Category: Uncategorized

Guhera kuri uyu wa 17 Nyakanga 2023 kugera kuwa 20 Nyakanga 2023 i Kigali hateraniye Inama Mpuzamahanga izitabirwa imbonankubone n'abarenga ibihumbi bitandatu (6,000), naho abarenga ibihumbi magana abiri (200,000) bazayikurikirana bifashishije uburyo bw'ikoranabuhanga.

Umwe mu bashyitsi b'imena muri iyi nama wamaze kugera mu Rwanda, ni Madamu Sahle uyobora igihugu cye Ethiopia. Iyi nama yiswe 'Women Deliver', igaruka ku ruhare rw'umugore mu iterambere.

InyaRwanda igiye kukugezaho amateka y'uyu mugore w'imyaka 73 uri mu banyapolitike bavuga rikijyana muri Afurika.

Sahle yabonye izuba kuwa 21 Gashyantare 1950. Ni umwe mu banyapolitike bakomeye kuva cyere mu mwaka wa 2018. Yatorewe kuyobora Ethiopia, ahita aca agahigo ko kuba Perezida wa mbere w'umugore w'iki gihugu.

Ikinyamakuru cy'abanyamerika cya Forbes Magazine, giheruka kumushyira ku mwanya wa 96 w'abagore bakomeye ku isi.

Sahle yavukiye muri Addis Ababa, akomoka mu bwoko bw’aba Amhara. Ni we mfura mu muryango w'iwabo, akaba yarasoreje amashuri yisumbuye muri Lycee Guebre Mariam. Yaminurije mu Bufaransa aho yakuye impamyabumenyi y'icyiciro cya Kabiri cya Kaminuza mu yitwa Montpeller.

Avuga neza indimi zirimo iki Amharic, Igifaransa n'Icyongereza. Sahle yabaye umugore wa kabiri mu mateka ya Ethiopia ugizwe Ambasaderi nyuma ya Yodit Emiru waciye aka gahigo bwa mbere.

Guhera mu mwaka wa 1993 kugera mu mwaka wa 2002, ni bwo yatangiye imirimo yo guhagararira igihugu cye mu bindi bihugu, atangirira muri Djibouti, ubundi aza kwerecyeza mu Bufaransa.

Mu yindi myanya ikomeye yagiye akoramo, harimo guhagararira Ethiopia mu muryango wa Afurika Yunze Ubumwe, yakoze kandi muri Minisiteri y'Ububanyi n'Amahanga ya Ethiopia.

Kugera mu 2011 yakoraga mu biro by'Umunyamabanga Mukuru w'Umuryango w'Abibumbye, Ban Ki Moon, aho yagiye amuhagararira mu bikorwa bitandukanye.

Yabayeho kandi Umuyobozi Mukuru w'Umuryango w'Abibumbye wa Komisiyo yo kubungabunga amahoro, BINUCA. Ndetse yabaye umugore wa mbere wahagarariye Umuryango wa Afurika Yunze Ubumwe mu Muryango w'Abibumbye.

Sahle ni we mugore wa kabiri w'umu Perezida muri Afurika kuko na Tanzania iyoborwa na Madamu Samia.

Kuwa 25 Werurwe 2020, yahaye imbabazi abagororwa bagera ku bihumbi 4, aza kongera guha imbabazi abandi bagera ku gihumbi na magana atanu kuwa 02 Mata 2020.

Kuwa 19 Ukuboza 2020, uyu muyobozi yagabanyirije igihano abarimo Berhanu Bayeh na Adis Tedla bari barakatiwe urwo gupfa, akigira gufungwa burundu.

