Rayon Sports inganya amanota n'iya 11! Uko urutonde rwa Shampiyona ruhagaze nyuma yo kunganya kwa Marines FC na Rayon Sports.
Uko urutonde rwa Shampiyona ruhagaze nyuma yo kunganya kwa Marines FC na Rayon Sports.
Category: Uncategorized
-
Byamurenze! Assia umugore wa Pastor Theogene Niyonshuti witabye Imana, yatunguwe n’Abarundi bamuziniye impano z’agatangaza – YEGOB #rwanda #RwOT
Byamurenze! Assia umugore wa Pastor Theogene Niyonshuti witabye Imana, yatunguwe n'Abarundi bamuziniye impano z'agatangaza.
Abarundi b'abanyamasengesho, batunguye Madamu wa Pastor Theogene Niyonshuti witahiye.
Nk'uko bigaragara ku muyoboro wa YouTube shene yasizwe na Theogene, Ababyeyi n'Abarundi basuyu uyu mubyeyi mu rugo barasenga ndetse banamuha impano z'agatangaza.
Mu mpano yahawe, harimo igitenge gishya, ishakoshi ndetse n'ibindi byinshi byiza.
Assia yashimiye Imana yohereje aba babyeyi bakaza kumusura iwe mu rugo ndetse bakanagirana ibihe bidasanzwe.
-
Mukaremera Marie Rose yahawe moto ananirwa kuyitwara kugira ngo yemeza abayimuhaye – YEGOB #rwanda #RwOT
Mukaremera Marie Rose yahawe moto nyuma y'imyaka 22 ari indashyikirwa muri gahunda yashyizweho na Leta.
Abarimo abarimu babaye indashyikirwa mu gukoresha neza inguzanyo bahawe muri Koperative Umwalimu SACCO, bahawe ibihembo bifite agaciro k'agera kuri miliyoni 43 Frw.
Babishyikirijwe ku wa 6 Ukwakira 2023 mu gikorwa Koperative Umwalimu Sacco yakoreye hirya no hino mu gihugu hasozwa icyumweru cyahariwe umukiliya.
Mu bahembwe harimo abarimu batanu bahagarariye intara zose n'Umujyi wa Kigali, buri wese ahabwa moto ifite agaciro k'asaga miliyoni 1.8 Frw, ahembewe kuba indashyikirwa mu gukoresha neza inguzanyo yahawe na Koperative Umwalimu SACCO, akishyura neza ndetse akaniteza imbere mu buryo bugaragara.
Hanatanzwe kandi mudasobwa 63, buri imwe ifite agaciro k'ibihumbi 460 Frw, zihabwa abarimu ku giti cyabo ndetse n'amakoperative abarizwamo abarimu bakoranye neza na Umwalimu SACCO ku rwego rw'akarere.
Hari n'ibigo by'amashuri 30 byo hirya no hino mu gihugu byahembewe kuba byarakoranye neza n'iyi koperative binyuza amafaranga yabyo kuri konti biyifitemo, buri kigo kigenerwa igikombe cy'ishimwe gifite agaciro k'ibihumbi 150 Frw.
Mu Mujyi wa Kigali, ibi birori Koperative Umwalimu SACCO yo yise ibyo gusoza 'Icyumweru cyahariwe Umunyamuryango', byabereye ku cyicaro gikuru cyayo.
Mukaremera Marie Rose umaze imyaka 22 mu bwarimu akaba yigisha ku Rwunge rw'Amashuri rwa EPA St Michel, ni we wegukanye igihembo nyamukuru ku rwego rw'Umujyi wa Kigali, ahembwa moto nk'uwahize abandi mu gukoresha neza inguzanyo yahawe n'iyi koperative, yiteza imbere ndetse anayishyura neza.
