Category: Uncategorized

Umunya-Portugal, Bruno Fernandes yavuze ko ari abanyamugisha kuba barabyirutse babona Critsiano Ronaldo akina ndetse bamwe bakagira amahirwe yo gukinana na we kubera ko yazanye igitinyiro ku ikipe y’igihugu ya Portugal.

Cristiano Ronaldo ukinira Al Nassr muri Saudi Arabia ni umwe mu bakinnyi bafatwa nk’umwe mu beza Isi ifite cyangwa yagize, yashyizeho uduhigo akuraho utundi.

Bruno Fernandes ukinira Manchester United ndetse akaba yaranakinanye na Cristiano muri Manchester ndetse ubu bakaba bari kumwe mu ikipe y’igihugu ya Portugal, yavuze ko batakwirengagiza uruhare yagize kugira ngo benshi mu bakinnyi ba Portugal babe bari aho bari uyu munsi.

Ati “twese twemera imbaraga Cristiano afite, imbaraga n’impinduka Ronaldo yagize ku hazaza ha benshi muri twe abakinnyi ba Portugal, amahirwe yaremye ku hazaza h’abakinnyi, uburyo abandi batangiye gufatamo Portugal.”

Yakomeje avuga ko Cristiano yatumye ikipe y’igihugu ya Portugal itangira kubahwa, batangira no kuyitinya.

Ati “batangiye kutwubaha, ariko buri kimwe Cristaiano yagezeho byatumaga izina ryacu ritinywa kurushaho, turishimira kuba turi muri iki kiragano kubera ko ni iby’agaciro kubona Cristiano akina ndetse nkaba naranagize amahirwe yo gukinana na we kimwe n’abandi bakinnyi bagenzi banjye.”

Benshi bari bazi ko nyuma y’igikombe cy’Isi cya 2024, Cristiano Ronaldo azahita asezera umupira w’amaguru, gusa yaciye amarenga ko n’Igikombe cy’Isi cya 2026 nacyo azagikina.

Umwe mu baraperi bakomeye mu Rwanda, Riderman umaze iminsi ataramira abantu mu bitaramo biri kugana ku musozo bya MTN Iwacu Muzika Festival. Mu kiganiro yagiranye na InyaRwanda Tv, Riderman yavuze ko iyi 'Festival' muri rusange yagenze neza kuko abantu bari bakumbuye ibitaramo binini nka biriya.

Yasobanuye ko kimwe mu bigaragaza ko aho bigeze bimeze neza ari ubwitabire buri hejuru bukomeje kugaragara mu bitaramo, hatirengagijwe ko byamamajwe mu gihe gito cyane kitageze no ku kwezi. Yatanze urugero ku Karere ka Ngomba, avuga ko abantu buzuye ahari hateganijwe bakagera no mu muhanda.

Akomoza ku mbogamizi yabonye zabangamiye ibi bitaramo, yagize ati: ''Muri rusange byagenze neza, gusa amasaha yo gusorezaho yatumaga performances tuzikora abashinzwe umutekano baduhagaze iruhande badusaba gufunga kare.''

Uyu muraperi wongeye kwishimirwa ku rwego rwo hejuru, yashimiye inzego z'umutekano zabanye nabo, zigatuma ibitaramo byose by'iyi festival bimaze kuba biba mu mutekano wuzuye. Yaboneyeho no kubasaba ko bishobotse, babongerera amasaha bakajya basoza kuririmba saa tatu z'ijoro.

Riderman yavuze ko byari ibyishimo bikomeye kongera guhura n'abafana babo, cyane cyane ko hari hashize imyaka isaga ine badakora ibitaramo binini mu ntara kubera Covid-19.

Avuga ko icyamushimishije cyane ari ukubona abafana baririmbana nawe ijambo ku rindi indirimbo za Hip Hop. Ati: ''Nishimiye kubona abafana baririmbana natwe indirimbo za hip hop nyamara usanga akenshi ziba zidakinwa ku maradiyo bumva nk’izindi njyana. 

Bigaragaza ko ukuri n’iyo wagufungirana gute, ko kwishakira inzira kukagera hanze. Muri ibi bitaramo RAP yongeye kugaragaza imbaraga zayo.''

