Category: Uncategorized

Diamond yuriye urubyiniro amatara ajimije anaruvaho amatara ajimije. Yananyuzagamo agasaba ko amatara bayazimya bityo abafana bagakoresha telefoni zabo. Iserukiramuco ryatangijwe n'umuherwe wahiriwe n'umukino wa Baskteball n'itsinda bafatanya ryiswe 'Giants Of Africa, GOA' riri kubera i Kigali ryizihiza isabukuru y'imyaka 20. 

Giants Of Africa yatangijwe n'urubyiruko mu 2003 ikaba ifite intumbero zo kubaka abakiri bato bakazavamo ibihangange bizubaka Afurika mu ngeri zitandukanye. Ku rubuga rwabo bavuga ko bagamije gushishikariza abanyafurika baba hanze 'Diaspora' bakagira uruhare mu miyoborere yo mu bihugu byabo no guteza imbere aho bavuka. 

Kuva mu 2003 bagiye bazenguruka ibihugu byo muri Afurika bagakora amahugurwa yo gukina Basketball. Abakobwa, abahungu n'abatoza bahabwa amahugurwa n'abakinnyi baturutse muri NBA bakanabigisha andi masomo abafasha mu buzima bwa buri munsi. 

Mu 2021 Giants Of Africa yubatse ibibuga 100 mu bihugu bitandukanye byo muri Afurika harimo n'u Rwanda. Ntabwo bibanda ku mukino wa Basketball gusa kuko banakora ibikorwa byo guteza imbere urubyiruko.

Uyu munsi tariki 13 Kanama 2023 habaye igikorwa cyo gufungura ku mugaragaro iri serukiramuco. Ariko hari haciyeho iminsi muri BK Arena habera inama z'urubyiruko rwaganirijwe mu kurwubakamo ikizere ku buryo igihe kimwe Afurika izaba igihangange nk'uko indi migabane yiyubatse ikaba yihagazeho ku ruhando mpuzamahanga. 

Umuhanzi Diamond Platnumz yagiye ku rubyiniro asimbuye Masamba Intore, umuhanzi umaze imyaka y'ubuzima bwe akora Gakondo akaba anatoza Itorero ry'igihugu'Urukerereza'. Diamond Platnumz waherukaga mu Rwanda muri Kanama 2019. 

Imyaka ine yaburagaho iminsi 4 ngo imyaka ine yuzure atagera mu Rwanda kuko mu 2022 yari kuza gutaramira muri Arena habura yo kumwishyura birangira ataje. Diamond wari ukumbuwe mu Rwanda nyuma y'uko The Ben bakoranye 'Why' ikandika amateka yanamugaruriye igikundiro yaratangiye kugenda atakaza i Kigali.

1. Diamond Platnumz yikuye isengeri ayinagira urubyiruko rwari imbere ye

Yamaze umwanya munini aririmba'Semi-Live' anabyina ageze aho arashyuha. Yahisemo gufata umwanzuro wo kwiyambura isengeri asigarira aho. Diamond Platnumz yakoze umubiri ku buryo yiyambura akaba aribwo agaragara neza kubera 'six packs'. 

Yayinaze mu bafana barayirwanira uwayifashe arishima ko asigaranye urwibutso. Diamond yamaze umwanya munini aririmba anabyina nta kintu yambaye kugeza bamuzaniye umupira uriho nimero 20 zisobanura isabukuru y'imyaka 20 Giants Of Africa imaze ibayeho.

2. Diamond yagaragarije ko akunda u Rwanda

Diamond Platnumz yakandagiye bwa mbere mu Rwanda ku itariki 29 Ukuboza 2014 aho yari aje gutaramira Abanyarwanda. Icyo gihe twinjiraga mu mwaka mushya wa 2015. Yaje azanye na Zari bari bahararanye. Yaje avuye i Burundi mu gitaramo. Igitaramo yahakoreye cyari cyateguwe na Mushyoma Joseph 'Boubu' washinze sosiyete ya EAP 'East African Promoters'. 

Kiriya gitaramo cyabaye ku itariki 01 Mutarama 2015. Iki gihe kureba Diamond Platnumz byari ukwishyura 3000 Frws na 10,000 Frws mu myanya ya VIP. Ariko yanakoze igitaramo muri Expo Ground 'Vibe Party' aho kwinjira byari 10,000 Frws. 

Mu 2017 nabwo yakoreye igitaramo mu Rwanda cyabereye i Nyamata kiswe 'Rwanda Fiesta' yahuriyemo na Mortage Hertage bo muri Jamaica banakoranye indirimbo yitwa'Hallelujah' imaze imyaka itanu igiye hanze. Yongeye kugaruka mu Rwanda mu bikorwa bye birimo kwamamaza ubunyobwa yise'Karanga' n'umubavu ariko byose byari ugutwika kuko twarabibuza ku isoko.

Yongeye kuza gutaramira mu Rwanda muri pariking ya stade Amahoro mu gitaramo cya Iwacu Muzika festival. Cyabaye ku itariki 17 Kanama 2019 cyateguwe na Mushyoma Joseph. Yakoranye ikiganiro n'itangazamakuru ahita yerekeza i Bujumbura aho yari afite igitaramo abona kugaruka i Kigali. 

Bivuze ko amaze kwizera u Rwanda kuko no ku wa gatanu tariki 11 Kanama 2023 yerekeje I Mwanza mu gitaramo cyateguwe na CCM (Chama Cha Mapinduzi) ishyaka riyoboye Tanzania. Aha yagiye igitaraganya kubera gahunda yo gutangiza iserukiramuco yise Wasafi Festival ahita anaboneraho gutangaza abahanzi bazaririmbamo dore ko rizazenguruka uduce 20 tw'igihugu.

Amakuru InyaRwanda yamenye ni uko yagiye gutarama kugira ngo ririya shyaka riburizemo inama ya CHADEMA (Chama Cha Demokrasia na Maendeleo) bari bafite. Byose byakozwe kugira ngo bahanganishe ariya mashyaka kuko CCM idashaka ko CHADEMA igira abarwanashyaka benshi.

