Category: Uncategorized

Ni mu mukino w’umunsi wa gatanu wa shampiyona, ikipe ya Kiyovu Sports yari yakiriyemo Gorilla FC, uyu mukino wagiye kuba Kiyovu Sports iherutse gukora impinduka mu buyobozi bwayo, aho Mvukiyehe Juvenal wayoboraga Kiyovu Sports Company yayoboraga Kiyovu Sports, yari yambuwe ubushobozi, ahubwo Kiyovu Sports isubira mu biganza bya Kiyovu Sports Association iyobowe na Ndorimana Jean François Regis.

Gorilla FC nayo yagiye mu kibuga ishaka amanota atatu yayo ya mbere nyuma y’uko  imikino yayo yaranzwe no kunganya.

Kiyovu Sports nk’ikipe yari mu rugo, yaje gukoresha uwo twakita umwana wayo, Nizeyimana Djuma waje gutsinda igitego cyahaye iyi kipe amanota 3, ku munota wa 16 ku mupira yari ahawe na Kilongozi. Ku munota wa 47 w’igice cya kabiri, Gorilla FC yaje kubona Penaliti, ariko umunyezamu Nzeyurwanda Djihad ayikuramo neza ikipe iguma mu mukino ndetse yegukana amanota atatu.

Kiyovu Sports yahise ifata umwanya wa Gatatu n’amanota 8, aho irushwa amanota 2 na Musanze FC izigamye umukino, ndetse n’Amagaju ya kabiri afite amanota 9. Amagaju FC yahise ajya ku mwanya wa 14 n’amanota ane.

“>

“>

“>Kiyovu Sports yari imaza iminsi 2 ya shampiyona itabona amanota atatu, harimo n’umukino yananyagiwemo na Bugesera FC ibitego 4

Umugiriki utoza ikipe ya Kiyovu Sports, Petros Koukouras yifatiye ku gahanga umusifuzi Uwikunda Samuel nyuma yo kumuha ikarita itukura akazamurwa mu bafana.

Hari mu mukino w’umunsi wa 5 wa shampiyona y’icyiciro cya mbere mu Rwanda umwaka w’imikino wa 2023-24 wo Kiyovu Sports yari yakiriyemo Gorilla FC.

Mu gice cya kabiri cy’uyu mukino warangiye Kiyovu Sports itsinze 1-0, umutoza mukuru wayo, Petros Koukouras yaje guhabwa ikarita itukura na Samuel Uwikunda wari umusifuzi wo hagati kuri uyu mukino, yahise azamurwa mu bafana.

Nyuma y’uyu mukino abajijwe icyo bamuhoye, yavuze ko umusifuzi yaje amubwira ngo azibe (guceceka), undi yamusubiza agahita amuha ikarita itukura.

Ati “Ntabwo yari njye n’umusifuzi wa 4, ninjye n’umusifuzi wo hagati, ntakubeshye muri iki gihugu niho nabonye abasifuzi benshi biyemera kandi badashoboye muri Afurika, ndi muri Afurika kuva 2019 ariko hano bakeka ko ari Imana, ni iki kimuha uhurenganzira bwo kuza kumbwira ngo nzibe? Nicyo cyatumye nzamura uburakari ahita ampa ikarita itukura.”

Abwiwe ko uwo musifuzi avuga ari umusifuzi mpuzamahanga, yagize ati “Kuba ari umusifuzi mpuzamahanga ntabwo bimuha uburenganzira bwo kunzibisha, niba ari umusifuzi mpuzamahanga, ni byo, none mbikoreho iki?”

Yakomeje avuga ko u Rwanda rwakwigiye kuri Uganda aho mu nta bantu bakiza kureba Shampiyona y’icyiciro cya mbere kubera ko wangiritse.

Ati “Ndatekereza mushobora kugira icyo mukora muri iki gihugu, mushobora gufata urugero kuri Uganda, iyo urebye Uganda mu myaka 15 cyangwa 20 ishize bakiniraga imbere ya Stade zuzuye abafana, ariko ubu ujya ku mikino ya shampiyona ugasanga Stade zambaye ubusa, wajya mu marushanwa y’amashuri ugasanga ziruzuye kubera ko abantu barambiwe ruswa n’abasifuzi badashiboye ndakeka ni ikibazo gikomeye, muri iki gihugu mufite ibikorwa remezo byinshi, mufite amakipe meza ashora amafaranga mukwiye kubirinda.”

Petros Koukouras nyuma yo guhabwa ikarita itukura bivuze ko atazigera agaragara ku mukino w’umunsi wa 6 wa shampiyona Kiyovu Sports izakinamo na Amagaju.

Benshi bemeza ko kwamamara no gukundwa bidasaba imyaka cyangwa ibya mirenge, hari n'aho bisaba impano no kwiyegereza abafana gusa. Bamwe mu bahanzi nyarwanda babimazemo igihe barareba bakamanika amaboko. 

