Category: Uncategorized

Amakuru agezweho: Abakinnyi babiri b'Amavubi bamaze gufasha ikipe yabo kunyagira indi.

Myugariro w'ikipe y'igihugu y'u Rwanda Amavubi Bayisenge Emery hamwe na rutahizamu Sibomana Patrick bakunze kwita Papy bamaze gufasha ikipe yabo ya Gormahia gutsinda AFC Leopards ibitego 2-0.

Ibi babikoze mu mukino waberaga kuri Kasarani Stadium Sibomana Patrick na Bayisenge Emery babanje mu kibuga muri uyu mukino urangiye ikipe ya Gormahia yitwaye neza cyane imbere ya AFC Leopards yari yakaniye uyu mukino.

Ikipe ya Gormahia FC ibitego byayo byose uko ari bibiri byatsinzwe na Benson Omalla.

Source : https://yegob.rw/amakuru-agezweho-abakinnyi-babiri-bamavubi-bafashije-ikipe-yabo-kunyagira-indi/?utm_source=rss=rss=amakuru-agezweho-abakinnyi-babiri-bamavubi-bafashije-ikipe-yabo-kunyagira-indi

Ikipe ya Rayon Sports ihuriye n'uruva gusenya i Gisenyi ku mazi

Ikipe ya Rayon Sports inganyije n'ikipe ya Marine FC ibitego 2-2 mu mukino w'ikirarane kubera imikino nyafurika ikipe ya Rayon Sports yari irimo gukina.

Ni umukino watangiye ikipe ya Rayon Sports yitwara neza ndetse inahusha ibitego bimwe na bimwe byabaga byabazwe ariko ku munota wa 3 ikipe ya Rayon Sports yahise itsinda igitego cyatsinzwe na rutahizamu Youseff Rharb.

Nyuma y'igihe gito ikipe ya Marine FC yahise itangira gushakisha igitego ndetse ku munota wa 19 yahise ibona igitego gitsinzwe na Tuyishime Benjamin nubwo ibyishimo by'abafana ba Marine bitatinze kuko Ojera Joachim yahise atsinda igitego igice cya mbere kirangira ikipe ya Rayon Sports iri imbere n'ibitego 2-1.

Igice cya kabiri cyitabonetsemo ibintu byinshi usibye gusimbuza ku ruhande rwa Marine FC ndetse na Rayon Sports umutoza wayo Yamen Zelfani agakora ikosa agakuramo Mitima Issac agashyiramo Mugisha Francois Masta byahise bituma yishyurwa igitego gitsinzwe na Gitego Arthur wagiye mu kibuga asimbuye.

Uyu mutoza wa Rayon Sports ibye bikomeje kuyoberana nyuma y'amakosa agenda akora ndetse bikanamuviramo kutitwara neza kw'iyi kipe ashobora kwisanga yeretswe imiryango kuko uyu uraba ari umukino wa 4 anganyije yikurikiranya Kandi mu buryo atagakwiye gukora.

Uyu mukino warangiye ari ibibazo bikomeye kuko rutahizamu Hertier Luvumbu Nzinga yahawe ikarita itukura nyuma yo gutongana n'umusifuzi kubera imisifurire atigeze yemera.

 

 

Source : https://yegob.rw/ikipe-ya-rayon-sports-ihuriye-nuruva-gusenya-i-gisenyi-ku-mazi/?utm_source=rss=rss=ikipe-ya-rayon-sports-ihuriye-nuruva-gusenya-i-gisenyi-ku-mazi

Rayon Sports yanganyije na Marines FC 2-2 mu mukino w’ikirarane cy’umunsi wa 4.

Marines FC yari yakiriye Rayon Sports kuri Stade Umuganda mu mukino w’ikirarane cy’umunsi wa kane utarakiniwe igihe kubera ko Rayon Sports yari mu mikino Nyafurika ya CAF Confederation Cup.

Hakiri kare ku munota wa 4, Youssef Rharb yatsindiye Rayon Sports igitego cya mbere ku mupira yari ahawe na Heritier Nzinga Luvumbu.

