Category: Uncategorized

Josh Ishimwe witegura igitaramo cye cya mbere mu mpera z'iki Cyumweru tariki 20 Kanama 2023 muri Camp Kigali, yavuze aho gusubiramo indirimbo zihimbaza Imana byaturutse.

Ati: ''Mbere na mbere ndashimira Imana yanshoboje gutangira uyu murimo, ni ibintu nari mfite nk'inzozi kuva niga Marie Merci i Kibeho, ari na ho nakuye igitekerezo cyo gukora zino ndirimbo zakunzwe zo mu Kiliziya.

Nagendaga nzumva nkazikunda za Reka ndate Imana, Urumuri rutazima, Sinogenda ntashimye n'izindi. Najyaga nzumva nkazikunda cyane ndetse n'izindi z'abarokore nakoze najyaga numva muri eglise mu rugo bisanzwe.''

Josh Ishimwe ari kwitegura guhuriza abakunzi b’indirimbo ze mu gitaramo kizaba kuri iki cyumweru muri Camp Kigali

Josh ukunzwe mu ndirimbo “Reka Ndate Imana Data”, aganira na Isimbi Tv yavuze ko kuva icyo gihe yatangiye gusaba Imana ubushobozi kugira ngo azakore neza izo ndirimbo zitandukanye yajyaga abona zikunzwe muri kiliziya no mu nsengero zitandukanye akiga mu yisumbuye.

Ati: ''Igitekerezo rero kiza mvuga ngo nzagerageza nkore ibishoboka byose Imana ninshira inzira nzazikore. Rero igihe cyari iki ngiki kugira ngo nzikore, kandi abantu barazikunda cyane kuko iyo watangiye kubona indirimbo irebwa n'abantu miliyoni, ukabona ‘feedback’ nyinshi cyane haba abanyarwanda, abarundi, abadiaspora, n'abandi benshi. Byarenze n'abanyarwanda noneho bijya no mu banyamahanga.''

Nyuma yo kubona ko ibyo akora bikunzwe n'abatari bake, ni bwo Josh Ishimwe yatekereje guhuriza hamwe abakunzi be mu gitaramo cyo gusingiza Imana kizabera muri Kigali Conference and Exhibition Village ahazwi nka Camp Kigali kuri iki Cyumweru tariki 20 Kanama, akakita ''Ibisingizo bya Nyiribiremwa.''

Abakunzi b’indirimbo zakunzwe cyane zirimo Reka Ndate Imana, Sinogenda ndashimye n’izindi, Josh yavuze ko bazaziririmba imbona nkubone bigatinda

Yagize ati: ''Ni bwo nahise nibaza ese igihe cyari iki ngiki ntangire noneho ndebe ko nahuza abo bantu bose dusingize Imana? By'umwihariko noneho ni igitaramo kidashingiye ku idini kuko muri kiriya gitaramo hazaba harimo korali yo muri Kiliziya Gatolika yitwa Christus Regnat na Alarm Ministries y'abarokore.''

Ati: “Ni ibisingizo bya Nyiribiremwa. Ni ugusingiza Imana twe twaremwe dusingiza Imana itugejeje magingo aya tukiri bazima. Urumva ni igitaramo kitazaba gishingiye ku idini runaka kuko rwose Padiri azaba yicaranye na Pasiteri, n'abandi benshi. Ni igitaramo kizaduhuza twese hamwe, abantu bose baremwe n'Imana tuje kuyisingiza”.

Josh yavuze ko iki gitaramo nta dini na rimwe gishingiyeho bityo ko abantu bose Imana yaremye bemerewe kuza kuyisingiza

Josh Ishimwe yabwiye abazitabira igitaramo cye kwitega ko hazaba hari ubwiza bw'Imana ndetse n'ibindi bintu byiza. Ati: ''Ikintu cya mbere ni uko hazaba hari presence y'Imana. Ni ukuvuga ngo igitaramo twakora cyose twakora tuvuga ngo turasingiza Imana yo ubwayo idahari ntacyo byaba bimaze”. 

“Kandi buri wese azaze yiteguye ko azabona Imana, ushobora kutayibonesha amaso yawe ariko ukayumva muri wowe. Ikindi turimo turategura ibintu byiza, harimo byinshi bizatungurana. Navuze abahari, ariko hari n'abandi basobora gutungurana.''

