Category: Uncategorized

Kuya 4 Ugushyingo 2023 habaye guhimbaza no gushima binyuze mu gitaramo cyateguwe na Korari Future Jesus's Hertage cyabereye mu kigo cya APAER giherereye mu Murenge wa Rusororo, kitabirwa n'imbaga.

Igitaramo kiswe 'Nzahora Nshima' cyahuje abaririmbyi benshi batangiranye n'iyi Korari,abayobozi b'itorero muri iki kigo, abayobozi bafasha abana mu myigireinshuti n'abandi, babwirwa amavo n'amavuko y'ikigo ndetse n'amateka ya korari, habaho kuramya no gushima Rurema wabakoresheje.

Iki gitaramo cyatangijwe na korari iri mu zikunzwe Way of Hope ibarizwa mu itorero rya Remera SDA Church, inyura imitima ya benshi binyuze mu bihangano byabo bikurikirwa n'abatari bacye.

Future Jesus’s Hertage yaritegerejwe na benshi, baserutse ku rubyiniro, bahimbaza Imana barangurura amajwi yabo meza, baririmba n’indirimbo zabo zakunzwe mu myaka ya kera nka ' Azagutoza gusenga' n’izindi zakoze mu mitima y’abitabiriye.

Mu kiganiro na Inyarwanda umuyobozi mukuru wa korari Future Jesus's Hertage  Umurerwa Jean Fils de Dieu, yagarutse ku mateka n'imbogamizi bahuye nazo mu gukora umurimo nka korari, gusa atangaza ko  kwishingikiriza ku Mana byahabahe intwaro zibafasha kunesha imitego y'umwanzi.

Ati '  Future Jesus's Hertage turashimira Imana yadukoresheje iby'ubutwari. Imana yadukoreye ibikomeye natwe turishimye'.

Mu 1999 ababyeyi babarizwa mu Itorero ry’aba divantisiti b'umunsi wa karindwi bashinze ikigo cya APAER hagamijwe gutanga ubumenyi ku bana, nyuma hashingwa korari Future Jesus's Hertage mu rwego rwo kubafasha kwegerezwa Imana.

Urugendo rwabo rwibasiwe n'imbogamizi nyinshi harimo no gutandukana kw'abagize korari bitewe n'ubuzima, rimwe na rimwe bakagira gucika intege ariko bagakomezwa na Nyagasani.

Mu mwaka wa  2006 Future Jesus's Hertage  yashyize hanze album ya mbere yiswe ' Senga Imana' yazamuye izina ryabo, bamenyekana mu bice bigize igihugu cy'u Rwanda no hanze yarwo bakundwa na benshi.

Umuyobozi wa korari Murerwa yikije ku ngamba bafite mu kwagura umurimo w'Imana avuga ko biteguye kuyivugira aho bazahamagarwa hose niyo haba kure. Yashimiye ubuyobozi bw'Ikigo cya APAER bukomeza kubatera ingabo mu bitugu bukabatiza imbaraga z'ibitekerezo n'ibindi.

Yagize ati ' Imana ikomeze kutujya imbere, natwe twiteguye kuyivugira aho tuzahamagarwa hose'.

Bayiringire Seth umuyobozi mukuru w'Ikigo cya APAER yishimiye ibihe byiza yagiranye na korari bagakora umurimo w'Imana batiganda, bikabatera kwaguka mu buryo bw'umwuka.

Ati ' Nishimira ko twagiranye ibihe byiza tugafatanya umurimo w'Imana'.

Iki gitaramo cyatambukijwe mo amashimwe atandukanye  bamwe bashyira hanze amarangamutima yabo bavuga ku gira neza kw'Imana, biherekezwa n'urufaya rw'indirimbo za korari Way of Hope ndetse ndetse Future Jesus's Heratage Imana yihesha Icyubahiro.