Yatanze ubuhamya bw'uburyo gukorana na Umwalimu SACCO byamuhinduye umwe mu batunze agatubutse muri Kigali akaba amaze kubaka amazu yo guturamo, ayo gukoreramo akanagira ibibanza hirya no hino, ndetse abana be barimo n'uwagiye kwiga muri Qatar bakaba ntacyo babuze mu myigire yabo.
Ati ''Nagiye mpura n'abantu benshi nsaba inguzanyo mu Mwalimu SACCO, ngambiriye kwiteza imbere nka mwarimu. Ubundi kenshi wasangaga bavuga ko mwarimu ari umuntu udafite uko yigira, ari umuntu utagize icyo afite.'
''Ubwo rero njyewe naje gufata ingamba numva ko Umwalimu SACCO ije numva ko ngomba kuyigana, kandi niba ari Umwalimu SACCO nanjye nkaba umwarimu, leta y'u Rwanda idushyiriramo amafaranga menshi anyuranye, numva ko nanjye nayabonaho kandi nkagira icyo nyakoresha.''
Umuyobozi Mukuru wa Koperative Umwalimu SACCO, Uwambaje Laurence, yashimiye ababaye indashyikirwa bagahabwa ibihembo, ndetse ashishikariza abanyamuryango muri rusange gukomeza kwizigamira kuko ari ryo banga ryo kongera amahirwe yo guhabwa inguzanyo zibafasha gukomeza kwiteza imbere, anasaba abazihabwa gukomeza kwishyura neza.
Ati ''Koperative Umwalimu SACCO ishishikariza abanyamuryango bayo gukomeza umuco wo kwizigamira, kugira ngo bongere ubushobozi bwo gukora imishinga ibateza imbere. Aha dushatse kuvuga ko iyo mugaruye ya mafaranga, ni ukuvuga ko afasha n'abandi batari babona ubushobozi, kugira ngo na bo tubashe kubaha za nguzanyo.''
Umuyobozi Mukuru wa NESA, Dr Bernard Bahati, yavuze ko Umwalimu SACCO waje nk'umusingi mu guhindurira abarimu ubuzima, kuko byari bigoye ko andi mabanki abikora agendeye ku mushahara wa mwarimu.
Ati ''Umwalimu SACCO rero yaje ikora ikintu gikomeye cyane, cyo gutuma umwarimu abasha guhabwa inguzanyo, kandi na we akaba yabasha kwiteza imbere.''
Umwalimu SACCO yashinzwe mu 2006 ku gitekerezo cyo guharanira kuzamura ubuzima bwa mwarimu binyuze mu kumuha inguzanyo yunganira umushahara muto abona.
Ifite serivisi zitandukanye zo kuzigama ndetse n'iz'inguzanyo, zose zigamije guteza imbere imibereho myiza y'abanyamuryango biciye mu nguzanyo bahabwa no kubashishikariza kwizigamira.
Mu 2008 ni bwo Umwalimu SACCO yatangiye guha abarimu inguzanyo ku nyungu nto kuko usanga inyinshi bazungukira 11% ku barimu bigisha mu bigo bya Leta n'ibifashwa na Leta, naho abakora mu bigo byigenga ikaba kuri 14%.
Abayobozi batandukanye bitabiriye igikorwa cyo gusoza iki cyumweru cyahariwe umukiliya ariko Koperative Umwalimu SACCO yo ikacyita icyahariwe umunyamuryango, bakomeje gushishikariza abarimu gukorana n'iyi koperative cyane cyane bayizigamiramo, kuko ari bumwe mu buryo bukomeje guhindura ubuzima bwa mwarimu, bukamuhesha gukora indi mishinga imuteza imbere.
-
Ifoto y’umwaka mu Rwanda! Umwana muto cyane yakoze ku mitima ya benshi nyuma yo kugaragara ari gutanga umuganda we kugira ngo kiliziya y’iwabo yuzure ajye asenga nta birantega – YEGOB #rwanda #RwOT
Musenyeri wa Katedarari ya Nyundo, Anaclet Mwumvaneza, yakoreshereje ifoto nini iriho umwana muto yabonye ari gutanga umuganda mu gihe ibikorwa byo kubaka Paruwasi ya Nyabirasi ihereye mu Karere ka Rutsiro, Umurenge wa Nyabirasi byari birimbanyije.