Diamond Platnumz yishyuwe miliyoni 100 Frws zirengaho gato. Ikindi kandi iki gitaramo cyabaye ku buntu nyamara ubusanzwe kwinjira muri Wasafi Festival biba ari ukwishyura amafaranga ashobora kugera ku 50,000 Frws.

Nureba neza urasanga izi nshuro zose Diamond yaje I Kigali yahagiriye ibihe byiza ku buryo uyu munsi yagize ati:'Hanon ndi mu rugo. U Rwanda ni igihugu cyanjye kandi nkunda Perezida Kagame abimenye'.

Diamond Platnumz afite impamvu zo gukunda u Rwanda dore ko ari isoko ry'umuziki we. Yagiye ahabwa akazi kandi akishyurwa neza. Ikirenze kuri ibi yanahakuye umugore ariwe Shaddyboo bagiye bagirana ibihe byiza. 

Hari n'inkuru zitandukanye zigeze kuvuga ko ahafute inzu. Diamond Platnumz igihe cyose aje mu Rwanda aba yisanga kuko ahafite The Ben bakoranye indirimbo ikaba yaramugaruye mu murungo dore ko yarimo agenda abura abafana mu rwa Gasabo.

3. Perezida Kagame yitabiriye igitaramo

Perezida Kagame watangije Giants Of Africa iri kwizihiza imyaka 20 yanitabiriye igitaramo kugeza kirangiye. Perezida Kagame yari yicaranye na Masai Ujiri, Ange Kagame bari begeranye, Madamu Jeannette Kagame yari yicaye haruguru yabo mu myanya y'abanyacyubahiro aho yari kumwe n'abuzukuru be babiri. 

Perezida Kagame yanyuzagamo agakina n'umwuzukuru we ariko byageze hagati aza gusuhuza urubyiruko azenguruka abasuhuza. Kubera urukundo bamukunda, Perezida Kagame yagiye atanga amahirwe urubyiruko rukamukora mu kiganza ariko mu buryo butunguranye kubera umutekano wari ucunzwe cyane. Diamond Platnumz yabonye ko Perezida Kagame ahari aramushimira cyane.

4. Diamond Platnumz yaririmbye 'Why' bizamura amarangamutima y'abanyarwanda bari buzuye BK Arena. The Ben amaze iminsi mu myiteguro y’ubukwe afite mu Ukuboza kwa 2023. Ku buryo atari kugaragara mu bikorwa bya muzika ariko hari amakuru avuga ko azaririmba mu gitaramo cya Boyz 2 Men.

5. Diamond Platnuzm yahawe umupira wanditseho nimero 20 isobanura isabukuru y'imyaka 20 dore ko yabayeho mu 2003.

Ibindi umuntu yagarukaho ni uko iki gitaramo cyari kitabiriwe n'ibyamamare bya hano mu Rwanda nka Kevin Kade, Davis D, itsinda ry'abagore bafite amafaranga biyise Kigali Boss Babes barangajwe imbere na Alliah Cool, Coach Gael yakurikiye igitaramo ndetse n'abandi Inyarwanda itabashije guca iryera.

Inkuru wasoma bifitanye isano

Ibihugu 16 byari bihagarariwe muri BK Arena

Keza Erica n’umugabo we Diallo bitabiriye igitaramo cyafunguye Giants Of Africa Festival 2023

REBA UKO DIAMOND YATARAMIYE MURI BK ARENA

Uyu mukobwa w'imyaka 25 y'amavuko ari kumwe na bagenzi be bari bamaze iminsi bakora imikoro inyuranye bahatanira ikamba ryiswe 'Mowana, The 'Tree of Life'.

Yatowe n'Akanama Nkemurampaka kari kagizwe na Jo-Ann Staruss wabaye Nyampinga wa Afurika y'Epfo, R'Bonney Nola wabaye Miss Universe, umukinnyi wa filime Leandie du Randt, umunyamakuru Devi Sankaree Govender ndetse n'umukinnyi wa filime Those Mbedu.

Ni mu birori byabereye mu nyubako y'imyidagaduro ya Sun Bet Arena, Time Square mu ijoro ryo kuri iki Cyumweru tariki 13 Kanama 2023 muri Afurika y'Epfo.

Yagaragiwe na Bryoni Govender wo mu gace ka Gautenge w'imyaka 26 wambitswe ikamba ry'igisonga cya Mbere na Nande Mabala w'imyaka 24 y'amavuko wo mu gace ka Cape wegukanye ikamba ry'igisonga cya kabiri.

Natasha Joubert wegukanye ikamba yavukiye mu gace Gauteng, afite Impamyabumenyi ya Kaminuza mu imenyekanishabikorwa, kandi afite inzu ihanga imideli yise Natalia Jefferys yatangiye afite imyaka 19 y'amavuko.

Uyu mukobwa yivuga nk'umuntu utajya uheranwa n'ibibazo cyangwa ubuzima bugoye, kuko buri gihe ahora ashaka icyatuma agera ku nzozi ze, kandi agaharanira kwigira.

Avuga ko akunda kumara igihe cye kinini akora siporo yo kuzamuka imisozi, gutemberera ahantu nyaburanga n'ibindi akora bituma yumva amerewe neza.

Ni ku nshuro ya kabiri yari ahatanye muri iri rushanwa, ni nyuma y'uko hakozwe amavugurura mu mabwiriza arigenga muri uyu mwaka.

Mu 2020, uyu mukobwa yahatanye muri iri rushanwa abasha kwegukana ikamba ry'igisonga cya Mbere bimuha amahirwe yo guhagararira Afurika y'Epfo muri Miss Universe 2021.   

Mu 2016, uyu mukobwa nabwo yegukanye ikamba rya Miss Globe South Africa. Byamuhesheje amahirwe yo guhagararira iki gihugu mu irushanwa ryabereye muri Albani rya Miss Globe abasha kuboneka mu bakobwa batanu ba mbere.

