Category: Uncategorized

          1.    Will Smith

Umwe mu bakinnyi bamamaye ku Isi, Will Smith, yatangiye guhembwa amafaranga menshi nyuma yo kwamamara muri filime 'Bright' yakinwe muri 2017 iyobowe na  David Ayer, yandikwa na Max Landis nk’uko Holliwood Repoter ibitangaza.

Kugira ngo yinjire muri filime zicishwa kuri Netflix, yishyuwe agera kuri miliyoni 27 z'amadorari. Nyuma yuko yemeye gukina yahawe umushahara ungana na miliyoni 35 z'amadorari, amafaranga ahabwa bacye mu bakinnyi.

         2.    Mark Wahlberg

Ikinyamakuru Variety gitangaza ko kuba yarabaye uwa mbere mu bakinnyi bishyurwa menshi mu mwaka wa 2017, na byo byazamuye izina rye kuko yabarirwaga miliyoni 68 z’amadorari.

Binyuze muri filime 'Spenser Confidential', yamamaye biruseho ndetse atuma hinjizwa menshi, aba umwe mu byamamare. Ku mpera y'iyi filime yishyuwe miliyoni 30 z'amadorari ndetse yinjiriza menshi Netflix.

            3.    Ryan Gosling

Nyuma y’uko yamamaye muri filime ya 'Barbie' yabaye nk'ufashe akaruhuko, yongeye kugaruka muri 2022 muri filime yacaga kuri Netflix ya 'The Gray Man' yayobowe na Russo Brothers.

Ryan Gosling yishyuwe miliyoni 20 z'amadorari ku bwo kuyikina neza, kimwe na Chris Evans wahawe miliyoni 20 z'amadorari kubera yagaragayemo.

     4.Chris Hemsworth

Umukinnyi ukomoka muri Australia, Chris Hemsworth, yamamaye muri filime z'abanyamerika nyuma yo kugaragara muri filime zitunganywa na Marvel Studio. Kwigaragaza neza byamubashishije kuba umwe mu bakinnyi bahembwa menshi banagafashe.

      5.Ryan Reynolds

Ryan Reynolds yakinnye neza muri filime ya 'Red Notice', filime yari yiganjemo imirwano, akinana n'abarimo Dwayne Johnson uzwi nka 'The Rock' ndetse n'umuhanzi 'Ed Sheeran'. Nyuma yo kuba umwe mu bakinnyi bakina neza, yatangiye kwakira miliyoni zigera kuri 27 z'amadorari.

         6.Dwayne Johnson

Dwayne Johnson ni umwe mu byamamare muri sinema bahembwa menshi ku Isi. The Rock yinjiza arenga miliyoni 800 z'amadorari ku mwaka, ndetse uburyo akinamo butanga icyizere ko atazahagarara gukurura benshi no kongera inyungu iva mu mwuga we.

Yakira agera kuri miliyoni 20 z'amadorari nk'umwe mu bakinnyi bahembwa menshi, kandi bitangazwa ko bimwe byagendeweho yamamara birimo n’uburyo agaragara ku mubiri we.

     7.Sandra Bullock

Sandra Bullock yatsindiye ibihembo birimo Academy Award. Ikinyamakuru The things cyatangaje ko filime yakinwe n’uyu mugore yitwa 'Bird Box' yongereye abafana bakurikira Netflix (subcribers), barenga miliyoni 45 mu minsi 7 nyuma yo kuyishyira kuri Netflix, bimuhindura icyamamare.

Akinjizwa muri izi filime zinyuzwaho, yahembwaga miliyoni 17.5 z'amadorari, nyuma zirikuba kubera kwaguka.

      8.Milie Bobby Brown

Yatangiye gukina muri filime zinyuzwa kuri Netflix ari umwana muto cyane. Yaje guhinduka umwe mu bahembwa akayabo nyuma yo kwigaragaza muri filime 'Stranger Things'. Imiryango ye yafungutse ubwo yakinaga iyitwa 'Enola Holmes', atangira guhembwa miliyoni 10 z'amadorari.