Iyi foto Musenyeri Mwumvaneza yakoreye uyu mwana wamukoze ku mutima, izajya mu mateka y'iyi paruwasi nk'ikimenyetso cy'ubwitange bw'abakirisitu ba Nyabirasi bagize mu kwiyubakira Paruwasi yabo.
Â
Ni paruwasi yatashywe kuri uyu wa 07 Ukwakira 2023, aho igizwe na Santarali eshatu zirimo Kazo, Kanombe na Kamugarura. Ivutse kuri Paruwasi Katedarali ya Nyundo aho yujuje paruwasi ya 29 mu zigize Diyosezi ya Nyundo.
Iyi paruwasi yafunguwe ku mugaragaro na Musenyeri Mwumvaneza, ibirori byitabiriwe n'abakirisitu batandukanye aho bari bamaze imyaka igera ku munani bayitegereje.
Â
Â
-
Polisi y'u Rwanda yaguye gitumo ibisambo bitatu byari byibye moto i Nyagatare biyizanye kuyizunga kuri macye i Kigali – YEGOB #rwanda #RwOT
Polisi y'u Rwanda yaguye gitumo ibisambo bitatu byari byibye moto i Nyagatare biyizanye kuyizunga kuri macye i Kigali.
Polisi y'u Rwanda ku bufatanye n'izindi nzego z'umutekano n'abaturage mu Karere ka Gasabo, yafatanye abantu batatu moto bakekwaho kwiba mu Karere ka Nyagatare.
Uko ari batatu barimo uw'imyaka 26, uwa 27 n'uw'imyaka 28 y'amavuko, bafatiwe mu cyuho mu Mudugudu wa Zindiro, Akagari ka Kinyaga mu Murenge wa Bumbogo mu Karere ka Gasabo bafite moto yo mu bwoko bwa TVS ifite ibirango RF948A yibwe mu Murenge wa Karangazi mu Karere ka Nyagatare.
Umuvugizi wa Polisi mu Mujyi wa Kigali, SP Sylvestre Twajamahoro yavuze ko gufatwa kwa bo kwaturutse ku makuru yatanzwe n'umuturage wo mu mu Mudugudu wa Zindiro.
Ati 'Umwe mu baturage bo mu Mudugudu wa Zindiro yababonye barimo kuyishakira umukiliya agira amakenga kuko yabonaga ari nshyashya kandi bayigurisha amafaranga macye (ibihumbi 450Frw) ndetse nta n'ibyangombwa byayo bafite ahita abimenyesha Polisi.'
Bamaze gufatwa, umwe muri bo yiyemereye ko yayibye mu rugo yakoragamo mu Karere ka Nyagatare, yifatanya na bagenzi kugira ngo babashe kuyigeza mu Mujyi wa Kigali aho bari buyigurishirize.
SP Twajamahoro yashimiye abaturage batanze amakuru yatumye moto ifatwa itaragera kure, akangurira n'abandi kujya bihutira gutanga amakuru hakiri kare ku bo bacyetse kugira ngo hakumirwe icyaha kitaraba.
Abafashwe bahise bashyikirizwa Urwego rw'Ubugenzacyaha (RIB) kuri sitasiyo ya Kimironko, mu gihe moto bafatanywe hagishakishwa nyirayo ngo ayisubizwe.
-
Baracyari muri Hang over ya 6-1! Akajagari mu myambarire ya APR FC kafashe indi isura kugeza n’aho Kapiteni yinjira mu kibuga yambaye amasogisi adasa, Gilbert we yayaguze muri caguwa Kimisagara – YEGOB #rwanda #RwOT
Baracyari muri Hong over ya 6-1! Akajagari mu myambarire ya APR FC kafashe indi isura kugeza n'aho Kapiteni yinjira mu kibuga yambaye amasogisi adasa.
