Category: Uncategorized

Uyu munyamuziki wamamaye mu ndirimbo zirimo 'Ndaje' yasohoye aya amashusho yaherekeje ifoto kuri uyu wa Mbere tariki 16 Ukwakira 2023.

Asohotse nyuma y'iminsi micye hatangajwe ko The Ben ashobora kuzaba ari umwe mu bazashyikiriza ibihembo abanyamuziki bo mu bihugu bitandukanye bahataniye ibihembo bya Trace Awards bizatangwa ku wa 20 Ukwakira muri BK Arena.

Biranashoboka ko uyu muhanzi azaririmba mu muhango wo gutanga ibi bihembo. Mu butumwa bwo kuri Instagram, The Ben yavuze ko ashima urukundo Olivier Laouchez akunda u Rwanda, amwizeza ko azatuma yishima. Ati 'Warakoze ku bwo gukunda u Rwanda. Niteguye gutuma nishima.'

Ibi bihembo bitegurwa na Televiziyo Mpuzamahanga yitwa Trace Africa, izwiho guteza imbere umuziki w'abahanzi ku Isi, by'umwihariko abo muri Afurika.

Trace Group ifite insakazamashusho za Trace [Trace Africa, Trace Urban…] ifite itsinda ry’abahanga mu muziki ryicara rigahitamo indirimbo ikwiye gutambuka n’itabirikwiye.

Ni ku nshuro ya mbere bigiye gutangwa bihatanyemo abo mu Rwanda. Ni mpuzamahanga, kandi bigamije guteza imbere abanyamuziki bafite impano zinyuranye by’umwihariko abubakiye inganzo y’abo ku muziki wa Afrobeat.

U Rwanda nirwo ruzakira umuhango wo gutanga ibi bihembo. Byatumye hongerwamo icyiciro cy’abahanzi bo mu Rwanda cyiswe ‘Best Rwandan Artist’ gihatanyemo Bruce Melodie, Kenny Sol, Ariel Wayz, Bwiza na Chriss Eazy.

Diamond wo muri Tanzania uheruka gutaramira i Kigali, ahatanye mu cyiciro cy’umuhanzi w’umugabo [Best Male], n’icyiciro cy’indirimbo ifite amashusho meza [Best Music Video].

Ni mu gihe Azawi, Levixone na Ghetto Kids aribo bahagarariye Uganda muri ibi bihembo bizatangwa ku wa 21 Ukwakira 2023 mu muhango uzabera mu nyubako y’imyidagaduro ya BK Arena bihuzwa n’iserukiramuco rya ‘Trace Awards&Festival’ ku bufatanye na Visit Rwanda, Sosiyete ya RwandAir, Ikigo cy’Igihugu cy’Itangazamakuru (RBA) n'abandi.

Mu itangazo rigenewe abanyamakuru, Olivier Laouchez washinze Trace Group, yavuze ko abahanzi bo muri Afurika bitanga uko bashoboye mu rugendo rw’umuziki bityo ‘bakeneye gushimirwa’

Yavuze ko ibi bihembo bihatanyemo abarenga 150 barimo abahanzi, aba Producer, aba Dj, abanditsi b’indirimbo, inzu z’umuziki, abahanzi bakizamuka n’abandi.

Olivier yahaye ikaze kandi ashimira buri wese wakoze ibikorwa byatumye yisanga kuri uru rutonde rw’abahataniye ibihembo.

Kuva mu Majyepho, u Burasirazuba n’u Burengerazuba, Umugabane wa Afurika urahagarariwe muri ibi bihembo binyuze mu bahanzi bakora injyana nka Afrobeat, Genge, Kizomba, R&B, Rumba, Dancehall n’izindi.

Bahatanye mu byiciro 22. Kandi ni abo mu bihugu birimo birimo Amerika y'Amajyepfo, Caribbean, Uburayi, Algeria, Angola, Brazil, Cameroon, Cape Verde, Comoros, DRC, France, French Guiana, Gabon, Ghana, Guadeloupe, Haiti, Ivory Coast, Jamaica, Kenya, Madagascar, Martinique, Mayotte, Mauritius, Morocco, Mozambique, Nigeria, Reunion, Rwanda, Senegal, South Africa, Swaziland, Tanzania, Tunisia, U Bwongereza na Uganda.

Buri umwe uzatsinda azahabwa igikombe cyahanzwe n’umunye-Congo, Dora Prevost watanze ishusho y’uburyo kigomba kuba kigaragara.

Nigeria n’iyo ya mbere ifite abahanzi benshi bagera kuri 40 bahatanye muri ibi bihembo. Harimo nka Davido, Wizkid, Tiwa Savage, Ayra Starr, Burna Boy, YemiAlade, Fireboy DML na Rema.

Icyiciro cy’umuhanzikazi w’umugore (Best Female Artist) gihatanyemo Soraira Ramos wo muri Cape Verde, Josey wo muri Côte d’Ivoirem, Viviane Chidid wo muri Senegal, Nadia Mukami wo muri Kenya, Tiwa Savage na Ayra Starr bo muri Nigeria.

Umuraperi K.O ahatanye mu byiciro bitatu birimo Best Male, Song of The year ndetse na Best Collaboration. Musa Keys uherutse gukorana indirimbo ‘Who is Your Guy?’ na Tiwa Savage ahatanye muri Best Live, Best Collaboration ndetse na Best Music Video.

Ni mu gihe umuhanzi Pabi Cooper ahatanye mu cyiciro cy’umuhanzi mushya (Best NewComer). Dj Uncles Waffles wo muri Swaziland ahatanye mu cyiciro cya ‘Best Dj’.

Ibi bihembo byitezweho kuzakurikirwa n’abantu barenga Miliyoni 500 mu bihugu 190 byo ku Isi. Kandi amatora ahesha amahirwe buri muhanzi yatangiye kuva kuri uyu wa Mbere tariki 21 Kanama 2023.