Iki gitego cyaje kwishyurwa na Marines FC ku munota wa 19 gitsinzwe na Benjamin Tuyishime.

Ojera Joackiam yaje gutsindira Rayon Sports igitego cya kabiri ku munota wa 26 ku mupira yari ahawe na Luvumbu. Bagiye kuruhuka ari 2-1.

Mu gihe iyi kipe yari yizeye intsinzi, yaje gukorwa mu ijisho na Marines FC ku munota wa 86 ubwo Arthur Gitego yayitsindiraga igitego cya kabiri. Umukino warangiye ari 2-2.

Source : http://isimbi.rw/siporo/article/rayon-sports-yananiwe-kwikura-muri-i-rubavu-imbere-ya-marines-amafoto

Aka gace k’i Bujumbura kitwa Bwiza bwa ni ahantu hadateye imbere mu bikorwa remezo ku buryo hari utuzu duciriritse nka tumwe turi mu Gitega ya Nyarugenge cyangwa se Biryogo itaravugururwa.

Mu Bwiza haracyari hasi cyane ku nyubako

Mu Bwiza usanga abacuruzi badandaje ibiribwa

Abaturage baba bari gushaka ubuzima

Mu Bwiza bari gusana inyubako

Mu Bwiza hameze nka Biryogo yo hambere itaravugururwa

Mu Bwiza haracyari ahari umwanda

AMAFOTO: DIEUDONNE MURENZI

Source : https://inyarwanda.com/inkuru/135167/mu-bwiza-agace-ki-bujumbura-wagereranya-na-biryogo-ya-kigali-itaravugururwa-amafoto-135167.html

Uruganda rwenga ibinyobwa bisembuye n'ibidasembuye Bralirwa biciye mu kinyobwa cya Mützig basoje amahugurwa yamaze iminsi 5 agamije gutyaza ubumenyi bw'abavanga imiziki 5 bahataniye miliyoni 18 Frws.

Umunsi nyirizina wo guhatana hakavamo ugomba kuba Brand Ambassador wa Mützig mu gihe cy'umwaka utegerejwe ku wa Gatandatu tariki 14 Ukwakira 2023 mu ihema rya Camp Kigali. Kwinjira ni 5000 Frws ukayakoresha yose uhabwa ibyo kunywa birimo Mützig ku basoma agasembuye cyangwa se Fanta ku bananiwe n'ibisembuye.

Abavanga imiziki 5 bazahatana barimo Dj Lenzo wahize bagenzi be muri semi finals, Dj Dallas, Dj Noodlot, Dj Kavori na Dj Yolo. Umuyobozi ushinzwe iyamamaza bikorwa muri Bralirwa 'Marketing', Martine Gatabazi yasobanuye ko bacuruza ibyishimo. 

Ati: 'Bralirwa icuruza umunezero. Niyo mpamvu twagiye muri Guma guma, ubu turi mu bavanga imiziki kuko duhora duhanga udushya.'

Abavanga imiziki 5 bamaze iminsi 5 bari Rwandex ahitwa Mundi Center bungurana ubumenyi n'abahanga batandukanye barimo Dj Infinity na Dj Sharif.

Dj Lenzo yabwiye InyaRwanda ko yiteguye kwegukana irushanwa

Dj Dallas, Dj Sharif na Dj Lenzo

Dj Yolo uri hagati yabwiye InyaRwanda ko yiteguye gutwara irushanwa

Martine Gatabazi yijeje abavanga imiziki ko Bralirwa ibari hafi

Dj Lenzo na Dj Noodlot bishimiye gusoza amahugurwa yamaze icyumweru

Dj Noodlot yiteguye gutwara irushanwa

Selecta Danny amaze umwaka atwaye Mutzig Amabeat ku nshuro ya mbere

Dj Khizbeat amaze umwaka yamamaza Mutzig

Dj Yolo yabwiye InyaRwanda ko amahugurwa yamazemo icyumweru yamwongereye ubumenyi