Nyuma yo kwegukana ikamba rya Nyampinga wa Afurika y'Epfo, yahawe ibihembo birimo Mililyoni 3 y'amafaranga akoreshwa muri kiriya gihugu. 

Natasha yabaye umukobwa wa mbere wambitswe ikamba ryiswe 'Mowana, the Tree of Life,' ryahanzwe na Ursula Pule afatanyije n'umugabo we Kealeboga Pule.

Abakobwa barindwi bageranye mu cyiciro cya nyuma ni Anke Rothmann, Bryoni Govender, Homba Mazaleni, Jordan van der Vyver, Melissa Nayimuli ndetse na Nande Mabala.

Akimara kwambikwa ikamba rya Miss South Africa, yavuze ko kugaruka muri iri rushanwa kuri we ari ubuhamya azishimira gusangiza abandi.

Yavuze ko kwemera guhatana muri iri rushanwa atari amahirwe yari gupfusha ubusa. Kandi yizera neza ko amahitamo buri wese afata ariyo agena ahazaza he.

Ibirori byo gutangaza Nyampinga wa Afurika y'Epfo byayobowe na n'umunyamakuru akaba n'umushabitsi, Bonang Matheba. 

Ni ku nshuro ya Gatatu, uyu mugore ahawe amahirwe yo kuyobora uyu muhango uri mu yikomeye muri kiriya gihugu.

Ubwo yari ayoboye uyu muhango, yavuze ko ari ishema kuri we, kuko azirikana neza ko uyu muhango ukurikirwa n'umubare munini w'abantu kuri Televiziyo.

Kandi bivuze ikintu kinini kuri we, kuba yabashije kongera kuwuyobora ku nshuro ye ya Gatatu.

Natasha w’imyaka 25 yambitswe ikamba rya Nyampinga wa Afurika y’Epfo 

Natasha areshya na 1.71m- Asanzwe afite ikamba rya Miss Globe South Africa

Natasha avuga ko nyuma y’uko mu 2021 avuye muri Miss Universe yahuye n’indwara y’agahinda gakabije
 Natasha bivugwa ko atunze amadorali arenga 200,000 

Natasha Joubert wabaye Miss South Africa 2023 ari kumwe na Ndavi Nokeri wabaye Miss South Africa yasimbuye

 Uyu mukobwa avuga ko mu mashuri yisumbuye yakinaga umukino wa Karate 

Ikamba Natasha Jourbert yambitswe- Ni ku nshuro ya mbere ritanzwe muri iki gihugu

Ubwo mu 2020, Shudufhadzo Musida (Uri hagati), yegukanaga ikamba rya Miss South Africa, yagaragiwe na Thato Mosehle [Uri ibumoso] wabaye igisonga cya kabiri na Natasha Joubert [Uri iburyo] wabaye igisonga Mbere

Ifoto imwe yasohotse mu ijoro ryo kuri iki Cyumweru tariki 13 Kanama 2023 yafatiwe mu nyubako y'imyidagaduro ya BK Arena.

Ni nyuma y'iminota micye yari ishize Diamond avuye ku rubyiniro yari amazeho isaha n'iminota 13' anezeza abanya-Kigali.

Yagize amahirwe akomeye yo gutaramira imbere ya Perezida Kagame, Madamu Jeannette Kagame n'abazukuru babo, Ange Kagame, Bertrand Ndengeyingoma, Minisitiri wa Siporo, Aurore Munyangaju n'abandi bayobozi mu nzego zinyuranye.

Ni ubwa mbere uyu mugabo wo muri Tanzani yari ataramiye mui BK Arena. Kandi yakunze gufata indangururamajwi akumvikanisha ko akunda u Rwanda. Yanashimye abakunzi be b'i Kigali kubera ukuntu bakiri ibihangano bye.

Umushinga wa Giants of Africa urizihiza imyaka 20 umaze ufasha urubyiruko rwo muri Afurika rufite impano mu mukino wa Basketball.

Iri serukiramuco rigiye kumara iminsi irindwi. Aho abaryitabiriye bazahabwa imyitozo yo ku rwego rwo hejuru n'inzobere mu mukino wa Basketball hagamijwe kubafasha kugira ubumenyi bwihariye kuri uyu mukino wakijije benshi mu bo wahiriye.

Ubwo Diamond yari ku rubyiniro, Perezida Kagame yagarutse muri BK Arena anyura mu bafana abasuhuza, ari nako baririmba bati 'Muzehe wacu… Muzehe wacu…'

Mu ijambo rito yavuze, Diamond yumvikanishije ko yakozwe ku mutima no kuba Perezida Kagame yitabiriye igitaramo cye.

Yavuze ko 'iyo uje mu Rwanda urahakunda' kuko ari igihugu cy'isuku, kandi biri kimwe kiri ku murongo.

Uyu munyamuziki wamamaye mu njyana ya Bongo Flava, yabwiye Kagame 'ntewe ishema nawe'. Ati 'Unyizere. Turagukunda.'

Nyuma yo gusoza igitaramo, Diamond yagiye gusuhuza Perezida Kagame mbere y'uko yerekeza kuri Hotel acumbitsemo.

Iki gitaramo yakoreye mu Rwanda, cyabaye igitaramo cya Gatatu yakoze mu gihe cy'iminsi ibiri. Kuko mu gitondo cyo ku wa Gatandatu tariki 12 Kanama 2023 yataramiye urubyiruko muri BK Arena, nyuma yerekeza i Mwanza muri Tanzania mu gutangiza iserukiramuco rya Wasafai Tv n'aho ataramira abakunzi be.

