Category: Uncategorized

Kompanyi ya Million Ways Entertainment yashinzwe hagamijwe gutegura ibitaramo,gushyira ku muronko ibirori,gutanga ibihembo n'ibindi.

Abagera ku 110 b'abanyamuziki nibo biyandikishije,mu marushanwa ya Million Ways Entertainment,hagamijwe kwerekana impano zabo,abarushije abandi,bakazahabwa ibihembo bitandukanye,mu rwego rwo kubafasha kugaragaza impano zabo bifitemo.

Kwiyandikisha byatangiye ku ya  23 Mata 2023 birangira kuya 27 Gicurasi 2023.Nyuma yo kwiyandikisha,ku wa 4 Kamena 2023,hakozwe ijonjora rya mbere,abagera kuri 26,batsinda icyiciro cya mbere,ndetse bategereje guhatanira ikindi cyiciro.

Amabwiriza y'ibihembo bizatangwa avuga ko uwa mbere azahembwa gukorerwa indirimbo 3 na video 1 n'amafaranga y’u Rwanda  ibihumbi 100  na Buruse  yo kwiga muri IBTC Films School ibijyanye na videography and  Film making, uwa kabiri azakorerwa  indirimbo 2 z'amajwi n'amafaranga angana na 50,000frw ndetse na Buruse  yo kwiga muri IBTC Film School ibijyanye na videography and film making,naho Uwa Gatatu azakorerwa indirimbo 1 n'amafaranga angana ni 50,000frw na Buruse yo kwiga muri IBTC Film School ibya videography and film making .

Akanama nkemurampaka karimo abahanzi bakunzwe cyane mu muziki nyarwanda barimo, Chris hat,Nassonna Racine.

Biteganijwe ko ijonjora rya nyuma rizaba kuwa 19 Kanama 2023,muri Greenwich Hotel.

Abafatanyabikorwa  b'imena mu gutegura ibihembo bya Million Ways Entatainment harimo InyaRwanda.com ,Fine Fm 93.1, Asafi Printers, IBTC FILMS School, Ebenezer Streaming House, Kana Brands, Kigali Solution Sounds,ndetse na Mento Sounds.

Iri rushanwa ryateguwe na Kompanyi ya Million Ways Entatainment hagamijwe kuzamura impano z'abanyarwanda.

Dore abatsinze icyiciro cya mbere n’amafoto yabo

                   Ufiteyezu Didier

                       Shumbusho Serge

                        Rumanzi Steven                 


                             Niyonzima Modest

                 Ngendahimana Emmanuel

                       Ndacyeye Kaissa Charroline

                          Ndacyayisenga Emmanuel

                              Mugisha Felix

                           Mugiraneza Adrien

                       Micomyiza Eric

Martine Albertine

                           Manirakiza Innocent

                        Kariza Honorine Fruit

                           Iriho Chanelle Nikita

                          Irasubiza Bonheur

                  Iradukunda Emmy

Irabizi Mugisha Joyeux

                             Dufitimana Moise

                        Bikorimana Olivier

Tuyiringire Eric (Tutu)

Uwimpuhwe Deborah

Uwiduhaye Emille

Umurungi Cynthia

Umuhuza Junior & Geoffrey

Irakoze Guetty

Mu kiganiro yagiranye na InyaRwanda, Miss Mwiseneza Josiane yavuze ko hari byinshi irushanwa rya Miss Rwanda ryamugejejeho harimo no kumenyana n'abantu b'ibyamarare, ibyo atigeze atekereza ko byashoboka.

Yagize ati ''Ikintu cyanshimishije muri iriya minsi, nabaga nzi umuntu nzi ko tutavugana, nkabona aranyihamagariye ati ‘ndagushaka’. Akantumira tugahura, numvaga ari inzozi bidashoboka.''