        9.Gal Gadot

Uretse kuba Gal ari umukinnyi, inyungu ye ayikomora mu bikorwa byinshi birimo no gutunganya filime. Flick On Click itangaza ko gukina muri 'Red Notice' byatumye ahembwa nk’ayo bahemba abarimo The Rock.

Gusa bivugwa ko yakira menshi akura mu gukina no gutunganya filime. Kuba umunyamurava no gukora byinshi, biri mu byatumye aboneka mu bahembwa menshi.

   10.Leonard DiCaprio

Ni umwe mu bakinnyi bakize ku Isi kandi bahembwa menshi binyuze muri filime zinyuzwa kuri Netflix aba yakinnyemo. Indie Wire itangaza ko yishyuwe miliyoni 30 z'amadorari ku bwo kugaragara muri filime zinyuzwa kuri uru rubuga, agaragara akina kinyamwuga.

Bivugwa ko izina amaze kugira ridahwanye n'amafaranga ahembwa, mu gihe ari mu bahembwa menshi ukurikije abo bakorana.

Iki gitaramo cyiswe “Tujyane Mwami Live Concert” kizaba kuri 24 Nzeri 2023, kibere ku Gisozi muri Dove Hotel. Kizaririmbamo abahanzi b’amazina aremereye muri Gospel ari bo James na Daniella, True Promises, Danny Mutabazi na Musinga Joe usingiza Imana muri Gakondo. Ni ubwa mbere kigiye kuba, ariko kizajya kiba buri mezi atatu.

Kuri ubu hatangajwe ibiciro byo kwinjra muri iki gitaramo kidasanzwe cyateguwe na K2 Conference & Event Management (KSquare) isanzwe itegura inama n'ibindi. Umuntu umwe arasabwa 30,000 Frw, naho ‘Couple’ ni 40,000 Frw, mu gihe abanyeshuri bashyizwe igorora kuko umwe ari 15,000Frw. Abashaka amatike, bayagura mu buryo bwa Oline ku rubuga rwa Events.noneho.com. 

Abagiteguye iki gitaramo bavuga ko kidasanzwe bitewe n’ibihe bizakiranga, bidakunze kuba mu bindi bitaramo. Intego nyamukuru yacyo ni ukongera “kwibutsa abantu gusaba ngo bagendane nayo muri iki gihe cy'ubuhenebere aho abantu bakora gahunda zabo nyamara batabajije Imana kandi ariyo ifite imigambi yabo mu biganza”.

Umwe mu bari mu itsinda riri gutegura iki gitaramo, yavuze ko bagiteguye bisunze umurongo wo mu gitabo cyo Kuva: 33:15-17 aho Mose yasabaga Imana ngo ijyane nabo mu rugendo barimo. Aragira ati “Kandi koko Imana yarabikoze, ariyo mpamvu twakise 'Tujyane Mwami Live concert”.

Ati “Tukaba tubwira abantu n'abazitabira kongera gusaba Imana ikajyana nabo haba mu rugendo bagiyemo, mu bucuruzi, mu kazi, ku Ishuri aho ariho hose mbere y’uko bajya muri byo umuntu akabanza agasaba Imana kujyana nabo muri icyo gikorwa cyangwa urugendo ndetse n'ibindi”.

Akarusho k’iki gitaramo ni uko abazitabira bose, bazumva ijambo ry’Imana, ariko bakanasangira ibyubaka umubiri. Bati “Kutaza muri iki gitaramo ni igihombo kuko harimo ibidasanzwe nko kuba abantu bose bazitabira iki gitaramo bazasangira nk’uko byagendana mu itorero rya mbere”.

“Bibiliya iravuga ngo basangiraga ibyabo, Imana ikarushaho kubongerera abakizwa. Ikindi bazahomba ibihe byiza byo kuramya no guhimbaza Imana ariko kdi n'Ijambo ry'Imana. Hazaba ubusabane budasanzwe”.

