Category: Uncategorized

Mu itangazo ryashyizwe ahagaragara n’Ubunyamabanga bukuru bw’Umuryango wa FPR Inkotanyi kuri uyu wa Kabiri tariki ya 18 Nyakanga, ryarimo ubutumwa  bugeneye abanyamuryango bawo ,wananenze  umuhango wo kwimika umutware  w’Abakono mu Rwanda wabereye mu Karere ka Musanze.

Muri iryo tangazo Umuryango  FPR Inkotanyi wibukije abanyamuryango bawo ko kubumbatira ubumwe bw'Abanyarwanda ari inshingano ya buri wese.

Muri iryo tangazo ubuyobozi bwa FPR Inkotanyi bwatangaje  ko nubwo hari intambwe yatewe, hari ibikwiriye gukosorwa kuko bishobora kuba intandaro yo kubangamira ubwo bumwe. Muri iryo Tangazo hatanzwe urugero ku  'Iyimikwa ry'Umutware w'Abakono' byabereye mu  Karere ka Musanze mu Murenge wa Kinigi,  taliki ya 9 Nyakanga 2023. 

Iryo tangazo  riti 'Ibirori nk'ibi ntabwo ari urugero rwiza mu kwimakaza ubumwe n'ubufatanye bw'Abanyarwanda bose.Imitekerereze, imigirire n'imyitwarire nk'iyo bigomba guhinduka kandi abanyamuryango babigizemo uruhare'. 

Umuryango FPR-Inkotanyi usaba buri munyamuryango wese kugaragaza, kwitandukanya no kwamagana icyo ari cyo cyose gishobora gukoma mu nkokora intambwe yatewe.

FPR iti 'Buri wese agomba kubazwa inshingano ze mu gihe habaye ikibi ntacyamagane ngo yitandukanye nacyo, cyangwa akagihishira. Abanyamuryango barasabwa gushyigikira kubaka ubumwe bw'Abanyarwanda no gukomeza guha urubyiruko icyizere cy'ejo hazaza mu gihugu Abanyarwanda babanyemo neza'.

Umuryango wa FPR Inkotanyi washinzwe mu mwaka wa 1987 .

Uwo muryango ugendera mu mahame remezo icyenda  yashyizweho umaze gushingwa.

 Ayo mahame remezo aya akurikira :Ihame rya mbere ni UKugarura Ubumwe bw'Abanyarwanda ,irya Kabiri Kubumbatira ubusugire bw'Igihugu n'umutekano w'abantu n'ibintu,irya gatatu, ni Kubaka ubuyobozi bushingiye kuri demokarasi;irya Kane  Kubaka ubukungu bushingiye ku mutungo bwite w'Igihugu.

Irya gatanu  ni Guca umuco wa ruswa, gutonesha, imicungire mibi y'umutungo w'Igihugu n'izindi ngeso zijyanye na byo; irya gatandatu  imibereho myiza y’abaturage irya karindwi Guca burundu impamvu zose zitera ubuhunzi no gucyura impunzi;irya munani Guharanira umubano hagati y'u Rwanda n’bindi bihugu ushingiye ku bwubahane, ubufatanye n'ubuhahirane;irya cyenda ni : Kurwanya Jenoside n'ingengabitekerezo yayo

Amarushanwa y'ubwiza ni amwe mu akurikirwa na benshi akanaba mu nkingi za mwamba z’ibigize isi y'imyidagaduro ikurikiranwa na benshi. Mu Rwanda hamaze kugera atari macye ariko irifite izina binumvikana rikaba ari irya Nyampinga w'u Rwanda.

Kuri ubu ikamba rya Miss Rwanda rifitwe na Nshuti Divine Muheto guhera mu mezi ya mbere y'umwaka wa 2022. Bamwe mu bakobwa bitabira iri rushanwa usanga baba bahanze amaso cyane amakamba anyuranye atangwamo, ataboneka bagacika intege cyane.

Nyamara harimo n’abajyamo bazi neza ko irushanwa ari irushanwa n’ubwo batabashije kubona ikamba, ariko ubuzima bukaba bugomba gukomeza mu bundi buryo. 

Rimwe usanga kuba baranakandigiye muri iri rushanwa, bigira icyo byongera ku byo bakora umunsi ku wundi bikanabafungurira ayandi marembo batatekerezaga.

