Webrwanda Backend

Category: Uncategorized

  • Barihe FC: Ikipe y’Abakinnyi 11 baburiwe iren… – #rwanda #RwOT

    Ubusanzwe umwuga wo gukina umupira w’amaguru, impuzandengo y’imyaka abakinnyi bamara mu kibuga, iba hagati y’imyaka 10 na 15. Hari abakina imyaka icumi bakaba babivuyemo, ndetse hari n’abakina imyaka 20 bakabona kubivamo, ariko bose ikita rusange cyabaye kugenda basezeye.

    Tugiye kugaruka kuri bamwe mu bakinnyi b’abanyarwanda badaheruka kumvikana ku ruhando rwo mu kibuga, ndetse bitazwi niba barasezeye ruhago

    1.Nduwayo Danny Barthez

    Danny Barthez, ni umunyezamu mwiza umenyereye shampiyona y’u Rwanda, ariko iyo urebye mu bitabo by’amakipe, usanga nta kipe afite. Danny waciye mu makipe arimo Etincelles FC yari amaze imyaka isaga ibiri mu ikipe ya Sunrise FC yafashije kuzamuka mu cyiciro cya mbere, ndetse anayigumishamo umwaka ushize. Uyu musore aherutse kugaragara mu banyeshuri bigiye icyangombwa cy’ubutoza bw’icyiciro cya ‘D’ mu mahugurwa Dream Team yari yateguye.

    2. Iradukunda Eric ‘Radu’

    Umukinnyi mwiza w’ikipe y’igihugu “Amavubi”, ariko bitazwi niba yarasezeye umupira w’amaguru, Iradukunda Eric, yamenyekanye cyane mu ikipe ya Rayon Sports, aza kuyivamo yerekeza muri Police FC, ariko nayo kuva yayivamo ntawuzi aho aherereye.

    3. Senzira Mansour

    Senzira Mansour, yabaye umukinnyi w’Isonga, akinira ikipe y’igihugu y’abatarengeje imyaka 20. Ni umusore wakiniye ikipe Espoir FC. Gusa mu 2020 yari mu ikipe ya Mukura Victory Sports. Kuva yava muri iyi kipe, Senzira Mansour nta muntu uzi aho aherereye ku bijyanye no mu kibuga.

    4. Rugwiro Herve

    Yabaye Kapiteni wa APR FC na Rayon Sports kandi mu bihe bitandukanye. Rugwiro myugariro w’ikipe y’igihugu “Amavubi” wakiniye ikipe ya As Kigali, ntabwo aherutse mu kibuga nk’uko byari bisanzwe. Uyu musore w’imyaka 30 ukomoka i Huye, yarigaragaje cyane ndetse mu makipe akomeye, ariko uburyo yasubiye ku ruhande akitandukanya n’ikibuga, ni byo byatunguye benshi.

    5. Uwihoreye Jean Paul

    Umukinnyi mwiza wa Kiyovu Sports mu myaka yatambutse, ntabwo ibitabo bya FERWAFA biheruka kumwandika. Uyu musore wanyuze mu ikipe ya Mukura 2019-20, yari myugariro muremure wihuta kandi ufite ubushobozi bwo gukina nka myugariro w’iburyo ndetse no mu mutima w’ubwugarizi, ariko ntibizwi niba yaramanitse Inkweto.

    6. Ndatimana Robert

    Ni umwe mu bakinnyi abanyarwanda bakubwira ko azi umupira w’amaguru nta gushidikanya. Uyu musore uvuka i Rwamagana, yakiniye ikipe y’igihugu y’abatarengeje imyaka 17, yagiye mu mikino y’igikombe cy’Isi cyabereye muri Mexico 2011. Uyu musore yaje ajya muri Rayon Sports akina umupira karahava. Yahavuye ajya muri Police FC, nyuma yo kuyivamo bitangira kwanga.

    Mu mwaka w’imikino 2019-20 uyu musore yagiye kujurira muri Sunrise FC, ndetse akina umupira mwiza ariko nyuma arongera aburirwa irengero kugera aho ubu bitazwi niba yaramanitse Inkweto.

    7. Tuyisenge Jacques

    Kapiteni w’ikipe ya APR FC ndetse n’ikipe y’igihugu “Amavubi” yabaye umwe mu bakinnyi bakomeye u Rwanda rwagize, ni umusore ugifite imbaraga zo gukina umupira w’amaguru, ariko kuri ubu ntabwo ibitabo bya FIFA bimufite nk’umuntu uri mu kazi.

    Amezi abaye abiri Tuyisenge ari muri Leta Zunze Ubumwe za Amerika, aho bivugwa ko nyuma yo gutandukana na As Kigali, nta yindi kipe yo mu Rwanda ashaka kongera gukinira ahubwo azashaka ikipe hanze byakwanga akamanika inkweto.

    8. Mushimiyimana Mohamed

    Mohamed ari mu bakinnyi 9 basinyiye ikipe ya APR FC mu 2019, uyu musore watwaranye nayo igikombe cya shampiyona ntabwo yarengeje imyaka ibiri muri iyi kipe kuko byahise byanga. Mohamed wakiniye igihe kitari gito ikipe ya Police FC, kuri ubu nta muntu uzi ubwatsi aherereyemo, ndetse nta muntu uzi niba yaramanitse Inkweto.

    9. Sugira Ernest

    Rutahizamu w’abanyarwanda Sugira Ernest. Iyo nteruro yonyine irahagije kuyivuga abantu bagahita bakoma mu mashyi kubera ibihe byiza uyu musore yabahaye.

    Sugira Ernest waciye mu makipe arimo As Kigali, APR FC na Rayon Sports, niwe mukinnyi ufite ibitego byinshi mu ikipe y’igihugu “Amavubi” kuva mu 2015. Uyu musore, kuva yava hanze ntabwo arabona ikipe, gusa iyo muganiriye akubwira ko ari gukora imyitozo imwemerera kuguma ku rwego rw’umukinnyi w’umupira w’amaguru.

