Umuraperi w'icyamamare ku rwego mpuzamahanga, Cardi B, yari mu byishimo ubwo yari ari ku ruhande rw'ikibuga, ashyigikira umukunzi we Stefon Diggs, wari uri mu mateka yo kugera kuri Super Bowl ye ya mbere mu mwuga we wa NFL. Ibi byabaye mu ijoro ryakeye, mu mukino ukomeye wahuje New England Patriots na Denver Broncos, warangiye Patriots begukanye AFC Championship.
Cardi B, uzwiho kugaragaza amarangamutima ye adahishira, yagaragaje ibyishimo n'urukundo rudasanzwe, agaragariza afana yishimira buri gikorwa cyiza cy'ikipe n'umukunzi we by'umwihariko. Amaso ye n'amarangamutima ye byari byerekeje ku kibuga, bigaragaza ko atari umuhanzi gusa, ahubwo ari n'umufana w'ukuri w'umukunzi we.
Stefon Diggs na we ntiyahishe ibyishimo, kuko kugera kuri Super Bowl bwa mbere ari intambwe ikomeye cyane mu buzima bw'umukinnyi wese wa NFL. Uyu mukino wagaragaje ubunyamwuga, ukwihangana n'ubufatanye bw'ikipe ya Patriots, byatumye batsinda Broncos mu mukino wari urimo ishyaka n'ihangana rikomeye.
Abari bakurikiye uyu mukino ku mbuga nkoranyambaga babonye Cardi B agaragaza urukundo rwe mu buryo bwihariye, bituma benshi bamushima kuba ari umufasha w'ukuri mu rugendo rwa Stefon Diggs. Ibi byishimo by'urukundo n'iby'umwuga byahuriranye, bikora amateka mashya ku mpande zombi.
Ubu amaso yose ahanzwe kuri Super Bowl iri imbere, aho Stefon Diggs azaba ashaka kwandika amateka mashya, mu gihe Cardi B akomeje kumuba hafi, nk'umufana n'umukunzi icyarimwe.
Ibyishimo byari byose kuri Cardi B ubwo yashyigikiraga umukunzi we Stefon Diggs
Abaturage bimuwe mu birwa bya Mazane na Sharita, bagatuzwa mu Mudugudu w'icyitegererezo, baravuga ko ingamba zashyizweho zibabuza kororera amatungo magufi mu nzu bahawe, doreko biri kubagiraho ingaruka zikomeye ku mibereho yabo ya buri munsi. Bavuga ko ayo matungo yari inkingi ikomeye y'iterambere ry'imiryango yabo, bityo kubuzwa kuyitaho bikaba bibasubiza inyuma mu rugendo rwo kwigira.
Bamwe muri bo basobanura ko amatungo magufi nk'inkoko, ingurube n'ihene byabafashaga kubona ifumbire yo mu mirima, indyo yuzuye ku bana ndetse n'amafaranga make yabunganiraga mu bindi bikenewe by'ibanze. Kuri ubu, bavuga ko kubura ayo mahirwe byatumye bamwe batangira kugorwa no kubona amafunguro ahagije, bikaba bitera impungenge ku nzara n'ubukene bukabije.
Abo baturage bavuga ko bashima kwimurwa bagahabwa amacumbi meza kandi batekanye, ariko bagasaba ko amategeko abayagenga baborohereza, hakabaho uburyo bwo kororera ayo matungo mu buryo bujyanye n'isuku n'umutekano by'aho batuye. Bongeraho ko iterambere ridashobora kugerwaho mu gihe abaturage bambuwe uburyo busanzwe bubafasha kwiteza imbere.
Basaba inzego bireba ko zabumva, zigashaka ibisubizo byatuma babasha kongera korora amatungo magufi mu buryo butabangamira gahunda z'umudugudu w'icyitegererezo, bityo bakabasha kwiteza imbere no kwirinda inzara n'ubukene.
Abimuwe i Mazane na Sharita barasaba koroherezwa kororera amatungo magufi
Umuhanzikazi wo muri Uganda, Spice Diana, yavuze ko nta kibazo afite kuba uwamurebereraga inyungu, Lubega Roger, agifite ku mubiri we tattoo yanditseho izina rye nibwo bombi batandukanye mu kazi.
Mu kiganiro yagiranye na radiyo yo muri Uganda, Spice Diana yavuze ko adafite ikibazo na gito kuri iyo tatou, agaragaza ko atari ibintu bimubangamira na gato.
Yasobanuye ko Roger yayishyizeho bitewe n’urukundo yari amufitiye, kandi ko kuba batagikorana bitamuha uburenganzira bwo kumutegeka icyo akora ku mubiri we.
'Niba hari igihe byagera aho umubabaro utuma uyikuraho, na byo ni amahitamo yawe. Si njye wagombaga kubimutegeka kuko sinigeze mbyuka mu gitondo musabe gushyiraho iyo tatou.'
Uyu muhanzikazi yanongeyeho ko kuba uyu mugabo yakiyandika ku mubiri we izina rye ari ikintu cyiza kandi gituruka ku mutima ukunze.Yagaragaje ko atabona impamvu byahinduka intandaro y’amakimbirane nyuma yo gutandukana mu kazi.
