Webrwanda Backend

Category: Uncategorized

  • Prince Kid nafatwa azashyikirizwa gereza afun… – #rwanda #RwOT

    Ku itariki 13 Ugushyingo 2023, iminsi 30 yuzuye Prince Kid adatanze ubujurire kandi n'umunyamategeko we Emelyne Nyembo yavuze ko umukiriya we atigeze amwegera ngo atange ubujurire.

    Nyembo avuga ko we adashobora gutanga ikirego atabivuganye n'umukiriya we kuko ntabwo amuhagarariye mu mategeko ahubwo akora icyo umukiriya we yamubwiye.

    Ku itariki 13 Ukwakira 2023 Urukiko rukuru rwahamije Prince Kid ibyaha bibiri; Gukoresha undi imibonano mpuzabitsina ku gahato n'icyaha cyo gusaba cyangwa gukoresha ishimishamubiri rishingiye ku gitsina. 

    Umwanzuro wasomwe kuva saa saba n'igice kugeza saa munani na 20 akatirwa gufungwa imyaka 5 n'ihazabu ya miliyoni 2 Frw. 

    Umuvugizi Wungirije wa Guverinoma y'u Rwanda, Alain Mukuralinda B. yabwiye Max Tv ko Prince Kid iyo atanga ikirego cy'ubujurire yari gukomeza akidegembya kuko ntabwo yari gufatwa ngo afungwe. 

    Aragira ati: 'Niba atarajuriye, urubanza rwabaye itegeko, nafatwa azashyikirizwa gereza cyangwa se we yishyikirize gereza'. 

    Yakomeje avuga ko iyo udahari hatangwa impapuro zo kugufata. Ati: 'Ibihugu byinshi biri muri Interpol. Abatorotse ubutabera, abatarashyize mu bikorwa ibihano bahawe bashyirirwaho impapuro zibata muri yombi'.

    PRINCE KIDE YAHAMIJWE IBYAHA 2 AKATIRWA GUFUNGWA IMYAKA 5 N’IHAZABU YA MILIYONI 2 FRW

    Bwana Alain Mukuralinda B. yongeyeho ko kuba Prince Kid yarahawe igihano cy'imyaka 5 gisaza iyo imyaka 10 ishize. Itegeko rivuga ko igihano cy'igifungo kigira agaciro kuva ku mwaka umwe kugeza kuri 5 iyo ishize kirasaza. 

    Noneho kigata agaciro cyangwa se kigasaza mu myaka 10. Ni kimwe n'icyaha nacyo kirasaza usibye ibyaha bya Genocide n'ibyaha byibasiye inyoko muntu ni byo bidasaza, ariko ibindi byose birasaza.

    Habaho ubuzime bw'icyaha cya Prince Kid

    Alain Mukuralinda yavuze ko umushinjacyaha umukurikiranyeho ibyaha bibiri mu myaka 10 hakozwe inyandiko zitesha agaciro ubusaze bwa biriya byaha imyaka yahawe ntabwo isaza. 

    Kuri iyi ngingo yasobanuye ko kuba icyaha cyasaza bidakuraho ko uwabihamijwe yabaye umwere ahubwo 'Icyaha kiba cyashaje'. 

    Yongeyeho Ubushinjacyaha buramutse buketse ahantu hose Prince Kid ari hagatangwa 'an acte', kwa gusaza kongera kubarwa uhereye wa munsi hatanzweho impapuro zitesha agaciro ubusaze bw'ibyaha.

    Kugeza ubu icyaha cya ruswa n'icyaha cya Jenoside ni bimwe mu byaha bitajya bisaza igihe cyose uwakoze ibi byaha ashobora kugezwa imbere y'ubutabera agakurikiranwa.

    Ni ryari bavuga ko icyaha cyashaje, iyo gishaje bigenda gute, ni ibihe byaha bisaza n'ibidasaza?

    Nk'uko ibinyabuzima bisaza, ibyaha na byo bimwe birasaza ababikoze amategeko akaba atagifite ububasha bwo kubakurikirana rimwe na rimwe ibihano byatanzwe na byo bishobora gusaza ababihawe batabirangije. 

    Gusa hari n'ibyaha bidasaza haba ku ikurikiranacyaha ndetse no ku bihano inkiko ziba zaratanze aho uwabikoze wese igihe cyose aba ashobora kubiryozwa.

    Ibyaha 4 mu Rwanda ni byo bidasaza kugeza ubu

    Mu Rwanda ibyaha bidasaza ni ibyaha 4 ari byo: Icyaha cya Jenoside, icyaha cya ruswa, ibyaha by'intambara n'icyaha cyibasiye inyokomuntu.