Abakinnyi ba APR FC bagaragaye mu mwambaro mushya ku mukino yatsinzemo Musanze FC ariko amasogisi adahuye ndetse nta muterankunga isanzwe ikorana na yo uriho.
Ku wa Gatanu, tariki ya 6 Ukwakira 2023, ni bwo APR FC yari yakiriye Musanze FC kuri Kigali Pelé Stadium mu mukino w'ikirarane w'Umunsi wa Kane wa Shampiyona y'u Rwanda.
Ikipe y'Ingabo z'Igihugu yaserukanye umwambaro mushya izajya ikinana ku mikino yakiriye ugizwe amakabutura n'imipira by'umweru hose ndetse nimero n'amazina byandikishijwe umukara.
Nk'uko bigaragara, iyi myenda yakozwe n'uruganda Jako mu gihe iyo yari isanzwe yambara yari yarakozwe na Kappa.
Amasogisi y'abakinnyi bose yari atandukanye harimo abambaye aya kera ya Kappa, abambaye ayabo bwite ndetse n'abandi bambaye asanzwe.
Urugero rugaragara ni kuri Fitina Ombolenga wari wambaye isogisi rimwe rya APR FC, irindi nta kintu kiriho, Victor Mbaoma yari yambaye aya kera mu gihe Mugisha Gilbert nta kigaragaza ko yari yambaye aya APR FC.
Kuri uyu mukino kandi, abakinnyi bari bambaye amakote mashya ya Jako mu gihe abatoza ba bari bambaye aya kera yakozwe na Kappa.
Amakuru ahari avuga ko kuba APR FC yari yambaye imyambaro mishya, ari byo byatumye itarandikishaho umuterankunga wayo wa Azam Ltd bifitanye imikoranire y'imyaka ine kuva mu 2020.
Ikipe y'Ingabo yatsinze uyu mukino ku bitego 2-1 bya Ruboneka Jean Bosco na Victor Mbaoma, inganya amanota 10 na Musanze FC ya mbere kubera kuzigama ibitego byinshi aho iyirusha kimwe.
-
Ifoto y’icyumweru! Umusore yiyambuye imyenda mu ruhame nyuma yo kubona ibyo Bushali yari ari gukorera abaturage b’i Ngoma bari bizanye kumureba ku bwinshi – YEGOB #rwanda #RwOT
Ifoto y'icyumweru! Umusore yiyambuye imyenda mu ruhame nyuma yo kubona ibyo Bushali yari ari gukorera abaturage b'i Ngoma bari bizanye kumureba ku bwinshi.
Ibitaramo bya Iwacu Muzika festival bizenguruka igihugu, byari byabereye i Ngoma.
Ubwo umuhanzi Bushali yageraga ku rubyiniro, yatumye umusore umwe yikuramo imyenda we ubundi arawukata.
Si uyu gusa ahubwo haje kubona abandi bamufasha kwishimira ikirori bari bari guhabwa na Bushali wari waje yujuje imyuka.
-
Yahawe imishandiko y’iza 5000 Frw gusa! Umusore w’umunyarwanda yariye miliyoni 85 z’amanyarwanda muri ‘Bet’ ashoye ibice bibiri by’ijana bisigaye bigura irindazi ritanahaza umwana wiga kurya – YEGOB #rwanda #RwOT
Bamwe bati ni ikinyoma, Umusore w'umunyarwanda yariye miliyoni 85 z'amanyarwanda ashoye ibice bibiri by'ijana bisigaye bigura irindazi ritanahaza umwana wiga kurya.
Umusore wo mu karere ka Rubavu, yashoye ibiceri 2 by'ijana atahana Miliyoni 85 z'Amanyarwanda muri sosiyete y'imikino y'amahirwe (bet) ikorera mu Rwanda.
