U Rwanda rwagaragaje ko rukora byinshi kugirango Uburenganzira bw'impunzi rwakiriye bwubahirizwe ariko runasaba amahanga gushyira imbaraga mu kugarura amahoro mubihugu birimo intambara kugirango icyatumye impunzi zihunga Kiveho zibashe gutahuka mubihugu zikomokamo. 

Rwabitangaje ubwo  rwifatanyaga  n'isi kwizihiza umunsi mpuzamahanga w'Impunzi. 

Bamwe mu mpunzi zabarundi n'izabakongomani zahungiye mu Rwanda ,bagaragza nubwo ubuzima bw'ubuhinzi butoroshye ariko u Rwanda rwakoze byinshi kugirango babeho bumva batekanye kandi bafite uburenzira busesuye.

Aretha Rwagasore uyobora ikigo Inkomoka gitera inkunga ba rwiyemezamriimo agaragza kunyurwa n'uburyo imishinga yiterambere yakozwe n'impunzi bigaragara ko iri kurwego rushimishije

Ati'Biratunyura gufasha imishinga ya barwiyemezamirimo bo mu nkambi eshanu z'impunzi tunashima ko igenda igera  ku rwego rwiza binyuze mubufasha tubaha.'

Ubwo u Rwanda rwifatanyaga n'isi mu kwizihiza umunsi mpuzamahanga w'impunzi , Madamu Aissatou Ndiaye-Dieng uhagarariye mu Rwanda ishami rya Loni ryita ku mpunzi yavuze ko bashyize imbere ibikorwa byo gufasha impunzi kwigira kubera ko inkunga zibagenerwa itangwa nimiryango nterankunga igenda igabanuka.

Ati' Icyo dukora kubyihariko nko mu Rwanda ni ukwita ku mpunzi zihamaze igihe kinini cyane nk'imyaka 20 , Ubwo rerro tubafasha kwigira ntibatungwe gusa n'inkunga z'abagiraneza.'

Minisitiri w'Ibikorwa by'Ubutabazi, Kayisire Marie Solange yagaragaje ko u Rwanda ruzakomeza guhanira ko uburengenzira bw'impunzi u Rwanda rucumbikiye bwibahirizwa ,zinashyirirwaho amahirwe atuma bakora bagatera imbere . Icyakora yibukije amahanga ko ari ngombwa kugarura amahoro mubihugu birimo umutekano mucye  kugirango icyatumye impunzi zihunga Kiveho zibashe gutahuka mubihugu zikomokamo. 

Ati'twiyemeje kubashyira mu baturage basanzwe,ni ukuvuga bariga,baravuzwa barakorana nabandi,bashobora gupiganirwa akazi nabandi.

Yungamo ati'urumva gutaha ku bushake ni bimwe mu bisubizo birambye bigenerwa impunzi no mu mategeko ariko gutaha ku bushake biterwa n'igihugu wahunze umutekano uhari nicyo wahahungaga,iyo bibaye byiza rero ahitamo gutaha ku bushake.'

Tariki ya 20 Kamena buri mwaka isi yizihiza umunsi mpuzamahanga w'Impunzi. Ibihugu bicumbikiye impuniz byibukijwe kuziha uburengenzira busesuye nk'ubwabanyagihugu.

Uyu umunsi usanze u Rwanda rucumbikiye impunzi n'abasaba ubuhungiro barenga ibihumbi 130.

The post  Umunsi mpuzamahanga w'impunzi usanze u Rwanda  rucumbikiye abarenga ibihumbi 130 appeared first on FLASH RADIO&TV.

Source : https://flash.rw/2023/06/21/umunsi-mpuzamahanga-wimpunzi-usanze-u-rwanda-rucumbikiye-abarenga-ibihumbi-130/?utm_source=rss&utm_medium=rss&utm_campaign=umunsi-mpuzamahanga-wimpunzi-usanze-u-rwanda-rucumbikiye-abarenga-ibihumbi-130

Mu rubanza ruregwamo Hakuzimana Abdoul Rachid uregwa ibyaha bitandukanye birimo no guhakana jenoside, Rachid yateranye amagambo n'umucamanza mu rugereko rwihariye rushinzwe kuburanisha ibyaha mpuzamahanga n'ibyamburanya imbibi ruri i Nyanza mu Majyepfo y'u Rwanda.