Mu cyumweru gishize, nibwo Spice Diana yatangaje ku mugaragaro ko yatandukanye burundu na Manager Roger, bagabana imitungo n’uburenganzira ku bihangano byabo, anatangaza ko yamaze kubona ubuyobozi bushya buzamufasha gukomeza urugendo rwe rw’umuziki.
Mu myaka ibiri ishize, Lubega Roger yari yarishushanyijeho izina rya Spice Diana ku kuboko kwe kw’ibumoso, akajya arigaragaza ku mbuga nkoranyambaga binyuze mu mafoto n’amashusho yashyiraga hanze.
Mu bihe bitandukanye kandi Spice Diana yagiye agaragara arimo kwerekana iyo tatou mu kiganiro, ayikoresha mu gusubiza abavugaga ko bafitanye amakimbirane mbere yuko batangaza ugutandukana kwabo.
Umunyarwenya Oga Obinna ari mu gihombo gikomeye nyuma yo gutakaza arenga Miliyoni 11 z’Amafaranga y’u Rwanda yari yateze ku mukino ukomeye wa Premier League ko Arsenal itsinda Manchester United birangira itsinzwe.
Mbere y’uyu mukino wari witezwe cyane, Obinna umunyarwenya wo muri Kenya, yari yemeje ko azashyira amafaranga ye yose ku ikipe ya Arsenal kugira ngo itsinde Manchester United, nubwo we ari umukunzi wa Manchester.
Yari yavuze ko icyemezo cye cyari cyashingiye ku nama yagiriwe n’abasesenguzi batatu b’umupira w’amaguru, bose bari bahurije ku kuba yaza gushetera Arsenal, kandi Obinna yavuze ko yari yizeye ko ashobora kubona inyungu ingana na Miliyoni 1.6 KSh iyo Arsenal iramuka itsinze ni mu gihe yari yashoye miliyoni 1 y’amashilingi ya Kenya ni ukuvuga miliyoni 11 n’ibihumbi 200 by’amafaranga y’u Rwanda.
Arsenal yatangiye umukino neza, itsinda igitego cya mbere binyuze mu mupira washyizwe mu izamu na Jurrien Timber ariko ubanje gushotwa kuri Lisandro Martínez mu gice cya mbere.
Nyuma y’iminota irindwi, Manchester United yabonye igitego cyo kwishyura cyatsinzwe na Bryan Mbeumo. Patrick Dorgu atera ishoti rikomeye cyane ashyiramo igitego cya kabiri hari mu ntangiriro z’igice cya kabiri.
Arsenal yagerageje kongera kubona igitego cyo kunganya kugeza ku munota wa 84 binyuze kuri Mikel Merino watsinze igitego cyo mu kavuyo, ariko Manchester United iza kuyitsinda igitego cya nyuma mu munota wa 87 cya Matheus Cunha, ituma Obinna atakaza amafaranga yose yari yateze.
Amashusho yashyizwe hanze mu masaha make ya nyuma y’umukino yagaragaje Obinna ari kureba uyu mukino mu kabari ari hamwe n’abandi bafana, asa nk’ususumira intoki.
Oga Obinna yahiye miliyoni y’amashilingi ya Kenya kubera gushetera Arsenal
Rutahizamu mushya wa Police FC ntabwo yemeranya n’abavuga ko yasinyiye Police FC afite imvune ayibeshya ko ari muzima, ngo ibijyanye n’ubuzima bwe yari ibuzi ndetse akaba ari bunatangire imyitozo uyu munsi.
Ni nyuma y’uko avuye muri AS Kigali agasinyira Police FC aho agiye kuyifasha gukomeza guhatanira igikombe cya shampiyona, ni nyuma y’uko tariki ya 22 Mutarama 2026 yamutangaje.
Mu kiganiro kigufi yahaye ikinyamakuru ISIMBI, Rudasingwa Prince yavuze ko atari byo, ko yasinyiye iyi kipe bazi uko ahagaze ndetse ko ibyo kumara ayo mezi atari yo ndetse atangira imyitozo uyu munsi.
Ati “Nta byinshi navuga gusa ntabwo ari ukuri. Police FC nayisinyiye ibizi ko nkirutse imvune yari ibizi. Oya, uyu munsi ndatangira kwiruka narakize, ntabwo wahita ujya mu kibuga n’abandi kandi umaze iminsi udakora, rero ndatangira uyu munsi.”
Rudasingwa Prince yakiniye amakipe atandukanye aho yakiniye Rayon Sports ayivamo yerekeza muri AS Kigali ari nayo yakiniraga kugeza ubu mbere yo kujya muri Police FC.
Rudasingwa Prince biravugwa ko yasinyiye Police FC afite imvune
Ubu inkuru igezweho ya Siporo muri Sudani, ni iya Niyigena Clement ukinira APR FC wifuzwa bikomeye na Al Hilal ikina shampiyona y’icyiciro cya mbere mu Rwanda.
Uyu mukinnyi ukina mu mutima w’ubwugarizi yabengutswe n’iyi kipe ndetse yatangiye ibiganiro ngo irebe ko yamwegukana nubwo bitoroshye na APR FC idashaka kumurekura.