Umunyamahirwe wo muri Rubavu yateze ibiceri 2 by'ijana gusa mu mikino y'amahirwe, atahana Miliyoni 85 z'amafaranga y'u Rwanda, ahamya ko ari amahirwe agiye guhindura ubuzima bwe.
Nk'uko iyo kampani ibyemeza, uyu munyamahirwe yari asanzwe ari umukiriya wabo kuva muri 2018.
Umunsi yatsindeyeho aya mafaranga, yarabyutse bisanzwe aragenda ajya i Gisenyi, ahageze yifashishije mudasobwa zisanzwe zifasha abakiriya gutega ubundi ategera amakipe 40 azarangiza gukina mu minsi 2.
Kuri aya makipe 40 yashyizeho ibiceri 2 by'ijana maze ahabwa igikubo kingana na 581,462.90. Nk'uko bigaragara ku itike ye ifite nimero 3326636476619999. Nyuma yo gutegereza iyi minsi 2, inzozi ze zabaye impampo aba atsindiye akayabo ka miliyoni 85 z'amafaranga y'u Rwanda.
Uwatsindiye aya mafaranga utashatse ko amazina ye atangazwa, yavuze ko ubuzima bwe buhindutse ndetse anashishikariza abandi gutega. Yagize ati 'Ubu ndishimye cyane ku bw'intsinzi yanjye ikomeye kandi rwose ni amahirwe agiye guhindura ubuzima bwanjye.
-
Mumunzanire turebane amaso ku maso Mu burakari bwinshi, Sat B yababajwe no kuntu igihugu cye cyambitswe isura mbi y’ubujura kandi ari abanyarwanda babyihishe inyuma – YEGOB #rwanda #RwOT
'Mumunzanire turebane amaso ku maso' Mu burakari bwinshi, Sat B yababajwe no kuntu igihugu cye cyambitswe isura mbi y'ubujura kandi ari abanyarwanda babyihishe inyuma.
Umuhanzi ukomeye kuva mu gihugu cya Burundi, Bizimana Aboubakar Karume uzwi nka Sat B mu muziki, afite agahinda gakomeye ko kuba igihugu cye cyarasebejwe nyuma yo kuhibira telefone ya The Ben.
Ni ubutumwa yanyujije ku mbuga nkoranyambaga ze yifashishije ifoto ya X-Dealer ukekwaho kwiba iyo Telefone ari kumwe na The Ben, hanyuma agaragaza agahinda gakomeye afite nyuma y'ibyabaye.
Yagize ati: 'Mbabajwe n'uko yambitse ibara igihugu cyange n'abagituyemo. Ariko nawe tumubabarire nk'abandi. Gusa ariko na none nibamuzane hano turebane amaso ku maso'.
Sat B kandi yarengejeho amagambo agaragaza ko ibirimo kwiba, ishyari, inzigo ndetse n'inzigo, ari ibintu bibi bituma utagera ku nzozi zawe ufite.
Impamvu nyamukuru yatumye agaragaza ko ababajwe n'uko igihugu cye cyambitswe urubwa, ni uko mu ijoro ryo kuwa Gatandatu tariki ya 30 Nzeri 2023, ubwo The Ben yari mu musangiro n'abakunzi be ari bwo telefone ye yabuze.
Iyi telefone ikimara kubura, byabaye nk'ibizimya inkuru y'uko The Ben afite igitaramo cy'amateka i Burundi ku munsi wari gukurikiraho wo ku cyumweru. Inkuru yahise itangira kuvugwa cyane yagarukaga ku Barundi muri rusange n'ubujura kuko nibo bashyirwaga mu majwi.
Abantu banyuranye bibazaga ukuntu mu gitaramo nka kiriya cya VIP cyazamo abantu b'imico mibi y'ubujura kandi nyamara bigaragara ko harimo abantu biyubashye gusa.
Abantu batangiye gushidikanya ku Barundi batangira kubavuga ukundi, bagaragaza ko n'ubwo ari abasirimu ariko nta kigenda cyabo kuko muri bo harimo abafite imico mibi nk'iy'ubujura n'ibindi.