    Ibi byaha 3 ari byo icyaha cya Jenoside, ibyaha by'intambara n'ibyaha byibasiye inyokomuntu byitwa 'Core Crimes' mu Cyongereza. 

    Amategeko mpuzamahanga anateganya ko uwabikoze n'ubwo ataba yarashyize umukono ku masezerano mpuzamahanga ashyiraho urukiko mpuzamahanga mpanabyaha (ICC) igihe yakoze ibi byaha urukiko rufite ububasha bwo kumukurikirana igihe cyose afatiwe.

    Ku bakatiwe n'inkiko badahari cyangwa bagakatirwa bagatoroka batarangije igihano igihe cyose bafashwe ubusaze bw'ibyaha buba ku bindi byaha aha ntabwo bukurikizwa kuko ni ibyaha bidasaza.

    N'ubwo biriya byaha 3 byashyizwe mu byaha bidasaza haba mu Rwanda no mu mategeko mpuzamahanga, mu Rwanda ho hiyongereyeho n'icyaha cya ruswa mu rwego rwo guhangana n'ubukana bwa ruswa.

    Uketsweho icyaha cya ruswa no kunyereza umutungo wa Leta cyangwa se waburanishijwe n'inkiko ntabashe kurangiza igihano igihe cyose aterewe muri yombi, aba ashobora kugezwa imbere y'inkiko agakurikiranwa cyangwa akajya kurangiza igihano yakatiwe hatitawe ku gihe gishize icyo cyaha gikozwe cyangwa akatiwe n'inkiko.

    Ubusaze bw'ibindi byaha uko bubarwa

    Ushobora kuba warakoze icyaha ubushinjacyaha ntibugeze ikirego imbere y'urukiko ngo butange ikirego cy'ikurikiranacyaha. Ingingo ya 6 y'itegeko Nº 027/2019 ryo ku wa 19/09/2019 ryerekeye imiburanishirize y'imanza z'inshinjabyaha iteganya ko uretse ibyaha bidasaza biteganywa n'amategeko, ikirego cy'ikurikiranacyaha ku bindi byaha gisaza mu bihe bikurikira:

    1° Mu gihe cy'imyaka icumi (10) yuzuye ku byaha by'ubugome.

    2° Mu gihe cy'imyaka itatu (3) yuzuye ku byaha bikomeye.

    3° Mu gihe cy'umwaka umwe (1) wuzuye ku byaha byoroheje.

    Aha kugira ngo wumve neza igihe giteganywa ku busaze bw'ibyaha, reka tugufashe gutandukanya ibyaha n'ibyiciro birimo.

    Icyaha cyoroheje (Petty Offence): Ni icyaha itegeko rihanisha gusa igihano cy'iremezo cy'igifungo kitageze ku mezi atandatu (6), icy'ihazabu cyangwa igihano cy'imirimo y'inyungu rusange.

    Icyaha gikomeye (Misdemeanour): Ni icyaha itegeko rihanisha igihano cy'iremezo cy'igifungo kitari munsi y'amezi atandatu (6) ariko kitarenze imyaka itanu (5).

    Icyaha cy'ubugome (Felony): Ni icyaha itegeko rihanisha igihano cy'iremezo cy'igifungo kirenze imyaka itanu (5) cyangwa igifungo cya burundu.

    Mu bindi, itegeko riteganya ko ubusaze bw'ikirego cy'ikurikiranacyaha butangira kubarwa guhera ku munsi icyaha cyakoreweho iyo muri icyo gihe nta bikorwa by'iperereza cyangwa iby'ikurikiranacyaha byigeze bikorwa.

    Ku byerekeye ibyaha bikozwe ako kanya kandi bidakomeza, igihe cy'ubusaze bw'ikirego cy'ikurikiranacyaha gitangira kubarwa ku munsi icyaha gikoreweho.

    Ku byerekeye ibyaha by'imaragihe, igihe cy'ubusaze bw'ikirego cy'ikurikiranacyaha gitangira kubarwa uhereye igihe icyo gikorwa cyarangiriye.

    Ku byerekeye ibikorwa byinshi bigamije irangiza ry'umugambi wo gukora icyaha, igihe cy'ubusaze bw'ikirego cy'ikurikiranacyaha, gitangira kubarwa ku munsi igikorwa cya nyuma kigize icyaha cyakoreweho.

    Aha n'ubwo ubusaze bw'icyaha buteganywa, hashobora no kubaho irengayobora nk'uko biteganywa n'ingingo ya 9 y'itegeko Nº 027/2019 ryo ku wa 19/09/2019 ryerekeye imiburanishirize y'imanza z'inshinjabyaha;

    Rivuga ko Ubusaze bw'ikirego cy'ikurikiranacyaha busubikwa igihe cyose iperereza cyangwa Ikurikiranacyaha ribujijwe n'inkomyi ntarengwa, iturutse ku itegeko cyangwa ku nzitizi itigobotorwa.