Josh yanakomoje ku muntu wigeze kumuhanurira ko azakora igitaramo nk'iki k'Ibisingizo bya Nyiribiremwa agiye gukora.

Yagize ati: ''Inzozi narotaga zigiye gusohora zigendanye n'iki gitaramo. Urebye si no kubirota neza ahubwo hari umuntu wigeze kubimpanurira kera.''

Josh kandi yavuze ko akunda Mama we cyane ndetse ko anamushimira kubwo kumurera neza no kumutoza gukunda Imana.

Ati: 'Mama ni byose! Namubwira ko musabira umugisha ku Mana, yarakoze kundera neza no kuntoza gukunda Imana. Ikindi namubwira, ni uko mu gitaramo azishima, azaterwa ishema n'umuhungu we. Ni we wanyigishije indirimbo nyinshi nka Sinogenda ntashimye kuko yarayikundaga kuva kera cyane.''

Josh Ishimwe yavuze ko mu myaka 22 amaze ku isi, ubuzima bwamwigishije guca bugufi no kwitonda muri byose.

Yagize ati: “Mperutse kuririmba ahantu hari haje umubyeyi wacu First Lady numva abivuzeho nawe ko umuntu wicisha bugufi ashyirwa hejuru, ariko uwishyira hejuru ashyirwa hasi. Ni na byo byabaye kuri satani yishyize hejuru birangira bimubayeho ava mu ijuru ajya hasi.''

Yakomeje avuga ko yishimiye cyane kuba yaragiriwe umugisha wo kuririmbira ahantu hari Nyakubahwa Madamu Jeanette Kagame, byongeye kandi akanahaguruka akizihirwa, ibintu avuga ko zari inzozi ze kuva kera.

Kwinjira muri iki gitaramo Josh Ishimwe yise “Ibisingizo bya Nyiribiremwa”, ni 5,000 Frw mu myanya isanzwe, 10,000 Frw mu myanya y’imbere, 15,000 Frw muri VIP ndetse na 20,000 Frw muri VVIP. Ameza y’abantu batanu ni 250,000 Frw, bivuze ko umuntu umwe ari 50,000 Frw.

Amatike ari kuboneka ku Isomero rya Regina Pacis, Zion Temple Gatenga, Bethesda Holy Church Gisozi, Sainte Famille, EAR Remera, Camelia (CHIC). Kuri Momo ni *182*8*1*604473#. Ushobora no kugura itike kuri interineti unyuze kuri www.eventixr.com. Kanda HANO ugure itike. Ukeneye ko bayikugezaho aho uri wahamagara nimero: 0782051627.

Josh Ishimwe aherutse kubwira InyaRwanda ko muri iki gitaramo ari gutegura hazabonekamo ibyishimo bidasanzwe no gutaramira Imana, ndetse akaririmbira abakunzi be imbona nkubone bagafatanya kuramya Nyagasani

Josh Ishimwe aherutse kuririmba inshuro ebyiri mu cyumweru kimwe mu masengesho yitabiriwe n’abarimo Madamu Jeannette Kagame

REBA “SINOGENDA NTASHIMYE” YASUBIWEMO NA JOSH ISHIMWE

InyaRwanda yabonye amakuru avuga ko uyu muhanzi yageze i Kigali, mu gitondo cyo kuri uyu wa Kane tariki 17 Kanama 2023 ari kumwe n'abamufasha mu muziki.

Azahurira ku rubyiniro n'abarimo Tiwa Savage, Tlya wo muri Afurika y'Epfo ndetse na Bruce Melodie.

Ni ku nshuro ya gatatu agiye kuririmbira i Kigali, nyuma yo gutanga ibyishimo bisendereye mu mwaka wa 2018 ndetse no mu mwaka wa 2014 ari na bwo bwa mbere yari ageze mu Rwanda.

Mu mashusho y’amasegonda 13′ yashyizwe ku mbuga nkoranyambaga, Davido yemeza ko yiteguye gusoza ‘Giants of Africa Festival’ ku wa Gatandatu tariki 19 Kanama 2023, ari nabwo azataramira Abanyarwanda.

Yavuze ati “Ndabasuhuje bantu banjye! Ni umuhungu wanyu Davido, ndashaka kubabwira ko nzaba ndi mu Rwanda tariki 19 Kamena 2023 mu birori bizaherekeza ‘Giants of Africa Festival’.

Avuga ko yiteguye kongera guhura/kubonana n’abafana be n’abakunzi b’u muziki muri rusange.