Kuwa Gatatu tariki 20 Nzeri 2023 ni bwo ibi bitaramo byatewe inkunga na MTN byatangiriye mu Majyaruguru mu Karere ka Burera, aho abahanzi batanu aribo: Bushali, Chriss Easy, Bwiza, Afrique na Niyo Bosco bataramiraga imbaga y'abantu yari ihateraniye. 

Ku wa 23 Nzeri 2023 nibwo abarimo Riderman, Bruce Melodie, Chriss Eazy, Bwiza, Alyn Sano, Niyo Bosco, Bushali na Afrique bakomereje i Musanze. Nyuma ya Musanze kuri 30 Nzeri 2023, aba bahanzi bose uko ari umunani bataramiye i Huye muri Kaminuza y'u Rwanda. 

Tariki 07 Ukwakira, aba bahanzi basigiye ibyishimo bisendereye abaturage b'i Ngoma. Ku ya 14 Ukwakira, ab'i Rubavu nibo bari batahiwe gususurutwa n'abahanzi 8 bahawe akazi mu bitaramo bya Iwacu Muzika.

Ibi bitaramo byari bimaze igihe bitaba kubera ingaruka z'icyorezo cya Covid-19, bitegenijwe ko bizasorezwa i Kigali muri BK Arena kuwa 25 Ugushyingo 2023.

Umuraperi Riderman ahamya ko ibitaramo bya MTN Iwacu Muzika Festival byaje bikumbuwe na benshi

Yavuze ko ibi bitaramo byongeye kugaragaza imbaraga za Rap

Kanda hano urebe uko Riderman yiyambaje Karigombe maze bagasusurutsa ab’i Rubavu

“>

  

Kageruka yabigarutseho kuri uyu wa Kabiri tariki 17 Ukwakira 2023 mu kiganiro n’itangazamakuru cyabereye kuri BK Arena, yahuriyemo n'Umuyobozi Mukuru wa Trace Group, Olivier Laouchez; Umuyobozi Mukuru wa BK Arena, Umuyobozi Ushinzwe imenyekanishabikorwa muri RwandAir, Haba Adijah Kamwesiga ndetse n'Umuyobozi w'ikigo Q&A Solutions, Kyle Schofield.

Kageruka avuga ko ushingiye aho umuziki ugeze, abahanzi b’abanyafurika bamaze kugera ku rwego mpuzamahanga, bityo ibyo bakora bitarebwa gusa n’abatuye Afurika, ahubwo byarenze imipaka.

Yasobanuye ko kuba abahanzi nyarwanda nabo bari ku rwego mpuzamahanga atari igitangaza, kuko ‘tuzi ko abahanzi bacu barashoboye’.

Kageruka yavuze ko buri uko u Rwanda rugize amahirwe yo kwakira ibikorwa nka Trace Awards n’ibindi, nk’Ikigo cy’Igihugu cy’Iterambere (RDB), bakora uko bashoboye inyungu ikagera ku banyarwanda.

Ati “Amahirwe u Rwanda ruzana buri gihe habaye ibikorwa nk’ibi ngibi cyangwa se ibitaramo nk’ibi tugiramo uruhare mu kuzana mu Rwanda bigomba kugirira  akamaro mbere na mbere abanyarwanda.”

Yavuze ko mu ntangiriro yo kwemeza ko ibi bihembo bizatangirwa mu Rwanda, abahanzi nyarwanda baganirijwe harebwa icyo bifuza. Biri mu byatumye Trace Africa ikora uko ishoboye kugirango abanyarwanda bazagaragare mu itangwa ry’ibi bihembo birimo no gushyiraho icyiciro cyihariye ku bahanzi nyarwanda gusa.

Kageruka avuga ko uruganda rw’ubuhanzi rukorana cyane bya hafi n’ubukerarugendo, bigatuma umubare w’abakerarugendo uzamuka. Ati “Ntabwo ubukerarugendo bwakunda habateho ibitaramo bizana abantu batandukanye bavuye mu bihugu bitandukanye.” 

Yatanze urugero avuga ko kuba ibihumbi by’abantu mu bihugu bitandukanye byo ku Isi barimo abahanzi barenga 60 bagiye kwitabira Trace Awards baremeje kuzaba bari i Kigali ari ‘ibintu by’ingirakamaro’ ku gihugu.