    10. Martin Fabrice Twizerimana

    Ni umwe mu bakinnyi beza ikipe ya Kiyovu Sports yagize mu myaka 10 itambutse. Uyu musore, yari mu ikipe ya CHAN ya 2021, aho yari umukinnyi ngenderwaho mu kibuga hagati. Uyu musore, yaje kwerekeza mu ikipe ya Police FC, ariko ayivamo bucece kubera uburwayi, ariko na n’ubu ku ruhande rw’umwuga we nta makuru ahari.

    11. Sekamana Maxime

    Umukinnyi mwiza uca ku mpande mu ikipe y’igihugu Amavubi. Maxime wakiniye APR FC nk’umwana w’umunyarwanda, yaje kwerekeza mu ikipe ya Rayon Sports ku ngoma ya Munyakazi Sadate. Maxime ntabwo yumvikanye na Rayon Sports yari imurimo ibiceri, gusa nyuma baje gusozanya, ariko uyu mukinnyi ntabwo twamenya aho yarengeye.

    Ni uku abakinnyi baba bahagaze mu kibuga, umutoza akaba ari Bekeni

    Source : https://inyarwanda.com/inkuru/134025/barihe-fc-abakinnyi-11-abanyarwanda-bakeneye-kumenya-aho-bari-indamukanyo-zabo-zirakumbuwe-134025.html

  • Yakuze atazi Se! Menya amateka ya Winston Duk… – #rwanda #RwOT

    Winston Duke yavutse ku itariki ya 15 Ugushyingo 1986, avukira mu gace ka Argyle, Tobago mu gihugu cya Trinidad na Tobago. Uyu musore yakuze arerwa na mama we wenyine witwaga Cora Pantin, akaba yarakoraga muri Leta icyo gihe ndetse afite na Resitora ye ku giti cye. 

    Winston akiri umwana yabaga ashinzwe kwereka abakiriya aho bicara ku meza yabo gusa ariko akaba yari afite inzozi zo kuzaba umukinnyi wa filime ukomeye. Amaze kugeza ku myaka 9, Mama we yagurishije resitora n’ibyayo byose.

    Duke, Pantin na mushiki we mukuru witwa Cindy bahise berekeza muri Leta Zunze Ubumwe za Amerika muri New York ahazwi nka Blooklyn kugira ngo mushiki we abashe kujya mu ishuri rijyanye n’ubuganga.

    Bamaze kugerayo, WinstonDuke nawe yagiye mu ishuri ryisumbuye ryitwa  Brighton High School i Rochester muri New York hanyuma asoza muri 2004. Ntibyarangiriye aho kubera ko yahise ajya muri Kaminuza i Buffalo muri New York ari ho yaje no gukura impamyabumenyi mu bijyane n’ubuhanzi bw’ikinamico.

    Yaje gukomereza mu ishuri rya Yale School of Drama, aza kuhakura impamyabumenyi mu bijyanye no gukina filime n’amakinamico, aza gusoza mu mwaka wa 2013.

    Uyu musore ari mu bakinnyi ba filime bazi ibyo bakina bitewe n’uko abifitemo impamyabumenyi, bikaba biri mu bikomeza kumugira igihangange cyane ko uretse kuzikina anazitunganya.

    Kugeza ubu uyu mugabo afite imyaka igera kuri 37, gusa ariko ikintu gikomeye kandi gitangaza benshi ni uko nta mugore kugeza ubu afite cyangwa se yigeze ndetse nta nubwo afite n’umwana.

    Abantu benshi bakomeza kubyibazaho bibaza impamvu adashaka umugore kandi afite agatubutse, abandi bakavuga ko agihuze kubera umwuga we wa Filime arimo. 

    Icyakora hari igihe byigeze kuvugwa ko afite umukunzi witwa Michelle Kumi Baer wamenyekanye ku izina rya Meesh uturuka muri Asia, ariko byarangiye ntawe umenye iherezo ryabyo cyane ko nta mafoto yabo bombi mashya baheruka gushyira ku mbuga nkoranyambaga zabo.

    Ni gute yatangiye umwuga wo gukina filime?

    Uyu mugabo yatangiriye umwuga we mu gukina ikinamico mu bigo bitunganya amakinamico, twavugamo nka Portland Stage Company na Yale Reportory Theatre, nyuma aza kujya muri filime y’uruhererekane “Person Of Interest”, yabaye nk’imufungurira amayira muri sinema.

    Mbere y’uko aba icyamamare turi kuvugaho aka kanya, Winston Duke yari umuturage usanzwe uva muri Trinidad na Tobago, wari ufite inzozi zikomeye zo kureba aho yamenera akinjira mu kigo gikomeye ku isi mu bijyanye na filime aricyo “Hollywood”.

    Nyuma yo gusozanya impamyabumenyi mu bijyanye n’ikinamico muri kaminuza ya Baffalo, yerekeje ahitwa New Haven mu ishuri rijyanye no gukina ama filime “Yale School Of Drama”, aza kuhahurira n’umukinnyikazi wa filime ukomeye ku isi “Lupita Nyong’o”, bahinduka inshuti z’akadasohoka.

    Nubwo Lupita Nyong’o yari afite imyaka mike yo gusoza mbere ya Winston Duke, bakomeje kuba inshuti zikomeye aho bigiraga. Mu mwaka wa 2012, Winston yagarutse mu gihugu cye cya kavukire aricyo “Trinidad and Tabogo” mu gutanga ubufasha mu ikinamico yitwa “An Echo in the Bone”.

    Nyuma yo gusoza kwiga mu mwaka wa 2013, Winston Duke yatangiye gushaka uko ibyo yize yabishyira mu bikorwa ku bw’amahirwe abona aho atangirira, ni bwo yaje gukina muri filime y’uruhererekane yitwa “SVU: Law and Order”.

    Ni gute yaje kwisanga muri Filime “Black Panter” yamugize rurangiranwa ku isi?