Hasojwe Boot Camp yamaze icyumwe. Aba Djs 5 biyunguye ubumenyi

Source : https://inyarwanda.com/inkuru/135171/muetzig-amabeats-aba-djs-5-basoje-amahugurwa-bamazemo-iminsi-5-135171.html

Ndimbati yatangaje ikintu gikomeye bamukorera kugirango areke gufana Rayon Sports benshi baraseka cyane

Umukinnyi wa filime wamamaye cyane muri Cinema nyarwanda, Uwihoreye Jean Bosco uzwi nka Ndimbati yatangaje ko kugirango areke gufana Rayon Sports kereka bamwishe akava ku isi.

Ibi yabitangaje kuri uyu wa gatandatu ubwo yari yatumiwe mu kiganiro na Radio Rwanda avuga ko akunda Rayon Sports by'indani atari uko iyi kipe ifite abafana benshi ahubwo yayikunze gutyo gusa Kandi kuyivaho ngo byagorana.

Ndimbati yatangaje ko araza no kureba umukino iyi kipe irakina na Marine FC kuri uyu munsi ndetse ngo agiye kurira imodoka amanuke kugirango uyu mukino utaza kumucika.

 

Source : https://yegob.rw/ndimbati-yatangaje-ikintu-gikomeye-bamukorera-kugirango-areke-gufana-rayon-sports-benshi-baraseka-cyane/?utm_source=rss=rss=ndimbati-yatangaje-ikintu-gikomeye-bamukorera-kugirango-areke-gufana-rayon-sports-benshi-baraseka-cyane

Umutoza wongera imbaraga abakinnyi muri Musanze FC, Mugireza Jean Baptiste 'Migi', yavuze ko yababajwe cyane no gutsindwa na APR FC yabereye Kapiteni ndetse akanayigiriramo ibihe byiza, Ni nyuma yo gutsindwa na yo ibitego 2-1 mu mukino w'ikirarane cy'Umunsi wa Kane wa Shampiyona.

Ni umukino wari ufite kinini uvuze cyane cyane ku makipe yombi dore ko Musanze FC yari yicaye ku ntebe y'icyubahiro n'amanota 10 mu mikino ine ndetse ikaba itari yagatsinzwe muri Shampiyona.

Kuri APR FC iheruka kunyagirwa na Pyramids FC ibitego 6-1 muri CAF Champions League, yagombaga kongera kwiyunga n'abafana bari bamaze guta icyizere cy'amatsinda ikabereka ko intego yo kwegukana Shampiyona iyirimo neza.

Muri uyu mukino, APR FC n iyo yafunguye amazamu ku munota wa cyenda ku gitego cya Ruboneka Jean Bosco, nyuma y'iminota 10 gusa Umunya-Nigeria Victor Mbaoma Chukwuemeka yatsinze igitego cya kabiri kuri coup-franc mu gihe Musanze FC yabonye impozamarira ku munota 88, igitego cyatsinzwe na Tuyisenge Pacifique.

APR FC yahise inganya na Musanze FC amanota 10, zitandukanywa n'ibitego kuko iyi kipe yo mu Majyaruguru izigamye bine mu gihe Ikipe y'Ingabo izigamye bitatu.

Wari umukino wa mbere Mugiraneza Jean Baptiste 'Migi' ahuyemo na APR FC yabereye Kapiteni. Yavuze ko atakwibagirwa ibihe byiza yagiriye muri iyi kipe yambara umukara n'umweru, afata nk'umubyeyi ndetse yemeza ko 70% y'ibyo atunze ubu abikesha Ikipe y'Ingabo z'Igihugu.

Ati 'APR FC ni ikipe nagiriyemo ibihe byiza ndetse nakiniye igihe kinini, ku giti cyanjye nyifata nk'umubyeyi nkurikije uburyo nayigezemo n'uburyo nayivuyemo ndetse navuga ko 70% y'ibyo ntunze mbikesha APR FC. Iyo rero ni ikipe uba utagomba kwibagirwa.'