Ati “Aho niho ubukerarugendo bwungukira. Iyo abantu baza mu Rwanda […] Tubonereho n’umwanya wo kugirango dushimire Abanyarwanda ndetse n’abikorera ku giti cyabo, byumwihariko no kubategura ko buri gihe u Rwanda ruzajya rwakira ibi bikorwa mpuzamahanga.”

Kageruka yavuze ko abanyarwanda bakwiye guhora biteguye kwakira ibikorwa mpuzamahanga, bitanga inyungu ku byiciro bitandukanye by’ubuzima, yaba afite za hoteli, abahanzi, ibigo by’ubucuruzi, mu ngendo n’abandi.

Yagaragaje ko uruganda rw’inganda ndangamuco mu Rwanda ruzisanga muri ibi bihembo, yaba mu gihe cyo kubitanga, iserukiramuco rizabiherekeza n'ibindi.

Ati “Iki ni ikintu cy’ingirakamaro, abantu bikorera mu nganda ndangamuco bazabasha kubona amahirwe y’ubucuruzi.”

Kageruka yavuze ko  iyo u Rwanda rwakiriye inama Mpuzamahanga inyungu ya mbere atari amafaranga, ahubwo kumenya ku rwego rw’Isi ariyo ntambwe baba bashaka gutegura.

Yavuze ati “Kumenyekana ku rwego rw’Isi ko twakira, dufite BK Arena, dufite indege, dufite Abanyarwanda bashoboye ku rwego rw’Isi ko babimenya ni ibintu udashobora kugura amafaranga wabona…Ibyo ni ibintu udashobora kugura ahubwo ubona kubera ko hari ibikorwa wakoze byivugira

Kageruka yasabye Abanyarwanda guhanira iryo shema, kandi bagaharanira ko buri mushoramari wese ahora yifuza kugaruka mu Rwanda.

Kuri uyu wa Kane tariki 21 Nzeri 2023, Trace Africa yasohoye urutonde rwa nyuma rw'abahanzi bazaririmba muri ibi bihembo bigamije guteza imbere abakorera umuziki muri Afurika mu kurushaho gusakaza ibihangano byabo hifashishijwe inyakiramashusho zitandukanye z'iri Televiziyo.

Ni urutonde rugaragaraho amazina y'abahanzi bakomeye bagiye gutaramira i Kigali ku nshuro  ya mbere , nka Yemi Alade (Nigeria, Mr Eazi (Nigeria), Azawi (Uganda), BNXN (Nigeria), Camidoh (Ghana), Danni Gatto (Cape Verde), DJ Illans (Reunion), Donovan BTS (Mauritius), Emma'a (Gabon);

Fireboy DML (Nigeria), GAEI (Madagascar), Gerilson Insrael (Angola), Ghetto Kids (Uganda), Goulam (The Comores), Juls (Ghana), Kader Japonais (Algeria), Kalash (Martinique), Krys M (Cameroon), KO (South Africa);

Hari kandi KS Bloom (Ivory Coast), Levixone (Uganda), Locko (Cameroon), MIKL (Réunion), Moses Bliss (Nigeria), Musa Keys (South Africa) Nadia Mukami (Kenya), Olamide (Nigeria), Pabi Cooper (South Africa), Segael (Réunion) ndetse na Show dem Camp wo muri Nigeria.

Kuri uru rutonde kandi harimo Mr Eazi, umunyamuziki w'inshuti y'u Rwanda wanashoye imari mu bikorwa bitandukanye. Yaherukaga kuririmbira i Kigali mu bitaramo bya Chop Life, kandi azahurira ku rubyiniro n'umuhanzi wo mu Rwanda, Chriss Eazy.

Chriss wamenyekanye cyane mu ndirimbo zirimo 'Inana' ari no ku rutonde rw'abahanzi bo mu Rwanda bahatanye muri ibi bihembo aho ahatanye na Bruce Melodie, Ariel Wayz, Bwiza ndetse na Kenny Sol.

Kwinjira mu muhango wo gutanga ibi bihembo bizasaba kwishyura ibihumbi 20 Frw, kandi ibi bihembo bizabera mu nyubako y'imyidagaduro ya BK Arena, ku wa 20 Ukwakira 2023.