 

The Ben yagaragaye yahuje urugwiro n'Umuyobozi mukuru wa Trace Group, Olivier Laouchez

 

The Ben ashobora kuzaba ari umwe mu bazatanga ibihembo bya Trace Awards cyangwa se akaririmba mu muhango wo gutanga ibi bihembo

 

Ibiganiro birakomeje hagati ya The Ben na Trace Group ku gutanga ibihembo muri uyu muhango no kuririmbamo

KANDA HANO UREBE AMASHUSHO Y’INDIRIMBO ‘NAREMEYE’ YA THE BEN

“>

Iyi ni imwe muri korali zamamaye cyane mu itorero ry'Abadiventiste b'umunsi wa Karindwi, ahanini biturutse ku mazina y'abantu bazwi nka Uwitonze Clementine [Tonzi], Ishimwe Karake Clement, Butera Knowless, Aline Gahongayire n'abandi bayinyuzemo mu myaka yo hambere ubwo biga mu mashuri yisumbuye muri APACE.

Imyaka itatu yari ishize badasohora ibihangano ushingiye ku byo umuyoboro wayo wa Youtube ugaragaza. Ariko baherutse guhuza imbaraga na Nel Ngabo na John B Singleton usanzwe abarizwa muri Leta Zunze Ubumwe za Amerika, bakorana indirimbo ihimbaza Imana bise 'Narahindutse'.

Perezida w'iyi korali, Selemani Munyazikwiye yabwiye InyaRwanda ko bagarutse mu muziki mu buryo bweruye, kandi bizeza abakunzi babo kubaha ibihangano byiza.

Yavuze ati 'Ubutumwa twifuza kugeza ku bakunzi bacu, ndetse n'abanyarwanda aho bari hose muri rusange, n’uko nyuma y'igihe kinini bisa naho batatubona, ubu twagarutse, kandi tukaba twagarukanye umutima wo kubaha ibihangano bibubaka kandi bikoze neza.'

Yavuze ko myaka ishize bari mu ivugabutumwa atavuga ko ihuye n'ibikorwa n'ibihangano bashyize hanze hashingiwe mu miterere y'iyi korali n'uburyo bakoragamo mu bihe byashize.

Yavuze ati 'Ni urugendo ugendeye ku myaka tumaze mu ivugabutumwa, umuntu atavuga ko rwabayemo umusaruro mu bikorwa no mu bihangano bijyanye n'iyo myaka. Ariko nabyo bikaba byaragiye biterwa n'impamvu nyinshi. Zimwe zishingiye ku miterere Maranatha Family Choir yari ifite ndetse n'uburyo yakoragamo.'

Maranatha Family Choir muri iki gihe igizwe n'abaririmbyi 11. Selemani asobanura ko kuba hari abanyamuziki bazwi bayinyuzemo, byateye benshi amatsiko bifuza kuyimenya mu buryo bwisumbuyeho, bituma n'ibihangano byabo birebwa.

Akomeza ati 'Hari icyo byafashije rwose (Kuba hari abantu bayinyuzemo bazwi). Kimwe byagiye bitera amatsiko abantu benshi yo gushaka kumenya iryo tsinda ry'abaririmbyi abo bantu bazwi bagiye banyuramo, bikaba byaberekeza ku kumva ibihangano byacu.'

Yavuze ko mu gukora ibihangano by'abo n'ibitaramo n'ibindi, kenshi bisunga ubunararibonye bw'abayinyuzemo barimo Ishimwe Karake Clement wanabakoreye iyi ndirimbo 'Tuma umuntu aseka' mu buryo bw'amajwi (Audio).

Selemani akomeza ati 'Ikindi n'uko hari ubunararibonye abo bantu bazwi banyuzemo usanga natwe butugirira umumaro. Nk'urugero uyu munsi ubunararibonye Clement Ishimwe afite mu ruganda rw'umuziki ntawabura guhamya ko budufitiye umumaro mu byo dukora.'

Yavuze ko iyi ndirimbo basohoye bayanditse bashingiye ku bihe abantu bari kunyuramo muri iki gihe, aho mu itangazamakuru humvikana inkuru z'abantu biyahuye, abantu bigunze bitewe n'ibyo bari kunyuramo, kandi ugasanga hari agahinda gakabije kugeza no mu bakiri bato.

Selemani ati 'Hari n'ukuntu usanga kwita ku bandi bigabanuka bitewe n'uko buri wese yihugiyeho. Ubutumwa rero twashakaga gutambutsa muri iyi ndirimbo, ni ubwo gutuma nk'abantu dukanguka, tugaha agaciro impinduka nziza dushobora kurema muri bagenzi bacu, ahari umubabaro, agahinda, kwiheba, kwigunga n'ibindi nkabyo; tukagira uruhare rwo gutuma hagaruka inseko y'ibyishimo n'icyizere.'

Uyu muyobozi yavuze ko muri iki gihe bahugiye mu gusohora indirimbo zinyuranye, aho gukora album imwe bahurizaho ibihangano by'abo. Kandi avuga ko muri uyu mwaka muri gahunda bafite nta gitaramo bateganyamo.

Imyandikire y'indirimbo z'iri tsinda muri iki gihe yibanda ku mpinduka nziza abantu bakwiriye kugira ku bandi, bibukiranya ubutumwa bukwiriye ikiremwa-muntu.

 

 

Maranatha Family Choir yatangaje ko yagarutse mu muziki mu buryo bweruye nyuma y'imyaka itatu yari ishize

Maranatha yavuze ko yanditse indirimbo 'Tuma umuntu useka' bashingiye ku bihe Isi iri kunyuramo muri iki gihe

Maranatha bavuga ko mu rugendo rwabo rw'umuziki bisunga cyane ubunararibonye bw'abantu bayinyuzemo

Iyi korali yamamaye mu ndirimbo zirimo nka ‘Icyizere’, ‘Uri uwera’, ‘Nzaririmba’ n’izindi

KANDA HANO UREBE AMASHUSHO Y'INDIRIMBO 'TUMA UMUNTU ASEKA'

MARANATHA BAHERUTSE GUHUZA IMBARAGA NA NEL NGABO NA JOHN BAKORANA INDIRIMBO ‘NARAHINDUTSE’

“>

Igisirikara cya Afurika y'Epfo cyahamagaje mu gihugu abasirikare bacyo umunani bashinjwa imyifatire mibi yo kujya mu buraya mu butumwa barimo mu burasirazuba bwa Repubulika ya Demokarasi ya Congo.