Perezida Kagame yahuye kandi agirana na Diamond nyuma y'igitaramo yakoreye i Kigali 

Diamond yavuye i Kigali, abakunzi be bamukuriye ingofero 

Diamond yakoze ibishoboka byose asigira ibyishimo abakunzi be bari bamutegereje kuva mu myaka itanu ishize 

Diamond yabwiye Perezida Kagame ko amukunda, kandi azirikana ibikorwa amaze kugera ku Banyarwanda 

Ibihumbi by’abantu biganjemo urubyiruko rwo mu 16 byo muri Afurika bataramanye na Diamond

REBA UKO DIAMOND YITWAYE MU GITARAMO YAKOREYE I KIGALI

“>

Yabataramiye mu mbyino yateguye yifashishije urubyiruko rwo mu bihugu 16 bitabiriye iserukiramuco 'Giants of Africa' ryatangijwe mu ijoro ryo kuri iki Cyumweru tariki 13 Kanama 2023 mu nyubako y'imyidagaduro ya BK Arena.

Sherrie Silver ari kumwe n'urubyiruko rwo mu bihugu bitandukanye babyinnye izi ndirimbo, ariko banyuzamo babyina n'indirimbo zitandukanye zirimo nka 'Spryo' ya Tiwa Savage, bakina umukino yabatoje ugaragaza umuco w'ibihugu bitandukanye bya Afurika.

Uyu mukobwa yagiye ahindura imyenda uko yabaga asanze ababyinnyi b'igihugu cyabaga kigezweho mu kwerekana imbyino.

Uyu mukobwa wavukiye mu Karere ka Huye, yanditse ubutumwa kuri konti ye ya Twitter yaherekeje ifoto ari kumwe na Perezida Kagame na Madamu.

Yavuze ko iri joro ridasanzwe kuri we. Kuko yagize amahirwe yo guhura na Perezida Kagame na Madamu bakora ibikorwa bishyigikira urubyiruko.

Mu bihe bitandukanye, Sherrie Silver agaragaza ko ari mu batewe ishema n'imiyoborere ya Perezida Kagame n'uburyo ashyigikira urubyiruko urushishikariza kwishakamo ibisubizo, baharanira kuba ibihangange kandi bagateza imbere Umugabane wa Afurika.

Uyu mukobwa yagiye ahura n'abayobozi bakomeye ku Isi. Nko mu 2019, yahuye kandi agirana ibiganiro na Pope Francis, nyuma ahura Minisitiri w'Intebe w'u Butaliyani ndetse na Perezida wa Repubulika y'Abadominikani.

Sherrie Silver ni umunyarwandakazi w'imyaka 26 akaba n'umubyinnyi wabigize umwuga. Yahanzwe ijisho n'isi yose biturutse ku kuba ari we watunganyije akanayobora imbyino zo mu ndirimbo iri kubica bigacika ya Childish Gambino yitwa 'This Is America'.

Asanzwe ari Ambasaderi w’Ikigega Mpuzamahanga cy’Iterambere ry’Ubuhinzi (IFAD), cyita ku rubyiruko rwo mu cyaro. Kandi yakoranye n'abahanzi barimo Tiwa Savage, RunTown, Sean Paul, Ice Prince, Wizkid n'abandi.

Iri serukiramuco ryatangijwe ku mugaragaro mu ijoro ryo kuri iki Cyumweru tariki 13 Kanama 2023, mu muhango wabereye mu nyubako y'imyidagaduro ya BK Arena.

Umushinga wa Giants of Africa urizihiza imyaka 20 umaze ufasha urubyiruko rwo muri Afurika rufite impano mu mukino wa Basketball.

Iri serukiramuco rigiye kumara iminsi irindwi. Aho abaryitabiriye bazahabwa imyitozo yo ku rwego rwo hejuru n'inzobere mu mukino wa Basketball hagamijwe kubafasha kugira ubumenyi bwihariye kuri uyu mukino wakijije benshi mu bo wahiriye.

Umuhango wo gutangiza iri serukiramuco wasojwe n'igitaramo gikomeye cya Diamond, ni nyuma y'imyaka itanu yari ishize afite amashyushyu yo gutaramira i Kigali.

Iri serukiramuco ryafunguwe n'ibirori by'imyirekano byakozwe n'urubyiruko ruhagarariye ibihugu by'abo bitabiriye iri serukiramuco; yaba abo muri Uganda, Kenya, Tanzania, Mali, Repubulika Iharanira Demokarasi ya Congo, Somalia, Marocco n'ahandi.

Ibi birori byakuriwe no gususurutswa n'umuhanzi Massamba Intore winjiriye mu ndirimbo ye yise 'Kanjongera' ari kumwe n'abasore babiri b'intore babyinnye Kinyarwanda ubundi batanga ibyishimo ku bari bakuriye uyu muhango imbona nkubone.

Massamba yasubiye mu rwambariro agaruka ari kumwe na Sherrie Silver maze aririmba indirimbo zirimo 'Nzajyinama nande', 'Uzaze urebe' ndetse na 'Dimba hasi'.

Sherrie Silver ari kumwe n'urubyiruko rwo mu bihugu bitandukanye babyinnye izi ndirimbo, ariko banyuzamo babyina n'indirimbo zitandukanye zirimo nka 'Who is your guy ' ya Tiwa Savage na Spyro, bakina umukino yabatoje ugaragaza umuco w'ibihugu bitandukanye bya Afurika.

Uyu mukobwa usanzwe ubarizwa mu Bwongereza yagiye ahindura imyenda uko yabaga asanze ababyinnyi b'igihugu cyabaga kigezeho mu kwerekana imbyino.

Massamba yanditse kuri konti ye ya Twitter ashima Umuryango Giants of Africa wamuhaye amahirwe yo kuririmba muri iri serukiramuco rikomeye ku Isi.

Ni mu gihe Sherrie Silver yari amaze iminsi ateguza abakunzi be ko azabereka ibintu byiza.

Sherrie Silver ni umubyinnyi wabigize umwuga, wegukanye ibihembo bikomeye ku Isi birimo MTV Award n'ibindi. Asanzwe ari Ambasaderi w’Ikigega Mpuzamahanga cy’Iterambere ry’Ubuhinzi (IFAD), cyita ku rubyiruko rwo mu cyaro.

