Category: Uncategorized

Abagabo babaye imari: Igihugu kimwe cyo muri Afrika cyategetse abagabo gushaka byibuze abagore batari munsi ya 5 bitaba ibyo bagahanwa bikomeye

Muri Eswatini Abagabo bararira ayo kwarika nyuma yo gutegekwa gushaka abagore batanu cyangwa bagafungwa

Umwami wabaye ikimenyabose ku isi ariwe Mswati III uyobora ESwatini yahoze yitwa Swaziland aherutse guca iteka ko mu rwego rwo kurwanya kugumirwa ku bagore ndetse no kubasaranganya.

Buri mugabo muricyo gihugu ategetswe kurongora abagore batari munsi ya batanu.

Ibi bivuze ko uzabasha no gushaka abarenze abo ntakibazo abyemerewe kandi ko na leta izamufasha.

Gusa aho ikibazo kiri ni umuntu uzashaka abagore bari munsi ya 5 kuko we ashobora gufungwa burundu nk'uko biteganyijwe.

Source : https://yegob.rw/abagabo-babaye-imari-igihugu-kimwe-cyo-muri-afrika-cyategetse-abagabo-gushaka-byibuze-abagore-batari-munsi-ya-5-bitaba-ibyo-bagahanwa-bikomeye/

Kuri uyu wa  Gatanu tariki 16 Kamena 2023, nibwo rutahizamu w'umunya- Cameroon Leandre Willy Essombe Onana wakiniraga Rayon Sports, yashyize umukono ku masezerano n'ikipe ya Simba SC yo muri Tanzania.

Onana yasinyiye Simba SC amasezerano y'imyaka 2, ahabwa miliyoni 200Frw, ndetse kandi buri kwezi azajya ahembwa miliyoni 80Frw.

Ni mu gihe muri Rayon Sports, Onana yahembwaga amafaranga atagera kuri miliyoni 2 Frw none azajya azinjiza buri cyumweru.

Source : https://yegob.rw/buri-cyumweru-azajya-yinjiza-amamiliyoni-menshi-hamenyekanye-amamiliyoni-simba-sc-izajya-uhemba-leandre-essombe-onana/

Ikipe ya Rayon Sports yatangiye kugura abakinnyi bakomeye bazayifasha mu mwaka utaha w'imikino. Iyi kipe yamaze kumvika n'umukinnyi ukomeye wari uri kwigaragaza mu gihugu cya Uganda.

Ikipe ya Rayon Sports ndetse n'ikipe ya APR FC zizasohokera u Rwanda mu mikino nyafurika, zisigaje iminsi igera kuri 14 gusa zikaba zamaze gutanga urutonde ntakuka rw'abakinnyi ndetse n'abatoza zizakoresha muri iyi mikino iteganyijwe gutangira mu kwezi kwa munani uyu mwaka.

Amakuru YEGOB twamenye kandi yizewe dukura mu ikipe ya Rayon Sports irimo gukora ibintu bucece, ni uko yamaze kumvikana n'umukinnyi mushya witwa Ibrahim Orite wakiniraga ikipe ya Vipers SC yo mu gihugu cya Uganda. Uyu mukinnyi ateye ubwoba cyane kuko no mu ikipe y'igihugu ya Uganda arahamagarwa cyane.

Ibrahim Orite yavutse tariki 28 Nyakanga 1998, afite imyaka 24 kugeza ubu. Uyu mukinnyi akina ataha izamu aciye ku mpande ndetse ashobora no gukina mu kibuga hagati dore ko akunda gukoresha ukuguru kw'iburyo cyane.

Uyu mukinnyi igikomeje kumukurura cyane ni Joachiam Ojera wavuye mu gihugu cya Uganda atavugwa cyane ariko kuva yagera muri Rayon Sports yagaragaye ahantu henshi ndetse nawe ngo arabona ari ho hantu hamufasha kuba yakerekeza mu makipe akomeye cyane kurusha iyo yari arimo cyane ko igiye no gukina imikino nyafurika.

 

 

 

Source : https://yegob.rw/ikipe-ya-rayon-sports-yamaze-kumvikana-numukinnyi-wa-mbere-mpuzamahanga-wari-uri-kubica-bigacika-mu-gihugu-cya-uganda-ifoto/

Ikipe ya APR FC byakomeje kuvugwa cyane ko igiye gusinyisha abakinnyi b'abanyamahanga ubwo yatwaraga igikombe cya shampiyona y'u Rwanda nk'uko byari byaremejwe n'umuyobozi w'icyubahiro wayo.