    Iyo inzitizi ivuyeho, ubusaze bwari bwarasubitswe bukomeza kubarwa guhera ku munsi iyo nzitizi yaviriyeho. Ikirego cy'indishyi zikomoka ku cyaha gisaza nyuma y'imyaka itanu (5) uhereye igihe icyaha cyakorewe.

    Icyakora, iyo igihe cy'ubusaze bw'ikirego cy'indishyi kigeze mbere y'ubusaze bw'ikirego cy'ikurikiranacyaha, ikirego cy'indishyi gisazira hamwe n'ikirego cy'ikurikiranacyaha.

    Ese ubusaze bugenda gute ku gifungo?

    Ushobora kuba warakatiwe igihano kikaba cyasaza igihe utabashije kukirangiza bitewe n'impamvu zitandukanye. Aha na ho amategeko ateganya ubusaze no kudasaza kw'igihano uwahamijwe ibyaha n'inkiko yakatiwe.

    Nk'uko biteganywa n'ingingo ya 75 mu gitabo cy'amategeko giteganya ibyaha n'ibihano muri rusange cya 2018, igihano cy'igifungo cyatanzwe kitageze ku mezi 6 gisaza mu gihe cy'imyaka ibiri (2).

    Igihano cy'igifungo kingana cyangwa kirenze amezi atandatu (6) ariko kitarenze imyaka itanu (5) gisaza mu gihe cy'imyaka 10.

    Igihano cy'igifungo kirenze imyaka itanu (5) ariko kitari icya burundu gisaza mu gihe cy'imyaka 20. Igihano cy'igifungo cya burundu ku byaha bisaza, gisaza mu gihe cy'imyaka mirongo itatu (30).

    Aha icyo wamenya cy'ingenzi ni uko igihano cy'igifungo cyatanzwe ku byaha twabonye hejuru bidasaza na cyo kidasaza. Ikindi iyo wakatiwe n'inkiko ugatoroka ukihisha ubutabera igihe cy'ubusaze bw'igihano kiba gihagaritswe kubarwa kikazasubukurwa igihe ugarukiye.

    Iminsi 30 yashize Prince Kid atajuririye umwanzuro w’urukiko rukuru wo gufungwa imyaka 5 

    Prince Kid ari kugarukwaho nyuma yo gukatirwa igifungo cy’imyaka 5 n’ihazabu ya miliyoni 2 Frw

    Source : https://inyarwanda.com/inkuru/136492/prince-kid-nafatwa-azashyikirizwa-gereza-afungwe-alain-mukuralinda-136492.html

  • Byamuteye kwihisha imyaka 20! Byinshi ku mugo… – #rwanda #RwOT

    Mu buzima bwa buri munsi hari byinshi biba bitangaje birimo n’imiterere y’abantu. Hari igihe haboneka umuntu uteye ukwe gutandukanye n’abandi bose ku buryo atangaza abamubonye bose. 

    Ibi nibyo byabaye ku mugore witwa Duangjay Samaksamam wo muri Thailand uvugwaho kuba ari we mugore ku Isi ufite amaboko manini cyane kandi maremare.

    Duangjay Samaksamam w’imyaka 60 y’amavuko uba mu gace ka Surin muri Thailand, afite amaboko manini ndetse n’ibiganza binini cyane bipima toni 1.5 ari nabyo byatumye abaganga bavuga ko ariwe gusa ufite amaboko angana gutya.

    Duangjay Samaksamam umugore ufite amaboko manini cyane ku Isi

    Kuba amaboko ye yaragannye gutya ngo yabitewe n’indwara yavukanye yitwa ‘Macrodystrophia Lipomastosa’ yatumye atangira kubyimba amaboko ye afite imyaka 3 gusa y’amavuko. Uko yakomeje gukura ni na ko amaboko ye yakomeye kubyimba ndetse yanabazwe inshuro 4 bayagabanya gusa ntacyo byatanze.

    Ukugira amaboko manini cyane yabitewe n’indwara yavukanye izwi nka ‘Macrodistrophia Lipomastosa’

    Yabazwe inshuro 4 ngo bagabaye ubunini bw’amaboko ye ariko ntibyayabujije gukomeza kurushaho kuba manini

    Ubwo Duangjay Samskam yarafite imyaka 22 y’amavuko yafashe umwanzuro wo kuguma mu rugo iwabo ntasohoke ngo abantu batamubona kuko byamuteraga isoni ndetse ngo byatumye anava mu ishuri kuko abo biganaga bamuhaga urwamenyo. Ibi byamuviriyemo kumara imyaka 20 atava iwabo yirinda ko hagira umubona.