Urutonde rwa mbere rw'abahanzi bari batangajwe ruriho Davido (Nigeria), Asake (Nigeria), Bamby (French Guiana), Benjamin Dube (South Africa), Black Sherif (Ghana), Blxckie (South Africa), Bruce Melodie (Rwanda), Bwiza (Rwanda), Didi B (Ivory Coast), Dystinct (Morocco), Janet Otieno (Kenya), Josey (Ivory Coast), Kizz Daniel (Nigeria);

Lisandro Cuxi (Cape Verde), Locko (Cameroon), Mikl (Reunion), Perola (Angola), Plutonio (Mozambique), Princess Lover (Martinique), Ronisia (France), Rutshelle Guillaume (Haïti), Soraia Ramos (Cape Verde), Tayc (France), Terrell Elymoor (Mayotte), The Compozers (Ghana) ndetse na Viviane Chidid wo muri Senegal. 

Umuyobozi mukuru w’ishami ry’ubukerarugendo no kubungabunga za Pariki muri RDB, Kageruka Ariella yavuze ko abahanzi nyarwanda bakwiye kubyaza amahirwe ibi bihembo

Umuyobozi Mukuru wa Trace Group, Olivier Laouchez yavuze ko imyaka ibiri yari ishize bakorana na RDB umunsi ku munsi mu gutegura itangwa ry'ibi bihembo

Umuyobozi Ushinzwe imenyekanishabikorwa muri RwandAir, Haba Adijah Kamwesiga, yavuze ko biyemeje gukorana Trace Group kubera ko ari ikigo kimaze imyaka myinshi mu guteza imbere abatuye Afurika 

Umuyobozi w'ikigo Q&A Solutions, Kyle Schofield, yagaragaje ko ari iby'igiciro kinini kuba ibihembo bya Trace Awards bigiye gutangirwa mu Rwanda 

Kanda hano urebe amafoto menshi ku myiteguro ya Trace Awards

AMAFOTO: Murenzi Dieudonne-InyaRwanda.com

Abakinnyi 10 b’Abanyarwanda nibo bahagarutse mu Rwanda berekeza mu Budage mu mwiherero wateguwe n’ikipe ya Bayern Munich.

Ni nyuma y’uko aba bakinnyi ari bo batoranyijwe mu bahize abandi mu bakoze igeragezwa, hakaba haratoranyijwe abana bari hagati y’imyaka 14 na 16.

Mu ijoro ry’ejo hashize ku wa Mbere nibwo aba bana berekeje mu Budage aho bagiye baherekejwe na Visi perezida wa FERWAFA, Richard Mugisha ni mu gihe umutoza ari Hitimana Thierry.

Ni umwiherero uzatagira tariki ya 18 Ukwakira usozwe tariki ya 23 Ukwakira ni mu gihe tariki ya 24 Ukwakira ari bwo bazagaruka mu Rwanda.

Ni umwiherero uzaba urimo abana 80 bavuye mu bihugu 8 Argentina, u Buhinde, u Budage, Mexico, Nigeria ibitse igikombe giheruka, u Rwanda rwitabiriye bwa mbere, Afurika y’Epfo na Leta Zunze Ubumwe za Amerika.

Ni abana bagiye bayobowe na Ishimwe Elie nka kapiteni usanzwe ukinira Tsinda Batsinde yegukanye shampiyona y’icyiciro cya gatatu.

Abakinnyi 10 bagiye mu Budage

Gatare Ndahiriwe Hertiers

Hategekimana Abduladhim

Ishimwe Elli

Ntwali Anselme

Sheja Djibril

Twagirihirwe Alex

Mutangana Cedric

Ndayishimiye Barthazal

Byiringiro Thierry

Ballon d’Or ni igihembo gitangwa buri mwaka kigahabwa umukinnyi witwaye neza kurusha abandi ku Isi mu mupira w’amaguru, cyatangiye gutangwa mu 1956. Iki gihembo cy’umwaka ushize gifitwe n’umufaransa Karim Benzema.

Nyuma y’igihe kirekire hibazwa uzegukana Ballon d’Or y’uyu mwaka, kuri uyu wa Kabiri taliki 17 Ukwakira 2023 ikinyamakuru  Sports cyo muri Espagne cyatangaje ko Lionel Messi ariwe wamaze gutorerwa kuzayihabwa.