Batangaje ko abagize korari bigeze gutatana hasigara abaririmbyi 4 gusa, ariko bongera kwiyegeranya

Abagize korari bamwe bari bato ubwo yashingwaga ariko barakuze bakurira mu buntu bw’Imana

Biteguye kugugira Nyagasani aho bazahamagarwa hose niyo haba kure

Way of Hope korari ikunzwe mu Itorero ry’abadivantisiti yanejeje benshi kubera ubuhanga bwabo

Abanyeshuri biga mu kigo cya APAER bizihiwe mu gitaramo cyatambukijwe mo amashimwe

Umwe mu bayobozi b’iyi korari James akaba n’umuhanga mu gutunganya indirimbo 

Umutoza wa korari Future Jesus’s Hertage Bugingo Elvis niwe warushinzwe gutegura igitaramo

KANDA HANO UREBE AMAFOTO MENSHI YAFATIWE MU GITARAMO CYATEGUWE NA FUTURE JESUS’S HERTAGE KISWE “  NZAHORA NSHIMA”

https://drive.google.com/drive/folders/1uzolK8OGD7KUcOD-1qwFxzhwuAsK5VUp

  

Biravugwa ko hari abakinnyi bahamagawe mu ikipe y’ikipe y’Igihugu Amavubi ariko batatangajwe muri 30 umutoza yashyize ahabona.

Mu ijoro ryakeye ni bwo Ishyirahamwe ry’Umupira w’Amaguru mu Rwanda, FERWAFA, ryatangaje abakinnyi 30 bahamagawe n’umutoza mushya w’Ikipe y’Igihugu Amavubi, Torsten Frank Spittler guhangana na Zimbambwe tariki ya 15 Ugushyingo na Afurika y’Epfo tariki ya 21 Ugushyingo imikino yose izabera mu Rwanda kuri Stade Mpuzamahanga ya Huye.

Mu bakinnyi 30 bahamagawe benshi babonye ari amazina asanzwe mu ikipe y’igihugu nta mazina mashya arimo nk’uko byari byitezwe.

Amakuru ISIMBI yamenye ni uko abakinnyi 30 batangajwe atari bo bonyine bahamagawe ahubwo hari andi mazina yiganjemo abakinnyi bazaba bahamagawe bwa mbere bashobora kugaragara kuri uyu mikino.

Bivugwa ko ari abakinnyi bane cyangwa batanu barangajwe imbere n’umunyezamu wa Union Saint-Gilloise mu cyiciro cya mbere mu Bubiligi, Maxime Wenssens.

Undi mukinnyi wavuzwe muri aba bakinnyi ushobora kuba yahamagawe ni rutahizamu Johan Marvin Kury wa Yverdon Sport FC II mu Busuwisi. Uyu we n’umutoza uheruka Carlos Alos yigeze kumuhamagara ariko ntiyaza, FERWAFA yakomeje ibiganiro na we aho amakuru avuga ko byarangiye yemeye ndetse aka agomba kuza.

Bivugwa ko kandi abakinnyi bandi bohererejwe ubutumire barimo umukinnyi wo hagati mu kibuga mu ikipe ya Le Havre mu Bufaransa, myugariro wo ku ruhande rw’iburyo bivugwa ko ari Noe Uwimana ukinira Philadelphia Union muri Leta Zunze Ubumwe za Amerika n’undi myugariro wo mu mutima w’ubwugarizi.