Perezida Kagame yakiriye mu biro bye Perezida Sahle wa EthiopiaEthiopia nicyo gihugu cya kabiri cya Afurika kiyoborwa na Perezida w’umugore nyuma ya Tanzania

AMAFOTO: VILLAGE URUGWIRO

 

Abashaka guhatana muri iri rushanwa batangiye kwiyandikisha. Ku wa 23 Ukuboza 2023 hazaba igikorwa cyo guhitamo ababyinnyi bazagera mu cyiciro kibanziriza icya nyuma kizabera kuri Kimisagara Youth Center.

Ni mu gihe ku wa 30 Ukuboza 2023 ari bwo hazamenyekana umusore, umukobwa cyangwe se itsinda ryegukanye iri rushanwa rigiye kuba ku nshuro ya kabiri, ni mu gikorwa kizabera kuri Club Rafiki Youth Center.

Kuri iyi nshuro uzahiga abandi azahembwa Miliyoni 1 Frw, uwa kabiri azahembwa ibihumbi 500Frw ni mu gihe uwa gatatu azahembwa ibihumbi 300Frw.

Rukundo Patrick [Patycope] uri mu bari gutegura iri rushanwa, yabwiye InyaRwanda ko kuri iyi nshuro bazamuye ibihembo kugirango umwuga wo kubyina urusheho kugira agaciro.

Ati 'Ku iyi nshuro twazamuye ibihembo kugira ngo umwuga wo kubyina nawo utangire winjize akantu gatubutse.'

'Kuko intego yacu ni uguteza imbere urubyiruko binyuze mu kubyina kandi dushishikariza urubyiruko kutanywa ibiyobyabwenge kuko si byiza.'

Iri rushanwa rigiye kuba mu gihe haherutse gutangwa ibihembo bigenewe abakobwa bagaragara mu ndirimbo z'abahanzi babyina byiswe 'Video Vixen Awards'.

Umwuga wo kubyina wahiriye benshi ku Isi, ku buryo umunyarwandakazi Sherrie Silver yamenye ku Isi binyuze mu kuba yarakuze akunda kubyina, bituma abengukwa n'abahanzi na kompanyi zinyuranye atangira guhanga imbyino zifashishijwe.   

Umwaka ushize iri rushanwa ryegukanwe n'itsinda ry'abana b'ababyinnyi, Afro Monster Vipers ribarizwa ku Kimisagara mu Mujyi wa Kigali. Icyo gihe bahembwe ibihumbi 500Frw.

Afro Monster Vipers yegukanye iri rushanwa yahembwe ibihumbi 500 Frw, Urban Dancer School yabaye iya kabiri yahembwe ibihumbi 300 Frw naho Afro Mirror yabaye iya gatatu yahembwe ibihumbi 100 Frw.

Igihembo cy'uwa mbere cyongeheweho ibihumbi 500, ku mwanya wa kabiri hongeweho ibihumbi 200Frw n’aho ku mwanya wa Gatatu hongerwaho ibihumbi 200Frw.

Iri rushanwa ryateguwe n'inzu y'imideli ya Urutozi Gakondo iri ku isoko ryo mu Rwanda kuva mu mwaka wa 2019.

Ubuyobozi bw'iyi nzu buvuga ko bwayitiriye 'Urutozi' kubera ko urutozi ari agasimba kagira urukundo, gakorera hamwe kandi kakagira ubuyobozi bwiza.

Iyi nzu yashinzwe mu rwego rwo kongera guhuriza hamwe urubyiruko kugira ngo batajya mu bikorwa bibangiriza ubuzima.

Afro Monster Vipers nibo begukanye ku nshuro ya mbere irushanwa ‘Urutozi Challenge Dance Competition’

Iri rushanwa rigiye kuba ku nshuro ya kabiri ryakubye ibihembo by'amafaranga basanzwe batanga

Utereye ijisho ku rubuga rwa Youtube rukoreshwa na benshi mu banyarwanda yaba mu buryo bwo kumenya amakuru no mu bucuruzi bwabo bwa buri munsi banamenyekanisha ibyo bakora.