Unyujije amaso ku mbuga nkoranyambaga, urasanga amashusho ari guhererekanwa cyane ari ay'umuhango wa Nkota wasabye anakwa Sebihogo.

Uyu mukobwa nubwo atabashije guhirwa muri Miss Rwanda 2022, ariko izina rye riri mu mazina ahagaze neza mu bamikazi b'ubwiza muri Kigali.

Abandi bakobwa bari kugarukwaho cyane ni bane banyuze muri Miss Rwanda 2022, nabo batabashije kubona amakamba ni bo twifuje kwitsaho.

Duhereye kuri Sebihogo Kazeneza Marie Mercie yinjiye mu marushanwa y'ubwiza ya Miss Rwanda 2022, aho yiyamamarije mu Burengerazuba, aza no kugera mu mwiherero, gusa ntiyabasha kubona ikamba na rimwe.

Nubwo ariko ataribonye uburyo yari ashyigikiwe byatumye akomeza gukurikirwa na benshi binyuze ku mbuga nkoranyambaga n’ahandi hatandukanye. Uyu mukobwa kandi yari anasanzwe afite ikamba rya Miss Photogenic ndetse n’iry'Igisonga cya Nyampinga wa UTB.

Sebihogo Marie Mercie uri no myiteguro yo kubana akaramata na Nkota, ari mu bakobwa bafite izina rikomeje guhagarara neza na nyuma ya Miss Rwanda 2022 atagiriyemo amahirwe yo kwegukana ikamba

Umuhoza Emma Pascaline uri kuminuza muri Kaminuza mu gihugu cya Poland, ari mu bakobwa bashyushya imyidagaduro kakahava. Kwitabira irushanwa rya Miss Rwanda 2022, bikaba byararushijeho kumuzamurira izina.

Mbere gato y’uko ajya gukomereza amasomo hanze, yari amaze gusinyana amasezerano na kompanyi zitandukanye zagendaga zimwifashisha mu bikorwa byo kwamamaza. Ni ibintu byanamukurikiranye n'ubu aho yiga hari izatangiye kumugirira icyizere.

Umuhoza Emma Pascaline uri mu bageze kure muri Miss Rwanda 2022, uri kwiga muri Poland, ari mu bagiriye umugisha muri irushanwa atabashije gukuramo ikamba

Umutesiwase Raudwa ari mu bakobwa bacye bamamaye cyane yaba mu gihe cy'amarushwa ya Miss Rwanda na nyuma yayo, ahanini bitewe n'uburanga bwe ariko na none no kuba ari umusilamukazi witabiye iri rushanwa anitandiye.

Nyuma yo kuva muri aya marushanwa, yakoze mu itangazamakuru ry’imyidagaduro igihe gito, ibintu yafatanyaga n'amasomo yiga muri Kaminuza aya ALU. Uyu mukobwa ari mu bitabazwa mu bikorwa byo kwamamaza kompanyi nto ndetse n’inini.

Umutesiwase Raudwa ari mu bakobwa bakomeje kugarukwaho banyuze muri Miss Rwanda 2022

Isingizwe Mutabazi Sabine ari mu bakobwa bageze kure mu irushanwa rya Miss Rwanda 2022, aho ari muri batanu bavuyemo uwegukanye ikamba na we yahabwaga amahirwe menshi yo kuryegukana ariko ntiyasekerwa n’amahirwe.

Mbere yo kwinjira mu irushanwa rya Miss Rwanda yari amaze imyaka myinshi yitegurira kuzegukana, yari asanzwe azwi cyane mu kwandika aho mu 2019 yanashyize hanze igitabo cye cya mbere.

Ari mu bakomeje kwiyambazwa mu bikorwa byo kwamamaza n’abamukurikira ku mbuga nkoranyambaga biyongera umunsi ku wundi

Kwitabira irushanwa rya Miss Rwanda atabashije kugira ikamba na rimwe yegukanamo, byazamuye izina cyane rya Sabine.  Kimwe na mugenzi we Umuhoza Pascaline, bari muri ba Nyampinga bakiriwe na Madamu Jeannette Kagame.

Undi wungukiye kuri Miss Rwanda nubwo nta kamba ryakuyemo, ni Umunyamideli kuri ubu wamaze kubihuza n'ubushabitsi Qrista Iradukunda ufite iduka rikomeye ricuruza inkweto zigezweho z'abari n'abategarugori rya Qrista Collection rikorera Downtown L1-34.