Ku wa Gatanu tariki 18 Kanama 2023, guhera saa kumi n'ebyiri z'umugoroba kugeza saa tatu z'ijoro kuri BK Arena, hazabera imikino y'iri rushanwa, ndetse ihuzwe n'ibikorwa by'imyidagaduro birimo n'ibitaramo by'abahanzi barimo abazatungurana. 

Ku wa Gatandatu tariki 19 Kanama 2023, saa munani z'amanywa kugeza kumi n'ebyiri z'umugoroba, kuri BK Arena hazabera ibirori byo gusoza 'Giants of Africa Festival'.

Ibi birori bizasozwa n'ibitaramo by'abahanzi Mpuzamahanga barangajwe imbere na Davido uherutse gushyira hanze album ye ya Kane.

Azunganirwa na Tiwa Savage, umuhanzikazi w'umunya-Nigeria benshi bafata nk'umwamikazi w'injyana ya Afrobeats.

Muri iki gitaramo cyo gusoza iri serukiramuco kandi, hazaririmba Bruce Melodie ndetse na Tyla, umuhanzikazi utanga icyizere wo muri Afurika y'Epfo.

Iyi mikino izahuriza i Kigali urubyiruko rurenga 250 bo muri Afurika, kandi bazahabwa amasomo azafasha mu mukino wa Baskteball.

Abatoza bo muri NBA, abo muri GOA ndetse n'abo mu bindi bihugu bizitabira bazifashishwa mu gutanga amasomo ajyanye n'uyu mukino azafasha benshi mu rubyiruko. 

Umwe mu bakora muri RwandAir yafashe ifoto ari kumwe na Davido nyuma y’uko ageze i Kigali 

Davido yageze i Kigali mu gitondo cyo kuri uyu wa Kane 

Ni ku nshuro ya kabiri Davido agiye gutaramira i Kigali 

Nyuma yo gutaramira i Kigali, uyu muhanzi azajya kuririmba mu bihembo bya ruhago i London

Mu 2014 ubwo Davido yazaga mu Rwanda ku nshuro ya mbere yakiriwe na Perezda Kagame n’umuryango we (Photo: Eliel Sando)

Yari umuhanzi w'icyamamare cyane cyane mu njyana ya R&B, inshuti ya bose witabye Imana ku myaka 27 y'amavuko azize cancer y'impindura, aho yaguye mu bitaro byo mu gihugu cy'u Buhinde aho yari amaze igihe yivuriza.

Impano ye yatumye benshi bamumenya yayiyumvisemo ubwo yari afite imyaka 14 y'amavuko. Ni nyuma y'uko abaye uwa kabiri mu marushanwa y’umuziki ku rwego rw'Igihugu.

Ku itariki nk'iyi mu 2022 benshi ntibagohetse nyuma yo kubona itangazo ry'umuryango we, rigira riti 'Tubabajwe no gutangaza urupfu rwa Yvan Buravan rwabaye muri iri joro mu Buhinde aho yari ari kuvurizwa kanseri y'impindura.'

Muri iri tangazo bavuze ko Buravan yasakaje ibyishimo kuri buri wese wari hafi ye, kandi yashishikarije buri wese gukunda u Rwanda n'umuco.

Rev. Pastor Dr Antoinne Rutayisire yigeze kuvuga ko 'Agaciro ku buzima si umubare w'imyaka umara ku Isi ahubwo ni icyo uyikoramo.'

Buravan yasize icyuho mu muziki, ushingiye ku mwihariko yakoreshaga ibikorwa bye bigoye kuzabona umuhanzi utera ikirenge mu cye.

Imyaka irindwi yari imaze mu muziki yatanze icyo yari afite! Yasezeweho mu muhango wabereye muri Camp Kigali, ibihumbi by'abantu bakoraniye hamwe bagaruka ku buzima bwe, ku buryo hari n'ababuze uko binjira bitewe n'ubwinshi bwabo.

Yvan Buravan wavutse tariki 27 Gicurasi 1995, azwiho kuba ari we muhanzi nyarwanda wakoze amateka mu mpera z'umwaka wa 2018, ubwo yegukanaga igihembo cyitwa 'Prix Découvertes' gitangwa na Radio y'abafaransa RFI.

Ntibisanzwe mu buzima ko umusore w'imyaka 27 yagwiza ibigwi bingana kuriya agataha nk'intwari. Yarakunze na we arakundwa by'ikirenga.