Mwibuke neza ko hano itike ya make ahasanzwe yari ibihumbi 100Fbu ndetse na tike ya Miliyoni 10Fbu mu banyacyubahiro.
Byumvikane ko kuba abantu barahise batangira kwibaza cyane kuri aba bakire nta kibazo gikomeye kibirimo kuko biratangaje cyane kuba ahantu hari abanyamafaranga bangana gutya, haburira telefone.
Si The Ben gusa wibiwe telefone i Burundi ahubwo na Uncle Austin nawe yahaburiye iye. Noopja nawe avuga ko yahaburiye Charger. Hano Abarundi bagarukagwaho cyane, hibazwa ukuntu abakire biba.
The Ben yarebye ibyo byose, ukuntu abafana be bakomeje gushyira igitutu ku Barundi babavuga ukuntu, ahitamo kubeshya ko yayibonye kugira ngo bacururuke, gusa we ikirego yari yagitanze.
Kuba telefone yaje kugaragara mu mihanda y'i Kigali, byababaje Sat B cyane kuko igihugu cye cyasebejwe cyane bakivugaho byinshi bigendanye no kuba habereye ubujura mu kirori gikomeye.
Mwibuke neza kandi ko n'umugore we yigeze gushyirwa mu majwi yo gufata iyo telefone binyuze mu mashusho yakwirakwiriye hirya no hino, bamwe bashaka kuvuga ko ishobora kuba yari iya The Ben. Gusa ariko baramubeshyeraga ahubwo iyo yafashe, yari iye.
Kuri ubu amakuru ahari ni uko nyuma y'uko The Ben atanze ikirego, hatangiye gukorwa iperereza ku bantu bose bakekwaho kwiba iyo telefone.
-
Yabonye atari we uzahora agaramye mu kirambi wenyine yishumbusha mutembanshyunshyu, umuramyi w’umunyarwanda uhembura imitima ya benshi yarongoye umukobwa yihebeye ubuzima bwe bwose (AMAFOTO) – YEGOB #rwanda #RwOT
Yabonye atari we uzahora agaramye mu kirambi wenyine yishumbusha mutembanshyunshyu, umuramyi w'umunyarwanda uhembura imitima ya benshi yarongoye umukobwa yihebeye ubuzima bwe bwose.
Umuramyi Brian Blessed wamenyekanye mu ndirimbo 'Dutarame' yakoranye na Alpha Rwirangira na Jules Sentore, yasabye anakwa umukunzi we Dinah Uwera usanzwe nawe ari umuramyi w'agatangaza ndetse bahita banasezerana imbere y'Imana.
Ibi byabaye kuri uyu wa Gatandatu tariki 07 Ukwakira 2023Â ubwo Bizimungu Brian [Brian Blessed] yakoze ubukwe, asezerana kubana akaramata n'umukunzi we Dinah Uwera mu muhango wabereye muri Healing Center Church i Remera.
Ni umuhango wabanjirijwe no gusaba no gukwa byabareye kuri Ahava River Kicukiro saa Tatu za mu gitondo.
Brian Blessed na Dinah Uwera basezeranye imbere y'Imana nyuma y'amasaha macye basezeranye imbere y'amategeko ya Leta y'u Rwanda, mu muhango wabaye Kane tariki 05 Ukwakira 2023 mu muhango wabereye ku Murenge wa Remera mu Karere ka Gasabo mu Mujyi wa Kigali.
Kuwa 24 Kamena 2023 ni bwo Bizimungu Brian uzwi nka Brian Blessed yambitse impeta umukunzi we Dinah Uwera bari bamaze igihe bakundana ariko urukundo rwabo bakaba bararugize ibanga rikomeye. Ni mu birori bibereye ijisho byabereye mu Kiyaga cya Kivu mu Karere ka Karongi.
AMAFOTO