Kuri benshi bakekaga ko ashobora gutanga uyu mukino ndetse no kwishimira iyi ntsinzi y'Ikipe y'Ingabo z'Igihugu, Migi yavuze ko bibeshya kuko atajya agira iyo mico yanduye ndetse ko yashenguwe no gutsindwa uyu mukino kuko APR FC ibasatiriye ku mwanya wa mbere bikaba bigiye kubashyira ku gitutu cyo guhangana na yo kandi isigaje umukino w'ikirarane.

Ati 'Abantu benshi mu minsi ishize bari bafite ikibazo banampamagara bambaza bati 'Migi ko tuzi ko ukunda APR FC wanayibereye Kapiteni ubwo umukino ntuzawutanga, twizere amanota atatu koko?' Ariko ku giti cyanjye nari nasabye abakinnyi ndababwira nti uyu mukino muwumpe basi nk'umutoza mushya, ntangiriye urugendo rwanjye muri Musanze FC, ibi bintu abantu bari kumvugaho ni mwe mugomba kubikuraho. Mumfashe murwane kubera njyewe.'

'Sinjya ntanga imikino mu buzima bwanjye, singira iyo mico yanduye n'aho naciye hose barabizi. Iyo ndi ku kazi umutima wanjye wose uba uri ku kazi, nubwo APR FC nyifata nk'umubyeyi ariko mu kazi biba byahindutse.'

Yakomeje agira ati 'Wagiye unabibona aho nagiye nyura amakipe nagiye nkinamo, navuga nko muri Police FC umukino twahuyemo na APR FC ni wo wa nyuma nakinnye umwaka ushize.'

'Icyo gihe nari maze iminsi ntakina abantu bavuga bati Migi araje aberereke, ariko niba mwibuka neza ni njye witwaye neza muri uwo mukino ndetse turanawutsinda.'

'Ndababaye cyane kuba APR FC intsinze ikansatira ku mwanya wa mbere. Twaje gukina na yo twarashyizemo ikinyuranyo cy'amanota atatu, ubu avuyemo, turanganya amanota 10 kandi bo baracyafite ikirarane, umwanya wa mbere turacyawuriho ntabngirawo ufite.'

'Mu by'ukuri ndababaye, nifuzaga ko twatsinda tukaba dushyizemo ayo atandatu wenda ikirarane bazagitsinda bagakomeza kutuba inyuma. Kuko twifuzaga ko nibura Musanze FC twayikura kuri ya myanya aba-sportifs basanzwe bayiziho tukayigeza mu makipe ane ya mbere uyu mwaka, ubu tugiye ku gitutu cyo guhangana na APR FC ku mwanya wa mbere, ni yo mpamvu nakubwira ko mbabaye.'

Mugiraneza Jean Baptiste 'Migi' yahagaritse gukina umupira w'amaguru tariki 31 Kamena 2023 nyuma y'iminsi ine gusa ahita atangirira umwuga w'ubutoza muri Musanze FC aho akora nk'uwongerera imbaraga abakinnyi.

Migi' yakinnye ruhago imyaka 17 nk'uwabigize umwuga mu makipe ya La Jeuneusse, Kiyovu Sports, APR FC, Gor Mahia, Azam FC, KMC na Police FC.

Nk'umukinnyi, Migi yahamagawe mu Ikipe y'Igihugu 'Amavubi' ndetse mu bihe bitandukanye yayibereye Kapiteni wungirije.

Mu 2020 ni bwo Migi uri mu bakinnyi beza bakina mu kibuga hagati u Rwanda rwagize, yatangaje ko yasezeye gukina mu Ikipe y'Igihugu Amavubi.

Source : https://yegob.rw/migi-ntiyumva-ukuntu-apr-fc-yamuzukiyeho/?utm_source=rss=rss=migi-ntiyumva-ukuntu-apr-fc-yamuzukiyeho

Hari ubwo abana baseka iyo basinziriye ndetse bagaseka cyane bigatangaza ababyeyi. Ese biterwa ni iki ?