Mu kumusezeraho, Pasiteri Rutayisire yavuze ko ibi ari ikimenyetso cy'uko Buravan yabayeho ubuzima bufite intego kandi ko yasohoje ubutumwa bwe ku Isi.

Ati 'Iyo aba yarabayeho ubuzima bw'abanywarumogi, akabaho ubuzima bw'umujura, akabaho ubuzima bw'umuntu ugenda utera abakobwa inda cyangwa se akora ibindi bibabaza abantu, ntabwo tuba twicaye hano twaje kumushengerera gutya.'

Mu bihe by'uburwayi bwe, ntiyigeze acika intege ndetse yari afite icyizere cy'uko azakira agataha mu Rwanda rwamubyaye, agakomeza imishinga ye irimo kumenyekanisha umuziki gakondo w'abanyarwanda.

Mukuru we, yavuze ko habura iminsi itatu ngo yitabe Imana, iby'imishinga y'imiziki yarabiretse ahubwo avuga ko ashaka kugaruka mu Rwanda ngo yamamaze ubwami bw'Imana.

Ati 'Imana imfashe njye mu Rwanda kuvuga Yesu, kubera ko nta bundi bwishingizi dusigaranye uretse Imana yonyine”.

Buravan yigishije urukundo anakangurira abantu gukomera ku muco

Uyu muhanzi yitabye Imana nyuma yo gushyira hanze album yise 'Twaje' yumvikanaho indirimbo zubakiye ku rukundo n'umuco wa Kinyarwanda.

Ibi biri mu byatumye hashingwa umuryango wamwitiriwe 'YB Foundation' ugamije gutoza abakiri bato gukura biyumvamo umuco.

Yasize indirimbo zakunzwe nka 'Just Dance', 'Si Belle', 'Ye Ayee', 'Garagaza' yakoranye na se Michael Burabyo n'izindi.

Umuryango we uherutse gutangaza ko washinze ishuri bise ‘Twaje Cultural Academy’ rifite intego yo kwigisha, gukundisha no gushishikariza abato bafite imyaka 4 kugeza kuri 18 kumenya umuco, ururimi rw’ikinyarwanda, kubyina, ndetse n’amateka y’igihugu.

Bavuze ko iri shuri rije nka kimwe mu bikorwa nyakwigendera Yvan Buravan yifuzaga gukora mu rwego rwo gukomeza gusigasira no gukundisha abakiri bato umuco Nyarwanda.

Uyu muryango wavuze ko ku bufatanye ‘bwanyu’ barizera ko intego z’iri shuri ‘tuzazigeraho bityo inzozi za Yvan Buravan zikazaba impamo.

Mu ndirimbo 'Big Time' Buravan yaririmbye yumvikanisha ko atemeranya n'abavuga ko urukundo rwakonje mu bantu! Aririmba abashishikariza gukundana.

Ni indirimbo yakoze y'inkuru nyinshi zigaruka ku mubano mu bantu udahagaze neza muri iki gihe, abatarambana mu rukundo, abashakanye batagihuza n'ibindi. 

Hari aho avuga ngo 'Iby’uko urukundo rutakibaho. Ni amahomvu ni amahomvu (Ayee Uhm). Ngo ni gake gake. Agasigaye ngo ni gake gake. Ok, ese, twemere barure akarura. Natwe akarura tukamire Reka no no.'

Iyi ndirimbo yarakunzwe cyane, kuko tariki 21 Nzeri 2022 abayirebye bageze kuri Miliyoni 1 iba indirimbo ya gatanu y'uyu muhanzi yabashije kugera kuri uyu mubare. Ni nyuma ya 'Malaika', 'Oya', 'Garagaza' ndetse na 'Si Belle'.

Rosemary Mbabazi wari Minisitiri w'Urubyiruko, yavuze ko Buravan yari umuhanzi 'w'indashyikirwa mu gihugu cyacu.' Yabitangaje ubwo yari mu muhango wo gusezera kuri uyu muhanzi wasize ibihangano by'ubutumwa bwubaka.

Ati 'Ndibuka mu nama imwe twakoze dukoresheje ikoranabuhanga, Yvan ni we watanze igitekerezo ati 'ntabwo twacika intege kuko ibihangano turabifite, inganzo turayifite reka dukoreshe ikoranabuhanga tugere ku Banyarwanda benshi.'