    Amaboko ya Duangjay Samaksamam apima toni 1.5

    Ngo bitewe n’uko abantu bamusekaga bakanamurangarira cyane byatumye amara imyaka 20 yihishe iwabo atajya ahasohoka

    Daily Mail yatangaje ko mu 2020 aribwo televiziyo yo muri Amerika ikora ku mateka y’abantu bafite ubuzima budasanzwe yitwa ‘TLC’, ariyo yanyujijeho ikiganiro ku buzima bwe, aho yatangaje ko yamaze imyaka 20 yarihishe abantu kuko ngo nukugenda mu muhanda bamusekaga ndetse bakanamurangarira bigatuma yumva adatekanye.

    Avuga ko kugira amaboko manini cyane byatumye agera ku myaka 60 ntamugabo arabona

    Duangjay Samaksmam yatangaje ko kuba yaravukanye iyi ndwara byamugizeho ingaruka zikomeye zirimo nko kuba arinze agira imyaka 60 ntamugabo arabona dore ko avuga ko kuva ari inkumi ntamusore wigeze umutereta. 

    Avuga ko iyi ndwara yamuvukishe amahirwe yo kugira umuryango we ku giti cye ndetse abantu bakaba batamufata nk’abandi.

    Duangjay Samaksaman ni umucuruzi mu gace ka Surin atuyemo

    Kuva ngo yatinyuka agasubira mu ruhame, yahise atangira gukora ubucuruzi bw’ibiribwa aho mu gace atuyemo ka Surin ndetse akaba abufatanya n’umuvandimwe we. 

    Duangjay Samaksman akaba ngo ahanzwe amaso yo kuzajya kwandikwa mu gitabo cy’abanyaduhigo cya ‘Guiness World Records’ nubwo kugeza ubu ntacyo abategura aya marushanwa baratangaza.

    Hitezwe ko Duangjay Smaksamam azandikwa mu gitabo cya ‘Guiness World Records’

    Source : https://inyarwanda.com/inkuru/136489/byamuteye-kwihisha-imyaka-20-byinshi-ku-mugore-ufite-amaboko-manini-cyane-ku-isi-amafoto-136489.html

  • Intambara ya Israel muri Gaza: 'Imbwa zatangiye kurya imirambo mu bitaro' OMS #rwanda #RwOT

    Abantu babarirwa mu bihumbi bashobora kuba baheze imbere mu bitaro bya mbere binini byo muri Gaza kubera imirwano irimo kubera hafi yabyo, mu gihe abategetsi baburiye ko imirambo irimo kubora irimo kwiyongera muri ibyo bitaro.Ibitaro bya Al-Shifa, birimo guhangana n'ikibazo cy'ibura ry'umuriro n'ubucye bw'ibitoro, byabaye 'hafi irimbi', nkuko bivugwa n'ishami ry'Umuryango w'Abibumbye ryita ku buzima (OMS/WHO).

    Umukuru w'ibyo bitaro yavuze ko 'byagoswe', kandi ko imbwa zatangiye kurya imirambo.

    Kuva mu minsi ya vuba aha ishize, agace ko mu nkengero y'ibyo bitaro karimo kuberamo imirwano ikaze.

    Perezida w'Amerika Joe Biden yavuze ko yizeye kubona 'igabanuka ry'igikorwa cyo kwinjirirwa' kw'ibyo bitaro. Yavuze ko 'bigomba kurindwa'.

    Kuva mu minsi ya vuba aha ishize, imirwano yakajije umurego mu mujyi wa Gaza hagati ya Israel n'abarwanyi ba Hamas. Myinshi muri iyo mirwano imaze igihe ibera mu mihanda iri hafi y'ibyo bitaro. Hari amakuru ko ibifaru n'imodoka za gisirikare biri mu ntambwe nkeya uvuye ku irembo ry'ibyo bitaro.

    Israel ishinja Hamas kuba yarashyize ikigo cy'ubuyobozi n'ubugenzuzi bw'imirwano mu miyoboro iri munsi y'ibyo bitaro, ikirego Hamas n'ibyo bitaro bahakana. Israel inashinja Hamas, itegeka Gaza, 'kubuza ko habaho ibisubizo by'ubutabazi'.

    Igisirikare cya Israel cyanavuze ko nubwo hari imirwano hafi y'ibitaro bya Al-Shifa, nta kurasa ku bitaro ubwabyo kurimo kubaho cyangwa ngo bibe byagoswe, kandi ko umuntu uwo ari we wese ushaka kuhava ashobora kugenda.

    Christian Lindmeier, umuvugizi wa OMS, yavuze ko abantu hafi 600 bakiri muri ibyo bitaro, abandi bakaba bikinze mu birongozi by'ibyo bitaro.