    Mu mwaka wa 2016, umu Agent we yamwoherereje urwandiko rwanditseho umushinga wa “Marvel”, gusa ariko we ntiyari azi ikijya mbere ndetse n’impamvu yaba yohererejwe urwo rwandiko rwanditse, bikomeza kumutera amatsiko.

    Nyuma y’igihe gito ni bwo byaje gutangazwa ko azaba umukinnyi w’indwanyi mu mushinga wa Marvel  muri filime yabo “Black Panther” agakina yitwa “M’Baku”. Icyo gihe yakinanye n’inshuti ye ya kera Lupita Nyong’o. 

    Nyuma y’uko filime igeze hanze mu mwaka wa 2018, ikaza no gukundwa bidasanzwe, ikaza kumusigira izina ku isi, kuva icyo gihe yahise atangira gutumirwa no mu tundi tuzi twinshi dutandukanye. 

    Yaje kongera kugaragara mu yandi ma filime akomeye ku isi akoresha izina rya M’Baku nka “Avengers: Infinity War” ndetse na “Avengers: Endgame”.

    Mu kwezi k’Ukwakira umwaka 2022, umubyeyi (Mama) we yari asigaranye yitabye Imana ku myaka ye 66. Uyu musore akaba avuga ko uretse kuba yari umubyeyi we, yari n’inshuti ye idasanzwe, anamuhora iruhande rwe. 

    Mu gihe bari mu gikorwa cyo kumurikira abantu filime “Wakanda Forever” mu itangazamakuru, uyu musore yagaragaje agahinda gakomeye ko kuba yarabuze umubyeyi (Mama) wamureze cyane ko ari we wamwitayeho ubuzima bwe bwose kuva yavuka kuko atigeze agira amahirwe yo kuba yamenya Se.

    Yakomeje avuga ko nyina yari umujyanama kuri we, ibintu byose babiganiragaho, akavuga ko nta nshuti cyangwa se umuntu arabona ugwa mu ntege mama we mu buryo bari babanye.

    Kuri ubu uyu mugabo w’icyamamare uri mu bantu bakomeye ku isi mu gukina filime no kuzitunganya ari mu rw’imisozi 1000 rutemba amata n’ubuki aho yaje mu gikorwa ngarukamwaka cyo Kwita Izina abana b’ingagi 23 bari bavutse mu mezi 12 ashize. 

    Muri iki gikorwa kandi yahawe n’umwanya wo kwita umwana izina, aho umwana yamwise 'Intarumikwa' abitewe n'uko Mama wamubyaye (Winston) yamwigishije gukunda ibidukikije bityo bikaba ari ngombwa ko ‘twakwigisha abana bavuka kwita ku bidukikije kuko ni ingenzi cyane’.

    Uyu mugabo kandi byeruye yamaze guhabwa ubwenegihugu bw’u Rwanda aho kuri ubu nawe yabaye Umunyarwanda aho yajya hose.

    Yamaze kuba Umunyarwanda byeruye kandi byemewe n’amategeko

    Mu muhango wo kwita izina umwana yamwise “Intarumikwa”

    Yagaragaje ko yishimiye u Rwanda mu buryo budasanzwe

    Yakuze atazi se umubyara

    Source : https://inyarwanda.com/inkuru/134013/yakuze-atazi-se-menya-amateka-ya-winston-duke-wahawe-ubwenegihugu-bwu-rwanda-134013.html

  • Jimmy Mulisa yavuye mu batoza b’Amavubi bazatoza umukino wa Senegal #rwanda #RwOT

    Jimmy Mulisa ntakiri mu batoza bazatoza umukino wa Senegal usoza itsinda L uzaba mu mpera z’iki cyumweru kubera ko ubu ari Tanzania aho yagiye gukora amahugurwa yo gushaka License A.

    Jimmy Mulisa wari usanzwe ari umutoza wungirije w’ikipe y’igihugu Amavubi, we na Seninga Innocent bari bahawe inshingano zo kungiriza umutoza mukuru w’agateganyo, Gerard Buschier ku mukino wa Senegal uzaba tariki ya 9 Nzeri 2023.

    Ku munota wa nyuma Jimmy Mulisa akaba yavuye muri aba batoza aho ubu arimo kubarizwa mu guihugu cya Tanzania yagiye mu mahugurwa yo gushaka License A ya CAF y’ubutoza.

    Amavubi yatangiye imyitozo ku munsi w’ejo ku wa Mbere aho irimo gukorera imyitozo kuri Kigali Pele Stadium ni mu gihe uyu mukino usoza itsinda L utanafite icyo uvuze kuko Amavubi yamaze gusezererwa, uzaba ku wa Gatandatu w’iki cyumweru.

    Muri iri tsinda Senegal ni iya mbere n’amanota 13, Mozambique ifite 7, Benin 5 mu gihe u Rwanda rwa nyuma rufite 2.

    Jimmy Mulisa ari muri Tanzania

    Source : http://isimbi.rw/siporo/article/jimmy-mulisa-yavuye-mu-batoza-b-amavubi-bazatoza-umukino-wa-senegal

  • Abacamanza n'abakozi b'inkiko basabwe kwirinda kugwa mu byaha bya ruswa #rwanda #RwOT

    Perezida w'Urukiko rw'Ikirenga, Dr. Faustin Ntezilyayo, yasabye Abacamanza n'abakozi b'inkiko  kwirinda kuba ibigwari ngo bagwe mubyaha  bya ruswa n'ibisa nayo byose,   kuko  ngo byaba ari agahomamunwa kumva  urwego rw'ubucamanza ruvugwamo ruswa kandi  arirwo  murinzi w'uburenganzira n'ubwisanzure bwa muntu . 