Abakinnyi 30 bahamagawe mu Mavubi

Abanyezamu:

Ntwari Fuacre (TS Galaxy, Afurika y’Epfo)
Nzayurwanda Jimmy Djihad (Kiyovu Sports)
Muhawenayo Gad (Musanze FC)

Ba myugariro:

Omborenga Fitina (APR FC)
Serumogo Ali (Rayon Sports)
Imanishimwe Emmanuel (FAR Rabat, Marc)
Ishimwe Christian (APR FC)
Mutsinzi Ange (FK Jerv, Norvège)
Rwatubyaye Abdul (Rayon Sports)
Niyomugabo Jean Claude (APR FC)
Manzi Thierry (Al Ahli Tripoli, Libya)
Niyigena Clément (APR FC)
Mitima Isaac (Rayon Sports)

Abakina Hagati

Bizimana Djihad (Kryvbas FC, Ukraine)
Mugiraneza Frodouard (Kiyovu Sports)
Hakim Sahabo (Standard de Liège)
Muhire Kevin (Rayon Sports)
Byiringiro Lague (Sandvikens IF, Suède)
Ruboneka Jean Bosco (APR FC)
Iradukunda Elie Tatou (Mukura VS)
Niyonzima Olivier (Kiyovu Sports)

Ba rutahizamu

Mugenzi Bienvenu (Police FC)
Sibomana Patrick (Gor Mahia)
Mugisha Didier (Police FC)
Nshuti Innocent (APR FC)
Mugunga Yves (Kiyovu Sports)
Mugisha Gilbert (APR FC)
Gitego Arthur (Marines FC)
Rafael York (Gegle IF, Norvège)

Muri aba bakinnyi, harimo umunyezamu Muhawenayo Gad, ukinira ikipe ya Musanze FC, ndetse na Iradukunda Elie Tatou nawe ukinira Mukura Victory Sports, ntabwo ari aba bakinnyi bahamagawe bwa mbere mu mavubi kuko na Gitego Arthur rutahizamu wa Marine FC nawe ari mu bahamagawe bwa mbere, na Nzeyurwanda Djihad umunyezamu wa Kiyovu Sports. 

U Rwanda ruzabanza kwakira Zimbabwe tariki ya 15 Ugushyingo, rukurikizeho kwakira Afurika y'Epfo tariki ya 21 Ugushyingo, muri iyi mikino yombi yo gushaka itike y'Igikombe cy'Isi izabera kuri Stade mpuzamahanga y’Akarere ka Huye. 

Amavubi aratangira umwiherero ku Cyumweru, tariki ya 4 Ugushyingo, aho abakinnyi bazaba kuri Sainte Famille.

Abakinnyi 30 bahamagawe bagomba gutangira umwihererezo kuri iki cyumweru 

Amavubi azakira imikino ibiri yikurikiranya mu kwezi kumwe 

Umutoza mushya w’ikipe y’igihugu Amavubi, Umudage Torsten Frank Spittler yahamagaye abakinnyi 30 agomba gukuramo abo azifashisha ku mukino wa Zimbabwe na Afurika y’Epfo.

U Rwanda ruratangira urugendo rwo gushaka itike y’igikombe cy’Isi cya 2026 tariki ya 15 Ugushyingo rwakira Zimbabwe na Afurika y’Epfo tariki ya 21 Ugushyingo 2023, ni imikino yose izabera kuri Stade Huye.

Torsten Frank Spittler umaze iminsi 3 atangajwe nk’umutoza mushya w’ikipe y’igihugu, yamaze guhamagara abakinnyi 30 azifashisha muri uru rugendo.

Rutahizamu wa Marines FC, Gitego Arthur n’umunyezamu wa Musanze FC iyoboye urutonde rwa shampiyona, Muhawenayo Gad ni bamwe mu batunguranye kuri uru rutonde.

Abandi bakinnyi batunguranye ni Rafael York umaze amezi 2 adakina kubera imvune aho aheruka mu kibuga tariki ya 16 Nzeri 2023 mu mukino ikipe ye Gefle IF yanganyijemo na Östersunds 2-2.

Guhamagarwa kwa Ishimwe Christian na Niyomugabo Claude usigaye ari umusimbura we muri APR FC basanga kuri uyu mwanya w’ibumoso wugarira Imanishimwe Emmanuel Mangwende wa FAR Rabat ntibyavuzweho rumwe.