Hakuzimana Abdoul Rachid yazanwe mu rukiko arinzwe n'abacungagereza bane, nta mapingu yari yambaye cyakora imbere n'inyuma ye hari abacungagereza babiri muri bo bafite imbunda.

Ukuriye inteko iburanisha yabanje kuvuga ko hari ibyo Rachid atahuzaga n'umwunganizi we Me Matimbano Barton byanatumye iburanisha riheruka risubikwa

Umucamanza ati'Umwavoka wawe yikuye mu rubanza kuko hari ibyo mutumvikanyeho, Rachid ayo makuru urayizi?'

Mu gisubizo cya Rachid nawe ati'Ayo makuru sinyazi nyumviye aha'

Rachid yakomeje abwira urukiko ko afite ikibazo gikomeye kugirango abone ubutabera afite ibibazo bitandukanye kandi yaje mu rukiko aziko afite umwunganira yanamwishyuye

Rachid ati'Ndagirango mbabwire uburyo mfunzemo'

Umucamanza aba amuciye mu ijambo ati'Hano turi mu rukiko dukurikiza amategeko niba ugiye kuvuga ibibazo ufite uriburanira cyangwa uzashaka undi mwunganizi?'

Rachid nawe ati'Niba mukurikiza amategeko mfitanye ikibazo n'abacamanza, namwe se nje hano ku rukiko Kane nje kuburana urukiko rubisubika ku mpamvu ntazi'

Umucamanza ati'Rachid ufite uburenganzira bwo kubwira gereza ukajya kuri system ihuza ababuranyi byose biba birimo'

Rachid nawe arakaye  ati'Njye nta koranabuhanga ngira mureke kandi kuntera ubwoba'

Umucamanza ati'Rachid niba utazi ibyo amategeko ateganya ubaze uriburanira cyangwa uzashaka undi mwavoka?'

Rachid nawe ati'Njye  naje nziko mfite umwavoka naramwishyuye ibyuko yikuye mu rubanza mbyumviye aha kuvuga ko njye nawe tutumvikanye sibyo kuko yanzaniye imyanzuro ndayikosora ntiyagarutse ashobora kuba yaratinye urubanza rwanjye'

Me Matimbano Barton wunganiraga Abdoul Rachid Hakuzimana yandikiye urukiko avuga ko Rachid hari ibyo batumvikanyeho harimo nuko hari imyanzuro atashyize muri system kandi yari yamubwiye ko azabyishyiriramo bityo naho yahera amwunganira atemera gushyira imyanzuro muri system gusa Abdoul Rachid Hakuzimana we ntabikozwa yemeza ko umwavoka Matimbano ashobora kuba yaratinye urubanza naho ibyo kutumvikana bitabaye

Umucamanza yabwiye Abdoul Rachid Hakuzimana ko afite ikibazo gikomeye

Ati'Wa mugabo we hano ni mu rukiko kuko ndabona no mubo uhanganye nabo natwe turimo ukamera nkuhanganye n'isi yose iyo utunganiwe nta kindi uvuga cyereka niba wiburanira'

Ubushinjacyaha buravuga ko uregwa Hakuzimana Abdoul Rachid akwiye kuburana yunganiwe ari uburenganzira bwe bityo urukiko rukwiye kumuha igihe akazashaka umwunganizi

Umucamanza yabwiye Hakuzimana Abdoul Rachid ko hari imyitwarire urukiko rutazihanganira

Ati'Uyu munsi dushobora kubyihanganira ariko siko bizahora kuvuga ibigambo bidafututse sibyo'

Umucamanza yongeyeho ko ntibitaba ibyo bazafata ibyemezo nk'abacamanza

Gusa urukiko rwafashe umwanzuro wo guha igihe Rachid Hakuzimana Abdoul ngo azavugane n'umwunganizi we nibiba ngombwa abe yanashaka undi.

Hakuzimana Abdoul Rachid wamenyekanye cyane ku mbugankoranyambaga nka YouTube avuka mu karere ka Nyarugenge mu mujyi wa Kigali aregwa ibyaha bitandukanye birimo guhakana jenoside, gupfobya jenoside, gutangaza amakuru y'ibihuha no gukurura amacakubiri, mu bihe bitandukanye yakunze kumvikana avuga ko ari umunyapolitiki w'igenga.