    Yabitangaje Kuri uyu wa Mbere ubwo mu Rwanda  hatangizwaga umwaka w'ubucamanza wa  2023/2024

    Hatangizwa umwaka w'ubucamanza wa 2023/2024, hagaragajwe ko kugeza ubu urwego rw'ubucamanza mu Rwanda rugahaze neza ariko hari nibibazo bigikoma mu nkokora uru rwego bituma rudatanga ubutabera bunoze kandi ku gihe. Nkubu ngo igihe uruabnza rumana kugirango ruburanishwa kiracyari kinini aho kigera ku meza 37 kandi ngo binagira ingaruka kubaturage bagana inkiko nkuko Me Moise Nkundabarashi Perezida w'Urugaga rw'Abavoka abisobanura.

    Ati 'Nyakubahwa Minisitiri w'ubutabera, nk'abagana inkiko umunsi ku munsi twasabaga ko uru rwego rwongererwa ubushobozi bwaba ubwibikoresho cyangwa abakozi, kuko biragaraga ko igihugu cyacu kigenda gitera imbere niko imanza zinjira mu nkiko, ibirego bitangwa muri RIB, ibirego bitangwa mu bugenzacyaha byariyongereye kuburyo hatagize igikorwa byarenga ubushobozi bw'uru rwego. Raporo yagaragajwe n'ubutabera igaragaza ko urubanza rugezemo ruburanishwa igihe cy'amezi 37.'

    Ubushinjacyaha bukuru bugaragaza ko ku ruhande rwarwo bushyize imbaraga mu kugabanya amadosiye buregera inkiko, hakoreshwa ubundi buryo gukemura amakimbirane hatisunzwe inkiko no kugabanya umubare w'ababurana bafunze.

    Icyakora ngo hari n'imbaraga zikenewe mu guhangana n'ubwiyongere bw'ibyaha birimo ubujura no gukubira no gukomeretse, nkuko Havugiyaremye Aimable Umushinjacyaha mukuru abisonanura.

    Ati 'Mu kugabanya ibyaha bikorwa ni ngombwa ko dufatanyije n'izindi nzego dufata inzego ku byaha byiyongera cyane cyane ubujura, n'icyaha cyo gukubita no gukomeretsa, aho ibi byaha byihariye  59.3% y'ibyaha bikorwa muri rusange'.

    Minisitiri w'Ubutabera akaba n'intumwa nkuru ya Leta Dr. Ugirashebuja Emmanuel, yagaragaje ko u Rwanda ruzakomeza gushyira imbaraga mu kunoza imiburanishirize y'imanza yashyirwamo ikoranabuhanga  kugira ngo byihutishe urubanza.

    Icyakora yasabye abaturage  ubufatanye mu gukumira ibyaha.

    Ati 'Mu buryo bwihariye ndasaba abanyarwanda bose guhaguruka ndetse no gufatanya n'inzego z'ubutabera n'ubundi buyobozi bw'igihugu gukumira icyaha no kugaragaraza aho cyabaye, by'umwihariko ndashimira Nyakubahwa Perezida wa Repubulika y'u Rwanda n'abayobozi bakuru bafatanya mu kuyobora igihugu.'

    Perezida w'Urukiko rw'Ikirenga Dr Faustin Ntezilyayo,  yagaragaje kunyurwa n'iterambere ry'urwego rw'ubutebera mu Rwanda, ariko asaba ko igihugu cyashyira imbaraga mu gukemura ikibazo cy'ubucye bw'abacamanza na'bakozi b'inkiko, n'inkiko zitagira aho zikorera.

    Yanasabye kandi abakora mu rwego rw'ubutabera kwirinda kuba ibigwari ngo bagwe mubyaha bya ruswa kuko ngo ari agahomamunurwa kumva ko Abacamanza bavugwaho ruswa, nyamara ari abarinzi b'uburengenzira n'ubwisanzura bwa muntu.

    Ati 'Urwego rw'ubucamanza rukomeje gushyira mu bikorwa ingamba zo kuyirwanya (ruswa) kandi intambwe igenda iterwa irashimishije gusa ni uguhozaho, nk'uko dukunda kubivuga byaba ari agahomamunwa kubona twebwe dushinzwe kubahiriza uburenganzira bwa muntu, ari twebwe tubonetsemo ibigwari bitumye ubwo burenganzira butaboneka kubera indonke.'

     Umwaka w'ubucamanaza wa 2023/2024 usanze u Rwanda rugitungwa agatoki kugira umubare munini w'abafunze mu magereza, ndetse umubare w'abantu bafungiye muri gereza zo mu Rwanda ukomeje kwiyongera umunsi ku munsi, n'ubwo hari ingamba Guverinoma ikomeje gushyiraho hagamijwe kugabanya ubucucike.

    Imibare iheruka y'Urwego rw'Igihugu Rushinzwe Igorora, igaragaza ko abantu 89.034 ari bo bafungiye muri gereza 13.

     Mugihe nyamara  nko mu 2022, bari 85.000.

    Guverinoma y'u Rwanda isobanura guhanga n'iki kibazo bisaba gushyira imbaraga mu gukemura amakimbirane hatisunzwe inkiko, burimo bw'ubwumvikane ku kwemera icyaha ku bihano aho umuburanyi cyangwa ukurikiranyweho ibyaha ashobora kwemera ibyaha ashinjwa akaba yarekurwa.

     U Rwanda rwatangije iyi gahunda izwi nka plea-bargaining mu Ukwakira 2022,  aho muri ubu buryo imibare igaragaza ko abagera kuri 621 aribo bamaze kurekurwa.

    Daniel Hakizimana

    The post Abacamanza n'abakozi b'inkiko basabwe kwirinda kugwa mu byaha bya ruswa appeared first on FLASH RADIO&TV.

    Source : https://flash.rw/2023/09/05/abacamanza-nabakozi-binkiko-basabwe-kwirinda-kugwa-mu-byaha-bya-ruswa/?utm_source=rss&utm_medium=rss&utm_campaign=abacamanza-nabakozi-binkiko-basabwe-kwirinda-kugwa-mu-byaha-bya-ruswa

  • Perezida Kagame ari muri Kenya mu nama yiga ku mihindagurikire y'ibihe #rwanda #RwOT

    Perezida Paul Kagame ari i Nairobi muri Kenya aho yitabiriy inama yiga ku mihindagurikire y'ibihe muri Afurika kuri uyu wa Kabiri tariki 05 Nzeri 2023.