Urasanga hari indirimbo abantu benshi bari kwihatira kumva no kureba binyuze kuri uru rubuga, uyu munsi inyaRwanda twifuje kubahitiramo izigera kuri eshanu ziza imbere kugeza ubu.Element, Ross Kana na Bruce Melodie indirimbo yabo ikomeje kuza imbere 

Kugeza ubu indirimbo ya Element wamaze kuba ikimenyabose mu gutunganya umuziki ariko akaba mu gihe gito amaze yinjiye mu kuririmba nabyo bikaba bikomeje kumuhira.

Iyitwa 'Fou de Toi' yakoranye na Bruce Melodie na Ross Kana bose bahuriye mu nzu igezweho mu zitunganya umuziki zikareberera inyungu z'abahanzi ya 1:55A.M ikaba ariyo kuva yasohoka ikiyoboye izindi. 

Iyi ndirimbo imaze kurebwa inshuro zirenga Miliyoni 3.5 kuva yajya hanze kuwa 29 Gicurasi 2023 niyo iyoboye izindi. 

KANDA HANO WUMVE UNAREBE INDIRIMBO ‘FOU DE TOI’

“>

Danny Nanone kuva yasoza umuziki ntagahenge ari gutanga ari gukora indirimbo nyinshi kandi nzira

Indirimbo 'My Type' ya Danny Nanone imaze kurebwa binyuze kuri Youtube inshuro zirenga Miliyoni 1.2 kuva yagera ku isoko kuwa 02 Kamena 2023 yakomeje kugenda iza imbere ku ntonde zigaragaza indirimbo zigezweho mu bitangazamakuru bitandukanye. 

Ari nako abitabira kuyireba biyongera dore ko kuva uyu muhanzi Danny Nanone yakongera gutangira  ibikorwa by'umuziki nyuma y’uko yari yarabaye abisubitse akajya kwiga mu ishuri ry'umuziki rya Nyundo yakomeje kunyura benshi. 

KANDA HANO WUMVE UNAREBE ‘MY TYPE’

“>

Kirikou Akili na Chrissy Eazy indirimbo yabo ‘Lala’ ikomeje kuza imbere mu ziri guca ibintu ku butaka bw’u Rwanda by’umwihariko mu bakoresha urubuga rwa Youtube

Ukwezi kurashize umuhanzi Kirikou Akili wo mu Burundi ahuje imbara na Chris Eazy uretse kuba aba bahanzi bombi bari mu kiragano kimwe amagambo n'injyana bakora zikaba zenda gusa ariko na none n'amashusho bakoze barayitondeye. 

Kuva kuwa 17 Kamena 2023 bashyira hanze iyi ndirimbo imaze kurebwa inshuro zigera ku bihumbi 774  bakaba barayise’ Lala’ ikaba iri mu zikomeje kuza imbere mu kurebwa.

KANDA HANO WUMVE UNAREBE INDIRIMBO ‘LALA’

“>

Juno Kizigenza umuziki we umunsi kuwundi ugenda urushaho kugira icyerekezo n’igikundiro

Igitangaza imwe mu ndirimbo ziri kuri Album nshya ya Juno Kizigenza yise 'Yaraje' iyi ndirimbo yakoranye na Bruce Melodie uri mu basobanuye byinshi ku muziki we kuko wavuga ko ari we wamuritse impano ye. 

Hamwe kandi na Kenny Sol iri muziri gukurukirwa cyane nubwo nta mashusho yayo arajya hanze gusa bitewe n'amateka aba bose abahuje kimwe kandi n'ubuhanga n'izina bamaze kwandika mu muziki nyarwanda byatumye yihuta kurushaho aho imaze kurebwa binyuze kuri Youtube inshuro ibihumbi 441. 