Abakinnyi 30 bahamagawe mu Mavubi

Abanyezamu:}[

Ntwari Fuacre (TS Galaxy, Afurika y’Epfo)
Nzayurwanda Jimmy Djihad (Kiyovu Sports)
Muhawenayo Gad (Musanze FC)

Ba myugariro:

Omborenga Fitina (APR FC)
Serumogo Ali (Rayon Sports)
Imanishimwe Emmanuel (FAR Rabat, Marc)
Ishimwe Christian (APR FC)
Mutsinzi Ange (FK Jerv, Norvège)
Rwatubyaye Abdul (Rayon Sports)
Niyomugabo Jean Claude (APR FC)
Manzi Thierry (Al Ahli Tripoli, Libya)
Niyigena Clément (APR FC)
Mitima Isaac (Rayon Sports)

Abakina Hagati

Bizimana Djihad (Kryvbas FC, Ukraine)
Mugiraneza Frodouard (Kiyovu Sports)
Hakim Sahabo (Standard de Liège)
Muhire Kevin (Rayon Sports)
Byiringiro Lague (Sandvikens IF, Suède)
Ruboneka Jean Bosco (APR FC)
Iradukunda Elie Tatou (Mukura VS)
Niyonzima Olivier (Kiyovu Sports)

Ba rutahizamu

Mugenzi Bienvenu (Police FC)
Sibomana Patrick (Gor Mahia)
Mugisha Didier (Police FC)
Nshuti Innocent (APR FC)
Mugunga Yves (Kiyovu Sports)
Mugisha Gilbert (APR FC)
Gitego Arthur (Marines FC)
Rafael York (Gegle IF, Norvège)
Kwitonda Alain (APR FC)

Nziza Training Academy, Ikigo nyarwanda gishinzwe ibikorwa by’amahugurwa ndetse n’iby’ubucuruzi bwa porogaramu za mudasobwa (software) z’ikigo cy’abanyamerika cya Autodesk, gifatanyije n’ikigo kizobereye mu ikoreshwa ry’ikoranabuhanga mubikorwaremezo cya Parsons corporations gikorera muri leta zunze ubumwe z’abarabu ndetse na Arabia Saudite, bagiye gutanga amahugurwa yo ku rwego rwo hejuru azamara iminsi irindwi i Kigali mu Rwanda.

Aya mahugurwa agamije gutangiza ikoranabuhanga rihambaye mu gukora inyigo ndetse no kuyobora imishinga ifite aho ihurira n’ibikorwa remezo, hifashishijwe ikoranabuhanga rya BIM (Building Information Modelling).

BIM ni uburyo bwa gihanga bwifashisha porogaramu za mudasobwa, bumenyerewe mu bigo ndetse n’ibihugu byakataje mu iterambere mu buuryo bwo kugirango inyigo z’imishinga minini y’ibikorwaremezo ikorwe neza ntamakosa ajemo kandi birinde ibihombo bituruka ku ikorwa nabi kw’inyigo n’iyoborwa ry’ibikorwa mu gihe cyo gushyira imishinga mu bikorwa (construction stage).

Muri aya mahugurwa hazifashishwamo porogaramu za mudasobwa zimenyerewe cyane n’abantu ndetse n’ibigo bikora imishinga ijyanye n’amazu ndetse n’imihanda; harimo izizwi cyane nka REVIT, CIVIL 3D ndetse na BIM COLLABORATE PRO (BIM 360); zose zikorwa n’ikigo kinini ku Isi muri iri koranabuhanga cya Autodesk.

Aya mahugurwa agenewe ibigo ndetse n’abantu bakora mu bwubatsi bw’imishinga minini y’ibikorwaremezo.Ku musozo w’ayo mahugurwa mu birori ngarukamwaka bya Nziza Training Academy byo gutanga impamyabushobozi ku bantu bose bahuguwe mu mwaka wa 2022 na 2023,abazayitabira bazahabwa impamyabushobozi n’ikigo cya Autodesk.