Niba nta gihindutse iburanisha rizasubukurwa taliki ya 20/07/2023

Theogene NSHIMIYIMANA

The post Umucamanza yabwiye Hakuzimana Abdoul Rachid ko yitwara nkuhanganye n'isi yose appeared first on FLASH RADIO&TV.

Source : https://flash.rw/2023/06/21/umucamanza-yabwiye-hakuzimana-abdoul-rachid-ko-yitwara-nkuhanganye-nisi-yose/?utm_source=rss&utm_medium=rss&utm_campaign=umucamanza-yabwiye-hakuzimana-abdoul-rachid-ko-yitwara-nkuhanganye-nisi-yose

Mu gihe ishyirahamwe ry’umupira w’amaguru mu Rwanda ryatangaje ko umwaka w’imikino wa 2023-24 uzatangira muri Kamena, amakipe yageze ku isoko aho buri kipe irimo kugura abo ibona bazayifasha.

Amakipe asa n’arimo gukora ibintu byayo bucece aho ategereje igihe nyacyo cyo kuzatangaza abakinnyi baguze ariko hakaba hari n’arimo gukorera inyuma y’amarido.

Kuri ubu inkuru igezweho ni uko Ndayishimiye Thierry watandukanye na Kiyovu Sports wari witezwe muri Police FC, amakuru avuga ko uyu mukinnyi ashobora kuyitera umugongo akerekeza muri APR FC.

Bivugwa ko uyu mukinnyi ukina mu mutima w’ubwugarizi wazamukiye mu ikipe ya Marines FC yavuyemo ajya muri Kiyovu Sports yari amazemo imyaka 2, yatangiye kuganirizwa n’ubuyobozi bwa APR FC.

APR FC yaje kwikanga nyuma y’uko mu mpera z’umwaka w’imikino wa 2022-23 ubwo abakinnyi babiri bari bubakiyeho mu bwugarizi, Buregeya Prince na Niyigena Clement baje guhura n’ikibazo cy’imvune bituma bagorwa cyane, batekereje gushaka undi mukinnyi uri ku rwego nk’urwabo ubundi bagahanganira umwanya n’aba bakinnyi bahasanzwe.

Bivugwa ko yahise itekereza ku mukinnyi Ndayishimite Thierry wari usoje amasezerano muri Kiyovu Sports bakaba baratangiye kumwegera ngo abe yayerekezamo.

Thierry wari mu biganiro na Police FC, ashobora kwisanga muri APR FC ndetse akaba yajyana na Mugisha Didier na we wakiniraga Police FC.

Ku rundi ruhande ariko na none, Police FC nayo bivugwa ko yamaze gusinyisha Mugenzi Bienvenue na we uheruka gushimirwa na Kiyovu Sports, akaba agomba kuyikinira umwaka utaha w’imikino.

Ndayishimiye Thierry ashobora kwerekeza muri APR FC

Source : http://isimbi.rw/siporo/article/apr-fc-ishobora-gutera-gapapu-police-fc-yasinyishije-rutahizamu-uvuye-muri-kiyovu-sports

Nyinawumuntu Marie Grace ni we wagizwe umutoza w’ikipe y’igihugu y’abagore aho yahise ahamagara abatarengeje imyaka 23 aho bagiye kwitegura imikino yo gushaka itike y’Imikino ya Olempike yo mu 2024.

Uyu mutoza akaba yahise ahamagara abakinnyi 25 agomba gutangirana umwiherero tariki 28 Kamena 2023.

Agiye gutangira urugendo rwo gushaka itike y’Imikino ya Olempike 2024 izabera i Paris mu Bufaransa.

Ku ikubitiro azatangira akina na Uganda tariki ya 12 Nyakanga i Kampala naho uwo kwishyura ukinwe tariki 18 Nyakanga 2023 kuri Stade Huye. Mu gihe rwasezerera Uganda rwazahura na Cameroun mu kindi cyiciro.

Ibi bisobanuye ko azayobora u Rwanda mu mikino ibiri rugomba gukinamo na Uganda, ubanza tariki ya 12 i Kampala naho uwo kwishyura ukinwe tariki 18 Nyakanga 2023 kuri Stade Huye. Akazungirizwa na Mukamusonera Théogenie usanzwe atoza AS Kigali y’Abagore.