Miss Mwiseneza Josiane yabaye Miss Popularity 2019

Abajijwe ku bijyanye no kuba atakigaragara cyane nyuma ya Miss Rwanda, yahakanye ko atazimye cyangwa ngo aterwe inda nk'uko bamwe babivuga ahubwo ko asigaye yishimira gukora ibintu bye byose mu ibanga.

Ati ''Njyewe nkunda gukora ibintu byange mu mutuzo, si ngombwa ko ibintu byose nkoze bijya hanze. Yego gutwika nabishobora kuko nkurikiranwa n'abantu benshi, ariko simbikora kuko hari benshi mbereye ikitegererezo.''

Miss Josiane yatangaje ko nyuma ya Miss Rwanda, ahugiye mu gusoza amasomo ye ya Kaminuza

Miss Josiane yatangaje ko ibyo yagezeho byose abikesha kuba yaritabiriye irushanwa rya Miss Rwanda, harimo kumenyana n'abantu b'ingirakamaro mu buzima bwe, iterambere mu buryo bw'amafaranga no kumenyekana.

Ku bijyanye n'uko nta yandi marushanwa yongeye kwitabira, Miss Josiane yavuze ko yari akinaniwe mu mutwe ku buryo atari kubishobora, akomoza kuri Miss Supernational.

Ati ''Uriya mwaka wa 2029 nari nkijagaraye mu mutwe, ikindi kandi nashatse kwitabira Miss Supernational ariko na nza gucibwa intege nuko bo bakenera umuntu mwe, bitandukanye na Miss Rwanda.

Yewe no muri 2022, nari ngiye kwitabira Miss Africa International, gusa ngira imbogamizi y'ubushobozi kuko hasabwaga byinshi. Byongeye kandi aya marushanwa yo hanze turi kuyatinya cyane, bitewe n'ibyabaye kuri Shanitah muri Miss East Africa, bakamushuka agatsindira imodoka ntayihabwe.''

Miss Josiane kandi yahakanye ibimuvugwaho byo kuba umusore bakundanye akanamwambika impeta yaraje kumubenga nyuma akishakira undi mugore, yemeza ko aruko ibyabo bitakunze gusa.

Ati ''Ntiyambenze, ahubwo ibyacu ntibyavuyemo nubwo twakundanye rwose. Naho kuba narakuyemo impeta, nuko ntari nabitekerejeho, ikindi gihe nzabyemera nabitekerejeho. Uriya musore twari tugiye kubana, ariko mbonye bidakunda musubiza impeta ye. 

Iyo nkunda umuntu ndamwizera, ntabwo twapfuye kumufuhira kuko naramwizeraga kandi naramukundaga. Ikindi nge sinjya nihambira ku muntu, iyo agiye aba atari uwawe nyine nta mpamvu yo guhatiriza kuko abagabo barahari ntibabuze.''

Nyuma ya Miss Rwanda, Josiane yambitswe impeta mu buryo butunguranye

Nyuma y’iminsi mike, uwambitse impeta Josiane yaje gushaka undi mugore

Nyuma yo kwambika impeta bikarangira bidakunze, Miss Josiane yatangaje ko afite umukunzi mushya, nubwo nta byinshi yashatse kubivugaho.

Yavuze ko atashoboye gushyira mu bikorwa umushinga yari afite muri Miss Rwanda wo gushyiraho umuryango urwanya igwingira ry'abana kuko ari umushinga ukomeye kandi usaba kuba umuntu awufiteho amakuru ahagije.

Ku byerekeye ifungwa ry'uwateguraga Miss Rwanda uzwi nka Prince Kid, Josiane yavuze ko mu by'ukuri atumvaga neza impamvu y'ifungwa rye. Mu magambo ye yagize ati “Mu by'ukuri nge sinigeze nsobanukirwa impamvu Kid yafunzwe cyane ko tujya muri Miss Rwanda ntawe utujuje imyaka y'ubukure urimo.”