Hamaze kumenyekana amakuru avuga ko umukinnyi ukomeye cyane hano ku mugabane w'Afurika ukina muri shampiyona y'igihugu cya Malawi mu ikipe ya Nyassa Big Bullets witwa Adepoju Adebare Babatunde ko yamaze kumvikana  n'ikipe ya APR FC.

Uyu musore witwa Babatunde akomoka mu gihugu cya Nigeria akaba afite imyaka 27 y'amavuko kandi ni rutahizamu ukomeye cyane dore ko ari nawe mukinnyi watsinze ibitego byinshi kurusha abandi muri shampiyona y'igihugu cya Malawi.

Amafoto:

Source : https://yegob.rw/uyu-we-ni-karaha-butakataka-apr-fc-imaze-gusinyisha-umukinnyi-ukomeye-cyane-wumunyahanga-amafoto/

Mu kiganiro gishya cya ABTalks yatangaje ukuntu yicuza kuba yarigeze kugira ibibazo n'umugore we avuga ko yakabaye yarahosheje ibibazo mu bundi buryo aho gutuma bigera ku rugero byagezeho.

Aboneraho kandi kuvuga ko Chioma ari umuntu w'igikundiro n'ingeso nziza atari akwiye kumunyuza mu bihe yamunyujijemo avuga ku kintu yicuza yagize ati'Ndumva ari igihe njye n'umugore wanjye Chioma twagiranaga ibibazo.'

Akomeza agira ati'Ntekereza ko nakabaye naramwitwayeho neza kubera ko ari umuntu mwiza. Numva aricyo gihe nazambije ibintu ariko ubu byarakemutse.'

Nubwo Davido na Chioma bigeze kugirana ibibazo gusa baje kwiyunga bakaba baranashyingiranwe ati'Sinigeze ubundi mara igihe kingana gutya nsa n'utujemo mu muziki.'

Yongeraho ati'Gusa cyari igihe cyo kongera kwitecyerezaho, kuruhuka, gutegura ejo hazaza kugira igihe n'umuryango wanjye harimo no gutunganya indirimbo nshya. Naranatembereye kandi nkora ubukwe.'

Agaruka ku bukwe bwe, Davido yerekanye ko ari wo mwanzuro mwiza yafashe mu buzima bwe ,ashimira umugore we ukomeza kumuba hafi kandi akabasha kumwumva muri byose.

Davido ari mu bahanzi bakomeye Afurika ifite, akagira indirimbo zikundwa na benshi ku Isi, imbaraga n'ubuhanga agaragaza ku rubyiniro bituma ibitaramo agenda akorera hirya no hino bikundwa na benshi.Davido yatangaje ko yicuza kuba yarigeze gutenguha Chioma

Davido yemeje ko yashyingiranwe na Chioma kandi ubu bameze neza amushimira kuba abasha kumwumva .

Source : https://umuryango.rw/imyidagaduro/article/davido-yahishuye-icyo-yicuza-cyagije-umuryango-we

Kapiteni w'ikipe y'igihugu Amavubi, Haruna Niyonzima yaciye amarenga yo gusezerera Ikipe y'Igihugu Amavubi, nyuma y'ibyo yatangarije B&B FM-Umwezi.

Abajijwe uko yakira kuba amaze iminsi adahamagarwa mu Ikipe y'Igihugu yavuze ko atari we wihamagara ndetse bitanamubabaza.

Yagize ati ' Ntabwo ari njye wihamagara ariko abariyo tuba tuvugana. Njye ntabwo ndi umukinnyi wo kwinginga ngo mpamagarwe. Ikindi ntabwo byambabaza ariko nababazwa n'umusaruro mubi wayo.'

Yakomeje avuga ko ku rundi ruhande aba yumva iby'Ikipe y'Igihugu yaramaze kubivamo.

Yagize ati 'Ku mutima wanjye mba numva naramaze kubivamo ariko ingufu ndazifite kuko muri 'club' yanjye ndakina.

Haruna Niyonzima yatangiye gukinira ikipe y'igihugu muri 2006, gusa ntabwo yigeze agira amahirwe yo kuba yagira ikintu gikomeye ayigezeho nko kuyihesha itike y'igikombe cy'Afurika cyangwa itike y'igikombe cy'Isi.

Source : https://umuryango.rw/imyidagaduro/imikino/article/niyonzima-haruna-munzira-isezera-amavubi

Umushinjacyaha Karim Asad Ahmad Khan yatangaje ko ubwo busabe bwa leta ya Kinshasa buherekejwe n'inyandiko z'ibihamya zisaba ibiro bye 'guperereza ku ngabo n'imitwe yitwaje intwaro' bashinja ibyaha muri Kivu ya Ruguru.