Muri iyi mikino, ijonjora rya mbere rizakinwa n’amakipe 18 akuranemo hasigare icyenda, muri aya icyenda arindwi muri aya azahura n’arindwi yabaye aya mbere mu Gikombe cya Afurika giheruka, abiri asigaye yikiranure hagati yayo. Hakurikireho ibindi byiciro bibiri bizatanga amakipe abiri azaserukira Umugabane wa Afurika mu Mikino Olempike.

Abakinnyi 25 bahamagawe

Source : http://isimbi.rw/siporo/article/she-amavubi-yabonye-umutoza-yahamagaye-abakinnyi-25

Urugereko rw'i La Haye mu Buholandi rwasigaye ruca imanza zasizwe n'urwari urukiko mpuzamahanga rw'Arusha rwemeye ubujurire bw'ubushinjacyaha n'ubwunganizi bwa Félicien Kabuga uregwa ibyaha bya jenoside yabaye mu Rwanda mu 1994.

Nta tariki yatangajwe ubujurire buzatangirira.

Ibi bibaye nyuma yuko ku itariki ya 6 y'uku kwezi kwa Kamena (6) uru rugereko rwanzuye ko 'amagara ye atameze neza kuburyo yaburanishwa' kandi ngo ashobore gukurikira iburanisha mu buryo bwa nyabwo.

Uwo mwanzuro wemejwe n'abacamanza Iain Bonomy ukuriye iburanisha, Margaret M. deGuzman na Ivo Nelson de Caires Batista Rosa, ariko Mustapha El Baaj ntiyemeranyije na bagenzi be kuri uwo mwanzuro.

Icyo gihe uru rugereko rwavuze ko Kabuga — inyandiko y'urukiko igaragaza ko afite imyaka 88 — 'bigoye cyane ko amagara ye yazongera kumera neza mu gihe kiri imbere'.

Mu cyemezo cy'urukiko cyo kuwa gatanu ushize, urukiko rwavuze ko rwemeje ubujurire bw'ubushinjacyaha n'ubwunganizi bwa Kabuga ku mwanzuro warwo ko adashobora kuburanishwa.

Ku itariki ya 13 Kamena, ubushinjacyaha bwari bwasabye uru rugereko kwemera ubujurire bwabwo. Bwavuze ko kuba inteko y'abacamanza ubwayo itemeranya yose ko Kabuga adashobora kuburanishwa ari ingingo ituma uwo mwanzuro ugomba kujuririrwa.

Kuri iyo tariki kandi, ubwunganzi bwa Kabuga na bwo bwasabye kujurira, buvuga ko iburanisha rya Kabuga rikwiye guhagarikwa cyangwa rigasozwa ndetse akarekurwa.

Ubwunganizi bwe buvuga ko busanga nta shingiro rihari mu mategeko ryuko habaho ubundi buryo bwo kuburanisha Kabuga nkuko bwemejwe n'uru rugereko. Buvuga ko iburanisha ryo muri ubu buryo ryahonyora uburenganzira bw'ibanze bwa Kabuga.

Mu kwemera ubujurire bw'impande zombi, umucamanza Bonomy yashingiye ku mpamvu zirimo nko kuba icyemezo cy'ubwo buryo bundi gicyenera ko 'iburanisha rikwiye kuba mu buryo bubereye [the fairness of the proceedings] kandi umwanzuro w'ako kanya w'Urugereko rw'Ubujurire ushobora gutuma haterwa intambwe nini mu iburanisha'.

Yanavuze ko ubushinjacyaha n'ubwunganizi bagaragaje ko nta kindi bazarenzaho ku mwanzuro w'urugereko rw'ubujurire.

Mu mwanzuro warwo wo ku itariki ya 6 Kamena, uru rugereko rwavuze ko rwashingiye ku biri mu ngingo ya 18 na 19 y'amategeko arushyiraho, ahavugwamo ko iburanisha rigomba gukorwa mu buryo 'bubereye kandi bwihuse bunatanga umusaruro', kandi hubahirizwa uburenganzira bwa Kabuga.

Rwavuze ko uburyo bwo kubahiriza uburenganzira bwa Kabuga no kugera ku ntego z'ubutabera z'uru rukiko ari ugukoresha ubundi buryo bw'iburanisha 'busa n'urubanza mu buryo bushoboka bwose, ariko hatarimo ko yahamwa n'icyaha'.