Muri Kigali hagiye kubera igitaramo gikomeye cyiswe “Tujyane Mwami Live Concert”

Mitima Isaac myugariro wa Rayon Sports, ni umwe mu bakinnyi bahiriwe n’umwaka wa 2023 aho tugereye aha, ariko bikaba umwihariko muri Nzeri uyu mwaka. 

Urukuta rw'Ibitangaza, rwagaragaye muri 2004, ubwo urukuta rw'inyubako ya Diyosezi Angilikani ya Gahini mu Karere ka Kayonza, rwiyasaga nta kirusagariye, byahuriranye n'uko mu Itorero rya Gahini harimo ibibazo by'amacakubiri.

Ni igitangaza gikomeye cyatangaje abatari bacye, na n'ubu. Ibyo bitangaza ni byo byashibutseho igiterane ngarukamwaka gikomeye kiba buri mwaka muri uyu murenge. 

I Gahini hafatwa nko ku gicumbi cy’ububyutse mu Karere ka Afrika y’Uburasirazuba dore ko mu myaka 100 ishize abakristo baho bamanukiwe n’Umwuka Wera ubwo bari barimo gusenga.

Mitima Isaac avuka mu Metero 800 uvuye aho uru rukuta twasadukiye mu Karere ka Kayonza, umurenge wa Gahini, wanacyeka ko ari ho ari gukura uyu mugisha.

Urukuta rw’ibitangaza, rwasadutsemo kabiri, nyuma y’imonota 15 rurongera ruriteranya 

Mitima Isaac ku bw’ibitangaza yahamagawe mu ikipe y’igihugu yagombaga gukina na Senegal mu mukino wa nyuma wo mu itsinda L mu gushaka itike y’igikombe cy’Afurika kizabera muri Cote d’Ivoire umwaka utaha. Mitima yahamagawe nk’umukinnyi w’umugereka, nyuma yaho Manzi Thierry wari wahamagawe mbere, byari byanze ko yitabira ubutumire.

Ni umwe mu bakinnyi bagize ibihe byiza mu mukino ikipe y’igihugu yahuyemo na Senegal 

Mitima Isaac yitabiriye ubutumire nk’ibisanzwe ndetse ku munsi w’umukino, yisanga ari mu bakinnyi 11 babanje mu kibuga n’ubwo yaje mu ikipe atizewe. Uyu mukinnyi yakinnye iminota ye myiza ihwanye n’ibyo abantu bagenderaho bavuga ko atari gusigara.

Wari umukino we wa mbere mu myenda y’ikipe y’igihugu Amavubi ndetse utanga icyizere ko ariwe mukinnyi uvuka muri Kayonza uzakinira Amavubi igihe kinini.

Ntabwo byarangiriye kuri ako gahigo, kuko kuri uyu wa Kabiri, Mitima Isaac yari mu bakinnyi 22 buriye indege basohokeye ikipe ya Rayon Sports. 

Kari akandi gahigo ka kabiri ashyizeho mu cyumweru kimwe, kuko bwari ubwa mbere asohokeye ikipe iyo ariyo yose yaba mu ikipe isanzwe cyangwa ikipe y’igihugu.

Mitima uri iburyo uru ni urugendo rwe rwa mbere yagize ubwo yari asohokeye ikipe ihagarariye u Rwanda mu mikino ya CAF, aha akaba ari kuri uyu wa 2 Rayon Sports yerekeje muri Libya 

Mitima Isaac yakuze ate?

Mitima Isaac ufite inkomoko muri Kenya, yavukiye mu Karere ka Kayonza, akurira mu murenge wa Gahini, ari na ho yize amashuri abanza. Uyu musore yizeho amashuri yisumbuye mu Karere ka Gatsibo muri Kiziguro S.S, ariko asoreza muri Ecole secondaire de Rukara ari naho yagaragarije impano y’umupira w’amaguru ubwo yakinaga nka nimero 6.