KANDA HANO WUMVE INDIRIMBO ‘IGITANGAZA’

“>

Amahitamo ya Davis D yo guhuriza mu ndirimbo ye Bushali na Bull Dogg akomeje gutanga umusaruro wigaragaza aho Bermuda ikomeje kuba Bermuda mu bakunzi b’umuziki

Yiyita umwami w'abana benshi barabimwubahira kuko yamaze kwerekana uruhande arimo mu byo akora no gushimangira ko abanyamideli bagaragara mu mashusho y'inditimbo bafite uruhare runini mu kugera ku muziki. 

Uretse izina afite guhuza imbaraga na Bushali na Bull Dogg bafite izina rikomeye mu muziki w'injyana y'umujinya biri mu byongereye uburyohe bw'indirimbo yise 'Bermuda' yashyize kuwa 22 Kamena 2023 imaze kurebwa inshuro ibihumbi 482.

KANDA HANO WUMVE UNAREBE INDIRIMBO ‘BERMUDA’

“>
 

Muri Samsung 250 ni ibyiza gusa, ubu uragura telephone kuri Cash, cyangwa kuri Macye Macye ugahabwa interineti ya Mango 4G y’ukwezi, ndetse ukajya mu banyamahirwe batombora ibikoresho birimo moto, amagare, televiziyo, blender n’ibindi byinshi.

Muri Samsung 250 babazaniye telephone nshya z'ubwoko bwa mbere zifunze mu makarito zirimo Samsung Galaxy S23, S22, S73, A53, A33, A23, A04, A03 tubafitiye kandi n'ama Iphone 14, 13, 12 n’izindi nyinshi.

Muri iri duka rihetse ayandi mu kugeza ibikoresho by'ikoranabuhanga ku isoko ry'u Rwanda, uragura Smart TV ukabona interineti ya 4G y’ukwezi igufasha kujya ku mbuga nkoranyambaga, ukabona na dekoderi ya Canal plus ndetse ukajya mu banyamahirwe batombora ibikoresho birimo moto, amagare, televiziyo, blender n’ibindi byinshi.

Bafite kandi ibikoresho bya ‘Electronics’ bifasha abatuye u Rwanda kwihutisha imirimo, birimo firigo, laptop, desktop, gaze ziteka, imashini imesa, soundbar na kamera z’umutekano.

Iri duka risangwa muri KCT, ku muryango urebana na Station ya Gare iri haruguru ya T2000, ku muryango wa 18 na Gisimenti hafi ya Equity hegeranye na Mango 4G, ubundi ugacika ku mugani wa ‘Sinamenye’

Uretse mu mujyi wa Kigali, iri duka risangwa hirya no hino mu gihugu, i Musanze, ku muhanda munini Kigali- Gisenyi ku nzu yegeranye na Turikumwe Shop. Ahavuzwe hose harangwa n’ibyapa bya Samsung 250. Hamagara 0788316891. 

Kuri ubu ushobora kugura Telephone y'inzozi zawe kuri macye macye muri Samsung 250 

Muri Samsung 250 bafite telephone z'ubwoko bwose kandi ziri ku giciro kinogeye buri wese 

Dufite kandi n’ibindi bikoresho by’ikoranabuhanga byagufasha koroshya akazi birimo Laptop, Frigo, Imashini imesa, TVs n’ibindi 

Kanda hano urebe andi mafoto y’ibikoresho ducuruza muri Samsung 250

Imyaka ine irashize aba bombi bari mu rukundo rwitamuruye. Ubukwe bwabo bwabaye kuri iki Cyumweru tariki 16 Nyakanga 2023 kuri Sunday Park, buhuza inshuti, imiryango, abavandimwe n'abandi bashyigikiye intambwe yatewe n'uyu muryango mushya.

Ni ubukwe bwari bwiganjemo ibyamamare mu ngeri zinyuranye! Yambariwe n'abarimo umuhanzi 2saint, Nario, Mbanda, Phil Peter ndetse na Igor Mabano. Ni mu gihe Jean de Dieu Kabanda washinze Isibo Tv yabaye 'Parrain' we. Umuhanzi Jules Sentore yatashye ubu bukwe, aririmba mu gihe cyo gusaba no gukwa.