Urukiko rwavuze ko kuko Kabuga atazaburana adashobora kuzacibwa urubanza ariko rwo ruzakomeza mu bundi buryo kugira ngo 'hafatwe umwanzuro ku byaha byibasiye inyoko muntu n'ibya jenoside aregwa imbere y'abazize n'abarokotse n'umuryango mpuzamahanga muri rusange'.

Ni icyemezo cyababaje ndetse cyamaganwa n'ishyirahamwe ry'abarokotse jenoside mu Rwanda, IBUKA. Icyo gihe umukuru waryo Philibert Gakwenzire yabwiye BBC ati:

'Ubwo yafatwaga, mu by'ukuri IBUKA n'abacitse ku icumu twumvise twiruhukije, tuzi ko noneho ubutabera twavukijwe igihe kinini tugiye kububona.

'Ariko muri iyi myaka itatu ishize byarakomeje birazurungutana, kugeza ubwo bavuze ngo bitewe n'imyaka afite ntabasha gukurikirana urubanza.

'Ariko noneho uyu munsi aho icyemezo cyavuze ko atakomeza kuburana twumvise dutunguwe kandi dushegeshwe kurushaho, kuburyo twifuza ko hagomba gushakwa izindi nzira izo ari zo zose kugira ngo ntibizahagararire aho ngaho'.

Byageze aha gute?

Iburanisha riheruka ryo ku itariki ya 30 Werurwe (3), umucamanza Bonomy yari yarisubitse 'kugeza igihe kitazwi'.

Hari nyuma yuko uruhande rw'ubwunganizi bwa Kabuga n'urw'ubushinjacyaha bagiye impaka kuri raporo y'inzobere zigenga.

Iyo raporo ku buzima bwa Kabuga, yatangajwe muri Werurwe, yakozwe — ku busabe bw'urukiko — n'inzobere mu buzima bwo mu mutwe Profeseri Henry Kennedy, Profeseri Gillian Mezey na Profeseri Patrick Cras.

Muri iyo raporo, izi nzobere zivuga ko ubuzima bwa Kabuga butatuma ashobora kwitabira urubanza rwe mu buryo bwa nyabwo, nkuko byavuzwe mu rukiko.

Iyo raporo irimo ko 'ubuzima bwo ku mubiri no mu mutwe' bwa Kabuga 'bwagabanutse', ndetse ko afite ikibazo gikomeye cyo kwibagirwa ('clinical dementia').

Ibyo byatumye ku itariki ya 10 Werurwe uru rugereko rw'i La Haye ruba ruhagaritse kumva ibimenyetso bishya mu rubanza rwe, ahubwo ruha umwanya izo nzobere zisabwa ibisobanuro mu rukiko kuri iyo raporo.

Nyuma yaho, ubushinjacyaha n'ubwunganizi bavuze icyo batekereza ku bisobanuro by'izo nzobere na raporo yazo, kugeza ku itariki ya 30 Werurwe.

Ku itariki ya 6 Kamena ni bwo urugereko rwatangaje umwanzuro wo mu rwego rw'ubucamanza kuri iyo raporo y'inzobere zigenga, no ku ngingo z'ubushinjacyaha n'ubwunganizi kuri iyo raporo, ruvuga ko Kabuga adashobora kuburanishwa.

Uwo mwanzuro ni wo ubu ugiye kujuririrwa.

Inkuru ya BBC

The post Kabuga: Urukiko rwemeye ubujurire ku cyemezo cyuko 'adashobora gukomeza kuburanishwa' appeared first on FLASH RADIO&TV.

Source : https://flash.rw/2023/06/21/kabuga-urukiko-rwemeye-ubujurire-ku-cyemezo-cyuko-adashobora-gukomeza-kuburanishwa/?utm_source=rss&utm_medium=rss&utm_campaign=kabuga-urukiko-rwemeye-ubujurire-ku-cyemezo-cyuko-adashobora-gukomeza-kuburanishwa

Perezida wa Zambia, Hakainde Hichilema uri mu ruzinduko rw'iminsi ibiri mu Rwanda, yasuye Urwibutso rwa Jenoside rwa Kigali ruherereye ku Gisozi yunamira inzirakarengane zahashyinguwe.