    Yagize ati: 'Mu nkengero z'ibitaro hari imirambo idashobora kwitabwaho cyangwa idashobora no gushyingurwa cyangwa ngo ijyanwe ahajya kumera nk'uburuhukiro [morgue].

    'Ibitaro ntibikirimo gukora na busa nkuko byagakwiye kuba bikora. Byabaye hafi irimbi.'

    Minisiteri y'ubuzima igenzurwa na Hamas muri Gaza yavuze ko abantu nibura 2,300 bakiri imbere muri ibyo bitaro — ni ukuvuga abarwayi bagera kuri 650, abakozi bari hagati ya 200 na 500 hamwe n'abantu bagera ku 1,500 barimo gushaka ahantu ho kwikinga.

    Abaganga banavuze ko imirambo irimo gukomeza kwiyongera no kuborera muri ibyo bitaro, ndetse Dr Mohamed Abu Selmia, umuyobozi w'ibitaro bya Al-Shifa, yavuze ko hari imirambo hafi 150 irimo gushanguka (kwangirika), 'igasiga umwuka utari mwiza'.

    Yabwiye BBC ko abategetsi ba Israel bataratanga uruhushya kugira ngo iyo mirambo ikurwe mu bitaro ijye gushyingurwa, ndetse ko imbwa ubu zinjiye mu bitaro zikaba zatangiye kurya imirambo.

    Hari n'impungenge ku buzima bw'impinja zavutse imburagihe zibarirwa muri za mirongo, ubu zitagishobora kugumishwa mu byuma byabugenewe bishyirwamo impinja zavutse imburagihe (bizwi nka incubators) kubera ibura ry'umuriro w'amashanyarazi.

    Dr Selmia yavuze ko zirindwi muri izo mpinja ubu zamaze gupfa kubera kubura umwuka wo guhumeka wa oxygen.

    Yavuze ko ibiganiro byabaye hamwe n'abategetsi ba Israel, mu kugerageza guhungisha izo mpinja, ariko ko nta masezerano yagezweho.

    Mark Regev, umujyanama mukuru wa Minisitiri w'intebe wa Israel Benjamin Netanyahu, yavuze ko Israel irimo gutanga 'ibisubizo bishoboka mu ngiro' byo guhungisha izo mpinja, ariko ashinja Hamas kutemera ibyo byifuzo.

    Yagize ati: 'Ntibafata [ntibakira] ibitoro byatanzwe by'imashini zabo zitanga amashanyarazi. Ntibashyigikiye kuhakurwa kw'izo mpinja zitwawe mu modoka z'imbangukiragutabara [ambulances], rero birumvikana ko zahaheze kuko [Hamas] irashaka ayo mafoto ateye ubwoba.'

    Yanashinje Hamas guhindura ibyo bitaro 'akarere k'intambara', mu kubaka imiyoboro munsi yabyo. Hamas ihakana gukoresha ibi bitaro mu bikorwa byayo, mu gihe abaganga bari imbere muri ibyo bitaro bashimangira ko nta Hamas iri muri ibyo bitaro.

    Hamwe n'ibyo bitaro bya Al-Shifa, ibindi bitaro byo muri Gaza na byo byatangaje ko birimo kugira ibibazo byinshi, birimo ubucye bw'ibikoresho n'umuriro w'amashanyarazi, kubera imirwano no kubera ko Israel yagose Gaza kuva Hamas yagaba igitero muri Israel ku itariki ya 7 Ukwakira (10) uyu mwaka.

    Inkuru ya BBC

    The post Intambara ya Israel muri Gaza: 'Imbwa zatangiye kurya imirambo mu bitaro' OMS appeared first on FLASH RADIO&TV.

    Source : https://flash.rw/2023/11/14/intambara-ya-israel-muri-gaza-imbwa-zatangiye-kurya-imirambo-mu-bitaro-oms/?utm_source=rss&utm_medium=rss&utm_campaign=intambara-ya-israel-muri-gaza-imbwa-zatangiye-kurya-imirambo-mu-bitaro-oms

  • Rayon Sports yasubukuye imyitozo idafite abakinnyi bayo 10 b’inkingi ya mwamba – VIDEWO – YEGOB #rwanda #RwOT

    Nyuma y'ikiruhuko cy'iminsi 5 Rayon Sports yasubukuye imyitozo yabereye kuri SKOL Stadium mu Nzove.

    Mu bakinnyi basubukuye imyitozo harimo harimo Aimable Nsabimana wari umaze ukwezi adakina kubera imvune yo ku ino.

    Abatokoze imyitozo harimo Abdul Rwatubyaye, Ally Serumogo, Isaac Mitima na Kevin Muhire bari mu ikipe y'igihugu y'u Rwanda Amavubi, Aruna Mussa Madjaliwa na Emmanuel Myuyekure bari mu ikipe y'igihugu y'u Burundi Intamba.