Akomeza agira ati 'Yari umwana w'igihugu, yari umwana w'Imana. Turashimira ababyeyi ko mwamutoje neza. Yacaga bugufi bidasanzwe, bitamenyerewe iyo umuntu amaze kugira izina rikomeye. Isomo twamwigiraho nk'urubyiruko ni ugukunda igihugu ariko no gukunda Imana yatumye akivukiramo. Yari ishema ku gihugu cyacu, yari ishema ku mugabane wa Afurika.'

Urukundo Buravan yigishije runashimangirwa n'amagambo Uncle Austin yavuze ko 'ubwo yasezeraga ku nshuti ye y'igihe kirekire'.

Ati 'Nta kintu kinshimisha nko kubabona, ukuntu kwinjira hano byabagoye ariko binyereka urukundo mwamukundaga. Mwarakoze kuba mwaramwumvise uko nanjye namwumvise. Buravan yigishaga urukundo.'

'Yvan yigishije inshuti ze gukundana, reka twigishe urukundo, dukunda kuvuga ngo urukundo rwabaye ruke ariko ibyo si byo.'

Dushime Burabyo Yvan [Yvan Buravan] ni bucura mu muryango w'abana 3. Yatangiye muzika akiri umwana muto. Ku myaka 2 gusa mukuru we yamuguriye piano y'abana yirirwaga akina nako kugeza aho akuriye akunda muzika cyane.

Ibi byatumye yinjira muri korali y'abana nyuma yo kwiyumvamo impano yo kumenya kuririmba n'ibyo atarigishwa.

Agasobanukirwa impuzarugwiro z'amanota bita 'ACOR' atarabyiga bikanamworohera vuba kumenya indirimbo, abana nabyo gahoro gahoro.

Ni amarushanwa ya sosiete imwe y'itumanaho hano mu Rwanda ku myaka 14 gusa yaje kuba uwa 2 mu gihugu muri ayo marushanwa atsindira million imwe n'igice ikintu cyamuhinduye imitekerereze umuziki awubona mu yindi nguni kandi ngari.

Mu ntangiriro za 2016 ni bwo ibihangano ibihangano bya Buravan byatangiye gusakara mu banyarwanda, nabo baramukundira barabikunda. Icyo gihe ni bwo yari akimara kubona umujyanama (Manager) mushya.

Buravan yasize umurage w’urukundo no gukunda umuco wa Kinyarwanda

Bacanye urumuri mu kuzirikana ubuzima bwa Buravan yabayeho 

Ibihumbi by’abantu bari bakoraniye Camp Kigali mu gusezera kuri Buravan witabye Imana ku itariki nk’iyi 

Kuri uyu wa Kane, Umuryango wa Buravan urakora umuhango wo kwizihiza ubuzima bwe 

KANDA HANO UREBE AMASHUSHO Y’INDIRIMBO ‘BIG TIME’ YA BURAVAN

“>

Abakinnyi bashyizwe igorora mu mikino ya Kamarampaka ya shampiyona ya Basketball mu bagore n’abagabo yamaze kubona umuterankunga wayitiriwe “BetPawa Basketball Playoffs”, aho buri mukinnyi azajya ahabwa ibihumbi 50 ku mukino ikipe ye yatsinze.

Izatangira tariki ya 23 Kanama 2023 aho mu bagabo REG BBC ya mbere izahura na Espoir BBC ya 4, Patriots BBC ya kabiri ihure na APR BBC ya 3.

Mu bagore APR WBBC ya mbere izahura na The Hoops ya 4 n’aho REG WBBC ya kabiri ihure ba IPRC Huye.

Mu kiganiro n’itangazamakuru cyabaye ejo hashize cyari cyatumiwemo n’abakapiteni b’amakipe, Ishyirahamwe ry’umukino wa Basketball mu Rwanda “FERWABA” ryemeje ko bemeye gukorana na BetPawa nyuma yo kubona ko imishinga yabo ihamye.

Umuyobozi Mukuru wa Mchezo ifite BetPawa mu nshingano, Ntoudi Mouyelo, yavuze ko bifuza guteza imbere umukino wa Basketball ndetse n’abakinnyi bawukina bikabagirira akamaro.

Ati “Ni yo mpamvu nyuma y’umukino buri mukinnyi w’ikipe yatsinze azajya ahabwa ibihumbi 50 frw, turashaka kuzamura ihangana muri iri rushanwa. Ikindi kandi tuzahemba abakinnyi bitwaye neza.'