Uyu mukinnyi w’imyaka 35 iyi Ballon d’Or ni iya 8 yegukanye akaba akomeje gushyiraho ikinyuranyo kuri mukeba we Cristiano Ronaldo ufite iyi mipira y’azahabu 5 ndetse ahise anashyiraho agahigo ko kuba umukinnyi wa mbere uyitsindiye adakina ku mugabane w’Iburayi.

Uyu kapiteni w’ikipe y’igihugu ya Argentine na Inter Miami yo muri Leta zunze ubumwe z’Amerika bimwe mubikorwa yakoze byatumye atsindira iyi Ballon d’Or harimo kuba yaregukanye igikombe cy’Isi cya 2022 cyaberaga muri Qatar, akaba ari nawe uhabwa igihembo cy’umukinnyi wirushanwa ndetse akaba yaranatwaye igikombe cya shampiyona y’u Bufaransa akina muri Paris Saint-Germain.

Lionel Messi kuri iyi Ballon d’Or yahigitse Erling Haaland nawe wari warakoze akazi gakomeye mu mwaka ushize w’imikino aho yatwaranye na Manchester City ibikombe 3 birimo Premier League, Champions League na FA Cup nawe ku giti cye atsinda ibitego 53 byose hamwe.

Biteganyijwe ko iyi Ballon d’Or izatangwa taliki 31 z’uku kwezi.

Lionel Messi watorewe guhabwa Ballon d’Or nyuma yo kwegukana igikombe cy’Isi

Lionel Messi ukina muri Inter Miami niwe mukinnyi wa mbere mu mateka utsindiye Ballon d’Or udakina ku mugabane w’Iburayi

Iyi ni Ballon d’Or ya 8 Messi atsindiye

Umutoza wungirije wa Musanze FC, Mugiraneza Jean Baptsite Migi yavuze ko gutoza Rayon Sports abonye akazi atakanga kubera ko icyatunga umuryango we aho kiva kikagera yagikora kandi yishimye.

Migi uheruka gusezerana umupira w’amaguru akinjira mu mwuga w’ubutoza aho yahereye muri Musanze FC ari umutoza wungirije.

Ubwo yari agikina yatangaje ko adashobora gukinira Rayon Sports, ni nyuma y’uko ubuzima bwe bwose nk’umukinnyi asa n’aho yabubaye muri mukeba wayo, APR FC.

Nyuma yo gutsinda Rayon Sports, Migi yavuze ko atavuze ko atakinira Rayon Sports kuko ayanga ahubwo byatewe n’igihe yari agezemo cyo gusoza gukina kandi atarayikiniye agifite imbaraga.

Ati “Ndi umukinnyi navuze ko ntashobora kuyikinira ni byo kubera igihe aho cyari kigeze, nari maze gukinira APR FC imyaka myinshi nsa n’aho ndimo nsoza urugendo rwa ruhago, niba abantu bibuka neza naravuze ngo ntabwo aka kanya Rayon Sports ntakiniye ndi umwana, nshobora kujya kuyikinira ndimo nsoza gukina umupira w’amaguru.”

“Niyo mpamvu ni uko abantu bagiye babyumva nabi bakavuga ngo Migi yaravuze ngo ntiyakinira Rayon Sports, oya navuze ko igihe ntayikiniye ndi umusore mfite imbaraga nkayiha ibyo mfite byose, ntabwo nshobora kujya kuyikinira ndimo kugera mu myaka mikuru kuko ntacyo nayifasha.”

Abajijwe niba nk’umutoza ugitangira umwuga wo gutoza, atekereza ko mu gihe yazahabwa akazi ko gutoza Rayon Sports yazakemera, avuga ko aho akazi kakwerekeje ari ho ujya.

Ati “Ni akazi aho akazi kakwerekeje niho ujya, ikikugaburira nicyo ujyamo, abantu benshi babyumva nabi, nongere mbisubiremo nabaye muri APR FC nsa n’aho mpanganye na Rayon Sports.”

“Ku bw’ibyo rero abafana bakagenda bavuga ngo Migi yanga Rayon Sports, ntabwo ari ukuyanga, kuba nayitoza ntawumenya aho bwira ageze, ahakugaburira niho ujya, kubera iki se ntayitoza, aho ngiye niho nshyira imbaraga, ahangaburira, ahatunze umuryango wanjye niho nshyira umutima.”