    Mu bandi batakoze harimo abafite ibibazo by'uburwayi n'imvune nka; Hadji Iraguha, Rashid Kalisa, Mussa Esenu na Abakar Eid Mugadam.

    🚨AMAKURU AGEZWEHO🚨

    Nyuma y'ikiruhuko cy'iminsi 5 Rayon Sports yasubukuye imyitozo yabereye kuri SKOL Stadium (Nzove).

    Mu bakinnyi basubukuye imyitozo harimo harimo Aimable NSABIMANA wari umaze ukwezi adakina kubera imvune yo ku ino.

    Abatokoze imyitozo harimo Abdul… pic.twitter.com/EaQDjb9lSM

    — Rayon Sports Official (@rayon_sports) November 13, 2023

    Source : https://yegob.rw/rayon-sports-yasubukuye-imyitozo-idafite-abakinnyi-bayo-10-binkingi-ya-mwamba/

  • “Narabiboneye kuri St Famille, ubashyize mu gaseke ugapfundikira umutemeri ntiwanyeganyega” Mutesi Scovia atewe impungenge n’ubugufi bw’abakinnyi b’ikipe y’igihugu Amavubi [videwo] – YEGOB #rwanda #RwOT

    'Narabiboneye kuri St Famille, ubashyize mu gaseke ugapfundikira umutemeri ntiwanyeganyega' Mutesi Scovia atewe impungenge n'ubugufi bw'abakinnyi b'ikipe y'igihugu Amavubi.

    Umunyamakuru Mutesi Scovia atewe impungenge n'igihagararo cy'abakinnyi b'ikipe y'igihugu Amavubi.

    Mu kiganiro cya mu gitondo cyo kuri BB Fm, Scovia yavuze ko abakinnyi b'Amavubi nta gihagararo gihagije bafite aho yatanze urugero rw'ubashyize mu gaseke batakwikuramo.

    Asaba ko bashaka abakinnyi b'igihagararo gihagije kandi bakanganye.

    VIDEWO

    #Umunzani

    Scovia atewe impungenge n’igihagararo cy’abakinnyi b’#Amavubi#SimplySports pic.twitter.com/bViwPlRAb2

    — B&B FM-Umwezi (@bbfmumwezi) November 14, 2023

    Source : https://yegob.rw/narabiboneye-kuri-st-famille-ubashyize-mu-gaseke-ugapfundikira-umutemeri-ntiwanyeganyega-mutesi-scovia-atewe-impungenge-nubugufi-bwabakinnyi-bikipe-yigihugu-amavubi-videwo/

  • Umukozi w'Imana ukuri muto yagiye imbere y'iteraniro yerekana umukobwa yihebeye atanga gasopo kubakobwa bamwifuzaga #rwanda #RwOT

    Pasiteri Andrew Jengo , yagiye imbere y'iteraniro agaragaza umukunzi we, ahagarika ibihuha n'abakobwa bamwifuzaga.

     

    Byari ibyishimo bikomeye kubayoboke b'Itorero ryitwa Revival Church  riherereye mu gace ka Kawaala muri Uganda, aho umukuru waryo Pasiteri Andrew Jengo yakuye igihu kumaso y'abakirisitu be, akabereka umukunzi we.

     

     

    Uyu muhungu wa Pasiteri Augustine Yiga , akimara kwerekana umukunzi we, abayoboke baramushimiye cyane , bavuga ko umugeni we ari mwiza cyane ndetse bamubwira ko yahisemo neza, bagaragaza ko uyu mwanzuro yashe utazatuma yicuza.

     

    Uyu musore kandi mu rwego rwo guha gasopo abakobwa , yahise ategura ikirori cyo kwereka inshuti n'abavandimwe be ko yahisemo umukobwa mwiza , ari we yavuze ko yifuza ko yazamubera umugore ndetse anamwambika impeta.

    Uyu mukozi w'Imana, yavuze ko akwiriye guhesha ishema umukunzi we, bagahita bakora ubukwe bakibanira akaramata na cyane ko ngo we abyiteguye.

     

    Yagize ati:'Hanze ha hari amagambo menshi atandukanye y'ibihuha.Abantu bakomeje kunshyingira abakobwa benshi ariko nanjye nkaguma kubihakana ariko amakuru agiye hanze iki cyumweru yo sinzigera nyahakana.Hari igihe kigera umuntu agakura kandi ndakeka ko ndambiwe kuba 'Semyekozo' [Umusore udashaka gukora ubukwe]'.