Yakomeje kandi avuga ko kandi n’abafana bazahembwa, binyuze ku mbuga nkoranyambaga aho azajya afata ifoto ari muri Arena agaragaza n’ikipe ashyigikiye ayisangize abamukuriye, uretse kuba uwatsinze azahabwa ibihembo by’umukino wa Basketball, ariko na none azatsindira itike yo kuba yajya kureba shampiyona za Basketball i Burayi cyangwa USA bitewe n’aho yifuza.

Ati 'Ku nshuro ya mbere ashobora kuzahabwa ibihembo byoroheje ariko hari n’icyo kuzajya mu Burayi cyangwa muri Leta Zunze Ubumwe za Amerika kureba umukino umwe bitewe n’aho ashaka, byose yitabweho na BetPawa.'

Nyirishema Richard, visi perezida wa FERWABA yavuze ko uyu muterankunga yanabafashije gutanga amafaranga yo kwitegura aho amakipe aho buri kipe yahawe miliyoni 3 z’amafaranga y’u Rwanda.

Ikipe izegukana Playoffs mu bagabo izahabwa miliyoni 15 z’amafaranga y’u Rwanda mu gihe mu bagore izahabwa miliyoni 10.

Muri 1/2 amakipe azakina imikino 5 itanze indi gutsinda 3 ihite igera ku mukino wa nyuma.

Aba baforomokazi bo mu karere ka Kamonyi, twahisemo kudatangaza amazina, umwirondoro wabo ndetse n’ibigo nderabuzima bakoraho kuko kumenyekana bishobora guhungabanya umutekano wabo. Bakorera umwuga w’ubuforomo mu mirenge itandukanye yo mu karere ka Kamonyi, kandi bahuriza ku kuba barize neza bakaba bafite n’ubushobozi nyamara abo bakorana n’ubuyobozi bakaba bajya babima amahirwe amwe n’amwe bazira ko bafite ubumuga.

Umwe muri bo ati : “Njyewe ubumuga bw’ingingo mfite butuma nk’iyo habonetse amahugurwa yo kongera ubumenyi mu kazi, ubuyobozi bufata umwanzuro wo koherezayo abandi kuko ngo babona njye byangora, nyamara akazi ngakora neza bishimangira ko n’ibindi kubikora bitananira. Niba narize nkarangiza kwiga nanafite amanota meza, ni gute ubuyobozi bwakumva ko kujya mu mahugurwa byo byamvuna ? Hari ubwo babikora nk’abashaka kutaturushya ngo ni ukudufasha nyamara ni ukudupfobya kandi biratubabaza cyane.”

Uyu akomeza avuga ko hari n’abarwayi bamwe na bamwe bumva ko batizeye ubuvuzi bagiye guhabwa n’umuforomokazi ufite ubumuga nyamara nta na hamwe ubumuga afite bumubera inzitizi yo gutanga serivisi uko bikwiye, ariko akavuga ko ubuyobozi ari bwo bwagakwiye kubafasha kwereka abaturage ko ufite ubumuga yanakora akazi neza kurusha utabufite.

Undi muforomokazi twaganiriye na we afite ubumuga bw’ingingo. Ashimangira ko hari igihe haje amahirwe yari agenewe ababyaza ariko umuyobozi we akabwira abateguraga icyo gikorwa ko uhari afite ubumuga atabikora neza bityo ko bakwishakira undi ku kindi kigo nderabuzima. Ibi ngo byaramubabaje cyane binatuma acika intege mu kazi ke kuko yabonaga yabikora neza kuko ubumenyi aburusha benshi badafite ubumuga. Ibi abishingiraho yemera ko hakiri intambwe ndende mu kumvisha abantu ko abafite ubumuga bashoboye imirimo itandukanye nk’uko abatabufite bayikora.

Umunyamabanga Nshingwabikorwa w’Inama y’Igihugu y’Abantu bafite ubumuga, Emmanuel Ndayisaba avuga ko bigayitse kuba hari abagifite imyumvire nk’iyo ipfobya abantu bafite ubumuga. Avuga ariko ko ari ibintu bifata igihe kugirango abantu bahindure imyumvire, gusa agaragaza ko hari icyizere ko hamwe n’imikoranire n’inzego za Leta n’iz’abikorera, iyi myumvire izagenda ihinduka buhoro buhoro.