Urukiko rukuru rwahamije Ishimwe Dieudonne ibyaha bibiri birimo gukoresha undi imibonano mpuzabitsina ku gahato, gusaba no gukoresha undi ishimishamubiri rishingiye ku gitsina. Bimwe mu bimenyetso byateshejwe agaciro harimo inyandiko zakozwe n'abakobwa batanze ubuhamya bavugaga ko Ishimwe Dieudonne atigeze abasambanya barimo Miss Elsa wanaje no gufungwa ashinjwa ibirimo kubangamira iperereza.

 

Ku itariki 25 Gicurasi 2022 urukiko rw'ibanze rwa Kicukiro rwasomye umwanzuro ku ifungwa n'ifungurwa ry'agateganyo nyuma y'iminsi 20  Miss Elsa yari amaze muri kasho afunze.

 Urukiko rwategetse ko afungurwa by’agateganyo akajya akurikiranwa ari hanze. Yari akurikiranyweho: Uguhimba, guhindura cyangwa gukoresha inyandiko mpimbano, gutanga ubuhamya bw'ibinyoma mu nzego z'ubutabera no koshya abitabajwe mu nzego z'ubutabera.

Kuri iki kirego umucamanza yavuze ko Ubushinjacyaha bwari bwasabye ko afungwa iminsi 30 y'agateganyo nyuma buza kwisubiraho kuko yari yagaragaje ubushake mu gufasha ubutabera busaba ko yarekurwa akajya akurikiranwa ari hanze. Urubanza rwe mu mizi rwashyizwe mu mwaka wa 2025.

 

Ikimenyetso cy'inyandiko zakozwe na  Banyampinga Urukiko rukuru rwazitesheje agaciro

 

Aha wakwibaza niba ubwo iki kimenyetso cy'inyandiko zakozwe n'abo bakobwa kitarahawe agaciro, bitazatuma Iradukunda Elsa uri no mubanditse bavuga ko Ishimwe Dieudonne atigeze abasambanya ahamwa  n’icyaha  bikajyana no kuba  icyo gihe yaritambitse iperereza ryamukorwagaho.

 Mu birego  bitatu Prince Kida yaregwaga , byarangiye ari bibiri bimuhamye; gukoresha undi imibonano mpuzabitsina ku gahato no gusaba no gukoresha undi ishimishamubiri rishingiye ku gitsina. Ariko rero ku itariki 02 Ukuboza 2022 yari yaragizwe umwere n'urukiko rwisumbuye rwa Nyarugenge nyuma y'uko rusanze Ubushinjacyaha bwamusabiraga gufungwa imyaka 16 nta bimenyetso bifatika bugaragaza ku byaha yari akurikiranyweho.

Ubushinjacyaha bwavugaga ko izi nyandiko 'Amabaruwa yasinyweho na ba nyampinga batandukanye' zakorewe kwa Notaire bitemewe n'amategeko mu gihe umucamanza mu rukiko rwisumbuye rwa Nyarugenge yari yavuze ko mu gihe nta zindi nyandiko zivuguruza izo, izihari ari zo zifite agaciro.

 

Ubuhamya shingiro bwakururiye Prince Kid guhamwa n'icyaha cyo gusaba no gukoresha undi imibonano mpuzabitsina ku gahato

 

Umwe mu bakobwa batanze ubuhamya wahawe kode ya VKF yavuze ko Prince Kid yakundaga kumusaba ko baryamana ariko akabyanga, ariko nyuma aza kubyemera yabivuze mu magambo agira ati: 'Aha nibwo yansambanyije mubwira ngo arambabaza ngo agire buhoro arabyanga, bitewe nuko yabinsabye kenshi nkabyanga nza kubyemera bitewe nuko imyitwarire ye yari iteye ubwoba.'

 

 

 

 

Uyu mukobwa ufite iyi kode yakomeje avuga mu rukiko ko byageze nyuma Prince Kid agasoza igikorwa, aribwo na we (wa mukobwa) yaje kumusaba ko ari kumva atangiye kuryoherwa bityo na we yamufasha kurangiza.Mu kwiregura Prince Kid yavuze ko uyu mukobwa ubwe yikoreshereje umukono we kwa noteri avuga ko atigeze akoreshwa imibonano mpuzabitsina ku gahato na we .