     

    Uyu musore yavuze ko yakundanye na Fifi {Uyu mukobwa yerekanye] , mu myaka 5 ashimangira  ko ubukwe bwabo buzaba umwaka utaha tariki 23 Ugushyingo 2024.

    The post Umukozi w'Imana ukuri muto yagiye imbere y'iteraniro yerekana umukobwa yihebeye atanga gasopo kubakobwa bamwifuzaga appeared first on The Custom Reports.

    Source : https://thecustomreports.com/umukozi-wimana-ukuri-muto-yagiye-imbere-yiteraniro-yerekana-umukobwa-yihebeye-atanga-gasopo-kubakobwa-bamwifuzaga/

  • Covid-19 yatumye ahitamo kubyara umwana ! Karole Kasita yavuze ko ubwigunge bwa Guma Murugo aribwo bwatumye abyara #rwanda #RwOT

    Umuhanzikazi Karole Kasita yemeje ko muri 2020 aribwo yagize igiterekezo cyo kwibaruka nyuma yo kubona ari wenyine.

     

    Mu kiganiro yagiranye na Galaxy Tv , mu kiganiro cyitwa  'Deep Talk Show'  gikorwa na 'The Balance', uyu mugore yahishuye ko kuba wenyine aribyo byatumye ahitamo gutwita akabayara umwana.Uyu muhanzikazi wabyize uburwayi yagaragaje ko yahise agira igitekerezo cyo kubyara.

     

     

    Kasita yagaragaje ko akimara gufata uwo mwanzuro ngo amahirwe yaje amusekera yose, yayakije yombi ubundi agahita atwita.Yagize ati:'Niyumvisemo ko ngomba gutwita byanga bikunze,Lockdown , yatumye numva nshaka kubyara.

     

    Nari njyenyine noneho nkavuga nti, ibaze ngize umwana, ntabwo nakongera kuba njye nyine muri iyi Guma Murugo, naravuze ngo Imana impe amahirwe ihita ibikora'.

     

    Yakomeje asobanura ko agomba gukomeza kubigumana ngo na cyane ko yizeraga ko ashobora kuzaba umuhanzi ukomeye nyuma y'aho gusa avuga ko niba ari ugukura agomba kuzakurana n'umuryango we.ti:'Nashakaga umwana cyane'.

     

    Abajijwe impamvu yise umwana we King, yavuze ko mu by'ukuri, yabuze amagambo yakoresha kugira ngo agaragaze urukundo uwo mwanya we ahitamo kumuha izina King.

    Ati:'Ni umwami kuko ni we usobanuye byinshi kuri njye.Niwe mwami wanjye akaba n'umuyobozi wanjye kuko kuri ubu ibyo nkora byose mbikorera we'.

    The post Covid-19 yatumye ahitamo kubyara umwana ! Karole Kasita yavuze ko ubwigunge bwa Guma Murugo aribwo bwatumye abyara appeared first on The Custom Reports.

    Source : https://thecustomreports.com/covid-19-yatumye-ahitamo-kubyara-umwana-karole-kasita-yavuze-ko-ubwigunge-bwa-guma-murugo-aribwo-bwatumye-abyara/

  • Perezida Kagame yasabye abahawe inshingano mu butabera kudasumbanya abanyarwanda #rwanda #RwOT

    Mu muhango wo kwakira indahiro z'abakora mu nzego zitandukanye z'ubutabera, perezida Kagame yabibukije ko akazi bakora karemereye abasaba kudasumbanya abaturarwanda.

    Umukuru w'igihugu yavuze ko abantu aho bari amakosa ahaba, ikingenzi ari ukugabanya ibitabereye ubuzima bw'abantu.

    Mu barahijwe harimo:

    ▪︎Jean-Bosco Kazungu, Umucamanza mu Rukiko rw'Ikirenga

    ▪︎Isabelle Kalihangabo, Umucamanza mu Rukiko rw'Ikirenga

    ▪︎Xavier Ndahayo, Umucamanza mu Rukiko rw'Ubujurire

    ▪︎Angeline Rutazana, Umucamanza mu Rukiko rw'Ubujurire

    ▪︎Jean-Pierre Habarurema, Perezida w'Urukiko Rukuru

    ▪︎Consolée Kamarampaka, Umunyamabanga Mukuru wungirije wa RIB.

    Perezida Kagame yibukije aba bayobozi mu butabera barahiye ko nabo batari hejuru y'amategeko.

    The post Perezida Kagame yasabye abahawe inshingano mu butabera kudasumbanya abanyarwanda appeared first on FLASH RADIO&TV.