Mu gihe cy'iminsi irindwi rigiye kumara riba, iserukiramuco rizaherekeza imikino ya 'Giants of Africa' rizarangwa n'ibikorwa by'imikino ya Basketball ndetse n'ibitaramo by'abanyamuziki barimo Davido, Tiwa Savage, Tyla ndetse na Bruce Melodie bazataramira ibihumbi by'urubyiruko rwo muri Afurika bakoraniye i Kigali.

Umunsi wa mbere w'iri serukiramuco waranzwe n'ibikorwa by'imyiyerekano y'ibihugu 16 bitandukanye byo muri Afurika byitabiriye iyi mikino y'urubyiruko rwiyumvamo impano yo gukina umukino wa Basketball, ufite abakunzi benshi ku Isi.

Muri Gashyantare 2023, Masai Ujiri washinze Giants of Africa yavuze ko imyaka 20 ishize ari urugendo rutoroshye, ariko kandi bafite icyizere cy'aho bagana.

Ati 'Turacyari mu ntangiriro. Hari ibyo duteganya kongeramo ingufu kugira ngo tugere kuri byinshi. Turizera ko ahazaza ha Giants of Africa ari heza.'

'Tuzakomeza guteza imbere ibikorwa remezo, gufasha urubyiruko rwa Afurika mu kububakira ubushobozi, mu burezi, no mu kubafasha mu gusobanukirwa inshingano z'ubuyobozi kugira ngo bazavemo abayobozi beza.' 

Perezida Kagame yatangije ku mugaragaro iserukiramuco ry’umuryango ‘Giants of Africa’ bizihiza imyaka 20 

Perezida Kagame na Madamu Jeannette Kagame bari kumwe na Masai Ujiri n’umufasha we mu gutangiza iri serukiramuco 

Ibihugu 16 byitabiriye ‘Giants of Africa’ iri kubera i Kigali  

Abanya-Nigeria bageze muri BK Arena ibintu birahinduka nyuma yo kubyina indirimbo zubakiye kuri Afrobeat


Abanya-Somalia bacanye umucyo muri ibi birori- babyina indirimbo z’iwabo

Abanya-Soudan y’Epfo ntibatanzwe muri iri serukiramuco

Akaruru k’ibyishimo n’amashyi y’urufaya yumvikanaga muri ibi birori by’akataraboneka- 

Abanya-Mali ni uko baserutse! 

Perezida Kagame yashimye Masai Ujiri [Uri uburyo bwe] 

Minisitiri wa Siporo, Aurore yashimye Masai Ujiri ku bwo guteza imbere urubyiruko rwa Afurika binyuze muri Siporo

Abanya-Repubulika Iharanira Demokarasi ya Congo baserutse mu ndirimbo zizwi muri kiriya gihugu

Abanya-Kenya baserutse mu myambaro ibasanisha n’aba-Masai

Ibihugu 16 bihagarariwe muri iri serukiramuco ryizihiza imyaka 20 ishize 

Massamba Intore yaririmbye indirimbo eshanu, abakunzi ba gakondo bamufasha 

Sherrie Silver yari mu gikundi cy’ababyinnyi bo mu bihugu 16 biyerekanye muri BK Arena

Masai yavuze uburyo mu 2016, Perezida Kagame yamubajije icyo bisaba ngo inyubako nka Arena yubakwe

Masai Ujiri yahaye umwambaro Perezida Kagame nk’ikimenyetso cy’uko ari ‘Igihangange’

Abanya-Nigerai binjiriye mu ndirimbo zikunzwe muri kiriya gihugu ibintu birahinduka

U Rwanda rwahagarariwe n’abasore n’inkumi bitwaje ibendera- Binjirira mu ndirimbo ‘Pasadena’ ya Christopher

Abasore n’inkumi bagiye baserukana amadarapo y’ibihugu by’abo ari nako babyina zimwe mu ndirimbo zo mu gihugu cyabo

Buri gihugu cyohereje urubyiruko rwiyerekanye mu myiyereko yabereye muri BK Arena

Isaha imwe n’iminota 13′ byari bihagije ngo Diamond wamamaye mu ndirimbo zirimo 'Jeje' ave ku rubyiniro amaze ipfa urubyiruko rwo mu bihugu 16 byo muri Afurika bitabiriye iserukiramuco ‘Giants of Africa’.

Iri serukiramuco ryatangijwe ku mugaragaro mu ijoro ryo kuri iki Cyumweru tariki 13 Kanama 2023, mu muhango wabereye mu nyubako y'imyidagaduro ya BK Arena.

Umushinga wa Giants of Africa urizihiza imyaka 20 umaze ufasha urubyiruko rwo muri Afurika rufite impano mu mukino wa Basketball.

Iri serukiramuco rimaze iminsi irindwi. Aho abaryitabiriye bazahabwa imyitozo yo ku rwego rwo hejuru n'inzobere mu mukino wa Basketball hagamijwe kubafasha kugira ubumenyi bwihariye kuri uyu mukino wakijije benshi mu bo wahiriye.

Umuhango wo gutangiza iri serukiramuco wasojwe n'igitaramo gikomeye cya Diamond, ni nyuma y'imyaka itanu yari ishize afite amashyushyu yo gutaramira i Kigali.

Ubwo yatangiza ku mugaragaro iri serukiramuco, Perezida Kagame yabwiye urubyiruko rwa Afurika gutangira gukora ibikorwa bikomeye mu murongo wo gutanga umusanzu wabo batizigamye mu guteza imbere umugabane wa Afurika.

Umukuru w'Igihugu, avuga ko buri wese ashobora kuba igihangange, ahubwo biterwa n'amahitamo yakoze.

Yabwiye urubyiruko kudahora bibutswa gukora, kuko igihe ari iki ngo bahitemo kuba ibirangirire.

Perezida Kagame yanababwiye ko bifitemo ubushobozi bwo kugera ku byo bifuza muri ubu buzima. Kandi bagomba guhanira kuba umwe nk'Abanyafurika.

Diamond washyize akadomo ku muhango wo gutangiza iri serukiramuco-Ku rubyiniro, yabanjirijwe na Massamba ndetse na Sherrie Silver baserutse mu ndirimbo n'imbyino zubakiye ku muco wa kinyafurika.

