Category: Uncategorized

Umuhanzi Jose Chameleone arembeye muri Leta Zunze Ubumwe za Amerika aho arwariye igifu ndetse akaba yaranabazwe.

Ni uburwayi bwamufashe mu kwezi gushize ubwo yari yagiye muri Leta Zunze Ubumwe za Amerika gusura abana n’umugore we Daniella.

Ubwo yari ageze muri iki gihugu, ubuzima bwaje kumuhinduka maze arwara mu nda bikabije.

Uyu muhanzi w’imyaka 44 yahise ajyanwa mu bitaro biherereye i Minnesota igitaraganya ahashyirwa indembe ndetse ahita anajyanwa kubagwa vuba na bwangu.

Nyuma yo kubagwa yaciwe miliyoni 370 z’amashilingi ya Uganda angana na 116.232.490 Frw.

Aya mafaranga bahise bitabaza guverinoma ya Uganda ngo harebwe uburyo yafashwa kuyishyura cyane ko yavugaga ko ntayo yabona.

Se wa Chameleone akaba yari yatangaje ko n’ubundi umuhungu we yavuye muri Uganda atameze neza n’ubundi yaribwaga mu nda.

Muri 2021 nabwo yigeze kujya mu bitaro kubera urwayi bw’igifu.

Nubwo ari Chameleone wari urembye, gusa byaje gukomeza kuba bibi aho na mukuru we arembeye muri Leta Zunze Ubumwe za Amerika.

Humprey Mayanja yatangiye kumva atameze neza ubwo yari ageze ku kibuga cy’indege Amsterdam ariko agakeka ko ari umunaniro biri buze gushira nk’uko yabinyujije ku mbuga nkoranyambaga ze.

Ngo ageze muri Amerika yagerageje kuruhuka ariko yumva akomeje kuremba aribwa mu nda. Byarangiye na we agiye mu bitaro.

Jose Chameleone arembeye muri Leta Zunze Ubumwe za Amerika

Ikinyamakuru Forbes Magazine kabuhariwe mu gushyira hanze imitungo y’ibyamamare, cyatangaje ko urebye muri rusange abahanzi bakize cyane ku Mugabane wa Afurika usanga hafi ya bose ari abo muri Nigeria.

Ibi bakaba ngo babikesha kuba umuziki wabo umaze kugera ku isoko mpuzamahanga byumwihariko injyana ya Afro Beat bakora ikaba iri ku ibere aho Isi yose isigaye iyikunze ari nako ibitaramo byabo byitabirwa ndetse n’indirimbo zabo zigacuruza ku mbuga zitandukanye ku buryo ntaho bitandukaniye n’ubundi bucuruzi.

Urutonde rw’abahanzi bo muri Nigeria batunze amafaranga menshi babikesha injyana ya ‘Afro Beat’ igezweho ku rwego mpuzamahanga:

1. Davido ($40 Million)

Umuhanzi Davido ni we uyoboye uru rutonde rw'abahanzi bakize muri Nigeria na Miliyoni mirongo ine z'amadolari ya Amerika, ikinyamakuru Forbes cyatangaje ko uyu muhanzi  umuntugo we ushobora kuba unarengeje aya mafaranga bitewe n'umuryango we akomokamo nawo uri muri bamwe mu batunze agatubutse muri iki  gihugu. 

Davido muri uyu mwaka yabonye amafaranga menshi yaturutse mu bikorwa bitandukanye birimo gusinyana amasezerano atandukanye na bimwe mu bigo bitandukanye by'ubucuruzi ndetse anasohora n'indirimbo nyinshi zakunzwe cyane. 

Forbes yatangaje ko aya mafaranga aziyongera cyane kubera ibitaramo arimo akora bizenguruka ibihugu bitandukanye amurika album aherutse gusohora yise ‘Timeless’ iri no ku rutonde rw’izikunzwe ku Isi.