Ubukwe kandi bwatashywe n'abarimo Mugisha Benjamin uzwi nka The Ben, Mugisha Emmanuel [Clapton], umukinnyi wa filime Makanika n'abandi.

The Ben yahaye impano Julien n'umukunzi we Florence kandi afata umwanya muto wo kubaririmbira no kuvuga ijambo.

The Ben yashimye Producer Julien kuko yamufashije ubwo yari akigera muri Leta Zunze Ubumwe za Amerika agiye gutangira ubuzima.

Uyu munyamuziki witegura nawe gukorera ubukwe muri Kigali Convention Center, yavuze ko ari inshuti y’igihe kirekire ya Julien, kuko yanamukoreye indirimbo ku giciro gito cyane. Abifata nk’aho byari ubuntu. The Ben yavuze ko urugendo rwe na Julien rufite amateka akomeye.

The Ben avuga ko atewe ishema n’intambwe Julien yateye yo kurushinga. Ati “Kandi na Florence aribizi ko uri inshuti yacu kuva cyera. […] Ndi mu bantu banezerewe muri uyu mugoroba, ngirango nawe urabizi ku mutima.'

Yanavuze ko atari azi neza ko azaba ari mu Rwanda mu bukwe bwa Julien na Florence ariko yarasenze Imana iramusubiza.

Ati 'Ntabwo nari nzi ko nzaba ndi mu Rwanda iki gihe ku bukwe bwawe, ariko narasenze Imana ko yamfasha nkaba mpari. Rero ntewe ishema nawe.'

Yavuze ko atabona impano yo gushimira Julien kubera ukuntu bakoranye; yamuhaye impano afatanyije n’abandi bari kumwe.

The Ben yavuze ko n'ubwo amaze iminsi nta ndirimbo ashyira hanze ariko 'ibikorwa byinshi bijyanye n'amashusho byanjye uyu mugabo abigiramo uruhare'.

Akomeza ati 'Kandi yamfashije nta n'ubushobozi mfite. Igihe twatangiraga, twari dushakashaka kugeza aho Imana iduhaye imbaraga tukaba dukora ibintu bivugitse.'

Aravuga ibi mu gihe Julien ariwe wamukoreye indirimbo 'Why' yakoranye n'umunyamuziki wo muri Tanzania, Diamond.

Mu bandi bavuze ijambo, harimo umubyeyi w’umuhanzikazi Babo washimye Julien kubwo gushyigikira umwana we akamutunganyiriza amashusho y’indirimbo zitandukanye. Julien yakoreye Babo indirimbo yitwa 'I'm in love' n'izindi.

Ku wa 10 Ukwakira 2022, nibwo Sugira Florence yagaragaje ko umukunzi we Julien yamwambitse impeta mu muhango wabereye ku kirwa cya Zanzibar muri Tanzania.

Icyo gihe, Sugira yifashishije konti ye ya Instagram atangaza ko yabwiye 'Yego' umukunzi we Bmjizzo.

Yavuze ko yorohewe no kwemerera umukunzi we gutangira urugendo rushya rw'ubuzima. Avuga ko kuva yatangira gukundana na Julien, yamubereye inshuti n'umukunzi 'mu gihe cy'imyaka ine ishize'.

Uyu mukobwa yavuze ko banyuze mu bihe by'imiraba n'ibyishimo ariko 'wakomeje kumbera inshuti nya nshuti' yakoresheje 'G' (inshuti mu mvugo z'iki gihe).' Ati 'Ku bw'ibyo uyu munsi naguhisemo, ejo ndetse n'ahazaza.'

Yashimye Julien ku bwa buri kimwe yamukoreye mu buzima. Amusaba gufatanya gusengera urugendo bagiye gutangira, kugira ngo Imana izayobore intambwe zabo kandi bazarumbuke.