Abo nta bandi ni abahanzi nyarwanda batangiye kumvikana mu myaka mike ishize ariko ubu, bakaba bamaze gushinga imizi mu mitima ya benshi, ku buryo byagorana kubona umunyarwanda waba utazi ayo mazina.

Muri abo bahanzi harimo aba bakurikira:

1.     Chriss Eazy

Umuhanzi Rukundo Christian umaze kumenyekana nka Chris Eazy yatangiye gukora umuziki nk'umwuga agisoza ayisumbuye muri 2020 ubwo yatangiraga gukorana na Junior Giti. 

Mu myaka itatu gusa amaze mu muziki, Chriss Eazy amaze gukora indirimbo zitageze ku icumi zirimo ize n'izo yakoranye n'abandi ariko zimaze kumugira ikimenyabose.

2.     Bwiza

Umuhanzikazi Bwiza Emerance wamamaye ku izina rya Bwiza, ni umwe mu bahanzi nyarwanda bamaze gukundwa n'abatari bake mu gihe gito bamaze mu muziki babikesha gukora cyane no kudacika intege. 

Uyu mukobwa w'imyaka 23 yamuritswe na KIKAC Music Label mu mpera za 2021, ariko kuri ubu amaze kugera ku rwego rushimishije ugererasnije n'igihe abimazemo.

3.     Ariel Wayz

Uwayezu Ariel umaze kwamamara nka Ariel Wayz yatangiye kwigaragariza abanyarwanda mu 2020 nyuma yo gusoza kwiga ibijyanye n'umuziki n'ubundi mu ishuri riwigisha ryo ku Nyundo. 

Ariel yatangiye kuririrmba wenyine nyuma yo gutandukana n'istinda rizwi cyane rya Sythony Band yari amazemo imyaka itatu. Kuva ubwo, abantu bamubonyemo impano idasanzwe baramushyigikira none ubu amaze kwamamara.

4.     Juno Kizigenza

Kwizera Bosco Junior wamamaye nka Juno Kizigenza [Rutwitsi muzi] yatangiye umuziki mu buryo bw'umwuga mu 2020, ubwo yinjiraga mu bahanzi bafashwa na Bruce Melodie muri studio ye ya Igitangaza Music. 

Kuva mu 2021 izina rye ryatangiye gutumbagira mu buryo bugaragarira buri wese. Ubu, Juno ni ikimenyabose haba mu Rwanda no hanze yarwo ndetse ari mu mpano zikomeye uruganda rwa muzika nyarwanda rufite.

5.     Alyn Sano

Shengero Aline Sano yiyongereye ku bahanzikazi bafite ijwi ritangaje ryanatumye amenyekana mu kanya nk'ako guhumbya mu 2017. Uyu mukobwa ahuza amateka n'abandi bahanzi benshi ku Isi batangiriye impano yo kuririmba muri korali zo mu nsengero bacyiri bato. Kuri ubu, izina cyangwa ijwi ry'umwimerere rya Alyn Sano byagorana kubona utarizi mu Rwanda.

6.     Afrique

Kayigire Josue, umusore ukiri muto wamenyekanye cyane mu ndirimbo yise 'Agatunda,' yatangiye umuziki mu 2020 ubwo icyorezo cya Covid-19 cyari gikajije umurego. Nyuma, Afrique yakoze izindi ndirimbo zirakundwa cyane binamuhesha gukorana n'abahanzi bakomeye barimo n'istinda rya Kataleya & Kandle ryo mu gihugu cya Uganda.

7.     Davis D

Icyishaka David wamenyekanye nka Davis D [Umwami w'Abana] yatangiye umuziki nk'umwuga mu 2019. Uyu musore ukunzwe cyane n'abiganjemo igitsina-gore yamamariye ku ndirimbo ye yise 'Dede' ndetse kugeza uyu munsi agaragara ku rutonde rw'abahanzi nyarwanda bato batanga icyizere mu muziki.

8.     Okkama

Osama Massoud Khaled yinjiranye izina rya Okkama mu muziki mu mpera za 2020. Uyu musore watangiye umuziki ku myaka 19 gusa y'amavuko ntiyahise amenyekana, gusa ibikorwa bye byagiye byivugira uko iminsi yagiye iha iyindi.

9.     Ish Kevin

   Semana Ishimwe Kevin uzwi nka Kevin Kade ari mu baraperi bakunzwe n'abatari bake. Uyu, yatangiye umuziki mu 2017 yongera gukundisha abanyarwanya injyana ya Hip-Hop cyane ko yaj ayikora mu buryo butari bumenyerewe bwa Trap na Drill Music. 

Hirya y'indirimbo ze zakunzwe cyane zirimo Amakosi n'izindi, Ish anafite studio ye yitwa Trappish Studio, ndetse aherutse kugirwa umuraperi wa mbere ku isi na Radiyo yo mu Bufaransa yitwa Mouv', ishami rya Radio France.