Aya mahugurwa azabera ku cyicaro gikuru cya Nziza Training Academy giherereye Kicukiro mu nyubako ya SANGWA Plaza, kuva ku itariki  02  kugeza ku ya 07 Ukuboza 2023.

Ibirori byo gutanga izo mpamyabushobozi bikaba biteganyijwe kuba ku itariki ya 08 Ukuboza 2023 kuri M Hotel mu Kiyovu saa cyenda z’amanywa (03:00 PM).

Kuva ku wa 02 Ukuboza 2023, i Kigali hazabera inama ya Autodesk. 

SRI SAR Motors mu Rwanda, yatangiye mu 1977, itangira icuruza imodoka zitwaga Daihatsu, nyuma icuruza izitwa Jack n'izindi. Isuzu Rwanda yibarutswe na SRI SAR Motors yatangiye muri 2018, ihita ihura n'imbogamizi y'icyorezo cya Covid-19 cyibasiye ubukungu bw’u Rwanda guhera muri 2019.

Kuri uyu wa Gatanu tariki 03 Ugushyingo 2023, nibwo Isuzu Rwanda yamuritse imodoka yayo nshya iri ku isoko, iri mu bwoko bwa Pick Up D-Max.

Abera Jenny, ushinzwe ibijyanye no kugurisha muri Isuzu SAR Motors aganira na InyaRwanda, yatangaje ko izi modoka zari zisanzwe zihari ariko ko bifuje kuzimurikira abanyarwanda ku mugaragaro. Ni mu gihe abanyarwanda bari basanzwe bamenyereye ubwoko bwa kera bwa Isuzu.

Yagize ati 'Twagira ngo tuyigeze ku banyarwanda, abanyenganda, abikorera ku giti cyabo, amakompanyi, ama NGOs n'ibindi bigo byinshi bitandukanye kubera ko usanga akenshi nka ISUZU bayitiranya na SUZUKI.'

Jenny yasobanuye ko mu rwego rwo guhangana n'ibura rya Mazutu ku isoko, izi modoka nshya za D-Max zifite umwihariko w'uko zikoranye moteri ikoresha mazutu nkeya, ndetse ikaba ari n’imodoka yorohera uyitwara.

Umuyobozi mukuru wa ISUZU mu Rwanda, Chirag Daswani yavuze ko batewe ishema no kugeza igikorwa nk'iki ku banyarwanda, kandi ko kuva iyi kompanyi yatangira gukorera mu Rwanda mu 1977, bafitanye amateka akomeye.

Ati: 'Twizeye ko ejo hazaza hazaba heza kurushaho. Igihugu kirimo kwaguka, natwe rero turi kugerageza kugendera mu murongo wacyo.'

Chirag yongeyeho ko iyi modoka nshya ari '1.9 engine' ikaba ifite ubuziranenge n'ubudahangarwa bwo ku rwego rwo hejuru.

Yasonabuye ko impamvu bahisemo gukorera mu Rwanda, ari uko kuva batangira kuhakorera imodoka zabo zakunzwe cyane kandi n'isoko ryaho rikaba rihagaze neza cyane ko uko iminsi ishira ibintu byose bigenda bitera imbere.

Uyu muyobozi, yongeyeho ko kompanyi yabo yizerera mu ikoranabuhanga gakondo, ku buryo uramutse uguze imodoka yabo ikagira ikibazo bidashobora kukugora cyane kubona ugikemura mu gihe gito.

Ati'Niba uguze imodoka iguhenze, ni ngombwa ko imara igihe kirekire kandi ikora neza. Akaba ari nayo mpamvu ikoranabuhanga riri mu bikamyo na Pick Ups zacu ryihariye, ku buryo udashobora kugirira ikibazo nk'i Rusizi ngo uhangayike ukenera ibintu byinshi kugira ngo ikibazo gikemuke. Twe twizera ko niba imodoka yawe igize ikibazo, ari byiza ko buri wese ubishoboye yagikemura bitagombye kugorana.'