Sugira Florence asanzwe ari umukinnyi wa filime n'ubwo muri iki gihe atakigaragara cyane. Uyu mukobwa yamenyekanye cyane muri filime yahuriragamo n'umusore wamamaye nka ‘Makanika’.

Ariko yanakinnye muri filime yitwa 'Igihiraho' akinamo yitwa Teta. Iyi filime igaragaza ingaruka zo kwihorera; ihohoterwa rikorerwa abagabo rikozwe n’abagore, ihohoterwa rikorerwa abagore rikozwe n’abagabo, kwihangana no mu bihe by’amage ukaba intwari, urukundo, imibanire yifuzwa ku bashakanye, uburere Mboneragihugu n’ibindi.

Mu Ukwakira 2021, nibwo Julien yatangiye urugendo rwo guhuriza abahanzi mu ndirimbo imwe, mu rwego rwo kuzamura izina rye.

Yahereye ku ndirimbo yise 'Kamwe' ikoze mu njyana y'amapiano irimo abahanzi nka Social Mula, Kenny Sol, Davis D, Bushali, Bull Dogg, B-Threy, Khalfan, Confy, Alyn Sano, Li john na Papa Cyangwe.

Ni indirimbo yihariye impera za 2021 kugeza n'uyu munsi, kuko icyumvikana ahantu hatandukanye icurangwa, ikomeza kwizihira abanyabirori.

Julien ni Producer w'Umunyarwanda ariko ukorera mu Bubiligi, afata amashusho y'indirimbo, filime n'ibindi bigendanye na cinema.

Indirimbo 'Why' yakoreye The Ben na Diamond yatumye umwe mu bareberera inyungu za Alikiba amwandikira, amushimira ku kazi katoroshye yakoze.

Ni we watunganyije amashusho y'indirimbo 'Only You' ya The Ben yakoranye na Ben Kayiranga yakomeje izina rye.

Mu 2014, nibwo uyu musore yashinze studio ye y'umuziki yise 'BproudMusic' iherereye mu Bubiligi, aho amaze gukorana n'abahanzi barimo Marina, Social Mula, Big Fizzo, Bull Dog, Mico The Best n'abandi.

Julien yavukiye kandi akurira mu Rwanda. Nyuma yo kurangiza amashuri abanza, yagiye kwiga kuri ESAPAG kugeza mu 2011 aho yavuye we n'umuryango we bajya gutura mu Bubiligi.

Yakomereje amashuri ye mu Bubiligi ku kigo cyitwa Vilgo asoza amasomo mu Ishami rya 'Computer Science Management and Accouting'.

 

The Ben mu batashye ubukwe bwa Producer Julien na Sugira Florence

 

The Ben yahaye impano umuryango Julien na Florence, avuga ko imyaka irenze 10 ari inshuti ya Julien 

The Ben yavuze uburyo Julien yamufashije, bafatwa n’ikiniga bibutse ibihe banyuranyemo 

The Ben yahaye ikaze mu muryango Sugira Florence, avuga ko atewe ishema n’intambwe inshuti ye yateye 

Jean de Dieu Kabanda washinze Isibo Tv niwe 'Parrain' wa Julien [Uwa mbere uri ibumoso] 

Abarimo David Bayingana [Ubanza ibumos] batashye ubukwe bwa Julien

Umubyeyi w'umuhanzikazi Babo yashimye Julien ku bwo gushyigikira urugendo rw'umuziki w'umwana we

Ubu bukwe bwabereye kuri Sunday Park….Abakobwa bo muri Uno Fashion nibo bifashishijwe mu kwakira abatashye ubu bukwe

Mu Ukwakira 2022, nibwo bombi batangaje ko bitegura kurushinga nk'umugabo n'umugore

 

Julien amaze imyaka irenga ine ari mu rukundo na Sugira Florence