Yongeraho ko 'ibyaha byose bivugwa' muri ubwo busabe 'byakozwe n'umuntu uwo ari wese, hatitawe uruhande ariho cyangwa ubwenegihugu, bizasuzumwa'.

Uyu mushinjacyaha ntiyatangaje abo leta ya Kinshasa ishinja.

Ariko abategetsi muri DR Congo basanzwe bashinja umutwe wa M23 n'igisirikare cy'u Rwanda ibyaha by'ubwicanyi mu Ntara ya Kivu ya Ruguru.

Raporo z'inzobere za ONU zavuze ko u Rwanda rwohereje ingabo gufasha umutwe wa M23.

Raporo z'imiryango iharanira uburenganzira bwa muntu zishinja M23 ifashijwe n'igisirikare cy'u Rwanda ibyaha birimo ubwicanyi ku basivile no gufata abagore ku ngufu.

Abategetsi b'u Rwanda bahakana ko gufasha M23 bavuga ko ibibera mu burasirazuba bwa DRC bireba iki gihugu ubwacyo. M23 nayo yahakanye ko ntaho ihuriye kandi idafashwa n'ubutegetsi bw'u Rwanda.

Iyi ni inshuro ya kabiri leta ya DR Congo isaba uru rukiko mpuzamahanga mpanabyaha gukurikirana ibyaha byakorewe ku butaka bwayo.

Iya mbere yari mu 2004 aho Kinshasa yasabye uru rukiko gukurikirana ibyaha byibasiye inyoko muntu byakozwe kuva mu 2002 mu ntara ya Ituri byakozweho iperereza ndetse hakagira abantu bafatwa bakaburanishwa.

Muri bo harimo Jean Pierre Bemba wahamijwe bimwe mu byaha agafungwa nyuma akaza kujurira akagirwa umwere ndetse akarekurwa, ubu ni Minisitiri w'ingabo wa DR Congo.

Source : https://umuryango.rw/amakuru/mu-mahanga/umutekano/article/drc-yongeye-gusaba-urukiko-mpuzamahanga-guperereza-ku-byaha-by-inyeshyamba-muri

Umuryango wa Paul Rusesabagina warahiriye kutazaceceka kuri politiki yarwo kuko ari yo ntwaro yatumye uyu mugabo afungurwa, bikaba bihabanye n'ibyo yanditse mu ibaruwa asaba imbabazi Perezida Kagame.

Rusesabagina washinze Umutwe w'Iterabwoba wa MRCD/FLN yarekuwe ku mbabazi za Perezida muri Werurwe uyu mwaka, nyuma y'imyaka isaga ibiri afungiye mu Rwanda ku byaha by'iterabwoba byahitanye ubuzima bw'abaturage icyenda mu bice bitandukanye by'igihugu.

Yari yarakatiwe gufungwa imyaka 25 ariko aza gufungurwa nyuma yo gutakambira umukuru w'igihugu, avuga ko kubera 'izabukuru n'uburwayi budakira' asaba gufungurwa kandi ko ntaho azongera guhurira n'ibikorwa bya politiki.
Muri iyo baruwa Rusesabagina yavuze ko yicuza ko atakoze 'ibishoboka byose ngo abanyamuryango bose b'Ihuriro MRCD bagendere ku mahame yo kudakoresha ubugizi bwa nabi.'

Ati 'Ndamutse mpawe imbabazi nkarekurwa, ndahamya ko nzamara igihe nsigaje cy'ubuzima bwanjye muri Leta Zunze Ubumwe za Amerika ntuje. Ndabizeza binyuze muri iyi baruwa ko nta zindi nyungu ntegereje zaba bwite cyangwa iza politiki. Ibibazo bijyanye na politiki y'u Rwanda nzabisiga inyuma yanjye'.

Nyuma y'amezi atagera kuri atatu arekuwe, Rusesabagina yanyuranyije n'ibaruwa yanditse asaba imbabazi, mu ijambo yagejeje ku bitabiriye inama izwi nka Oslo Freedom Forum. Yumvikanishije ko gufungurwa kwe kwaturutse ku bagize Umuryango Human Rights Foundation.

Yagize ati 'Uyu munsi ndi umuntu widegembya, kubera amajwi yanyu n'abandi benshi nkamwe…mwese mwashyize hamwe muharanira ko mfungurwa n'izindi mfungwa zose za politiki. Ku bwanjye mwegukanye intsinzi'.

'Ukwidegembya kwanjye kurerekana ko iyo mushyize hamwe mugaharanira ibyo mwemera, iyo mushyize hamwe, muyobowe n'amahame y'uburenganzira bwa muntu na demokarasi, muratsinda'.