Abo basirikare bacyekwa bari mu butumwa bwa MONUSCO mu ntara ya Kivu ya Ruguru. Mu cyumweru gishize bwatangaje ko bwafashe ingamba zirimo kubahagarika no kubafunga mu gihe harimo gukorwa iperereza.

Stéphane Dujarric, umuvugizi w'umunyamabanga mukuru wa ONU, mu cyumweru gishize yatangaje ko abo basirikare 'mu gihe cy'amasaha y'umukwabu bagiye mu kabari kazwiho kuba ahantu hakorerwa uburaya' hafi y'umujyi wa Beni.

Yongeyeho ko abapolisi bo muri ubu butumwa bageze ahabereye ibyo 'basagariwe kandi bagakangwa n'abagize izo ngabo', ubwo bari bagiye guta muri yombi abashinjwa.

Munezero Aline wamenyekanye nka Bijoux muri filime y’uruhererekane ya Bamenya, yavuze ko namara kuganira na Dr. Rev. Antoine Rutayisire akumva ibyo amushinja ari byo yiteguye kumusaba imbabazi.

Muri Mutarama 2022 nibwo Bijoux yakoze ubukwe na Lionel Sentore aho imbere y’Imana basezeranyijwe na Dr. Rev. Antoine Rutayisire. Gusa ntabwo urugo rwabo rwashinze imizi kuko bahise batandukana bidateye kabiri.

Ubwo inkuru z’uko batandukanye zari zishyushye ni nabwo haje inkuru y’uko bakoze ubukwe basezerana imbere y’Imana kandi batarigeze basezerana imbere y’Imana y’Amategeko kandi mu kugira ngo usezerane ubanza kwerekana ko wasezeranye imbere y’amategeko.

Aha rero niho abantu batangiye kwibaza uko Dr. Rev. Antoine Rutayisre yaba yarabasezeranyije, nibwo na we yaje kumvikana avuga ko koko niba ariko bimeze baba baramubeshye. Gusa ngo si amakosa ye kuko mu idini haba hari ushinzwe kubireba we icyo akora ari umuhango wo kubasezeranya.

Bijoux utifuza kubivugaho byinshi, mu kiganiro yagiranye n’ikinyamakuru ISIMBI, abajijwe niba azasaba imbabazi Rutayisire kubera ko bamubeshye, yavuze ko koko nasanga barakosheje azamusaba imbabazi.

Ati “Nabeshye Antoine [Rutayisire] ntabwo nabeshye abantu bo ku ISIMBI, mu kumusaba imbabazi, ni Antoine nzazisaba. Niba naramubeshye nzagenda mwegere mubaze nti ese Pastor nakubeshye gute cyangwa nakubeshye guutya ni urugero, mbabarira cyangwa mubwire nti ntabwo nakubeshye bitewe n’ikiganiro njye na we tugiranye, nimbona ari ngombwa nzazisaba.”

Mu kiganiro aheruka kugirana n’ikinyamakuru ISIMBI, Lionel Sentore yavuze ko nyuma y’ubukwe hari ibyo batumvikanyeho bahitamo gutandukana.

Ati 'Ikibaye ni uko tutumvikanye. Kuba tutarumvikanye haba hakubiyemo ibintu byinshi.'

Nyuma yo gutandukana na Lionel Sentore, Bijoux akaba mu mpera z’umwaka ushize yaribarutse ubuheta aho bivugwa ko asigaye anafite undi mugabo bibanira ari na wese w’umwana we.

Si ibanga kandi ko hari abahanzi nyarwanda babashije kuzana injyana zitari zimenyerewe mu Rwanda, babasha kwigarurira imitima ya benshi ku buryo kugeza n’ubu usanga bacyibukwa nubwo baba bamaze igihe batagaragara mu muziki.

Muri aba bahanzi bahinduye amateka y’umuziki nyarwanda, higanjemo abawukoze mu bihe byashize ari nabo bagize uruhare mu kuwubaka bagacira inzira barumuna babo bagezweho muri iyi minsi. Mu by’ukuri abahanzi bubatse umuziki Nyarwanda ni benshi gusa harimo abagera kuri 20 babashize kuzana impinduka ku buryo batazanibagirana mu mitima ya benshi bitewe n’ibihangano byabo.

Mu gice cya mbere cy’iyi nkuru turagaruka ku bahanzi 10 baranzwe no guhindura umuziki nyarwanda bakawuteza intambwe bakaba bakiri mu mitima ya benshi kabone nubwo magingo aya bamwe muri bo batakiwubarizwamo:

1. Makonikoshwa

Makonikoshwa, ni izina rifite ibigwi mu muziki w'u Rwanda kuva mu myaka yo hambere. Uyu muhanzi yatangiriye umuziki muri Uganda mu 2004 aza kwimukira mu Rwanda aho yakomokaga ariko atarahakuriye.

Makonikoshwa yavukiye muri Uganda aba ari naho akurira. Ku bw'amateka mabi yahagiriye uyu muhanzi ntabwo yabashije kwiga amashuri yisumbuye ngo ayarangize kuko yapfushije ababyeyi akiri muto.

Uyu mugabo yavuze ko ubuzima bwatangiye kumusharirira mu buto bwe nyuma y'urupfu rwa Se.

Makonikoshwa nyuma y'uko ubuzima bw'ishuri bwanze yatangiye kubaho mu bushaririye, yaje kwimukira Kampala aho yanatangiriye gukina umupira nyuma aza kuririmba. Uyu muhanzi avuga ko yagiye mu muziki aherekeje umusore w'inshuti ye wavaga mu muryango w'abakire.

Uwari waherekejwe kuririmba neza byaramunaniye bituma Makonikoshwa amufasha muri studio, byaje kurangira ubuhanga yagaragaje butumye bashwana.

Uyu mugabo yatangiye kujya acuranga mu kabyiniro kamwe kabagamo Abanyarwanda, aha yahahuriye n'umusore witwaga Kayibanda wari n'umunyamakuru amusaba ko bakorana indirimbo 'Mariya Rose'.