    Umukuru w'igihugu yifatanyije na Mugenzi we wa Kenya, William Ruto, aho bahura n'abandi bakuru b'ibihugu na za Guverinoma ndetse n'abandi bahirimbanira kurengera ibidukikije.

     Ni inama izamara iminsi itatu yateguwe ku bufatanye na Komisiyo y'Umuryango wa Afurika Yunze Ubumwe na Guverinoma ya Kenya.

    The post Perezida Kagame ari muri Kenya mu nama yiga ku mihindagurikire y'ibihe appeared first on FLASH RADIO&TV.

    Source : https://flash.rw/2023/09/05/perezida-kagame-ari-muri-kenya-mu-nama-yiga-ku-mihindagurikire-yibihe/?utm_source=rss&utm_medium=rss&utm_campaign=perezida-kagame-ari-muri-kenya-mu-nama-yiga-ku-mihindagurikire-yibihe

  • Abayobozi ba Kiyovu Sports nyuma yo gushaka kurwana, umwe yahize kwirukana undi #rwanda #RwOT

    Uwavuga ko ibintu ari amahoro mu ikipe ya Kiyovu Sports, yaba akoze icyaha ndetse anabeshye abanyarwanda, ni nyuma y’uko abayobozi b’iyi kipe, Perezida w’Umuryango wa Kiyovu Sports, Ndorimana Jean François Régis na Mvukiyehe Juvénal uyobora Kiyovu Company Sports Ltd ubu barimo kurebana ay’Ingwe.

    Amaboko atazaguha uyabona mu iramukanya

    Byatangiye mbere y’uko umwaka w’imikino utangira ariko abantu babifata nk’ibyoroshye bizahita bikemuka.

    Habanje kubaho ikibazo mu gusinyisha abakinnyi aho buri umwe muri aba bagabo yasinyishije abakinnyi be.

    Ndorimana Jean François Régis uzwi nka Général yasinyishije Niyonzima Olivier Seif bivugwa ko Mvukiyehe atabyakiriye neza kuko bamusinyishije batabimubwiye, kuri uyu mugabo hiyongereyeho Umurundi Bazombwa Kirongozi na we wasinye Juvenal atabizi.

    Byari byatangiye kuzamura umwuka mubi ariko bagerageza gukemura ikibazo ntihagira ikiba birarangira.

    Umwotsi wakomeje gututumba…

    Ubwo bari mu myitozo itegura umunsi wa kabiri wa shampiyona wo Kiyovu Sports yatsinzemo AS Kigali 2-0 tariki ya 26 Kanama 2023, aba bagabo bashwaniye mu myitozo hafi kurwana ariko abantu bari bahari barakumira.

    Muri uko gutongana kose nibwo Ndorimana Jean François Régis yumvikanye abwira Juvenal ko atakomeza kwihanganira gutsindwa ko ahubwo Kiyovu Sports yayimusigira akigendera.

    Bugesera FC yatumye Ndorimana Jean François Régis ahiga kwirukana Juvenal n’abakinnyi yaguze.

    Nk’uko umunyamakuru Biganiro Antha wa Radio10 yabitangaje mu kiganiro cya Siporo cyo kuri iyi radio ejo hashize, ni uko ubwo Kiyovu Sports yari imaze gutsidnwa na Bugesera FC 4-0 mu mukino w’umunsi wa 3 wa shampiyona wabaye mu mpera z’icyumweru gishize, Ndorimana Jean François Régis yahamagaye uyu munyamakuru akamusaba kumutangira ubutumwa ko arimo ashaka uko yakwirukana Mvukiyehe Juvenal.

    Ati “Nyuma y’umukino, Général yarampamagaye arambwira ngo Antha uzantangire ubu butumwa, ndimo ndashaka uburyo nirukana Juvénal muri Kiyovu Sports, ndimo ndashaka uburyo nirukana abakinnyi bose baguzwe na we muri Kiyovu Sports.'

    Kugeza ubu nyuma y’umunsi wa 3 wa Shampiyona ya 2023-24, Kiyovu Sports ifite amanota 4/9 yanganyije na Muhazi United, itsinda AS Kigali inatsindwa na Bugesera FC.

    Juvenal na Général isyamba si ryeru

    Source : http://isimbi.rw/siporo/article/abayobozi-ba-kiyovu-sports-nyuma-yo-gushaka-kurwana-umwe-yahize-kwirukana-undi

  • Yesu, Martin Luther King na Michael Jackson k… – #rwanda #RwOT

    Mu bushakashatsi bwakozwe na kaminuza ya Havard yamamaye cyane , bitewe  n'impuguke isohora buri mwaka cyane cyane, mu bijyanye n'ubumenyi n'ikoranabuhanga.Iyi kamunuza iherereye muri Leta Zunze Ubumwe z'Amerika nyuma y'igihe kinini hatangijwemo ubushakashatsi, bwo gutora umuntu ufatwa nk'icyamamare cy'ibihe byose kuva isi yaremwa.Ni ubushakashatsi ariko bugikomeza kuko amatora kuri murandasi agikomeza. Aya  matora icyo yashingiyeho, kuba umuntu utorwa yaratuye ku isi akahaba ubuzima busanzwe , agakura ndetse akanitaba Imana.

    Dore abantu 10 batowe nk’ibyamamare by’ibihe byose mu mateka y’isi bitewe n’ibikorwa bakoze bigatuma bamamara hose:

    1.Yesu Kristo (Jesus Christ)

    Yesu , cyangwa Yezu Kristo ni, umuyahudi wavukiye muri Betelehemu , mu gihugu cya Palestina y'ubu ngubu.Hagendeye ku gitabo Gitagatifu Bibiliya ,nkuko byanditswe muri Matayo 1:1-18. Yezu Kristo  yavutse uruhande rumwe ari umuntu ariko kurundi ruhande ari Imana.