Isuzu yatangiriye i Tokyo mu Buyapani mu 1916, igera mu Rwanda mu 1977. Kuri ibu  mu Rwanda bahafite ishami i Remera mu Giporoso, kandi bizeye gukomeza gufatanya n'abanyarwanda kurushaho guteza imbere igihugu n'umugabane wa Afurika muri rusange.

ISUZU yamuritse imidoka nshya

Abera Jenny,ushinzwe ibikorwa byo kugirisha muri Isuzu SAR Motors

Sankriti Daswan, umugore w’umuyobozi mukuru wa Isuzu mu Rwanda  

Uyu muhango witabiriwe n’abashoramari batandukanye

Umuyobozi wa ISUZU mu Rwanda, Chirag Daswani yavuze ko bamuritse imodoka nshya mu rwego rwo kugendana n’umuvuduko u Rwanda ruriho

Kanda hano urebe amafoto yose yaranze umuhango wo kumurika imodoka nshya za ISUZU D-Max

“>Reba uko umuhango wose wo kumurika imodoka nshya za ‘ISUZU D-Max’ wagenze

“>

AMAFOTO: Freddy RWIGEMA – Inyarwanda

VIDEO: Dieudonne MURENZI – Inyarwanda

Rayon Sports yanyagiriye Mukura VS 4-1 i Kigali mu mukino w’umunsi wa 10 wa shampiyona, ni mu gihe APR FC yakuye amanota 3 kuri Muhazi United i Ngoma.

Rayon Sports yatangiye ishaka igitego hakiri kare yaje kukibona ku munota wa 8 gitsinzwe na Muhire Kevin ku mupira w’umuterekano wari utewe na Luvumbu ubwugarizi bwa Mukura VS bunanirwa kuwukuraho.

Rayon Sports yakomeje gusatira ndetse ibona andi mahirwe ku munota wa 30 ku mupira Serumogo yahinduye imbere y’izamu ariko habura ushyira mu rushundura.

Mukura nayo yari yatinyutse ikina, yaje kwishyura iki gitego ku munota wa 34 ku ishoti rikomeye Elie Tatou yatereye inyuma y’urubuga rw’amahina. Amakipe yagiye kuruhuka ari 1-1.

Rayon Sports mu gice cya kabiri yakozemo impinduka, Kalisa Rashid asimbura Muhire Kevin.

Izi mpinduka yayifashije ndetse biyiha igitego ku munota wa 64 cyatsinzwe na Aruna Moussa Madjaliwa.

Luvumbu yaje gutsinda igitego cya gatatu kuri penaliti ku munota wa wa 87, hari nyuma y’ikosa Muvandimwe JMV yakoreye Ojera mu rubuga rw’amahina.

Mvuyekure Emmanuel winjiye mu kibuga asimbura Iraguha 3,yatsindiye Rayon Sports agashinguracumu mu minota y’inyongera y’umukino. Umukino warangiye ari 4-1.

APR FC nayo yikuye i Ngoma aho yatsindiye Muhazi United 2-1. Ibitego bya APR FC byatsinzwe na Victor Mbaoma na Kwitonda Alain Bacca

Gahunda y’umunsi wa 10

Ku wa Gatanu tariki ya 3 Ugushyingo 2023

Police FC 1-0 Gorilla FC

Ku wa Gatandatu tariki ya 4 Ugushyingo 2023

Marines FC 1-0 Amagaju FC
Rayon Sports 4-1 Mukura VS
Muhazi United 1-2 APR FC
Musanze FC 1-0 Kiyovu Sports

Ku Cyumweru tariki ya 5 Ugushyingo 2023

Etoile del’Est vs Gasogi United
AS Kigali vs Sunrise FC
Etincelles vs Bugesera FC

Kuri uyu wa 05 ugushyingo 2023, umuhanzikazi ADA araza gufata amajwi n’amashusho y’indirimbo ze 4 zigize umuzingo wa Gatatu ndetse agasubiramo zimwe mu ndirimbo ze zo mu bihe bitambutse.