Uyu munyamuziki yakoze ibishoboka byose kugira ngo atange ibyishimo, arabyina, ajya mu bafana, abatera amazi, arabaganiriza ataha avuga ko yakunze u Rwanda.

Uyu mugabo yaririmbye nyinshi mu ndirimbo ze zakunzwe kuva kuri 'Jeje' kugeza kuri 'Why' yakoranye na Mugisha Benjamin [The Ben].

Ubwo yari ku rubyiniro, Perezida Kagame yagarutse muri BK Arena anyura mu bafana abasuhuza, ari na ko baririmba bati 'Muzehe wacu… Muzehe wacu…'

Mu ijambo rito yavuze, Diamond yumvikanishije ko yakozwe ku mutima no kuba Perezida Kagame yitabiriye igitaramo cye.

Yavuze ko 'iyo uje mu Rwanda urahakunda' kuko ari igihugu cy'isuku, kandi buri kimwe kiri ku murongo.

Uyu munyamuziki wamamaye mu njyana ya Bongo Flava, yabwiye Perezida Kagame ati “Ntewe ishema nawe”. Ati 'Unyizere. Turagukunda.'

Nyuma yo gusoza igitaramo, Diamond yagiye gusuhuza Perezida Kagame mbere y'uko yerekeza kuri Hotel acumbitsemo.

Iki gitaramo yakoreye mu Rwanda, cyabaye igitaramo cya Gatatu yakoze mu gihe cy'iminsi ibiri. Kuko mu gitondo cyo ku wa Gatandatu tariki 12 Kanama 2023 yataramiye urubyiruko muri BK Arena, nyuma yerekeza i Mwanza muri Tanzania mu gutangiza iserukiramuco rya Wasafai Tv naho ataramira abakunzi be.

Si rimwe si kabiri umunyamuziki w'umunya-Tanzania, Naseeb Abdul Juma Issack [Diamond] yumvikanye mu itangazamakuru avuga ko afite amashyushyu yo gutaramira mu nyubako y'imyidagaduro ya BK Arena iherereye i Remera muri Kigali.

Mu 2019, Diamond yataramiye bwa mbere i Kigali. Mbere yo gusubira iwabo, ku wa 17 Kanama 2019 yasuye BK Arena ari kumwe n'umujyanama we batembera ibice bitandukanye bigize iyi nyubako, maze ageze iwabo abwira abanya-Tanzania ko yabonye inyubako idasanzwe, kandi yifuza kuyitaramiramo.

Icyo gihe yabwiye uwari Perezida wa Tanzania kububakira inyubako nk'iyi. Yanditse avuga ko '…Bagenzi bacu bo mu Rwanda bamaze kubona inyubako ya Arena ya mbere muri Afurika y'Uburasirazuba […] bambwiye ko yubatswe mu mezi make.'

Mu 2022, habuze gato ngo ataramire i Kigali, ni nyuma y'uko East Gold Entertainment yari yamutumiye gutaramira Abanyarwanda ku wa 23 Ukuboza 2022 mu gitaramo 'One People Concert'. Yasubitse iki gitaramo ariko yizeza ko azongera agataramira abanya-Kigali.

Diamond ari mu banyamuziki b'ikiragano gishya cy'umuziki bahiriwe. Yubakiye urugendo rw'umuziki we ku njyana ya Bongo Flava, akaba umwanditsi w'indirimbo, umushabitsi, umubyinnyi kandi agakora ibikorwa by'urukundo.

Ni we washinze inzu y'umuziki ya Wasafi Record Label, anafite ibitangazamakuru birimo Wasafi Media. Yaciye agahigo ko kuba umuhanzi wa mbere wo muri Afurika warebwe n'abantu miliyoni 900 ku rubuga rwa Youtube.

Uyu mugabo yatangiye umuziki mu 2006 ubwo yari afite imyaka 18 y'amavuko acuruza imyenda, aho amafaranga yagiye akuramo yamushyigikiye mu gukora indirimbo.

Izina rye ryatangiye guhangwa amaso nyuma y'uko mu 2010 asohoye indirimbo 'Kamwambie'. Mu 2014, yashyizwe mu bahataniye ibihembo BET Awards.

Diamond afite album zirimo 'Kamwambie' yo mu 2010, Lala Salama yo mu 2012, A Boy from Tandale yo mu 2018 na First of All yo mu 2022. Ntasiba mu itangazamakuru ahanini binyuze mu nkuru z'urukundo avugwaho n'abagore banyuranye. 

Diamond yatahanye urwibutso rudasaza nyuma yo gutaramira Perezida Kagame n’umuryango we

Diamond yasabye ko abantu bacana amatara ya telefoni- birakorwa

Diamond yanyuzagamo akabyina, ubundi akajya mu bafana

Diamond yakunze kwandika kuri Instagram ye avuga ko akorera amateka mu Rwanda 

Madamu Jeannette Kagame ari kumwe n’abazukuru be babiri bakurikiranye umuhango wo gutangiza ‘Giants of Africa’

Diamond yavuze ko u Rwanda ari igihugu cyiza, ashima byimazeyo Perezida Kagame

Diamond yari afite ababyinnyi ku rubyiniro n’abacuranzi basanzwe bakorana

Diamond yaririmbye yimara urukumbuzi yari afitiye iyi nyubako

Diamond yashimye uburyo Abanyarwanda bashyigikira umuziki we

Diamond yumvikanye kenshi avuga ko akunda u Rwanda

Urubyiruko rwo mu bihugu bitandukanye muri Afurika byitabiriye iri serukiramuco

Diamond yavuye i Kigali abakunzi be bamukuriye ingofero

Ibihumbi by’abantu bari bakoraniye muri BK Arena i Remera 

Perezida Kagame yabwiye urubyiruko rwa Afurika ko igihe ari iki cyo kuba ibihangange

Diamond yaririmbye nyinshi mu ndirimbo ze zakunzwe kugeza kuri ‘Why’ yakoranye na The Ben

KANDA HANO UKO DIAMOND YITWAYE KU RUBYINIRO I KIGALI

“>

AMAFOTO: TNT

Mu muziki kugira ngo umuhanzi agire icyo ageraho, ni ukuvuga atere imbere ndetse amenyekane ku ruhando mpuzamahanga, buriya bisaba ibintu byinshi bikubiyemo amafaranga.