    Impamvu abatora bashyize Yezu kuri uru rutonde ni uko yavutse agakura  akanapfa nk'abandi bose, ibi byagaragazaga ko ari umuntu nkatwe.Byagorana kubaho ku isi ukagera igihe cyo kuvuga,ukamara imyaka byibura  4 utazi kuvuga izian Yezu, ikindi ngo ni uko kuba yaracunguye abantu bose bimuha amahirwe yo kumenyekana kurusha undi  muntu wese aho ava akagera.

    2.Martin Luther King Jr

    Martin Luther King, Jr., ni umupasiteri w'Umunyamerika ,mu itorero ry'Aba BATISTA. Yavutse tariki ya 15, Mutarama umwka 1929, avukira i Atlanta , muri Leta ya Georgia.Martin Ruther King ,mu buzima bwe yaranzwe no kugira icyizere gikomeye ndetse n'amabonekerwa atandukanye.

    Uyu afatwa  nk'intwari muri Amerika no ku isi hose kubwo kurwanya ubusumbane bw'abazungu n'abirabura. Zimwe mu mbwirwaruhame zamuranze  ,harimo nk'iyitwa Mfite inzozi ( I have a dream). Iyi mbwirwaruhame yagaragayemo amagambo ahumuriza abirabura ,ko nabo bazabaho mu gihugu cya Amerika nta muntu n'umwe ubagaraguza agate.Ibintu byaje no kugerwaho.

    Ruther kandi yahanuye ko Amerika izayoborwa n'umwirabura, ibi byaje kuba impamo ubwo Barack Hussein Obama yabaga perezida wa Amerika. Martin Ruther King yishwe arasiwe mu gace ka Memphis kuwa 4 Mata 1968.

    3. Michael Jackson

    Michael Joseph Jackson  ni umuririmbyi  mu njyana ya Pop , wavukiye mu muri Indiana , imwe muri Leta Zunze Ubumwe Z'Amerika. Yavutse Tariki ya 29 kanama 1958, aza kwitaba Imana Tariki ya 25,Kamena 2009.Impamvu nyamukuru yatumye agaragara kuri uru rutonde ni ubugwaneza bwe , kuko amafaranga yakoreraga mu muziki , amenshi yayashyiraga mu bikorwa byo gufasha abantu , imihanda yose y'isi. Ibikorwa bye byo gufasha abatishoboye byatwaye akayabao ka Miliyoni 300, z'Amadorari y'Amerika.

    4.Adolf Hitler

    Adolf Hitler ni umunyapolitiki w'umunya Austria , wajegukura  aba umutegetsi w'umunyagitugu. Mu gihe yari ayoboye ishyaka rya Nazi, mu  Burayi  bwose  Hitler, yaranzwe n'ubugome butigeze bugirwa n'undi muntu wese kuva isi yaremwa,yayoboye Ubudage kuva mu mwaka  wa 1934 kugeza mu mwaka 1945. Iri shyaka rya Nazi ntirizibagirana mu mitwe y'abatuye isi cyane cyane abayahudi bitewe n'a Genocide yabakoreye, imbaga nyamwinshi y’abayahudi ikahaburira ubuzima

    5.Muhammad

    Muhamadi ni  umwarabu ukomoka muri Arabia Soudite,yavutse mu mwaka 590 aza gutabaruka mu mwaka 633. Muhammad afatwa nk'uwashinze idini Ya Islam, ndetse afatwa nk'umuhanuzi wa nyuma wabayeho kuva isi yaremwa nkuko igitabo gitagatifu Koran kibivuga.

    6.Albert Einstein

    Albert Einstein  afatwa nk'igitangaza mu bumenyi (Sciences) yavutse taiki ya 14 Werurwe mu mwaka 1879, aza kwitaba Imana tariki ya 18 Mata 1955, i New Jersey ho muri Amerika.Uyu mugabo bivugwa ko yari yaravukanye ubuhanga budasanzwe mu Bugenge, yaje kwitaba Imana nyuma yo kwanga kubagwa, aho we yavuze ko adashaka gukorwa  kandi yararemwe (I do not want to Die Artificially).

    7.Elvis Presley

    Elvis Presley umukinnyi wa Filimi akaba n'umuririmbyi mu njyana ya Rock, uyu mugabo yavutse tariki ya 8 Mutarama 1935, avukira  muri  Amerika.Yaje kwitaba Imana mu mwaka 1977. Uyu mugabo mu gihe cye   bivugwa ko yari umwami wabamutega amatwi bose King Of Public.

    8. Abraham Lincoln

    Abraham Lincoln ni Perezida wa  16 wa Leta zunze ubumwe Z'Amerika  .Yavutse tariki ya  12,Gashyantare 1809, Hodgenville, Kentucky, muri Amerika.Yaje kwicwa tariki ya 15, Mata   1865, Petersen House, Washington, D.C.. Lincoln afatwa nk'intwari ya' AMerika , yanayoboye kandi intambara yo kubohora Amerika .

    9.Muhammad Ali

    Muhammad Ali, ni umukinnyi w'iteramakofe w'umunya Amerika , yavutse kuya 17 Mutarama 1942. Uyu mugabo wakinaga uyu mukino  mu cyiciro cy'abafite ibiro biringaniye, yakoze amateka kuko yarangije ,uyu mukino kumugaragaro atigeze atsindwa na rimwe rizima.

    10.Mahatma Gandhi

    Yitwa Mohandas Karamchand Gandhi  , ni  Umuhinde wahanganye n'Abongereza mu  ntambara y'ubwigenge bw'UBuhinde. Yavutse tariki ya 2, ukwakira 1869, avukira  mu gace ka,Porbandar ,India.

    Ghandi yishwe arashwe ku ya 30Mutarama , 1948,New Delhi,india . Ghandi yamamaye mu mbwirwaruhame ze zakoze ku mitima ya Benshi , nkaho yagize ati'Nta kintu nakimwe mu buzima cyabaho ,ngo gisimbure kubaho ufite ukwishyira ukizana.