Emmanuel Ndayisaba, Umunyamabanga Nshingwabikorwa w’Inama y’Igihugu y’Abafite ubumuga asaba abafite imyumvire ipfobya abafite ubumuga kuyihindura

InyaRwanda yabonye amakuru avuga ko aba bahanzi bashakaga gukorera igitaramo cy’abo i Kigali, ibiganiro bagiranye n’ubuyobozi n'Ishyirahamwe ry’Umukino wa Basketball mu Rwanda, FERWABA, bavamo ko bazaririmba muri iriya mikino bashyiraho akadomo.

Ferwaba kandi yatangiye ibiganiro n’abahanzi bo mu Rwanda bari hagati ya babiri na batatu ndetse na ba Dj babiri bagomba kuzacuranga muri iki gitaramo. Ferwaba yitaye cyane ku kureba abahanzi bagezweho muri iki gihe, ariko batakoranye mu mikino yabanje.

Aba bahanzi bakoranye indirimbo zirenze imwe bategerejwe i Kigali mu gitaramo kizaherekeza umukino w’intoranywa muri Shampiyona ya Basketball mu Rwanda “Ferwaba All Star Game Concert 2023.”

Bazataramira mu nyubako y’imyidagaduro ya BK Arena ku wa 23 Nzeri 2023, mu gitaramo cyatewe inkunga n’uruganda rwenga ibinyobwa bisembuye n’ibidasembuye rwa Bralirwa binyuze mu kinyobwa cya Cheetah.

Nyovest utegerejwe i Kigali yatangiye kuririmba afite imyaka 12 y’amavuko. Kugeza ubwo mu 2006 yatsinzwe ikizamini cya Leta cy’amashuri yisumbuye, ava mu ishuri.

Icyo gihe, uyu musore yabwiye ababyeyi be ko ashaka gukurikira inzozi ze zo gukora umuziki, bituma ku myaka 16 y’amavuko ava mu ishuri.

Kuri iriya myaka yahise asinya mu inzu ifasha abahanzi ya Motwaswako, batandukanye mu 2008 Cassper atangira gukora umuziki nk’umuhanzi wigenga.

Mu 2013, uyu muhanzi yasohoye indirimbo ye ya mbere yise “Gusheshe”, mu 2014 asohora album ye ya mbere yise “Tsholofelo”. Iyi album yarakunzwe cyane ku rubuga rwa iTunes muri Leta Zunze Ubumwe za Amerika.

Mu 2014 Casper yashyizwe ku mwanya wa mbere ku rutonde rwa MTV Base. Mu 2020, uyu muraperi yagiranye amasezerano y’imikoranire na Def JamAfrica.

Ni Label ahuriyemo na Nasty C bazazana i Kigali, Larry Gaaga, Boity, Nadia Nakai, Tellaman, Tshego, Ricky Tyler ndetse na Vector.

Ni ubwa mbere Cassper agiye gutaramira i Kigali. Ni mu gihe Nasty C ari ku nshuro ya kabiri agiye gutaramira i Kigali, inkumi zimwibuka cyane mu 2018.

Nasty C yabonye iziba ku wa 11 Gashyantare 1997, ni umwanditsi w'indirimbo akaba na Producer ubimazemo igihe kinini.

Yagize igikundiro cyihariye binyuze ku ndirimbo yakubiye kuri album 'Sophomore'. Mu 2018 yegukanye ibikombe bibiri birimo 'South African Music Awards' ndetse na 'All Africa Music Awards'.

Uyu musore yakuriye mu gace ka Soweto mu Mujyi wa Johannseburg. Ariko yabaye igihe kinini muri Durban arerwa na Se, David Maviyo Ngcobo, ni nyuma y'urupfu rwa Nyina waguye mu mpanuka y'imodoka. Icyo gihe Nasty C yari afite amezi 11.

Nasty C yigeze kuvuga ko yinjiye mu muziki bigizwemo uruhare na Mukuru we Siyabongo Ngcobo wamwigishije uko abaraperi bitwara mu ndirimbo. Kandi yamuhaye amasomo ashamikiye ku muziki.

Ku mwaka wa 14 y'amavuko, Nasty C yasohoye 'Mixtape' ye ya mbere yise 'One Kid, A Thousand Coffins' yasohoye ku wa 12 Gicurasi 2012.

Ku wa 4 Mata 2014, uyu musore yasohoye Extended Play ye ya mbere yise 'L.A.M.E. (Levitating Above My Enemies)', nyuma muri Gashyantare 2015 yasohoye 'Mixtape' yay a kabiri iriho indirimbo yamamaye yise 'Juice Back'.