 Ku itariki 13 Ukwakira 2023 ku munsi Prince Kid akatirwa imyaka 5 n'ihazabu ya Miliyoni 2 Frw, Umucamanza yavuze ko nubwo uriya mutangabuhamya yavuze ko babikoze ku bwumvikane, bigoye kumenya niba yaranabikoze ku bushake bitewe n'imiterere y'iki cyaha bigoye kumenya niba umukobwa yarabikoze ku bushake bwuzuye cyangwa se bucagase ni nayo mpamvu umucamanza yavuze ko mu mategeko yo mu Rwanda harimo icyuho yifashisha ayo mu Bufaransa na Canada nayo ngo afite icyuho. Bityo ahamwa n’iki cyaha gutyo. Ikigoye hano cyagarutsweho ni ukuntu wapima niba umukobwa yakoze imibonano mpuzabitsina ku bushake bwuzuye cyangwa se bucagase. 

Miss Iradukunda Elsa yitangiye umugabo we ngo arebe ko yagirwa umwere birangira akatiwe imyaka 5

Umucamanza yavuze ko imvugo aba bakobwa bakoreye mu bugenzacyaha ari zo zigomba guhabwa agaciro kuko nta mpamvu bagaragaza zituma bavuguruza ibyo bavugiye mu ibazwa . Mu bujurire, ubushinjacyaha bwari bwavuze ko nta kuntu inyandiko zakozwe n'aba bakobwa zahabwa agaciro nubwo zakorewe imbere ya Noteri. Nk'uko yabivugaga, icyaha cyo gusambanya ku gahato gikorerwa ahihishe bityo Noteri akaba adafite ubushobozi bwo kwemeza ko umukobwa runaka atasambanyijwe.

Uru ni urubanza rwabayemo impaka nyinshi cyane. Hari ukuba umucamanza yaratesheje agaciro inyandiko yakorewe imbere ya Noteri kandi ikozwe n'uvugwa ko yahohotewe.

Umwaka wa 2025 uzasubiza Miss Iradukunda Elsa mu nkiko

 

Ubwo Ishimwe Dieudonne yari afunze muri kasho ya RIB, Iradukunda Elsa byahwihwiswaga ko bashobora kuba bakundana yaje gutabwa muri yombi n'Urwego rw'Ubugenzacyaha RIB akurikiranyweho gukoresha impapuro mpimbano ndetse no kwitambika iperereza ryakorwaga kuri Ishimwe Dieudonne.

Icyakora nubwo yafunzwe, yaje kuburana ku ifungwa n'ifungurwa ry'agateganyo, urukiko rwemeza ko Iradukunda akurikiranwa ari hanze kuri ibi byaha aho urubanza rwe rwaje gushyirwa mu mwaka wa 2025 akazaburana mu mizi.

 

Ku itariki 13 Ukwakira ubwo Urukiko Rukuru rwasomaga urubanza rwa Ishimwe Dieudonne, mu byo rwavuze ko byateshejwe agaciro harimo ubuhamya bw'abakobwa bagiye kwa noteri bandika bavuga ko Ishimwe Dieudonne atigeze abasambanya. Icyo gihe byavuzwe ko Iradukunda Elsa wari mu rukundo na Prince Kid ari we wagiye kubasaba ko bandika kwa noteri ubwo buhamya mu kurenganura Prince Kid.

Uhereye kuri ibi rero  wakwibaza niba ubwo iki kimenyetso cy'inyandiko zakozwe n'abo bakobwa kitarahawe agaciro, bitazatuma Iradukunda Elsa uri no mu banditse bavuga ko Ishimwe Dieudonne atigeze abasambanya ahamwa na cyo bikajyana no kuba  icyo gihe yarashinjwe  kwitambika  iperereza ryamukorwagaho.

 

Ibihano ku nyandiko mpimbano

Itegeko rivuga ko uhamwe n'icyo cyaha ahanishwa igifungo kitari mu nsi y'imyaka 5 ariko itarenze imyaka 7 n'ihazabu ya Miliyoni 3 ariko itarenze Miliyoni 5 cyangwa se kimwe muri ibyo bihano.

Kugeza ubu  nubwo yakatiwe , Prince Kid aracyafite  amahirwe yo kugana   Urukiko rureganura(Court of Appeal)  kuko umwanzuro utaragirwa  Itegeko .Iminsi  30  uhereye  tariki 13 Ukwakira 2023  yakatiweho nishira ntacyo akoze , azafatwa afungwe imyaka 5 nk’uko byanzuwe n’Urukiko.