Perezida Hakainde yatangiye uruzinduko rw'akazi rw'iminsi ibiri mu Rwanda kuri uyu wa Kabiri.

Gusura urwibutso rwa Jenoside rwa Kigali biri mu byari kuri gahunda ye kugira ngo asobanurirwe amateka ya Jenoside yakorewe Abatutsi igahitana abarenga miliyoni mu minsi 100.

Mu gitondo cyo kuri uyu wa Gatatu ni bwo yageze ku rwibutso aherekejwe n'abandi bayobozi batandukanye mu nzego za leta.

Perezida Hichilema yitabiriye Inama y'lhuriro ku Ikoranabuhanga rikoreshwa mu mabanki n'ibigo by'imari, yiswe 'Inclusive Fintech Forum' yangiye kuri uyu wa Kabiri.

Ku gicamunsi yakiriwe Perezida Kagame bagirana ibiganiro byibanze ku mubano w'ibihugu byombi ndetse anamwakira ku meza ku mugoroba, mu muhango wabereye muri Kigali Serena Hotel.

Mu ruzinduko rwe biteganyijwe ko asura Ikigo Norrsken House Kigali gifatwa nk'izingiro ry'ibikorwa by'ikoranabuhanga muri Afurika n'ibindi bikorwa bitandukanye ndetse Abakuru b'Ibihugu baragirana ikiganiro n'itangazamakuru.

Ku mugoroba wo kuri uyu wa Kabiri ni bwo Perezida Kagame yakiriye ku meza Perezida wa Zambia Hakainde Hichilema, uri mu Rwanda mu ruzinduko rw'iminsi ibiri.

The post Perezida wa Zambia wasuye u Rwanda,yunamiye Abatutsi bazize Jenoside bashyinguye mu Rwibutso rwa Kigali appeared first on FLASH RADIO&TV.

Source : https://flash.rw/2023/06/21/perezida-wa-zambia-wasuye-u-rwandayunamiye-abatutsi-bazize-jenoside-bashyinguye-mu-rwibutso-rwa-kigali/?utm_source=rss&utm_medium=rss&utm_campaign=perezida-wa-zambia-wasuye-u-rwandayunamiye-abatutsi-bazize-jenoside-bashyinguye-mu-rwibutso-rwa-kigali

Kapiteni w’ikipe y’igihugu y’u Rwanda, Haruna Niyonzima yavuze ko abona hakwiye gufatwa igihe hategurwa ikipe y’igihugu niyo byatwara imyaka 10 ariko ikazaza imeza neza, n’aho bikomeje mu mujyo birimo Abanyarwanda bazakomeza kubabara.

Ikipe y’igihugu y’u Rwanda mu mupira w’amaguru, yababaje benshi bitewe n’umusaruro uri hafi ya ntawo imaze imyaka 10 itanga utuma abanyarwanda bahora bifashe mapfubyi.

Haruna Niyonzima, yasabye Abanyarwanda gukomeza kwihangana ahubwo bagatera abana bakiri bato.

“Amavubi twese nk’abanyarwanda yartubabaje ku mukino w’ejobundi ariko inama nnjyewe ni uko twakomeza kwihangana n’ubundi tugakomeza tukazamura n’abo bana bato.” Haruna aganirana ISIMBI

Yakomeje avuga ko hakwiye gufatwa igihe niyo yaba imyaka 10 cyangwa 15 hagategurwa ikipe y’igihugu izatanga umusaruro n’aho ubundi nibikomeza gutya Abanyarwanda bazakomeza bababare.

Ati “buriya njyewe hari ibintu mvuga, nanavuze kenshi, ni tugire uburyo sinzi ukuntu nabyita, twihangane tuvuge ko tugiye gutegura imyaka 10, imyaka 15 ariko dutegure ibintu bigiye mu buryo ariko nidukomeza gutya tuzakomeza tubabare, ariko nubwo turimo duseka ntabwo bishimishije, ikipe y’igihugu ni twebwe gusa tudatsinda, abaturanyi nabonye baratsinze, birababaje ariko hariho igihe Imana natwe izatwibuka.”

Kuva 2004 u Rwanda rwakina igikombe cy’Afurika bwa mbere mu mateka yarwo ntabwo rurongera kugira amahirwe yo kubona indi tike yacyo, kuri iyi nshuro inzozi zarangiye ku Cyumweru gishize ubwo Mozambique yatsindiraga Amavubi i Huye 2-0.