Nyuma yo gusoza amashuri yisumbuye, mu 2017 yerekeje mu ikipe ya Pépinière FC yakinaga icyiciro cya kabiri, ayivamo ajya mu Intare FC. Mitima mu Ntare FC yaje kugira ibibazo cy’imvune, bituma atakaza itambara cy’ubukapiteni guhabwa Ishimwe Fiston, icyo gihe Intare FC zikaba rarangije imikino ya shampiyona zidatsinzwe.

Mitima wa 3 uvuye ibumoso, ubwo yari mu ikipe ya Pepinieri FC atangiye gukina kinyamwuga mu cyiciro cya kabiri

Mitima yaje kuva muri iyi kipe ajya muri Police FC, ari bwo yari akinnye icyiciro cya mbere. Ntabwo imikinire ye nk’uko yayishakaga yagenze neza, kuko yaje kongera kuvunika. 

Nyuma yo kwivuza, muri COVID-19 ni bwo yerekeje muri Kenya mu ikipe ya Sofapaka FC. Yayikiniye umwaka umwe umwe neza ariko kubera amikoro, bituma agaruka muri Rayon Sports, ari naho ari gukorera amateka, ku rwego rwo hejuru.

Mitima Isaac w’imyaka 26, yifuza gukina nk’umukinnyi wabigize umwuga mu makipe y’Iburayi, dore ko ari nakimwe mu kimuraje inshinga mu guhe yaba ashoje amasezerano ye muri Rayon Sports.

Mitima ubwo yari kapiteni w’Intare FC mu 2018, basoza shampiyona badatsinzwe 

Mitima Isaac ubwo yari umukinnyi wa Police FC ahanganye na Rayon Sports ari gukoramo amateka

HERBA WARISAN MAHARANI ni umuti ukoze mu bimera uri bwoko bw’ibinini ukaba uzwiho gufasha cyane igitsina gore gisama bigoranye n’ababuze urubyaro, ugacyemura ibibazo bifata imyanya myibarukiro y’abakobwa n’abadamu, abaribwa bari mu kwezi kwabo (mu mihango,) ikaringaniza imisemburo kubajya mu mihango ihindagurika, yongera ubushake hamwe n’ububobere ku gitsina gore.

IBYIZA BYO GUKORESHA HERBA WARISAN MAHARANI :

1.Izibura imiyoborantanga ( trompe) y’abadamu yazibye :

Bimaze kugaragara ko hari igihe umugore atinda gusama bitewe ni uko imiyoborantanga ye yazibye,Maharani rero ituma imiyoborantanga izibuka.

2. Ikuraho burundu kubabara mu mihango :

Hari abakobwa cg abagore bababara cyane mu gihe cy’imihango,aho kugira ngo ukoreshe indi miti igabanya ububabare,wakoresha Maharani kuko yo ari umwimerere ikaba ikozwe mu bimera.

3. Ituma imihango isubira kuri gahunda :

Ku bagore n’abakobwa bagira imihango indagurika,ku buryo batabasha kumenya igihe bagira mu mihango,Maharani irabafasha.

4. Ituma wisubiranya vuba umaze kubyara :

Abagore iyo bamaze kubyara igitsina kiraguka,Maharani iracyegeranya

5. Ituma ubona imihango niyo waba umaze iminsi utayibona

6. Abantu bazana imihango yavuze irayicagagura ikaza neza

7. Ivura umugongo

8. Iringaniza imisemburo yose y’abadamu n’abakobwa ijyanye n’imyororokere

9. Ikuraho ingaruka zose zijyanye no gucura (menaupause)

10. Ikura imyanda yose ndetse na infection mu myanya myibarukiro.

Uyikeneye waduhamagara kuri 0788572653,iyi numero iri no kuri Whatsapp

Mu Rwanda hari imwe mu miryango y'ibyamamare muri muzika yaba iy'abakora umuziki usanzwe (Secular Music) n'abaririmba indirimbo zihimbaza Imana,  yishimirwa n'abatari bake kubera uko ibanye mu mahoro ndetse igahorana akanyamuneza. Bamwe bahora mu mitoma ku mbuga nkoranyambaga, abandi bagashyiraho amafoto akivugira bameze nkaho babanye ejo kandi mu by’ukuri bamaranye igihe ndetse baranibarutse