Nk’uko Isi turimo isaba guhanga udushya, ifoto iteguza ibi birori byo gufata amajwi n’amashusho (Live recording) igaragaza abantu 11 bose bazafasha ADA bapanze mu buryo ikipe ipangwa ndetse n’umutoza mukuru ADA.

Mu kiganiro InyaRwanda yagiranye na Manager wa ADA, Sam akaba ari n’umugabo we yasobanuye ko ibi birori bizaba ari akataraboneka anahishura indirimbo bazafata amajwi.

Sam yagize ati “Iyi live recording niy’indirimbo 4 zibanziriza izindi zizaba zigize umuzingo wa gatatu w’umuririmbyi Ada. Gusa muri iri fatamajwi n’amashusho, hazavugururwa na zimwe mu ndirimbo zo muri album ya mbere harimo iyitwa *Witinya* ifatwa nk’imwe mu ndirimbo zubahiriza ikirere cy’Umwuka wera.”

Uretse kuba kandi bagiye gufata amajwi y’izo ndirimbo enye, ADA n’umuryango we bari mu byishimo byinshi byo kwibaruka nk’uko Sam yabitwemereye agahishura n’amazina bise umwana wabo.  

Sam yemeje ayo makuru ati “Nibyo Ada amaze amezi 5 yibarutse umwana wa kabiri twamwise Umwiza Anayah Joanna. Umwana ameze neza cyane turashima Imana.”

Agaruka ku muziki we, Sam yahishuye ko impamvu Ada atari aherutse gusohora indirimbo nshya ari uko yari arwaye bihurirana n’uko kandi yari aherutse kwibaruka. Ibyo byose byatumye atabasha gukomeza gukora umuziki ku muvuduko wo hejuru.

Yagize ati “Nibyo Ada ntiyari aherutse gusohora indirimbo nshya bitewe nuko yamaze iminsi arwaye ndetse yakira agasanga akazi kenshi kamutegereje bityo kubona umwanya uhagije wo gukora indirimbo mu buryo bwiza bikamugora, wibuke ko nk’umugore aba afite izindi nshingano z’urugo. Ndetse zimwe muri izi ndirimbo agiye gukora zari zimaze imyaka irenga 2 ziri muri studio ariko akabura umwanya wo kuzisoza.”

Agaruka kuri iki gitaramo kizafatirwamo amashusho, Sam yatangaje ko impamvu bahisemo kumenyekanisha igitaramo cyabo bakoresheje uburyo bwo gupanga abaririmbyi nk’ikipe y’umupira w’amaguru, yavuze ko ikigambiriwe ari ugushyira hamwe nk’ikipe kugira ngo bakore ibidasanzwe.

Yabisonuye ati “Igitaramo cyose kigomba kuba gifite umwihariko wacyo, cyane cyane iyo giteguwe n’inararibonye. Kuba Poster yacyo ikoze muri buriya buryo bwa line up z’abakinnyi ni urugero rwiza rwo kugaragaza Teamwork aribyo gukorera hamwe, abantu buzuzanya,ahubwo si 11 nk’uko ubivuze ni 12 na Ada arimo bakaba buzuye umubare w’abigishwa ba Yesu.”

Nyuma yo gusobanura impamvu, Manager wa Ada twamubajije impamvu bahisemo kubahagarika nk’ikipe y’umupira w’amaguru aho kubahagarika ku murongo umwe ko n’ubundi bakomeza kuzuza inshingano zabo nk’uko byari biteganyijwe hanyuma avuga ko buri wese agomba kuba ari mu mwanya we akamenya inshingano afite mu ikipe kugira ngo bakorere hamwe.