    Source : https://inyarwanda.com/inkuru/133990/yesu-martin-luther-king-na-michael-jackson-mu-byamamare-byibihe-byose-mu-mateka-133990.html

  • Rurageretse hagati ya Niyonkuru Meschak na Fi… – #rwanda #RwOT

    Ibaruwa y'urukiko rw'ubucuruzi InyaRwanda ifitiye kopi yerekana uko ikibazo giteye n'uburyo uruhande rwa Fine FM na Rutayisire Mushaija Donath rwanze kugira uruhare mu gusoza ikibazo mu buhuza bwumvikanyweho.

    Iyi baruwa yashyizweho umukono n’umucamanza mu Rukiko rw'Ubucuruzi, Umutesi Vestine isobanura ko hashingiwe ku ngingo ya 26 y'amabwiriza No 001/2019 yo ku wa 05/12/2019 ya Perezida w'urukiko rw'Ikirenga yerekeye ubwunzi mu manza z'imbonezamubano, iz'ubucuruzi, iz'ubutegetsi, iz'ubutegetsi iteganya ko ubwunzi burangira iyo umuhuza abona ko nta bwumvikane bushoboka.

     

    Uko ikibazo giteye

     

     

    Ineza Life Center Ltd ihagarariwe na Niyonkuru Meschak yatambutsaga kuri Fine FM ikiganiro kigaruka ku buvuzi bw'imiti ishingiye ku bimera. Iyi Radiyo izwi ku kiganiro Urukiko rw'Ubujurire yatambutsaga ibiganiro kuva ku wa Mbere kugeza ku Cyumweru. Ibiganiro byacagaho inshuro 8 ku munsi byamamaza ubuvuzi gakondo.


    Fine FM ihagarariwe na Rutayisire Mushaija Donath yahagaritse yasheshe amasezerano yari afitanye na Ineza Life Center Ltd ahwanye na Miliyoni 3,2000 mu mafaranga y'u Rwanda. Aya masezerano yahagaritswe nta mpamvu zitanzwe kandi bari bamaze imyaka 3 bakorana neza nta rwaserera ivuka hagati ya Radiyo n'umukiriya wayo.


    Rutayisire yanditse ibaruwa ihagarika amasezerano nta mpamvu atanze.

     

    Umwanzuro w'urukiko


    Icyemezo cy'urukiko cyemeza ko ubwumvikane bw'ababuranyi bwananiranywe.

     

    Urukiko ruvuga ko rumaze kubona ko ku wa 16/01/2023 ,Ineza Life Center Ltd  yatanze ikirego muri uru rukiko irega Fine FM na Rutayisire Mushaija Donath, irega gusesa amasezerano y'ubucuruzi binyuranye n'amategeko n'indishyi zitandukanye, ikirego kikandikwa kuri nimero RCOM OO17/2023/TC;

     

    Inyandiko igira iti:'Tumaze kubona ko mu iburanisha ryo ku wa 13/07/2023, urukiko rwahamagaye ababuranyi rugasanga Ineza Life Center Ltd yitabye ihagarariwe na Me Hagenimana Polycarpe, Fine FM na Rutayisire Mushaija Donath bahagarariwe na Me Kwizera Jean Bosco, urukiko rukababaza niba ikibazo kiri hagati y'abo bahagarariye kitakemurwa binyuze mu nzira y'ubuhuza maze bakabyemera ndetse bakavuga ko ubuhuza bwakorwa n'urukiko. 


    Tumaze kubona ko ibiganiro by'ubuhuza byashyizwe ku wa 19/07/2023, ariko kuri uwo munsi ibiganiro bikaba bitarashoboye gukorwa kubera  ko Me Kwizera Jean Bosco yari yagize ibyago, ahubwo bikaba byarimuriwe ku wa 31/07/2023 , kuri uwo munsi nabwo ibiganiro by'ubuhuza ntibibe kubera ko uruhande rwa Fine FM na Rutayisire Mushaija Donath rutabonetse.


    Tumaze kubona ko ibiganiro by'ubuhuza byongeye kwimurirwa ku wa 31/08/2023, kuri uwo munsi abafitanye ikibazo bakitaba bahagarariwe nka mbere, ariko noneho ku ruhande rwa Ineza Life Center ltd hanaje uwitwa Niyonkuru Meschak aherekejwe na Patrick Niyomushumba, ku rundi ruhande Rutayisire Mushaija Donath ahibereye, maze ibiganiro bigakorwa ariko bikagaragara ko abafitanye ikibazo badashobora kumvikana binyuze mu nzira y'ubuhuza.'


     Umwanzuro w'urukiko wamenyesheje ababuranyi ko urubanza ruzakomeza mu iburanisha mu mizi yarwo ku itariki izamenyekanishwa ababuranyi.



    Mushaija  Donath Rutayisire ari mu rubanza na Ineza Life 


    Ineza Life Center Ltd yareze Fine Fm kubera guhagarika amasezerano


    Source : https://inyarwanda.com/inkuru/134010/rurageretse-hagati-ya-niyonkuru-meschak-na-fine-fm-iregwa-ubwambuzi-134010.html

  • Perezida Kagame abona Politiki ya Amerika ku Rwanda n'Akarere nk'Uburyarya-Umunyamakuru #rwanda #RwOT

    Perezida Paul Kagame abona politike n'umubano wa Amerika ku karere no k'u Rwanda nk'uburyarya no gushaka inyungu zayo gusa. Ibi, byatangajwe n'umunyamakuru uvuga ko baganiriye mu cyumweru gishize mu kiganiro n'abandi banyamakuru batumiwe na Leta y'u Rwanda.

    Steve Clemons w'ikinyamakuru Semafor cyo muri Amerika avuga ko yabwiwe na Perezida Kagame ko mu makimbirane hagati ya DR Congo n'u Rwanda, Amerika ijya ku ruhande rwa Congo kubera inyungu ihafite.