Haruna Niyonzima yasabye ko hategurwa ikipe y’igihe kirekire

Source : http://isimbi.rw/siporo/article/turaseka-ariko-ntabwo-bishimishije-nibikomeza-gutya-tuzakomeza-tubabare-haruna-niyonzima

Ntwari Fiacre yategerejwe n'abayobozi ba Police FC ngo asinye baraheba kubera ikipe izasohokera u Rwanda mu mikino nyafurika yamubwiye ko izamuha ibyo ashaka byose ariko agasinya ikazamwifashisha mu mikino nyafurika.

Ku munsi wejo hashize kuwa kabiri, umuzamu wafatira ikipe ya AS Kigali ndetse n'ikipe y'igihugu y'u Rwanda Amavubi Ntwari Fiacre, yagombaga gusinyira ikipe ya Police FC amasezerano y'umwaka ariko ubuyobozi bwamutegereje buraheba kugeza bucyeye.

Amakuru YEGOB twamenye kumugoroba w'ejo, avuga ko uyu muzamu gusinya yari yamaze kubyemera ariko agiye kwerekeza ku biro bya Police FC yahise yakira telephone ivuye muri APR FC imubwira ko areka gusinyira Police FC kuko ngo nawe ari mu bo bashaga gusinyisha mu gihe baratangira kwinjiza abakinnyi.

Ntwari Fiacre byari biteganyijwe ko agomba gusinya amasezerano y'umwaka umwe mu ikipe ya Police FC agahabwa Milliyoni 20 ariko ikipe ya APR FC itajya yiburira yahise ituma ubu bwumvikane butagenda neza nkuko byari biteganyijwe.

APR FC ishaka umukinnyi hano mu Rwanda ndetse no hanze nta kipe ikina shampiyona y'u Rwanda ifite ubushobozi bwo kuyitwara umukinnyi ikibigaraza ni uko uyu Ntwari Fiacre na Rayon Sports yaramushatse cyane ndetse baranavugana ariko Police FC na Rayon Sports bisa nkaho yaziteye umugongo ahubwo APR FC irimo kumwizeza umurengera w'amafaranga azamusinyisha hatagize igihinduka.

 

Source : https://yegob.rw/ntwari-fiacre-yateye-utwatsi-police-fc-kubera-ikipe-izasohokera-u-rwanda-yamutegetse-kudasinya-ikanamwizeza-ibisa-nkibitangaza/

Urwanda mu yindi mikino nta mikino rugira! U Rwanda rwanyatuye izakabwana igihugu cy'abaturanyi.

Nyuma yuko ikipe y'igihugu Amavubi akomeje kubabaza abatari bake mu gihugu, ubu habonetse umuhoza w'abanyarwanda nubwo benshi bataramumenya.

Uwo muhoza ntawundi uretse ikipe y'igihugu ya Basketball. Nyuma yuko iyi kipe y'igihugu y'u Rwanda muri Basketball ikubise Eritrea nk'umubyeyi uhana umwana, ubu yongeye kwereka Tanzania ko nta mwana usya ahubwo avoma.

Ikipe y'u Rwanda yatsinze Tanzania amanota 77 kuri 57 mu mukino wabahuje wo gushaka tike yo kwerekeza mu mikino ny'Africa.

 

 

Source : https://yegob.rw/urwanda-mu-yindi-mikino-nta-mikino-rugira-u-rwanda-rwanyatuye-izakabwana-igihugu-cyabaturanyi/

Kuri uyu wa Mbere tariki 18 Kamena 2023, nibwo habaye umuhango wo gusezera bwa nyuma umufana w'umukecuru ukomeye wa Manchester United wo muri Kenya uherutse kwitaba Imana.

Uyu mukecuru wamamaye ku mbuga nkoranyambaga nka TikTok kuri uru rubura yakurikirwaga n'abantu barenga ibihumbi 600, Instagram na Facebook, yakunze kugaragara yifotoza mu buryo bumeze nk'uko rutahizamu Rashford wa Manchester United yishimira igitego.

 

Source : https://yegob.rw/byari-amarira-agahinda-menshi-mu-muhango-wo-gusezera-bwa-nyuma-umufana-ukomeye-wa-manchester-united-amafoto/