget igera kuri miliyari n'igice ndetse akaba ari nayo kipe yaba ikoresha budget nyinshi mu Rwanda akaba yabitangaje ubwo yari mu kiganiro Sunday Choice ku Isibo Tv.

Source : https://yegob.rw/burya-nibo-banyirabayazana-umunyamakuru-rugaju-reagan-yavuze-ko-abafana-ba-rayon-sports-aribo-bayitera-kugira-ibibazo-byose-ihoramo/

'Aye aracyahagaze ntago aragwa' Amafoto ya Ange Da Baby agaragaza mu gituza he yerekanye ko akiri inkumi iteye amabengeza

Binyuze ku rubuga rwe rwa Instagram yasangije abamukurikorana amafoto yambaye agakanzu k'umutuku ndetse ari ahantu mu cyumba giteye amabengeza.

Aya mafoto yayasangije abamukurikirana yerekana uko weekend ye yari umeze n'uburyo yayishimyemo.

Unudanzwe Ange Da Baby yamenyekanye mu ndirumbo z'abahanzi batandukanye akaba ari n'abyo byamuviriyemo kuba Icyamamare.

Source : https://yegob.rw/aye-aracyahagaze-ntago-aragwa-amafoto-ya-ange-da-baby-agaragaza-mu-gituza-he-yerekanye-ko-ari-inkumi-iteye-amabengezaamafoto/