Abakobwa ba Rusesabagina ari bo; Carine Kanimba na Anaïse Kanimba ubwo bari mu kiganiro The Exchange gica kuri CNN, basobanuye ko ibyo umubyeyi wabo arimo 'ari ugutera akanyabugabo abaharanira uburenganzira bwa muntu, abari mu bihe nk'ibye no kwibutsa buri wese 'gukomeza intego yabo, kudaceceka kuko ari bwo bazafasha abandi n'imfungwa za politiki'.

Anaïse Kanimba ati 'Ni ingenzi ko dukomeza uru rugamba.'

Abakobwa ba Rusesabagina bibukijwe ko ibyo batangaza bihabanye n'ibyo umubyeyi wabo yanditse ubwo yasabaga imbabazi, bavuga ko batazaceceka, bazakomeza urugamba rwo kuvuganira n'abandi bari mu bihe nk'ibya Se.
Ati 'Kurekurwa kwa Papa ni igihamya cy'uko iyo ushyize imbaraga ku cyo wemera uharanira, bishoboka'.

Ibi bivugwa na Rusesabagina bisa nko gukina ku mubyimba imiryango y'abahitanywe n'ibitero bya MRCD/FLN yashinze no kumvikanisha ko azakomeza inzira yari yaratangiye mbere yo gufungwa.

Ubwo Rusesabagina yari amaze kurekurwa kubera imbabazi, Guverinoma y'u Rwanda yavuze ko guhabwa imbabazi kwe bidakuraho igihano yahamijwe ndetse ko gishobora gusubizwaho mu gihe yaba asubiriye ibyaha yakoze.

Source : https://umuryango.rw/amakuru/mu-rwanda/politiki/article/abakobwa-ba-rusesabagina-na-se-wa-bo-barahiriye-kutazacogora-kuri-politiki-y-u

Umutoza Nduhirabandi Abdulkarim wamamaye nka Coka yitabye Imana azize uburwayi yari amaranye igihe kirere.

Inkuru y’urupfu rw’uyu mugabo yamenyekanye kuri uyu wa Gatanu tariki ya 16 Kamena 2023 aho n’ikipe ya Marines FC yatoje igihe kirekire yemeje aya makuru ibinyujije ku rukuta rwe rwa Twitter.

Nduhirabandi Abdulkarim akaba yari amaze igihe kinini arwaye ariko bivugwa ko abaganga bari barabuze indwara. Ubu yari Diregiteri Tekinike wa Marines FC.

Nduhirabandi yamamaye mu ikipe ya Marines FC yatoje igihe kinini, yatoje kandi Etincelles FC, Kirehe FC n’izindi.

Nduhirabandi Abdulkarim yitabye Imana

Source : http://isimbi.rw/siporo/article/coka-watoje-marines-igihe-kirekire-yitabye-imana

Ishyirahamwe ry'umupira w'Amaguru mu Rwanda FERWAFA ryatangaje ko amakipe 53 ariyo azitabira irushanwa ry'icyiciro cya gatatu mu mwaka w'imikino 2023-2024 rigomba gutangira kuri uyu wa Gatandatu.

Nk'uko ishyirahamwe ry'umupira w'Amaguru, FERWAFA ryatangaje ko iyi mikino izakinwamu buryo bw'ibice (Zone) amakipe atandukanye aherereyemo.

Uhereye kuri uyu wa Gatandatu, tariki ya 17  Kamena 2023, mu karere ka Huye mu ntara y'Amajyepfo hazakinwa umukino ubanza uzahuza ikipe ya AS Huye izakina na IBISI FC.

Uyu mukino wo gutangiza ku mugaragaro iyi shampiyona uzabera ku kibuga cya Kamena, ni umukino uteganyijwe ko uzatangira ku isaha ya Saa cyenda Zuzuye.

FERWFA ikaba kandi yatangaje ko ingengabihe y'uko aya makipe yandi azakina izatangazwa nyuma yaho umukino wo gufungura uzaba ukinwa kuri uyu wa Gatandatu.

Iyi shampiyona y'u Rwanda y'ikiciro cya gatatu ukaba uzahuza amakipe 53 yo mu bice byose byo mu Rwanda.

The post Amakipe 53 niyo yiyandikishije gukina icyiciro cya gatatu mu mwaka w'imikino 2023-2024 appeared first on RUSHYASHYA.

Source : https://rushyashya.net/amakipe-53-niyo-yiyandikishije-gukina-icyiciro-cya-gatatu-mu-mwaka-wimikino-2023-2024/?utm_source=rss&utm_medium=rss&utm_campaign=amakipe-53-niyo-yiyandikishije-gukina-icyiciro-cya-gatatu-mu-mwaka-wimikino-2023-2024