    Source : https://flash.rw/2023/11/14/perezida-kagame-yasabye-abahawe-inshingano-mu-butabera-kudasumbanya-abanyarwanda/?utm_source=rss&utm_medium=rss&utm_campaign=perezida-kagame-yasabye-abahawe-inshingano-mu-butabera-kudasumbanya-abanyarwanda

  • Wa mugabo w’i Rubavu wahinduye inzu ye urusengero, aravugwaho andi mabi yo gusenga yashoye intoki ze mu bitenge by’abagore basengana – YEGOB #rwanda #RwOT

    Bamwe mu baturage bo mu Murenge wa Nyamyumba mu Karere ka Rubavu, ntibumva impamvu ubuyobozi burebera umugabo wahinduye urugo rwe urusengero rusengera abagore ndetse bamwe akaba ashobora kuba abasambanya, kuko hari ababona abasengera abakabakaba mu myanya y'ibanga.

    Aba baturage basobanura uko uru rugo rwahinduwe urusengero dore ko nyirarwo ngo yacukuye ibyobo mu nzu abatirizamo abayoboke be.Kugira ngo ugere kuri uru rugo rwahinduwe urusengero, bisaba umuntu kuzamuka impinga y'umusozi uherereye mu Mudugudu wa Rambo mu Kagari ka Kiraga mu Murenge wa Nyamyumba.

    Umwe mu baturage, yabwiye RadioTv10 dukesha iyi nkuru ko bafite impungenge ko iby'uru rusengero bizavamo ibindibindi, nyamara batarahwemye kubigaragaza.

    Ati 'Nk'ubu ejobundi nahamagaye Mudugudu ngo bari gusenga akoragura abadamu n'abakobwa ku mabere no ku mabuno kandi nzi ko ibyo bitemewe, mudugudu aransubiza ngo 'reka nze' ariko bwira atahageze, mpamagara ushinzwe umutekano nawe ati 'ndaje' ariko bwira atahageze.'

    Uyu muturage avuga ko n'umugore we yagiye kuhasengera, none ubu akaba yaramumutwaye kuko yahise amutera umugongo.

    Ati 'Umugore wanjye akimara kumuyoboka kumusengera twahise dutandukana ahubwo asigaye ajya kuri uwo pasiteri akararayo bugacya. Ubu mbayeho njyenyine pasiteri yanjyaniye umugore.'

    Aba baturage bakomeza bagaragaza ko batewe impungenge n'uko uru rugo rwahinduwe urusengero rusengamo cyane abagore n'abakobwa icyarimwe no kubasambanya ngo runagira uruhare mu guta ishuri cyane ku bana b'abakobwa.

    Undi ati 'Yajyaga amunyereka kuri nimero akaduhuza nyine birangira tubanye no mu rugo batabizi kuko nigaga muwa gatanu (w'amashuri abanza kuko ubu uyu afite imyaka 18) amvanamo.'

    Umunyamabanga Nshingwabikorwa w'Umurenge wa Nyamyumba, Nkurunziza Faustin, avuga ko uyu mukozi w'Imana yashyikirijwe Urwego rw'Ubugenzacyaha batari bazi ko yarekuwe cyangwa ko uru rusengero rwe rugikora.

     

    Source : https://yegob.rw/wa-mugabo-wi-rubavu-wahinduye-inzu-ye-urusengero-aravugwaho-andi-mabi-yo-gusenga-yashoye-intoki-ze-mu-bitenge-byabagore-basengana/

  • Akina UEFA Europa League: Umuzamu uje gucungura Amavubi no kwicaza ba Kwizera Olivier na Fiacre yamaze kugera i Nyarugenge – YEGOB #rwanda #RwOT

    Akina UEFA Europa League: Umuzamu uje gucungura Amavubi no kwicaza ba Kwizera Olivier na Fiacre yamaze kugera i Nyarugenge.

    Maxime Wenssens ,Umuzamu w'ikipe ya Royal Union Saint Gilloise yageze mu Rwanda aje gukinira Amavubi imikino yo gushaka itike y'igikombe cy'isi.

    Mu ijoro ryo kuri uyu wa mbere nibwo byamenyekanye ko uyu musore yageze mu Rwanda, aho yahamagawe mu ikipe y'igihugu Amavubi yitegura imikino 2 ya Zimbabwe na Afurika y'epfo, uyu musore akaba yiyongereye kuri Thierry Musabyimana na Hendricks Yves Mutamuliza, nabo bahamagawe bwa mbere mu ikipe y'igihugu y'u Rwanda.

    Maxime Wenssens asanzwe Akinira ikipe ya Union Saint Gilloise iri ku mwanya wa mbere muri Shampiona y'icyiciro cya mbere mu Bubiligi nubwo atarabasha kubona umwanya wo gukina.

    Source : https://yegob.rw/akina-uefa-europa-league-umuzamu-uje-gucungura-amavubi-no-kwicaza-ba-kwizera-olivier-na-fiacre-yamaze-kugera-i-nyarugenge/