Miss Josiane yavuze ko yababajwe n’ihagarikwa rya Miss Rwanda ndetse ko yifuza ko rigaruka

Yavuze ko yifuza ko iri rushanwa rigaruka kuko yari ifatiye runini sosiyete Nyarwanda muri rusange, haba abaryitabiriye n'abandi.

Ati “Njye nifuza ko ri rushanwa rigaruka kuko hari abana b'abakobwa babifata nk'inzozi zawe. Icya kabiri ifatiye rurini sosiyeye Nyarwanda, ndetse yafashaga abakobwa bagenzi bange kwitinyuka nihereyeho. Iramutse igarutse, numva hakongerwa imbaraga mu kwita ku bana baturuka mu byaro, nubwo baba badafite ibikabyo, ariko usanga bafite mu mutwe kuko iyi ni Miss Rwanda ntabwo ari Miss Kigali”.

Miss Mwiseneza Josiane wabaye Miss Popularity mu irushanwa rya Miss Rwanda rya 2019, yavuze ko kuri ubu ahugiye mu gukurikirana amasomo ye mu by’ubucuruzi muri imwe muri Kaminuza iherereye mu mugi wa Kigali atifuje gutangaza, ndetse n'ubucuruzi bwe bw'amasakoshi asanzwe akorera kuri interinete.

“>

Nyuma yo kubona uruhushya ruvuguruye, MTN Rwandacell PLC (MTN Rwanda) yavuguruye umuyoboro wayo, ishyiraho 4G, LTE yongerera ubunararibonye bw’abakiriya.

Kuba MTN Rwanda yatangije ikoranabuhanga rya 4G, bigiye gushyiraho uburyo bunoze bwo gukoresha interinete mu buryo bwihuse kandi igere kuri benshi byoroshye. 

Hamwe na intrinete yihuta, abayikoresha bazahabwa ubushobozi bwo kubona serivise zinoze z'itezimbere, bagire uruhare ku makuru, hamwe n'ikoreshwa ry'imbuga nkoranyambaga;

Mu gihe ibigo by'ubucuruzi bizongererwa ubushobozi bwo guhanga udushya no kwagura ibikorwa byabo mu buryo bw'ikoranabuhanga, hibandwa mu gufungura andi mahirwe mashya mu bice bitandukanye by'ubuzima.

Mapula Bodibe, Umuyobozi mukuru wa MTN Rwanda, ashimira Guverinoma y’u Rwanda yagize ati: 'Turashimira Guverinoma y’u Rwanda ku nkunga idahwema gutanga, idufasha kurushaho guhuza imiyoboro yacu no guteza imbere ikoreshwa rya interineti, ntawe usigaye inyuma. 

Ibi bibaye mu gihe MTN yizihiza imyaka 25 imaze ikorera mu Rwanda kandi ntitwabura gutekereza ku rugendo rw'inganda z'itumanaho mu Rwanda ndetse n'uko kugira icyerekezo kimwe byazanye umuyoboro w'itumanaho rigezweho mu Rwanda ku nshuro ya mbere mu myaka 25 ishize, uubu ikaba iri kumurika 4G n'ibindi bikorwa by'ikoranabuhanga bizaza mu gihe kizaza ku nyungu z'abanyarwanda. 

Hamwe n'ikoranabuhanga rya 4G LTE, ntabwo turi gushora mu guteza imbere umuyoboro gusa, ahubwo turi kwibanda mu gushaka ibisubizo birambye mu rwego rwo kuzamura iterambere ry'u Rwanda.' 

MTN Rwanda yatangije ikoranabuhanga ryagutse rya 4G,LTE mu gihugu hose

MTN Rwanda yashyize ahagaragara ikoranabuhanga rishya rya 4G, LTE ku mbuga zayo interineti ku kigero cya 80%, ibyahise bituma MTN Rwanda iba iya mbere mu gutanga ikoranabuhanga rya 4G mu Rwanda. 