Aha, hari imwe muri iyo miryango y'ibyamamare muri muzika iryohewe n'urushako:

1.     Umuryango wa Dr Muyumba Thomas (Tom Close) n'umufasha we Niyonshuti Ange Tricia

Umuhanzi Tom Close ubusanzwe ni Umuyobozi w'Ikigo cy'Igihugu gishinzwe gutanga amaraso. We n'umufasha we Tricia barushinze kandi bemeranya kubana akaramata tariki ya 30 Ugushyingo 2013. Aho kuri ubu bafitanye abana batanu; abakobwa batatu n'abahungu babiri harimo umwe biyemeje kubera ababyeyi.

Nubwo aba bombi badakunze gushyira ku mbuga nkoranyambaga amafoto yabo n'abana babo ariko iyo bayashyizeho akundwa n'abatari bake, bakabifuriza guhorana umunezero bafite ari nako bibaza n'ibanga bakoresha ngo bajyire umuryango mwiza benshi bafata nk'intangarugero.

2.     Umuryango wa Producer Clement na Butera Knowless

Umuryango wa Ishimwe K Clement n'umufasha we akaba n'umuhanzikazi ukunzwe mu Rwanda Butera Knowless ni umwe mu miryango y'ibyamamare ikundwa n'abatari bake mu Rwanda cyane ko aba bombi ari ibyamamare mu ruganda rwa muzika nyarwanda.

Knowless na Clement barahiriye kubana mu bibi no mu byiza imbere y'amategeko ku wa 31 Nyakanga 2016 mu gihe gusezerana imbere y'Imana byabaye ku wa 7 Kanama 2016, mu bukwe bwabereye i Nyamata. 

Kurubu aba bombi bafitanye abana batatu badakunda kwerekana amasura yabo aribo; Ishimwe Or Butera bibarutse mu 2016, Ishimwe Inzora Butera wavutse mu 2020 n'ubuheture baherutse kwibaruka muri uyu mwaka.

3.Umuryango wa Gatsinzi Emery (Riderman) n'umufasha we Agasaro Nadia

Umuryango w'umuraperi uri mu bayoboye abandi mu Rwanda ndetse n'umufasha we Agasaro Nadia nawo uri mu miryango y'ibyamamare yifuzwa na benshi mu Rwanda.  Riderman na Miss Agasaro Nadia Farid basezeranye imbere y'amategeko ku itariki 24 Nyakanga 2015 mu Murenge wa Kigarama mu Karere ka Kicukiro, baza gusezerana imbere y'Imana muri Paruwasi ya Kicukiro, tariki 16 Kanama 2015.

Ku wa 11 Ukuboza 2015, nibwo uyu muryango wibarutse umwana w'umuhungu, umwita Rusangiza Eltad hanyuma ku wa 13 Kamena 2021, batangaza ko bibarutse abakobwa babiri b'impanga bivuze ko kuri ubu bafitanye abana batatu.

Akanyamuneza ndetse n'amagambo y'urukundo aba bombi bahorana agaragaza ko bari mu miryango mike y'ibyamamare yahiriwe kandi iryohewe n'urushako.

4.     Umuryango wa Ngabo Medard Jobert (Meddy) na Mimi Mehfira

Meddy na Mimi barushinze ku wa Gatandatu tariki 22 Gicurasi 2021 mu birori by'ubukwe bwabo byabereye muri Dallas muri Leta Zunze Ubumwe za Amerika, bikitabirwa na benshi mu byamamare nyarwanda birimo The Ben wabaririmbiye n'abandi.