Bari gukorana iyi ndirimbo nyiri studio yamusabye ko yakora album y'indirimbo esheshatu z'ubuntu, yakoze “Christmas”, “Bonne Année”, “Agaseko”, “Nkunda kuragira” n'izindi zinyuranye zakunzwe cyane.

Mu 2006 Makonikoshwa yahamagawe na KNC wari wamutumiye mu gitaramo anamwishyura neza, iki gihe ngo yahakoze akazi abantu bamwereka urukundo rukomeye.

Nyuma Makonikoshwa yigiriye inama yo gutaha ngo akorere umuziki mu Rwanda ndetse anahashinga studio. Ntabwo byamuhiriye kuko ibyuma bya studio ye byaje kwibwa bituma umugambi we usa n'usubiye inyuma asubira muri Uganda.

Izina rye ryari ryakuze cyane muri Uganda gusa atatumirwa mu bitaramo ibyo aribyo byose uretse iby'Abanyarwanda. Makonikoshwa yaje gufata icyemezo cyo gutaha ava muri iki gihugu cy'igituranyi yimukira mu Rwanda gutyo mu 2008 nubwo mbere yaho yakunze gukorera ibitaramo ku butaka bw'u Rwanda.

Uyu mugabo yamenyekanye mu ndirimbo zirimo 'Nkunda kuragira', 'Mujyane', 'Agaseko' n'izindi nyinshi.  Makonikoshwa ntaherutse kugaragara mu muziki gusa ari mu bahanzi nyarwanda batazibagirana.

2. Senderi Internatioanal Hit

Ubu uyu muhanzi yitwa Eric Senderi Nzaramba, yavukiye mu Ntara y'i Burasirazuba mu Karere ka Kirehe, Umurenge wa Nyarubuye, Akagari ka Nyarutunga ubu atuye mu mujyi wa Kigali.

Uyu mugabo yavutse tariki 15 Werurwe 1977, mu muryango w'abana icyenda. Yigeze gutangaza ko yinjiye mu muziki nyuma yo kuba mu itorero.

Gushyushya bagenzi be ubwo yari ari mu gisikare avuga ko biri mu byamufashije mu muziki. Aza kuvamo atangira guhimba indirimbo zivuga kuri Jenoside yakorewe abatutsi mu 1994 nk'iyitwa Intimba y'Intore z'Imana, Humura ntibizongera, Nyarubuye Iwacu, Twigirire Icyizere n'izindi nyinshi.

Nyuma yakoze indirimbo zivuga ku buzima busanzwe, nka Abanyarwanda Twaribohoye, Abasore Bariho Nta Cash, Reka Jalousie, Ndanyuzwe, Sofia, Umunyana, Kora, Abareyo, APR FC, Sukura Umujyi, Stop Nyakatsi, Cyusa n'izindi.

3. MC Mahoniboni

Amazina asanzwe yitwa Bienvenue Mahoro Ruhungande. Mc Mahoniboni ari mu bahanzi ba mbere bakundishije Abanyarwanda injyana ya Hip-Hop itari imenyerewe, mu gihe mu Rwanda humvikanaga cyane abahanzi nka Cassanova na DMS.

Yatangiye gushyira hanze ibihangano bye mu 1997. Mu 1999 yasohoye indirimbo yise 'Malariya ni Indwara y'Icyorezo kandi Yica'. Iyi ndirimbo yanakoreshejwe na Minisiteri y'Ubuzima muri gahunda yo kurwanya Malariya mu 2000.

Indirimbo zatumye arushaho kumvikana no kumenyekana cyane mu Rwanda ni 'Dusenge', 'Kubaka Izina', 'Twitabire Imirimo'. Izo ndirimbo akaba yarahise azishyirana hanze n'izindi umunani zari kuri album yise 'Ubutumwa” zatumye yamamamara mu Rwanda.

Mu 2009, uyu muhanzi yaje kwerekeza mu Buholande. Kuva ubwo kugeza ubu ntiyongeye kugaragara mu muziki nyarwanda gusa ntibimubuza kuba afatwa nk’inkingi ya mwamba mu kubaka injyana ya Rap/Hip Hop mu Rwanda.

4. Miss Jojo

Ubusanzwe yitwa Uwineza Josiane. Yamenyekanye mu ndirimbo zitandukanye zirimo 'Respect', 'Beletlide', 'Tukabyine' yakoranye na Rafiki, 'Nganirira', 'Inshuti' n'izindi nyinshi.

Ni umwe mu bakobwa bafashe iya mbere mu muziki nyarwanda wari ukiri kuzahuka nyuma ya Jenoside yakorewe Abatutsi ndetse abahanzi bamwe bari ibihangange barahitanywe nayo.

Ubusanzwe yavukiye mu Bugesera mu 1982. Yatangiye kumenyekana mu 2007 mu gihe ariwe mukobwa wari imbere mu b’igisekuru yajemo. Yarakunzwe karahava ndetse anatuma abakobwa bamwe bamukurikiye mu muziki batinyutse bakawinjiramo. Ubu ntabwo akibarizwa mu muziki.

Uyu muhanzikazi ufatwa nk’uw’ibihe byose mu Rwanda, aherutse gutangariza InyaRwanda ko ntagahunda afite yo kugaruka mu muziki nubwo abisabwa na benshi bamukumbuye.

5. The Brothers

Ni itsinda ryamenyekanye cyane mu muziki w'u Rwanda. Ryari rigizwe na Victor Fidele[Koudou], Danny Vumbi na Zigg 55.

Ryatangiye kuririmba mu 2004 ubwo bari bakiri babiri gusa, Danny na Victor Fidele. Ziggy yaje kwinjiramo mu 2006.

Kugira ngo iri tsinda rivuke, umuhanzi Victor Fidele yahuriye na Danny Vumbi muri Kaminuza y'u Rwanda ishami ry'uburezi rizwi nka KIE ni uko yumva aririmba neza biyemeza gutangirana urugendo rw'ubuhanzi.

Iri zina baryiyise babikomoye ku rugero rubi u Rwanda rwanyuzemo nuko biyemeza kubaho bitwa abavandimwe. Danny Vumbi yigeze gutangaza ko iri zina barikomoye ku mateka y'u Rwanda, ati 'Nyuma ya Jenoside yakorewe abatutsi mu Rwanda twabonye nta kindi gishobora kubafasha uretse kubana nk'abavandimwe nuko twiyita The Brothers'.