Usibye gutangiza umuyoboro wayo wa 4G, MTN izashora arenga miliyari 26 z’amafaranga y’u Rwanda mu kuvugurura ibikorwa remezo by’itumanaho, mu rwego rwo kwiyemeza guha abakiriya bayo serivisi zo mu rwo hejuru.

Eugen Gakwerere, Umuyobozi mukuru ushinzwe tekinike muri MTN Rwanda na we yagize icyo avuga ku itangizwa rya 4G rya MTN Rwanda, aho yagize ati: 'MTN Rwanda yashyize ahagaragara umuyoboro mugari wa 4G mu gihugu hose, uzatanga abakiliya ubushobozi bw'ikoranabuhanga. 

Uyu munsi, twakomeje amasezeano yacu yo gutanga serivisi zinoze, bishimangirwa n’imyizerere yacu y'ibanze ivuga ko buri wese akwiye amahirwe yo kuba mu buzima bugezweho.'

Amakuru ashimishije abakiriya ba MTN biyandikishije muri serivisi ya MTN 4G bakwiye kumenya, ni uko bagiye kujya bakoresha 4G ku giciro kimwe n'icya 3G. Nta yandi mafaranga yishyurwa ku bakiriya bakoresha serivisi za MTN 4G, byemeza neza ko serivisi ya MTN 4G ihendukiye buri wese.

Kurubu kandi ushobora gusura MTN Centre Service ikwegereye cyangwa iduka rya Connect kugirango baguhindurire ikarita ya 4G nta yandi mananiza, ubundi ukishimira gukoresha Whatsapp ku buntu mu cyumweru kimwe. 

Abadafite terefone zidakoresha 4G bashobora kuzigura ku biciro bihendutse aho ushobra kwishyura buhoro buhoro buri munsi, buri cyumweru, cyangwa buri kwezi kuri Macye Macye ukoresheje *182*12#.

Bodibe yongeyeho ati 'Umuyoboro wa 4G wa MTN uzakora nk’umusemburo wo guzamura U Rwanda mu ikoranabuhanga no gufungura isi nshya y'ubushobozi kuri buri wese. 

Twishimiye kuba bamwe mu iterwa ry'iyi ntambwe kandi twiteguye gutera inkunga abakiriya bacu kugira ngo bagere ku rwego rushimishije mu mibereho yabo binyuze mu buhanga bwacu mu ikoranabuhanga rigezweho ndetse no gutanga serivisi zihendutse zizabafasha kubona ibikoresho, ubumenyi, ndetse no guhura n'abantu bashya, kugira ngo ubuzima bwabo burusheho kuba bwiza.'

Mu gihe u Rwanda ruri kwishimira intambwe rwateye mu gukwirakwiza ikoranabuhanga rigezweho rya 4G mu gihugu hose, hari ibindi bihugu kurubu bikoresha 5G ndetse hari n'ibyatangiye gusingira 6G harimo Koreya y'Epfo, Amerika, u Buyapani, u Bushinwa n'u Buhinde.

Musabe yamamaye mu ndirimbo Network aririmbamo ngo “Njye mfite netwok, the real network, shaka nawe network. Amasengesho ni yo network nyayo. Iyo nshaka kuvugana n’Umwami wanjye, nta mpungenge ngira kuko biroroshye, yampaye amasengesho ngo ambere network ngo tujye tuvugana igihe mushakiye.”

Musabe Dieudonne waherukaga kuvugwa mu nkuru z’urukundo kera muri za 2015 ho byakekwaga ko akundana na Ashimwe Dorcas, yamaze gutera intambwe iganisha ku kurushinga, yambika impeta umukunzi we Ariane Uwajeneza mu birori byabaye tariki 23 Nyakanga 2023. 