 

Miss Iradukunda Elsa azaburana mu mizi mu 2025

BAKOZE UBUKWE MU KWEZI GUSHIZE

“>

Iyi ndirimbo yasohotse kuri uyu wa Kabiri tariki 17 Ukwakira 2023, yakozwe mu buryo bw’amajwi (Audio) na Izzo Pro naho amashusho (Video) yakozwe na Gad umaze gukora nyinshi mu ndiirmbo za Tom Close.

Ni ubwa mbere aba bahanzi bombi bakoranye indirimbo. Tom Close yabwiye InyaRwanda ko gukorana indirimbo na Fireman byaturutse ku kuba ari umuraperi w’umuhanga, kandi yari akeneye umuntu uhuza neza n’ubutumwa yaririmbye muri iyi ndirimbo.

Yavuze ko atatinze gukorana indirimbo na Fireman ashingiye ku gihe bombi bamaze mu muziki, ahubwo avuga ko igihe cyari iki.

Ati “ Fireman ni umuhanzi w'umuhanga nashakaga gukorana nawe kuva kera ariko bikaba bitarigeze biba. Ubu rero ni cyo gihe.'

Tom Close yavuze ko iyi ndirimbo ari imwe mu zibanziriza isohoka ry’indirimbo zigize album ye ya cyenda. Ati 'Iyi ni imwe mu ndirimbo zibanziriza album yanye ya cyenda (9). Ariko ntabwo iri kuri album.'

Muri rusange, Tom Close avuga ko yanditse iyi ndirimbo ashaka kumvikanisha uburyo abantu muri iki gihe bahinduka, aho usanga uwari inshuti yawe agahinduka akaba umwanzi wawe.

Uyu muhanzi aherutse gushyira ku isoko album ya Munani yise ‘Essence’ iriho indirimbo nka ‘A voice note’ yakoranye na Bull Dogg, ‘Finally’ yakoranye na Wezi wo muri Zambia, ‘Fly away’, ‘Inside’, ‘Kampala’ yakoranye na A Pass wo muri Uganda, ‘Superwoman’ yakoranye na Sat-B wo mu Burundi;

‘Be my teacher’, ‘The One’, ‘Party’, ‘Feelings’ yahuriyemo na B-Threy, ‘My Number One’ yakoranye an Nel Ngabo na Riderman, ‘Don’t worry’ ndetse na ‘Mariwe’. 

Producer Knoxbeat niwe wakoze iyi album. Ariko muri rusange yagizweho uruhare n'abarimo Ishimwe Karake Clement wa Kina Music, Bob Pro, Zizou Al Pacino, Kenny Vibz ndetse na Dj Bisoso.

Iyi album irihariye kuko indirimbo hafi ya zose ziriho zikoze mu rurimi rw'Icyongereza mu rwego rwo kwagura urugendo rw'umuziki rw'uyu muhanzi.

Tom Close aherutse kubwira InyaRwanda ko buri muhanzi yatekereje kwifashisha kuri iyi album 'Essence' yari amwitezeho kuyishyiraho umutima.

Avuga ko mu bahanzi yifuzaga gukorana n'abo harimo na Big Fizzo wo mu Burundi, ariko yasanze ari mu bitaramo mu Burayi ku buryo bitari kumukundira ko bakorana indirimbo.

Uyu munyamuziki avuga ko imyaka 15 ishize ari mu muziki, ibihangano bye byubakiye ku butumwa bw'igihe kirekire no 'kugerageza kujyana n'igihe'.

Biri mu byatumye izi ndirimbo ziri kuri album yaragerageje kujyanya n'ibigezweho. Avuga ko buri ndirimbo iri kuri album ifite 'umwihariko wayo'.

Tom Close yatangaje ko mu bihe bitandukanye yagiye agerageza gukorana indirimbo na Fireman ariko ntibikunde

Umuraperi Fireman aririmba yumvikanisha uburyo uwari inshuti yawe aguhinduka akaba umwanzi

Tom Close yavuze ko iyi ndirimbo ibanjirije isohoka ry'indirimbo zigize album ye ya cyenda

KANDA HANO UREBEAMASHUSHO Y'INDIRIMBO 'NIYO IKAMENA' YA TOM CLOSE

“>