    Uyu munyamakuru asubiramo Perezida Kagame agira ati: 'Kugira ngo bidatuma Congo ijya ku Bushinwa ugomba kuyibwira ibintu byiza. Ntibigomba kuba ari ukuri. Ntibigomba kuba atari byo'.

    Steve nkuko BBC dukesha iyi nkuru ibitangaza, avuga ko Perezida Kagame atekereza ko Amerika ikorana n'u Rwanda nk'ikintu 'gitekerezwaho nyuma'.

    Avuga kandi ko Perezida Kagame yabwiye aba banyamakuru ko Brig-Gen Andrew Nyamvumba aheruka gufatirwa ibihano na Amerika mu kutarakaza DRCongo kuko ishobora guhindukira ikajya ku Bushinwa kure ya Amerika mu guhatanira amabuye y'agaciro y'imbonekarimwe ya Congo.

    Yongeraho kandi ko no mu kibazo cya Gabon na Niger, Abanyamerika n'Abafaransa ngo bahangayikishijwe kurushaho no kumenya niba amabuye y'agaciro bakeneyeyo azakomeza kubageraho, ko mu by'ukuri batitaye ku mibereho myiza y'abatuye ibyo bihugu.

    Amerika ifata Leta y'u Rwanda nk'ihonyora uburenganzira bwa muntu, ibyo Perezida Kagame muri icyo kiganiro yavuze ko 'ari nka byendagusetsa', nk'uko uwo munyamakuru abivuga mu nyandiko ye.

    Leta ya Washington kandi ishinja iya Kigali gufasha inyeshyamba za M23 muri DR Congo, ibyo Kigali yakomeje guhakana ko ntaho ihuriye n'uwo mutwe.

    Umubano w'u Rwanda na Amerika mu gihe gishize wajemo igitotsi kurushaho ubwo Kigali yafataga, mu buryo butavugwaho rumwe, igafunga Paul Rusesabagina ufite uburenganzira bwo kuba muri Amerika.

    Ku gitutu cya Amerika n'umuhate wa Qatar, u Rwanda rwemeye kurekura Rusesabagina atarangije igifungo cy'imyaka 25 yari yarakatiwe ahita asubira muri Amerika kubana n'umuryango we.

    intyoza

    Source : https://www.intyoza.com/2023/09/05/perezida-kagame-abona-politiki-ya-amerika-ku-rwanda-nakarere-nkuburyarya-umunyamakuru/

  • Winston Duke wakinnye muri Black Panther ya… – #rwanda #RwOT

    Uyu musore wavukiye muri Trinidad and Tobag ari ku rutonde rw'abantu 23 bise izina abana b'ingagi mu birori byabereye mu Kinigi mu Karere ka Musanze, ku wa 1 Nzeri 2023.

    Umwana w'ingagi yamwise 'Intarumikwa', uvuka kuri Akaramata mu Muryango wa Mutobo. Yavuze ko yishimiye Kwita Izina umwana w'ingagi. Ati 'Byari iby'icyubahiro kuri njye.'

    Ku wa 2 Nzeri 2023, Village Urugwiro yatangaje ko Perezida Kagame yakiriye kandi agirana ibiganiro na Danai Gurira na Winston Duke bamamaye muri Black Panther.

    Duke yashimye Perezida Kagame 'ku bwo kutwakira mu Rwanda'. Avuga ko ari umuhamya w'urugendo rw'iterambere u Rwanda rurimo.

    Black Panther ni filime y'imirwano igaruka ku mibereho y'igihugu gihimbano cyo muri Afurika cyiswe 'Wakanda'  gikoresha  ikoranabuhanga rihambaye. 

    Umwami w'icyo gihugu yaje gupfa maze umwana we witwa T'Challa wabaga mu mahanga, agaruka iwabo aje gusimbura se ku butegetsi.

    Mbere y'uko ajya ku butegetsi ariko igihugu cye cyatewe n'umwanzi wari ugambiriye guteza intambara y'Isi yose ahereye muri icyo gihugu cya Wakanda.

    Byabaye ngombwa ko T'Challa atabara maze yambara umwambaro umuha imbaraga zidasanzwe unamuha isura nk'Igisamagwe cyangwa 'Black Panther'.

    Role ya T'Challa yakinnwaga na Chadwick Boseman witabye Imana nta wundi wigeze uyifata ahubwo mu gice cya kabiri giheruka kujya hanze, umukobwa we witwa Shuri niwe ukina ashaka guhorera se T'Challa witabye Imana mu buzima busanzwe bakabihuza na filime.

    Iki gice cya kabiri cya Black Panther cyayoboye na Ryan Coogler wayoboye n'icya mbere.

    Black Panther ni imwe muri filime zakunzwe cyane, aho bibarwa ko yinjije arenga miliyari y'amadorali. 

    Ni yo ya mbere iri mu cyiciro cy'izizwi nka 'superhero films' yegukanye igihembo cya filime ifite amashusho meza mu bihembo muri Oscar.

    Wiston Duke wakinnye muri 'Black Panther' yahawe ubwenegihugu bw'u Rwanda 

    Ku wa 2 Nzeri 2023, Perezida Kagame yakiriye Wiston Duke na Danai bamamaye muri ‘Black Panther’ 

    Wiston ari ku rutonde rw’abantu 23 bise izina abana b’ingagi mu muhango wabereye mu Kinigi

    KANDA HANO UREBE INTEGUZA Y’IYI FILIME ‘BLACK PANTHER’ YAMAMAYE KU ISI

    “>

    Kanda hano urebe amafoto yaranze umuhango wo Kwita Izina ku nshuro ya 19

    AMAFOTO: Murenzi Dieudonne-InyaRwanda.com

    Source : https://inyarwanda.com/inkuru/134007/wiston-duke-wakinnye-muri-black-panther-yahawe-ubwenegihugu-bwu-rwanda-134007.html