Zimwe muri izo nzu kuri ubu ziri mu Rwanda twavugamo nka: Kina Music, Kikac Music, MIE Empire, Giti Business Group, Rocky Entertainment (kuri ubu itabarizwamo umuhanzi), 1:55AM, Uncle's Empire, Ibisumizi, 1000 Hills Entertainment, Arthur Nation Dare, Cyaaze Gang, 1K Entertainment n’iyitwa Sunday Entertainment.

Inshuro nyinshi, abahanzi baba mu nzu zibareberera inyungu bakunda gutera imbere ndetse no kumenyekana cyane mu buryo bwose bushoboka. Ariko nanone tukibaza tuti “kuki iyo umuhanzi avuye muri iyo nzu ahita asubira inyuma ndetse bikagera no ku rwego rwo kwibagirana?”.

Twagerageje gukusanya zimwe mu mpamvu zitera aba bahanzi kuzima ( nkuko bakunze kubivuga) nyamara bari bafite izina riremereye:

1.Ubusanzwe, iyo umuhanzi aba muri label akenshi icyo aba ashinzwe cyane biba ari ugutanga umushinga yapanze kugira ngo ushyirwe mu bikorwa, ukwitabira mu gihe cyo gufata amajwi y’indirimbo;

Gufata amashusho y’indirimbo no gukora igitaramo mu gihe cyabonetse ibisigaye bigakorwa n’ikipe ye harimo: gushaka ibiganiro n’itangazamakuru(interviews), kwamamaza indirimbo n’ibindi byinshi ariko iyo avuye yo biramugora kubikora wenyine agacika intege.

Umuhanzikazi Marina yabaye muri The Mane afite izina riremereye muri muzika, nyuma aza kuyivamo avuga ko Badrama (Boss) yamukoreraga ibintu byose amufata nk’umwana, gusa ariko bamaze gutandukana byaramugoye cyane kuko kugeza ubu haciyemo amezi agera kuri 4 nta ndirimbo nshya ashyize hanze.

Agenda agaragara mu zo aba yakoranye n'abandi ariko rero Marina wari muri The Mane Music atandukanye na Marina wa none. Yaba indirimbo zigezweho, ibitaramo bifatika, kugarukwaho cyane mu itangazamakuru byose biri kugenda bicyendera buhoro buhoro nubwo wenda igihe kizagera akabona uburyo bwo gukora ahozaho. 

Marina ntacyumvikana cyane mu muziki nyuma yo kuva muri The Mane

Ni kimwe na Queen Cha nawe uri kugenda yibagirana uko bwije n'uko bukeye nyamara akiri muri iriya nzu yabafashaga wasangaga ahora agarukwaho mu itangazamakuru, akabona akazi kandi n'indirimbo zarasohokaga nubwo nawe akirimo atakoze cyane nk'uko abanyarwanda bari bamwiteze. Uwavuga ko byahumiye ku murari ntiyaba abeshye.

2. Akenshi umuhanzi iyo avuye muri label, havuka amakimbirane hagati ye ndetse na nabel yabagamo. Ibi nabyo biri mu byatuma azima kuko akenshi label iba imurusha izina, bisaba ngo byibuze age muri label ifite izina riruta cyangwa ringana n’aho agiye.

Umuhanzi Papa Cyangwe yavuye muri Label ya Rocky Entertainment, arenzaho kugenda amusebya, nyamara yibagiwe ko Rocky amurusha izina ndetse yubatse n’igikundiro mu bantu, akenshi abantu banavugaga ko amubeshyera bityo n’indirimbo nyinshi ashyize hanze ntizitwike nkuko byahoze bakiri kumwe. 

Papa Cyangwe ari kwibagirana

Papa Cyangwe kuri ubu asigaye yikorana buri kimwe cyose ku buryo bishobora kuba aribyo bimugora. Atandukana na Rocky yavuze ko agiye bitewe nuko nta 'Gatwiko katinjiza' yumvikanishaga ko akora akamamara ariko nta kintu kinjira mu mufuka.

3. Burya ngo uvuga aba atarabona, Hari nk’igihe umuhanzi atangirana na label atarigeze yikorana wenyine ngo yumve uko bigorana gukora umuziki kuko byose baba babimukorera, agatangira kuvuga ko bamurya;

Akavuga ko baba bagomba kugabana inyungu bakaringaniza 50/50 nyamara yirengagije ko ny’iri label uba washoye amafaranga menshi, byibuze aba agomba kumurushaho nka 60%. Iyo asezeye ibintu bikamucanga, atangira kwicuza.

Niyo Bosco, yasezeye muri Lebel yitwa MIE Empire avuga ko icyo yatahiye ari ukubyibuha gusa, nyamara yari yaratangiye umuziki atangiranye na label, bivuze ko atari azi uburyo gushora mu gukora indirimbo bigorana aza kuvamo, kugeza ubu hashize umwaka urenga nta ndirimbo arashyira hanze. 

Bivuze ko ikibazo cy’ubushobozi cyaragoranye. Ariko rero n'igikundiro yari afite kigenda kiyoyoka. Mu gitaramo cyo kumurika 'Mawe' ya Rumaga Junior, uyu Niyo Bosco yafashe guitar akora mu mirya aracuranga ukabona abantu ntibashaka kumwumva. 

Rwose yakoze ibishoboka byose ariko wararanganya amaso mu bafana ukabona bararangaye ntibashaka kumutiza amatwi. Ukibaza ese Niyo Bosco wahoze akunzwe n'uku iminsi iri kumugira?