10.  Kenny Sol

Rusanganwa Norbert wamenyekanye nka Kenny Sol watangiriye mu itsinda rya Yemba Voice ryakanyujijeho nyuma rikaza gusenyuka, yaje gutangira gukora umuziki ku giti cye kandi byaramuhiriye. 

Uyu musore wakunzwe cyan mu ndirimbo ye yise 'Husstle' kurubu uri kubarizwa muri Canada, ni umwe mu bahanzi bato bamamaye mu gihe gito, ndetse bamaze kwandika amateka akomeye ku bw'ibibikorwa byabo bifatika. Sol watangiye afashwa na Bruce Melodie, yatangiye umuziki ku giti cye mu 2020.

Igitaramo cya The Ben mu Burundi kuri 'Messe des officiers' ku Cyumweru tariki 1 Ukwakira 2023. Yari ari kumwe na Bushali, Big Fizzo Sat B, Lino G, Shemi, Babo n'aba DJs nka DJ Diallo, RJ The DJ wo muri Tanzania na DJ Lamper. Icyakora muri aba bahanzi barimo abatararirimbye. Reka twitse ku bintu 6 byaranze iki gitaramo.

1. Haririmbye Sat-B, Babo wanyuze ku rubyiniro agasuhuza abafana akazana mama we na The Ben. Big Fizzo, Bushali na Lino G batashye bimyiza imoso. 

2. Abafana bari benshi ku buryo byari bigoye gucunga ko bibana. Hari uwibye telefone baramufata, yakoze mu mufuka w’umusore amwiba telefone arafatwa. Yahise amukubita ibipfunsi amushyikiriza abasirikare. Ibyakurikiyeho ntibizwi. 

3. The Ben yaraturitse ararira kubera amarangamutima y’urukundo yeretswe nyuma y’imyaka 15 akora umuziki akaba ari ubwa mbere ataramiye i Bujumbura. 

4. Abanyarwanda bashyigikiye The Ben kugeza ku munota wa nyuma no mu tubari twa Bujumbura bari bahigaruriye. 

5. Abafana ba Big Fizzo babanje kwanga gutaha bamuhamagara ngo aze ku rubyiniro kandi amasaha y’igitaramo yarangiye kuko cyaberaga mu kigo cya gisirikare nyamara batanga amasaha ntarengwa yo gusoza no kuzimya ibyuma. 

6.Telefoni ya The Ben yibiwe muri Meet and Greet ntiraboneka. Inzego zibishinzwe ziracyakora iperereza. Telefoni ya Uncle Austin nayo yaraye yibwe. Kugeza ubu ntiharamenyekana uwayitwaye.

The Ben yakoreye igitaramo gikomeye i Burundi 

The Ben yasazwe n’amarangamutima asuka amarira

REBA AMASHUSHO Y’UKO BYARI BIMEZE MU GITARAMO CYA THE BEN

Aya masezerano, uyu mukinnyi na FC Barcelona bari barayemeranyijweho taliki 30 Nyakanga ariko yashyizweho umukono mu gitondo cyo kuri uyu Wa mbere. Yasinyiwe ku biro bya FC Barcelona hakaba hari hari abayobozi batandukanye b’iyi kipe barangajwe imbere na Joan Laporta.

Lamine Yamal wasinye aya masezerano azamugeza muri 2026 ni umwe mu bakinnyi bakiri bato batanga ikizere ndetse yewe bamwe ntibatinya no kugereranya ibikorwa bye nk’ibyo Lionel Messi yakoraga nawe akigera muri FC Barcelona y’abakuru.

Uyu mukinnyi w’imyaka 16 yageze muri FC Barcelona y’abatoya izwi nka La Mazia  afite imyaka 7 gusa avuye mu ikipe CF La Torreta. 

 Nyuma yo kugera muri Lamazia yarigaragaje cyane maze bituma muri Mata 2023 akina umukino we wa mbere muri FC Barcelona y’abakuru bakina na Real Betis bihita binamugira umukinnyi muto ubikoze mu mateka y’iyi kipe kuko yari afite imyaka 15 n’amezi 9 ndetse n’iminsi 16 .

Usibye ibyo kandi Lamine Yamal yakoze amateka yo kuba umukinnyi ukiri muto ukiniye ikipe y’igihugu ya Espagne ubwo bakinaga na Georgia mu gushaka itike y’igikombe cy’Umugabane w’Iburayi yinjira mu kibuga asimbuye.

Uyu mukinnyi amasezerano yasinye muri FC Barcelona, ikipe yashaka kuyagura yakwishyura agera kuri miliyari 1 y’amayero  ariko mbere yuko ayasinya byavugwaga ko hari amakipe yo mu Bwongereza arimo Manchester City yatangiye kumushaka.

Lamine Yamal wongereye amasezerano azamugeza muri 2026