Nubwo haje gukwirakwizwa ibihuha bivuga ko Meddy yaba akubitwa n’umugore we Mimi ukomoka muri Ethiopia nyuma uyu muryango ukaza kubihakana, ntibibabuza gukomeza kwereka rubanda ko bameranye neza kandi bafite umuryango mwiza unezerwe.

Kurubu, aba bombi bafitanye umwana umwe w'umukobwa bise Myla Ngabo, bibarutse  tariki 22 Werurwe 2022.

5.     Umuryango wa Papi Clever na Ingabire Dorcas

   Papi Clever na Dorcas kuri ubu bafitanye abana babiri b'abakobwa, basezeranye imbere y'Imana na ku wa Gatandatu tariki ya 7 Ukuboza 2019 muri Dove Hotel ku Gisozi.

Uyu muryango bakaba n'abahanzi b'indirimbo ziramya zikanahimbaza Imana byumwihariko izo mu gitabo cy'indirimbo basubiramo, wamamaye ubwo  biyemezaga gutangira kuririmbana nk'umugabo n'umugore.

Papi na Dorcas ni abantu bakunze kubwirana amagambo meza ndetse n'inkuru yabo y'urukundo n'uko bibaniye mu mahoro nk'abari mu ijuru rito bakunda gusangiza abantu mu itangazamakuru, ntawe ujya ahaga kuyireba.

6.     Umuryango wa James na Daniella

Aba bombi bamenyekanye mu ndirimbo nka 'Mpa amavuta,' 'Narakijijwe' n'izindi bafashe icyemezo cyo kubana nk'umugabo n'umugore mu 2015. Urukundo rwabo rwatangiye gututumba mu 2008 na 2009, mu 2012 bajya kwiga muri Uganda, umugabo yiga iby'ububanyi n'amahanga mu gihe umugore icyo gihe yigaga ibaruramari.

Kuba ari couple ifatanya umurimo w'Imana w'uburirimbyi inakunze kugaragaza kenshi ko bibera mu munyenga w'urukundo, ni zimwe mu mpamvu nyamukuru zituma benshi babafata nk'icyitegerezo byumwihariko abashatse n'abitegura kurushinga. Mu myaka isaga umunani bamaze babana bafitanye abana batatu,abakobwa babiri n'umuhungu umwe.

7.     Umuryango wa Ben na Chance

Uyu muryango wahuye n'ikigeragezo cyo kubura urubyaro  imyaka myinshi nyuma yo kubana, uri mu miryango y'ibyamamare iryohewe n'urushako aho kuri bu buzuye umunezero n'amashimwe ku bw'igitangaza Imana yabakoreye ikabaha abana batatu.

Ben na Chance bakunzwe cyane mu ndirimbo nka 'Munda y'Ingumba,' 'Yesu arakora,' 'Amarira ya Yohana,' n'izindi bigeze kubwira Kiss Fm ko biyemeje gutangira kuririmbana nyuma yo kubona andi ma-couple akorana umurimo w'Imana bikagenda neza, aho Chance yavuze ko we icyamusunikiye kuririmbana n'umugabo we cyane ari uko yajyaga amuburira umwanya.

Kubera ubuhamya bwabo butangaje n'imbaraga bakorana umurimo w'Imana byatumye bakundwa cyane kandi babera benshi isomo. Bwa mbere, bamenyekanye baririmba mu itsinda rya Alarm Ministries, mu 2016 batangira kuririmbana nk'umugabo n'umugore.

 

Iki gikorwa cyabaye kuri uyu wa Gatatu tariki 13 Nzeri 2023, cyahawe insanganyamatsiko 'Urubyiruko ADEPR yifuza' kikaba ari icya mbere mu bikorwa bitatu by'iyi korali bizaba muri iki cyumweru, kizasozwa n'igitaramo cyiswe 'Shalom Gospel Festival', kizabera muri BK Arena aho bazafatanya na Israel Mbonyi.