Mu mashusho twashyize kuri Instagram yacu akavugisha benshi, agaragaza Musabe atungurana agaterera ivi umukunzi we wari wibereye mu birori bisanzwe hamwe n’inshuti ze. Musabe witabiriye ibi birori atunguranye, yamwambitse impeta biteza urujijo na cyane ko atari we wari wateguye ibi birori.

Bamwe mu babonye ayo mashusho ntibemeye ko Musabe yateye ivi bya nyabyo bitewe n’ukuntu yayimwambitse vub vuba. LaRose ati “Ni byo se cyangwa ni filime mwakinga?”. Janvier Mucyo ati “Uyu musore ameze nk’uwibye pe, ukuntu ayimwambika ubanza atari yiyizeye”.

Undi wavuze kuri aya mashusho, ati “Umukobwa ameze nk’aho byamucanze ntazi ibyo ari byo rwose”. Umurungi Mico yabifshe nk’urwenya ndetse abasabira kuzitabira igitaramo cy’urwenya. Ati “Undi ati bazaze kuwa Kane bakine no muri Genz Comey”. 

Ntibyadukundiye kuvugana na Musabe, ariko Producer Karenzo wari uri muri ibi birori byitabiriwe n’abgera kuri 200, yaduhaye amakuru yose. Yahishuriye inyaRwanda ko Musabe Dieudonne yakoze aka gashya mu birori umukunzi we yari yatumiwemo n’inshuti ye yishimiraga gusoza Kaminuza (Graduation Party).

Yahamije rwose ko byo kumwambika impeta ari ibya nyabyo atari filime cyangwa amashusho y’indrimbo nk’uko bamwe babiketse. Ati “Ni ibintu biri seriye, ni Proposal yakoze, si filime cyangwa indirimbo. Yaraye ayikoze, yayikoreye muri party yabereye i Kanombe”.

Ikindi twatangarijwe na Karenzo Pro ni uko Musabe yacunze umukunzi we agiye gusenga isengesho risoza ibirori, nuko agira gutya aba ateye ivi, abantu bose bagwa mu kantu by’umwihariko umukunzi we. Birumvikana ko yari yabipanze mu ibanga n’abateguye ibi birori. 

Musabe yakoze agashya “mu birori by’abandi”

Bahoberanye biratinda nyuma yo kubwirwa YEGO

Ubwo Ariane yari ahamagawe ngo asengere abaje mu birori babone gutaha

Abari mu birori bya ‘Graduation’ baguye mu kantu

Nyuma y’uko Musabe ateye Ivi ndetse akabwirwa YEGO, Mc yasobanuriye abari muri ibi birori agashya kahabereye

Nyuma y’igihe kinini adakina imikino Nyafurika, myugariro w’umunyarwanda Emery Bayisenge nubwo ikipe ye yari yabonye itike nabwo ntazayikina uyu mwaka kuko Gor Mahia yakuwe muri aya marushanwa.

Gor Mahia ya Emery Bayisenge yagombaga kuzahagararira Kenya mu mikino Nyafurika ya CAF Champions League nyuma kwegukana igikombe cya shampiyona ya 2022-23.

Impuzamashyirahamwe y’umupira w’amaguru muri Afurika (CAF) ikaba yambuye iyi kipe 'Club Licensing' kubera ko hari ibyo iyi kipe itujuje.

Impamvu ni ukuba yarananiwe kwishyura imyenda ibereyemo abahoze ari abakinnyi bayo bityo ikaba yakuwe mu makipe 54 azakina amarushanwa ya 2023-24 aho bivugwa ko ishobora gusimbuzwa Tusker FC yabaye iya kabiri muri shampiyona ariko bikaba bitaremezwa.

Bivuze ko Gor Mahia itari mu makipe azaaba ari muri tombora ejo tariki ya 25 Nyakanga 2023.

Iyi kipe ikaba yanaraniwe kwishyura miliyoni 62 z’amafaranga y’u Rwanda harimo miliyoni 18 za rutahizamu w’Umunye-Congo Sando Yangay, miliyoni 9 za rutahizamu w’Umurundi Jules Ulimwengu na miliyoni 35 z’Umunya-Mali Adama Keita.