ISIMBI yamenye amakuru ko Al Hilal yifashishije umwe mu bakinnyi bayo ngo abe yakumvisha Niyigena Clement ko kuyerekezamo nta gihombo kirimo, amwereka ubuzima babayemo ko nayo ari ikipe ihagaze neza ndetse ko ibyo abona muri APR FC muri Al Hilal biziyongera.
Iyi kipe ikaba yifuza ko mu gihe byakunda yazanamukinisha ku mukino w’amatsinda wa Champions League bakiramo Mamelodie Sundowns i Kigali kuri Stade Amahoro.
Niyigena Clement usigaje amasezerano y’amezi 6 muri APR FC, abamwegereye bavuga ko yifuza gusohoka muri APR FC ndetse ko mu gihe itamurekura uyu mwaka w’imikino nurangira azagendera ubuntu.
Bivugwa ko muri APR FC hari ababyumva cyane cyane abashinzwe isoko ry’igura n’igurisha ariko ubuyobozi bukaba butabyumva neza.
Amakuru adafitiwe gihamya ni uko no mu mikino ibiri iherutse atakinnye uw’Amagaju na Al Merreikh nta kibazo yari afite ahubwo bifitanye isano no kuba yifuzwa na Al Hilal.
Byinshi utari uzi burya indyo nziza niyo soko y'ubuzima buzira umuze, kandi guhitamo aho ufatira amafunguro n'icyo kunywa niyo ntambwe ikomeye iganisha ku mibereho myiza. Abantu benshi bajya bibaza aho bakura amafunguro meza, ateguwe kinyamwuga, afasha umubiri gukomera kandi akaryohera ururimi. Igisubizo cy'icyo kibazo ni Ti'Amo Lounge i Remera, imbere ya Gare, hafi ya station ya ORYX.
Ti'Amo Lounge ni Bar & Restaurant yitaye ku buzima bw'abakiriya bayo, igashyira imbere isuku, ubuziranenge n'ubuhanga mu gutegura amafunguro. Aha ni ho usanga amafunguro atandukanye, ateguwe n'abatekera babifitiye ubumenyi n'uburambe, bakita ku bipimo bikwiye by'intungamubiri, bakirinda ibintu bishobora kwangiza ubuzima bw'abantu. Kuva ku mafunguro ya kinyarwanda aryoshye, kugera ku mafunguro mpuzamahanga ateguwe ku rwego rwo hejuru, Ti'Amo Lounge iguha amahitamo ajyanye n'icyo ukeneye n'icyo ukunda.
Niba ushaka aho waruhukira n'inshuti, umuryango cyangwa abo mukorana, ukishimira amafunguro meza n'ibinyobwa byiza mu mwuka mwiza, Ti'Amo Lounge i Remera ni ho ugomba kwerekeza. Aha si aho gufatira amafunguro gusa, ni naho wakwidagadurira kuko bagufitiye na club.
Ti'Amo Lounge ni Bar & Restaurant yitaye ku buzima bw'abakiriya bayoBagufitiye aho wafatira ifunguro hasa neza
Imyaka itandatu irashize Isi yose iguye mu kantu, abakunzi b'umukino wa Basketball bakubiswe n'inkuru y'inshamugongo y'urupfu rwa Kobe Bryant, icyamamare gikomeye mu mukino wa Basketball, we n'umukobwa we Gianna Maria-Onore Bryant. Byabaye ku wa 26 Mutarama 2020, umunsi wabaye ikimenyetso cy'akababaro ku bakunzi ba siporo n'abatari bake ku Isi yose.
Iyo mpanuka yabaye mu masaha ya mu gitondo, mu Ntara ya California muri Leta Zunze Ubumwe za Amerika, mu gace ka Calabasas. Indege ntoya (helicopter) bari barimo yagize impanuka ikomeye, ihitana abantu icyenda bose bari bayirimo, nta n'umwe warokotse. Muri abo, harimo Kobe Bryant wari ufite imyaka 41, n'umukobwa we Gianna wari ufite imyaka 13 y'amavuko, wari ufite impano idasanzwe muri Basketball.
Kobe Bryant yari icyitegererezo ku bakiri bato benshi, azwi cyane ku mateka akomeye yagize mu ikipe ya Los Angeles Lakers, aho yatwaye ibikombe bitanu bya NBA, akanahabwa ibihembo byinshi by'icyubahiro. Uretse kuba yari umukinnyi w'indashyikirwa, yari n'umubyeyi wuje urukundo, wagaragarizaga Isi yose ko siporo n'umuryango bishobora kujyana.
N'ubwo imyaka itandatu ishize, izina rya Kobe Bryant riracyumvikana mu mitima ya benshi. Umurage yasize wo kwitanga, gukunda akazi no kutiganyira uracyigisha abakiri bato, cyane cyane abakiri bato, ko inzozi zishoboka iyo ziherekezwa n'umurava n'indangagaciro nzima.
Imyaka itandatu irihitse Kobe Bryant n'umukobwa we Gianna bitabye Imana