Abashyitsi bakuru bitabiriye iki gikorwa harimo Umushumba mukuru wa ADEPR; Isaie NDAYIZEYE na Madamu, Umuyobozi wa ADEPR Ururembo rwa Kigali; Rurangwa Valentin, Umuyobozi w'Inama Nkuru ya ADEPR; Phanuel SINDAYIGAYA, ndetse na Perezida wa Shalom Choir; NDAHIMANA Gaspard.

Kimwe mu biganiro bari kwibandaho muri iki gikorwa cyabereye kuri Dove Hotel kuri uyu wa Gatatu ni ugusuzumira hamwe icyo urubyiruko rw'ubu rutekereza kuri ADEPR y'ahazaza. Bikaba bijyana n’insanganyamatsiko igira iti “Urubyiruko ADEPR yifuza”.

Mu byo Umushumba mukuru, Sr. Pst. Isaie Ndayizeye yaganirije uru rubyiruko, harimo y’uko intego ya ADEPR ari iyo gusakaza ubutumwa bwiza mu gihugu hose ndetse no hanze, ndetse bikajyana no gufasha abantu guhindura imibereho yabo ya buri munsi.

Yagarutse kandi ku bikorwa by'ingenzi ADEPR imaze kugeraho, harimo gufasha abatishoboye mu kubona ubuvuzi, gufasha abataragize amahirwe yo kwiga, ndetse no gufasha abantu kwiteza imbere mu buhinzi.

Bimwe mu byifuzo n'ibibazo byagarutsweho n'uru rubyiruko, harimo ko hazajya habaho imyiherero (boot camps), ndetse n'ibindi bikorwa bibahuza n'abayobozi byibura kabiri mu mwaka, gahunda cyangwa uburyo buhoraho bwo kwigishwa Bibiliya, ndetse n’uburyo izi serivisi zigenwa n'itorero harimo nk'ibitaro ndetse n'amashuri byajya bihera ku rwego rw'umudugudu, aho guhera ku rwego rw'igihugu.

Umushumba Mukuru wa ADEPR, Rev Isaie Ndayizeye yasubije ko izi gahunda zose ziri kwigwaho, kunozwa ndetse no gushyirwa mu bikorwa. Yanasobanuye ko ari ibintu itorero rya ADEPR rimaranye igihe kirekire ryifuza gukora.

Kuri uyu wa Kane tariki 14 Nzeri 2023 mu masaha ya mu gitondo biteganyijwe ko ari bwo Shalom choir izaganira n’abanyamakuru, hanyuma ku mugoroba ikore igikorwa cy’urukundo aho izasura ndetse inafashe abakobwa batewe inda zitateganyijwe batuye i Kinyinya muri Kigali.

Shalom Gospel Festival izasozwa n’igitaramo karundura kizaba ku cyumweru tariki 17 Nzeri 2023 muri BK Arena aho Shalom choir izaba iri kumwe na Israel Mbonyi. Imiryango izaba ikinguye kuva saa sita z’amanywa, kandi kwinjira ni ubuntu. Ni igitaramo giteye amashyushyu abatari bacye.

Urubyiruko 362 rwahuriye mu biganiro bishakimiye ku ivugabutumwa no kubategura kuvamo abayobozi b’ejo hazaza

Abayobozi banyuranye muri ADEPR no muri Shalom Choir bafashe umwanya wo kuganira n’urubyiruko

Iki gikorwa cyabereye kuri Dove Hotel ku Gisozi mu Mujyi wa Kigali

Shalom Choir irakora igitaramo kuri iki Cyumweru muri BK Arena

Ni Ibihembo biba bihatanyemo ibyiciro byinshi bitandukanye, bikaba biterwa inkunga na Televiziyo ya MTV ari naho binyura abantu bihera ijisho mu ngeri z’isi zitandukanye.

Muri ibi bihembo byaraye bitanzwe, Tylor Swift yaraye akoze amateka ubwo yatwaraga ibihembo 9 byose muri 11 yari ahanganyemo, bituma bamwe mu bandi bahanzi bataha amara masa.