Yagize ati “Nuko wenda bamwe muri bo badasanzwe bazwi cyane, ariko buriya mu izamu na ba myugariro hari abacuranzi hagati mu kibuga n’imbere hakaba abaririmbyi bazwi nkaba backing vocalist byumvikana nyine ko baba bunganira umu Lead. Indi mpamvu wenda navuga yarigenderewe ni ugukuraho karande yo kutamenyekana kwa hafi y’abacuranzi nabo baririmbyi aho usanga niyo bagiye kubafata amashusho bafotora ibiganza cyangwa ibirenge gusa. Njye mbifata nk’akarengane.”

Ibi birori byo bizaba kuri iki Cyumweru tariki ya 05 Ugushyingo 2023 muri Nazareni Church i Rubavu.

ADA agiye gufata amashusho y’indirimbo 4 zibanziriza izindi zizaba zigize umuzingo wa Gatatu

Ada yari amaze iminsi adakora umuziki cyane kubera uburwayi ndetse no kubyara

Ubusanzwe Ada akunda umupira w’amaguru akaba ariyo mpamvu byamworoheye gukora ikipe y’abazamufasha

Bapanze nk’ikipe y’umupira w’amaguru 

Asanzwe ategura amarushanwa ya Rwanda Global Top Model na Miss Global Beauty Rwanda agamije gufasha Abanyarwanda benshi kwitabira amarushanwa Mpuzamahanga.

Imibare igaragaza ko amaze kohereza abakobwa batandatu mu bikorwa bitandukanye Mpuzamahanga byubakiye mu mideli n'ubwiza.

Ndekwe yaherukaga guserukira u Rwanda muri Miss Globe World 2020, aho yabashije kuboneka mu bakobwa batanu bavuyemo Nyampinga ndetse abasha no kwegukana ikamba ry'igisonga cya kane.

Ndekwe Paulette yabwiye InyaRwanda ko ashima Imana yamubashije gutsindira guserukira u Rwanda. Yavuze ati 'Ndashimira Imana kuko Miss Cosmo World n'irushanwa bitoroshye na gato kuba wahagariramo Igihugu cyawe.'

'Nitegura gukora cyane nkahagararira Igihugu cyanjye neza, harimo gusenga cyane kuko Imana niyo igena ahazaza h'umuntu.'

Yasabye Abanyarwanda kuzamushyigikira muri iri rushanwa, kuko abakobwa bahatanye barashoboye. 

Ati 'Abakobwa bose tuzahatana barashoboye icyo nsaba abanyarwanda ni ukunshyigikira mu buryo bw'imbuga nkoranyambaga bagakurikirana igikorwa kuko mu bumenyi maze kugira mu marushanwa mpuzamahanga gushyigikirwa bigira umumaro kandi abanyarwanda turi hasi cyane kuri iki cyiciro bituma bamwe banabiburiramo amahirwe. Ibindi ni ingeno ry’Imana icyo nijeje abanyarwanda ni ukubahagararira neza.'

Miss Cosmo World ni irushanwa ryashinzwe na Miss Carrie Lee ukomoka Muri Malaysia usanzwe ufite ikamba rya Miss Cosmo Chinese 2004. Rigamije gushyigikira no guteza imbere umwana w'umukobwa wese uryitabiriye.

Ni ku nshuro ya Gatandatu rigiye kuba. Umukobwa uzaba Miss Cosmo World azasimbura umunya-Philippines umaze umwaka yambaye iri kamba.

Mu guhitamo abakobwa bemerewe guhatana muri iri rushanwa, hagendewe ku bwiza, ubwenge n'uburyo umukobwa agaragara.

Ndekwe Paulette yatsindiye guserukira u Rwanda muri Miss Cosmo World 2023

Ndekwe yasabye gushyigikirwa muri iri rushanwa azahuriramo n'abandi bakobwa

Ndekwe yijeje Abanyarwanda kuzitwara neza muri irushanwa rizabera muri Malaysia