Iri tsinda ryatwaye igihembo bitandukanye birimo icya Never Again 2004, PAM Awards 2006, Salax Awards 2008, Ijoro ry'Urukundo Awards 2009 na East African Music Awards 2011 n'ibindi.

Iri tsinda ryamenyekanye mu ndirimbo zirimo 'Ikirori', 'Yambi', 'Nyemerera', 'Nagutura iki ?' n'izindi. Iri tsinda ryatandukanye mu 2013.

6. Cassanova

Cassa Manzi wamenyekanye nka Daddy Cassanova ni umwe mu bahanzi bashyize itafari rikomeye ku muziki w'u Rwanda mu bihe bya nyuma ya Jenoside yakorewe Abatutsi mu 1994.

Uyu muhanzi yatangiye umuziki mu 1998 ari umubyinnyi mu itsinda rya Cool Family. Ubwo ryatandukanaga mu 2006 yahise atangira kuririmba ku giti cye nk'umuhanzi wigenga.

Uyu muhanzi yamenyekanye mu ndirimbo nka 'My Dance Floor', 'Ihorere', 'Imyaka itatu' iyatumye izina rye ritumbagira, 'Ishiraniro' ya Phocas Fashaho yasubiyemo n'izindi. Uyu muhanzi ubu abarizwa muri Canada.

7. Mani Martin

Mani Martin afatwa nk'umwe mu bahanzi b'abahanga u Rwanda rufite ubu. Uyu muhanzi mu myandikire ye yibanda ku rukundo ndetse no gukangurira abantu kugira ubumwe n'amahoro.

Mani Martin asanzwe afite  album eshanu ziriho indirimbo ziganjemo izakunzwe, Isaha ya 9 yasohotse mu 2007, Intero y'amahoro (2011) n'iyitwa My Destiny yagiye hanze mu 2012.

Album aheruka gushyira hanze ni iyo yise 'AFRO' igizwe n'indirimbo 15 yahanze agendeye ku bitekerezo yasomye mu ibaruwa Patrice Lumumba yandikiye umugore we amubwira ko Afurika izagera igihe ikiyandikira amateka yayo uko ari.

Mu rukurikirane rw'indirimbo zigize album ya Mani Martin hariho iyitwa Afurika Ndota, Mwarimu, Karibagiza, Kinyaga, Afro, Ndaraye, Iyizire, Chalala, Sogea, Rubanda, Baba ni nani, Umumararungu, Akagezi ka Mushoroza, Serafina, Same room n'izindi.

Mani Martin yatangiye umuziki akiri umwana muto aririmba indirimbo zihimbaza Imana, kugeza ubu ari mu bahanzi nyarwanda batazibagirana mu mitima ya benshi kubera ubutumwa acisha mu bihangano bye.

8. Kode (Faysal)

Ngeruka Fayçal wahisemo kwiyita Kode ukorera umuziki mu Bubiligi, ni umwe mu bahanzi bamamaye mu muziki nyarwanda mu myaka yo hambere nawe akaba umwe mu bafashe iya mbere mu kuwuteza imbere mu bihe byari bigoye.

Uyu muhanzi ni umwe mu bamamaye cyane mu Rwanda mu muziki mu myaka irenga icumi ishize. Yaririmbye indirimbo zitandukanye zakunzwe 'Impeta' yabaye n'ikirango kuri we, 'Ikirungo', 'Ese uzabyihanganira', 'Igikomere', 'Sinzahinduka' yakoranye na Urban Boyz n'izindi.

Yakoze indirimbo nyinshi zitandukanye zatumye ubuhanga bwe bushimwa na benshi ndetse zirakundwa ku buryo buhambaye zinatuma anitabira amarushanwa atandukanye mpuzamahanga arimo 'Imagine Afrika' na 'Idols 2007'. Kugeza ubu Kode nawe ashyirwa mu bahanzi nyarwanda bazamuye umuziki ndetse bakaba bibukwa na benshi.

9. KGB

Iri tsinda ryamenyekanye mu Rwanda mu myaka yo hambere nka Kigali Boyz mu mpine bikaba KGB. Ryari rigizwe n'abasore batatu barimo Mr Skizzy, Hirwa Henry witabye Imana mu 2012 na Manzi Yvan Pitchou [MYP].

KGB yatangiye mu 2004 yamenyekanye mu ndirimbo zirimo Arasharamye, Abakobwa b'i Kigali, Byasaze n'izindi. Uwavuga ko iri tsinda ryaciriye inzira andi matsinda mu muziki ntabwo yaba agiye kure y’ukuri. Indirimbo za KGB nubwo zimaze igihe ariko ziri mu zigikunzwe ubu usanga benshi banazumva bagakaraga umubyimba. Muri izo ndirimbo harimo nka ‘Arasharamye’, ‘Uko Tubigenza’, ‘Ndagukunda’ hamwe n’izindi zakunzwe.

10. Miss Shanel

Ubusanzwe yitwa Ruth Nirere Shanel ari yamenyekanye nka Miss Shanel, ni umwe mu bahanzi bakomeye bagize uruhare rukomeye mu muziki nyarwanda byumwihariko nk'igitsina gore.

Asanzwe afatanya umuziki no gukina filime, yakunzwe cyane muri filme zirimo 'Le Jour Où Dieu est Parti en Voyage (The Day God Walked Away) yasohotse mu 2008 hamwe , The Mercy of the Jungle yagiye hanze mu 2018 na Long Coat yo mu 2009.

Uyu muhanzikazi yatangiye umuziki mu 1998. Yatangiye kumenyekana mu 2004 aba umwe mu bakobwa babimburiye abandi nyuma ya Jenoside ndetse aranahirwa muri muzika.

Yamenyekanye mu bihangano bitandukanye birimo 'Ndarota', 'Nakutaka' yakoranye Wyre wo muri Kenya, 'Ubufindo', 'Ndagukunda Byahebuje' n'izindi nyinshi.