Mu butumwa Tylor Swift yatanze amaze gufata ibi bihembo yagize ati ” Ibi ntabwo bisanzwe, ndashimira buri muntu wese wagize uruhare mu gutuma negukana ibi bihembo.

Ubu nanjye noneho navuga ko hari urwego maze kugeraho, siniyumvisha ukuntu Album nsohoye umwaka ushize ya “Midnights” yahita itwara igihembo, ni urukundo rudasanzwe sinabona uko mbisonanura”.

Tylor Swift yihariye ibihembo 9 muri 11 yari ahatanyemo

Tylor Swift yashimiye byimazeyo abamutoye

Rema nawe nyuma yo kwegukana igihembo cy’indirimbo ya Afrobeat abikesha Indirimbo “Calm Down” yasubiranyemo na Selena Gomez, yagize ati “Nishimye byimazeyo uburyo injyana ya Afrobeats ikomeje gukura Cyane. 

Ndashimira by’umwihariko Fela (Kuti) wambanjirije muri iyi njyana ndetse na buri muntu wese wese wagize uruhare mu gutuma injyana ya Afrobeat itera imbere ikagera kuri uru rwego rwo kwegukana ibihembo, ni ibyishimo dusangiye nk’abanya Nigeria ndetse n’abanya Afurika muri rusange”.

Ny’uma ya Rema kandi, Selena Gomez bafatanyije gusubiramo iyi ndirimbo nawe yavuze ko ashimira cyane Rema wamwemereye akaba umwe mu bagize iyi ndirimbo.

Selena Gomez yashimiye Rema watumye bafatanya gusubiramo indirimbo Calm Down 

Rema na Selena Gomez bari bajyanye gufata igihembo muri ibi bihembo bitangwa na MTV

Urutonde rw’abatwaye Ibihembo:

Video y’umwaka: Taylor Swift — 'Anti-Hero'

Umuhanzi w’umwaka: Taylor Swift

Indirimbo y’umwaka: Taylor Swift — 'Anti-Hero'

Umuhanzi mwiza mushya: Ice Spice

Push performance of the year: April 2023: Tomorrow X Together — 'Sugar Rush Ride'

Collabo nziza: Karol G, Shakira — 'TQG'

Indirimbo nziza yo mu njyana ya Pop: Taylor Swift — 'Anti-Hero'

Indirimbo nziza yo mu njyana ya hip-hop: Nicki Minaj — 'Super Freaky Girl'

Indirimbo nziza ya  R&B: SZA — 'Shirt'

Best alternative: Lana Del Rey featuring Jon Batiste — 'Candy Necklace'

Indirimbo nziza ya rock: Måneskin — 'The Loneliset'

Indirimbo nziza yo mu njyana ya latin: Anitta — 'Funk Rave'

Indirimbo nziza yo mu njyana ya K-Pop: Stray Kids — 'S-Class'

Indirimbo nziza yo mu njyana ya Afrobeats: Rema & Selena Gomez — 'Calm Down'

Indirimbo ifite amashusho meza: Dove Cameron — 'Breakfast'

Best direction: Taylor Swift — 'Anti-Hero.” Directed by Taylor Swift.

Best cinematography: Taylor Swift — 'Anti-Hero.” Cinematography by Rina Yang.

Best visual effects: Taylor Swift — 'Anti-Hero.” Visual effects by Parliament.

Best choreography: Blackpink — 'Pink Venom,” Kiel Tutin, Sienna Lalau. 

Best art direction: Doja Cat — 'Attention.” Art direction by Spencer Graves. 

Best editing: Olivia Rodrigo — 'vampire.” Edited by Sofia Kerpan and David Checel.

Show of the summer: Taylor Swift

Group of the year: BLACKPINK

Song of the summer: Jung Kook featuring Latto — 'Seven'

Album of the year: Taylor Swift— “Midnights”