4. Umutwe umwe wifasha gusara, kenshi na kenshi uzasanga iyo umuhanzi yavuye muri label indirimbo ashyira hanze zidakundwa, impamvu nta yindi ni uko iyo ndirimbo aba yandika iba idafite umwimerere uhagije cyane. 

Iyo ari muri label, mu gihe cyo kwandika indirimbo baba bahana ibitekerezo byatuma indirimbo iryohera abakunzi babo. Ariko iyo ari wenyine yandika ajyanishije n'uburyo we yumva biryoshye yibagiwe ko bishobora kubihira abandi.

5. Ubushobozi buke buganisha ku ndirimbo zidashobora guhatana ku isoko: Mu gihe aba abarizwa mu nzu imureberera inyungu, uzasanga bashyira hanze ibihangano biryoheye amatwi ndetse n'amaso kuko iba yarashowemo amafaranga ahagije yo kubikora. 

Murabizi aho ifaranga rikubise haroroha, ariko naba ari umwe bizagorana, akore indirimbo zibihira umufana mu buryo bwose bugaragara kubera kubura amafaranga ahagije yo kubikora. 

Amalon akiri mu biganza bya Dj Pius washinze 1k Entertainment yari ameze neza ahorana akazi kandi akora imiziki myiza. Akimara gutandukana n’iyi label, nibwo twatangiye kubura Amalon buhoro buhoro. None ubu biragoye ko yakubura umutwe kuko abahanzi bakora cyane bamaze kumwibagirisha abafana.

Amalon yahoranaga akazi akibarizwa muri 1k Entertainment ya Dj Pius

6. Hari igihe label yavuyemo bashobora kujya bamufungira amayira yo kubona amafaranga mu buryo bumwe cyangwa se ubundi, urugero nko mu bitaramo. Ibi nabyo byatuma azima. Ibi binabaho cyane. Uti ese bikorwa gute? Kubera ko umuhanzi aba yarashoweho akayabo akivumbura akagenda wa mushoramari ataratangira kurya ku mbuto birangira bibyaye inzigo. 

Umuhanzi uzasanga atagira abantu bashobora kuvugana iby'ubucuruzi kuko aba yarishyize mu biganza by'umujyanama we cyangwa se label. Aha rero niho bikunze kugorana ugasanga ntabwo wa muhanzi azi aho gahunda zikorerwa we abona umugati ku meza. 

Ntabwo aba yarimenyereje kwishakira amasoko, ibitaramo, ibiganiro ku buryo iyo avuye muri label aba ameze nk'uwo ijuru riguyeho. Ikindi usanga abahanzi batazi uburyo bwo kuganira n'abashobora kubaha akazi. Ugasanga telefoni ye ijyaho abishatse.

Rimwe na rimwe akaba yanakwitaba umuntu azi gusa. Ni abahanzi benshi uhamagara ugasanga teefoni zabo zirazimije. Ku mushoramari rero nta mwanya aba afite wo kumwirukaho ahita atanga akazi ku bari tayali. 

Ikindi kandi kubera ko umuhanzi aba yaramaze kwiremamo ko ari icyamamare aba yumva abandi batari ibyamamare nta birenze bavugana. Aha rero kaba kabaye kuko ntumenya uzazana akazi aho azaturuka.

7. Kugorwa no kwiyakira: umuhanzi wavuye muri label bitewe rimwe na rimwe no kugira ihungabana kuko aba atarakira neza ubuzima aba ari kunyuramo, bishobora kumugora guhita yongera kugira indirmbo akora, ibyo nabyo bishobora kumusunikira kwibagirana mu mitwe y'abantu. 

Urugero rwiza ni Niyo Bosco yigeze kubwira Inyarwanda ko agitandukana na MIE Empire yagize agahinda gakabije'depression' kwiyakira byabanje kumugora kubera indi si yari agiye gutangira kubamo bundi bushya kandi atarabimenyereye. 

Christopher Muneza yigeze gushaka kureka umuziki bitewe no kugira agahinda gakabije. Akimara gutandukana na Kina Music yakomerewe n'ibihe kugeza ubwo atangira kubura ku isoko rya muzika nyarwanda. 

Ku bw'amahirwe yarongeye arakora agaruka mu murongo ariko ntabwo byari ku rwego rwiza kuko yahoze ahanganye na Bruce Melodie, rimwe na rimwe bakanabagereranya. Nyamara iri hangana ryararangiye kuko Bruce Melodie ahubwo asigaye agereranywa na The Ben. 

Kugeza n'aho hadutse amatsinda y'abanyamakuru bakora imyidagaduro aho usanga hari Team B (ikipe ya Bruce Melodie) na Team B (ikipe ya The Ben). Iyo biza kuba hambere hari kuba ari Team B (ikipe ya Bruce Melodie) na Team C (ikipe ya Christopher) none ihatana ryararangiye ntabwo bakiri ku rwego rwo kubagereranya.

8. Kwigira mu zindi gahunda zitari umuziki: kenshi na kenshi mu bituma abahanzi baba bafite amazina iyo bavuye muri labels babura, ni uko bahita bigira mu bundi bushabitsi budafite aho buhuriye n'umuziki na gato.

Mu by’ukuri ubundi labels zifite akamaro gakomeye cyane, zifasha abahanzi mu buryo bwose bushoboka ndetse n’umuhanzi wese aba yifuza ko yabona amahirwe yo kuba yabasha kuba muri iyi nzu. 

Si ngombwa kuba umuhanzi aba afite label kugirango atere imbere ariko umuhanzi akeneye umujyanama mwiza uzi neza isoko ry'umuziki kandi uzi kubaka umuhanzi kugirango ave ku rwego rumwe agere ku rundi. Muri iyi minsi biragoye ko umuhanzi yatangira ku giti cye adafite amaboko amusunika ngo azabashe kurenga umutaru.

Charly na Nina bakiri kumwe na Muyoboke Alexis bari bamaze kwigarurira umuziki w’Akarere ka Afrika y’Uburasirazuba, none baburiwe irengero