Mu gice cya Kabiri cy’iyi nkuru tuzagaruka ku bandi bahanzi barimo The Ben, Meddy, Tom Close, Tuff Gangs, Riderman,King James n’abandi bagize uruhare mu guhindura amateka y’umuziki nyarwanda batazibagirana mu mitima y’abafana.

'Christmas Carols Concert” ni kimwe mu bitaramo bikomeye biba bitegerejwe n'Abakristu benshi cyane cyane abo muri Kiliziya Gatolika mu mpera z'umwaka, biturutse ku kuba abaririmbyi b'iyi korali bafasha abantu gusoza neza umwaka begerana n'Imana.

Chorale de Kigali ivuga ko izakorera iki gitaramo mu nyubako y'imyidagaduro ya BK Arena, kandi bizahuzwa no kwizihiza imyaka 10 ishize bategura igitaramo nk'iki.

Mu bihe bitandukanye igitaramo nk'iki cyabereye ahantu hatandukanye harimo na Kigali Conference and Exhibition Village ahazwi nka Camp Kigali, kandi ibihumbi by'abantu byagiye byitabira, bagataha banyuzwe n'ubuhanga bw'abaririmbyi bagize iyi korali.

Nko mu 2019, iki gitaramo cyabereye muri Camp Kigali, biba ngombwa ko hari abantu basubirayo kubera ko imyanya yari yateguwe yari yuzuye.

Perezida wa Chorale de Kigali, Bwana Hodari Jean Claude, yabwiye InyaRwanda ko bagiye gukora iki gitaramo bishimira imyaka 10 ishize bahuriza hamwe Abanyarwanda n'abandi mu busabane n'Imana, kandi avuga ko buri mwaka wabaga ufite umwihariko wawo mu mitegurire n'imiririmbire.

Yavuze ko n'ubwo Isi yahuye n'amakuba arimo n'icyorezo cya Covid-19, ariko bishimira ko nta mwaka n'umwe bigeze basimbuka mu gukora iki gitaramo kuva mu 2013.

Hodari ati 'Kuba tutarigeze dusimbuka umwaka n’umwe tudakoze Christmas Carols Concert kuva 2013 no mu bihe bya Covid-19 bigakunda; ni ibyo kwishimira.'

Akomeza ati 'Kuba buri mwaka byarabaga byiza kurusha umwaka wabanje haba mu mitegurire no mu buhanga bwo kuririmba, kandi ababyitabira bagakomeza kwiyongera; nabyo ni ibyo kwishimira.'

Hodari Jean Claude avuga ko bafite ishimwe rikomeye ku muterankunga Mukuru, Sanlam bagendanye urugendo rukomeye kuva mu 2013 bahuriza abakristu mu byishimo bya Noheli buri mwaka.

Akomez ati 'Kuba umuterankunga witwa Sanlam twaratangiranye muri 2013 akaba atarasibye kubana natwe n’umwaka n’umwe no mu gihe cya Covid-19 kandi ubu abaterankunga bakaba batarahwemye kwiyongera.'

Uyu muyobozi avuga ko iki gitaramo bategura buri mwaka cyatinyuye andi makorali abona ko bishoboka gutegura ibitaramo nk'ibi byagutse birenze kuba baririmba mu rusengero.

Yavuze ati 'Kuba hari ayandi makorari aririmba neza yaboneyeho gutinyuka gutegura ibitaramo bya buri mwaka bigafasha igihugu muri rusange gususuruka mu mpera za buri mwaka (nabyo ni ibyo kwishimira).'

Hodari yavuze ko muri iki gitaramo bazakora ku wa 17 Ukuboza 2023, abazakitabira bakwiye kwitega kuzaboan imbuto z'imyaka 10 bamaze bakora 'ibi bitaramo harimo ubuhanga mu kuririmba no gucuranga bwiyongereye'.

Kandi avuga ko bazahitamo indirimbo bazaririmba bashingiye 'ku byo twabonye bikenewe n’abantu benshi harimo n’indirimbo nshya'.

Uyu muyobozi yavuze ko bahisemo gukorera igitaramo muri BK Arena mu rwo gufasha abantu kubona ahantu hagari ho gushimira Imana, kandi mu biciro biboneye buri wese. Yungamo ati 'Ibindi bisigaye ni agaseke gapfundikiye ntitwabivuga byose.'

Chorale de Kigali yashinzwe mu 1966 imaze kuba ikimenyabose mu Rwanda ndetse no mu mahanga kubera indirimbo zihimbanywe kandi zikaririmbanwa ubuhanga igenda igeza ku bakunzi bayo haba mu bitaramo, muri gahunda zitandukanye iririmbamo ndeste n'izo ibagezaho kuri shene yabo ya Youtube.

Intego yabo nyamukuru (RGB), ni uguteza imbere umuziki wanditse ku rwego mpuzamahanga.

Chorale de Kigali yagiye ikora ibitaramo byinshi mu Rwanda no hanze, harimo Misa zisanzwe, amasengesho, ibitaramo ndetse n'ibindi birori byinshi by'umuco mu gihugu.

Iyi korali yamye ifite umubare munini w'abatunganya n’abahimbyi b’umuziki wa chorale mu Rwanda. Abamenyekanye cyane muri bo ni Saulve Iyamuremye, Apollinaire Habyarimana Dr. Jean Claude Byiringiro, Dr. Alfred Ngirababyeyi, Pacifique Tunezerwe n'abandi.

Chorale de Kigali yakunze gutanga ibyishimo binyuze mu ndirimbo zirimo 'Ijuru n'Isi nibirangurure', Comme un enfant, Fernando, Tubifurije Noheli Nziza, Ma Vie c'est le Christ, Indabo za Mariya, 'Reçois l'adoration', Adeste Fideles, 'Ab'ijuru baririmba', Kleinzac, n'izindi. Chorale de Kigali yatangaje ko ku wa 17 Ukuboza 2023 izakorera igitaramo muri BK Arena bise “Christmas Carols Concert” 

Chorale de Kigali igiye gukora iki gitaramo yizihiza imyaka 10 ishize igitegura

Chorale de Kigali ivuga ko ifite byinshi byo kwishimira muri iyi myaka 10 ishize bafasha abakristu kwinjira mu byishimo bya Noheli

KANDA HANO UREBE AMASHUSHO Y'INDIRIMBO ‘NDARATA UMWAMI’ YA CHORALE DE KIGALI

“>

Tugiye kugaruka kuri Kiyovu Sports imaze imyaka ibiri ibura igikombe cya shampiyona ku munota wa nyuma, none kuri ubu abakinnyi bayo bakaba bari kuza ku myitozo n’amaguru.