Sam Ochola, umunyamabanga w’iyi kipe yabwiye ibitangazamakuru byo muri Kenya ko iri deni ryamaze kwishyurwa ariko ryishyuwe igihe cyararenze bityo ko ari yo mpamvu bangiwe.

Nubwo yavuze gutya ariko ikinyamakuru Pulse cyatangaje ko umuyobozi wa Federasiyo ya Kenya, Barry Otieno yavuze ko iyi kipe yananiwe kugaragaza ko yishyuye iri deni ndetse ko bagerageje kuvuganira Gor Mahia muri CAF ndetse iyisaba no gufatira amafaranga igenera federasiyo ya Kenya buri mwaka ariko biragorana kubera ko ibihano yabifatiwe na FIFA.

Muri Tombola izaba ejo nibwo amakipe yo mu Rwanda nka APR FC izakina CAF Champions League na Rayon Sports izakina CAF Confederation Cup zizamenya amakipe bazahura mu ijonjora ry’ibanze.

Emery Bayisenge ntazakina Champions Leaue uyu mwaka

Nyuma y’uko u Rwanda rwikuye muri CECAFA y’abakobwa batarengeje imyaka 18 izabera muri Tanzania, byatumye ubuyobozi bwa CECAFA buhindura uburyo irushanwa rizakinwa.

U Rwanda rubaye igihugu cya kabiri kikuye mu irushanwa nyuma y’uko na Kenya yagombaga kwakira irushanwa yavuye mu irushanwa aho ibi bihugu byose byavuze ko abakinnyi benshi bazifashisha mu irushanwa bari mu bizami bya leta.

CECAFA yagize ati 'U Rwanda rwiyunze kuri Kenya aho byakuyemo amakipe yabo kubera abakinnyi benshi bazaba bari mu bizami bya Leta.'

Kugeza ubu iri rushanwa rizitabirwa n’ibihugu 5, Uganda, Ethiopia, Burundi, Zanzibar na Tanzania izakira iri rushanwa kuva ejo ku wa Kabiri tariki ya 25 Nyakanga.

Ibi byatumye iri rushanwa ryagombaga gukinwa mu buryo bw’amatsinda, kubera amakipe yabaye makipe ryahinduwe uburyo rizakinwamo aho ubu buri gihugu kizahura n’ikindi maze hakabarwa amanota igize amanota menshi akaba ari yo itwara igikombe.

She-Amavubi U18 ntazitabira CECAFA

Ku gicamunsi cyo kuri uyu wa Gatandatu, ikigo cy'itumanaho Airtel Rwanda cyabaye ikigo cya mbere mu Rwanda gishyize ku mugaragaro interineti ya 4G, yihuta cyane kandi igura kimwe na 3G.

Airtel Rwanda yabaye ikigo cya mbere gihawe icyangombwa cyo gutunga no gusakaza interineti y'ubwoko bwa 4G yacyo bwite, ku bafatabuguzi basaga miliyoni 5 bakoresha uyu murongo umunsi ku wundi.

Mu kiganiro n'itangazamakuru Umuyobozi wa Airtel Rwanda, Emmanuel Hamez yavuze ko bishimiye kuba ikigo cy'itumanaho cya mbere mu Rwanda gihawe uburenganzira bwo gusakaza interineti ya 4G.

Yagize ati 'Nishimiye gutangaza ko ibiciro bya Interineti ya 4G igezweho ku Isi, bigiye kungana n'ibya 3G. Ibi bigiye gufasha abakiliya guhindura bakava kuri 3G bakajya kuri 4G  bakoreshe amapaki bari basanzwe bagura. Nk'ipaki ya 'Ubuntu' isanzwe izwi na benshi itanga iminota na mesaje by'ubuntu hamwe na Interineti ya 3G, ubu umuntu nabihitamo izajya iza yahindutse 4G. Biroroshye umukiriya azajya ajya aho ahindurira interineti akoresha ubundi ahitemo 4G cyangwa LTE Mode.'