2. Wizkid ($30 Million)

Ku mwanya wa kabiri turahasanga umuhanzi Adoyeji Bologun uzwi nka Wizkid na Miliyoni mirono itatu z'amadolari. Wizkid ukunda kwita Starboy n'abakunzi be ni umwe mu bahanzi bahiriwe n'umuziki muri uyu mwaka nyuma y'uko album ye yise 'Made in Lagos' ikunzwe hirya no hino ku Isi ndetse agahabwa n'ibihembo bitandukanye mpuzamahanga biyiturutseho.

Uyu muhanzi kandi aherutse gukora igitaramo cy'amateka cyabereye mu nyubako izwi nka 02 Arena iri mu mujyi  wa London mu Bwongereza,  cyitabiriwe n'abakunzi be benshi ndetse n'ibyamamare bitandukanye harimo n'umuhanzi Chris Brown. 

3.Burna Boy ($18 Million)

Umuhanzi Damini Ogulu wamamaye nka Burna Boy niwe uza ku mwanya wa Gatatu kuri uru rutonde na Miliyoni cumi n'umunani z'amadorali. Burna Boy ukunda kwiyita akazina ka African Giant nawe ni umwe mu bahanzi bo muri Nigeria bahiriwe cyane muri uyu mwaka 2023 nyuma yo kwinjiza agatubutse mu bitaramo yakoreye mu bihugu bitandukanye hirya no hino ku Isi. 

4. Don Jazzy ($17.5 Million)

Don Jazzy, umuhanzi akaba anatunganya umuziki ndetse akaba na nyiri nzu y'umuziki ya Marvin Records ,niwe uza ku mwanya wa Kane na Miliyoni cumi na zirindwi n'ibihumbi magana atanu by'amadolari. Uyu mugabo kandi uretse kuba umuhanzi ni umushoramari, akaba n’umwe mu bantu bakunzwe cyane ku mbuga nkoranyambaga mu gihugu cya Nigeria.

5.2Baba Idibia ($16 Million)

Nk’uko tubikesha ikinyamakuru Forbes, 2Baba Idibia wahoze yitwa 2Face Idibia ni umwe mu bahanzi bo muri Nigeria batunze agatubutse aho umutungo we ubarirwa muri Miliyoni cumi n'esheshatu z'amadolarali.

Uyu mugabo utagikunda kugaragara cyane mu muziki, mu myaka yashize yigeze kuza ku mwanya wa mbere ku rutonde rw'abahanzi bakize muri Nigeria.

6.Olamide ($14 Million)

Umuhanzi Olamide nyiri nzu y'umuziki ya YBNL ,niwe uza ku mwanya wa Gatandatu na Miliyoni cumi n'enye z'amadolari. Uyu muhanzi kandi nawe ari mu bahagaze neza muri Nigeria ndetse anamaze no kwamamara mu ruhando mpuzamahanga.

7.Phyno ($11 Million)

Umuraperi Phyno akaba n'inshuti magara y'umuhanzi Olamide niwe uza ku mwanya wa karindwi na Miliyoni Cumi n'imwe z'amadolari. Uyu mugabo uzwiho kugira ijwi rikakaye, asanzwe ari no ku rutonde rw’abaraperi bakize ku mugabane wa Afurika.

8. Timaya ($10 Million)

Umuhanzi Timaya wanakoranye indirimbo n'itsinda rya Urban Boys rya hano mu Rwanda bise 'Show Me Love' niwe uza ku mwanya wa munani kuri uru rutonde na Miliyoni icumi z'amadolari. 

9. Flavour ($9.5 Million)

Ku mwanya wa Cyenda turahasanga umuhanzi Flavour N'abania wamenyekanye cyane ku ndirimbo ye yise 'Nwa Baby'  na Miliyioni icyenda n'ibihumbi magana atatu by'amadolari. Uyu muhanzi azwiho kuba mu ba mbere bazamuye injyana ya Afro Beat kuva mu 2011.