Uyu mukobwa ari mu bakomeje kubyaza izina ryabo umusaruro ndetse kwitabira Miss Rwanda byshyize itafari ku byo akora mu buryo buziguye n'ubutaziguye.

Uyu mukobwa yasoreje ayisumbuye muri Uganda, aza gukomeza amasomo mu bijyanye no gukora mu ndege. Ari muri bacye bafite amafoto ahererekanwa mu nguni zitandukanye z'imbuga nkoranyambaga.Qrista Iradukunda nyiri Qrista Collection ari mu banyamideli n’abakobwa banyuze muri Miss Rwanda bamaze kuba ibyamamareAmahirwe y’amarushanwa y’ubwiza asumba kure kwegukana ikamba Mutabazi Sabine na Umuhoza Pascaline nubwo batabashije kwegukana ikamba, kwitabira Miss Rwanda byabahesheje amahirwe akomatanije arimo no guhura na Madamu Jeannette Kagame imbonankubone, ibintu byifuzwa na benshi

Ubwungo bw'amenyo ni bumwe mu bwuma abenshi bakunda kubona bushyirwa mu menyo. Gusa si buri wese ubushyiramo kuko bufatwa nk'ubufasha kuvura imiterere y'amenyo y'umuntu, biba byiza iyo ubasha gusobanukirwa akamaro n'ingaruka mu gihe udukoresheje.

Ubwungo bw’amenyo bwahozeho no mu myaka yashize, ariko niwitegereza neza mu basirimu benshi yaba mu nshuti zawe, abaturanyi, ibyamamare n’abandi, urasanga benshi muri bo babufite, ushobora kuvuga ko “buharawe”. 

Abahanga basobanura neza ko ubu bwungo bw’amenyo bisaba igihe kigera ku mezi 12 kugira ngo bube bwabashije kugufasha, gusa hari n'abarenza iki gihe bitewe n'uko habaye igorana ryo kwegerana kw'amenyo.

Ubushakashatsi bwashyizwe hanze na 'Cleverland Clinic' bwagaragaje ko ubwungo bw'amenyo bugira ubwoko butandukanye bitewe n’uko amenyo arwaye cyangwa n'ikibazo afite.

Ubwungo bw'ibyuma; ubu ni bumwe mu bwoko bw'ubwungo bukozwe mu byuma, aho imirongo iba ikozwe mu nsinga hakajyaho n'utwuma tubasha kuyakomeza.

Umuganga w'amenyo cyangwa 'orthodontiste' niwe ubasha gukomeza ahuza buri menyo, nyuma agashyiraho 'archwire' yoroheje. Aha hakoreshwa na 'elastike' ntoya yitwa 'ligature' iyi ikaba ifasha izi nsinga kuguma zimeze neza.

'Ceramic braces'; ubu ni ubundi bwoko bw'ubwungo nabwo ahanini bukora nk’ubwungo bw'ibyuma, gusa aho bitandukanira ni uko bufite ibara ry’amenyo aho utabasha guhita umenya ko umuntu atwambaye. 

Abahanga mu buvuzi bw’amenyo batangaza ko ubu bwoko bworohereza amenyo cyane gusubira ku murongo kuruta ubwoko bwa mbere.

'Lingual braces' ubwungo bw'imbere y'amenyo; ubu ni ubundi bwoko bw'ubwungo aho bumeze kimwe n'ubundi, gusa itandukaniro yabwo ni uko bujya imbere y'amenyo, bitandukanye n'ubundi bashyira inyuma y'amenyo. 

Ubu abenshi babukoresha bahisha ko babufite aho utamenya ko umuntu abufite, gusa nabwo bukora kimwe n'ubusanzwe. 

'Clear aligners'; ubu ni ubwoko butandukanyeho n'ubwa mbere kuko bwo bukurwamo kandi bukanahindurwa nyuma y'ibyumweru bibiri. Ikindi kandi ubu bwungo bisaba ko wabwambara amasaha 22 ku munsi.

Akenshi bukoreshwa iyo amenyo akeneye gukomera nyuma yo gukoresha bwa bwungo bundi bugizwe n'insinga. Ubu bwungo iyo ugiye gufata amafunguro biba byiza iyo ubukuyemo wasoza ukabona kubusubiz mo.

Abenshi usanga bahuriza mu kwibaza niba ubu bwungo bw'amenyo bufite akamaro cyangwa ugasanga abandi bibaza ingaruka mbi z'ubu bwungo.