Emmanuel Hamez yakomeje avuga ko ari ibyo kwishimira kuba ikigo abereye umuyobozi gisanzwe cyarubatse izina nk'umurongo wa interineti ya mbere mu Rwanda, bityo ko abaturarwanda, abarukoreramo ndetse n'abarugenderera bagiye gukoresha interineti ku muvuduko wikubye inshuro nyinshi.

Ubusanzwe abakoreshaga interineti ya 3G bavugaga ko hari imbogamizi mu bijyanye no kurebera filime kuri murandasi, kuzimanurauzikura kuri murandasi (Download), kuganira n'abantu imbonankubone kuri murandasi ndetse no kwiga ukoreshe iya kure.

Kuri izi mbogamizi Emmanuel avuga ko babitekerejeho ariko bakifuza kuzana igisubizo kirambye, gihendukiye abakiriya kandi kiboneka vuba ndetse kuri bose. Ati ' Nibyo iyi interineti nshya ya 4G twazanye izakemura ibibazo birimo kugenda gake kwa interineti mu gihe umuntu ari kwiga, ashaka, kumanura filime ku mbuga nka Netflix, kuganira n'abantu imbonankubone n'ibindi.

Yakomeje agira ati 'Akarusho kuri iyi interineti nshya ya 4G Airtel twazanye ni uko ihendutse kandi ikaba igura kimwe na 3G twari dusanzwe ducuruza ku isoko ry' u Rwanda. Biroroshye cyane kuyitunga, ufite telephone yakira 4G kandi ukoresha umurongo wa Airtel ujya aho uhindurira interineti ubundu ugakanda akamenyetso ka 4G cyangwa LTE Mode ako kanya bihita bihinduka, ugatangira gukoresha interineti iri ku muvuduko uri hagati ya 50MBps na 120MBps ku isegonda rimwe.'

Bwana Hamez kandi yavuze ko gutangiza interineti ya 4G ari ikimenyetso simusiga gishimangira ubushake bwa Airtel bwo kugeza interineti  nziza, ihendutse kandi yihuta ku Banyarwanda bose. Yavuze ko kandi ashimira abafatanyabikorwa ba Airtel bagize uruhare runini mu gushyira mu bikorwa uyu mugambi mwiza.

Hamez kandi yashimiye ubuyobozi bw'u Rwanda cyane cyane inzego bakorana umunsi ku wundi zirimo RURA na Minisiteri y'Ikoranabuhanga na Inovasiyo iyobowe na Minisitiri Ingabire Paula, bagize uruhare runini mu kugira ngo iyi 4G itangizwe ku isoko ry' u Rwanda.

Yagize ati 'Ndashimira kandi Guverinoma y'u Rwanda byumwihariko RURA na Minisiteri y'Ikoranabuhanga na Inovasiyo iyobowe na Minisitiri Ingabire, bagize uruhare rukomeye mu kugira ngo iki gikorwa kigerweho.'

Airtel Rwanda yabaye ikigo cy'itumanaho cya mbere mu Rwanda, gishyize ku isoko Interineti y'ubwoko bwa 4G iri ku giciro nk'icya 3G


Emmanuel Hamez yavuze ko Airtel Rwanda yishimira kuba imaze kugeza imiyoboro y'itunamaho kuri 94% by'abanyarwanda


Mu kiganiro n’itangazamakuru, ubuyobozi bwa Airtel Rwanda bwahamije ko bumaze kugeza iminara y’imiyoboro y’iki kigo ku banyarwanda 94%

Kanda hano urebe andi mafoto
Kanda hano urebe videwo 
AMAFOTO na VIDEWO: Freddy-Rwigema/ INYARWANDA 
“>