Hari abana benshi bakunda kugaragara baseka iyo baryamye. Nk'umugore, umukobwa cyangwa umugabo uri gusoma iyi nkuru ushobora kuba warabonye ibi aho umwana wawe aryamye asinziriye ariko arimo guseka.

Benshi bibaza ibyaribyo ndetse bamwe bakaba bashobora no guhita bakangura uwo mwana baziko arimo kureba nyamara we atari hafi aho. Ikinyamakuru turnto23 dukesha iyi nkuru , kivuga ko my by'ukuri nta muntu numwe kugeza ubu wari wabasha kumenya ibiba bitumye baseka cyakora bigaragara ko hari impamvu ziba zibyihishe inyuma.

Bivugwa ko umwana usa n'urimo guseka aba arimo gusohora 'Gas' isanzwe.Ubushakashatsi bwakozwe bwagaragaje ko ibi bikunda no kuba kubantu bakuru , aho baseka basinziriye iyo barimo kurota ibintu byiza. Iki kinyamakuru dukesha iyi nkuru kivuga ko iyo umuntu mukuru asetse asinziriye biba bishushanya ko ari mu nzozi nziza.

Ibi kandi ninako biba bimeze kubana bato aho ngo umwana useka iyo asinziriye biba bisobanuye ko aryamye neza cyangwa se ko ashobora kuba arimo kurota inzozi nziza.

Ubushakashatsi kandi bwemeza ko iyo umwana yihindagura bya hato na hato mu buriri, cyangwa zimwe mu ngingo ze zirimo; Amaso, amazuru, iminwa ,… zikakora , ngo bimufasha gukomera amagufa.Iki kinyamakuru nanone cyemeza ko iyo umubyeyi akunda umwana we bigaragarira munzozi nabwo akaba ashobora kwisetsa.

 

Source : https://yegob.rw/dore-impamvu-abana-bato-baseka-iyo-basinziriye-bigatangaza-ababyeyi-babo/?utm_source=rss=rss=dore-impamvu-abana-bato-baseka-iyo-basinziriye-bigatangaza-ababyeyi-babo

Abakoresha X batutse uwanditse ko Meddy yaraye mu bitaro nyuma yo gukibitwa n'umugore we kubera ko yatinze kumukingurira.

Abo kuri X yahoze yitwa Twitter bakiriye nabi amakuru yatangajwe na Kasuku, aho yavuze ko Meddy yaraye mu bitaro nyuma yo gukubitwa n'umugore we.

Kasuku yavuze ibyo maze yakirizwa ibitutse kuko ayo makuru yatangaje atari ayafitiye gihamya.

UKO BYATANGIYE

IBYO BAVUZE

Source : https://yegob.rw/abakoresha-x-batutse-uwanditse-ko-meddy-yaraye-mu-bitaro-nyuma-yo-gukibitwa-numugore-we-kubera-ko-yatinze-kumukingurira/?utm_source=rss=rss=abakoresha-x-batutse-uwanditse-ko-meddy-yaraye-mu-bitaro-nyuma-yo-gukibitwa-numugore-we-kubera-ko-yatinze-kumukingurira

Kirehe! Abayede bacukuraga umuyoboro w'amazi baguye kuri Gerenade yo mu bwoko bwa Totasi.

Mu Karere ka Kirehe mu murenge wa Mushikiri, aho muri iki gitondo tariki ya 7.10.2023 Abaturage bariho bacukura umuyoboro w'amazi ubwo bacukuraga baguye kuri Gerenade yo mu bwoko bwa Totasi.

Abaturage babwiye ikinyamakuru Rubanda dukesha iyi nkuru ko Imana yakinze akaboko kuko umuntu wayibonye yari mu nsina niho bayicukuye.

Source : https://yegob.rw/kirehe-abayede-bacukuraga-umuyoboro-wamazi-baguye-kuri-gerenade-yo-mu-bwoko-bwa-totasi/?utm_source=rss=rss=kirehe-abayede-bacukuraga-umuyoboro-wamazi-baguye-kuri-gerenade-yo-mu-bwoko-bwa-totasi