10.  Tiwa Savage ($9 Million)

 Tiwa Savage niwe muhanzi rukumbi w'igitsina gore uri kuri uru rutonde. Uyu muhanzi uherutse kuririmba mu birori by’iyimikwa ry’Umwami wo mu Bwongereza, Charles III, niwe uza ku mwanya wa cumi na Miliyoni icyenda z'amadolari.

Iyi ndirimbo yasohotse kuri uyu wa Gatanu tariki 7 Nyakanga 2023, amashusho yayo yakorewe mu gihugu cya Tanzania afatwa na Director Joowzey umaze gukorana n'abahanzi bakomeye barimo nka Mbosso, Barnaba Classic n'abandi banyuranye.

Mu buryo bw'amajwi (Audio) iyi ndirimbo yakozwe na Produce Niz Beat wo mu Rwanda, inononsorwa (Mastering) na Herbet Skill wo muri Uganda, iririmbwa kandi ishorwamo imari(Produced) na Sat-B wo mu Burundi. 

Sat-B yabwiye InyaRwanda ko yifashishije iyi kipe ngari mu ikorwa ry'iyi ndirimbo 'Kidding' mu rwego rwo kwagura urugendo rw'umuziki we, no kugaragaza uburyo aba Producer bo muri EAC bafite ubumenyi buhagije mu ikorwa ry'indirimbo.

Ati 'Nagirango nkore indirimbo nziza, kandi guhuza imbaraga na bagenzi banjye nagiye mbona bitanga umusaruro kenshi. Niyo mpamvu nahuje aba bose babarizwa muri ibi bihugu.'

Uyu mugabo avuga ko mu kwandika iyi ndirimbo yifashishije Niyo Bosco, kuko amuzi nk'umwanditsi mwiza w'indirimbo kandi wagiye arambika ikiganza ku ndirimbo zakunzwe.

Ati 'Niyo Bosco yakoze inyandiko (iyi ndirimbo), ariko urebye neza niwe wagize uruhare runini, umuntu yavuga ko ariwe wayanditse yose kugeza isohotse.'

Niyo Bosco yagize uruhare rukomye mu kwandika indirimbo z'abahanzi barimo Vestine na Dorcas, yaba abahanzi b'imbere mu gihugu no hanze baramwifashisha.

Sat-B yaherukaga gusohora indirimbo ‘No Body’, ‘Mon Amour’, ‘Ishari’, ‘Utamu’ yakoranye na Belle 9ice n’izindi.     

Uyu muhanzi aherutse kugaragara kuri album 'Essence' ya Tom Close binyuze mu ndirimbo 'Superwoman' bakoranye.

Bizimana Aboubakar Karume [Sat-B] w'imyaka 33 y'amavuko asanzwe afite album nka: Iwacu, Satura, Hello Africa, ndetse na Romantic Sounds aherutse gushyira ahagaragara.

Ni umwanditsi w'indirimbo, umubyinnyi, akaba n'Umuyobozi w'inzu ifasha abahanzi mu bya muzika ya Empire Avenue.

Mu 2022, yegukanye igihembo cy’umuhanzi w’umwaka mu Burundi (Artiste of the year) muri East Africa Entertainment Awards, muri 2021 yatwaye igihembo cya ‘Best Independent Traditional Music’ muri Hapa Awards n'aho 2019 yatwaye ibihembo bitatu muri Buja Music Awards.

Sat-B yifashishije abasore bane bo mu bihugu bitatu byo muri EAC mu ndirimbo ye nshya

Sat-B yatangaje ko yifashishije Niyo Bosco mu kwandika indirimbo ye ‘Kidding’

 

Producer Niz Beat yagize uruhare rukomeye mu gutunganya amajwi y’iyi ndirimbo 

Producer Hebert Skillz niwe wanononsoye (Mastering) amajwi y’iyi ndirimbo 

Director Joowzey niwe wakoze amashusho y’iyi ndirimbo ‘Kidding’ 

KANDA HANO UREBE AMASHUSHO Y’INDIRIMBO ‘KIDDING’ YA SAT-B

“>