1.     Ubushakashatsi bwashyizwe hanze na 'cleverland clinic' butangaza ko ubu bwungo nubwo bugira ingaruka k'ubufite, gusa nanone bufite akamaro kenshi k'ubuzima bw'amenyo.

 

2.     Gukomeza amenyo; ubwungo bufasha gukomeza amenyo yoroshye afite ibyago byinshi byo kuba yavamo iyo ubu bwungo bukoreshejwe bitanga amahirwe menshi yo kuba amenyo yakomera akamera neza.

 

3.     Gushyira k'umurongo amenyo; mu miterere y'amenyo hari aba atari ku murongo neza aho usanga bibangamira nyirayo byaba mu guseka cyangwa no kumva abangamiwe mu kanwa. Ubwungo rero ni imwe mu mpamvu zatuma amenyo asubira ku murongo akamera neza.

 

4.     Isuku yo mu menyo iroroha kuyikora; iyo ufite ubwungo bwo mu menyo biroroha cyane gukorera amenyo yawe isuku bitewe nuko aba yarorohejwe, rero bigatuma imyanda itabona aho ifata byoroshye cyane ko wahakorera isuku kuruta udafite isuku.

 

5.     Bifasha kurinda indwara y’ishinya; abahanga bavuga ko umuntu ufite ubwugo birinda indwara z'ishinya kubera isuku ikomeye aba akorera mu kanwa, birinda ubukoko bwinshi kuba bwageramo, ibi bikaba biha amahirwe menshi ishinya mu kuba itarwara cyangwa ngo ihure ibibazo by'indwara.

Gusa nubwo hari ibyiza byinshi byo kugira ubwungo, gusa nanone hari ingaruka buteza ku muntu ubufite harimo;

1.     Bitera kubangamirwa mu kanwa aho akenshi ibi biba ku munsi wa mbere cyangwa n'uwa kabiri ugasanga nta mahoro ufite.

2.     Biragorana mu kurya aho usanga kurya ari ukwigengesera kugira ngo utababara cyangwa ukikata, ukirinda kurya ibiryo byafata mu menyo, ibi bikaba byatuma utarya ibyo ushaka byose.

 

3.     Kubabara ko mu kanywa; usanga iyo ufite ubwungo uba ufite ibyago byinshi byo kwikata mu gihe urangayeho gato, ibi rero bisaba guhora wigengesereye kugira ngo ubu bwungo butagukata.

Ushobora kwibaza uko wakorera isuku akanwa kawe mu gihe ufite ubu bwungo mu menyo kugira ngo hagire isuku nziza kandi utikomerekeje cyangwa ngo ubabare.

1.     Isuku nziza yo mu kanwa ni ingirakamaro cyane mu gihe wambaye ubwungo.

2.     Koza amenyo yawe byibuze kabiri ku munsi ukoresheje uburoso bw’amenyo bworoshye n’umuti wabugenewe

3.     Niba ufite ubwungo bwambarwa, ubusukure buri munsi ububike neza mu gihe utabwambaye, no mu gihe ugiye kubwambara ubanze ubukorere isuku nziza.

4.     Irinde ibiryo bikomeye, cyangwa bifatanye byagorana kuva mu menyo yawe mu gihe ubiriye.

5.     Sura 'orthodontiste' wawe buri gihe kugira ngo akomeze ubwungo kandi anarebe niba hari icyo buri kugufasha

6.     Sura umuganga wawe w'amenyo buri gihe kugira ngo usukure amenyo yawe.

Ni ibihe biryo ushobora kurya mu gihe ufite ubwungo

Abakurikirana amenyo bagaragaza ko atari byiza kurya ibiryo byose ubonye ahubwo ugomba kugerageza ukarya ibiryo byororshye harimo: Imboga zitetse, Ibirayi bikaranze, Amagi, Yogurt, Isupu n'imbuto zoroshye.

Ubwungo bw’ibyuma bufasha gukomeza amenyo no kuyashyira ku murongo

‘Ceramic braces’ bumwe mu bwungo bufite ibara risa n’amenyo aho bigorana kuba wabona ko umuntu atwambaye

Utwungo dushyirwa imbere y’amenyo ku buryo tuba tutagaragara

Utu ni utwungo dukurwamo kandi tukanambarwa, twambarwa nibura amasaha 22 ku munsi mu byumweru 2 ubundi tugahindurwa