Mu ntangiriro z’uyu mwaka w’imikino nibwo umwuka mubi watangiye gututumba muri iyi kipe yo ku Mumena, Biryogo na 40. Bijya gutangira byahereye  ubwo habaga ubwumvikane buke hagati ya Juvenal wari uyoboye iyi kipe ndetse na Ndorimana Jean Francois Regis wari umuyobozi wa Association.

Aba bagabo ntabwo bumvikana ku buryo bw’imisinyishirize y’abakinnyi, aho Juvenal yashakaga ko ikipe yasinyisha abana bakiri bato badahenze, kuko bari bamaze igihe bakoresha amafaranga menshi mu gusinyisha abakinnyi no kubatunga. Ndorimana Jean Francois yifuzaga ko ikipe yakomeza kugura abakinnyi b’amazina ari naho hatumye asinyisha Niyonzima Olivier Seif atabyumvikanyeho na Mvukiyehe Juvenal, bituma barushaho gushwana.

Mvukiyehe na Ndorimana, akenshi mu itangazamakuru basaga nk’abasenyera umugozi umwe

Tariki 26 Nzeri 2023 ni bwo Komite Nyobozi ya Kiyovu Sports yateranye ifata umwanzuro ko Kiyovu Sports Limited iyobowe na Mvukiyehe Juvénal yamburwa by'agateganyo ububasha ku micungire y'iki kigo cy'ubucuruzi nka kimwe mu bigize Umuryango wa Kiyovu Sports kubera amakosa yagiye ikora mu bihe bitandukanye agateza imyenda iremereye n'igihombo.

Bidatinze Mvukiyehe Juvenal amaze gusubizwa inyuma, nibwo hatangiye kugaragara impinduka ndetse hari n’izakoze ku bakinnyi ko kubura uko bagera ku kibuga. Bidatinze, Mvukiyehe Juvenal yahise ahagarika imodoka yatwaraga abakinnyi avuga ko bajya bayikodesha.

Mvukiyehe yaje guhamagarwa na bamwe mu bayobozi b'Umuryango bamusaba ko yabaha imodoka ikajyana abakinnyi ku myitozo, yabasubije ko bayikodesha kuko niba yanditse kuri Kiyovu Sports Limited kandi iki kigo cy'ubucuruzi kikaba cyahagaritswe by'agateganyo mu bikorwa n'imicungire y'ikipe, ubwo n'imodoka yahagaritswe.

Abakinnyi kujya ku myitozo byatangiye kuba induru

Nk’uko amasezerano abibemerera, Kiyovu Sports niyo igomba kugeza abakinnyi ku myitozo, ndetse ikanabacyura. Abakinnyi rero batangiye kubura imodoka basabwe ko bajya baza ku myitozo ubundi bagasubizwa amafaranga bakoresheje.

Bamwe mu bakinnyi batangiye gukoresha amafaranga yabo ariko ntibayasubizwa

Uyu mukinnyi yanditse ataka avuga ko akeneye gusubizwa amafaranga yakoresheje. Yagize Ati” Njye maze iminsi 2 nitegera Team Manager yambwiye ko aza kumpa ibihumbi 4 Frw ariko ntayo yampaye  kugera n’ubu maze kongeraho 1500 Frw Njye ndashaka gusubizwa amafaranga yanjye, bitari ibyo ntabwo nzagaruka mu myitozo.”

Juvenal yasize Kiyovu Sports ifite Miliyoni 10

Ubundi zimwe mu mpamvu zatumye ubuyobizi bwa Kiyovu Sports Association bwirukana Juvenal, bwavugaga ko bamaze kubona aho akura amafaranga, kandi nabo bafite ubushobizi bwo kuyahakura.

Imodoka yari iya Kiyovu Sports, iri mu karuhuko 

Ubuyobizi bwa Ndorimana Jean Francois Regis bwavugaga ko Mvukiyehe Juvenal akura amafaranga mu mujyi wa Kigali, ayo abantu baba hanze bamuha, ndetse n’ibindi byinshi, bakemeza ko nabo ibyo babifitiye ubushobozi ayo mafaranga bazakomeza kuyabona.

Mvukiyehe Juvenal amaze kugenda Ndorimana na komite ye bari bafite Miliyoni 10 z’amanyarwanda ari nayo yagombaga gutunga ikipe. Aya mafaranga bashatse uko bayongera ngo bahembe abakinnyi ariko amafaranga yanga kugwira dore ko no munshuti na Ndorimana hari abitangaga ibihumbi 3 Frw  ngo bijye gutunga ikipe.

Ndorimana na komite ye bahisemo guhemba abakinnyi bamwe

Mu gihe za Miliyoni 10 zabuze gisunika, Ndorimana Jean Francois Regis yahisemo guhemba abakinnyi bamwe. Ubuyobizi bwafashe umwanzuro wo guha abakinnyi bake amafaranga rwihishwa kugira ngo ubuzima bukomeze, ariko abakinnyi batahembwe barabimenya.

Abakinnyi bari kugira ibyago bakabura umuryango ubatabara

Fofo Cabungula ni umukinnyi mushya wa Kiyovu Sports, uyu musore, aherutse gupfusha mushiki we ndetse asaba uruhushya rwo kujya kumureba bwa nyuma ariko biba ibibazo kuko ikipe yari imurimo amafaranga ntiyagira n’igiceri cy’icumi imuha.

Gusa nubwo ikipe iri mu bibazo, amanota araboneka kuko ubu iri ku mwanya wa 4 n’amanota 12 

Mu gihe mushiki wa Fofo yitabaga Imana, ni nabwo Kiyovu Sports yahise ihemba abakinnyi bamwe uyu musore nawe ajya mu bakinnyi batahawe n’igiceri gitoboye.