Ku wa 20 Ukwakira 2015, Nasty C yasubiyemo iyi ndirimbo ayikorana na Davido na Cassper Nyovest.

Uyu musore afite album zirimo: Bad Hair (2016), Strings and Bling (2018) ndetse na Zulu Man with Some Power (2020).

Arazwi cyane mu ndirimbo Said (and Runtown), Particular (Major Lazer, DJ Maphorisa), Jungle, Switched Up, Mad Over You (Remix), The Coolest Kid in Africa (Davido) n'izindi.

Nasty C agiye gutaramira i Kigali ku nshuro ye ya kabiri. Uyu musore atunze arenga Miliyoni 1.2$. Akurikirwa n’abantu barenga Miliyoni 2

Nasty C na Cassper bagiye gutaramira i Kigali mu gitaramo kizaba ku wa 23 Nzeri 2023

Cassper agiye gutaramira i Kigali nyuma y’indirimbo ze zakunzwe nka ‘Gusheshe’, ‘Doc Shebeleza’ n’izindi. Ni we washinze Label yise ‘Family Tree Records’. Akurikirwa n’abarenga Miliyoni 4.4 kuri Twitter  

KANDA HANO UREBE AMASHUSHO Y’INDIRIMBO ‘JUICE’

“>

Itandukana rimaze iminsi rivuza ubuhuha mu byamamare rikomeje no kugera ku bandi. Kuri ubu ryageze ku muhanzikazi Britney Spears dore ko yamaze gutandukana n’umugabo we Sam Asghari nyuma y’amezi 14 gusa barushize.

Amakuru yatangajwe n’ibinyamakuru birimo People Magazine na TMZ, byavuze ko urugendo rw’urukundo rwa Britney Spears na Sam Asghari rwashyizweho akadomo muri Gicurasi gusa bakaba batangaje gutandukana kwabo ubu ngubu.

Britney Spears yamaze gutandukana n’umugabo we Sam Asghari

TMZ yatangaje ko uhagarariye Britney Spears yemeje aya makuru ndetse akanavuga ko aba bombi bari batakibana mu nzu imwe kuva muri Gicurasi. Nubwo yirinze kuvuga impamvu zatumye batandukana, yavuze ko bombi hari ibintu bari batakibasha kumvikanaho ndetse ko batangiye gushaka gatanya mu rukiko.

Kuva muri Gicurasi, Britney na Sam ntabwo bari bakibana mu nzu imwe

Andi makuru avuga ko Sam Asghari yaba ariwe watse gatanya nk’uko yarabifite mu mishinga ye dore ko ashinjwa kuba yararushinze n’uyu muhanzikazi amukurikiyeho ubutunzi. TMZ ivuga ko nyamara aba bombi nibasinya gatanya ntacyo Sam azakuramo kuko ubwo barushingaga Britney Spears atavanze umutungo nawe.

Britney Spears w’imyaka 41 yatangiye gukundana na Sam Asghari w’imyaka 29 mu 2018 gusa umubano wabo ntiwakirwa neza kuko byavugwaga ko Sam yaba ari gukoresha Britney kugira ngo yamamare anabone ifaranga ndetse benshi bakananenga uyu muhanzikazi ko yakundanye n’umusore arusha imyaka myinshi.

Aba bombi batangiye gukundana muri 2018 gusa umubano wabo ntiwakirwa neza

Ibi ariko ntibyababujije gukundana ngo bigere kure dore ko mu mpera za 2021 aribwo Sam Asghari yambitse impeta y’urukundo Britney Spears amusaba ko babana akaramata. Mu Kanama ya 2022 nibwo aba bombi basezeranye kubana akaramata mu birori byitabiriwe n’abasitari benshi bo muri Amerika.

Britney na Sam batandukanye bari bamaze amezi 14 gusa barushinze

Itandukana ryabo rimenyekanye nyuma y’ukwezi gushize PageSix itangaje ko urugo rwa Britney na Sam rurimo ibibazo ndetse uyu muhanzikazi agafotorwa inshuro nyinshi atambaye impeta bigacyekwa ko yaba yaratandukanye n’umugabo we dore ko yaraherutse no kujya mu biruhuko mu Butaliyani wenyine atarikumwe n’umugabo we nk’uko byari bisanzwe.