Ndorimana Jean Francois Regis na komite ye, bari gusaba umuhisi n’umugenzi

Mu minsi ishize, ubwo Kiyovu Sports yiteguraga kwerekeza i Huye gukina n’Amagaju FC, umwe mu bagize komite ya Ndorimana, yoherereje ubutumwa umuntu twari twicaranye amusaba ko niba hari udufaranga afite yabaha, ikipe ikaba yajya i Huye. Uyu muntu yambwiye ko usibye isoko yakoranye na Kiyovu Sports atari umuntu wo kuyiha amafaranga kuko atanayifana.

Ndorimana Jean Francois Regis yasabye abakinnyi ko bamuterura kugira ngo abahe amafaranga

Kuri uyu wa Gatandatu ubwo Kiyovu Sports yatsindaga Marine FC ibitego 2-1 abakinnyi bari bijejwe ko bari buhabwe amafaranga yabo, ndetse ko bangomba kuza ku mukino imbaraga ari zose. Ndorimana Jean Francois Regis yaje ku mukino afite Miliyoni 1 y’amanyarwanda, yagombaga kugabanya abakinnyi umukino urangiye.

Mbere yo gutanga aya mafaranga, Ndorimana Jean Francois Regis yasabye abakinnyi ko babanza bakamuterura bakamunaga mu birere, ubundi nawe akabona kubaha amafaranga. Abakinnyi nk’abantu bari bifitiye ubukene, baramuteruye baramusimbiza, maze amahoro arahinda.

Ndorimana yarongeye akora ikosa aha amafaranga abakinnyi bamwe

Ya miliyoni 1 twavuze haruguru, Ndorimana Jean Francois Regis umukino urangiye yahisemo kuyiha abakinnyi 20. Hari Abakinnyi bari baje ku mukino, gusa batari ku rutonde, abo ntacyo bahawe. Haje kuba imvururu zikomeye aho abakinnyi batahawe amafaranga bavugaga ko ari ukubakina ku mubyimba kuko niba nta mushahara, nabo bakabaye babona ku dufaranga.

Ndorimana Jean Francois Regis na mushuti we Mbonyumuvunyi Abdul Karim usanzwe ari na Vise Perezida babonye ibintu bibaye induru, baranyonyombye, ndetse bahita bakuraho telephone.

Nta musitafu n’umwe urabona ifaranga ry’ingoma ya Ndorimana

Usibye ubuvugizi umutoza Petros Koukouras yakoreye abakinnyi kuri uyu wa Gatandatu, buriya uko mumubona nta n’igiceri cy’ijana arabona kuva Ndorimana Jean Francois Regis yafata Kiyovu Sports. Yaba uyu mutoza, abatoza bungirije abita ku bikoresho by’ikipe ndetse n’abandi, nta n’umwe urabona ifaranga ndetse n’amafaranga atanzwe ahabwa abakinnyi nabo bake.

Imishahara yo ni ibindi bindi

Harabura iminsi mike Kiyovu Sports ikuzuza amezi abiri idahemba. Abakinnyi bari barabyakiriye, bavuga ko nta bundi buryo buhari gusa amafaranga yatanzwe ku wa Gatandatu agahabwa bamwe yatumye bakanguka. Kuva kuri uyu wa Mbere, biteganyijwe ko bamwe mu bakinnyi batangiye kwandika amabaruwa bishyuza Kiyovu amafaranga y’imishahara ibabereyemo.

Ikibabaje ni iki

Kiyovu Sports iri muri ibi bibazo nibura utavuga ngo ejo izabivamo. Amafaranga akomeje kubura kwa Ndorimana Jean Francois utavuga ngo ejo azayabona nibura ikipe ayisubize ku murongo. Bamwe mu bantu bari baramugiye mu matwi ngo abohoze Kiyovu Sports, amaze kuyibona bamweretse ko bahuze, muri make twavuga ko bamutabye mu nama. 

Umutoza Koukouras nubwo atoza ndetse akaba we nta kintu ahabwa, ashima Imana iyo abakinnyi abashije kubabona baje ku myitozo 

Mu mpera z’iki cyumweru Kiyovu Sports yabonye amanota atatu kuri Marine FC 

Ndorimana akeneye ayandi maboko kugirango ikipe izanzamuke

Bwa mbere kuva ikipe ya Inter Miami yashingwa igiye gukina imikino mpuzamahanga ya gicuti. Mu kwezi gutaha ku Ugushyingo izerekeza mu Bushinwa aho izakina n’amakipe abiri akina shampiyona y’icyiciro cya mbere muri iki gihugu.

Biteganyijwe ko taliki 05 izakina n’ikipe ya Qingdao Hainiu naho nyuma y’iminsi 3 taliki 8 ikine n’ikipe ya Chengdu Rongcheng. Iyi mikino yose ikaba izabera kuri sitade ya Phoenix Hill Football Stadium ifite ubushobozi bwo kwakira abantu barenga ibihumbi 60.

Iyi mikino yateguwe na Kompanyi ya NSN (Never Say Never) n’ubundi isanzwe itegura imikino ya gicuti ifatanyije n’indi yo mu Bushinwa yitwa Maijia Sports.

Nubwo Lionel Messi atazaba ari ubwa mbere agiye mu Bushinwa muri uyu mwaka, ariko ubwo aherukayo mu kwezi kwa Gatandatu yahahuriye n’uruva gusenya kuko yarafunzwe.  

Uyu mukinnyi yafungiwe ku kibuga cy’indege bitewe nuko yari yerekanye urwandiko rw’inzira (Passport) rwa Espagne aho kwerekana urwa Argentine, bituma aba afunzweho umwanya muto nyuma aza kurekurwa. 

Lionel Messi yari agiye mu Bushinwa asanzeyo bagenzi be mu ikipe y’Igihugu ya Argentine kuko niho bari bari kwitegura imikino ya gicuti bari bafitanye na Australia ndetse na Indonesia.

Lionel Messi ugomba kujyana na Inter Miami mu Bushinwa mu mikino ya gicuti 

Lionel Messi ubwo aheruka mu Bushinwa yarafunzwe